VERGELYKING TUSSEN KONVENSIONELE ELEKTRISITEITSMETERS EN BEGROTINGS ( PREPAID ) METERS

Transcriptie

1 VERGELYKING TUSSEN KONVENSIONELE ELEKTRISITEITSMETERS EN BEGROTINGS ( PREPAID ) METERS 1. FEITE Konvensionele Elektrisiteitsmeter Meter ( Prepaid ) Keypad KONVENSIONELE ELEKTRISITEITSMETERS a. Redelik goedkoop en betroubaar en kan van tyd-tot-tyd gekalibreer word. b. Lewensverwagting van tot 30 jaar. c. Minder blootgestel aan weerlig. d. Word maandeliks gelees en rekening word ooreenkomstig verbruik opgemaak. e. Meterleesfoute kan voorkom. f. Toevoer moet deur Voorsiener (Centlec) afgesny word in die geval van wanbetaling. g. Meter gewoonlik op erfgrens geïnstalleer (lesing nie toeganklik nie). h. Moeilik om verbruik te beheer omdat lesings nie toeganklik is nie. i. Deposito betaalbaar tydens kontraksluiting en voor aanskakeling. j. Tarief in Bloemfontein (Mangaung) dieselfde as vir Begrotings ( Prepaid ) meters. k. Voorsieningsowerheid (Centlec) faseer konvensionele elektrisitietsmeters uit. l. Centlec subsidieer tans omskeppingskoste Begrotingsmeters ( Prepaid ) kan tans sonder enige koste geïnstalleer word in die plek van n konvensionele elektrisiteitsmeter. BEGROTINGS ( PREPAID ) METERS a. Duurder, elektroniese tegnologie en word net eenmaal gekalibreer. b. Lewensverwagting ongeveer 10 jaar. c. Meer blootgestel aan weerlig. d. Energie word vooraf aangekoop en deur middel van n gekodeerde nommerkode op meter ingevoer. e. Geen meterleesfoute kom voor. f. Meter ontkoppel toevoer outomaties wanneer energie lesing (krediet) by nul (0) kom. g. Meter gewoonlik op erfgrens geïnstalleer, maar sleutelbord ( keypad ) in woning (krediete toeganklik). h. Makliker om verbruik te beheer omdat verbruike/krediete meer toeganklik is. i. Geen deposito ter sprake. j. Tarief in Bloemfontein (Mangaung) dieselfde as vir Konvensionele Elektrisiteitsmeters. k. Prioriteit word gegee om begrotings ( prepaid ) meters te installeer. l. Centlec doen meter omskeppings (vanaf konvensionele meters na begrotingsmeters) as deel van n interne kapitale projek dus geen koste vir verbruiker.

2 2. VOORDELE KONVENSIONELE METERS a. Redelik goedkoop en betroubaar (as daar nie met die meter gepeuter word nie). Goeie kwaliteit meters kan voldoen aan kalibrasie vereistes vir tot 30 jaar en langer en dit sonder enige verstellings. b. Indien nodig kan meter onder laboratorium toestande gekalibreer word en weer hergebruik word. c. Minder gevoelig vir weerlig. d. Indien administrasie rondom meterlesings en rekeninge korrek is, kan min verkeerd loop op stelsel. e. Meter gewoonlik op erfgrens geïnstalleer, dus kan meter gelees word sonder toegang tot perseel. 3. NADELE KONVENSIONELE METERS a. Meterleesfoute kan voorkom agv foutiewe lesings wat deur meterleser deurgegee word. b. Geskatte lesings kan op rekening voorkom agv proses wat gebruik word deur voorsieningsowerheid (Centlec) in die geval van foutiewe lesings of n foutiewe meter. c. Moelik om verbruike te beheer omdat meterlesings nie toeganklik is nie (meter op erfgrens). d. Lang tydsverloop tussen lees van meter, administrasie met opstel en lewering van rekening en sluitingsdatum vir betaling van rekening. [Tydsverloop vanaf lees van finale rekening tot sluitingsdatum vir betaling van rekening gewoonlik 6 (ses) weke]. e. Prosesse van afskakeling agv wanbetaling kan problematies wees. (Geen vooraf waarskuwing, kan maw na normale werksure uitvind dat krag afgeskakel is en dat die proses om dit weer aangeskakel te kry, eers die volgende dag gedurende werksure kan plaas vind).

3 4. VOORDELE BEGROTINGS ( PREPAID ) METERS a. Sleutelbord ( Keypad ) van meter is binne die huis en verbruike kan gemonitor word. (Besparings kan geïnisieer word deur verbruike self dop te hou en te monitor). b. Geen leesfoute kan voorkom nie omdat meter nie gelees word nie. Energie/ krediete word vooraf aangekoop en dmv gekodeerde nommers op die meter ingevoer. c. Geen deposito ter sprake omdat energie/krediete voor gebruik aangekoop word. 5. NADELE BEGROTINGS ( PREPAID ) METERS a. Meer gevoelig vir weerlig. (Kan skade optel indien weerlig net in omgewing van meter is). b. Afhanklik van n elektroniese betaalstelsel wat van tyd-tot-tyd van lyn af kan wees. c. Voorsieningsowerheid (Centlec) se rekords word gebasseer op verkooprekords vanaf betaalpunte en nie vanaf werklike verbruike nie. (Centlec aanvaar dat alle verbruike opgebruik is alvorens u weer aankope doen dus geen rekord van verbruikspatrone, slegs van aankoop patrone. U kan dus skade lei indien baie energie/krediete opgehoop word).

4 6. VRAE EN ANTWOORDE ( V & A ) V. Is daar enige verskil in die energie tariewe in Bloemfontein (Groter Mangaung) tussen Konvensionele Elektrisiteitsmeters en Begrotings ( Prepaid ) meters? A. Tariewe vir gewone huishoudelike voorsiening tov enkelfasige en driefasige toevoere, is presies dieselfde in Bloemfontein (Groter Mangaung). V. Waar kan ek n afskrif of besonderhede van my Voorsieningsowerheid (Centlec) se elektrisiteitstariewe kry? A. Tariewe vir die Groter Mangaung Voorsieningsgebied is beskikbaar by Centlec se kantore en/of op Centlec se webwerf (centlec.co.za onder tariffs ). V. Waarvoor staan NERSA en wat is hul verantwoordelikheid? A. NERSA staan vir: Nasionale Energie Reguleerder van Suid-Afrika en NERSA is dus verantwoordelik vir die regulering van alle energie tariewe in Suid-Afrika. V. Wanneer word die elektrisiteitstariewe jaarliks verhoog? A. Tariewe vir Plaaslike Owerhede mag slegs eenmaal per jaar, aan die begin van die nuwe finansiële jaar, naamlik: begin Julie, verhoog word nadat goedkeuring vanaf NERSA verkry is. V. Watter prosesse word gevolg om elektrisiteitstariewe jaarliks goed te keur? A. Elektrisiteitstariewe van Plaaslike Owerhede kan slegs goedgekeur word nadat Eskom se amptelike prys/tarief aanpassings deur NERSA goedgekeur is. Eskom begin gewoonlik net na Julie maand met hul proses vir voorlegging gedurende September aan NERSA vir goedkeuring van volgende jaar se tariewe. NERSA publiseer hul eerste uitslag van Eskom tariewe enige tyd vanaf Oktober tot Desember waarna die Plaaslike Owerhede se prosesse amptelik begin. Die prosesse wat dan volg is die volgende: Plaaslike Owerheid (Centlec) bepaal wat die effek van die Eskom Prys/Tarief aanpassing op Centlec se begroting sal hê. (Energie aankope vir Centlec verteenwoordig ongeveer 70% van hul totale jaarlikse begroting). Moontlike struktuur wysigings moet ondersoek word asook tariefstygings moet bepaal word. n Voorlegging word aan die Mangaung Raad voorgelê met uiteensetting van persentasiestygings wat voorgestel word, tariefstruktuurwysigings wat aanbeveel word asook alle bydraende faktore vir tariefstyging. (Bydraende faktore kan die volgende insluit Eskom voorgestelde prys/tariefstyging, tariefstruktuur wysigings, bedryfsbegrotings uitgawes, kapitaalbegrotings uitgawes, ens.).

5 Mangaung Raad moet nie later as einde Mei hul begroting goedkeur, ingesluit die nuwe tariewe vir die nuwe finansiële jaar wat 1 Julie n aanvang neem. Parallel hiermee saam moet Mangaung Raad die voorgestelde tariewe publiseer en hul verbruikers geleentheid gee om beswaar teen die voorgestelde tariewe te kan indien. Parallel hiermee saam moet die tarief voorlegging en aansoek nie later as 30 April by NERSA ingedien word om toestemming te verkry vir die nuwe tariewe. Slegs nadat goedkeuring verkry is vanaf NERSA (gewoonlik laaste week in Junie) kan die nuwe tariewe vanaf 1 Julie geïmplimenteer word. V. Wie is verantwoordelik om elektrisiteitstariewe jaarliks goed te keur? A. NERSA (sowel as die Mangaung Raad maar tariewe mag slegs geïmplimenteer word nadat NERSA goedkeuring ontvang is NERSA is die hoër gesag). V. Moet ek aansoek doen indien ek nog nie n Begrotings ( Prepaid ) meter het nie? A. Verkieslik, aangesien Centlec besig is met n proses om alle huishoudelike verbruikers te omskep na begrotings ( Prepaid ) meters. Hierdie proses behels tans dat Centlec die volle koste van die omskepping dra uit eie fondse. V. Waar doen ek aansoek indien ek verlang dat die konvensionele elektrisiteitsmeter by my woning vervang moet word met n begrotings ( Prepaid ) meter? A. By Centlec se kantore (Rhodeslaan 30, agter Kragstasie). V. Wat is die koste om my konvensionele elektrisiteitsmeter te laat vervang met n begrotings ( Prepaid ) meter en deur wie moet dit gedoen word? A. Hierdie koste word tans deur Centlec gedra en Centlec kan eie personeel en/of kontrakteurs gebruik om hierdie omskeppings namens Centlec te doen. V. Hoe weet ek die mense wat my meteromskepping kom doen, is gemagtig om dit te doen? A. Centlec maak gebruik van eie personeel sowel as sub-kontrakteurs om hierdie meter omskeppings te doen. Centlec se eie personeel sal met voertuie ry wat Centlec se Logo op die deure vertoon terwyl sub-kontrakteurs met privaat voertuie ry. In beide gevalle moet aangedring word dat die persoon himself identifiseer (verkry sy naam en positiewe identifikasie dat hy Centlec verteenwoordig kaartjie met foto en Centlec logo ). Waar moontlik, neem die Centlec voertuig beskrywing en registrasie en Vloot Nr (net onder Logo op deur) en by sub-kontrakteur voertuig beskrywing en registrasie.

6 V. Wat gebeur met my deposito op my konvensionele meter nadat ek die meter laat omskep het na n begrotings ( Prepaid ) meter? A. Die deposito kan terug ge-eis word. Daar moet skriftelik daarvoor aangevra word by Centlec se kantore. V. Is die energie tariewe by alle plaaslike owerhede dieselfde? A. Nee. Die aankoop kostes vanaf Eskom kan verskil tussen Plaaslike Owerhede omdat die grote van die aansluiting asook die afstand wat energie per transmissielyn gelewer moet word, n invloed op die prysstruktuur het. Die samestelling van verbruikers (% huishoudelik, % besigheidsverbruikers, % groot verbruikers) beïnvloed ook die tariewe van eindverbruikers. V. Is daar enige verskil tussen die Eskom tariewe en die van plaaslike owerhede? A. Ja. Eskom is die primêre voorsiener in Suid Afrika en hul tariewe verskil van die van Plaaslike Owerhede. V. Is daar enige verskil tussen die winter en die somer elektrisiteitstariewe in die Groter Mangaung area? A. Ja, huishoudelike tariewe is seisoenaal. Winter tariewe is hoër as somer tariewe. (Oor die finansiële jaar sal Julie, Augustus en die volgende jaar Junie as winter tariewe geklasifiseer word en die ander maande as somer maande).