Pronunsiá pa Promé-Minister Gerrit Schotte den Parlamento 4 di mei 2012

Transcriptie

1 KOMUNIKADO PA PRENSA Fecha Account Manager Nr. 4 di mei 2012 Nydia Adam Voorlichting.azbb@gmail.com 00 Disertashon promé minister Gerrit Schotte Willemstad Promé minister Gerrit Schotte a duna un deklarashon den parlamento awe tokante e desaroyonan rondó di Servisio di Seguridat (VDC). Athunto e disertashon kompleto di di minister president Schotte den parlamento. Desaroyonan rondó di Servisio di Seguridat Pronunsiá pa Promé-Minister Gerrit Schotte den Parlamento 4 di mei 2012 Introdukshon Dia 7 di mart mi a bin seniorenconvent di Staten pa duna un splikashon tokante desaroyonan importante rondó di VDC, nos servisio di seguridat. Mi a splika den e seshon ei ku e resultadonan di un investigashon interno ta motibu pa preokupashon. Anto ta trata di un preokupashon grandi. Awe nos tin un reunion públiko pa mi duna kuenta i rason tokante kiko a pasa den VDC i pa splika kon nos ta bai evitá ku kosnan por bai robes den futuro ku nos servisio di seguridat. Mi ke bisa delantá tambe ku e no ta usual ku tin un diskushon públiko den Staten tokante Servisio di Seguridat. E servisio aki ta hasi su trabounan normalmente kompletamente fuera di atenshon públiko. Sin embargo den nos pais e desaroyonan rondó di e servisio aki, i aktitut di sierto empleadonan di e servisio, a kousa un inkietut den nos komunidat. Esaki ta dunami e responsabilidat pa bin akinan pa duna un splikashon públikamente pa asina por trese na klaridat kiko a pasa pa asina trankilisá nos pueblo i purba di trese konfiansa bek den e servisio. Nos pueblo tin derecho riba un splikashon tokante kiko a pasa den e servisio, kiko ta bai sosodé ku nos servisio di seguridat, i tambe kon nos ta bai trese konfiansa bek den e servisio aki. Mi ke suprayá ku ta trata di un servisio ku ta di

2 sumo importansha pa kada un di nos aki na Kòrsou, aunke tiki hende normalmente ta konsiente di dje, i asina e mester ta tambe. Mi ta kere ku nos a yega na pasonan ku lo pone ku awe ta e úniko biaha ku e servisio aki ta tópiko di un diskushon públiko amplio asina den Staten. Nos pais meresé un servisio di seguridat konfiabel, integro, profeshonal i bon ekipá pa protehá nos estado di derecho i promové seguridat nashonal di nos pais. Loke mi ta bai trata awe ta e siguiente puntonan: Funshon i rol di VDC den nos estado di derecho lo mi splika ken i kon ta kontrolá VDC pakiko mester a investigá VDC kon a investigá loke a pasa den VDC kiko tabata e resultadonan di e investigashon kiko e resultadonan ta nifiká den kuadro di nos estado di derecho kiko ta e pasonan ku a tuma a base di e resultadonan di e investigashon i lo mi tin algun remarke di klousura. Despues gustosamente mi ta kontesta pregunta di miembronan di parlamento. 1) Funshon i rol di VDC den nos estado di derecho Lei di VDC ta bisa letterlijk den artikulo dos: Er is een Veiligheidsdienst Curaçao, die als doelstelling heeft het bevorderen van de fundamentele belangen van Curaçao bij het voortbestaan van de democratische rechtsorde, bij de integriteit van het bestuur, bij de interne veiligheid en andere vitale belangen van Curaçao en, waar nodig, het Koninkrijk der Nederlanden.` Pa por kumpli ku e responsabilidat aki e LV VDC ta duna e servisio tres tarea spesífiko: a-taak: het verzamelen van gegevens over personen en organisaties, die door de doeleinden die zij nastreven, dan wel door hun activiteiten aanleiding geven tot het ernstige vermoeden dat zij een gevaar vormen voor de in artikel 2, eerste lid, genoemde belangen; b-taak: het verrichten van veiligheidsonderzoeken ten aanzien van vertrouwensfuncties; c-taak: het bevorderen van het nemen van maatregelen ter bescherming van de in onderdeel a genoemde belangen, waaronder in ieder geval begrepen worden maatregelen ter beveiliging van in het belang van Curaçao en, waar nodig, het Koninkrijk der Nederlanden geheim te houden gegevens, en van voor de instandhouding van het maatschappelijke leven van vitaal belang zijnde delen van de overheid. Pa por ehekutá nan trabou, e servisio i su empleadonan tin outoridat pa investigá

3 I hasi uzo di bijzondere inlichtingenmiddelene. Esaki ta algu kritiko i ta rekerí tambe ku mester tin bon kontròl tambe pa evitá ku ta malusá e outoridat spesífiko di e servisio. 2) Ken i kon ta kontrolá e trabou di VDC A base di lei di VDC tin un komishon di supervishon ku tin komo tarea : a. het uitoefenen van toezicht op de taakuitvoering van de Dienst b. het onderzoeken en beoordelen van klachten over het optreden van de dienst. A base di lei e komishon tin komo miembronan: a. een door de president van het Gemeenschappelijk Hof van Justitie van Curaçao, Aruba, Sint Maarten en van Bonaire, Sint Eustatius en Saba aangewezen persoon, die deel uitmaakt van de rechterlijke macht, als voorzitter; Den e kaso aki ta sr De Boer, vice-presidente di nos Hof di Hustisia. E,ta presidente di e komishon. b. de voorzitter van de Bezwaaradviescommissie, bedoeld in de Landsverordening administratieve rechtspraak; esaki ta sr Dito Vlieg c. de Directeur van de Stichting Overheidsaccountantsbureau, ta trata di sr Geomaly Martes 3. De griffier van het Gerecht in eerste aanleg fungeert als secretaris van de Commissie, e sekretaris ta sr Rick Trenidad. E komishon ta presente aki den Staten. Tambe e presidente di e komishon tabata na Korsou awe speshalmente pa ta akinan den Staten. Pero e kambio di orario di e reunion a pone ku e mester a regresá Aruba pa un asuntu ku e no por a posponé. E lei di VDC a keda prepará dor di gobièrnu anterior, dus partidonan di e aktual oposishon a bini kuné i ta esnan responsabel pa desaroyo di e lei (ontwerp). Kon e komishon di supervishon di VDC ta traha: Nan mag di hasi investigashon sea riba petishon di e minister di Asuntunan General òf riba nan mes inisiativa; Nan ta fungi komo instansha di keho tantu pa públiko komo pa empleadonan di e servisio (VDC); Lei tambe ta bisa klaramente ku ministernan, hefe i personal di e servisio mester koperá i duna informashon na e komishon ora nan pidi esaki. 3) Kiko a pasa ku mester a investigá VDC Motibu ta e interne memo di 27 di òktober 2010 ku tabata den edifisio di VDC i ku un aña despues a sali diripiente públikamente.

4 Esei ta nifiká ku dato di VDC a lèk i a bai den direkshon di prensa i tambe serka otro persona. Hasta ta tin un mailing ku a bai rònt via internet ku dato di VDC. Tambe un raport di un empleado di VDC a keda usá dor di e hefe di VDC sr Gumbs den un kaso den korte, aunke ku ni serka un hues di korte no tin mag di kibra bo geheimhoudingsplicht. Pa sierto públiko e por parse un kos interesante i sensashonal ku dato i dokumento di un servisio ta skeiru, pero en realidat ta un echo penal, i mas importante, e ta forma un menasa kontra nos seguridat nashonal. Pasobra na momento ku dato di un servisio di seguridat ta lèk, tur hende ku sa koperá ku e servisio ta kuminsá duda ku nan informashon tambe por lèk. E fluho di informashon den direkshon di e servisio i ku ta nan pan di kada dia, ta disparsé paso niun hende no ta konfia e servisio mas ku nan informashon. Sin informashon un servisio di seguridat no por funshoná. Konsekuentemente no por garantisá seguridat di e pais mas. Esaki ta nifiká ku banda di e faktor di entertainment, na promé lugá lèkmentu di dato for di servisio di s eguridat ta nifiká un menasa grave pa nos komunidat. Kòrda ku no ta un sospecho ku nos ta papia di dje den kaso di VDC, ta un echo ku dato i informashon a lèk. Mi ta spera ku tur hende ta realisá kon serio e materia ta ku nos ta trata awe. 4) Kon a investigá loke a pasa den VDC Mando di VDC a entamá un investigashon a base di e outoridat i responsabilidat ku VDC tin konforme lei, spesífikamente artíkulo 3, insiso 2 di lei di VDC. E investigashon tabata un investigashon den kuadro di e ataak (e tarea prinisipal) ku mi a ya menshoná anteriormente. Esta, generá dato i informashon tokante persona i organisashonnan ku - a base di nan aktividatnan i metanan ta duna motibu pa sospecho grave ku nan ta forma un peliger pa nos estado di derecho, integridat di gobièrnu, seguridat interno di pais i otro interesnan vital di e pais. E echo ku dokumentonan rubriká komo vertrouwelijk of geheim ta lèk ta forma un riesgo direkto pa kontinuashon di nos estado di derecho i integridat di nos gobernashon. Mando di VDC a aktua konforme su outoridatnan otorgá na dje den e Landsverordening VDC. No ta nada straño, hasta ta un obligashon legal di VDC. Dentro di nan outoridat mando di VDC a hasi uso di diferente instrumento di investigashon, entre otro a papia ku diferente persona, i tambe a hasi for ensisch onderzoek, un investigashon forensiko. Komishon di supervishon ta na altura di tur instrumento ku a keda apliká. E komishon a evaluá uso di e instrumentonan a base di kriterianan di nesesidat, supsidiaridat i proporsionalidat. Den kuadro di e investigashon forensiko a schakel in e kompania di Forensic Services Caribbean (FSC). Ta tin un urgensha pa hasi esei. E memo original no tabata tei mas den VDC, i ta tin indikashonnan fuerte ku e memo den sirkulashon, no tabata e vershon original (no firmá), sino muy probablemente un vershon

5 digital. Pa yega na klaridat mester a entamá un investigashon enfoká den e sistema digital. Konsiderando ku e servisio mes no ta ekipá pa e tipo di trabounan aki, den kasonan asina ta usual den servisionan di seguridat rònt mundu, ku por hasi uso di speshalistanan den e materia aki. Esei ta sosodé bou di kondishonnan spesífiko pa evitá ku tersera por optené informashon konfidensial. Mando di VDC a tuma sufisiente medida di prekoushon promé i durante investigashon pa garantisá Seguridat di e datosnan di VDC, i tambe e integridat di e proseso: 1. A hasi un background check di FSC; 2. FSC no ta deskonosí pa VDC, paso for di tempu di sr Gumbs, den aña 2010 FSC a duna un training (riba un topiko gevoelig) na VNA, i tabatin bon eksperiensha ku nan; 3. VDC a stipulá kondishonan básiko den kual e investigashon a keda kondusí; 4. FSC a firma un "nondisclosure agreement ku VDC promé ku a inisiá e forensiko; investigashon 5. Mando di VDC a sòru pa semper tabatin un òf mas funshonario di IT di VDC presente pa eventualmente asistí na haña akseso riba netwerk di VDC; 6. VDC a kumpra su propio ekipo (spesial) pa hasi e análisis forensiko; 7. Despues di e kopia e dato (relevante) esakinan semper e keda wardá den un kaha fuerte speshal. Pues, NUNKA e kopia di e dato a bandoná e edifisio di VDC; 8. Semper funshonarionan di FSC a kondusí nan investigashon den edifisio di VDC; 9. E método apliká durante e análisis no tabata permití FSC tin akseso na e kontenido di e filenan kopiá; 10. Semper e funshonarionan di FSC mester a traha un sita pa bini pa hasi e investigashon den VDC; 11. Semper e análisis a tuma lugá bou di supervishon di mínimo 1 funshonario di e departamentu hurídiko di VDC; 12. Tambe Mando di VDC a tuma medidanan pa garantisá integridat di e proseso pa un eventual auditoria dor di Komishon di Supervishon:

6 A duna demostrashon na miembro di e komishon kon e proseso a bai; Overzicht di tur akshon di FSC riba e kompiuter riba kua a hasi e investigashon; Komishon di Supervishon a konfirmá a base di nan investigashon propio, ku e método i instrumento ku a usa, tabata adekuá, i apropiá. E proseso tabata kompletamente transparente pa nan, i nan tabata sa di e paso pa envolví FSC for di kuminsamentu. Tur hende por a tuma nota siman pasá di e komunikado di komishon di supervishon ku ta papia palabranan kla ku nada no a bai robes den e investigashon aki. Lo mi lesa for di e komunikado di prensa e partinan prinsipal. <zie persbericht CvT> Den e kuadro aki mi tambe ke aklará e rol di Dipol. Kiko ta Dipol? <for di website di Dipol> Lo mi aklará e historia over di DIPOL: E enkuentro na sèptèmber 2011 ku e servisio di inteligensha polisial di Colombia DIPOL tabata en konekshon ku koperashon ku ta reinforsándo entre e servisio di Kòrsou i Colombia. Mi a tuma nota ku rumornan a plama den nos komunidat ku ta DAS, of hasta ta FARC a bin Kòrsou i a papia ku VDC. I esei no ta e kaso. Ta trata di empleadonan di Dipol, un servisio di inteligensha polisial internashonalmente masha rekonosé ku ta traha huntu ku tur zusterdiensten (otro servisio di inteligensha). Masha tempu VNA/VDC tin relashon i ta traha ku DIPOL. For di 2007 tabatin funshonario di VNA a asistí na e skol di DIPOL pa un training. I for di 2006 Antia Hulandes a bira miembro di e organisashon CLACIP, un plataforma di koperashon entre paisnan di Suramerika i Karibe riba tereno di inteligensha (polisial). I ta DIPOL ta leading den CLACIP. < Komishon di Supervishon tambe ta konstatá ku de meeste Westerse veili gheidsdiensten werken samen met Dipol en hebben vertrouwen in die dienst. Dus tin nada straño den e koperashon aki. 5) Kiko tabata e resultadonan di e investigashon Riba e punto aki mi ta den un posishon sensitivo, paso e rapòrt ku e resultadonan kompletu di e investigashon ta klasifiká komo zeer geheim. Pero wetando e gravedat di

7 kiko a sosodé, pueblo meresé un splikashon mas detayá posibel pa por komprondé kiko sierto funshonarionan di VDC a hasi i kon serio esaki ta. E rapòrt òf e detaye spesífiko a keda kualifiká komo zeer geheim, pero den liñanan grandi e resultadonan di e investigashon ta mustra ku: A buska akseso na un manera ilegal na dokumentonan sekreto di e servisio A kompartí públikamente ku prensa i ku otronan dato di VDC A kopia dato for di e bestanden di VDC A destruí bestanden di VDC sin outorisashon A tene reunion entre un par di empleado di VDC kaminda a diskutí kon por basha gobièrnu abou Un empleado a ekspresá den prensa akusashonnan hopi severo den direkshon di mando i tambe den direkshon di minister-president. Pa loke ta trata e akusashon hopi severo aki, Komishon di Supervishon a konstatá a base di investigashon propio, ku e akusashonnan ei no ta bèrdat. Esaki ta djis e liñanan grandi di e resultadonan. Lo mi sigui splika e resultadonan mas detayá a base di tres kapítulo di e investigashon. E tres kapítulo aki ta: 1. Resultadonan rondó di Kluis 2. Resultadonan en konekshon ku lèk di e memo 3. Sobra resultadonan E promé kapítulo: Resultadonan rondó di e Kluis E eindrapport di screening ku ta wardá den kaha fuerte na VDC a wòrdu ilegalmente habrí. E seyo di e ènvelòp den kua e eindscreeningsrapport tabata wardá, a wòrdu kibrá, i despues provisoriamente será, i pone bèk den e kaha fuerte. E eindscreeningsrapport segun informe lo mester tabata kontené tur dokumento enkuanto e screening riba ministernan di kabinete-schotte. Konsiderando ku deklarashonnan enkuanto e habrimentu di e ènvelòp di e rapòrt tabata kontradiktorio i ku posiblemente lo a saka dato òf informashon for di e ènvelòp aki, mando di VDC a opta pa hasi denunsia di esaki na OM. E investigashon riba esaki ta andando. E memo original di 27 di òktober 2010 en todo kaso no tabata den e ènvelòp. Eechokueènvelòpnoporkibraribasumes,ikuniunhendenopora

8 responsabilisá pa e akto aki, ta pone mi pensa ku mas kos por a sali for di e kluis. E di dos kapítulo: Resultadonan en konekshon ku e lèk di e memo Mester bisa na promé lugá ku un grupo selektivo di empleado di VDC so tabatin konosementu di eksistensha di e memo di 27 di òktober A base di e investigashon forènsiko a konstatá e siguiente iregularidatnan: No opstante ku e hefe di VDC sr Gumbs ta tin un toegangsontzegging, e ku su ICT-man tabata en buska di un vershon original di e dokumento. Ora tabata difísil pa rekuperá esaki, a sali na kla durante e investigashon ku a traha palabrashonnan tékniko ku RST pa purba haña e vershon original tòg. Tin prueba ku un gran kantidat di mas ku 100 dokumento a keda ilegalmente kopiá, entre otro e memo ku a lèk. Sporen digital ta mustra riba e echo ku a kopia nan riba un medio di dato eksterno, pero nunka mas no por a haña e medio di dato eksterno aki den edifisio di VDC. Mi ta bisa a kopia ilegalmente, pasobra a kopia sin outorisashon. Pa motibunan tékniko konosí, e outor di e Fort memo no ta tin su kòmpiuter den uso, pero misteriosamente hopi di su dokumentonan a keda kopiá. A haña programanan speshal pa kraak wachtwoorden sin ku ta tin outorisashon pa un programa asina. Konforme indikashonnan i e sporen digital ku a haña durante e investigashon, a hiba un kombersashon ku e IT medewerker en kuestion. E no por a duna un splikashon válido riba e echonan menshoná. Remarkabel ta ku durante e kombersashon ku e IT-medewerker en kuestion el a deklará eksplísitamente ku si el a hasi un error mes, el a hasie in opdracht van. Muchu mas mi no por drenta den e kapítulo aki, paso e kaso aki tambe ta bou di investigashon na OM for di promé di febrüari E di tres kapítulo: Sobrá resultado For di investigashon a sali na kla ku VDC tabata okupá su mes ku aktividatnan poko straño. Un di e aktividatnan ta ku a zet in un bijzonder inlichtingenmiddel riba gezaghebber di Kòrsou di un forma struktural, basá riba e supuesto sospecho ku e Gezaghebber lo ta aan de drank geraakt. Un aspekto sumamente preokupante ta ku e archivo di Sint Maarten a keda destruí. A sali na kla ku e hefe athunto di VDC huntu ku e IT medewerker a bai Sint Maarten i a kima henter

9 archivo di nan kasonan. Di e akshon di destrukshon no tabatatin niun verslag of proces-verbaal trahá. Awe despues di crisimanagersnan di VDC a konstatá esaki a traha verslagnan korespondiente. Esei ta nifiká ku sin responsabilisashon e archivo di ántes VNA afdeling Sint Maarten a keda destruí den fin di sèptèmber 2010, no opstante ku tabata konosí ku VDSM lo a nase riba Pues no a ni sòru pa overdracht na e servisio nobo, ku tur e konsekuensianan ku esaki por tin pa Seguridat di Pais Sint Maarten. Tambe a sali na kla ku sr Gumbs dia 11 di òktober 2010 a suministrá informashon na un persona polítiko, alegando ku nan no a e ntrega nada di screening. Esei ta pone ku no ta straño ku dirèkt despues di inaugurashon di Fort e kabinete aki a kuminsá reklamá e aspekto di screening (papiando di lekkage). Bevindingen pa ku dia 27 di òktober 2010 Dia 27 di òktober 2010 ta un fecha importante pasobra e dia ei e hefe di VDC sr Gumbs a risibí pa promé biaha un toegangsontzegging. Rondó di e fecha aki diferente kos a bin dilanti den e investigashon ku mi ke kompartí ku Staten. Riba e anochi di 27 di òktober 2010, e mesun anochi ku sr Gumbs a haña toegangsontzegging, 3 funshonario di VDC a reuní na kas di un di nan. Pues na e reunion aki tabatin 4 funshonario di VDC presente: i. E IT-medewerker ku ta e supuesto klokkenluider, (inisial E.W); ii. E hefe athunto di e Servisio (inisial R.S.J.); iii. iv. Un teamchef di e servisio (inisial W.G.) E analista/autor di e memo ku a lèk. A reuní na e sitio i den kalm beraad a planea kon siguiente dia ta bai destruí dokumentonan ku ta ticklish for di den VDC; Tambe a bini ideanan dilanti kon pa planea pa basha Gobièrnu abou; A palabrá ku en todo kaso sigiente dia (28 okt 2010) lo skonde filennan, hasinan disparsé, of destruí filenan di VDC di karakter delikado; Riba e punto aki mi ta bai ta hopi spesífiko den e manera ku el a keda raportá na mi. Lo mi usa un pida di e rapòrt. Mi ta quote: Op die avond werd gesproken over het doen overbrengen, verschuilen, ve rdwijnen en vernietigen van files die gevoelige informatie bevatten. Dit uit vrees

10 dat leden van de huidige regering kennis zouden nemen van de inhoud van bedoeld e files. Honorable miembronan di Staten, esaki no ta un quote for di un thriller, òf for di un buki di detective, sino un rapòrt di investigashon tokante práktikanan di 4 funshonario di VDC ku a tuma lugá 27 di òktober 2010 na kas di un di nan. Mi ta sigui un ratu riba lokual tambe a keda papia e anochi ei. Quote: Om alle gevoelige informatie te vernietigen en om te trachten de regering omver te werpen. Mi ta ripití: Om te trachten de regering omver te werpen. Mi ta tradusí: den e kombersashon di e 4 empleado di VDC tambe a bin dilanti kon lo por basha gobièrnu abou. Tambe a palabrá ku e IT-man ku lo mester shut down e server. Asina mi ta yega na loke a pasa dia 28 òktober Kòrda ku e anochi promé e 4 empleado a spreek af ku lo destruí files ku ta sensitivo i ku e gobièrnu aki no mester sa di dje. Loke a pasa e dia ei ta lo siguiente. a. E IT man ta yega trabou mainta trempan. b. Forènsikamente ta prueba ku mainta trempan tabatin un restart di e server di VDC. Esei ta indiká ku tabatin un shut down di e server anteriormente riba e fecha aki. c. Tambe tin indikashon ku e mainta ei mas ku 40piku file digital di sr Gumbs a wòrdu delete. Kon esei ta posibel si sr Gumbs no tabata tei? Kòrda ku e ta tin toegangsontzegging for di e atardi anterior. d. Notabeltatambekuetaperibakuaeakshonnandiediaenkestionta grabá, tambe ta pèrdí. I tambe e wachtrapport, ku ta mustra tur aktividat di un dia, di dia 27 di òktober 2010 a disparsé. e. E mainta dia 28 a hiba un laptop di trabou na un kas den Koraal Specht; For di investigashon por konkluí ku muy probablemente ku niun hende ku no ta e IT man tabata sa di eksistensha di e dienst- laptop aki. f. E mesun dia tambe, e Hefe Athunto, riba òrdu di Sr. Gumbs, ta saka 5 file sekreto for di den un kluis di e hefe, i I konforme su promé deklarashon a distruí esakinan, supuestamente sin a tuma nota di e

11 kontenido di e filenan sekreto aki. Sin embargo den su último deklarashon adishonal e hefe athuntu inisial R.S.J. ta bisa ku ta trata di kasonan hopi ticklish riba entre otro tereno polítiko, i tambe di illegaal dieseltransport. 6) Kiko e resultadonan ta nifiká den kuadro di nos estado di derecho Lamentablemente mester konstatá ku bou di e sirkunstanshanan aktual nos no por eliminá tur riesgonan di mas lèk for di VDC. A kopia files, files a disparsé, i nos no sa tur detaye ainda. Tin límite na loke nos por sigui hasi ku e instrumentarium ku nos tin na nos disposishon awor aki. OM den e kaso aki tin un tarea pa sigui investigá a base di e denunsianan ka a hasi kaba. Pero nos no sa mes si tur fayonan a subi mesa kaba, ni kiko lo ta resultado a base di e posibilidatnan ku OM tin pa investigá den e kaso aki. Un otro aspekto ta ku mester a invertí hopi energia pa restablesé kontakto i koperashon ku zusterdiensten paden i pafó di reino. Kòrda bon ku e memo ku a lèk, a keda investigá kaba na 2010 pero no por a prueba loke ta tin aden komo sospecho den temporada di e screening na Tòg a disidí di lèk e memo un aña despues na òktober Pa kolmo esei a sosodé na e momento ku e crisismanager di e tempu ei tabata na Hulanda pa restablesé lasonan ku zusterdiensten na Hulanda. Esaki por duna impreshon ku konsientemente a skohe pa daña e posibilidat ei pa restablesé koperashon. Algu ku by the way no a logra, pasobra e relashon ta o.k. atrobe, i nos ta koperá bon ku otro. Loke si a bira duidelijk kaba komo resultado, ta un sospecho fundá di posibel schending severo di e derechonan humano fundamental i daño na nos estado di derecho demokrátiko. Pakiko mi ta usa palabranan serio asina? E echo ku a destruí files ta pone ku e komishon di supervishon por ehèmpel no tin e posibilidat pa kontrolá funshonamentu di servisio di inteligensha di último tempunan, paso files di e tempu ei a disparsé, por ehèmpel esunnan di Sint Maarten. E informashonnan di e servisio di seguridat ta eifó, a lèk i a kopia dokumento. Dus nos komunidat ta biba den un persepshon korekto òf inkorekto - ku un servisio di seguridat por hasi uso di informashon ora e ke, i us e kontra di dje, i asina mete ku su derechonan fundamental. E sei no ta hoor thuis den un estado di derecho demokrátiko. Un

12 dokumento manera e memo ku durante screening formal a verifiká kaba i a konstatá ku e no tin supstansha, pero ku konsientemente despues di un aña a opta pa lèk e tòg, ta okashoná un situashon den kua e imágen i kredibilidat di hende menshoná den dokumentonan ku a lèk a wòrdu tacha severamente. E akto aki riba su mes no ta korekto, pero den un komunidat chikitu, esei por tin konsekuenshanan severo i funesto pa un persona, irespekto kua funshon e tin. Anto si mandatarionan di un pais ta tópiko di e tipo di aktonan asina, esei ta pone ku komunidat no por tin konfiansa mas den e mandatarionan. Loke ta kondusí na kreamentu di un persepshon di un situashon di káos den un pais. Esei ta yama ondermijning van de democratische rechtstaat. Tin kehonan kaba serka Komishon di Supervishon di VDC di hende i kompania kua nòmber ta keda menshoná den e dokumentonan ku a lèk, pero ku no tin arte ni parte den nada sospechoso òf ilegal. Pero nan nòmber i reputashon ta tacha dor di aktonan di empleadonan di VDC Dus e konsekuenshanan ta severo, pero tin basta pregunta habri ainda, i tin riesgo tambe a base di aktonan di pasado. Pa kosnan ku a tuma lugá kaba nos no por ekskluí tur riesgo. P esei mi ke urgi Staten pa buska manera pa por ehèmpel medio di un parlementaire enquete buska manera pa haña mas informashon posibel tokante e susesonan den VDC. For di awor aki si, nos por tuma sierto pasonan drástiko pa evitá ku for di awor aki kos ta lek òf tin aktividat ilegal den VDC. Gustosamente mi ta splika kiko gobièrnu a disidí riba dje e siman aki. 8) Kiko ta e pasonan ku a tuma a base di e resultadonan di e investigashon Nos a tuma diferente paso ku gustosamente lo mi aklará. A denunsiá na Ministerio Públiko diferente kaso kaminda tin sospecho di strafbare feiten: entre otro e entrada ilegal den kluis di VDC, i tambekontra e IT-medewerker ku a buska publisidat ku akusashonnan inkorekto. E investigashonnan aki mester kana nan kaminda, i den interes general di nos komunidat i nos staatsveiligheid nos ta spera i konfia ku lo tin investigashonnan profundo ku lo duna resultado mas pronto posibel. A inisiá e prosedura pa yega na medidanan disiplinario kontra empleadonan ku tabata envolví den aktonan kontra di lei òf ku a mustra ernstig plichtsverzuim. Esei tambe lo sigui su kaminda prosedural. <verklaring 28 juli St Jago bestrijdt hetgeen dat Winklaar bij Ombudsman heeft verklaard> Tambe nos a tuma inisiativa pa sera algu buraku hurídiko ku ta eksistí den nos leinan. Manera mi a yega di anunsiá kaba den Staten nos ke pa e screening di kandidaat ministers tin un base legal sólido. E landsbesluit aktual ku e richtlijnen den bijlage no ta adekuá. Nos a adaptá e Landsverordening Integriteit ministers, i

13 a inkorporá e aspekto di screening den e LV ei. Tambe a base di LV VDC mester deskribí vertrouwensfuncties den nos pais medio di un Landsbesluit houdende algemene maatregelen, un LBham. Nos a prepará e LBham aki tambe. E dos leinan aki a keda aprobá den Konseho di Minister kaba, i nan a bai den adviesronde awor aki, pa despues bin Staten. E siguiente paso ku mi ta anunsiá akiden, lo mi para ketu na dje mas ekstensivo, pasobra e ta un paso drástiko. Awe ta tin inisio a base di un desishon di Konseho di Minister djarason 2 di mei di un rekonstrukshon kompletu di VDC. Nos Servisio di Seguridat lo drenta un periodo di rekonstrukshon ku ta bai dura un par di luna. Durante e periodo aki lo desaroyá a base di e Businessplan aprobá den Raad un organisashon nobo i moderno, ku proseduranan nobo i ku sistemanan nobo. Esei ta altamente nesesariopasobra a sali na kla ku nos servisio no tabata traha na un ma nera up to date. Durante e rekonstrukshon lo hasi uso di konosementu i yudansa di nos zusterdiensten, entre otro AIVD. Mi ta konsiente ku a plama e rumor ku AIVD lo tuma over nos VDC. Esei ta leu for di bèrdat. Nos a pidi asistensha di AIVD riba terenonan spesífiko: nan ta bin yuda desaroyá diferente prosedura interno, ku struktura nobo di e sistema di IT, i nos a pidi training pa hasi Veiligheidsonderzoeken,e b-taak di nos VDC. Esaki tin apsolutamente nada di haber ku overname of curatele di nos servisio. Nos a haña e asistensha ku nos mes a pidi di parti di AIVD riba terenonan spesífiko. Tambe e otro servisionan di seguridat den reino a mustra nan disponibilidat pa koperá den renovashon di VDC. I nos ta masha kontentu ku e koperashon. Motibu pa buska koperashon ta ku nos no ta bai inventá kos kaminda otronan tin e in place kaba. A prepará un plan di akshon pa tuma tur pasonan nesesario pa dentro di un par di luna yega na kondishonnan básiko pa yega na un VDC renobá i moderno ku lo funshoná a base di kriterionan haltu ku awendia ta konta pa servisionan di seguridat rònt mundu. Esaki pa gobièrnu ta un conditio sine qua non, pasobra e ta un eksigensha pa yega na kooperashon internashonal. En konekshon ku e renobashon aki, awe mainta tur personal di VDC a keda informá di e desishon di gobièrnu pa renová VDC, ku tambe ta enserá ku e personal ta bai kas temporalmente, pero mester keda op afroep beschikb aar. A puntra e personal pa buska nan pertinensianan, sera nan lessenaar i porta, i bai kas temporalmente. Durante e periodo di renovashon lo hasi un apelashon riba nan kaminda ta nesesario. Tambe a sigurá ku durante e periodo di renobashon nos pais lo haña protekshon i e servisionan di e dienst kaminda esaki ta rekerí. Na niun momento e renobashon di VDC no mag di trese nos staatsveiligheid den peliger. A sigurá esei dor di medidanan interno operashonal. E crisismanager tambe ta keda na mando di e servisio. Pa sigurá ku e renobashon di e servisio lo resultá den un servisio di seguridat manera lei di VDC ta preskribí, a disidí pa instalá un

14 begeleidingscommissie. E komishon tin komo tarea pa guia e proseso di renobashon i sigurá ku na final di e trayekto nos por lanta un VDC ku tur hende por tin konfiansa den dje atrobe i ku ta ópera profeshonal, íntegro i na un manera transparente. Komo miembronan di e Begeleidingscommissie nos a aserká tres persona ku por yuda a base di nan eksperiensha i nan konosementu. Tur tres a konfirmá ku nan ta dispuesto. Ta trata aki di sra Maria Liberia-Peters, ex-premier di Antias, sr Wim Statius Muller, ex-hefe di VNA ku a traha na NATO tambe, i tambe di mr Carl Grüning (a titre personnel). Tur pues, yunan di tera. Ku nan ekspertisio i yudansa nos lo sòru ku den futuro serkano nos Servisio di Seguridat por ta un organisashon ku tur hende por konfia, tantu paden di nos pais, komo pafó. For di awor aki pa kualkier kabinete i kualkier minister- president, e servisio di seguridat mester ta atrobe un steunpilaar pa protekshon di nos pais. E aspekto di konfiansa ta di sumo importansha. Mester restablesé e konfiansa bek ku nos komunidat semper ta tin den e servisio. E lema di VNA di ántes tabata bisa: Semper Cursus Rectus Teneatur, loke ta nifik á semper kurso rekto. E logo di VNA tambe tabata reflehá esaki: un barku ku ta tene den kualkier sirkunstansha su kurso rekto. 11) Remarkenan di klousura Mi ta pidi atrobe durante e seshon aki atenshon serio pa e problemátika ku nos ta trata awe, kon nos por garantisá nos estado di derecho i protehá nos staatsveiligheid. Mi ta spera ku lo no bini awe for di sierto frakshon di oposishon: Fort bisa ku gobièrnu ta bezig pa mata VDC i ta purba skonde prueba; ripitishon di akusashonnan den direkshon di ministernan a base di supuesto rapòrtnan di VDC; atakenan personal riba ministernan; balotá i kuestioná trabou di komishon di supervishon; balotá i kuestioná trabou i kalidadesnan di crisismanager di VDC; otro moshon di deskonfiansa, òf pasonan pa pidi investigashon na funshonamentu di kabinete. Mi ta spera ku nos por konsentrá riba e kaso mes. Mester enfoká riba kon por ta posibel ku den un servisio di seguridat ta kometé fayonan grandi asina i kiko nos mester hasi pa evitá ku esaki por sosodé atrobe den futuro. Mi ta spera ku gobièrnu i begeleidingscommissie por konta riba sosten di Staten pa e proseso di rekonstrukshon di nos VDC na interes di nos pais. Mi ta dispuesto pa kompartí den setting di seniorenconvent mas dato ku Staten a base konfidenshal, pa asina duna klaridat i pa komprondé pakiko mester di un

15 shutdown operashonal di VDC.