Tensy uit die samehang anders blyk, beteken in hierdie reglement: 'n Lid van die Fakulteitsraad met spreek- maar geen stemreg nie.

Transcriptie

1 B. FAKULTEITSRADE WOORDBEPALING Tensy uit die samehang anders blyk, beteken in hierdie reglement: Assessorlid: 'n Lid van die Fakulteitsraad met spreek- maar geen stemreg nie. Fakulteitsraad: Die Raad van 'n Fakulteit soos volgens die Reglement saamgestel. Fakulteitsvergadering: Die lede van die Fakulteitsraad en ander dosente wat die vergadering mag bywoon, in 'n behoorlike vergadering byeen. FAKULTEITSRAAD B.1 SAMESTELLING 'n Fakulteitsraad is 'n komitee van die Senaat en bestaan uit (f) (g) die dekaan van die Fakulteit; die professore en mede-professore in die departemente wat onder die fakulteit ressorteer. die professor-navorsers, medeprofessor-navorsers en senior lektor navorsers, senior navorsers, eerste navorsers en hoofnavorsers wat onder die Fakulteit ressorteer; buitengewone hoogleraars; die senior lektore in die departemente wat onder die Fakulteit ressorteer. departementshoofde die professore en senior lektore van institute van die Universiteit binne die akademiese kader van die Fakulteit:

2 (h) lektore, lektore van institute in (g) vermeld en navorsers waarvan die proeftermyne verstryk het - in die geval van die Fakulteit Gesondheidswetenskappe moet 'n tydperk van twee jaar verloop - en permanent aangestel is, in die departemente en institute wat onder die Fakulteit ressorteer; (j) (k) junior lektore en junior navorsers in die departemente wat onder die Fakulteit ressorteer asook junior lektore van institute in (g) vermeld, geniet assessorlidmaatskap sonder stemreg; In die geval van die Fakulteit Regsgeleerdheid geniet hoogstens vyf regsgeleerdes, wat deur die Universiteitsraad aangestel is op aanbeveling van die Fakulteitsraad en die Senaat, assessorlidmaatskap; een verteenwoordiger van elk van die volgende Fakulteitsrade driejaarliks benoem: NOTA Wanneer die Fakulteitsraad sake bespreek wat direk betrekking het op 'n departement in 'n ander fakulteit, kan die dekaan die betrokke departementshoof uitnooi om die vergadering in adviserende hoedanigheid by te woon. B.2 BEVOEGDHEID EN PLIGTE Die Fakulteitsraad doen by die Senaat, of 'n komitee van die Senaat aanbevelings oor die tug, onderrig, lesings en klasse in die departemente van die Fakulteit; die sillabusse, studiekursusse, eksamens, eksaminatore, verdeling van toelae en ander sake wat die departemente van die Fakulteit raak; (iii) regulasies betreffende die kursusse, kurrikulums, vrystelling van vakke en eksamens wat die fakulteit raak; (iv) welke vakke en departemente onder die Fakulteit behoort te ressorteer;

3 (v) die aanstelling en bevordering van personeel, sowel as die skepping van nuwe poste (Wanneer 'n vakature ontstaan wys die betrokke Fakulteitsraad 'n ad hocbenoemingskomitee aan om direk by die Uitvoerende Bestuur aanbevelings te doen vir voorlegging aan die Raad. Die dekaan en die betrokke departementshoof dien ampshalwe in elke ad hoc-benoemingskomitee.); (vi) (vii) enige saak wat die Senaat na die Fakulteitsraad verwys; enige ander saak wat die Fakulteitsraad in belang van die Fakulteit ag. Die betrokke fakulteitsbeampte tree as sekretaris op. Die Fakulteitsraad lê gereeld verslae oor sy werksaamhede aan die Senaat voor. Die Fakulteitsraad voorsien die Senaat van die name van persone wat aan die voorwaardes vir grade, diplomas en sertifikate van die Fakulteit voldoen. Die Fakulteitsraad benoem die onderkomitees van die Fakulteit, tensy die Fakulteitsraad hierdie mag aan die Fakulteitskomitee delegeer. B.3 VERGADERINGS Minstens die helfte van die getal volle lede van die Fakulteitsraad vorm 'n kworum by vergaderings. Die Fakulteitsraad bepaal die tyd van sy gewone vergaderings in ooreenstemming met die besluite van die Senaat. 'n Buitengewone vergadering van die Fakulteitsraad kan belê word, met duidelike vermelding van die doel van die vergadering, wanneer die dekaan dit nodig ag of op versoek van die Voorsitter van die Senaat. Geen ander sake as die waarvoor die vergadering belê is, mag daarop behandel word nie, behalwe met die goedkeuring van die vergadering na 'n onbestrede mosie. Behalwe wanneer die vergadering besluit om per briefie te stem, word alle sake met die opsteek van hande deur die meerderheid van die aanwesige en stemmende lede beslis. By staking van

4 stemme het die voorsitter benewens sy gewone stem 'n beslissende stem. Die uitspraak van die Voorsitter op 'n punt van prosedure is bindend tensy 'n lid onmiddellik beswaar aanteken en in sodanige geval word dit sonder bespreking aan die finale beslissing van die van die vergadering onderwerp. B.4 FAKULTEITSKOMITEES Fakulteitskomitees word ingestel om o.m. fakulteitsaangeleenthede vlotter te laat loop en die dekaan tot hulp te wees. Die basiese funksies van die fakulteitskomitees is (iii) om die dekaan in sy werksaamhede by te staan; om die dekaan in staat te stel om beslissings op grond van meer verteenwoordigende inligting, te neem; en om oor die algemeen die werksaamhede van die Fakulteit te laat vlot. Die pligte van die Fakulteitskomitee is om bepaalde aangeleenthede deur die Fakulteitsraad aan hom opgedra af te handel en verslag daaroor aan die Fakulteitsraad te doen; om aanbevelings aan die Fakulteitsraad te maak in verband met sake deur die Fakulteitsraad aan hom opgedra; (iii) om, waar dit so deur die Senaat gereël word, aanbevelings namens die Fakulteit direk by die Uitvoerende Bestuur te maak. Die onderkomitees van die Fakulteit word deur die Fakulteitsraad benoem tensy die Fakulteitsraad hierdie mag aan die Fakulteitskomitee delegeer. Struktuur Met die oog op doeltreffendheid is die Fakulteitskomitee 'n klein, verteenwoordigende komitee wat maklik vir vergadering byeen kan kom.

5 Die dekaan tree op as voorsitter. (iii) (iv) Die dekaan is lid van alle onderkomitees, maar nie voorsitter nie. Waar noodsaaklik kan hy egter wel as voorsitter optree. Die struktuur en funksionering van die Fakulteitskomitee en die onderkomitees word so beplan dat die duplisering van vergaderings met die oog op doelmatigheid, sover moontlik vermy word. B.5 EKSAMENKOMITEES Eksamenkomitees moet elke student se individuele eksamenuitslae en ook die uitslae van die Fakulteit as geheel in oënskou neem voordat die uitslae gepubliseer word. In buitengewone gevalle waar die komitee nie kan vergader nie, het die dekaan volmag om die nodige evaluering te doen en die saak af te handel.