OMGEWINGSIMPAKSTUDIE (BASIESE STUDIE): VOORGESTELDE TRU-OSMOSEAANLEG, YSTERERTSHANTERINGSFASILITEIT, SALDANHAHAWE

Transcriptie

1 OMGEWINGSIMPAKSTUDIE (BASIESE STUDIE): VOORGESTELDE TRU-OSMOSEAANLEG, YSTERERTSHANTERINGSFASILITEIT, SALDANHAHAWE AGTERGRONDINLIGTINGSDOKUMENT SRK Projek /42G Junie AGTERGROND Meer water is nodig vir stofvermindering by die ysterertshanteringsfasiliteite in die Saldanhahawe. Transnet Beperk ( Transnet ) is van voornemens om aan die groter waternavraag te voldoen deur n Tru-Osmose-aanleg (TO) by die hawe te bou vir die ontsouting van seewater. Die Saldanhahawe lê ongeveer 120 kilometer noord van Kaapstad in die Wes-Kaapse Provinsie (sien Figuur 1). SRK Consulting en PD Naidoo & Associates (Edms) Bpk is gesamentlik deur Transnet aangestel (as die PDNA/SRK Gesamentlik Onderneming) om die nodige Basiese Studie vir die voorgenome Tru-Osmose-aanleg in die Saldanhahawe te onderneem. Hierdie proses word vereis deur die Wet op Nasionale Omgewingsbestuur, No 107 van 1998 (bekend as NEMA), soos gewysig, en die Regulasies op Omgewingsimpakstudies van Die omgewingstudie sal die moontlike positiewe en negatiewe omgewingsimpakte van die voorgestelde TOaanleg uitlig en aanspreek. Die sukses van hierdie proses hang af van aktiewe openbare deelname. Hierdie Agtergrondinligtingsdokument (AID) bied: n kort beskrywing van die projekvoorstel; die redes waarom die Basiese Studie gedoen word; n beskrywing van die Basiese Studieproses; en inligting oor hoe u kan deelneem aan die Basiese Studieproses. 2. PROJEKBESKRYWING Die Ysterertshanteringsfasiliteit in die Saldanhahawe (met inbegrip van die voorgestelde opgraderings van die fasiliteit) benodig altesaam kl water per dag. Tans verskaf die munisipaliteit water aan die hawe, maar Transnet is van voornemens om hierdie voorraad aan te vul of moontlik te vervang met ontsoute seewater. Dit sal die bou van n TO aanleg vereis. Figuur 1: Kaart van die Terreinligging Die komponente van die TO-aanleg sluit in: n Gebou met ruimte vir drie TO-modules, n elektriese substasie, n motorbeheerkamer, n pomphuis, n stoorkamer, kantoor en wasgeriewe en parkeerruimte (vloeroppervlakte van ongeveer 600m²); Pype vir seewatertoevoer vanaf onttrekkingspunte en pekelwaterafvoer met pype; Dompelpompe en pypleidings om seewater in en af te voer;

2 PDNA/SRK JV Saldanha Reverse Osmosis Plant Page 2 n Bergingstenk vir seewater langs die TO-gebou; n Bergingstenk vir ontsoute water langs die TOgebou; Bergingsreservoir(s) met n totaal van 5Ml, 48-uur bergingskapasiteit vir ontsoute water langs die bestaande reservoir; n Klein dienspad wat die TO-gebou met die naaste padinfrastruktuur verbind; en Alle nodige elektriese en kommunikasiegeriewe tussen die TO-installasie en die ysterertshanteringsfasiliteit. Die basiese proses vir watersuiwering in die voorgestelde TO-aanleg word onder bespreek (verwys na Figuur 2): Seewater word eers deur onttrekkingspunte gefiltreer en na n bergingstenk gepomp. Die seewater word dan teen hoë druk deur die TO-membrane gepomp. Die ontsoute water word per pyp na die ontsoute water tenk gevoer en die gekonsentreerde seewater (pekelwater) word weer in die see vrygelaat. 3. PROJEKMOTIVERING Die uitvoer van ystererts lewer n groot bydrae tot veral die Noord- en Wes-Kaapse ekonomie en die bruto binnelandse produk van Suid-Afrika. Gedurende afgelope paar jare het die internasionale aanvraag na die ystererts drasties toegeneem met gepaardgaande druk op Saldanha se ysterertshanteringsfasiliteit. Groter hoeveelhede erts genereer meer stof, as gevolg waarvan meer water vir stofvermindering gebruik moet word. Die ysterertsfasiliteite is geleë in die gebied van die Weskus Distriksmunisipaliteit, n streek met beperkte waterbronne en beheerde munisipale watertoekenning. Alternatiewe waterbronne moet dus ontwikkel word om aan die huidige en toekomstige aanvraag as gevolg van stofvermindering te voorsien. Die gebruik van water uit alternatiewe bronne sal meer drinkwater beskikbaar stel vir ander gebruike in die gebied. 4. ALTERNATIEWE n Uitvoerbaarheidstudie wat deur Transnet aangevra is, het gewys dat ontsoute seewater, die gehalte en koste van die water in ag genome, die geskikste bron vir water vir hierdie bepaalde doel is. Alternatiewe bronne vir water wat in die studie ondersoek is, sluit bykomstige drinkwater, herwinde riool (gesuiwerde rioolwater), grondwater, seewater en ontsoute seewater (met hulp van tru-osmose) in. As gevolg van potensiële omgewingsimpakte word ander bronne, buiten tru-osmose, nie verder gedurende hierdie OIS-proses oorweeg nie. Drie alternatiewe liggings in die Saldanhahawe word oorweeg vir die ligging van die TO-aanleg, soos aangedui in Figuur 3. Hulle is: Alternatief 1: Oos van die ysterertshanteringsfasiliteit. Die TO-aanleg lê dan in die omgewing van die kusduine, met pekelwaterstortingspunte in die sand op die strand en op die strand oos van die bestaande drooglêdam se keermuur. Die afgevoerde pekelwater gaan dan na die groter Saldanhabaai. Alternatief 2: Noord en noordwes van die ysterertshanteringsfasiliteit. Die TO-aanleg word aangebring op n gebied wat tans gruis en bourommelhope bevat. As gevolg van die klein strandgebied kan seewateronttrekkings en pekelwaterstortingspunte nie ingerig word nie en toevoer- en afvoerpype moet oorweeg word. Pekelwater word in Kleinbaai uitgelaat. Alternatief 3: Suidelike deel van die ysterertshanteringsfasiliteit se kaai. Die TO-aanleg word opgerig op n gruisgebied langs die Meerdoelkaai. Daar is geen strand in hierdie gebied nie. Seewatertoevoer en pekelwaterafvoer deur pype moet geskied pleks van onttrekkingspunte en stortingspunte. Die pekelwater sal in Kleinbaai uitgelaat word. Figuur 2: Aanduidende komponente van n TO-aanleg

3 PDNA/SRK JV Saldanha Reverse Osmosis Plant Page 3 Pyplyne en verwante infrastruktuur verskil in lengte en ligging vir elk van die alternatiewe. Die ligging van die bergingsreservoir(s) bly dieselfde, onafhanklik van die alternatiewe, d,w.s. langs die bestaande reservoir. 5. TERREINBESKRYWING Saldanhahawe is geleë in Saldanhabaai, aan die weskus van Suid-Afrika, ongeveer 120 km noord van Kaapstad. Saldanhabaai is die noordelike uiteinde van n groot ingeslote marienestelsel, wat die Langebaan-strandmeer insluit. Elk van die drie liggings wat vir die TO-aanleg oorweeg word, word in groter detail in Afdeling 4 beskrywe. Al drie liggings is binne die Saldanhahawe, op eiendom in besit van Transnet en gesoneer vir hawe-aktiwiteite. 6. WAAROM WORD N BASIESE STUDIE ONDERNEEM? Die OIS-regulasies 1 lys aktiwiteite wat as potensieel skadelik aan die omgewing geag word. Hiervolgens word n Basiese Studieproses vereis. Hierin word na aktiwiteite verwys: : (2) Die konstruksie van grondverskuiwingsaktiwiteite in die see of binne 100 meter bokant die hoogwatermerk van die see, ten opsigte van: (d) strandwalle; (e) stabiliseringsmure; (f) geboue en (g) infrastruktuur; (3) Voorkoming van vrye beweging van sand, insluitende erosie en gewasse, deur middel van die aanplant van plantegroei, plaas van sintetiese materiaal op duine en blootgelegte sandoppervlaktes binne n afstand van 100 meter bokant die hoogwatermerk van die see; (5) Verwydering of beskadiging van inheemse plantegroei op n gebied groter as 10 vierkante meter binne n afstand van 100 meter bokant die hoogwatermerk van die see; Figuur 3: Alternatiewe terreine se liggings 1 Basiese Studieregulasies, 2006 ingevolge die Wet op Nasionale Omgewingsbestuur (No 107 van 1998)

4 PDNA/SRK JV Saldanha Reverse Osmosis Plant Page 4 (6) Uitgrawing, verskuiwing, verwydering, stort of kompaktering van grond, sand, rots of rommel wat n gebied dek wat groter is as 10 vierkante meter in die see of binne 100 meter bokant die hoogwatermerk van die see; en (12) Transformasie of verwydering van inheemse plantegroei van n gebied groter as 3 hektaar van enige grootte waar die transformasie of verwydering plaasvind binne n krities bedreigde of n bedreigde ekostelsel gelys ingevolge artikel 52 van die Wet op Nasionale Omgewingsbestuur: Biodiversiteit, 2004 (Wet no 10 van 2004). Voordat enige gelyste aktiwiteite onderneem word, word van die voorsteller (in hierdie geval Transnet Beperk) verwag om magtiging by die betrokke owerheid te kry ingevolge die Wet op Nasionale Omgewingsbestuur. Die betrokke owerheid is die Departement van Omgewingsake en Toerisme (DOT). Om aansoek te doen om die magtiging van sodanige gelyste aktiwiteite moet die voorsteller n onafhanklike omgewingskonsultant (in hierdie geval PDNA/SRK) aanstel om die Basiese Studie te onderneem. Die Basiese Studie moet die owerhede van voldoende inligting oor die potensiële omgewingsimpakte en voordele van die voorgestelde aktiwiteite voorsien, sodat hulle ingeligte besluite oor die aansoek kan neem. Die voorsteller moet ook verseker dat voldoen word aan die beginsels van volhoubare ontwikkeling soos in die NEMA uiteengesit. Volgende stap Kennisgewing van voorneme om aansoek te doen BASIESE STUDIE Dokument vir Agtergrondinligting (AID) Openbare oorsig Spesialisstudies (indien benodig) Basiese Konsepstudieverslag Openbare oorsig Finale Basiese studieverslag Openare oorsig Voorlegging van finale basiese studieverslag en aansoekvorm aan owerheid 7. WAT IS BETROKKE BY DIE BASIESE STUDIEPROSES? Die Basiese Studieproses bestaan uit twee stappe soos in Figuur 4 geïllustreer. Omgewingsmagtiging / weiering van magtiging Stap 1: Die eerste stap behels die voorlegging van n Kennisgewing van Voorneme om n Aansoek in te dien vir die voorgenome ontwikkeling. Hierdie vorm is op 25 Mei 2007 by DOT ingedien. Erkenning van Ontvangs is op 12 Junie 2007 van DOT ontvang. Hierin word aangedui dat die voorgestelde Basiese Studie kan voortgaan. Stap 2: Die volgende stap is die Basiese Studie wat die opstel en verspreiding van hierdie dokument (die AID), n Basiese Konsepstudieverslag en n Finale Basiese Studieverslag behels. Sodra die finale kommentaartydperk verstryk het, word die Aansoekvorm en Finale Basiese Studie (wat n Openbare Kommentaarverslag insluit) aan DOT voorgelê. Hierna besluit die owerhede of die ontwikkeling voort mag gaan of nie. Figuur 4: Diagram van die Basiese Studieproses Die doelwitte van die Basiese Studieproses is soos volg: Om die publiek oor die voorgestelde ontwikkeling in kennis te stel; Om die publiek oor die Basiese Studieproses in te lig; Om die publiek inligting oor die uitvoerbaarheid van die voorgestelde alternatiewe liggings vir die ontwikkeling te verskaf; Om die publiek die geleentheid te gee om doeltreffend aan die proses deel te neem en om relevante kwessies en kwellinge te identifiseer; Om die verwysingsraamwerk vir die studies wat nodig mag wees om potensiële impakte te bepaal, op te stel; Om te verseker dat kwessies en kwellinge van Belanghebbende en Geaffekteerde Partye (B&GPs) in die studie aangespreek word en korrek

5 PDNA/SRK JV Saldanha Reverse Osmosis Plant Page 5 aangeteken in die Basiese Studie- en Openbare Kommentaarverslag verskyn; Om die potensiële positiewe en negatiewe van die verskillende alternatiewe liggings te bepaal; en Om aanbevelings te doen oor hoe die potensiële negatiewe impakte doeltreffend verminder, en die voordele verhoog, kan word. Oorleg met die publiek, betrokke insethouergroepe en owerhede vorm n belangrike deel van die Basiesestudieproses. Die openbare deelname proses bied n aantal geleenthede aan B&GPs om kwessies en kwellinge te opper wat in die Basiese Studieproses aangespreek moet word. 8. PROGRAM n Kennisgewing van Voorneme wat DOT van die voorgenome ontwikkeling in kennis stel, is op 25 Mei 2007 ingedien. Daar word beoog dat om die Finale Basiese Studieverslag en die Aansoekvorm in April 2008 aan DOT voor te lê. 9. HOE KAN U BETROKKE RAAK? waardeer u insette in die Basiese Studie proses. Gedurende die proses is daar verskeie maniere waarop u kan deelneem aan, en kommentaar lewer oor, die voorgestelde projek. Indien u of u organisasie op hierdie stadium in die Basiese Studieproses betrokke wil raak en verdere inligting verlang of van enige individu of organisasie weet wat graag sou wou deelneem aan die Basiesestudie proses, moet u asseblief u kontakbesonderhede vir registrasie as n B&GP op ons databasis teen 6 Augustus 2007 ingedien het. Indien u verder enige voorlopige kommentaar of vrae oor die projek het nadat u hierdie dokument gelees het, stuur asseblief u skriftelike kommentaar teen 6 Augustus 2007 aan Sharon Jones of Monique Sham van die PDNA/SRK GO. Tabel 1 som die beoogde aktiwiteite en beraamde skedule vir die proses op. Tabel 1: Verwagte program vir Basiese Studie Taak Geskatte datums Voorlegging van Kennisgewing van Voorneme om by DOT aansoek te doen Advertensies om die begin van Basiese Studie aan te kondig en B&GPs te registreer Versprei dokument oor agtergrondinligting 1ste Kommentaarperiode Studies Vrystelling van Basiese Konsepstudieverslag vir openbare oorsig 2de Kommentaarperiode 25 Mei 2007 Middel-Junie 2007 Middel-Junie 2007 Middel-Junie Vroeg- Augustus 2007 Middel-Junie laat- Augustus 2007 Laat-September 2007 Vroeg-Oktober Vroeg- November 2007 Openbare vergadering (indien nodig) Middel-Oktober 2007 Vrystelling van Finale Basiese Studieverslag vir openbare oorsig 3de Kommentaartydperk Voorlegging van Finale Basiese Studieverslag & Aansoekvorm aan DOT Laat-November 2007 Laat-November 2007 Middel-Februarie 2008 Vroeg April 2008 p/a SRK Consulting Postnet Suite #206, Privaatsak X , RONDEBOSCH Epos: sjones@srk.co.za of msham@srk.co.za SHARON JONES MONIQUE SHAM