LAERSKOOL ROBERTSON. 1. Wat word bedoel met Taalbeleid? 2. Die Grondwet, 108 van Die Suid-Afrikaanse Skolewet, 84 van 1996 TAALBELEID

Transcriptie

1 Tel.: Faks: Epos: Die toelatingsbeleid van Laerskool Robertson fungeer binne die raamwerk van bestaande Nasionale en departementele wette en regulasies. Dit behels die volgende: 1. Wat word bedoel met Taalbeleid? 1.1. Die begrip taalbeleid kan twee onderskeidende begrippe insluit Die eerste begrip is die onderrigtaal van die skool, met ander woorde die taal waarin alle vakke (buiten taalvakke) indie skool aangebied word en die algemene omgangstaal van die skool waardeur die skool met belanghebbendes, soos opvoeders, ouers en leerders, kommunikeer Die ander begrip wat deur taalbeleid omvat word, is die beleid van die skool met betrekking tot die verskillende tale wat as vakke indie skool aangebied word, nl. Engels, Afrikaans In hierdie taalbeleid sal die eerste betekenis wat hierbo ingelig word ( onderrigtaal ) telkens bedoel word wanneer na taalbeleid verwys word Laerskool Robertson is n dubbelmedium skool waar daar twee tale as onderrigtale gebruik word. 2. Die Grondwet, 108 van 1996 Die volgende inligting aangaan die Grondwet word in ag geneem: Artikel 29(2) van die Grondwet verskans die volgende reg as n fundamentele reg: Elkeen het die reg om in openbare onderwysinstellings onderwys te ontvang in amptelike taal of tale van eie keuse waar daardie onderwys redelikerwys doenlik is. Ten einde doeltreffende toegang tot en verwesenliking van hierdie reg te verseker, moet die Staat alle redlike alternatiewe ind ie onderwys, met inbegrip van enkelmedium instellings, oorweeg, met inagneming van billikheid, doenlikheid en geen diskriminasie nie. 3. Die Suid-Afrikaanse Skolewet, 84 van 1996 Die volgende bepalings aangaande die Skolewet word ook in ag geneem: 3.1. Die bepalings van die Skolewet moet gelees word teen die agtergrond van die aanhef tot die Skolewet wat spesifiek verwys na die noodsaak om die verskeidenheid kulture en tale van die mense van Suid-Afrika te beskerm en te bevorder Teen voormelde agtergrond bepaal artikel 6(1) van die Skolewert dat die Minister by kennisgewing in die Staatskoerant en na raadpleging met die Raad van Onderwysministers, norme en standaarde vir taalbeleid in openbare skole kan afkondig. Laerskool Robertson Beleide Bladsy 1 van 5

2 3.3. Artikel 6(2) van die Skolewet bepaal soos volg: Die beheerliggaam van n openbare skool kan die taalbeleid van die skool bepaal behoudens die Grondwet, hierdie Wet en enige toepaslike provinsiale wet Dit beteken dat dit die beheerliggaam van die skool is wat die taalbeleid van die skool bepaal. 4. Die norme en standaarde vir taalbeleid in openbare skole Die volgende word onderskryf: a) die regte van individue; b) die regte en verpligtinge van die skool; en c) die regte en verpligtinge van die provinsiale onderwysdepartement. Ten aansien van die beskerming van individuele regte word voorsiening gemaak vir die volgende: 4.1. In die geval van minderjarige leerders, is dit die ouer van die leerder wat daardie leerder se taalregte namens die leerder uitoefen Die leerder moet die keuse van die onderrigtaal uitoefen by sy of haar aansoek om toelating tot n bepaalde skool. 5. Ander Grondwetlike bepalings wat ook in ag geneem moet word: 5.1. n Belangrike grondwetlike bepaling wat altyd in onderwysverband in gedagte gehou moet word, is artikel 28(2) wat soos volg lui: n Kind se beste belang is van deurslaggewende belang in elke aangeleentheid wat die kind raak In onderwysverband beteken hierdie bepaling dat dit nie toegelaat kan word dat soveel leerders in n klaskamer ingedruk word dat die onderrig van die kind in daardie klas benadeel word nie n Bepaling wat ook in die Suid-Afrikaanse konteks wesenlik belangrik is, is die bepaling van artikel 29(1) van die Grondwet wat soos volg lui: Elkeen het die reg a) op basiese onderwys, met inbegrip van basiese onderwys Vir volwassenes;... Dit beteken dat leerders nie uitgesluit kan word van basiese onderrig nie. In hierdie konteks is dit egter belangrik om die aandag daarop te vestig dat dit nie die beheerliggaam van n skool se verantwoordelikheid is om daarvoor voorsiening te maak dat daar voldoende plek vir die leerders in skole is nie Artikel 12(1) van die Skolewet bepaal naamlik soos volg: Die Lid van die Uitvoerende Raad moet openbare skole vir die onderwys van leerders voorsien uit fondse wat vir die doel deur die provinsiale wetgewer bewillig is. Dit is dus by uitstek die verantwoordelikheid van die Staat om te verseker dat daar voldoende plek vir leerders is ten einde hul fundamentele reg tot basiese onderwys uit te oefen. Dit is ten ene male nie die beheerliggaam se verantwoordelikheid om plek vir leerders in oorvol skole te voorsien tot nadeel van die ander leerders in die skool op n wyse wat lei tot n skending van die bepalings van arkel 28(2) nie. Laerskool Robertson Beleide Bladsy 2 van 5

3 Na aanleiding van bogenoemde bepalings is die volgende die implimentering van die taalbeleid by: LAERSKOOL ROBERTSON 6. Tale van leer en onderrig van die skool Die skool funksioneer as 'n dubbelmedium skool met Afrikaans en Engels as tale van leer en onderrig. engelsprekende leerders maak normaalweg n baie klein persentasie van die leerders uit. 7. Tale wat as vakke aangebied word en tyd toewysing daarvoor Afrikaans en Engels word beide as Huistaal en as Eerste Addisionele taal aangebied. Albei tale ontvang dieselfde tyd vir onderrig. Die inhoud en tyd van albei tale word bepaal deur die KAPS/CAPS dokumente van die DBO. Die onderrig van taal word in alle leerareas voortgesit en by aanbieding en assessering word goeie taalgebruik ter wille van duidelike kommunikasie in ag geneem. 8. Proses vir die hersiening van hierdie beleid Soos alle beleide sal hierdie beleid ook in diens van die bestuur van die skoolbestuur wees om as bedryfsreëls bestuur te vergemaklik. Dit beteken ook dat hierdie beleid aangepas kan word om by die veranderende behoeftes van die skool en skoolgemeenskap aan te pas. Versoeke vir verandering kan aan die bestuur voorgelê word sodat daar aan die begin van elke jaar weer besin kan word daaroor. 9. Beskerming van regte van leerders wat reeds op rol is indien die taalbeleid sou verander Enige veranderings wat beplan word t.o.v. die taalbeleid, wat daartoe sou lei dat leerders wat reeds by die skool is benadeel sou word ten opsigte van hul taalregte, sal eers met die betrokke ouers onderhandel word. Tydperk van infasering sal ook onderhandel word sodat daar so min as moontlik ontwrigting vir alle partye sal wees. 10. Tale van onderrig en assessering Beide Afrikaans en Engels word as tale van onderrig en assessering gebruik. 'n Leerder sal dus al sy handboeke, modules en notas wat hy/sy benodig vir leerwerk en assessering in sy huistaal ontvang. Alle assessering sal ook in 'n leerder se huistaal plaasvind. Laerskool Robertson Beleide Bladsy 3 van 5

4 In elke graad is daar normaalweg een klas waar Afrikaans Huistaal leerders sowel as Engels Huistaal leerders geakkommodeer word. Die rede daarvoor is dat die Engelse leerders te min is om 'n klas vol te maak soms is daar so min as 1 Engelse leerder in 'n graad. 11. Tale van kommunikasie met ouers Persoonlike kommunikasie, hetsy verbaal of skriftelik, word gedoen in die gebruikstaal van die ouer. Omsendbriewe word alternatiewelik in Afrikaans of in Engels uitgegee of gewoonlik word altwee tale afwisselend in Engels en Afrikaans in 'n omsendbrief gebruik. 12. Planne om veeltaligheid te ontwikkel Die Beheerliggaam en personeel van die skool is baie positief t.o.v. die bevordering van veeltaligheid in die skool maar word tans gekortwiek deur 'n gebrek aan finansies en onderrigtyd. Daar is dus nie geld vir die aanstel van 'n leerkrag wat bv. isixhosa kan onderrig nie en die tyd toegeken aan tale is volgens leerkragte al reeds te min vir die twee bestaande tale om dit nog verder te verdeel. Die bestuur van die skool is oortuig dat die oplossing van hierdie probleem net op departementele vlak met departementele hulp opgelos kan word. 13. Planne om die taalaanleerbehoeftes van minderheidsgroepe binne die skool te akkommodeer Die grootste minderheidsgroep tans in die skool is die Engelssprekende leerders. Maniere om hulle te akkommodeer is reeds in die voorafgaande deel van hierdie beleid uitgelig. Elke leerkrag bied een maal per week (gewoonlik Dinsdae) na ure 'n ekstra klas aan leerders wat 'n behoefte het aan hulp in 'n betrokke vak. Hierdie geleentheid kan deur leerders benut word. Die leerondersteunings-leerkrag, wat drie dae per week by die skool is, kan ook betrek word by gevalle waar leerders hulp nodig het. 14. Planne om die status van alle amptelike Suid-Afrikaanse tale by die skool te bevorder Personeel maak leerders bewus van die bydrae ten opsigte van leen van woorde uit 'n ander taal sowel as die wyse waarop tale mekaar beïnvloed. Personeel moedig leerders aan om 'n trots vir hulle eie te ontwikkel maar terselfdertyd 'n respek vir die "eie" van andere. Laerskool Robertson Beleide Bladsy 4 van 5

5 15. Implimenteringsplan Die bogenoemde beleidspunte is reeds in plek. By 'n skool so klein soos ons s'n word daar eerstens goeie klasonderwysers gesoek wat Afrikaans- en/of Engelsvaardig is en 'n leerkrag wat 'n derde taal magtig is, sal 'n bonus wees. Ons beplan egter nie om 'n onderwyser aan te stel bloot omdat die persoon 'n derde taal magtig is nie. Ons dien hoofsaaklik as voedingskool vir skole wat hoofsaaklik Afrikaans as voertaal het en hoef dus nie veranderinge te maak om by die Hoërskool aan te pas nie. Elke jaar word 'n deel van ons begroting vir handboeke afgestaan sodat tweetalige sowel as suiwer verklarende woordeboeke na al ons klasse uitgegee kan word. Die voorlopige mikpunt om elke leerder van die nodige woordeboeke te voorsien is einde 2011 bereik en jaarliks bygehou. Die leerareahoofde vir Engels en Afrikaans is in besit van die onderskeie dokumente wat die werkswyse van Laerskool Robertson se taalonderrig uiteensit. Daar sal in die toekoms rekord gehou word van alle taalversoeke deur so 'n aansoek aan die leerder se aansoekvorm te heg. Beleid Aanvaar: SBL Voorsitter Skoolhoof Datum Laerskool Robertson Beleide Bladsy 5 van 5