DiE WoorD BYBEL ELkE Dag

Transcriptie

1

2 Die Woord Elke dag BYBEL

3 Die Woord Elke dag BYBEL Die nuwe testament in 365 dae, met oordenkings deur Andries Enslin carpediem M E D I A

4 Ook beskikbaar as e-boek Kliek op Die Woord elke dag Bybel uitgegee deur Carpe Diem Media 2015 Carpe Diem Media Eerste uitgawe, eerste druk 2015 ISBN e-boek ISBN Setwerk Zelda Botha Redakteur Claude Vosloo Medeskrywers Tom Smith, Darius Prinsloo, Claude Vosloo, Gys Vermeulen, Marius Malan en Paul Grobler Proeflesers Claude Vosloo, Eric Bernardo, Rita van Wyk en Emmerentia Steyn Omslagontwerp Zelda Botha Gedruk en gebind deur Interpak Books Skrifaanhalings in hierdie publikasie kom uit die Bybel in Afrikaans 1983 Bybelgenootskap van Suid-Afrika. Gebruik met toestemming. Alle regte voorbehou. Alle regte voorbehou. Geen gedeelte van hierdie boek mag gereproduseer word in enige vorm of op enige manier sonder die skriftelike toestemming van die uitgewer nie. KONTAKBESONDERHEDE Carpe Diem Media Posbus 5801 Vanderbijlpark 1900 Tel Faks E-pos

5 Voorwoord Wat is die ooreenkoms tussen die Bybel en n by? n Moeilike raaisel? Eintlik is die antwoord eenvoudig. Lees dit in Psalm 119:103: Hoe aangenaam is u woord, soeter as heuning in die mond. U bevele gee my insig, daarom haat ek die verkeerde pad. Die psalmis het destyds reeds hierdie raaisel verstaan. Vandag kan jy met selfvertroue verklaar: Die Woord bevat God se beloftes wat ook vir my geld. Hierin leer ken jy God se hart en sy diepste begeerte vir jou lewe. Daarom is jou Bybel so kosbaar: Dit bevat die soetheid van God se beloftes en sy aanwysings vir jou daaglikse lewe. Jy hoor dikwels van mense se suikertand. Baie van ons hou n koudingetjie byderhand. Maar die vraag is: Het jy en ek n suikdertand vir God se beloftes? Kom ek deel n geheim: Vir my is die heerlikste treat God se beloftes wat vervul is. Dit het die smaak van vars genade. In die Nuwe Testament kry jy die Goeie Nuus van die Een wat jou lewe vir altyd verander. In Hom het God se beloftes letterlik lyf gekry; dit het waar geword en onder ons kom woon (Joh 1:14). In Jesus Christus sien jy God se gelaatstrekke Wie en hoe God vir ons is. Jesus leer sy volgelinge die ritme van n geloof patrone van n lewe waar n mens jou volledig aan die Here oorgee en God Self geniet. Die Woord elke dag Bybel wil jou opnuut God se genade laat proe. In die Evangelies en briewe loop jy die pad met Jesus, God se Gesalfde, en ervaar hoe Hy in en deur jou leef. Die 365 oordenkings gee jou n skeppie heuning uit God se groot wysheid. Jy leer ken sy diep liefde in Christus n lekkerny, vir elke dag van die jaar.

6 nuwe testament Matteus...13 Markus...67 Lukas Johannes Die Handelinge van die Apostels Romeine Korintiërs Korintiërs Galasiërs Efesiërs Filippense Kolossense Tessalonisense Tessalonisense Timoteus Timoteus Titus Filemon Hebreërs Jakobus Petrus Petrus Johannes Johannes Johannes Judas Die Openbaring van Johannes...415

7 nuwe testament

8 13 MATTEUS 1 Die evangelie volgens Matteus Dié Evangelie bring die blye boodskap dat Jesus die beloofde Verlosser is. Met aanhalings uit die Ou Testament word aangetoon dat die Ou-Testamentiese beloftes in vervulling gegaan het met die geboorte van Jesus en dat Hy die Christus is, die Seun van die lewende God. In die Evangelie word die verhaal van Jesus beskryf van sy geboorte af tot sy laaste opdrag aan sy dissipels. Dit is egter nie n lewensbeskrywing van Jesus nie, maar eerder n getuienis oor wat Hy gedoen en geleer het. Die verhaal word afgewissel deur vyf lang uitsprake van Jesus oor die koninkryk van die hemel: (1) die bergrede (5 7); (2) die opdrag aan die twaalf dissipels (10); (3) die gelykenisse oor die koninkryk (13); (4) die betekenis van dissipelskap (18); (5) die koms van die koninkryk (24 25). Die hooftrekke van die boek Die geslagsregister en geboorte van Jesus 1-2 Doop en versoeking van Jesus 3-4 Die bergrede 5-7 Wonders deur Jesus 8-9 Die sendingopdrag 10 Gesprekke met teenstanders Gelykenisse oor die koninkryk 13 Wonders en gesprekke met die Fariseërs Die betekenis van dissipelskap 18 Van Galilea af tot in Jerusalem Die koms van die koninkryk Jesus se lyding, dood en opstanding Die geslagsregister van Jesus Christus Die geslagsregister van Jesus Christus, die Seun van Dawid, die seun van Abraham: 2 Abraham was die vader van Isak, Isak van Jakob, en Jakob van Juda en sy broers; 3 Juda was die vader van Peres en Serag by Tamar, Peres van Gesron, en Gesron van Ram; 4 Ram was die vader van Amminadab, Amminadab van Nagson, en Nagson van Salmon; 5 Salmon was die vader van Boas by Ragab, Boas van Obed by Rut, Obed van Isai; 6 Isai was die vader van koning Dawid. Dawid was die vader van Salomo by die vrou van Urija; 7 Salomo was die vader van Rehabeam, Rehabeam van Abia en Abia van Asa; 8 Asa was die vader van Josafat, Josafat van Joram, en Joram van Ussia; 9 Ussia was die vader van Jotam, Jotam van Agas, en Agas van Hiskia; 10 Hiskia was die vader van Manasse, Manasse van Amon, en Amon van Josia; 11 Josia was die vader van Jojagin en sy broers. Toe is die volk weggevoer na Babilonië toe. 12 En na die Babiloniese ballingskap was dit so: Jojagin was die vader van Sealtiël, en Sealtiël van Serubbabel; 13 Serubbabel was die vader van Abihud, Abihud van Eljakim, en Eljakim van Asor; 14 Asor was die vader van Sadok, Sadok van Agim, en Agim van Elihud; 15 Elihud was die vader van Eleasar, Eleasar van Mattan, en Mattan van Jakob; 16 Jakob was die vader van Josef, die man van Maria uit wie gebore is Jesus wat Christus genoem word.

9 MATTEUS Altesaam was daar dus veertien geslagte van Abraham af tot by Dawid, veertien van Dawid af tot by die Babiloniese ballingskap en veertien van die Babiloniese ballingskap af tot by Christus. Die geboorte van Jesus Christus 18 Hier volg nou die geskiedenis van die geboorte van Jesus Christus. Toe sy moeder Maria nog aan Josef verloof was, het dit geblyk dat sy swanger is sonder dat hulle gemeenskap gehad het. Die swangerskap het van die Heilige Gees gekom. 19 Haar verloofde, Josef, wat aan die wet van Moses getrou was maar haar tog nie in die openbaar tot skande wou maak nie, het hom voorgeneem om die verlowing stilweg te verbreek. 20 Terwyl hy dit in gedagte gehad het, het daar n engel van die Here in n droom aan hom verskyn en gesê: Josef seun van Dawid, moenie bang wees om met Maria te trou nie, want wat in haar verwek is, kom van die Heilige Gees. 21 Sy sal n Seun in die wêreld bring, en jy moet Hom Jesus noem, want dit is Hy wat sy volk van hulle sondes sal verlos. 22 Dit het alles gebeur sodat die woord wat die Here deur sy profeet gesê het, vervul sou word: 23 Die maagd sal swanger word en n Seun in die wêreld bring, en hulle sal Hom Immanuel noem. Die naam beteken God by ons. 24 Toe Josef uit die slaap wakker word, het hy gemaak soos die engel van die Here hom beveel het en met haar getrou. 25 Hy het egter nie met haar omgang gehad voordat sy haar Seun in die wêreld gebring het nie. En Josef het Hom Jesus genoem. Die belofte van nabyheid Die Ou-Testamentiese profesieë wat met Jesus se koms vervul is, is amper ontelbaar. Matteus 1:21-23 het hierdie pragtige belofte: Sy sal n Seun in die wêreld bring, en jy moet Hom Jesus noem, want dit is Hy wat sy volk van hulle sondes sal verlos. Hierdie is seker een van die mooiste profesieë wat waar geword het. Dit is daardie profetiese woorde (Jes 7:14) oor n jong vrou wat swanger sal word, en hulle sal die seuntjie Immanuel noem. In hierdie Naam lê ook opgesluit wat hierdie Kind se koms vir ons, vir die hele wêreld, beteken: God by ons. Dit is n belofte van nabyheid. Hier is ook waar ons redding lê, nie in groot magsvertoon en trompetgeskal van staatshoofde nie. Ons redding begin met n kind, maar in Hom vind ons God teenwoordig. Dit is n diep geheim wat ons vertel van God se liefde. God wil so graag by ons wees, Immanuel wees, dat Hy sy eie Seun aarde toe gestuur het. Ons kan hierdie geheim nie verklaar nie, net beleef. Ek hoop jy beleef iets van hierdie liefde van God, Immanuel by jou, om jou lewe daagliks nuut te maak. 2 Besoek uit die ooste Jesus is in Betlehem in Judea gebore tydens die regering van koning Herodes. Na Jesus se geboorte het daar sterrekykers uit die ooste in Jerusalem aangekom 2 en gevra: Waar is Hy wat as koning van die Jode gebore is? Ons het sy ster sien opkom en ons het gekom om aan Hom hulde te bewys. 3 Toe koning Herodes hiervan hoor, was hy, en die hele Jerusalem saam met hom, hewig ontsteld. 4 Hy het toe die priesterhoofde en die skrifgeleerdes van die volk bymekaar geroep en hulle uitgevra oor waar die Christus gebore sou word. 5 Hulle het hom geantwoord: In Betlehem in Judea, want so is dit deur n profeet geskrywe: 6 En jy, Betlehem, gebied van Juda, jy is beslis nie die kleinste onder die leiers van Juda nie. Uit jou sal n leier voortkom wat vir my volk Israel n herder sal wees. 7 Daarna het Herodes die sterrekykers in die geheim ontbied en noukeurig by hulle vasgestel wanneer die ster verskyn het. 8 Hy het hulle na Betlehem toe gestuur met

10 15 MATTEUS 2 die woorde: Gaan doen noukeurig ondersoek na die Kindjie, en as julle Hom kry, laat my weet, sodat ek ook aan Hom hulde kan gaan bewys. 9 Nadat hulle die koning aangehoor het, het hulle vertrek; en kyk, die ster wat hulle sien opkom het, het hulle gelei totdat dit gaan staan het bo die plek waar die Kindjie was. 10 Toe hulle die ster sien, was hulle baie bly. 11 Hulle het in die huis ingegaan en die Kindjie saam met Maria, sy moeder, gesien, en hulle het gekniel en aan Hom hulde bewys. Daarna het hulle hulle reissakke oopgemaak en vir Hom geskenke uitgehaal: goud, wierook en mirre. 12 En omdat God hulle in n droom gewaarsku het om nie na Herodes toe terug te gaan nie, het hulle met n ander pad na hulle land toe teruggegaan. Die vlug na Egipte toe 13 Nadat hulle vertrek het, het daar n engel van die Here in n droom aan Josef verskyn en gesê: Staan op, neem die Kindjie en sy moeder en vlug na Egipte toe en bly daar totdat ek jou sê om terug te kom, want Herodes is van plan om die Kindjie te soek en Hom dood te maak. 14 Josef het toe opgestaan en in die nag die Kindjie en sy moeder geneem en na Egipte toe vertrek 15 en daar gebly tot die dood van Herodes. So is vervul wat die Here deur n profeet gesê het: Uit Egipte het Ek my Seun geroep. Die kindermoord 16 Toe Herodes agterkom dat die sterrekykers hom in die steek gelaat het, het hy woedend geword. Hy stuur toe soldate en laat in Betlehem en die hele omgewing al die seuntjies van twee jaar en jonger doodmaak, ooreenkomstig die tyd wat hy noukeurig by die sterrekykers uitgevra het. 17 Toe is die woord vervul wat die Here deur die profeet Jeremia gesê het: 18 n Gekerm word op Rama gehoor, n gehuil en groot gejammer: Ragel treur oor haar kinders en wil nie getroos word nie, omdat hulle nie meer daar is nie. Die terugkoms uit Egipte 19 Na die dood van Herodes verskyn daar n engel van die Here in n droom aan Josef in Egipte 20 en sê: Staan op, neem die Kindjie en sy moeder en gaan terug na die land van Israel toe, want die mense wat die Kindjie se lewe gesoek het, is dood. 21 Josef het toe opgestaan, die Kindjie en sy moeder geneem en na die land van Israel toe teruggegaan. 22 Toe hy egter verneem dat Argelaos in die plek van sy vader Herodes oor Judea regeer, was Josef bang om daarheen te gaan. Nadat God hom in n droom n aanwysing gegee het, is hy na die landstreek Galilea toe. 23 Daar aangekom, het hy gaan woon in n dorp met die naam Nasaret. So is vervul wat deur die profete gesê is: Hy sal Nasarener genoem word. Jou ewige Koning gee eers alles Wat beteken dit vir jou dat jy n ewige Koning kan aanbid? Die vertelling van die sterrekykers (Matt 2:10-11) teken n mooi prent. Die geleerde mense het gesien dat hulle berekenings uitwerk: Hulle kon die ster volg. So het elkeen van sy ver land af gebring wat die kosbaarste is: goud, die edelste metaal; wierook, wat jy brand vir aanbidding; en mirre, n kosbare geneesmiddel. Dit was dinge wat in hulle samelewing duur was. Wanneer ons hierna kyk, die goud, wierook en mirre, kom die vraag dadelik by ons elkeen op: Wat gee ek vir Jesus? Onthou, vir die sterrekykers was Hy maar net n aardse koning van die Jode. Wat gee ek en jy vir ons ewige Koning? Hy vra egter nie jou geld nie, Hy vra geskenke. Jou Here vra dat jy geskenke teruggee. Jou Koning vra liefde, Hy vra aanbidding. Wat gaan jy met jou lewe doen? Die vraag is: Hoe gee jy jou álles vir hom? Dit is die verrassing van ons redding: God gee eers alles vir óns. Dan vra Hy alles van ons. Dus: Haal iets uit jou lewe en gee jou beste vir die Here.