WegSleep. Navigasie. Jy is hier: Tuis» Kampkos» Brood» Deeglike bykos. Deeglike bykos.

Transcriptie

1 Page 1 of 12 WegSleep n Navigasie Jy is hier: Tuis» Kampkos» Brood» Deeglike bykos Deeglike bykos

2 Page 2 of 12

3 Page 3 of 12 Dis brood, dis nodig, dis broodnodig. Resepte Tiaan Langenegger Foto s Ruvan Boshoff Basiese brooddeeg Die beginpunt van enige gebak Hierdie is n eenvoudige resep wat jy as basis vir al die brode kan gebruik. Dit is maklik om te maak, maar werk met presiese afmetings. Te veel of te min sout kan die deeg se smaak bederf en jy het net die regte hoeveelheid suiker nodig, anders maak jy die gis dood nog voordat dit kan rys. Té warm water maak ook die gis dood, terwyl koue water glad nie die nodige chemiese proses aan die gang sit nie. Jy benodig 500 g witbroodmeel 45 g sagte botter 10 g droë gis 1 teelepel fyn sout 1 teelepel witsuiker 300 ml louwarm water Só maak jy 1 Moet jou nie misgis nie. Vryf die botter by die meel in en voeg dan die sout, suiker en gis by en meng dit deeglik sodat die gis goed versprei word. (As die sout- en suikerkorrels nog bo-op die gis lê wanneer jy die water byvoeg, kan dit die gis doodmaak en dan sal die brood nie rys nie.) 2 Soos reën in die Kalahari. Voeg nou die water bietjie vir bietjie by tot dit n lekker deeg vorm.

4 Page 4 of 12 3 Timmer hom vir tien. Knie die deeg vir sowat 10 minute tot dit n gladde tekstuur het en laat rus dit dan vir 5 minute voor jy dit weer afknie. 4 Pofadder! Laat staan die afgekniede bol deeg vir sowat 25 minute om te rys totdat dit in volume verdubbel het. Worsies in deegjassies Wors d oeuvre Hierdie anderste worsrolletjies is lekker snoephappies saam met n paar doopsouse of n skeppie mosterd. Jy benodig 1 basiese brooddeeg, soos hierbo berei meel 8 dik worsies, soos kaasworsies, Russiansof stukke boerewors 1 eier, geklits Só maak jy 2 Verander sy vorm. Besprinkel n werkoppervlak met n bietjie meel en rol dan die bol deeg uit in n groot vierkant. 4 Ryg hulle. Braai eers die worsies gaar, laat dit n bietjie afkoel en ry hulle dan een-een in die lengte op n vlekvrye staal sosatiestok. 3 Repiesteeltjie. Sny repe van ongeveer 2 cm breed en draai dan n reep of twee om elke worsie totdat die wors heeltemal toe is. 4 Dit gee n kleurtjie. Verf nou n bietjie geklitste eier oor die deegrepe en laat dit vir n tydjie staan om te rys. 5 Amper klaar. Braai die worsrolletjies totdat die buitekante goudbruin en die worsie binne-in weer deurwarm is. WegSleep sê: Jy kan die worsrolletjies ook in n oond bak teen 180 C. Dan is dit nie nodig om die wors vooraf gaar te maak nie ná 20 minute behoort die wors sowel as die deeg gaar te wees. Broodstokkies met sesamsade Steek n stokkie voor die honger Broodstokkies is op hulle lekkerste wanneer jy dit in n bakkie sop doop. Jy benodig 1 basiese brooddeeg 1 eier, geklits n hand vol geroosterde sesamsade Só maak jy 1 Draai stokkies. Breek die deeg in balletjies so groot soos n gholfbal en rol dit met jou handpalms in lang stokkies uit. Pak die stokkies sowat 1 cm van mekaar af in n gesmeerde platboompot sodat hulle nie aan mekaar vasrys nie. 2 Gee nou tekstuur. Verf elke reep met n bietjie eier en sprinkel dan die sesamsade oor. 3 Kry die temperatuur reg. Krap jou kole oop sodat daar n groot genoeg kol is waarop die platboompot kan staan, sonder dat die kole aan sy kante raak.

5 Page 5 of 12 4 Gooi die stokkies op die vuur. Sit nou die pot in die oop kol neer, sit sy deksel op en sit drie kole (ja, net drie!) boop die deksel. Die kole rondom die pot mag nie nader as 3 cm van die pot af lê nie, anders gaan die pot te warm word. 5 Koekeloer. Die stokkies behoort ná ongeveer 20 minute gaar te wees. Loer maar elke nou en dan, net om seker te maak hulle brand nie. WegSleep sê: Vir n ander smaak kan jy ook knoffelvlokkies en vars, fyngekapte pietersielie by die deeg inmeng voordat jy dit in repe rol. Kraakbrood Kraakvars van die kole af Hierdie plat broodjies lyk baie soos pitabrode, maar dit het n krakerige tekstuur. Raak kreatief met vulsels. Jy benodig 1 basiese brooddeeg meel n hand vol roketblare 2 of 3 verskillende kase 1 houertjie songedroogte tamaties in olie Só maak jy 1 Sop vir gate. Maak bolletjies deeg die grootte van n tennisbal en rol dit dan in baie dun sirkels uit. Bestrooi die deegsirkels met meel en hou dit eenkant. 2 Kalmeer die kole. Krap die kole van n lekker warm vuur n bietjie oop, sit die rooster op en pak dan die deegsirkels bo-op die toe rooster. 3 Vinnige vingers. Braai die broodjies vir ongeveer 8 minute. Draai hulle elke paar sekondes om sodat die deeg nie brand voordat dit gaar is nie. 4 Hulle wil nie hopie lê nie. Haal die broodjies af en pak hulle in n enkellaag op n draadrak sodat hulle kan afkoel sonder om teen mekaar vas te sweet en hulle krakerigheid te verloor. 5 Sê a-a-a-a! Sny elke broodjie in kwarte en wikkel dan elke kwart se twee lae met n mespunt van mekaar af los. 6 Stop hom vol. Pak die roketblare, plakkies kaas en tamaties binne-in en geniet! WegSleep sê: Jy kan enigiets in die kraakbrode sit van gewone gouda-en-konfyt tot kerriemaalvleis of koue vleis en humus. Hawermout-en-heuning-brood n Buitengewone bruinbrood Hierdie is n heerlike ontbytbrood en as jy dit rooster, smaak dit selfs nóg lekkerder. Jy benodig 1 basiese brooddeeg, maar met bruinbroodmeel gemaak 3 eetlepels heuning n hand vol gerolde hawermout

6 Page 6 of 12 1 eier, geklits Só maak jy 1 Whoa, wag eers. Vir hierdie deeg moet jy die heuning en hawermout reeds saam met die water by die meel inmeng. 2 Maak sy lêplek reg Smeer twee swartbroodpotjies, verdeel die deeg in twee en vorm n langwerpige stuk deeg om in elkeen te pas. 3 sodat hy kan broei. Gooi n vadoek oor en laat die deeg op n warm plek staan en uitrys. 4 Sommer vir die mooiheid. Verf elke broodjie met eier en strooi dan n bietjie hawermout bo-oor. 5 Hoe lyk die hitte? Krap weer n kol oop waarin die broodpotjies kan staan, sonder dat daar kole aan hulle raak, sit die deksels op en pak drie kole bo-op elkeen. 6 Klop-klop, wie s daar? Bak dit vir sowat minute totdat die brood hol klink wanneer jy bo-op klop. As jou kole giftig is, gaan dit dalk gouer, so hou maar n ogie. 7 Gee kans. Dop die broodjies uit hulle panne en laat dit op n draadrak afkoel. WegSleep sê: Sit dit voor saam met plaasbotter en jou skoonma se tuisgemaakte konfyt. Chelsea-rolletjies Jy moet soet wees Hierdie rolletjies is n lekker snoepding saam met koffie in die namiddag. Jy benodig 1 basiese brooddeeg meel 100 g rosyne ½ plak witsjokolade ½ koppie kaneelsuiker appelkooskonfyt Só maak jy 1 Werk sy sake. Strooi n bietjie meel oor n plat werkoppervlak en bewerk die deeg met jou hande in n reghoek van net dunner as 1 cm. 2 Mooi mik. Strooi die rosyne eweredig oor die middelstrook van die deeg. Los die rande oop sodat die begin- en eindpunt van die deeg ordentlik aan mekaar kan kleef wanneer jy dit later oprol. 3 Mmm dit ruik lekker. Strooi nou die kaneelsuiker oor ook net op die gedeelte waar die rosyne reeds lê. 4 Ja, jy mag maar eers n blokkie eet. Rasper dan die sjokolade sommer so bo-oor die deeg. Dit is makliker om dit só te doen as om eers die sjokolade eenkant te rasper en dan eweredig te probeer oorsprinkel. 5 Soos n reuse-pannekoek. Rol nou die deeg lekker styf van die een kant af op. Maak seker die deeg se rande kleef goed aan mekaar vas sodat die rol nie oopgaan nie.

7 Page 7 of 12 6 Hou dinge netjies. Voel of die deegrol oral ewe dik is en druk dit sommer met jou hande totdat daar nie meer knoppe uitstaan nie. 7 Kyk hoe mooi lyk dit! Sny die deegrol in sowat 12 wiele van ongeveer 4 cm dik en pak dit op in n gesmeerde platboompot met n bietjie spasie tussenin sodat die rolletjies nie in mekaar vasrys nie. 8 Die selle ou storie. Krap n kol oop sodat die pot kan hitte kry sonder dat die kole aan hom raak, sit die deksel op en sit enkele kole bo-op. Die rolletjies behoort ná ongeveer 20 minute gaar te wees. Hou hulle egter dop, want die suiker kan gou aanbrand. 9 Nog nie soet genoeg nie? Verwyder die pot van die kole en verf n bietjie appelkooskonfyt bo-oor die warm rolletjies vir ekstra glans en smaak. WegSleep sê: Maak die Chelsea-rolletjies n bietjie in die mikrogolfoond warm en sit dit saam met warm vla voor as nagereg. * Tiaan Langenegger is die sjef by die Ulendo Lodges in Malawi. Lees meer oor hierdie resep in WegSleep #26 September 2010 Jy sal ook hiervan hou Pitabrood met tunavulsel

8 Page 8 of 12 Superstokbrood Gevulde Ontbytbrood Lewer kommentaar Also post on Facebook Plaas as Estelle Moller van Vuuren (Nie jy nie?) Opmerking Facebook social plugin NOU TE KOOP In die uitgawe Teken in en wen! Uitgawe Indeks

9 Deeglike bykos - WegSleep TEKEN IN OP ONS NUUSBRIEF Page 9 of 12 E-pos-adres *required WEGSLEEP SE WINKEL WegSleep-pet n Mens is aan die son uitgelewer wanneer jy kamp en vakansie hou. Kry dus n pet vir jou bles R60

10 Page 10 of 12 VIDEO

11 Page 11 of 12 Tuis Forums Oorde Winkel Kos Wenke Galerye Kompetisies Ry & Bly Tydskrif Teken in en wen Kontak ons Adverteer in die tydskrif Uitgawe Indeks Webblad Kontak die webmeester Adverteer hier RSS-voer Nuusbrief argief Kompetisies Wenners Bepalings en voorwaardes Sluit aan Facebook Twitter Forum Nuusbrief WegSleepWegGoWegRyDriveOutMedia24DMMA

12 Page 12 of 12 Kopiereg 2013 WegSleep. Alle regte voorbehou.