Beleid insake die aanbieding van kortkursusse aan die Universiteit Stellenbosch

Transcriptie

1 Beleid insake die aanbieding van kortkursusse aan die Universiteit Stellenbosch

2 Inhoudsopgawe 1. Inleiding Toepassing van die beleid Woordomskrywing Assessering Sertifisering Kursusleier Evaluering Volkoste-benadering en inkomste Veronderstelde leertyd Nasionale Kwalifikasieraamwerk- (NKR-)vlak Deelnemer Aanbieders Kwalifikasie Kortkursus Kortkursus-sertifikaat Kortkursus-krediete Oogmerke van die beleid Beginsels van die beleid Bestuur van die beleid Stawende dokumente Verbandhoudende dokumente Bylae A Bylae B (Slegs in Engels beskikbaar) Bylae C Bylae D Bylae E... 24

3 Beleid insake die aanbieding van kortkursusse aan die Universiteit Stellenbosch Verwysingsnommer van hierdie dokument HEMIS-klassifikasie Doel Soort dokument Toeganklikheid Koördinering en regulering van voortgesette onderwys in die vorm van kortkursusse wat onder die vaandel van die Universiteit Stellenbosch aangebied word Beleid Algemeen (intern) Inwerkingstellingsdatum 01/01/2015 Hersieningsdatum 01/01/2021 Beleidgeskiedenis Beleidseienaar (op institusionele vlak) Institusionele funksionaris (beskermheer) verantwoordelik vir hierdie reëls Eerste beleid in Oktober 2007 in werking gestel Eerste beleid in Januarie 2014 hersien Bedryfshoof Goedkeuringsdatum 01/12/2014 Goedkeuring deur Trefwoorde 1. Inleiding Hoof: Kopiereg en Kortkursusse Universiteit Stellenbosch Raad Akademiese gehalteversekering, volledige finansiële verslagdoening, kursus- en deelnemerregistrasie, bemarking, sertifisering, evaluering, intellektuele eiendom, kortkursus Die Universiteit Stellenbosch (US) is bewus van die eise wat aan n 21ste-eeuse tersiêre instelling gestel word en neem dus deel aan die opvoedkundige, beroeps- en vaardigheidsontwikkelingsaktiwiteite van die Suid-Afrikaanse samelewing. Die US besef voorts dat die aanbieding van kortkursusse nie net n noodsaaklike aktiwiteit vir voortgesette onderwys is nie, maar dat dit ook met ál drie kernbedrywighede van die US, naamlik navorsing, leer en onderrig en gemeenskapsinteraksie, verband hou. Die US se Afdeling Kortkursusse, wat in Januarie 2007 tot stand gebring is, lewer spesifieke bedryfsen administratiewe dienste aan die instelling om personeel in staat te stel om kortkursusse aan te bied, en tree as beskermheer van hierdie beleid op. Hierdie beleid is veranker in die beginsels van die Institusionele Voorneme en Strategie , waarvan die strategiese prioriteite bepaald ondersteun word deur die verbreding van toegang tot nuwe kennismarkte, voorsiening vir n diverse groep leerders, en die uitbreiding van tegnologieplatforms om gemengde en virtuele kortkursusse aan te bied. 3

4 2. Toepassing van die beleid Ingevolge hierdie beleid: 2.1 moet die US, synde n hoëronderwysinstelling van uitnemendheid, doeltreffende bestuurstelsels en -prosesse aanvaar en in stand hou sodat die instelling die akkreditasie van sy kortkursusaanbod kan onderneem n verantwoordelikheid wat die Raad op Hoër Onderwys (RHO)/Hoëronderwysgehaltekomitee (HOGK) in pas met die regulasies van die Suid-Afrikaanse Kwalifikasieowerheid (SAKO) aan die Universiteit gedelegeer het (sien Bylae B Akkreditasiestatus van die US). Gevolglik het die US die Afdeling Kortkursusse opdrag gegee om kortkursusprosesse namens die instelling te standaardiseer, te koördineer en te ondersteun om aan hierdie vereiste te voldoen; 2.2 berus die tersaaklike akademiese, finansiële en administratiewe verantwoordelikhede vir die kortkursusaanbod by gewone lynbestuur (departementele voorsitters en dekane, of omgewings- en verantwoordelikheidsentrumhoofde); en 2.3 geld die reëls vir alle US-personeellede en aanbieders van buite wat gemoeid is met die goedkeuring, bestuur, administrasie en aanbieding van kortkursusse. 4

5 3. Woordomskrywing 3.1 Assessering Assesseringsmetodes en -instrumente verwys na die opdragte, toetse, eksamens, ens wat gebruik word om studente se kennis, vaardighede en waardes te toets ten einde vas te stel of hulle aan die vereistes vir suksesvolle voltooiing van kortkursusse voldoen. 3.2 Sertifisering Sertifisering verwys na n formele bevestiging of skriftelike verklaring wat aandui dat n deelnemer aan n kortkursus dit bevredigend bygewoon of n voldoende bevoegdheidsvlak behaal het. 3.3 Kursusleier Kursusleiers (of projekbestuurders) is formeel aangestelde USpersoneellede. Dit kan personeellede insluit wat op gesamentlike platforms aangestel is (ingevolge Par 19a van die Reglement vir die Akademiese Gehalteversekering van Kortkursusse), wat allereers verantwoordelikheid vir die akademiese inhoud van die kortkursusaanbod asook vir die finansiële en administratiewe reëlings van die betrokke kursus aanvaar. Kursusleiers word deur die departementele voorsitter of omgewingshoof aangestel (ingevolge Par 17a van die Reglement vir die Akademiese Gehalteversekering van Kortkursusse). 3.4 Evaluering Evaluering is die besinning van n pakket, program of kursus in die geheel aan die hand van deelnemers se terugvoer oor die kursusinhoud en - assesseringsprosedures, vir die verdere ontwikkeling of verbetering van die kortkursus. 3.5 Volkostebenadering en inkomste n Volkostebenadering beteken dat die totale inkomste uit n kortkursus die totale direkte en indirekte uitgawes behoort te dek, met ander woorde dat geen kruissubsidiëring tussen formele programme mét subsidies en kortkursusse sónder subsidies plaasvind nie. Inkomste beteken alle kursus- of registrasiefooie wat deelnemers aan n aktiwiteit betaal, ongeag of dit die vorm van borgskappe (waaronder uitstallersfooie) of rente-inkomste aanneem. 3.6 Veronderstelde leertyd 3.7 Nasionale Kwalifikasieraam werk- (NKR-)vlak Veronderstelde leertyd is die gemiddelde getal uur wat studente op bepaalde vlakke aan die verwesenliking van spesifieke leeruitkomste op daardie vlakke behoort te bestee. Dit sluit alle leer met betrekking tot die verwesenliking van leeruitkomste in, soos selfgerigte studie, noodsaaklike praktiese werk, projekwerk, privaat studie en assessering. Alle kortkursusse moet op bepaalde NKR-vlakke aangebied word. Die Universiteit mag kortkursusse in die hoëronderwys-en-opleidingskategorie van die NKR, naamlik op vlakke 5 tot 10, aanbied (sien ook 5.7). 3.8 Deelnemer n Deelnemer voldoen aan die bepaalde keuringskriteria wat vir die bywoning van kort leerprogramme vereis word en ontvang toelating van 5

6 die Universiteit om n kortkursus by te woon. 3.9 Aanbieders Aanbieders kan US-personeellede of kenners uit die privaatsektor wees. Aanbieders van buite, wat dus nie tot die US-personeelkorps behoort nie, kan slegs in uitsonderlike gevalle én onderworpe aan streng beheer en voldoende motivering in die naam van die Universiteit gekontrakteer word om kortkursusse aan te bied Kwalifikasie n Kwalifikasie maak deel uit van die Universiteit se formele, gesubsidieerde modules en programme. Die Nasionale Kwalifikasie Raamwerk bestaan uit 11 soorte kwalifikasies wat op die ses NKR-vlakke vir hoëronderwyskwalifikasies uitgestip is (ingevolge die omskrywing by nommer 42, bladsy 18 van die RHO se Subraamwerk vir Hoëronderwyskwalifikasies) Kortkursus SAKO omskryf n kortkursus as n kursus met n kredietwaarde van minder as 120 (wat met n jaar voltydse studie gelykgestel word) en dus word dit nie as n hele kwalifikasie beskou nie. By die US is n kortkursus egter n opleidingsgeleentheid: waarvan die totale studietyd in krediete minder as 60 moet wees. Waar n kortkursus 60 krediete oorskry, moet spesifieke motivering vir goedkeuring aan die dekaan voorgelê word; wat as nóg n hele nóg n gedeeltelike kwalifikasie beskou word, en dus nie tot die behaling van n volledige kwalifikasie sal lei nie (sien ook ); wat in die naam van die Universiteit aangebied word. Dít beteken dat: i) die Universiteit se handelsmerk (die US se naam en/of logo, professorale titel of ex officio-aktiwiteit) gebruik word; en ii) die kortkursus deur die Universiteit gesertifiseer word, en dat die amptelik goedgekeurde kortkursussertifikate met die Universiteit se logo en die handtekening van gemagtigde persone daarop uitgereik word; wat aan die US se akademiese standaarde, in die besonder die riglyne in die Reglement vir die Akademiese Gehalteversekering van Kortkursusse, voldoen; wat aangebied kan word as: i) bevoegdheidsgegrond (kredietdraend, met assesseringskriteria); of 6

7 ii) bywoningsgegrond (nie-kredietdraend); waarmee die Universiteit sy verantwoordelikheid nakom om n rol in die gemeenskap te speel, voortgesette professionele onderwys aan te bied, en onderwys en diensleer te bevorder (in die geval van studente wat vir amptelike kwalifikasies geregistreer is); en waarvoor die US leer op n ander wyse sertifiseer as met behulp van n formele graad- of kwalifikasiesertifikaat (soos wat die Subraamwerk vir Hoëronderwyskwalifikasies dit omskryf). Waar die US as diensverskaffer optree, maar die kortkursus slegs deur n ander (nasionale of internasionale) akkreditasieliggaam gesertifiseer word, behoort die kortkursus nie as n US-kortkursus geregistreer te word nie Kortkursussertifikaat 3.13 Kortkursuskrediete Die Afdeling Kortkursusse voorsien die US se kortkursussertifikate namens die Universiteit, in gestandaardiseerde vorme en ontwerpe wat die Akademiese Beplanningskomitee (ABK), die Afdeling Kommunikasie en Skakeling en die Afdeling Kortkursusse onderling oor ooreengekom en goedgekeur het. Krediete verwys na n manier om leeruitkomste wat in veronderstelde leertyd op n bepaalde vlak behaal behoort te word, te kwantifiseer. Een kortkursuskrediet word vir elke tien veronderstelde leerure in n geassesseerde leeraktiwiteit toegeken. Kortkursuskrediete is nie oordraagbaar nie, maar kan in sekere gevalle ooreenkomstig die Beleid insake Assessering en Erkenning van Vorige Leer (AEVL) vir toegang tot n program oorweeg word. 4. Oogmerke van die beleid Die oogmerke van hierdie beleid is om n raamwerk te bied vir die algehele koördinering en regulering van voortgesette onderwys in die vorm van kortkursusse wat onder die vaandel van die Universiteit aangebied word. Dít doen die Universiteit: 4.1 deur voldoening aan die RHO se regulatiewe vereistes te verseker; 4.2 om die Universiteit se eksterne beeld as n akademiese instelling, asook die verskillende handelsmerke wat die instelling se beeld en reputasie weerspieël, te beskerm; 4.3 deur prosesse en stelsels te voorsien wat die Universiteit in staat stel om die gedelegeerde akkreditasie van sy kortkursusse te onderneem, en deur voldoening aan die Reglement vir die Akademiese Gehalteversekering van Kortkursusse te verseker; 4.4 deur riglyne toe te pas en steun te voorsien aan US-personeel wat die finansiële beplanning, registrasie, bestuur en administrasie van kortkursusse betref; 4.5 deur die aard en diversiteit van kortkursusdeelnemers te bevorder; en 7

8 4.6 deur bestuursriglyne neer te lê om aspekte van risiko s ten opsigte van die US se reputasie te hanteer. 5. Beginsels van die beleid Die aanbieding van kortkursusse, wat deur die Universiteit aangemoedig word, voorsien in n opvoedkundige behoefte en stel die Universiteit in staat om op markeise en -tendense te reageer. Die beginsels waarop die aanbieding van kortkursusse berus, is soos volg: 5.1 Die aanbieding van kortkursusse vind as n onderrigaktiwiteit en leergeleentheid in die naam van die Universiteit plaas en moet voldoen aan die Universiteit se vereistes vir akademiese gehalteversekering. 5.2 Die aanbieding van kortkursusse moet ook aan die vereistes van die betrokke owerheid en ander reguleringsinstellings (die Departement van Hoër Onderwys en Opleiding [DHOO], die RHO en die SAKO) voldoen. 5.3 Die verantwoordelikheid vir akademiese gehalteversekering berus by die Senaat, wat op die aanbeveling van die ABK optree en die verantwoordelikheid vir die goedkeuring van kortkursusse delegeer aan die dekane, wat op aanbeveling van die departementele voorsitters moet optree. Kortkursusse wat deur ondersteuningsdiensafdelings aangebied word, word deur die VS-hoof goedgekeur op aanbeveling van die afdelingshoof. 5.4 Die aanbieding van kortkursusse bied Universiteitspersoneel n geleentheid om bykomende inkomste te verdien en om as entrepreneurs te ontwikkel. 5.5 Die beleid word tot die aanbieding van kortkursusse beperk, en dus konsultasie- en ander soorte entrepreneursaktiwiteite word uitgesluit. 5.6 Die kortkursus is nie n kwalifikasie of n deel van n kwalifikasie nie, en kortkursusse kan nie tot n kwalifikasie lei nie. Die Universiteit se AEVL-proses kan in uitsonderlike gevalle toegepas word vir toelating tot n program wat tot n kwalifikasie lei. 5.7 Die Universiteit mag kortkursusse in die NKR-kategorie vir hoëronderwys en opleiding, naamlik op vlakke 5 tot 10, aanbied. Die US se kortkursusse mag slegs in sekere gevalle op vlak 5 aangebied word met voldoende motivering, die dekaan se goedkeuring (die VS-hoof in die geval van ondersteuningsdiensafdelings) voordat die kursus vir elektroniese registrasie en goedkeuring ingedien word, en inagneming van die strategiese voordeel vir die Universiteit sowel as die behoeftes van die mark gedagtig daaraan dat NRK-vlak 5 beskou word as n kennisomvang met betrekking waartoe n student n ingeligte begrip van die kernafdelings van een of meer gebiede kan toon. 5.8 Die beleid sluit by die Universiteit se Leer- en Onderrigbeleid sowel as die Reglement vir die Akademiese Gehalteversekering van Kortkursusse aan. 8

9 6. Bestuur van die beleid 6.1 Rolle Die beskermheer van die beleid is verantwoordelik vir die formulering, goedkeuring, hersiening, kommunikasie en monitor van die beleid Die gewone Universiteitslynbestuur (departementele voorsitters en dekane, of omgewings- en verantwoordelikheidsentrumhoofde) is finaal verantwoordelik vir die kortkursusaanbod, wat die akademiese, finansiële en personeelaspekte daarvan insluit Die Afdeling Kortkursusse is verantwoordelik vir die inwerkingstelling en instandhouding van doeltreffende kortkursusdatabasisse en -stelsels vir bestuursen gehalteversekeringsvereistes (wat kursus- en studenteregistrasiestelsels, finansiële prosesse, die kortkursuswebtuiste, sertifikasie en kursusevalueringsprosesse insluit) Die Universiteit se Afdeling Finansies bestuur die algehele finansiële administrasie van die kortkursusaanbod, wat die goedkeuring van begrotings asook finansiële verslagdoening insluit Die Universiteit se Afdeling Regsdienste verleen bystand met die opstel en ondertekening van diensvlakooreenkomste wanneer persone van buite gekontrakteer word om kursusse in die naam van die Universiteit te ontwikkel en/of aan te bied, en wanneer kortkursusse saam met n ander instelling of maatskappy aangebied word. Die Hoofdirekteur: Finansies onderteken hierdie ooreenkomste namens die Universiteit. 6.2 Toepassing, monitering en verslagdoening (in pas met stawende en verbandhoude dokumente) Akademiese gehalteversekering Die verantwoordelikheid vir die akademiese gehalteversekering van die Universiteit se akademiese aanbod, wat kortkursusse insluit, berus by die Senaat. Beheermaatreëls vir die gehalteversekering van die akademiese aanbod word in paragraaf 17 van die Reglement vir die Akademiese Gehalteversekering van Kortkursusse beskryf (sien Bylae A) Kortkursusregistrasie n Kortkursus kan slegs aangebied word indien dit die volledige proses vir aanbeveling en goedkeuring deur die departementele voorsitter en dekaan, of omgewings- en verantwoordelikheidsentrumhoof, via die Universiteit se aanlynstelsel vir kortkursusregistrasie deurloop en op die sentrale register vasgelê is Die nodige inligting vir kortkursusregistrasie en -goedkeuring is by paragraaf 17b van die Reglement vir die Akademiese Gehalteversekering van Kortkursusse ingesluit (sien Bylae A). 9

10 6.2.3 Finansies Die volkostebenadering word op alle kortkursusaktiwiteite toegepas, met ander woorde alle direkte en indirekte uitgawes met betrekking tot die aanbieding van n kortkursus behoort uit die inkomste van die betrokke kursus gedek te word Die Universiteit se standaardverhalingskoers van indirekte koste uit die derdegeldstroominkomste, soos van tyd tot tyd bepaal word, geld vir alle eksterne inkomste wat deur kortkursusse ingebring word Die Reglement vir die finansiële aspekte van kortkursusse, wat begroting en verslagdoening insluit, is vervat in Bylae C Bemarking Alle kortkursusse wat via die Universiteit se sentrale aanlyn registrasiestelsel geregistreer en goedgekeur is, mag op die webtuiste van die Afdeling Kortkursusse as goedgekeurde kortkursusse onder die vaandel van die Universiteit bemark word Personeel en departemente mag kortkursusse eers (hetsy intern of ekstern) adverteer nadat dit via die Universiteit se sentrale aanlyn registrasiestelsel geregistreer en goedgekeur is Relevante departemente en ander organisatoriese eenhede (soos sentrums, buro s of institute) mag saam met kortkursusse bemark word, onderworpe aan die bepalings oor die Universiteit se korporatiewe beeld en goedkeuring deur die US se Afdeling Kommunikasie en Skakeling Deelnemerregistrasie Alle deelnemers wat kortkursusse bywoon, doen aansoek en registreer via n enkele, gesentraliseerde aanlyn studentebestuurstelsel indien hulle aan die spesifieke keuringskriteria vir die kortkursus voldoen. Die gesentraliseerde databasis van kortkursusdeelnemers sluit in: n rekord van die betaling van kursusgeld; die vlak van deelnemerbywoning of -bevoegdheid; en die soort sertifikaat wat uitgereik word Betrokkenheid van Universiteitspersoneel, nie-universiteitspersoneel en ander instellings Onderrig- of steunpersoneel van die Universiteit se deelname aan kortkursusaanbieding is onderworpe aan die goedkeuring van die dekane of hoofde van die verantwoordelikheidsentrums, op aanbeveling van die tersaaklike departementele voorsitters of omgewingshoofde Persone (individue) wat nie op die Universiteit se diensstaat verskyn nie, kan slegs in uitsonderlike gevalle én onderworpe aan streng beheer en voldoende motivering gekontrakteer word om kursusse in die naam van die Universiteit te ontwikkel en/of aan te bied. Personeellede wat 10

11 ingevolge ʼn gedeelde dienskontrak aangestel is (soos by bv Fakulteit Geneeskunde en Gesondheidswetenskappe) mag kortkursusse in die naam van die Universiteit aanbied Indien n kortkursus saam met n ander instelling of maatskappy aangebied word, kry die Universiteit se naam, handelsmerk en reputasie voorkeur, soos in die geval van formele programme Die Reglement vir die betrokkenheid van Universiteitspersoneel en ander individue en instellings is vervat in Bylae D Sertifisering Sertifikate mag slegs gedruk word deur die eenheid met wie die Afdeling Kortkursusse n ooreenkoms aangegaan het, en ook slegs in die goedgekeurde formaat Bevoegdheid- en bywoningsertifikate kan ooreenkomstig die volgende vereistes aan kortkursusdeelnemers uitgereik word: Bevoegdheidsertifikate mag slegs uitgereik word aan diegene wat die kortkursus suksesvol voltooi het, en slegs indien n formele assesseringsproses suksesvol ingevolge die bepaalde akademiese vereistes ondergaan is. Bywoningsertifikate mag slegs uitgereik word aan diegene wat die kortkursus bevredigend bygewoon het Om die integriteit en sekuriteit van die sertifikasieproses te verseker, geld streng standaardprosedures vir die uitreik en druk van kortkursussertifikate. Hierdie prosedures is vervat in Bylae E Evaluering Die kortkursusse word na elke aanbieding geëvalueer, en terugvoer van deelnemers word gedurende en/of na afloop van elke aanbieding ingewin Die Afdeling Kortkursusse voorsien standaardevalueringsvorms vir die algemene en logistieke evaluering van kortkursusse, die evaluering van die fasiliteerders, asook vir algemene kommentaar en kontakbesonderhede Die resultate van die evalueringsproses kan gebruik word om die kortkursus verder te ontwikkel of te verbeter Die standaardprosedure vir die evalueringsproses word in Bylae F vervat Intellektuele eiendom (IE) Die IE van alle kortkursusse wat in die geheel deur Universiteitspersoneel ontwikkel word, behoort aan die Universiteit ingevolge die Beleid insake die Ontginning van Intellektuele Eiendom van die Universiteit. 11

12 Outeurskap van kursusinhoud word ooreenkomstig normale akademiese praktyk erken In die geval van gesamentlike aanbiedings behoort die IE in eweredige mate aan die instellings waar die aanbiedings ontwikkel is Die Universiteit besit verskillende handelsmerke wat die beeld en reputasie van die instelling weerspieël. Dié beleid reguleer slegs die gebruik van die handelsmerke wat kortkursusse betref. Alle ander toepassings vind ingevolge die Beleid insake die Ontginning van Intellektuele Eiendom plaas Die Universiteit se kopieregadministrateur moet oor kopieregaangeleenthede in verband met die gebruik van derdepartyinhoud in die samestelling en reproduksie van kursusmateriaal geraadpleeg word Samelopende aanbieding van kortkursusse vir nie-formele sowel as formele onderrig Lesings en/of kontaksessies kan in sekere gevalle (soos nagraadse modules) samelopend vir gesubsidieerde sowel as nie-gesubsidieerde deelnemers aangebied word. Departementele voorsitters en dekane behoort albei hiervoor toestemming te verleen, en registrasie mag slegs via n graadprogram of n kortkursus geskied Waar deelnemers vir sulke spesifieke kortkursusse aan die Universiteit registreer en dit bywoon, en om AEVL-toegang tot formele kwalifikasies wil aansoek doen, moet die AEVL-beleid en -prosedure van die spesifieke fakulteit gevolg word Onderlinge mededinging Taal Personeellede kan enige kortkursusse op hul kundigheidsgebied en in hul akademiese omgewing of spesialisafdeling aanbied, mits die kortkursusse aan die gehalteversekeringsprosesse ingevolge die beleid onderwerp word en nie indruis teen die gees of bepalings van enige ooreenkomste of kontrakte wat die Universiteit aangaan nie Die besluit of onderlinge mededinging oor fakulteitsgrense heen wenslik is of nie, berus by die Viserektor (Leer en Onderrig), wat op aanbeveling van die Akademiese Beplanningskomitee (ABK) van die Senaat optree Die besluit of die aanbieding van n kortkursus teen n ooreenkoms of kontrak van die Universiteit indruis, berus by die Universiteitsbestuur, soos gedelegeer Deelnemers behoort ingelig te word van die taal waarin die kortkursusse aangebied word. 12

13 Die bevoegdheid- en bywoningsertifikate behoort in Engels en Afrikaans uitgereik te word Tegnologieplatforms vir die aanbieding van kortkursusse Kortkursusse kan as kontaksessies, as tegnologies bemiddelde sessies, of as n vermenging van kontak- en tegnologies bemiddelde leergeleenthede aangebied word Alle kortkursusse wat ten volle aanlyn of gemeng (met kontak- en aanlyn komponente) is, kan op die US se tegnologieplatform aangebied word. Deelnemers sal toegang tot sodanige kortkursusse en enige ander vereiste US-stelsels bekom sodra registrasie afgehandel is (sien ook punt 2 in Bylae C) Verslagdoening Die Afdeling Kortkursusse doen verslag (aan dekane of hoofde van verantwoordelikheidsentrums, departementele voorsitters en omgewingshoofde, algemene bestuur, ensovoorts) oor alle kortkursusaktiwiteite wat op die Universiteit se sentrale registrasiestelsel vir kortkursusse vasgelê is Die Afdeling Kortkursusse doen verslag aan die Departement van Hoër Onderwys en Opleiding (DHOO) en die RHO se HOGK Die hoof van die Afdeling Kortkursusse moet aan die tersaaklike lid van die Universiteitsbestuur oor alle finansiële en ander aspekte van die Afdeling verslag doen n Volledige finansiële verslag wat die begrote syfers teenoor die werklike syfers aandui, behoort binne drie maande na afloop van n kortkursusaanbieding opgestel en deur middel van die Universiteit se sentrale aanlyn registrasiestelsel na die Afdeling Finansies gestuur te word. 6.3 Optrede in geval van nie-voldoening Enige oortreding van óf nie-voldoening aan die beleid behoort by die beleidseienaar asook die Risikobestuurskomitee aangemeld te word Enige gevalle van nie-voldoening aan die beleid ondanks behoorlike advies deur die beleidseienaar word deur die gewone lynbestuur (departementele voorsitters en dekane, of omgewings- en verantwoordelikheidsentrumhoofde) ingevolge die dissiplinêre beleid en prosedures van die Universiteit gehanteer. 6.4 Hersiening Die beleid sal elke ses jaar hersien word (of korter, indien omstandighede dit sou genoodsaak). 13

14 7. Stawende dokumente Die beleid oor kortkursusse word deur die volgende dokumente ondersteun: Bylae A Bylae B Bylae C Bylae D Bylae E Bylae F Reglement vir die Akademiese Gehalteversekering van Kortkursusse Akkreditasiestatus van die Universiteit Stellenbosch Reglement vir die finansiële aspekte van kortkursusse Reglement vir die betrokkenheid van Universiteitspersoneel en ander individue en instellings Standaardprosedure vir die uitreik en druk van kortkursussertifikate Standaardprosedure vir die evalueringsproses van kortkursusaanbiedings 8. Verbandhoudende dokumente Relevante dokumente wat met die beleid verband hou, sluit die volgende in: Item # Naam Status Beleidseienaar 8.1 Leer- en Onderrigbeleid Goedgekeur Sentrum vir Onderrig en Leer 8.2 Subraamwerk vir Hoëronderwyskwalifikasies In 2013 gepubliseer 8.3 Beleid insake Assessering en Erkenning van Vorige Leer Goedgekeur Raad op Hoër Onderwys dokument beskikbaar op webtuiste van Institusionele Navorsing en Beplanning Sentrum vir Onderrig en Leer 8.4 Finansiesbeleid Goedgekeur Afdeling Finansies 8.5 Assesseringsbeleid en -praktyke Goedgekeur Sentrum vir Onderrig en Leer 8.6 Beleid insake die Ontginning van Intellektuele Eiendom Goedgekeur InnovUS 8.7 Reglement van die Risikobestuurskomitee Goedgekeur Risikobestuur en Sekuriteit 8.8 Beleid oor Konflik van Belange Goedgekeur Afdeling Navorsingsontwikkeling 14

15 Bylae A Universiteit van Stellenbosch Reglement vir die Akademiese Gehalteversekering van Kortkursusse Desember 2004 A. Akademiese aanbiedings 1. Alle leer en onderrig-geleenthede wat in die naam van die Universiteit van Stellenbosch aangebied en gesertifiseer word, vorm deel van die akademiese aanbod van die Universiteit. 2. Die Senaat is verantwoordbaar teenoor die Raad vir die akademiese en navorsingswerksaamhede van die openbare inrigting vir hoër onderwys en verrig die ander werksaamhede wat die Raad aan hom delegeer of toewys (Wet op Hoër Onderwys, 101 van 1997, Art 28). Die Senaat is dus verantwoordelik daarvoor om toesig te hou oor die akademiese aanbod van die Universiteit. Ten opsigte van die kortkursusse, (a) keur die Senaat op grond van n aanbeveling van die ABK die stelsel vir die akademiese toesig oor kortkursusse goed, en (b) delegeer die Senaat die verantwoordelikheid vir die goedkeuring van en toesig oor kortkursusse aan die dekane. Kortkursusse volg dus nie dieselfde pad van akademiese besluitneming soos die kredietdraende gesubsidieerde programme en modules nie. (Vgl Afdeling D van hierdie dokument.) Die bevoegdhede en pligte van die Senaat sluit die volgende in: a) bepaal die voorwaardes vir die verwerwing van grade, diplomas of sertifikate; b) hou toesig oor en oefen beheer uit oor alle eksamens wat deur die Universiteit afgeneem word, ooreenkomstig die bepalings wat vir dié doel deur die senaat voorgeskryf en deur die raad goedgekeur is; c) lê senaat aanbevelings aan die raad voor aangaande die aanstelling van die dekaan van elke fakulteit; d) kan komitees van die senaat instel wat uit lede van die senaat of uit sowel lede van die senaat as ander persone bestaan, en kan enige van sy bevoegdhede of funksies opdra aan so 'n komitee of aan enige amptenare van die Universiteit; met dien verstande dat die senaat nie ontdoen word van 'n bevoegdheid of funksie aldus opgedra nie, en 'n besluit van so 'n komitee of amptenaar te eniger tyd deur die senaat gewysig of tersyde gestel kan word. (Statuut van die Universiteit van Stellenbosch, 8 April 2004, Staatskoerantkennisgewing no ). 15

16 3. Ten opsigte van die inhoud en die gehalteversekering van die Universiteit se akademiese aanbod handel die Senaat via en op aanbeveling van fakulteitsrade en die Akademiese Beplanningskomitee (ABK). 4. Die akademiese aanbod as geheel word onderverdeel in twee groepe akademiese aanbiedings: a) Kredietdraende programme en modules i) wat deel uitmaak van die amptelike Programprofiel van die Universiteit soos goedgekeur deur die Departement Onderwys as uitvloeisel van die Departement se Programme & Qualification Mix-proses (PQM), en ii) wat lei tot amptelike kwalifikasies van die Universiteit. b) Kortkursusse i) waaronder ingesluit: kortkursusse (inhuis of aan die publiek), sertifikaatprogramme, seminare & werkswinkels, voortgesette professionele onderwys/ontwikkeling (VPO), programme waarvoor die Universiteit nie (direk) subsidie van die staat ontvang nie, en ii) wat by wyse van óf bevoegdheidsertifikate óf bywoningsertifikate deur die Universiteit gesertifiseer word. B. Akademiese gehalteversekering in die breë 5. Alle akademiese aanbiedings (programme, modules, kortkursusse) wat deel vorm van die Universiteit se akademiese aanbod, moet voldoen aan die Universiteit se akademiese gehalteversekeringsvereistes. 6. Die Universiteit se gehalteversekeringsvereistes vir akademiese aanbiedings sluit die volgende prosesse in: a) Beplanning: alle aspekte van program- en modulebeplanning, (insluitende, die akademiese vlak en standaarde, die kurrikulum, die navorsingsbasis, ens). b) Goedkeuring deur die Senaat op aanbeveling van die fakulteitsraad en die Akademiese Beplanningskomitee (ABK). c) Dokumentering van akademiese inligting (in die Jaarboek). d) Befondsing. e) Werwing en bemarking. f) Keuring van studente (indien van toepassing). g) Toelating van studente. h) Registrasie van studente. i) Aanstelling, bestuur en ontwikkeling van akademiese personeel. j) Aanbieding en studente-assessering (insluitende die ontwikkeling van leermateriaal). 16

17 k) Sertifisering. l) Evaluering van programme/modules/kortkursusse. 7. Die verantwoordelikheid vir die prosesse van akademiese gehalteversekering word gehuisves in die akademiese organisasiestruktuur van die Universiteit: a) die Senaat, b) fakulteite as subkomitees van die Senaat, c) akademiese departemente as funksionele organisasie-eenhede binne fakulteite, d) programkomitees onder leiding van programkoördineerders. 8. Die regulasies en prosedures vir die akademiese gehalteversekering van gesubsidieerde kredietdraende programme en modules is vervat in die Statuut van die Universiteit, Senaatsbesluite, die Jaarboek, die Handleiding vir Dekane, die Handleiding vir Departementele voorsitters en ander amptelike dokumente. 9. Alle kredietdraende modules van amptelike programme van die Universiteit word gehuisves in n akademiese organisasie-eenheid wat vir die doeleindes van die aanbieding van kredietdraende modules deur die Senaat daargestel is. 10. Die akademiese organisasie-eenheid, normaalweg n akademiese departement wat binne die Universiteit se akademiese besluitnemingstrukture gesetel is, is verantwoordelik vir die akademiese gehalteversekeringsprosesse. C. Akademiese toesig oor en gehalteversekering van kortkursusse 11. Die verantwoordelikheid vir die gehalteversekering van kortkursusse berus by die Senaat, wat handel op aanbeveling van die ABK. 12. Die ABK beoordeel proses vir die akademiese gehalteversekering van kortkursusse en beveel dit by die Senaat aan. 13. Die Senaat delegeer die verantwoordelikheid vir die goedkeuring van kortkursusse aan dekane. 14. Kortkursusse wat onder die vaandel van die Universiteit aangebied word word deur die dekane goedgekeur op aanbeveling van die departementele voorsitters. 15. Kortkursusse wat deur ondersteuningsdiensafdelings aangebied word, word deur die VS-hoof goedgekeur op aanbeveling van die afdelingshoof. Die VS-hoof kan in die goedkeuringsproses na eie diskresie kundiges in n toepaslike akademiese departement raadpleeg. VS-hoofde aanvaar dus t.o.v. kortkursusse wat deur steundiensafdelings aangebied word die verantwoordelikhede van dekane soos gespesifiseer in hierdie dokument, en afdelingshoofde aanvaar die verantwoordelikhede van departementele voorsitters. 16. In die goedkeurigsproses neem die Dekane die tersaaklike akademiese, finansiële en personeelbestuursoorwegings in ag. Navorsingsassistensie, materiaal, toerusting of ander fasiliteite wat deur die Universiteit, n statutêre liggaam of die Staat bekostig word, (b) sekretariële, 17

18 administratiewe en tegniese hulp deur personeellede van die Universiteit en (c) amptelike briefhoofde van die Universiteit mag vir die doel van n kortkursus gebruik word op voorwaarde dat besonderhede oor die gebruik daarvan aan die dekaan verskaf word en die dekaan dit (op aanbeveling van die departementele voorsitter) goedkeur. Kontrole oor die akademiese gehalte van kortkursusse sluit die volgende in: a) n Kursusleier wat die aktiwiteite namens die Universiteit koördineer moet vir elke kortkursus aangestel word deur die departementele voorsitter. b) Die kursusleier moet skriftelik by die departementele voorsitter aansoek doen om n kortkursus te kan aanbied. In die aansoek moet die volgende inligting verskaf word: i. die titel van kursus, ii. iii. iv. vakgebied, krediete, NQF vlak, v. duur, vi. vii. viii. doel van kursus uitkomste van die kursus in die geval van kursusse wat uitloop op n sertifikaat van bevoegdheid: assesseringstelsel en/of metodes, assesseringskriteria ix. metode(s) van aanbieding, x. lys van aanbieders met hulle curricula vitae waarin (as minimum) hulle akademiese kwalifikasies, waar hulle dit behaal het en hulle akademiese en professionele ervaring aangedui is, xi. xii. xiii. frekwensie van aanbiedings, aard van sertifikaat wat uitgereik sal word (bevoegdheid- of bywoningsertifikaat), n begroting. Hierdie inligting word aan departementele voorsitters voorgelê vir oorweging en aanbeveling aan die dekaan. Die dekaan keur die kortkursus goed. 17. Alle kortkursusse word geregistreer op n sentrale Universiteitsregister. Hierdie registrasie is n voorwaarde vir die aanbieding van n kortkursus. 18. Personeel a) Die kursusleier is n behoorlik aangestelde personeellid van die Universiteit van Stellenbosch (insluitende personeellede aangestel op gesamentlike platforms). 18

19 b) Die kursusleier word aangestel deur die departementele voorsitter. c) In gevalle waar die departementele voorsitter optree as kursusleier, moet die dekaan dit goedkeur en die voorsitter as kursusleier aanstel. d) Die kursusleier moet skriftelik by die departementshoof aansoek doen om n kortkursus te kan aanbied. In die aansoek moet die inligting verskaf word soos gespesifiseer in par 17 van hierdie dokument, e) Aanbieders met die nodige akademiese kwalifikasies, kundigheid en kapasiteit word vir elke kursus deur die kursusleier aanbeveel en deur die departmentele voorsitter/afdelingshoof aangestel. f) Personeel van die Universiteit geniet voorkeur wanneer aanbieders vir kortkursusse aangestel word. g) Kontrak/deeltydse aanbieders moet vir die doel van die aanbieding van die betrokke kursus deur die Universiteit geakkrediteer word. Dit geskied wanneer (a) die kursusleier en departementele voorsitter die aanbieders se curricula vitae oorweeg en aanbeveel en (b) wanneer die dekaan goedkeur dat die betrokke persone die gespesifiseerde kortkurssuse kan aanbied. h) Die kursusleier is verantwoordelik vir die bestuur van al die dosente/aanbieders van n kursus. 19. Produkontwikkeling a) Produkontwikkeling is die verantwoordelikheid van die kursusleier. Produk in hierdie konteks sluit al die aspekte van die kursus in, naamlik die intellektuele eiendom soos vergestalt in die geformuleerde doelwitte, uitkomste en assesseringsmetodes en kriteria, die kursusmateriaal, asook die resultate van marknavorsing wat onderneem is, die bemarkingsmateriaal, e.s.m. b) Kursusmateriaal moet voldoen aan die Universiteit se normale vereistes t.o.v. uitleg, formaat, medium, kopiereg-uitklaring, e.s.m. 20. Assessering a) Die dosente/aanbieders is verantwoordelik vir die assessering van die kursusgangers se werk. 21. Terugvoer en Evaluering a) Terugvoer moet van kursusgangers verkry word tydens en/of aan die einde van elke kortkursus. b) Kortkursusse moet na afloop van elke aanbieding geëvalueer word. Dit behels dat die vakinhoud, struktuur, toelatingsvereistes, studiemateriaal en vlak deur die kursusleier en aanbieders/dosente geëvalueer word, dat die terugvoer van die kursusgangers oorweeg word en dat die resultate van die evalueringsproses gebruik word in die verdere ontwikkeling van die kortkursus. 19

20 Bylae B (Slegs in Engels beskikbaar) 20

21 Bylae C Reglement vir die finansiële aspekte van kortkursusse 1. Die volkostebenadering word met betrekking tot alle kortkursusaktiwiteite van die Universiteit gevolg. 2. n Tegnologiefooi (vir aanlyn en gemengde kortkursusse) behoort by die volkostebenadering ingesluit te word. 3. Personeel en/of akademiese eenhede of afdelings kan slegs ná die verhaling van uitgawes in enige wins deel, maar is ook ingevolge die winsdelingsformule verantwoordelik vir enige verliese wat gely word indien netto inkomste nie genoeg is om gelyk te speel nie. 4. Die volgende riglyne vir die verdeling van enige surplus of tekort (ooreenkomstig die goedgekeurde begrotings) behoort (ooreenkomstig die Beleid insake die Ontginning van Intellektuele Eiendom) gevolg te word, hoewel dit na die goeddunke van die betrokke dekane onderhandel kan word: 25 persent aan die betrokke fakulteit of verantwoordelikheidsentrum; 25 persent aan die kursusleier se departement of afdeling; en 50 persent aan die kursusleier, vir moontlike verdere verdeling na sy of haar goeddunke 5. Oorbetalings aan kursusleiers of personeellede wat weens ander vorme van betrokkenheid in die wins deel, is onderworpe aan die gewone betalingsopdragte ingevolge die bepalings van die Universiteit se Finansiesbeleid sowel as belastingwetgewing. 6. Alle inkomste wat deur kortkursusse verdien word, word inbetaal by die kostesentrum wat bepaald vir die kortkursus geskep is. n Nuwe projek vir n kortkursus kan ook binne n bestaande kostesentrum geskep word; alle uitgawes word dan op daardie kostesentrum of projek aangegaan. 7. Bepalings en voorwaardes vir die betaling van kursusfooie en/of die kansellasie van kursusbywoning word by die deelnemeraansoekvorms ingesluit. Hierdie bepalings en voorwaardes geld vir alle kortkursusse, tensy ander reëlings getref en skriftelik deur die Universiteit aanvaar word. 8. Begrotings word opgestel deur kursusleiers, goedgekeur deur die Afdeling Finansies, aanbeveel deur die departementele voorsitters, en goedgekeur deur die dekane of omgewingshoofde as deel van die gewone aanlyn goedkeuringsproses. Alle elektroniese aansoeke om die goedkeuring van kortkursusse behoort van begrotings vergesel te word. 9. Inkomstestate moet bestaan uit inkomste minus heffings, die fooie vir dosente of aanbieders, en alle ander direkte koste. Let bepaald op die volgende: Markverwante pryse vir spesifieke kortkursusse word deur die kursusleiers in oorleg met die departementele voorsitters of omgewingshoofde bepaal ten einde n wins te maak of gelyk te speel. Die netto bedrag minus BTW word vir 21

22 winsdelingsdoeleindes gebruik. Kortkursusse kan ook sonder winsbejag aangebied word, mits enige verwagte verliese deur subsidies van die departement of afdeling óf deur middel van ander vorme van betaling gedek word. Die aanbieders van kortkursusse word op n markverwante grondslag vergoed. Indien assesseringsvorms n belangrike deel van die kortkursus uitmaak en n bevoegdheidsertifikaat uitgereik word, kan die aanbieders benewens aanbiedingsfooie ook assesseringsfooie ontvang. Direkte uitgawes sluit in betalings aan eksterne verskaffers, drukwerk, posgeld, advertensies in tydskrifte en koerante, handboeke, sertifikate, lokaalhuur en reis- en verblyfkoste, sowel as die aankoop, vervanging, instandhouding en huur van toerusting. 10. n Finansiële verslag word na afloop van die kortkursusaanbieding aanlyn deur die kursusleier voltooi en na die Afdeling Finansies gestuur. 11. Om statistiese redes weerspieël finansiële verslae die begrote koste teenoor die werklike koste vir die kortkursus. 12. Twee maande word toegelaat om alle uitstaande geld te verhaal en fakture te vereffen. 13. Volledige finansiële verslae behoort binne drie maande elektronies aan die Afdeling Finansies gelewer te word. 14. Geen winsdeling word uitbetaal voordat die finale finansiële verslae deur die departement of afdeling opgestel en deur die Afdeling Finansies goedgekeur is nie. 22

23 Bylae D Reglement vir die betrokkenheid van Universiteitspersoneel en ander individue en instellings 1. Personeel kan as kursusleiers of aanbieders aan die aanbieding van kortkursusse deelneem. 2. Personeel behoort in n persoonlike hoedanigheid op te tree, en nie as n maatskappy, beslote korporasie, trust of ander regsentiteit nie. Betaling word slegs aan individue gemaak. 3. Personeel mag nie vir privaat of persoonlike gewin kortkursusse in die naam van die Universiteit aanbied nie. 4. Personeel mag nie in hul privaat hoedanigheid kortkursusse op hul kundigheidsgebied (waarvoor hulle by die Universiteit aangestel is) ontwikkel en aanbied nie (met verwysing na US Beleid oor Konflik van Belange). 5. Personeel mag kortkursusse vir instellings van buite saamstel en/of aanbied, maar dit mag nie met die bedrywighede van die Universiteit meeding nie (met verwysing na US Beleid oor Konflik van Belange). 6. Die Beleid insake die Ontginning van Intellektuele Eiendom met betrekking tot alle kursusverwante materiaal wat personeel in die gewone verloop en bestek van hul pligte vir formele programme skep, geld ook vir kortkursusse. 7. Aanbieders met die vereiste akademiese kwalifikasies, kundigheid en vermoë word deur die kursusleier vir n kortkursus aanbeveel en deur die departementele voorsitter of afdelingshoof aangestel. 8. Departementele voorsitters of omgewingshoofde, en dekane of hoofde van verantwoordelikheidsentrums, is verantwoordelik om te verseker dat die akademiese en kundigheidsagtergrond van aanbieders van buite (individue wat nie tot die Universiteit se personeelkorps behoort nie) nagegaan en gekontroleer word, en dat kursusmateriaal aan die Universiteit se standaarde voldoen. 9. Ooreenkomste met ander instellings of maatskappye word nie oorweeg wanneer die Universiteit slegs akkreditasie en gehalteversekering teen n nominale tarief voorsien, sonder dat die Universiteit enige duideliker, groter voordeel daaruit trek nie. Die rol sowel as die akademiese en ander belange van die Universiteit behoort beduidend te wees voordat die Universiteit se naam aan hierdie kortkursusse gekoppel sal word. 10. Wat betref die akkreditasie en gehalteversekering van kortkursusse wat gesamentlik aangebied word, behoort personeel n beduidende bydrae tot die intellektuele kapitaal en kursusinhoud en -aanbieding te lewer en/of n kerndeel van die evalueringspan en - meganisme uit te maak. 11. In geval van gesamentlike aanbiedings, behoort die volgende in ag geneem te word: Die reputasie van die Universiteit en die ander party Reëlings met betrekking tot eienaarskap van intellektuele eiendom Mededinging met ander Universiteitsprodukte Die Universiteit behoort verantwoordelikheid vir gehalteversekeringsprosedures, die aard van sertifikate en toepaslike registrasie- en administratiewe reëlings te aanvaar. 23

24 Bylae E Standaardprosedure vir die uitreik en druk van kortkursussertifikate 1. Hierdie standaardprosedure geld bepaald vir sertifikate wat vir kortkursusaktiwiteite uitgereik word, en nie vir enige sertifikate wat vir ander doeleindes, soos vir akademiese uitnemendheid of uitsonderlike diens, toegeken word nie. 2. Die druk en uitreik van kortkursussertifikate geskied stiptelik volgens die ouditvereistes en bepalings van die Beleid insake die Aanbieding van Kortkursusse. 3. Die ABK, die Afdeling Kommunikasie en Skakeling en die Afdeling Kortkursusse kom oor die vorm en ontwerp van die sertifikate ooreen. 4. Om die sekuriteit van die sertifikasieproses te verseker, mag geen departemente of individue hul eie sertifikate druk nie. 5. Enige ander bevestiging of skriftelike verklaring op n formele Universiteitsverwante briefhoof of dokument wat sonder n gepaardgaande, amptelike kortkursussertifikaat uitgereik word, word as n ander vorm van sertifikasie beskou wat nie aan beleidsvereistes voldoen nie en dus verbode is. 6. Kortkursussertifikate word nie heruitgereik (indien dit wegraak of verlê word) nie, en sertifikate wat beskadig word of verkeerde inligting bevat, word slegs heruitgereik indien die beskadigde of verkeerde weergawes vir vernietiging aan die Afdeling Kortkursusse terugbesorg word. 7. Die Afdeling Kortkursusse voorsien gestandaardiseerde sertifikate wat op papier van n hoë gehalte gedruk is en aan die vereistes van die Beleid insake die Korporatiewe Beeld van die Universiteit voldoen. 8. Sertifikate kan slegs uitgereik word vir kortkursusse wat die volledige registrasie- en goedkeuringsproses op die Universiteit se elektroniese kortkursusstelsel deurloop het. 9. n Deelnemer mag nie n sertifikaat vir n geregistreerde en goedgekeurde kortkursus ontvang sonder dat n amptelike sertifikaatnommer op die Universiteit se kortkursusstudentebestuurstelsel geskep is nie, en ook slegs indien die deelnemer die betrokke kortkursus suksesvol bygewoon of voltooi het. 10. Slegs bywoningsertifikate kan vooraf deur die kortkursusleier aangevra word vir deelnemers nog voordat die kortkursus ten volle bygewoon is, en ook slegs in sekere omstandighede (én indien dit spesifiek gemotiveer word), met dien verstande dat die kortkursusleier die sertifikate van daardie deelnemers wat uiteindelik nié die kursus ten volle bywoon nie aan die Afdeling Kortkursusse sal terugbesorg sodat dit vernietig en die sertifikasiestatus van die deelnemers op die kortkursusstudentebestuurstelsel gewysig kan word. 11. Die kortkursussertifikaat behoort die volle naam van die kursusdeelnemer te toon. 12. Die kortkursusnaam soos dit op die kortkursusregistrasiestelsel geregistreer en goedgekeur is, moet op die sertifikaat verskyn. 13. Die volgende inligting kan ook op sertifikate verskyn: Datum: Spesifieke datums wat aandui vir watter tydperk die kursus aangebied of wanneer die sertifikaat uitgereik is 24

25 NKR-vlak: Soos wat dit gedurende die registrasieproses van die kortkursus aangedui is Kortkursuskrediete: Bevoegdheidsertifikate behoort die getal kortkursuskrediete aan te dui soos wat dit gedurende die registrasieproses van die kortkursus bepaal is. Punte vir voortgesette professionele ontwikkeling (VPO): Punte wat vir VPO in verband met n kortkursus toegeken word, kan ook op sertifikate verskyn. 14. Bevoegdheid- sowel as bywoningsertifikate behoort deur die betrokke dekaan of hoof van die verantwoordelikheidsentrum, of departementshoof of omgewingshoof, en die kursusleier onderteken te word. 15. Die handtekeninge van die Registrateur en Rektor mag nie op kortkursussertifikate verskyn nie. 16. Die identiteite van departemente, eenhede of afdelings binne die Universiteit behoort op toepaslike wyse op bevoegdheid- en bywoningsertifikate te verskyn. 17. Enige ander logo s, soos dié van kommersiële vennote wat bystand verleen met die aanbieding van sentrums se kursusse, kan ooreenkomstig die Beleid insake die Korporatiewe Beeld van die Universiteit op sertifikate gedruk word. 18. Die Afdeling Kortkursusse aanvaar verantwoordelikheid vir die koste van die litografiese druk- en foeliewerk met betrekking tot kortkursussertifikate. 19. Die departemente of sentrums aanvaar verantwoordelikheid vir die koste om deelnemer- en kortkursusbesonderhede digitaal bo-oor sertifikate te druk, waarvoor daar gedurende die begrotingsproses van die kortkursus voorsiening gemaak moet word. 20. Wanneer die Universiteit die akkrediteerder en diensverskaffer vir VPO-kursusse is, behoort standaardkortkursussertifikate van die Universiteit uitgereik te word. 25

26 Bylae F Standaardprosedure vir die evalueringsproses van kortkursusaanbiedings 1. Die Afdeling Kortkursusse voorsien drie standaardevalueringsvorms: Kortkursusevalueringsvraelys: Algemene en logistieke evaluering van n kursus Kortkursusfasiliteerders: Evaluering van die fasiliteerder(s) Algemene kommentaar oor kortkursus: Algemene kommentaar en kontakbesonderhede 2. Ál drie vorms sowel as instruksies oor hoe dit bekom en gedruk kan word, is beskikbaar op die webtuiste van die Afdeling Kortkursusse by 3. Voltooide evaluerings- en fasiliteerdervorms word van kursusdeelnemers ingesamel en vir verwerking by die Afdeling Kortkursusse ingedien. 4. n Opsomming van die resultate van die evaluering van die kortkursus en fasiliteerder(s) word elektronies aan die betrokke kursusadministrateur gestuur. 5. Sodra die oorspronklike vorms verwerk is, word dit aan die betrokke departement terugbesorg. 6. Die resultate van die evalueringsproses word deur die kursusleier en dosente of aanbieders beoordeel en vir die verdere ontwikkeling en verbetering van die kortkursusaanbieding gebruik. 26