Herensha di plantashon Gato 2 yuli 2009

Transcriptie

1 Herensha di plantashon Gato 2 yuli 2009 Na honor di nos tawela, Gerardus Lazaro Ferero, ku na un edat di 94 aña a sa di bai korte ku esnan ku a purba di kita lokual ku e a heredá, ta e motivashon ku nos di famia Ferero tin pa siguí buska te ora ku nos hañá e rekonosementu di nos identidat i derechi di herensha. Nos di famia Ferero a hañá un tarea hopi difísil i kompliká ora ku nos mester a buska e prueba ku en bèrdat nos tin e derechi di karga e nòmber Ferero i ku nos tin derechi riba un herensha ku ta bini for di aña Esaki ta e prueba ku nos ta desendientenan di e katibunan liberá Rasveldt, herederonan legítimo di plantashon Gato. Masha hopi Cha Tiger a neglishá e derechi di herensha di un famia grandi ku tabata desendientenan di katibunan liberá. Dor di falta di Gobièrnu hopi hende a logra probechá i abusá di e situashon. Gobièrnu ta e kulpabel mayó pasombra e no a aktualisá su atministrashon na un forma korekto tokante un kambio di tereno ku a tuma lugá riba 7 di òktober Plantashon Gato tabata propiedat di Dominee Wigboldus Rasveldt i señora Sybrecht van Uytrecht. Dominee Wigboldus Rasveldt a fayesé na aña Su kasá a heredá su propiedatnan entre otro e plantashon Gato. Na aña 1809 viuda Rasveldt, Sybrecht van Uytrecht, a traha un tèstamènt kaminda a wòrdu stipulá ku 13 katibu lo heredá e plantashon Gato, Loos i algun kas. Viuda Sybrecht van Uytrecht a fayesé 9 di ougùstùs 1811 i un aña despues riba 21 di febrüari 1812 e tèstamènt a wòrdu ehekutá. Den e tèstamènt tabata para: Aan haar ed(eles) vrijgegeven slaven haar ed(eles) plantagie genaamd Gato en haar ed(eles) Loos & huijsjes daar aan met begeerte dat zij dezelfde plantagie, Loos en huijsjes niet zullen mogen te verkopen, verhypothequeren of anders veraliëren maar dat alles zullen moeten blijven voor hun en hunne kindskinderen in infinitum, en de vrugten en interessen daar van in gelijke portie genieten, en dat voorts, haar ed(eles) hier na te noemen executeren t opzigt over dit legaat hebben. Den pasado, pa protehá propiedat, tabata posibel pa pone un stipulashon den un tèstamènt ku tabata yama Fidei Commis. Ku e stipulashon aki tabata imposibel ku por ehemplo un yu legítimo ta kasa pa, despues di divorsio, e 1

2 mester kompartí propiedat ku e a heredá ku su eks kasá. E stipulashon aki tabata pa garantisá ku un herensha ta keda pa semper den e famia legítimo ku a heredá un propiedat. Ku otro palabra ta imposibel ku unu ku no ta famia legítimo por drenta i apoderá su mes di un propiedat riba kual tin e stipulashon di Fidei Commis. Den tèstamèntnan nobo, sigun buki di leinan nobo, no ta posibel pa pone e stipulashon aki mas. Ku e herensha plantashon Gato, e viuda Sybrecht van Uytrech kier a duna e 13 katibunan liberá un garantia di eksistensia. Un garantia ku nan por sigui eksistí te den eternidat. Mi tawela, Gerardus Lazarus Ferero, mihó konosí komo Jati of Ja, su wela tabata Antonia Petronela kende tabata yu di e katibu liberá Leentje. Leentje tabata un di e 13 katibunan ku a heredá Gato. E executiebrief original a pasa di generashon pa generashon i ta den poseshon di famia Ferero. Nos a laga hasi un transkripshon di dje komo ku e a bira asina bieu ku e no por wòrdu habri sino e ta kibra. Gerardus L. Ferero tabata sneiru i tabata biba den Otrabanda. Semper Gerardus L. Ferero a beheer e terenonan di Gato. For di tempu ku e a wòrdu enkargá pa atendé tur asuntunan tokante di e herensha di e katibunan libera Rasveldt e a sòru pa siguí paga e belasting di Gato. Tambe e tabata kria bestia riba Gato. Mas o ménos aña 1960 Gerardus L. Ferero a kuminsá hür tereno riba Gato. E a hür tereno ku 61 persona riba Gato. Gerardus, komo ku tabatin su mes sastreria den Otrabanda, a laga Francisco Ealalio Pietersz tene bista riba e terenonan. Ku otro palabra Gerardus L. Ferero a hasi Francisco E. Pietersz Vito riba Gato. Esnan ku tabata ke tereno riba Gato mester a haña aprobashon di Gerardus L. Ferero pa despues tuma un parsela serka e Vito ku tabata Francisco L. Pietersz. E sèn di hür Francisco L. Pietersz mester a trese Otrabanda serka Gerardus L. Ferero. E sèn di hür Gerardus L. Ferero tabata usa pa paga belasting i tambe pa benefisio di e otro herederonan. No tabata e intenshon pa hür Gato kompleto. Mas o ménos den aña 1973 Gerardus L. Ferero a firma pa e 61 habitantenan por a haña awa i koriente serka Ogem. Na kuminsamentu di aña 1980 Pietersz a bisa ku Gerardus L. Ferero no tabata doño mas. Famia Pietersz a kuminsá pretendé di a bira doño di Gato pasombra sigun nan Gerardus L. Ferero a bandoná Gato. Na 1980 Gerardus L. Ferero tabatin 94 aña i su bista tabata hopi malu. Sigun famia Pietersz Gerardus tabata un ansiano bandoná i sin famia. Nan no tabata sa ku Gerardus tabata un hòmber hopi inteligente ku tabatin 16 yu. For di 1979 Gerardus a kuminsá rekonosé tur su yu nan. Na 1980 ora ku Gerardus a kansa di e pretenshonnan di famia Pietersz e a disidí di puntra si gobièrnu ke kumpra Gato. Ora gobièrnu a ofresé di 2

3 kumpra Gato na 25 sèn pa m² Gerardus a sinti su mes ofendí manera ku ta un limosna e a bin pidi i a disidí di traha su tèstamènt pa laga su yu nan ku e terenonan di Gato. Despues di a rekonosé tur su yu nan Gerardus a pidi dos di su nietunan pa buska e derechi di herensha ku nan tin. Gerardus L. Ferero a fayesé 16 di mart 1987 na un edat di 101 aña. Na aña 1982 Gerardus L. Ferero a kuminsá un kaso den korte kontra di Felipe Benisio Pietersz eksigiendo un pago di un suma di NAF ,- ku Felipe Pietersz mester a entrega na Gerardus L. Ferero. Aki tabata trata di e plaka di hür di tereno na Gato ku Felipe Benisio Pietersz a nenga di entrega Gerardus L. Ferero. Gerardus L. Ferero no por a duna un prueba ku e tabatin un kombenio ku Felipe Pietersz pa entrega plaka di hür di tereno di Gato. Tambe Gerardus no por a duna un prueba ku e tabata un heredero legítimo di e terenonan di Gato. No opstante ku Gerardus L. Ferero tabatin den su poder e executitiebrief original di 1812, Gerardus L. Ferero no por a duna e prueba ku en bèrdat e tabata un desendiente di e katibunan liberá Rasveldt ku ta e herederonan di e terenonan di e plantashon Gato. Niun instansha di Gobièrnu por a duna korte e informashon nesesario tokante e identidat i derechi di herensha di Gerardus L. Ferero. For di 1982 te ku 2000 algun di e verídikonan di korte tabata ku famia Ferero no por a entrega korte un prueba ku enbèrdat tabata trata di herederonan legítimo di e terenonan di Gato. Diferente polítiko tambe a purba di saka benefisio, sea pa gana voto òf pa otro motibunan personal, probechando di e punto ku no tin prueba ken ta doño di plantashon Gato. Tabata manera ta wòrdu bisa na Hulandes: In troebel water is het goed vissen. Na aña 1999 e tenshon tabata hopi haltu komo ku Gobièrnu kier a apliká artíkulo 572 BWNA i bira doño di plantashon Gato. Pa no wòrdu tilda di mal gobernashon na yüni 1999 Eilandgebied Curaçao a pasa un Eilandsbesluit no. 99/5241 ku a stipulá pa señor profesor dr. A.F. Paula i señor Felio Hermilio Colinet hasi un investigashon históriko pa determiná ken ta e berdadero herederonan di e plantashon Gato. Den e besluit tabata para ku si resultá ku ningun di esnan ku ta pretendé di ta doño di e terenonan di plantashon Gato por prueba di ta doño di Gato, e artíkulo 572 lo wòrdu apliká i Gobièrnu lo bira doño di Gato. E investigashon históriko di profesor dr. A.F. Paula a resultá negativo pa Gobièrnu komo ku profesor dr. Paula a deskubrí e missing link ku tabata e prueba ku Gerardus L. Ferero en bèrdat tabata desendiente di e katibunan 3

4 libera Rasveldt. Profesor dr. Paula a deskubrí e prueba ku Gerardus L. Ferero no tabatin pa entrega na korte aña Gerarus L. Ferero tabata desendiente i heredero legítimo di tur lokual e katibunan liberá Rasveldt a heredá. Gerardus L. Ferero tabata registrá na Kadaster di ta lasthebber di 7 kas den Ferdinantstraat. Aunke ku semper Gerardus L. Ferero tabata registrá na kadaster di ta lasthebber di 7 kas situá den Ferdinandstraat na Otrabanda, tòg e no a wòrdu rekonosé komo belanghebbende den sobra di e herensha di e katibunan liberá Rasveldt. E 7 kasnan aki tabata forma parti di e herensha di e katibunan liberá Rasveldt. Sigun e herensha e katibunan a heredá plantashon Gato i tambe Loos i algun kas. Loos tabata kaminda awe Kura Hulanda ta. Komo ku Gobièrnu na 1868 tabatin mester di e terenonan kaminda Loos tabata, Gobierno a laga yama tur e herederonan di e herensha Rasveldt pa hasi un kambio di tereno. Riba e dokumentu di kambio di tereno un di e personanan ku a firma tabata Martijn Ferero i Antonia Petronela ku tabata e tata i e mama di Gerardus L. Ferero. Profesor dr. Paula a bisa den su rapòrt: Concluderend kan worden opgemerkt dat de overheid over de jaren heen debet is geweest aan grove nalatigheid door haar administratie niet op gedegen wijze te actualiseren naar aanleiding van de grondruil die plaats vond op 7 oktober Deze nalatigheid heeft in grote mate bijgedragen aan het ontstaan èn het voortduren van onduidelijkheid en controverse inzake de eigendomssituatie van de plantage Gato vanaf de jaren Ware het niet door deze nalatigheid, dan had bijvoorbeeld reeds in 1974 de Commissie Eigendomsuitwijzing onder de voorzitterschap van het toenmalig Hoofd van het Kadaster, de heer Calvo, op correcte wijze kunnen antwoorden op het aan hen gestelde vraag, wie de belanghebbende partijen zijn met betrekking tot de eigendom van de plantage Gato Gobièrnu no por a apliká artíkulo 572 BWNA i bira doño di Gato mas, i no a hasi nada mas ku e rapòrt di profesor dr. Paula. Na aña 2000 tabatin veredikto di un kaso ku a bai Korte di Kasashon. Na e kaso den Kasashon nr. R98/155HR di 8 sèptèmber 2000 e veridikto tabata: verklaart Chato Properties n.v., niet-ontvankelijk in haar beroep; Verwerp het beroep van het overige; Veroordeelt Pietersz c.s. in de kosten van het geding in cassatie, Chato Properties ta e kompania ku Pietersz c.s. a lanta pa hür tereno riba Gato. Bon kla na korte di Kasashon a bisa ku famia Pietersz c.s. no a bira 4

5 doño di Gato pasombra nan tabata di mala fe kual tabata un kondishon pa por bira doño dor di verjaring. Tambe korte di Kasashon a bisa ku e plantashon di Gato ta di e desendientenan di e katibunan libera Rasveldt. A base di pruebanan ku profesor dr. Paula a deskubrí na aña 2001 notario mr. J.R.E. Kleinmoedig a traha un deklarashon di derechi di herensha, verklaring van Erfrecht, pa famia Ferero. Aki famia Ferero a haña e prueba ku tabatin mester for di aña 1982 den korte. Un serie di kaso a kuminsá den korte, mayoria biaha famia Ferero a haña rason. E último kaso den korte tabata riba djamars 23 di òktober Veredikto di korte Superior H-66/06 no. 362/07 tabata: E demanda di famia Pietersz a base di verjaring a keda rechasá i famia Pietersz c.s. no ta ni a bira doño di Gato. Famia Pietersz no ke akseptá ku nan no a haña e verklaring voor recht ku nan a pidi, ta pa e motibu e nan a apelá i a pidi pa Kasashon trata e kaso. Den yanüari 2009 e kaso lo wòrdu trata den Kasashon. Básikamente por bisa ku ta falta di Gobièrnu ku derechinan di e herederonan di Gato a wòrdu neglishá. Demasiado biaha polítikonan a hasi mal trabou ku a perhudiká herederonan di Gato. Instansianan di gobièrnu tambe a hasi hopi mal trabou. Konsientemente tabatin polítikonan i funshonario nan di instanshanan di Gobièrnu ku a duna koperashon i sosten na e illegalidat nan ku tabata tumando lugá riba Gato. Tabatin un komishon Commissie Eigendomsuitwijzing ku mester a resolvé problemanan di terenonan ku no ta konosí ken ta doño. E komishon aki no a logra resolvé e kaso di Gato. E komishon tabata konsistí di: Hefe di Kadaster sr. Calvo, komo presidente, notario Schildkamp, Hyphotheekbewaarder, sr.pieters-heiliger, funshonario di Kadaster sr. Grüning, sekretario. Promé ku aña 1974 Gerardus Ferero a manda un karta korte pidiendo pa deklará su persona doño di Gato. E komishon a haña enkargo pa trata e karta ku Gerardus Ferero a manda. E komishon a kuminsa na definí Gato. Remarkabel ta ku e komishon no a hasi niun klase di investigashon di e historia di e plantashon Gato. E komishon a bai Gato i komo ku Gerardus Ferero mes no tabata na Gato presente, e komishon a bai puntra famia Pietersz pa yuda nan pone Gato riba mapa di Kadaster. Aki e meetbrief no. 250 di 1974 a wòrdu traha. Nan a midi Gato manera ku famia Pietersz a bisa di unda te unda ta Gato. Sigun e komishon ei, Gato ta midi hectare. 5

6 En realidat famia Pietersz no tabata sa kiko tabata e plantashon Gato. Nan no tabata sa ku e plantashon Gato tabata un herensha y tabata propiedat di desendientenan di katibunan liberá Rasveldt. Nan no tabata sa ku e kaminda ku ta bai Banda Abou ta pasa riba e terenonan di Gato. Diferente mapa ta mustra bon kla ku e kaminda di Banda Abao ta kòrta e tereno na dos. E otrobanda di e kaminda ta loke ku den pasado tabata e berdadero plantashon di Gato. Loke ku ta yama Weitje òf Wechi. Riba Wechi FKP a kumpra un tereno bou di sirkunstanshanan hopi dudoso. FKP a kumpra Wechi pa NAF ,- (seis milon trinta mil) for di Wechi Real Estate n.v. Preguntanan ku mester wòrdu kontesta ta: Pakiko Gobièrnu tabata hasi asina tantu esfuerso pa bira doño di Gato aplikando artíkulo 572 BWNA? Ken tabata esnan ku lo tabatin ganashi si artíkulo 572 BWNA a wòrdu apliká? Kua ta e instansha ku mester tin informashon tokante e grandura di e berdadero tereno di plantashon Gato? Un komishon di Kadaster a puntra famia Pietersz kon mester a pone Gato riba mapa. Ta un suidadano mester determiná grandura di un tereno? Konsientemente e komishon a midi Gato parsailmente? 6

7 7