Gids vir Werkgewers en Werknemers

Transcriptie

1 Gids vir Werkgewers en Werknemers Die unieke voorsorgfonds wat aftree, uitdienstredings, sterfte, ongeskiktheids en begrafnisvoordele bied aan werknemers in die landbousektor in n enkele pakket. Die Produk Absa Konsultante en Aktuarisse het kragte saamgesnoer met georganiseerde landbou en n voorsorgfonds saamgestel vir elke werknemer in die landbousektor. Hierdie fonds se administrasie, advies en aktuariële dienste word gedoen deur Absa Konsultante en Aktuarisse, en die bestuur van die fonds word gedoen deur n Raad van Trustees, met verteenwoordiging deur Absa, AGRI SA, LWO, TLU, asook onafhanklike Trustees. Die Landbousektor Voorsorgfonds bestaan uit verskeie planne, met elke plan wat unieke voordele bied. Hierdie planne is so saamgestel dat dit vir individuele lede sterfte, ongeskiktheids en begrafnisvoordele teen bekostigbare premies bied, tesame met n spaarkomponent. Die spaarkomponent is gebaseer op die bruto bydraes wat vir elke lid van die fonds gespaar word minus die kostes vir administrasie, sterfte, ongeskiktheids en begrafnisvoordele. Die effektiwiteit van die spaarrekening berus op die vlak van bydraes wat gelewer word, asook die termyn waaroor die bydraes gemaak word. Lede wat eers op n hoër ouderdom toetree tot die fonds se termyn van spaar is baie korter as jonger lede, en daarom sal hul fondswaardes by aftrede ook laer wees. Die fonds is uiters buigsaam en kan aan verskillende behoeftes voldoen, tog ook eenvoudig genoeg om administrasie te vergemaklik en kostes te beperk. Voordele vir die Werkgewer en sy Werknemers n Enkel maandelikse bydrae dek alle voordele. Dit bied gemoedsrus aan werknemers. Die opgelope fondswaardes van lede is oordraagbaar vanaf een werkgewer na die volgende. Lidmaatskap Elke werknemer besluit tot watter plan hy of sy wil behoort. Werkgewers word as deelnemende werkgewers geregistreer binne die fonds. Alle permanente werknemers tussen die ouderdom van 16 en 65 jaar moet by die fonds aansluit. Die fonds is buigsaam genoeg om voorsiening daarvoor te maak dat werknemers hulle plan binne die fonds mag wysig indien die behoefte ontstaan. Bestuur Die Raad van Trustees word deur n hoofbeampte ondersteun wat verseker dat die Trustees se besluite uitgevoer en behoorlik geïmplimenteer word.

2 Administrasie Die fonds word deur Absa Konsultante en Aktuarisse geadministreer en jaarliks deur onafhanklike ouditeure geoudit. Die voordele wat onder die aparte groepskemas voorsien word, word by n lewensversekeraar herverseker. Die keuse van die herversekeraar berus by die Raad van Trustees wie gereeld die mark toets om te verseker dat die mees kompeterende dienste en premies beding word. Beleggings Die gedeelte van bydraes wat beskikbaar is vir aftreebefondsing (spaarkomponent) word in toepaslike portefeuljes van welbekende beleggingsbestuurders belê om te verseker dat lede se spaarkomponent blootgestel word aan groei, met beperkte risiko. Die keuse van beleggingsbestuurders berus by die Raad van Trustees en word gereeld hersien ten einde goeie opbrengste op fondsbeleggings te handhaaf. Die Trustees van die Landbousektor Voorsorgfonds beskik oor n volledige beleggingstrategie waarvolgens die verlaagde risiko vir fondslede behou word, maar ook gepoog word om n aanvaarbare groei te verkry. Die huidige beleggingsportefeulje is Sanlam Absolute Opbrengs (VPI + 5%). Eienaarskap Alhoewel werkgewers as deelnemende werkgewers van die fonds geregistreer is, word n aparte beleggingsrekening vir elke werknemer (wat n lid van die fonds is) gehou. Elke werknemer is dus eienaar van sy of haar eie beleggingsrekening. Voordeelstrukture Ten einde voorsiening te maak vir verskillende behoeftes, word verskillende voordeelplanne aangebied. Dit kan later na gelang van die behoefte, en die effek van inflasie, uitgebrei word. Die voordeelstrukture word in die volgende tabel uiteengesit. Plan A1 A2 B C1 C2 C3 D1 D2 E1 E2 Bydrae R97,70 R97,70 R112,73 R127,76 R127,76 R180,36 R150,30 R150,30 R255,51 R255,51 Sterftedekking R9 018 R9 018 R9 018 R9 018 R9 018 R9 018 R9 018 R R Enkelbedrag ongeskiktheid R9 018 R9 018 R Begrafnis: Lid Gade Kind Kind 6 13 Kind 0 5 R3 750 R1 875 R3 750 R1 875 Volopbetaalde begrafnispolis Min totale koste R16,71 R49,05 R51,62 R77.69 R61.62 R109,47 R72,90 R76,50 R108,38 R115,60 Netto aftreevoorsiening R80,99 R48,65 R61,11 R50.07 R66.14 R70,89 R77,40 R73,80 R147,13 R139,91 Bydraeplanne Bydraes en aparte groepskema strukture vanaf 1 Julie 2012 tot 28 Februarie 2013 Die planne wat gekies word kan verskil van een werknemer na die volgende. Die planne kan ook voortdurend hersien en aangepas word. Die wysiging sal alleenlik geskied nadat die administratiewe kantoor voor die 20ste van elke maand skriftelik daarvan in kennis gestel is. Die werkgewer en werknemer kan self besluit watter plan geskik is vir elke individuele werknemer. Van die werknemers kan dus planne met basiese voordele kies en ander werknemers kan weer planne met meer omvattende voordele kies, waarna dit ooreenkomstig geïmplimenteer sal word. LANDBOUSEKTOR VOORSORGFONDS 2

3 n Werkgewer hoef nie al sy werknemers by dieselfde plan in te skakel nie. Werknemers mag ook addisionele bydraes tot die fonds maak vir addisionele aftreebefondsing. Sterftevoordeel By afsterwe van die lid voor aftrede, word die lid se sterfte en begrafnisvoordele volgens die gekose plan aan die lid se afhanklikes betaal. Die totale waarde van die lid se spaarkomponent soos op die dag van afsterwe word ook aan die lid se afhanklikes betaal in n kontant enkelbedrag (onderhewig aan belasting). Aftreevoordeel By aftrede, word die lid se sterfte, ongeskiktheids en begrafnisvoordele beëindig. Die lid is geregtig op die totale waarde van sy of haar spaarkomponent soos op die dag van aftrede. Hierdie waarde sal in n kontant enkelbedrag uitbetaal word (onderhewig aan belasting). Die lid kan op enige stadium tussen 55 jaar en 70 jaar aftree. Uitdienstredingsvoordeel By diensverlating, word die lid se sterfte, ongeskiktheids en begrafnisvoordele beëindig. Die lid is geregtig op die totale waarde van sy of haar spaarkomponent soos op die laaste dag van diens. Hierdie waarde sal in n kontant enkelbedrag uitbetaal word (onderhewig aan belasting). Die lid word ook die keuse gebied om die totale waarde van sy of haar spaarkomponent oor te plaas na n nuwe deelnemende werkgewer in die fonds of om die totale waarde na n bewaringsfonds oor te plaas. Ongeskiktheidsvoordeel Indien die lid totaal en permanent ongeskik verklaar word (soos bepaal deur die onderskrywer gebaseer op gedetailleerde mediese inligting en die eis word deur die onderskrywer goedgekeur) voor ouderdom 65, sal die lid geregtig wees op die ongeskiktheidsvoordeel volgens die gekose plan na n wagtydperk van 6 maande. Die lid se sterfte en begrafnisvoordele word beëindig. Die lid sal ook geregtig wees op die totale waarde van sy of haar spaarkomponent soos op datum van uitdienstrede. Hierdie waarde sal in n kontant enkelbedrag uitbetaal word (onderhewig aan belasting). Volopbetaalde begrafnispolis In geval waar n bydraende lid voor ouderdom 70 te sterwe kom, of indien die lid aftree na bereiking van die normale aftreeouderdom van 65 jaar, sal n polis aan die lid se gade by afsterwe van die hooflid, of aan die lid by aftrede uitgereik word vir die voortsetting van die begrafnisdekking tot op afsterwe van die langslewende van die hooflid en sy of haar gade, volgens die gekose plan. Hierdie voordeel is nie oordraagbaar aan enige ander persoon nie, en dek nie gades met hertroue na afsterwe of aftrede nie. Die waarde van die polis word bepaal volgens diensjare op datum van afsterwe of aftrede en is soos volg: Aantal jare bydraende diens in die fonds ten tye van dood of aftrede 10 jaar of meer 9 jaar 8 jaar 7 jaar 6 jaar 5 jaar Minder as 5 jaar 100% 90% 80% 70% 60% 50% geen Die volgende lede kwalifiseer nie vir die uitreiking van n polis nie: Lede wat te sterwe kom of reeds gesterf het voor 1 Julie Lede wat aftree of reeds afgetree het voor 1 Julie Lede wat na 1 Julie 2012 te sterwe kom maar minder as 5 jaar bydraende diens het. LANDBOUSEKTOR VOORSORGFONDS 3

4 Enige lid wat met bereiking van ouderdom 65 minder as 5 jaar bydraende diens het. Alle lede wat op 1 Julie 2012 reeds 65 jaar of ouer is. Algemeen Kostes Die maandelikse bydraes tot die fonds sluit die volgende kostes in: Administrasiekoste: 17.10% van bydraes (insl. BTW) per lid per maand Groepskemakoste: Sterftevoordeel: R1.94 per R1000 dekking Begrafnisvoordeel: R2.97 per R1000 dekking Ongekiktheidsvoordeel: R0.40 per R1000 dekking Volopbetaalde begrafnispolis: R4.70 per R1000 dekking Die finansiële adviseur sal aan u n uiteensetting kan gee van hierdie kostes wanneer u by die skema aansluit. Die administrasiekoste en die kostes verbonde aan die groepskemas word jaarliks hersien. Indien die fonds deur n finansiële adviseur aan u gebied word, word daar uit die fonds voorsiening gemaak om n bemarkingsfooi aan hierdie adviseur te betaal. Hierdie fooi is gelykstaande aan twee maal die eerste maand se netto bydraes wat in n enkelbedrag betaal word in die derde maand van lidmaatskap. Groepskemas Sterfte en begrafnisvoordele Die sterfte en begrafnisvoordele word voorsien tot op ouderdom 70. Hierdie voordele word in die algemeen voorsien sonder enige mediese bewys van gesondheid, maar die Trustees behou hulle die reg voor om die uitbetaling van voordele te weier, veral in die eerste drie maande van lidmaatskap by sterftes weens natuurlike oorsake. Hierdie reg is alleenlik van toepassing om die aparte groepskemas teen onbillike eise te beskerm waar lede met bestaande voorafbekende siektetoestande binne die eerste drie maande van lidmaatskap te sterwe kom. Waar so n eis ontstaan is die goedkeuring van die eis nie outomaties nie, maar onderhewig aan goedkeuring deur die Trustees. Die Trustees mag van die eiser verwag om bewys te lewer van goeie gesondheid op die intreedatum van die hooflid. Enkelbedrag ongeskiktheidsvoordeel Die ongeskiktheidsvoordeel word voorsien tot op ouderdom 65 en is onderhewig aan n wagtydperk van 6 maande. Indien die lid ongeskik verklaar (onderhewig aan goedkeuring deur die onderskrywer) word binne 5 jaar voor bereiking van ouderdom 65, sal die voordeel betaalbaar onder die aparte groepskema verminder word met 20% per jaar of gedeelte daarvan waar die effektiewe datum van die ongeskiktheid die lid se 65ste verjaarsdag voorafgaan. Let daarop dat voorafbepaalde voorwaardes geld. Dit beteken dat n lid nie mag eis vir n mediese toestand wat reeds bestaan het 6 maande voor sy of haar aansluiting by die fonds nie, vir n tydperk van 12 maande na sy of haar aansluiting by die fonds. Bydraes Bydraes word maandeliks vooruit deur middel van n debietorder gehef. Hierdie proses vergemaklik administrasie en beperk administratiewe kostes tot n minimum. Voorsiening word nie gemaak vir alternatiewe metodes van betaling nie. Premies vir die sterfte, ongeskiktheids en begrafnisvoordele, asook administrasie, word van die maandelikse LANDBOUSEKTOR VOORSORGFONDS 4

5 bydrae verhaal, en die balans (netto bydrae) word belê om n kontant enkelbedrag by aftrede, uitdienstrede of sterfte te voorsien. Dit is uiters belangrik om daarop te let dat bydraes gereeld maandeliks betaal moet word. Indien n betaling deur u bank geweier word, ongeag die rede, word lede se voordele onder die aparte groepskemas opgeskort en sal geen eis ingedien kan word nie. Indien die aftrekking vir n tweede opeenvolgende maand geweier word, sal alle betrokke lede se lidmaatskap van die fonds opgeskort word totdat die werkgewer die posisie regstel. Die sterfte, ongeskiktheids en begrafnisvoordele kan egter nie terugwerkend betaal en herstel word nie. Dit is die werkgewer se verantwoordelikheid om lede onmiddelik in kennis te stel as betalings aan die fonds deur die bank geweier word, aangesien die lede nie dekking onder die aparte groepskemas geniet tot tyd en wyl die betrokke betalings weer gehonoreer word nie. Aansluitingsprosedure en navrae Indien u by die fonds wil inskakel, moet die aansoekvorm volledig voltooi en onderteken word en aan die fonds gestuur word. U is welkom om die vorm per epos te stuur aan workersfunds@absa.co.za of te faks by nommer (086) Indien u egter verkies om die aansoek per pos aan ons te stuur kan dit geadresseer word aan Absa Konsultante en Aktuarisse, Landbousektor Voorsorgfonds, Posbus 4167, Fourways, Navrae kan deur die volgende kanale geskied: Administratiewe navrae: Alexa van Wyk Tel: Faks: Portefeuljetoesighouer Jan Berrange Tel: Faks: Administrasie bestuurder Die konsultant vir die fonds: Rene Cockrell Tel: Faks: U kan ook n epos stuur aan workersfunds@absa.co.za Indien u deur u bestaande finansiële adviseur wil werk, kan hy of sy ons kontak om die nodige inligting te verkry. In sekere gebiede is daar adviseurs beskikbaar indien u n besoek verlang. Kommunikasie By ontvangs van die aansoekvorm, die afhandeling van die intreeadministrasie en die suksesvolle verhaling van die eerste bydraes, sal die werkgewer n lidmaatskapsertifikaat ten opsigte van elke lid van die fonds ontvang. Hierdie lidmaatskapsertifikate is alleenlik geldig indien alle bydraes ten volle op n maandelikse basis instand gehou word. U sal ook n volledige dokument ontvang wat die administratiewe prosesse en vereistes van die fonds uiteensit. Voordeelstate sal jaarliks aan werkgewers uitgereik word. Hierdie state sal elke lid se waarde van die spaarkomponent aantoon, sowel as die voordele onder die aparte groepskemas waarop die lid geregtig is volgens die gekose plan. Verhogings Die Trustees van die fonds sal die bydraeplanne jaarliks herevalueer. Die minimum loon wat deur die Departement van Arbeid voorgeskryf word, sal as maatstaf gebruik word. Dit wil sê indien die minimum loon verhoog word, sal lede se bydraes jaarliks outomaties aangepas word. Sodanige aanpassings geskied jaarliks op 1 Maart. Die Trustees onderneem om deelnemende werkgewers en lede op hoogte te hou van gebeure en verwikkelinge rondom die fonds. LANDBOUSEKTOR VOORSORGFONDS 5