Tweeledige Realiteit en hoe ons die Skrif lees

Transcriptie

1 Tweeledige Realiteit en hoe ons die Skrif lees Vraag: Hoe dink en praat ons oor die Bybel en hoe dink ons oor God te midde van die postmoderne tyd waarin ons lewe en mens dikwels dinge in die media sien en lees hieroor. Joh 20:1-9 En op die eerste dag van die week kom Maria Magdaléna vroeg, terwyl dit nog donker was, by die graf en sien dat die steen van die graf weggeneem was. (2) Sy hardloop toe en kom by Simon Petrus en by die ander dissipel vir wie Jesus liefgehad het, en sê vir hulle: Hulle het die Here uit die graf weggeneem, en ons weet nie waar hulle Hom neergelê het nie. (3) Toe gaan Petrus en die ander dissipel uit en kom by die graf. (4) En die twee het saam gehardloop, en die ander dissipel het vooruit gehardloop, vinniger as Petrus, en eerste by die graf gekom. (5) En terwyl hy neerbuk, sien hy die doeke lê; maar hy het nie ingegaan nie. (6) Toe kom Simon Petrus agter hom aan en gaan in die graf en sien die doeke lê; (7) en die doek wat op sy hoof was, sien hy nie by die doeke lê nie, maar opgerol op een plek afsonderlik. (8) Daarop het ook die ander dissipel wat eerste by die graf gekom het, ingegaan, en hy het gesien en geglo. (9) Want hulle het nog nie die Skrif verstaan dat Hy uit die dode moes opstaan nie. Manier hoe hulle die Skrif gelees het In die manier hoe hulle die OT gelees het: Hulle was nie ingestel daarop dat Jesus uit die dood sou opstaan nie hulle het dit nie raakgesien nie. Soveel so, dat selfs ten spyte daarvan dat Jesus dit by geleentheid gesê het dat hy uit die dode sou opstaan. Hy het bv. vir hulle gesê in: Mat 12:40 Want soos Jona drie dae en drie nagte in die buik van die groot vis was, só sal die Seun van die mens drie dae en drie nagte in die hart van die aarde wees. Jesus het ook verwys na: Tempel sou afbreek en in 3 dae opbou. (Hulle het dit ook nie verstaan nie) Ontmoeting met Christus Eers nadat hulle Jesus uit die dood sien opstaan het, nadat hulle n ontmoeting met die opgestane Here gehad het, het die Skrif oor Christus se opstanding vir hulle sin begin maak. Luk 24:30-32 En toe Hy met hulle aan tafel was, neem Hy die brood en dank; en Hy breek dit en gee dit aan hulle. (31) Toe is hulle oë geopen en hulle het Hom herken, en Hy het uit hulle gesig verdwyn. (32) En hulle sê vir mekaar: Was ons hart nie brandende in ons toe Hy met ons op die pad gepraat en vir ons die Skrifte uitgelê het nie? vv. 24:44-48 En Hy sê vir hulle: Dit is die woorde wat Ek met julle gespreek het toe Ek nog by julle was, dat alles wat oor My geskrywe is in die wet van Moses en die profete en die psalms, vervul 1

2 moet word. (45) Toe open Hy hulle verstand om die Skrifte te verstaan. (46) En Hy sê vir hulle: So is dit geskrywe, en so moes die Christus ly en op die derde dag uit die dode opstaan, (47) en bekering en vergewing van sondes in sy Naam verkondig word aan al die nasies, van Jerusalem af en verder. (48) En julle is getuies van hierdie dinge. Die Heilige Gees lei in die waarheid Die Evangelies was eers neergepen nadat die Heilige Gees uitgestort is. Hy het hulle in die HELE WAARHEID GELEI (Joh 16:13). Jy kan dus nie altyd by die dieper bedoeling van die teks uitkom as jy nie retrospektief, vanuit die vervulling daarvan in Christus, en vanuit die werking van die Gees van Christus daarna kyk nie. Paulus sê daarom: 2 Kor 3:14-17 Want tot vandag toe bly by die lesing van die Ou Testament dieselfde bedekking sonder dat dit opgelig word, die bedekking wat in Christus vernietig word. (15) Ja, tot vandag toe, wanneer Moses gelees word, lê daar n bedekking oor hulle hart; (16) maar wanneer hulle tot die Here bekeer is, word die bedekking weggeneem. (17) Die Here is die Gees, en waar die Gees van die Here is, daar is vryheid. Nou hoekom is dit belangrik om dit vir mekaar te sê? Want die neiging vandag is om die Bybel as bloot menslike boek te lees en enige goddelike dimensie daaraan op n manier weg te verklaar. Dit word wetenskaplik ontleed: literêr, sosiaal, kultureel, in terme van die taal, die struktuur, narratiewe benadering word gevolg waarin die intensies van die skrywer ontleed word, die plot, ens. Daar is natuurlik niks op sigself daarmee verkeerd nie, maar as dit die enigste dimensie is waarop ons die Bybel lees, en daar is nie ook n geestelike wat die natuurlike dimensie van ons natuurlike denke oorstyg nie (transendente dimensie) dan kan die Bybel maar net gelyk wees aan enige ander boek dan is dit maar net nog n paar mense se opinie. Ons bely dat bo en behalwe die feit dat die Bybel 1) in menslike taal geskryf is, menslike perspektiewe bevat, in sekere genres en style gegiet is, glo ons ook dat 2) dit deur die Heilige Gees geïnspireer is, betroubaar is, histories is en GESAG dra. Die oomblik as die Bybel slegs n storieboek raak met menslike perspektiewe, verloor dit ook sy gesag. 2

3 Die probleem is egter, as mens bloot die Bybel lees vanuit n menslike perspektief sonder dat die Gees self ook die dieper betekenis van die teks aan ons ontsluit nie, dan gaan ons ook nie vanself daarby uitkom nie. Ons kan sê die Skrif bestaan in twee dimensies: Die Bybel 2 dimensies: Natuurlike dimensie Geestelike dimensie Woorde, taal, letters, vorm Die Woord van God (Joh 1) konteks Lewend kragtig (Heb 4:12) Menslike verwysingsraamwerk Heilige Gees Tweeledige Realiteit Wêreld- en lewensbeskouing: Tweeledige realiteit GRENSE Fisiese wêreld skepsel onheilig sonde natuurlik immanent leuen Geestelike wêreld Skepper heilige geregtigheid bonatuurlik transendent waarheid Dit hou ook verband met die tweeledige realiteit wat die Christelike Geloof bely. Ons glo dat alles nie net fisies is nie, ook nie dat menswees en die menslike siel en gees bloot liggaamlike funksies is (sinapse of chemiese reaksies in die brein nie) [materieel], maar dat ons na die fisiese dood gaan voortleef [immaterieel]. Ons bely dus n wesenlike onderskeid tussen die fisiese wêreld en die geestelike wêreld n TWEELEDIGE REALITEIT. Dit is dieselfde tweeledige realiteit wat ons bely daarin om n onderskeid en GRENSE TE TREK te tref tussen Skepper en skepsel, tussen heilig en onheilig, tussen geregtigheid en sonde, tussen natuurlik en bonatuurlik, tussen immanent en transendent, tussen waarheid en leuen. 3

4 1 Kor 2:11-16 Want wie van die mense weet wat in n mens is, behalwe die gees van die mens wat in hom is? So weet ook niemand wat in God is nie, behalwe die Gees van God. (12) Ons het ewenwel nie die gees van die wêreld ontvang nie, maar die Gees wat uit God is, sodat ons kan weet wat God ons uit genade geskenk het. (13) Daarvan spreek ons ook, nie met woorde wat die menslike wysheid leer nie, maar met dié wat die Heilige Gees leer, sodat ons geestelike dinge met geestelike vergelyk. (14) Maar die natuurlike mens neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik beoordeel word. (15) Maar die geestelike mens beoordeel wel alle dinge; self egter word hy deur niemand beoordeel nie. (16) Want wie het die sin van die Here geken, dat hy Hom sou kan onderrig? Maar ons het die sin van Christus. Die neiging in die postmoderne samelewing wat ons trek is dat alle grense verval, om alles te sien as relatief. Woorde soos integrasie, inklusiwiteit, holisme is ook verwant hieraan. Hulle praat van n integrale wêreldbeeld of n MONISTIESE wêreldbeeld. Jy kan natuurlik in twee uiterstes val. 1. Naturalisties: Alles word op as natuurlike verskynsels verklaar. God is net iets wat in ons gedagtes bestaan. Wondewerke of geestelike dinge word net as natuurlike verskynsels verklaar. [Alles is materie] 2. New Age: God is in alles of deel van alles: panteïsme of panenteïsme. Waarin ons mense ook ast ware God is jy moet net deur meditasie en tegnieke jou innerlike potensiaal ontdek innerlike verligting. (nie grens / onderskeid tussen jou en God nie). Dit leer die mens is inherent goed. [alles is gees] (Interessant in China baie van die eerste bekeerlinge sê dit wat so radikaal anders is van Christelike geloof: leer dat die mens inherent sleg is, en nie inherent goed is nie) Grense tussen godsdienste vervaag. Hoekom noem ek hierdie dinge? My bedoeling is nie om n filosofie lesing te gee nie, maar ons as Christene word al meer hiermee gekonfronteer, die koerante is daarvan vol, al meer mense verloor hulle geloof en raak ateïste. Persoon wat jonger as ek is het ek ontmoet, Afrikaanse en Suid-Afrikaanse persoon het 2 doktorsgrade, en het as gevolg van sy teologiese studies n ateïs geword, net so is daar baie ander mense wat hulle geloof verloor het. Baie van ons beleef dit baie nader aan ons lyf ek sluit myself daarby in (bv. mense naby aan ons of in ons familie wat hulle geloof verloor). Hoe verantwoord ons onsself teenoor n skeptiese wêreld? - n Wêreld wat die Bybel bloot as menslike boek lees. 4

5 - n Wêreld wat ontken dat daar n bonatuurlike dimensie is - n Wêreld wat alle godsdienste/sienings/benaderings gelyk sien. Hoe antwoord ek en jy daarop? Ek dink dit is goed om n teologiese of filosofiese antwoord te kan gee, of n antwoord vanuit die Bybel te kan gee. Dis goed om n bietjie van hierdie begrippe te ken waaroor ons gesels het, want as mens met skeptiese mense te doen het, gaan jy een of ander tyd daarmee gekonfronteer word. Maar n antwoord teenoor die skeptiese wêreld hoef nie in woorde te wees nie, dit kan ook n getuienis wees trouens, dit is verkieslik bo woorde: St Francis van Assisi: Verkondig altyd die evangelie, en as dit nodig is, gebruik woorde. Ons antwoord die wêreld: Deur ons getuienis dat die Here werklik is vir jou; dat jy Hom waarlik ken en n persoonlike verhouding met Hom het. Dat Hy met jou praat uit die Woord, Dat Hy lewe in en deur jou! Deur te staan by die waarheid te midde van vervolging Deur jou af te skei van mense wat die krag van godsaligheid verloën het: 2 Tim 3:1-5 Maar weet dit, dat daar in die laaste dae swaar tye sal kom. (2) Want die mense sal liefhebbers van hulleself wees, geldgieriges, grootpraters, trotsaards, lasteraars, ongehoorsaam aan hulle ouers, ondankbaar, onheilig, (3) sonder natuurlike liefde, onversoenlik, kwaadsprekers, bandeloos, wreed, sonder liefde vir die goeie, (4) verraaiers, roekeloos, verwaand, meer liefhebbers van genot as liefhebbers van God; (5) mense wat n gedaante van godsaligheid het, maar die krag daarvan verloën het. Keer jou ook van hierdie mense af. M.a.w., jy moet nie net praat VAN die geestelike realiteit van God in jou lewe nie, jou lewe moet die realiteit van God en van n persoonlike verhouding met die opgestane en lewende Christus demonstreer. Jy kan nie n persoonlike verhouding hê met God as God en mens nie afsonderlike/aparte wesens is nie nie. 5