This document is also available in English. AGTERGROND INLIGTINGSDOKUMENT

Transcriptie

1 This document is also available in English. AGTERGROND INLIGTINGSDOKUMENT BASIESE OMGEWINGSIMPAKBEPALINGSPROSES: VOORGESTELDE UITBREIDING VAN PAKSTOOR, VAN LOVEREN WYNLANDGOED (GEDEELTE 7 VAN PLAAS 121), ROBERTSON BolandEnviro projek: E12/2/3/1 - B1/ /08 MAART AGTERGROND EN KONTEKS Die Van Loveren Trust ( die Ontwikkellaar ) stel voor die uitbreiding van bestaande pakstore en verpakkingsfasiliteite op Gedeelte 7 van 121, Goudmyn Zuid (Van Loveren Wynlandgoed), Robertson. Die Van Loveren Wynlandgoed ( die Landgoed ) is in die Goudmyn landelike gebied binne die Breërivier/ Wynland like Munisipale Area van die Wes-Kaap geleë (sien Figuur 1). Die Landgoed bestaan uit die funksionele amalgamasie van 14 afsonderlike kadastrale eiendomme. Uitbreiding van bestaande fasiliteite word op slegs een van hierdie 14 eiendomme voorgestel, naamlik op Gedeelte 7 van 121 (33 52'29.43"S; 20 00'06.76"O). 121/7 ( die Eiendom ) is op die noordelike oewer van die Breërivier, ongeveer 6.5 km suid-wes van Ashton, 12 km noord-wes van Bonnievale, en 13 km suid-oos van Robertson, geleë. Die Eiendom bestaan uit n enkele gedeelte grond, 2.38 hektaar in omvang (sien Figuur 2). Die Goudmyn gebied is n belangrike en goed-gevestigde wynbou en wyn-toerisme gebied in die Breërivier/ Wynland streek. Grondgebruik op die eindomme omliggend aan die Landgoed word deur bewerkte landerye, wingerde, en gepaardgaande wynproduksie-infrastruktuur oorheers. Die volgende eiendomme is aangrensend tot die Eiendom geleë: 191 (ten weste), 190 (ten noorde) en 121/8 (ten ooste). Grondgebruik op aldrie hierdie eiendomme bestaan hoofsaaklik uit bewerkte landerye, wingerdbou en wynkelders. Die Breërivier en gepaardgaande oewer-plantegroei is onmiddellik ten suide van die Eiendom geleë. 126/R is verder suid, aan die oorkant van die Breërivier, geleë. Grondgebruik op 126/R bestaan uit bewerkte landerye en naturlike veld. Toegang tot die Eiendom word tans deur middel van n verharde grondpad vanaf Hoofpad 287 verkry. Hoofpad 287 is n teerpad wat Robertson en Bonnievale met mekaar verbind. Van Loveren Wynlandgoed Pakstoor-uitbreiding, 121/7, Robertson, E12/2/3/1-B1/ /08 Bladsy 1 van 8

2 Van Loveren Farm 121/7 Figuure 1: Ligging van die Van Loveren Wynlandgoed op 121/7, Robertson (wit ster). (bron: 1: topografiese kaart). 119/9 190 Breëriver 191 Voorgestelde uitbreiding 263 Bestaande pakstoor Van Loveren 121/7 121/8 MR Figuur 2: Ligging van die voorgestelde uitbreiding van die Van Loveren Wynlandgoed pakstoor-fasiliteite (lugfoto). Die bestaande pakstoor verskyn in wit en die voorgestelde uitbreiding in wit buitelyn (bron: Google Earth). Van Loveren Wynlandgoed Pakstoor-uitbreiding, 121/7, Robertson, E12/2/3/1-B1/ /08 Bladsy 2 van 8

3 Boland Omgewingskonsultante ( BolandEnviro CC ) is deur die Ontwikkellaar as onafhanklike omgewingskonsultant aangestel om n Omgewingsimpakbepaling ( OIB ) proses, soos wetlik vereis, met betrekking tot die huidige voorstel, uit te voer. 2. DOEL VAN HIERDIE AGTERGROND INLIGTINGSDOKUMENT Die doel van hierdie agtergrond inligtingsdokument ( AID ) is om: Inligting met betrekkening tot die voorgestelde projek aan Belangstellende en Belanghebbende Partye ( B&BPe ) te verskaf; Te verduidelik waarom n OIB onderneem word; n Oorsig oor die OIB proses te gee; Aan B&BPe die geleentheid te gee om enige kwessies en besorgdhede met betrekking tot die voorgestelde ontwikkelling of gepaardgaande omgewingsproses te opper. 3. TERREIN EN PROJEKBESKRYWING Die Landgoed is reeds sedert 1937 in besit van die Retief familie. 4 Retief neefs staan tans aan die roer van sake. Ongeveer 3500 tot 5000 ton druiwe word jaarliks op die ongeveer 300 hektaar Landgoed ge-oes. Die bestaande wynkelder-fasiliteit op die Landgoed dateer uit 1972, toe n reedsbestaande fasiliteit uit 1963 gemoderniseer is. Wyne wat op die Landgoed geproduseer word het internasionale bekendheid verwerf, en word tans na lande in 5 vastelande uitgevoer. Die Landgoed beskik reeds oor wynproefasiliteite en n teetuin. Die Landgoed se manjefieke tuin is n gevestigde toerisme-aantreklikheid in die Robertson gebied. Die huidige voorstel behels die uitbreiding van bestaande pakstoor- en verpakkingsfasiliteite op die Eiendom (sien Figuur 3). Die voorgestelde uitbreiding behels die aanbou van twee vleuels aan die bestaande pakstoor. Die uitbreidingsgedeelte sal vir die berging van droeë goedere (bv. verpakte produk) aangewend word. Die voorgestelde uitbreiding sal die bestaande pakstoor-voetspoor tot n totaal van 2.38 hektaar vergroot. Die voorstel behels nie enige toename in die produksie van wyndruiwe of wyn nie. Geen geboue of ander elemente van kulturele of historiese belang is op, of in die nabyheid van, die voorgestelde uitbreidingsgebied geleë nie. Die Eiendom is tans vir landbou gesoneer (Landbou I en II). Die bestaande kelder en gepaardgaande strukture (waaronder die pakstoor) dateer van voordat die Ordonnansie op Grondgebruiksbeplanning (nr. 15 van 1985) in werking getree het, en het dus outomaties Landbou II (Landbou-industrie) soneringsstatus verkry toe die Ordonnansie in werking getree het. n Hersoneringsaansoekproses word tans deur BolandPlan (Worcester) namens die Ontwikkellaar behartig ten einde die bestaande Landbou II-sone uit te brei om die voorgestelde pakstoor-uitbreiding in te sluit. Die hersoneringsaansoekproses verloop parallel aan die omgewingsaansoekproses, maar maak nie deel daarvan uit nie. Projek alternatiewe Die voorkeur-uitleg opsie behels die uitbreiding van die bestaande pakstoor in n noordwestelike rigting, dit is, in de rigting van 191. n Aansoek is by die Breërivier/ Wynland like Munisipaliteit ingedien ter verslapping van die 30 m kantlyn boubeperking. Die voorgestelde nuwe kantlyn sal 15 m vanaf die grens met 191 geleë wees. Hierdie is die voorkeur-alternatief insoverre dit die mees logiese verlenging van die lyn en vorm van die bestaande geboue behels. Die alternatiewe-uitleg opsie behels die uitbreiding van die bestaande pakstoor in n suidwestelike rigting, met ander woorde, in die rigting van die Breërivier. Hierdie alternatief hou egter die gevaar van moontlike toekomstige oorstromings in, en is daarom nie die voorkeuropsie nie. Die geen ontwikkelling opsie behels die handhawing van die bestaande status quo. Hierdie alternatief hou egter negatiewe gevolge in beide vir inisiatiewe om die Landgoed se bestaande bedrywighede vaartbelyn te maak, sowel as vir die Landgoed se toekomstige groeipotensiaal. Van Loveren Wynlandgoed Pakstoor-uitbreiding, 121/7, Robertson, E12/2/3/1-B1/ /08 Bladsy 3 van 8

4 191 Grenslyn Voorgestelde uitbreiding (Voorkeuruitleg) Hoofingang Hoofpad 287 Bestaande Pakstoor Toerisme-fasiliteite Van Loveren 121/7 Sekondêre ingang Opstal Grenslyn 121/8 Figuur 3: Ligging van die voorgestelde voorkeur-uitbreidingsgebied op Gedeelte 7 van 121, Van Loveren Wynlandgoed, Robertson (lugfoto bron: Google Earth). 4. TOEPASLIKE WETGEWING Hierdie OIB proses word ingevolge die volgende toepaslike wetstukke gedoen: Die Nasionale Omgewingsbestuurswet (Wet nr. 107 van 1998 NEMA ), soos gewysig (Wet nr. 46 van 2003 en Wet nr. 8 van 2004); Die Omgewingsimpakbepalingsregulasies van 2006 (GN. R. 385 en 386 NEMA Regulasies ) wat in terme van NEMA uitgereik is. Volgens die NEMA Regulasies behels die voorgenome onderverdeling, hersonering en ontwikkelling n aantal geskeduleerde aktiwiteite wat nie onderneem mag word alvorens goedkeuring vanaf die bevoegde owerhede verkry is nie. In hierdie betrokke geval is die bevoegde owerheid die Wes-Kaapse Departement van Omgewingssake en Ontwikkellingsbeplanning ( DEA&DP ). Die voorgestelde ontwikkelling behels spesifiek die volgende aktiwiteite wat in terme van Regulasie 386 geskeduleer is: Van Loveren Wynlandgoed Pakstoor-uitbreiding, 121/7, Robertson, E12/2/3/1-B1/ /08 Bladsy 4 van 8

5 1 (j) Die konstruksie van fasiliteite of infrastruktuur, insluitende verbandhoudende strukture of infrastruktuur, vir agri-industrieële doeleindes buite areas wat vir industrieële gebruike gesoneer is en n oppervlak van vierkante meter of meer beslaan. 1 (v) Die konstruksie van fasiliteite of infrastruktuur, insluitende verbandhoudende strukture of infrastruktuur, vir advertensie-doeleindes, soos gedefinieër in klasse 1(a), 1(b), 1(c), 3(a), 3(b), 3(l) van die Suid-Afrikaanse Handleiding vir die Beheer van Buitelugadvertensies. 17 Gefaseerde aktiwiteite waar enige enkele fase van die aktiwiteit benede enige drempel soos in hierdie Skedule gespesifiseer is, maar waar n kombinasie van die fases, insluitende uitbreidings of toevoegings, die oorskryding van derglike drempels sal teweeg bring; 19 Die ontwikkelling van n nuwe fasiliteit of die omskepping van n bestaande fasiliteit vir die doel van vervaardigingsprossesse, berging, bottelering, verpakking of bewaring, wat, met inbegrip van gepaardgaande strukture of infrastruktuur, n oppervlakte van 1000 vierkante meter of meer beslaan, buite n gebied wat vir industriële gebruike gesoneer is. Voordat hierdie aktiwiteite uitgevoer mag word, moet n Basiese OIB, soos in Regulasie 385 van 2006 omskryf, eers uitgevoer word. Op die grondslag van derglike impakbepaling moet n Basiese Impakbepalingsverslag saamgestel en aan die Departement Omgewingssake en Ontwikkellingsbeplanning (Wes-Kaap) (DEA&DP) voorgelê word vir oorweging. Wetgewing bepaal dat die aansoeker (in hierdie geval, die Van Loveren Trust) n onafhanklike omgewingskonsultant (in hierdie geval, BolandEnviro) moet aanstel om die OIB uit te voer. Dit is ten einde te verseker dat die owerhede van voeldoende en noukeurige inligting bedien word ten einde n ingeligde besluit te kan maak. Die aansoeker is voorts verplig om redelike stappe te neem ten einde te verseker dat aan die beginsels van volhoubare ontwikkelling en n plig van sorg teenoor die omgewing, soos dit in NEMA omskryf word, gestand gedoen word. 5. BASIESE OIB PROSES EN TYDRAAMWERK Die doel van die OIB proses kan as volg saamgevat word: Om die bestaande omgewingstoestande op die terrein vas te stel ten einde die terrein se gevoeligheid ten opsigte van ontwikkelling te kan bepaal; Om vas te stel of enige potensiële geleenthede of risikos met die projek vanuit n omgewingsoogpunt verband hou; Om belangstellende en belanghebbende partye ( B&BPe byvoorbeeld bure of gemeenskapsgroepe) oor die projek in te lig en hulle die geleentheid te bied om enige kwessies en besorgdhede te opper; Om moontlike alternatiewe ten opsigte van die oorspronklike voorstel te identifiseer; Om kwessies en besorgdhede met betrekking tot die voorstel en geïdentifiseerde alternatiewe te evalueer, en waar toepaslik, maatreëls te identifiseer wat die optimale benutting van geleenthede en die tempering van risikos sal kan teweeg bring. Die onderstaande tabel bied n oorsig oor die betrokke stappe van die Basiese OIB proses wat tans onderneem word, sowel as n geskatte tydsraamwerk. Die stappe volg nie almal streng op mekaar nie, en sommige oorvleulings kom voor. Geskatte begin en einddatums word dus aangedui, waar toepaslik. Tabel 1: Stappe en tydsraamwerk met betrekking tot die OIB proses Stap Geskatte datum Kommentaar Indiening van Kennisgewing van Voorneme tot Aansoek by DEA&DP Ingedien 07 Februarie 2008 Groen lig om voort te gaan op 21 Februarie 2008 ontvang Identifisering en registrasie van B&BPe Februarie 2008 DEA&DP verwysingsnommer: E12/2/3/1-B1/ /08 Onmiddellike bure (<100 m), plaaslike owerhede en relevante staatsdepartemente Van Loveren Wynlandgoed Pakstoor-uitbreiding, 121/7, Robertson, E12/2/3/1-B1/ /08 Bladsy 5 van 8

6 Stap Geskatte datum Kommentaar Plasing van advertensie m.b.t. projek in plaaslike koerant. Oprigting van kennisgewings op die terrein van die voorgestelde ontwikkelling Pos van geregistreerde briewe aan grondeienaars en persone binne n 100 m afstand vanaf die voorgestelde ontwikkelling Verspreiding van Agtergrond Inligtingsdokument (d.w.s. hierdie dokument) Aanstel van spesialiste om betrokke bestaande toestande vas te stel en enige moontlike beperkinge te identifiseer Kommentaarperiode Bekendstelling van die Konsep Basiese Impakverslag vir publieke kommentaar Kommentaarperiode m.b.t. die Konsep Basiese Impakverslag Indiening van Finale Basiese Einde Junie 2008 Impakverslag by DEA&DP DEA&DP beslissing Helfte van Augustus 2008 Verspreiding van DEA&DP beslissing aan geregistreerde B&BPe en in kennis stelling van reg tot appèl (slegs geregistreerde B&BPe) 10 dae appèlperiode m.b.t. DEA&DP se beslissing 07 Maart 2008 Robertson Gazette (kennisgewings in beide Engels en Afrikaans) 07 Maart 2008 Kennisgewings in beide Afrikaans en Engels 07 Maart Geregistreerde briewe is aan 4 individuele grondeienaars gepos 07 Maart 2008 Versprei aan bure en relevante owerheidsinstansies; op versoek vanaf BolandEnviro se kantore beskikbaar, en te Maart 2008 Vanaf 06 Maart 2008 tot en Publieke en met skoolvakansiedae uitgesluit. 05 Mei 2008 Middle Mei 2008 Eksemplare van die Konsepverslag sal aan geregistreerde B&BPe beskikbaar gemaak word. Die verslag sal ook by BolandEnviro se kantore in Worcester beskikbaar wees, te en eksemplare sal ook op die Van Loveren Wynlandgoed sowel as in die Robertson Openbare Biblioteek geplaas word. Middel Junie 2008 Helfte van Augustus 2008 Die beslissing sal aan geregistreerde B&BPe per geregistreerde pos, faks of e- pos versprei word (afhangende van aangeduide voorkeurmetode) Einde Augustus 2008 Van Loveren Wynlandgoed Pakstoor-uitbreiding, 121/7, Robertson, E12/2/3/1-B1/ /08 Bladsy 6 van 8

7 6. SPESIALIS-STUDIES n Aantal spesialiste is aangestel ten einde insette met betrekking tot die projek te lewer, naamlik: n Vloedlyn-bepalingsstudie ten einde te verseker dat die voorgestelde ontwikkellingsgebied nie binne die 1 in 50 of 1 in 100-jaar vloedlyne van die Breë- of Cogmanskloofriviere geleë is nie; n Argeologie/ Palaeontologie en Meteoriet-erfenis impakstudie, ooreenkomstig die bepalings van Artikel 38 van die Nasionale Erfenis-hulpbronne Wet (Wet Nr. 25 van 1999). Die Wes-Kaapse Erfenishulpbronne-owerhede het reeds n formele beslissing gelewer dat hulle geen besware ten opsigte van die voorgestelde ontwikkelling het nie; n Hersoneringsaansoek vir die nodige hersonering van die ontwikkellingsgebied vanaf Landou I na Landbou II (landbou-industrie) in terme van die Wes-Kaapse Grondgebruik Beplanningsordonnansie (15 van 1985). Geen beduidende kwessies het uit die studies na vore gekom wat nie bevredigend deur die toepassing van temperingsmaatreëls aangespreek sal kan word nie. Sou enige verdere beduidende kwessies tydens die publieke deelnameproses geïdentifiseer word, mag verdere spesialis-studies nodig wees en uitgevoer word. Op aanvraag van DEA&DP is verder ook n spesialis Wynkelder Afvalwaterbestuursplan vir die Landgoed saamgestel, selfs al behels die huidige aansoek streng gesproke geen aktiwiteite wat enige direkte impak op watergebruik of die beskikking van afvalwater sal hê nie. 7. RAAK BETROKKE Publieke deelname is n wesenlike aspek van die OIB proses. Dit gee aan u as belanghebber of belangstellende lid van die publiek die geleentheid om meer omtrent die voorgestelde projek uit te vind, en/ of om enige kwessies of besorgdhede wat u mag hê, te opper. Let asseblief daarop dat alle veredere inligting met betrekking tot die projek slegs aan geregistreerde B&BPe versprei sal word. Om as n B&BP te registreer, moet u óf versoek dat u naam in die projekregister gevoeg word, óf kommentaar met betrekking tot die projek (skriftelik of in digitale formaat) lewer, óf die Publieke Opedag bywoon. Sou u of u organisasie as n B&BP wou registreer, kommentaar op die voorgestelde projek wou lewer en/ of weet van enige ander persone of organsisasies wat belang by die projek mag hê of sou belangstel om daarvan kennis te neem, vul asseblief die meegaande vorm in, en faks of pos dit aan BolandEnviro (sien kontakbesonderhede hieronder). So nie, kan u u besonderhede per e-pos aan die onderstaande e-pos adres deurstuur. Slegs kommentaar wat skriftelik of in digitale formaat ontvang word, sal vir insluiting in die Konsep Basiese Impakbepalingsverslag oorweeg word. Die sluitingsdatum vir kommentaar is 05 Mei Sou u enige vrae aangaande die projek hê, kan u gerus vir Nik Wullschleger van BolandEnviro by die onderstaande nommers kontak. BOLAND ENVIRO OMGEWINGSKONSULTANTE Vir aandag: Nik Wullschleger Posbus 250, Worcester, 6849 Tel: (023) Faks: (023) E-pos: VanLoveren@BolandEnviro.co.za Van Loveren Wynlandgoed Pakstoor-uitbreiding, 121/7, Robertson, E12/2/3/1-B1/ /08 Bladsy 7 van 8

8 BASIESE (OMGEWINGS) IMPAKBEPALINGSPROSES VIR VOORGESTELDE UITBREIDING VAN PAKSTOOR, VAN LOVEREN WYNLANDGOED (GEDEELTE 7 VAN PLAAS 121), ROBERTSON VERWYSING: E12/2/3/1-B1/ /08 B&BP REGISTRASIE/ KOMMENTAARVORM As u as n Belangstellende en Belanghebbende Party ( B&BP ) wil registreer, en/ of enige kwessies en besorgdhede met betrekking tot die projek wil opper, vul asseblief die onderstaande gedeeltes in en stuur dit aan BolandEnviro, Posbus 250, Worcester, 6849, of aan VanLoveren@BolandEnviro.co.za voor of op 05 Mei TITEL EN NAAM HOEDANIGHEID POSADRES 1. U KONTAKBESONDERHEDE TEL NR. (DUI AAN HUIS OF WERK) FAKS NR. (DUI AAN HUIS OF WERK) SEL NR. E-POS ADRES Dui asseblief aan hoe u op hoogte van die projek gehou wil word: e-pos pos faks 2. KONTAKBESONDERHEDE VAN ENIGE ANDER PERSONE/ ORGANISASIES WAT U AS B&BP WIL LAAT REGISTREER TITEL EN NAAM HOEDANIGHEID POSADRES TEL NR. (DUI AAN HUIS OF WERK) FAKS NR. (DUI AAN HUIS OF WERK) SEL NR. E-POS ADRES 3. VUL ASSEBLIEF ENIGE KOMMENTAAR, KWESSIES EN/ OF BESORGDHEDE MET BETREKKING TOT DIE PROJEK IN DIE RUIMTE HIERONDER IN: Van Loveren Wynlandgoed Pakstoor-uitbreiding, 121/7, Robertson, E12/2/3/1-B1/ /08 Bladsy 8 van 8