PREEK SONDAG 15 OKTOBER 2006

Transcriptie

1 PREEK SONDAG 15 OKTOBER 2006 TEMA: DANKBAARHEID EN VRYGEWIGHEID SKRIFLESING: 2 Kor 8 en 9 PREDIKER: Danie O Kennedy VOOR SKRIFLESING Ek glo dat die Here wil hê ek moet oor vrygewigheid praat. Hierdie geloof bevestig toe die omgeeleiers so n tyd gelede gevra het Ons soek meer lering oor vrygewigheid Tog onseker selfs n bietjie gespanne. Mense sê mos ons is die En Gee En Gee kerk. Maar as ek net na my pos die afgelope week kyk word daar baie met my oor geld en goed gepraat: o So n blou briewe van SARS; doktersrekening; Water en elektr. Rekening van Stad Kaapstad; Mense wat geld vir verdienstelike saak vra; My bankstate; Talle gemorspos e- posse met skemas hoe om geld te maak of dinge wat ek kan koop; advertensies in my posbus wat ek kan koop; op TV, radio. Rentekoers aanpassings hierdie week. En as ek by mense kom praat hulle oor geld en goed. o Mag n mens dan nie uit die Bybel oor vrygewigheid praat? Almal praat oor geld, maar ons as kerk moet stilbly. Besef ek kan nie stilbly nie. Wat sê die Bybel oor vrygewigheid oor geld en goed. Daar is 500 teksverse oor gebed en minder as 500 verse oor geloof, maar 2350 verse oor geld en besittings. 16 van die 38 gelykenisse van Jesus handel oor die regte aanwending van geld en besittings. In die Bybel is geld en die regte gebruik daarvan baie belangrik. Jesus besef dat ons op n materialistiese aarde leef en wil ons juis hiermee help. Dalk is geld die grootste versoeking of afgod vandag in die wêreld; daarom praat die Bybel so baie daaroor. Kan nie anders as om nou in die Bybel hieroor te lees nie. BOODSKAP INLEIDING Gemeente, ek wil graag begin met n storie wat ek by my pa gehoor het. Dit is van n klein seuntjie wat in die ou dae Sondagskool (vandag Jeugaksie) toe gegaan het. Sy pa het vir hom 2 geldstukkies gegee (dink dit was twee 10 sente) om by die Sondagskool in die bordjie te gooi. Terwyl hy so stap na die kerk dink hy by homself. Ek sal die een geldstuk in die kerk gooi en die ander geldstuk gebruik om vir my loslekkers by die kafee te koop (onthou nog dat toe ons klein was jy 3 Star toffies vir 1 c kon koop). Terwyl hy so met die twee geldstukke speel val een van die stukke uit sy

2 hand en rol in die slootjie af tot binne-in die stormwaterpyp. Hy kyk so af en sê: O gaats, daar gaan my kerkgeld, maar gelukkig het ek darem nog my lekkers se geld. Gemeente, ons lag vir die seuntjie se opmerking, maar is ons as Christene nie maar dikwels net soos hierdie klein seuntjie nie. Ons besluit watter deel ons vir die Here wil gee, maar as daar n probleem kom dan vergeet ons heeltemal van die Here en ander mense dan dink ons net aan onsself. Kom ons kyk saam wat die Bybel oor dankbaarheid en vrygewigheid sê. (1) DANKBAARHEID LEI TOT VRYGEWIGHEID: EK LEEF NIE NET VIR MYSELF NIE Gemeente, Oktobermaand is in ons gemeente dankbaarheidsmaand. Dankbare mense is vrygewige mense en vrygewige mense is dankbaar. Ons kan nie dankbaarheid en vrygewigheid van mekaar losmaak nie. Daarom praat ons ook van dankoffer of offer van dankbaarheid. In 2 Kor 9:5 staan: Hulle moet die dankoffer wat julle vroeër beloof het, vooraf in orde bring. Dan sal dit daar gereed wees as n werklike offer van dankbaarheid, en nie as iets wat afgepers is nie. Vrygewigheid lei ook tot dankbaarheid by ander teenoor God. Dit is wat in 2 Kor 9:12 staan: want die bediening van hierdie hulpbetoon voorsien nie alleen in die behoeftes van die gelowiges in Judea nie, maar bring ook oorvloedige dankbaarheid teenoor God mee. Dankbare mense leef nie net vir hulleself nie. Vrygewige mense leef nie net vir hulleself nie. Ondankbare, selfsugtige mense is gewoonlik materialistiese mense. Dankbare, onselfsugtige mense is gewoonlik vrygewige mense. 2 Kor 8 en 9 moedig ons aan om dankbare vrygewige mense te wees. (2) HOEKOM MOET ONS GEE? Hoekom moet ons vrygewig wees? Hoekom moet ons gee? Ons kan mos alles vir onsself hou. (a) Alles behoort in elk geval aan God Gemeente, die Bybel sê op verskeie plekke dat alles in die hemel en op aarde aan Hom behoort. Dat Hy vir alles sorg: Ps 50:12 sê: Ek sou jou nie vra as Ek honger sou kry nie, want die aarde en alles wat daarop is, behoort aan my Hag 2:8 sê: Aan my behoort al die silwer, aan My al die goud, sê die Here die Almagtige.

3 Matt 6:30: As God dan die gras van die veld wat vandag nog daar is en môre verbrand so versier, hoeveel te meer dal Hy dan nie vir julle sorg nie, julle kleingelowiges Alles in die hemel en op aarde behoort aan die Here. Ook my en jou geld en goed. Ons bestuur maar net God se goed op aarde. Dit kan enige tyd van ons weggeneem word (praat maar net met mense wie se huis afgebrand het of waar water alles weggespoel het). Daarom vriende, is dit eintlik arrogant om te sê: Ons gee iets terug vir die Here Hoe kan ons iets vir God teruggee as Hy alreeds alles besit. Nee, deur te gee, deur vrygewig te wees, erken ons maar net dat God die besitter van alles is. Ons gee maar net aan God die eer vir alles. (b) God gee vir ons so baie Daar is sommige Christene wat sê: Hoe meer jy vir God gee, hoe meer sal jy ontvang. En ja, dit staan ook in 2 Kor 9:6: Dink daaraan: wie karig saai, sal karig oes; en wie volop saai, sal volop oes. Maar gemeente, dit mag nooit die rede wees hoekom ons gee nie. Ons geen nie sodat ons kan ontvang nie; ons gee omdat ons reeds soveel van God ontvang het. Om te gee is nie n ruiltransaksie nie. Ek gee omdat God my hart aangeraak het en ek so baie van Hom alreeds ontvang het. Wat gee God vir ons? God het vir ons sy heel beste gegee sy Seun gegee. Hy het alles opgeoffer vir ons. God gee vir ons geld en goed. Die meeste van ons wat vanoggend hier sit is baie ryk ons het genoeg kos en klere, n huis of woonstel, n motor, ens. Daar is vandag in die wêreld 600 miljoen mense wat elke dag honger is. Omtrent die helfte van ons eie land se mense leef onder die broodlyn. God gee vir ons ander seëninge soos gesonde verstand; werk; familie; kinders; vriende; skool; en n gemeente waar ons vrylik kan aanbid. (3) HOEKOM IS DIT MOEILIK OM TE GEE? Gemeente, God sê dat ons vrygewig moet wees, maar as ons eerlik met mekaar is, moet ons erken dat dit soms moeilik is om te gee. Ons wil so graag net ontvang. Dit is vir ons baie lekkerder om n geskenk te ontvang as om van ons geld te gebruik om n geskenk vir iemand anders te koop. Dit is vir ons lekkerder om tyd en geld op onsself te spandeer as om tyd en geld aan ander te spandeer. (a) Dit is vir ons moeilik om te gee omdat ons van nature maar selfsugtig is. Kyk maar weer na n klein kindjie wat so maklik sê dis myne. En as n maatjie kom speel mag die maatjie nie met sy

4 speelgoed speel nie. Daar is n hele kamer vol speelgoed, maar hy/sy wil nie hê dat ander met sy speelgoed moet speel nie. Ons as grootmense is maar net so. (b) Dit is ook vir ons moeilik om te gee omdat ons nie die nood van ander raaksien nie. Dit is makliker om ons oë weg te draai. Ons kyk makliker na die wat meer as ons het as na die wat minder het. Ek weet nie wat dit is nie, maar ook in ons gemeente ons mense gesels baie makliker oor hulle wat meer as ons het as oor hulle wat minder het. As ons so kyk, dan wil ons net meer hê ons voel onvergenoegd omdat ons nie genoeg het nie. In plaas daarvan dat ons n bietjie terugkyk en dankbaar is oor alles wat ons het. (c) Maar hoekom is dit werklik moeilik om tyd en geld te gee? Is dit nie dalk omdat God en sy koninkryk nie so belangrik vir ons is nie. As iets werklik vir ons belangrik is, sal ons tyd en geld daaraan spandeer. Bv. as gholf werklik vir jou belangrik is sal jy tyd daarvoor maak en geld daaraan spandeer. As vakansie met jou gesin werklik vir jou belangrik is sal tyd maak en geld daaraan spandeer. Is God en God se koninkryk vir ons werklik belangrik? Dan sal ons bereid wees om tyd en geld daaraan te spandeer. God alleen kan ons oë oopmaak. God alleen kan ons deur sy Gees help om vrygewig te wees. Ek kan dit nie doen nie. Ek kan maar net God se boodskap daaroor uitlig. (4) HOE MOET ONS GEE? Ons het vir mekaar gesê dat God ons wil help. Wat sê die Bybel hoe moet ons gee? (a) Gee eers jouself (2 Kor 8:5) In 2 Kor 8:5 staan die volgende woorde: Dit was meer as wat ons verwag het, want eers het hulle hulleself aan die Here gegee en toe aan ons. Dit is soos God dit wil. Vrygewigheid begin by die feit dat ons bereid is om onsself aan die Here te gee. As ek nog nie myself aan die Here gegee het nie, sal ek nie verstaan waarom ek vir ander moet gee nie. Iemand wat nie n verhouding met Jesus het nie, sal altyd kwaad word as daar oor vrygewigheid gepraat word. Ons is mos van nature selfsugtig soos ons gesê het. Jesus Christus en sy Heilige Gees is al een wat ons van die selfsug kan verlos. Ek kan nie myself van selfsug en materialisme verlos nie.

5 Hoe lyk jou verhouding met God? Hoe belangrik is God vir jou? Ons moet onsself eerstens vir God gee. Maar ons moet ook bereid wees om onsself vir ander te gee. 2 Kor 8:5 sê dat die Christene in Masedonië ook bereid was om hulleself te gee. Hulle het nie net gesê: Hier is my geld nie. Nee, hulle het ook gesê: Hier is ons. Gebruik ons met ons geld en met ons besittings. Daarom gaan vrygewigheid nie net oor geld en goed nie. Dit gaan ook oor my tyd en my gawes. In Engels is daar drie woorde wat met die letter t begin wat ons kan help om dit te onthou: TIME, TALENTS EN TREASURES. Dit is nie net my geld en goed wat aan God behoort nie. Ook my tyd is God se tyd. Ook my gawes is God se gawes wat hy vir my gegee het. (b) Gee uit dankbaarheid gee met blydskap (2 Kor 9:5, 7) Gemeente, in 2 Kor 9:5 en 7 word n tweede riglyn vir ons gegee. Gee uit dankbaarheid en met blydskap: 5 Daarom het ek dit noodsaaklik geag om die broers aan te spoor om vooruit na julle toe te gaan. Hulle moet die dankoffer wat julle vroeër beloof het, vooraf in orde bring. Dan sal dit daar gereed wees as n werklike offer van dankbaarheid, en nie as iets wat afgepers is nie. 7 Elkeen moet gee soos hy hom in sy hart voorgeneem het, nie met teensin of uit dwang nie, want God het die blymoedige gewer lief. Ons gee, omdat ons werklik teenoor die Here dankbaar is. Moenie gee net omdat jy skuldig voel nie. Ons kan maklik in die gemeente mense laat skuldig voel. Dit is nie moelik nie. Nee, ons wil juis mense help om te gee uit dankbaarheid. Gee soos die Here dit vir jou deur sy HG sê. (c) Gee volgens wat jy het hoef nie te gee wat jy nie het nie (2 Kor 8:12) In 2 Kor 8:12 staan: As die goeie wil daar is en iemand gee volgens wat hy het, neem God die gawe aan. Hy verwag nie van hom wat hy nie het nie. God verwag nie van ons iets wat ons nie het nie. Ja, hier is persone vandag in die kerk wat nie n werk het nie en nie n vaste inkomste het nie wat finansieel swaarkry. Dan hoef jy nie vir God geld of goed te gee nie. Maar dalk het jy meer tyd of gawes om te gee. Gee dan dit vir die Here.

6 Hier is mense wat baie hard werk en n groot inkomste verdien. Hulle het nie veel tyd om vir die gemeente te gee nie. Gee dan liewer van die geld wat jy het en leef as 7-dag Christen daar by die werk. Ons kan weer jou geld gebruik om ander wat nie het nie te help. Ek onthou nog een Sondag ons het vir mense in die gemeente gehelp wat lank gesukkel het om werk te kry. En deur die genade het die persoon toe werk gekry. Nadat sy haar eerste salaris gekry het, het sy dadelik na ons gekom en gesê hier is my tiende, gebruik dit weer vir iemand anders wat in nood is. Gee volgens wat jy het. God verwag nie van jou iets wat jy nie het nie. (d) Tiende is n goeie riglyn (2 Kor 8:3; Gen 28:22; Deut 14:22-23; Maleagi 3:8-10) Gemeente, baiekeer vra gemeentelede vir my. Danie, hoeveel wil die Here hê moet ek gee? In die tyd van die Ou Testament het God gevra dat hulle n tiende van alles moes gee. As jy tien skape het, gee jy een skaap vir die Here. As jy tien vye het gee jy een vir die Here. Dit bly nog steeds n goeie Bybelse riglyn selfs om n tiende van jou tyd te gee. Ek weet van persone wat sê hulle wil n tiende van hulle tyd vir die gemeente gee. As ons sê dat alles aan die Here behoort is n tiende nie so veel nie. Maar dit bly steeds vir mense moeilik om te gee. Soms sal mense sê. Weet jy: as ek tien motors het, sal ek beslis een weggee. Of as ek tien huise het, sal ek beslis een huis vir iemand in nood gee. Maar ons het dit nie. Ons het dalk tien hemde of duisend rand. Wat maak ons hiermee? Hoe meer n mens het, hoe moeiliker raak dit baiekeer vir jou om weg te gee. Jy dink aan alles wat jy met daardie geld kan koop. Dit het ook in my lewe so gewerk. Toe ek baie min verdien het, het ek sommer maklik gegee, maar noudat ek meer verdien, raak dit moeiliker. Wat sal gebeur as mense in ons gemeente werklik hulle tiende begin gee? Ons sal n geweldige verskil in ons omgewing kan maak. Net 9 persone (10 maar predikant gee ook sy tiende) nodig om een predikantspos te dra: net 45 mense nodig om al 5 die predikantsposte te dra; n klompie ander om die res van die kostes te dra en die res kan ons alles vir mense wat in nood is. Wat n wonderlike voorreg sal dit nie wees nie! Ons kan n geweldige verskil maak in hierdie omgewing. Ek dink terug aan mense wat my gehelp het om te gee. Op Kweekskool was daar n vriend van my wat my net geleer het om my 10de eerste op my begroting te plaas. Hy het gesê: Danie daardie

7 geld is in elk geval nie joune. Dit is alreeds God se geld. Ek dink aan die voorbeeld van n jong man in ons gemeente wat n nuwe huis gekoop het en gesukkel het en gesê het: Danie, ek gaan nou baie sukkel om my tiende te gee. Ek het nie geld nie. Ek het vir hom gesê dat hy moet probeer om steeds sy tiende te gee, want die Here het dan nou juis vir hom geseën met n huis. En gesê as hy nie sy huispaaiement kan betaal nie, sal ek help of iemand vra om te help. Tot vandag toe het hy nog nie gevra dat ek moet help nie. In 2 Kor 8:3 staan Ek verseker julle hulle het na vermoë, ja, bo vermoë, bygedra. Die Bybel sê dat die gemeentes in Masedonië selfs bo hul vermoë bygedra het. Sommige mense is baie bevoorreg en het baie meer geld en goed as wat hulle nodig het. Dalk sê die Here vir jou om meer as n tiende te gee. Ek weet van mense wat sê dat jy jou sirkel moet voltooi. Dws dat jy voor die Here in gebed moet bepaal wat genoeg is vir jou en jou familie het dat jy moet sê: Dit is genoeg vir ons Dit wat jy meer verdien, word dan vir ander gegee. Ek weet van besigheidspersone wie se ideaal dit is om van een tiende te leef en nege tiendes weg te gee. n Tiende is maar net n Bybelse riglyn. Jy en jou familie moet in biddende afhanklikheid voor die Here bepaal wat julle wil weggee vir die kerk en vir ander. Gaan sit weer vandag rustig voor die Here en vra Here wat moet ek vir jou koninkryk gee?. (e) Gee jou beste nie jou swakste nie Gemeente, in die tyd van die Bybel het dit gebeur dat mense sommer net hulle swakste vir die Here gegee het. Daardie lammetjie wat lam en siek was geoffer. In ons tyd gebeur dit ook. Ons gee ons slegste bv oudste beertjie en speelgoed vir mense wat in nood is of ons oudste klere wat ons regtig nie meer wil hê nie of die slegste kos wat niemand in ons huis meer wil eet nie. Wees bereid om jou beste te gee nie net jou swakste of jou oorskiet nie. Die Here vra ons beste. Nie ons swakste nie (5) WAT GEBEUR AS N MENS GEE? (a) God word verheerlik Gemeente, as n mens weer 2 Kor 8 en 9 gaan lees, sal jy besef wat alles gebeur nadat die mense gegee het. Bv 2 Kor 9:13 staan daar: Deur hierdie duidelike bewys van julle bereidheid om te dien, sal daar baie wees wat aan God eer toebring

8 Ons maak God se naam groot as ons gee. Ons help ook ander om God se Naam groot te maak as ons gee. Ek dink aan die talle getuienisse van mense wat sê: Die Here het my geseën. En dan was dit mense wat gegee het. Die Here gebruik vir my en jou om te gee sodat sy Naam grootgemaak kan word. Ek dink byvoorbeeld ook in die Bybel aan die verhaal van die seuntjie wat sy 5 brode en 2 vissies vir die Here gegee het en op die ou end duisende mense gevoed het. God kan daardie gawe wat jy gee op baie maniere gebruik. Selfs al is dit nie iets kleins. (b) Vreugde by die gewer Gemeente, vrygewigheid lei nie net tot verheerliking van God nie. Dit gee ook absolute vreugde vir die gewer. Dit is lekker as jy tyd, gawes of geld gegee het en iets gebeur. Ek dink aan n lidmaat wat vertel hoe hy net n paar telefoonoproepe gemaak het en iemand kon help. Hy vertel dit met absolute vreugde. Dit is lekker om te gee. Dit is lekker om te sien hoedat jou bietjie tyd of jou gawe of jou geld n groot verskil in iemand anders se lewe maak. SLOT Gemeente, ek en jy behoort aan die NG Gemeente Helderberg. Is ons werklik n En gee gemeente? Of is ons maar vasgevang in n gees van selfsug en materialisme waar ons net wil ontvang? Is ons maar soos die seuntjie met die twee muntstukke wat liewer net die geld op homself wil spandeer? Spandeer ons maar net al ons tyd en gawes net op onsself en ons familie? Christene wat n passie vir God en hart vir mense het sal vrygewig wees: Sal bereid wees om hulle tyd, gawes en geld vir ander te gee sodat God daardeur verheerlik kan word. Ons het nie baie tyd op aarde nie. Ons leef maar net n paar jaar. Mag ons lewe op aarde sinvol wees in alles wat ons doen. Ek sou graag wil hê dat mense op my begrafnis moet sê: Danie was n dankbare en vrygewige mens. Ek sou graag elke dag wil terugkyk net voor ek gaan slaap en sê: Die Here het vandag my tyd, gawes en geld gebruik om n verskil in mense se lewens te maak Is ons werklik dankbaar teenoor die Here? Is ons werklik bereid om te gee? AMEN.