Preek, Ds Freddie Schoeman. Sondag 27 Februarie 2011

Transcriptie

1 Preek, Ds Freddie Schoeman Sondag 27 Februarie 2011 [Skyfie 1] Op ons almanak staan daar dat ons vandag spesiaal aandag gee aan n organisasie met die naam Bibles for Believers wat Bybels gratis vesprei aan gelowiges in verafgeleë plekke wat dit nie kan bekostig nie. Daarom is dit n goeie geleentheid om iets te sê oor die Bybel self. Wat is die Bybel en hoe moet ons dit verstaan? [Skyfie 2] 5 Ons (Paulus en sy medewerkers) verkondig nie onsself nie, maar Jesus Christus as die Here, en onsself as julle dienaars ter wille van Jesus. 6 God wat gesê het: Laat daar lig skyn uit die duisternis, het ook in ons harte n lig laat skyn om ons te verlig met die kennis van die heerlikheid van God, wat van Jesus Christus uitstraal. 7 Ons wat hierdie skat (die kennis van die heerlikheid van God) in ons het, is maar kleipotte wat maklik breek; die krag wat alles oortref, kom dus van God, nie van ons nie. (2 Korintiërs 4:5-7) Paulus sê dat hy n skat in sy besit het wat hy graag met die gemeente wil deel: die kennis van die heerlikheid van God. Sy doel is nie om homself te verkondig nie maar sy doel is om vir die gemeente van hierdie skat te vertel. Hierdie skat, hierdie kennis, waar is dit vandag? Dit is vandag vervat in die Bybel. Paulus het die kennis op skrif gestel en dit is vandag deel van die Bybel. Ons kan dit gaan lees en bestudeer. Paulus verwys na homself en sy medewerkers as kleipotte wat maklik breek. Daarmee bedoel hy dat hulle maar net brose, breekbare mense is. Hulle is nie verhewe bo ander nie maar hulle het n skat binne in hulle: die kennis van die heerlikheid van God. Die Bybel is geskryf deur mense brose kleipotte wat maklik breek. Die Bybel self is nie spesiaal of heilig nie dis n menslike boek; dis maar net die kleipot, maar wat dit bevat (die inhoud) is van onskatbare waarde! Ons het die voorreg om hierdie skatte elke dag weer te herontdek. [Skyfie 3] Die ontdekking van die Dooie See rolle. Die Woord van God wat letterlik in kleipotte was! Om hierdie skat te ontdek moet in die heel eerste plek iets verstaan van die aard van die Bybel.

2 [Skyfie 4] DIE AARD VAN DIE BYBEL Die Bybel is... God se Woord in mensetaal God se Woord: wanneer ons die Bybel lees hoor ons die stem van God ons word verlig met die kennis van die heerlikheid van God. Maar hierdie kennis is word oorgedra in menslike vorm; in n menslike boek wat geskryf is deur brose kleipotte. Ons moet eers die mensetaal verstaan voordat ons by die werklike skat kan uitkom. Die Bybel is n biblioteek Die Bybel is nie net een boek nie, maar eintlik n versameling van boeke (39 Ou Testament en 27 Nuwe Testament altesaam 66). Daar is wonderlike verhale, van die beste poësie en liedere, van die diepste filosofie denkbaar, biografieë, briewe ens. Ons kan nie alles op dieselfde manier lees nie, net soos wat ons nie n Opperman gedig op dieselfde manier as vanoggend se koerant sal lees nie. Ons moet leer hoe om elke literatuursoort in die Bybel te verstaan. Daar is dele in die Bybel wat ons letterlik moet opneem en verstaan, en daar is dele wat werk met simbole en metafore en beelde. Hoe moet ons onderskei? Ons onderskei wanneer ons weet met watter literatuursoort ons te doen het. Die Bybel het oor n lang tydperk ontstaan Dit voel partymaal of die Bybel gister geskryf is so relevant is dit. In werklikheid het dit oor n tydperk van tweeduisend jaar ontstaan (vir die eerste duisend jaar was dit net mondelings oorgelewer). Ons moet weet in watter tyd is elke Bybelgedeelte geskryf voor ons dit kan verstaan. Voor / tydens / na die ballingskap? Die Bybel is geskryf deur iemand (skrywer) aan iemand (lesers) Ons is nie die eerste lesers van die Bybel nie. Die oorspronklik skrywer het nie ons gedagte gehad toe hy / sy geskryf het nie. Ons moet weet wie hy / sy in gedagte gehad het wie was die oorspronklike outeur en wie was die oorspronklike lesers. [Skyfie 5]

3 Die Bybel is nie... Die Bybel is nie n wetenskaplike / aardrykskundige handboek nie Die skrywers van die Bybel het geleef voor die wetenskaprewolusie die sewentiende eeu voor Descartes, voor Newton, voor Brahe, voor Galilei, voor Kepler. Hulle het nog nie geweet dat die aarde om die son draai en nie andersom nie. Ons moet dus nie die Bybel lees as ons wetenskaplike kennis soek nie. Die Bybel gee ons n spesiale soort kennis kennis van die heerlikheid van God. Die Bybel is nie n geskiedenisboek nie. Daar is baie geskiedenis in die Bybel. Maar die primêre doel van die skrywers van die Bybel was nie om geskiedenis te skryf nie. Hulle wou iets anders oordra naamlik kennis van die heerlikheid van God. [Skyfie 6] DIE GESAG VAN DIE BYBEL As die Bybel nie gesagvol is oor die wetenskap, aardrykskunde of oor die geskiedenis is nie, waar lê die gesag van die Bybel dan? Ons hoor God se stem Die gesag van die Bybel lê in die feit dat ons God se stem hoor wanneer ons die Bybel lees. God kommunikeer met sy kinders; met ons as gelowiges. Ons verstaan hoe God dink Wanneer ons God se stem hoor begin ons verstaan hoe God oor dinge dink. Ons begin dinge vanuit God se perspektief sien. Natuurlik is God se gedagtes ver bo ons verhewe. Ons kan onmoontlik God klein genoeg kry sodat Hy in kop inpas. Maar tog openbaar God aan ons iets oor sy denke. Ons verstaan God se hart Wanneer ons God se stem hoor, hoor ons iets van God se hart; sy liefde en sy deernis vir elkeen van ons en vir elke mens op aarde. Ons verstaan God se plan met die wêreld Wanneer ons God se stem hoor, dan maak Hy sy plan met die wêreld aan ons bekend. Hy wil n stukkende wêreld heelmaak en Hy wil vir ons

4 gebruik in die proses. Daarom gee Hy aan ons bepaalde talente en gawes. Wanneer ons God se stem hoor begin ons verstaan wat ons roeping is, waar ons in die groot prentjie inpas. [Skyfie 7] Wat gebeur wanneer ons die Bybel misverstaan of misbruik? n Groot persentasie (87%) van Amerika se evangeliese Christene, het Bush se oorlog teen Irak ondersteun. Hulle het gereken een manier om God se koninkryk te vestig is om geweld te gebruik / om oorlog te maak. Dit wys dat hulle die evangelie om n kardinale punt misverstaan het n misverstand wat gebaseer is op n misverstand van die Bybel. (Natuurlik moet ons onsself beskerm!) [Skyfie 8] Hoe help die Bybel ons? 7 Ons wat hierdie skat in ons het, is maar kleipotte wat maklik breek; die krag wat alles oortref, kom dus van God, nie van ons nie. 8 In alles word ons verdruk, maar ons is nie teneergedruk nie; ons is oor raad verleë, maar nie radeloos nie; 9 ons word vervolg, maar nie deur God verlaat nie, op die grond neergegooi, maar nie vernietig nie. 10 Die sterwe van Jesus dra ons altyd saam in ons liggaam, sodat ook die lewe van Jesus sigbaar kan word in ons liggaam. Net soos Paulus en sy medewerkers, is ons ook maar broos kleipotte wat maklik breek. Maar die skat wat ons in die Bybel ontdek is n bron van groot krag, n krag wat van God af kom. Dit help ons om die aanslae en terugslae van die lewe te kan hanteer. Ons put inspirasie en troos uit die Bybel. Dit gee vir ons die krag om op te staan as ons platgeslaan word deur die lewe; dit gee vir ons wysheid en insig as ons voel dat ons onsself vasgeloop het en daar geen uitkoms blyk te wees nie; dit gee vir ons n bewussyn van God se teenwoordigheid al gaan dit hoe sleg met ons. [Skyfie 9] Hoe moet ons die Bybel lees? Ons moet die Bybel op dieselfde manier lees as wat ons n liefdesbrief lees. Ons moet spesiaal tyd maak sorg dat ons alleen is sodat jy jou volle aandag daaraan kan gee. Ons moet elke vers, elke sin, woord vir

5 woord lees en die indrink. Dit wat die persoon wat die brief geskryf het vir ons wil sê is belangrik, want die persoon is vir ons lief.