Vadersdag TAFELELEMENTE. Tafellopers: blou, in die vorm van n dubbel-kruis gedek. Onderborde: leiklipteels. Servette: koperkleurige taf

Transcriptie

1 Vadersdag 114 TAFELELEMENTE Tafellopers: blou, in die vorm van n dubbel-kruis gedek Onderborde: leiklipteels Servette: koperkleurige taf Breekware: wit porselein met spatsels blou Messegoed: ou silwer Glase: bierglase Tafeversiering: dryfhout en seeskulpe Bykomstighede: opdienbakkies vir die vark-krakelinge Kos: pretzels, vark-krakelinge Gasgeskenk: geverfde klippies met n boodskap vir Pa Vadersdag is vroeg in die 20ste eeu vir die eerste keer in die VSA gevier. Dis ingestel om Moedersdag na te doen en alle pa s en die werk wat hulle doen, te vereer. Daar was verskeie pogings om Vadersdag n nasionale vakansiedag te maak, maar dis telkens afgeskiet uit vrees dat dit gekommersialiseerd kan word iets wat die nee -stemmers vandag seker in hulle grafte sal laat draai. Dis eers in 1966 amptelik erken deur n proklamasie wat deur president Lyndon B Johnson onderteken is. Richard Nixon het dit in 1972 as wet onderteken. Die VSA vier Vadersdag op die derde Sondag in Junie, maar verskeie lande vier dit op ander datums Duitsland, byvoorbeeld, vier dit op Hemelvaartdag. Kies tafelversierings en n spyskaart waarvan jou pa of die vaderfiguur wat jy wil bederf, sal hou. Bier, bros vark-krakelinge en pretzels sal die meeste pa s beslis tevrede stel. Ons het seeskulpe op dryfhout as tafelversiering gebruik. Krakerig, lekker sout en baie dekadent hierdie vark-krakelinge (resep volg) is gemaak om saam met bier en pretzels geniet te word. Hulle kan tot drie dae in n lugdigte houer gebêre word. As dit Pa se gunstelinghappie is, weet jy nou hoe om hom nog breër te laat glimlag.

2

3 116 Vadersdag Leiklipteels is n goeie en ongewone keuse vir die onderborde. Die spatsels kleur op die borde, in verskillende skakerings van blou, laat n mens dink aan branders wat op die strand breek. Dit pas goed by die dryfhout en skulpe wat as tafelversiering gebruik word. Pa s (en die ander gaste) sal behoorlik aan hierdie heerlike sagte pretzels (resep volg) smul. Pas die resep aan sodat daar genoeg vir almal is. Varsgebak is hulle op hulle beste, maar hulle kan tot drie dae in n lugdigte houer gebêre word. Jy kan hulle ook tot drie maande lank vries verhit hulle voor opdiening. Elkeen mag seker sy gunstelingdrankie op sy spesiale dag geniet, of hoe? Die spesiale persoon, Pa, moet dalk maar net toegee en dit uit n bierglas drink, eerder as uit die bottel.

4

5 Vadersdag 118 Gebruik groterige spoelklippies met minstens een plat kant wat geverf kan word. As jy nie naby die see of n rivier is waar jy hulle sommer kan optel nie, behoort jy spoelklippies by n kwekery te kan koop. Verf die plat kant van elke klippie, maar los n randjie rondom. Laat die verf heeltemal droog word. Laat die kinders en kleinkinders iets vir Pa en/of Oupa op elke klippie skryf. Gebruik n onuitwisbare merkpen die ontvangers sal hierdie geskenkie wil hou.

6 n Koperkleurige tafservet in n druppelvormige houtservetring laat die koel, blou kleure warmer lyk: dis ook n gawe agtergrond vir die spoelklippiekuns. 119 Dryfhout en n verskeidenheid skulpe vorm n goeie tafelversiering en pas by die natuurlike elemente van leiklip, spoelklippies en die seegevoel van die borde. As die kinders en/of kleinkinders optelgoed ná n seevakansie het, kan dit ook gebruik word.

7 VARK-KRAKELING lewer 40 stukkies 300 g varkswoerd, sonder vleis en sonder kepe daarin gesny (vra jou slagter vir afvalstukkies) 5 ml (1 t) mosterdsaad of mosterdpoeier 1.25 ml (¼ t) gemaalde swartpeper 10 ml (2 t) grofgemaalde seesout 1.25 ml (¼ t) rooipeper 15 ml (1 e) olyfolie 1. Gebruik n skerp mes of n skêr en sny die varkvel in repies van 1 cm breed. 2. Meng die mosterdsaad of -poeier, gemaalde swartpeper, grofgemaalde seesout, rooi peper en olyfolie saam in n groot bak en voeg dan die varkrepies by. 3. Vryf die speserymengsel in die varkrepies in. Plaas vir n uur in die yskas sodat die geure kan meng. 4. Verhit die oond tot 220 C en voer n bakplaat met kleefvrye bak papier uit. 5. Plaas die varkrepies op die bakplaat, met ruimte tussenin. Plaas nog twee lae papier en repies bo-op die onderste laag sodat daar altesaam drie lae varkrepies is. Plaas n vel bak papier bo-op die boonste laag repies en plaas dan n bakplaat bo-op die bak papier. Die boonste bakplaat sal verseker dat die varkrepies plat lê en dat die oond nie vol vet spat nie. 6. Bak die varkrepies vir minute en verwyder dan uit die oond. Wees baie versigtig die vet kan dalk nog spat. Verwyder die boonste bakplaat en die bakpapier. Die vark-krakelinge is gaar wanneer hulle bros en vol blasies is. Indien nodig, plaas hulle terug in die oond vir nog minute. 7. Laat die vark-krakelinge in die bakplaat afkoel en plaas dan in opdienbakke of n lugdigte houer.

8 SAGTE PRETZELS lewer 8 groot pretzels 390 g (3 koppies) koekmeel 50 g (¼ koppie) witsuiker 2.5 ml (½ t) sout 10 ml (2 t) kitsgis 60 g (¼ koppie) gesoute botter 60 ml (¼ koppie) water wat pas gekook het 125 ml (½ koppie) koue melk 1 groot eier 60 ml (¼ koppie) koeksoda 1 l (4 koppies) water 1 groot eier, liggies geklits, om bo-oor te verf growwe sout vir afronding 1. Voorverhit die oond tot 220 C en voer twee bakplate met kleefvrye bak papier uit. 2. Meng die koekmeel, suiker, sout en gis saam in die bak van n staanmenger of in n mengbak. 3. Verhit die botter in n mikrogolfoond vir 30 sekondes of tot gesmelt. 4. Meng die kookwater met die koue melk sodat die mengsel louwarm is. 5. Voeg die gesmelte botter, melk-en-watermengsel en eier by die meelmengsel en meng met n deeghaak teen n lae of medium spoed vir ongeveer 4 minute totdat n gladde bal deeg vorm. 6. Plaas die deeg in n bak wat met olie gesmeer is en bedek met kleef plastiek. 7. Laat die deeg ongeveer minute in n warm plek staan totdat dit na dubbel die oorspronklike grootte gerys het. 8. Plaas die deeg op n oppervlak wat ligges met olie gesmeer is en verdeel in agt ewe groot stukke. 9. Rol elke stuk in n wors van cm uit. 10. Vou die deeg in n U-vorm en vou dan die punte van die worsrol oor die onderste gedeelte van die U-vorm in n pretzelvorm. Druk die punte stewig in die onderste gedeelte vas. 11. Plaas al die pretzels op die bakplate. 12. Kook die water en koeksoda in n groot kastrol of oondroosterpan op die stoof. 13. Plaas twee of drie pretzels in die water en laat vir n minuut kook. Verwyder uit die water met n plat gaatjieslepel en plaas terug op die bakplaat. 14. Herhaal met al die pretzels. 15. Bestryk die bokant van elke pretzel met die geklitste eier en sprinkel dan growwe sout oor. 16. Bak in n voorverhitte oond vir minute of tot goudbruin.