DIE BURGEMEESTER, RAADSLID T VAN ESSEN, SE VOORLEGGING VAN DIE TWEEDE HERSIENING VAN DIE

Transcriptie

1 DIE BURGEMEESTER, RAADSLID T VAN ESSEN, SE VOORLEGGING VAN DIE TWEEDE HERSIENING VAN DIE GEïNTEGREERDE ONTWIKKELINGSPLAN (DIE 2009/2010 JAARPLAN) AAN DIE RAAD OP 28 MEI 2009 Mnr die Speaker en Raadslede, dit is my voorreg as Uitvoerende Burgemeester van Swartland Munisipaliteit om die 2009/2010 GOP Jaarplan by hierdie vergadering voor te lê. Die dokument voor u is die tweede hersiening van die Geïntegreerde Ontwikkelingsplan wat in Mei 2007 deur hierdie Raad goedgekeur is vir die vyf jaar periode 2007 tot Die betrokke Jaarplan is van toepassing op die 2009/2010 finansiële jaar. Voordat ek die Jaarplan vir goedkeuring aanbeveel, wil ek kortliks u aandag vestig op n paar belangrike feite rondom die doel en konteks van die GOP en Jaarplan. (Slide 1) Ek dink dit is belangrik vir almal van ons om herinner te word aan wat die Munisipale Stelselswet (Wet 32 van 2000) oor geïntegreerde ontwikkelingsbeplanning sê. Artikel 25 van wet verplig munisipaliteite om n enkele, inklusiewe en strategiese plan aan te neem vir die ontwikkeling van die munisipaliteit, wat - (a) planne aaneenskakel, integreer en koördineer, en wat voorstelle vir die ontwikkeling van die munisipaliteit in ag neem; 1

2 (b) die hulpbronne en kapasiteit van die munisipaliteit in lyn bring met die implementering van die plan; en (c) die beleidsraamwerk en algemene grondslag uitmaak waarop jaarlikse begrotings gegrond moet word. (Slide 2) In artikel 35 van die Wet word die GOP verder beskryf as die hoofbeplanningsinstrument wat rigting en toeligting gee aan alle beplanning en ontwikkeling en alle besluite met betrekking tot beplanning, bestuur en ontwikkeling in die munisipaliteit. (Slide 3) Die GOP beskryf dit wat die Munisipaliteit beoog om oor n vyf jaar termyn te bereik en hoe hy dit gaan doen. Die proses van geïntegreerde ontwikkelingsbeplanning is baie belangrik en die resultaat voor u vandag is ons kollektiewe institusionele strategie wat ten doel het om die visie en missie van Swartland Munisipaliteit te realiseer. (Slides 4) Die Munisipaliteit se visie is: Ons bou volhoubare vennootskappe met al ons mense. 2

3 (Slides 5) Ons missie is: Ons verseker maatskaplike en ekonomiese stabiliteit en groei deur die volhoubare lewering van alle primêre en sekondêre dienste aan al ons belangegroepe. Let op die drie komponente van ons missie: 1. Maatskaplike en ekonomiese stabiliteit en groei 2. Volhoubare lewering van alle primêre en sekondêre dienste 3. Al ons belangegroepe (Slide 6 en 7) Die GOP proses het sedert Augustus 2008 deur die volgende fases gegaan: (a) Augustus Goedkeuring van n tydskedule vir die finansiële jaar wat al die aksies van die GOP/Begroting proses aantoon. (b) September en Oktober Gemeenskapsinsette, prestasie-analise, finansiële analise en organisasie analise. (c) November 2008 Gesprek deur die Burgemeesterskomitee en Bestuur oor institusionele strategie (visie en missie, toekomstige rigtings, sleutel prestasie-areas, strategiese doelwitte, sleutel prestasie-aanwysers en teikens). 3

4 (d) Januarie tot Maart 2009 Opstel van die konsep GOP Jaarplan en Begroting gebaseer op die voorafgaande insette en gesprek. (e) Einde Maart Aanvaarding van die Konsep GOP Jaarplan en Begroting deur die Raad. (f) April 2009 Advertering van die konsep GOP Jaarplan en Begroting vir publieke insette en kommentaar en die road show. (g) Mei 2009 Finale aanpassings en voorlegging aan die Raad vir finale goedkeuring. (h) Verder beplan die Burgemeesterskomitee om die SDBIP op 18 Junie 2009 goed te keur en om die 0% prestasiekontrakte van die artikel 56 en 57 aanstellings sowel as die afdelingshoofde te finaliseer. (Slide 8) Die Jaarplan wat ek vandag ter tafel lê bestaan uit ses hoofstukke: Hoofstuk 1 (Inleiding) gee n oorsig oor die proses, die doel van die dokument en die verhouding tussen die GOP, begroting, prestasiebestuur en risikobestuur. Hoofstuk 2 (Institusioneel) handel met die Artikel 53 roluitklaring en die administrasie. 4

5 Hoofstuk 3 (Analise) handel met die persepsie-opname, landelike dienste-opname, finansiële analise en die departementele prioriteite en bedreigings. Hoofstuk 4 (Profiel van Swartland) verskaf belangrike demografiese en ekonomiese inligting oor die munisipale gebied. Hoofstuk 5 (Strategie) beskryf die visie, missie, leierskapfilisofie, waardes, nasionale sleutel prestasie-areas, Millenium Ontwikkelingsdoelwitte, die moontlike impak van die 2010 Sokker Wêrelbeker op Swartland en die noodsaaklikheid van samewerkende regering. Hoofstuk 6 (Doelwitte en prestasie-aanwysers) breek die strategie op in institusionele doelwitte, sleutel diensareas, prestasiedoelwitte, sleutel prestasie-aanwysers en jaarteikens. Hoofstuk 6 word gebruik om die lewering van dienste aan ons gemeenskap te monitor en vorm die basis van die dienslewering- en begrotingimplementeringsplan (SDBIP) en die prestasie-ooreenkomste van direkteure en afdelingshoofde. Dit is die inligting wat ons as Raadslede behoort te gebruik om die optimale toekenning van skaars hulpbronne (sektoraal en geografies) te verseker en sodoende volhoubare ontwikkeling, billikheid en die bemagtiging van arm en gemarginaliseerde mense te bevorder. 5

6 (Slide 9) Ten slotte: Dit is die verantwoordelikheid van die Uitvoerende Burgemeester in terme van artikel 30 van die Munisipale Stelselswet om die opstel van die Munisipaliteit se GOP te bestuur en die konsepplan aan die Raad vir goedkeuring voor te lê. Die proses is begin deur die vorige Uitvoerende Burgemeester, Raadsheer Anton Bredell, wie tans in die Provinsiale Kabinet dien as Minister van Plaaslike Bestuur en Ontwikkelingsbeplanning. Ek wil graag vir Raadsheer Bredell bedank vir sy leierskap en bydrae tot die suksesvolle voltooiing van die GOP proses en die dokument wat vandag voor u dien. Om die GOP doelwitte te realiseer is die gesamentlike verantwoordelikheid van die gemeenskap, wykskomitees, die besigheidsektor, nie-regeringsorganisasies, gemeenskapgebaseerde organisasies en alle ander rolspelers in Swartland. Saam moet ons die geleentheid aangryp om n verskil te maak in die lewens van dié wat in die grootste nood verkeer en terselfdertyd die munisipale gebied op n verantwoordelike en volhoubare wyse te bestuur. Mnr die Speaker en Raadslede, met hierdie paar woorde lê ek die tweede hersiening van die Geïntegreerde Ontwikkelingsplan (die 2009/2010 Jaarplan) aan u voor vir goedkeuring. 6