Grondwet van die Studente-unie van die Universiteit Stellenbosch

Transcriptie

1 Goedgekeur deur die Raad op 18 November 2002, gewysig deur die Studenteraad op 26 Junie 2006, 19 Augustus 2008 en weer op 4 Mei 2009 VOORREDE Ons, die lede van die Studente-unie van die Universiteit Stellenbosch, * verbind onsself tot die bestaansdoel van die Universiteit Stellenbosch, naamlik om in verbondenheid aan die Universitêre ideaal van uitmuntende wetenskapsbeoefening n omgewing te skep en vol te hou waarbinne kennis ontdek, gedeel en tot voordeel van die gemeenskap aangewend kan word en, in die gees van akademiese vryheid, tot die strewe na kritiese en rasionele denke; * glo dat die Universiteit n dinamiese rol in n veranderende en ontwikkelende Suid-Afrika moet speel en die samelewing moet dien; * erken die geloofs- en gewetensvryheid van al die lede van die Universiteit; * verbind onsself tot die waardes van die Universiteit Stellenbosch soos in die Strategiese Raamwerk vervat, naamlik billikheid, deelnemendheid, deursigtigheid, diensbaarheid, verdraagsaamheid en onderlinge respek, toewyding, wetenskaplikheid, verantwoordelikheid en akademiese vryheid; * erken die reg op vryheid van spraak, assosiasie, byeenkoms en protes van al die lede van die Universiteit, met dien verstande dat die regte van ander nie aangetas word nie; * erken die plig van elke organisasie deur hierdie Grondwet gekonstitueer, om ooreenkomstig die beginsels van administratiewe geregtigheid op te tree; en * verwerp onbillike diskriminasie teenoor enige lid van die Universiteitsgemeenskap. Derhalwe, onderworpe aan die bepalings van Wet 101 van 1997, Wet 107 van 1992, die Statuut van Institusionele Reëls van die Universiteit en besluite van die Universiteitsraad, ten einde as doeltreffende georganiseerde liggaam bogenoemde oortuigings uit te leef, en die belange van sy individuele lede te bevorder, aanvaar die Studente-unie hierdie as sy bindende grondwet.

2 DEEL 1: GRONDLIGGENDE BEPALINGS Artikel 1: Woordomskrywing Tensy uit die samehang anders blyk, het die volgende terme in hierdie Grondwet die betekenis soos hier aangedui: (a) Aanvaar, besluit, of verkies met n gewone meerderheid van stemme (b) Universiteitsdag enige weeksdag (Maandag tot Vrydag) gedurende die akademiese jaar wat nie n openbare vakansiedag is nie Artikel 2: Naam Die naam van die liggaam wat hierdie Grondwet aanneem, is Die Studente-unie van die Universiteit Stellenbosch. Artikel 3: Lidmaatskap van die Studente-unie Alle ingeskrewe studente aan die Universiteit is lede van die Studente-unie. Artikel 4: Organisasies deur hierdie Grondwet gekonstitueer Die studente-organisasies wat deur hierdie Grondwet gekonstitueer is, is die Studenteraad, die Primkomitee, die Akademiese Belangeraad, die Tygerberg Studenteraad, die Studenteparlement, die Verenigingsraad, die Studentehof en die Stembuskomitee. 2

3 DEEL 2: DIE STUDENTERAAD Artikel 5: Status van die Studenteraad Die Studenteraad staan onder die gesag van die Universiteitsraad en is die hoogste beleidmakende en verteenwoordigende studente-organisasie van die Universiteit. Artikel 6: Samestelling van die Studenteraad 1. Die Studenteraad bestaan uit die volgende lede: (a) Tien (10) lede deur die Studente-unie volgens die bepalings van deel 10 van die Grondwet verkies (b) Die Voorsitter en Ondervoorsitter van die Primkomitee, soos in artikel 17 beskryf (c) Die Voorsitter van die Akademiese Belangeraad (d) Die Voorsitter van die Verenigingsraad (e) Die Voorsitter van die Tygerberg Studenteraad (f) Die Studentekaptein van die Militêre Akademie Studenteraad 2. n Persoon word n lid van die Studenteraad op 1 September van die jaar waarin hy of sy verkies is volgens deel 9 of aangewys is as Voorsitter of Ondervoorsitter van die Primkomitee, Voorsitter van die Akademiese Belangeraad, Voorsitter van die Verenigingsraad, Voorsitter van die Tygerberg Studenteraad, of Studentekaptein van die Militêre Akademie Studenteraad, onderhewig aan die bepaling van subartikel (3). 3. As n persoon n lid van die Studenteraad vervang, omdat daardie lid se lidmaatskap van die Studenteraad kragtens artikel 8 beëindig is, sal die persoon se termyn op die dag waarop hy of sy as plaasvervanger aangewys word, begin, maar steeds eindig op die dag waarop die lid wat hy of sy vervang, se lidmaatskap sou geëindig het. Artikel 7: Termyn van lede van die Studenteraad Die termyn van n lid van die Studenteraad strek van 1 September van die jaar waarin die lid verkies is tot 31 Augustus van die daaropvolgende jaar, onderhewig aan die bepalings van artikel 6 en 8. Artikel 8: Einde van lidmaatskap van die Studenteraad Die lidmaatskap van n lid van die Studenteraad kom tot n einde wanneer (a) die termyn van n lid verstryk; (b) die lid sterf; (c) die lid n skriftelike bedanking by die Sekretaris van die Studenteraad indien; (d) die lid ophou om n lid van die studente-organisasie wat hy of sy op die Studenteraad verteenwoordig, 1 te wees; (e) die lid ophou om n lid van die Studente-unie 2 te wees; 1 Sien artikel 6. 2 Sien artikel 3. 3

4 (f) die lid sonder verskoning afwesig is van drie (3) agtereenvolgende amptelike Studenteraadsvergaderings; (g) die Studentehof op aansoek bevind dat die lid n gebiedende of verbiedende mandamus van die Hof wesenlik nie nagekom het nie; (h) n tweederdemeerderheid van die Studenteraad die Studenteraad se Dissiplinêre Komitee 3 versoek om die aktiwiteite van n lid te ondersoek as gevolg van verdagte wanpraktyke waardeur Universiteitsreëls of Studenteraad-beleid oortree word, en die Studenteraad se Dissiplinêre Komitee n beslissing maak dat hierdie lid se lidmaatskap beëindig word. Hierdie bepaling geld met oorweging van die betrokke Studenteraadslid se reg van appèl na die Studentehof; en (i) die lid in die Republiek van Suid-Afrika of elders vir enige misdryf i. gevonnis is tot gevangenisstraf sonder die keuse van n boete; of ii. deur die Sentrale Dissiplinêre Komitee, die Universiteitsraad se Dissiplinêre Komitee of die Universiteitsraad se Dissiplinêre Appèlkomitee gevonnis is tot skorsing vir n bepaalde of onbepaalde tyd uit die Universiteit, of tot enige vonnis veroordeel is op grond van oneerlikheid van enige aard. Artikel 9: Pligte en bevoegdhede van die Studenteraad 1. Pligte Die Studenteraad is verplig om (a) die belange van die Studente-unie en al die lede te verteenwoordig by (i) die Universiteitsraad; (ii) die Senaat; (iii) die Institusionele Forum; en (iv) ander institusionele strukture van die Universiteit. (b) die administratiewe werksaamhede wat nodig blyk te wees om die belange van die Studente-unie en sy lede te dien, behoorlik te verrig; (c) ten minste een (1) openbare terugvoervergadering te hou voor die einde van die eerste semester; (d) die mening van die Primkomitee in te win voor n besluit geneem word wat die belange van inwoners van koshuise en lede van Privaat Studenteorganisasie- (PSO-)wyke, in daardie hoedanigheid, raak; (e) die mening van die Akademiese Belangeraad in te win voor n besluit geneem word wat die akademiese belange van die studente raak; (f) die mening van die Verenigingsraad in te win voor n besluit geneem word wat die belange van lede van verenigings, in daardie hoedanigheid, raak; (g) die mening van die Tygerberg Studenteraad in te win voor n besluit geneem word wat die belange van studente wat hul akademiese onderrig op die Universiteit se Tygerberg-kampus ontvang, in daardie hoedanigheid, raak; 3 Die Studenteraad se Dissiplinêre Komitee bestaan uit die Studentedekaan (wat as Voorsitter sal optree), die Viserektor (Onderrig), die Voorsitter van die Studentehof, die Studenteraad Voorsitter en die Studenteraad Ondervoorsitter. Indien die Studenteraad Voorsitter of Ondervoorsitter ondersoek word, sal n ander lid van die Uitvoerende Komitee (Studenteraad) gekoöpteer word. 4

5 (h) die mening van die Militêre Akademie Studenteraad in te win voor n besluit geneem word wat die belange van studente wat hul akademiese onderrig op die Universiteit se Saldanha-kampus ontvang, in daardie hoedanigheid, raak; (i) die advies van die Studenteparlement 4 te oorweeg, maar slegs rede vir die verwerping daarvan te verskaf as die Studenteparlement die Studenteraad by wyse van n besluit daarom versoek; (j) hierdie Grondwet aan die lede van die Studente-unie beskikbaar te stel en te bemark, hetsy deur publikasie in die Matiedagboek of andersins; (k) voor die termyn van die lede van die Studenteraad verstryk, die Evalueringspaneel kragtens artikel 15 te laat konstitueer; (l) behoorlike en volledige verslae aangaande hul portefeuljes binne veertien (14) dae ná die einde van hul termyn aan hul opvolgers te oorhandig; 5 (m) verenigings te erken en te reguleer ooreenkomstig die bepalings van deel 8 van hierdie Grondwet; (n) toe te sien dat die Stembuskonvenor(s) die verpligte nominasies van kandidate vir die Studenteraadsverkiesing waarna in artikel 47(6) verwys word, ontvang; (o) n erekleurekomitee, gekonstitueer kragtens n erekleurereglement, byeen te roep en dié komitee by te staan in die administratiewe werksaamhede daarvan; en (p) enige ander pligte deur hierdie Grondwet aan hulle opgedra, te verrig. 2. Bevoegdhede Die Studenteraad is bevoeg om (a) komitees en ampsdraers aan te stel en betrokke te wees by die aanstelling van permanente personeel vir die uitvoering van die pligte in subartikel 1 genoem; (b) reglemente op te stel en te wysig vir die uitvoering van die pligte in subartikel 1 genoem; (c) die Studente-unie op nasionale en internasionale studenteliggame te verteenwoordig; en (d) enige ander bevoegdheid in terme van hierdie Grondwet opgedra uit te oefen. 3. Toewysing van pligte Vir die doeleindes van artikel 14 en 15 ( Gedrag van Studenteraadslede en Evaluering van voormalige Studenteraadslede deur die Evalueringspaneel onderskeidelik) word die pligte in subartikel 1 geag die pligte te wees van dié Studenteraadslede aan wie die pligte deur die Studenteraad opgedra is, indien toepaslik, maar (a) die Voorsitter is verantwoordelik vir die pligte in subartikel 1(c), 6 (g) 7 en (i) 8 genoem en vir die verpligte nominasies van kandidate vir die Studenteraadsverkiesing 9 deur Studenteraadslede; 4 Sien artikel Kragtens artikel 15(3)(d) moet afskrifte van die verslae ook aan die Evalueringspaneel besorg word. 6 Die hou van n openbare terugvoersirkus. 7 Oorweging van die advies van die Studenteparlement. 8 Konstituering van die Evalueringspaneel. 9 Sien artikel 47(6). 5

6 (b) (c) (d) (e) (f) (g) (h) die voorsitters van die onderskeie organisasies in daardie subartikels genoem, is verantwoordelik vir die pligte in subartikel 1(d) tot (f) 10 genoem; die Voorsitter van die Primkomitee is verantwoordelik vir die verpligte nominasies van kandidate vir die Studenteraadsverkiesing 11 deur lede van die Primkomitee; die Voorsitter van die Akademiese Belangeraad is verantwoordelik vir die verpligte nominasies van kandidate vir die Studenteraadsverkiesing 12 deur die Akademiese Belangeraad; die Voorsitter van die Verenigingsraad is verantwoordelik vir die verpligte nominasies van kandidate vir die Studenteraadsverkiesing 13 deur die Verenigingsraad; die lid wat vir media verantwoordelik is, is verantwoordelik vir die verpligte nominasies van kandidate vir die Studenteraadsverkiesing 14 deur die lede van die hoofredaksie van Die Matie en die redaksie van Die Stellenbosse Student; die lid wat vir bemarking verantwoordelik is, is verantwoordelik vir die beskikbaarstelling en bemarking van hierdie Grondwet; 15 en die lid wat vir verenigings verantwoordelik is, is verantwoordelik vir die erkenning en regulering van verenigings 16 en vir die verpligte nominasies van kandidate vir die Studenteraadsverkiesing 17 deur die lede van die Verenigingsraad. Artikel 10: Vergaderings van die Studenteraad 1. Frekwensie Die Studenteraad vergader minstens tweeweekliks gedurende die akademiese kwartaal, maar is nie verplig om gedurende amptelike eksamentye te vergader nie. 2. Kennisgewing van vergadering Behoorlike kennisgewing van n gewone Studenteraadsvergadering aan lede van die Studenteraad geskied minstens twee (2) Universiteitsdae voor die vergadering en vermeld minstens (a) die datum, tyd en plek van die vergadering; en 10 Inwin van die mening van die Primkomitee, Akademiese Belangeraad, Verenigingsraad, Tygerberg Studenteraad en die Militêre Akademie Studenteraad. 11 Sien artikel 47(6). 12 Sien artikel 47(6). 13 Sien artikel 47(6). 14 Sien artikel 47(6). 15 Sien artikel 9 (1)(h). 16 Sien deel Sien artikel 47(6). 6

7 (b) die volledige agenda. 3. Kworum Tien (10) Studenteraadslede vorm n kworum op Studenteraadsvergaderings. Geen besluit van die Studenteraad sal geldig wees indien daar nie tien (10) Studenteraadslede op die vergadering waar die besluit geneem is, teenwoordig was nie. 4. Deursigtigheid Enige persoon mag n Studenteraadsvergadering bywoon, maar (a) die Voorsitter kan die bespreking van n spesifieke agendapunt in camera reël indien hy of sy rede het om te glo dat bespreking daarvan by n ope vergadering nie in belang van die Studente-unie is nie; en (b) n persoon wat nie n lid van die Studenteraad is nie mag slegs n vraag vra of n opmerking maak tydens n vergadering indien hy of sy die Sekretaris van die Studenteraad minstens vier en twintig (24) uur voor die Studenteraadsvergadering skriftelik daarvan verwittig het, of die Voorsitter van die Studenteraad dit goedkeur. 5. Notule: Die Sekretaris van die Studenteraad moet sorg dat n volledige notule van elke gewone Studenteraadsvergadering aan die lede van die Studenteraad en by die Studenteraadskantoor beskikbaar gestel word, nie later as agt en veertig (48) uur voor die volgende vergadering nie. 6. Vergaderingsprosedure Die Studenteraad kan n praktykkode vir die vergaderingsprosedure daarvan aanvaar, wat as bylaag by hierdie Grondwet aangeheg kan word. 7. Sekundi van Tygerberg en Saldanha Indien die Voorsitter van Tygerberg Studenteraad of die Studentekaptein van die Militêre Akademie Studenteraad nie n Studenteraadsvergadering kan bywoon nie, mag hy of sy n lid van die Tygerberg Studenteraad of Militêre Akademie Studenteraad (soos van toepassing) as sekundus aanwys om die vergadering by te woon. Sodanige sekundus kan by die vergadering alle regte en bevoegdhede uitoefen wat die persoon wat hy of sy verteenwoordig, sou kon uitoefen as hy of sy teenwoordig was. Artikel 11: Voorsitter, verteenwoordigers en Uitvoerende Komitee van die Studenteraad 1. Rol van die Voorsitter van die Studenteraad 18 Die Voorsitter van die Studenteraad staan aan die hoof van die aktiwiteite daarvan en het al die bevoegdhede wat nodig is om toesig en beheer oor sodanige aktiwiteite te behou, wat bestaanbaar is met hierdie Grondwet. Sodanige bevoegdhede sluit die doen van verklarings oor die standpunt van die Studenteraad oor enige aangeleentheid aan enige persoon, ook die media, in. 2. Verteenwoordigers van die Studenteraad op die statutêre liggame van die Universiteit Lede van die Studenteraad wat op die statutêre liggame (die Raad, Senaat, Institusionele Forum) van die Universiteit aangewys word, verteenwoordig nie die Studenteraad daarop nie, maar neem daaraan deel kragtens die bepalings van artikel 27(7)(b) van die Wet op Hoër Onderwys (Wet 101 van 1997) in die belang van die Universiteit as geheel. 18 Sien artikel 58 oor die verkiesing van die Voorsitter. 7

8 3. Verteenwoordigers van die Studenteraad op ander liggame 19 Verteenwoordigers van die Studenteraad op ander liggame moet die standpunt van die Studenteraad by sodanige liggame stel en moet met die Studenteraad raadpleeg oor belangrike besluite wat deur die liggame geneem sal word. 4. Verkiesing van die Uitvoerende Komitee Die Uitvoerende Komitee van die Studenteraad word op die eerste of tweede Studenteraadsvergadering in n nuwe termyn deur die lede van die Studenteraad verkies Samestelling Die Uitvoerende Komitee bestaan uit (a) die Voorsitter; (b) die Ondervoorsitter; (c) die Tesourier van die Studenteraad; en (d) twee (2) bykomende lede uit die Studenteraad. 6. Pligte Die Uitvoerende Komitee (a) stel die agenda vir Studenteraadsvergaderings op; (b) neem in noodgevalle waar dit onmoontlik is om die Studenteraad byeen te roep besluite, wat op die volgende gewone Studenteraadsvergadering goedgekeur moet word om van krag te wees; (c) stel een (1) of meer Stembuskonvenor(s) aan soos in artikel 42 bepaal; en (d) verrig sodanige ander pligte as wat die Studenteraad moontlik daaraan opdra. 7. Vergaderings: Die Uitvoerende Komitee vergader ten minste een (1) keer voor elke gewone Studenteraadsvergadering. 8. Vergaderingsprosedure: Die Uitvoerende Komitee kan n praktykkode vir die vergaderingsprosedure daarvan aanvaar, wat as bylaag by hierdie Grondwet aangeheg kan word. 9. Kworum: Vier (4) lede van die Uitvoerende Komitee vorm n kworum op n vergadering van die Uitvoerende Komitee. Artikel 12: Beleidseenheid van die Studenteraad 1. Samestelling: Die Beleidseenheid van die Studenteraad bestaan uit (a) die Voorsitter van die Studenteraad; (b) die Studenteraadslid aangewys deur die Studenteraad om as Voorsitter van die Beleidseenheid op te tree; (c) een (1) bykomende Studenteraadslid, soos aangewys deur die Studenteraad voor die eerste vergadering van die Beleidseenheid in n nuwe termyn. Indien n Studenteraadslid wat nie die Voorsitter of Ondervoorsitter van die Studenteraad is nie n verteenwoordiger van die Studenteraad op die 19 Sien artikel 59(3) oor die verkiesing van sodanige verteenwoordigers. 20 Sien artikel 58. 8

9 (d) (e) Universiteitsraad is, word daardie lid as die aangewese bykomende Studenteraadslid van die Beleidseenheid beskou; die Voorsitter van die Akademiese Belangeraad of sy of haar verteenwoordiger; en die Sekretaris van die Beleidseenheid. 2. Sekretaris: Die Sekretaris van die Beleidseenheid is enige lid van die Studente-unie wat deur die Uitvoerende Komitee van die Studenteraad as Sekretaris aangestel is. Die Sekretaris ontvang vergoeding van die Studenteraad, soos deur die Studenteraad bepaal. Artikel 13: Studentemedia 1. Publikasies Die publikasie van (a) Die Stellenbosse Student; (b) die Matiedagboek; en (c) verdere publikasies waarvoor in Studenteraadsreglemente voorsiening gemaak is, vind onder die beskerming van die Studenteraad plaas. 2. Redaksionele onafhanklikheid Die publikasies in subartikel (1) genoem, asook Die Matie-studentekoerant (hierna Die Matie), geniet redaksionele onafhanklikheid. 3. Beskikbaarheid en finansiering Elke lid van die Studente-unie is geregtig om die publikasies in subartikel (1) en (2) genoem gratis te ontvang in soverre dit moontlik en prakties uitvoerbaar is, maar die Universiteitsadministrasie mag n redelike bedrag op lede se studenterekeninge hef om dié publikasies te finansier. 4. Aanstelling van redakteurs vir Die Stellenbosse Student en die Matiedagboek Die redakteur van Die Stellenbosse Student, die Matiedagboek en enige verdere publikasies waarvoor in Studenteraadsreglemente voorsiening gemaak is, word deur die Studenteraad aangestel nadat dié posisies adverteer is. 5. Verkiesing: Hoofredaksie van Die Matie Die hoofredaksie van Die Matie word verkies in n verkiesing waarin slegs lede van die redaksie van Die Matie stemreg het op n wyse wat in die Mediareglement bepaal word, onderhewig aan subartikel (6). Sodanige verkiesing moet ten minste tien (10) Universiteitsdae voor dit plaasvind in Die Matie en op die Stellenbosch-kampus geadverteer word. Onderhewig aan die bepaling van subartikel (10) mag enige lid van die Studente-unie hom- of haarself beskikbaar stel vir verkiesing as Hoofredakteur of hoofredaksielid. Nominasies moet voor die verkiesing plaasvind by die huidige Hoofredakteur ingedien word. 6. Bekragtiging deur die Studenteraad Die verkiesing van die Hoofredakteur van Die Matie moet binne twintig (20) dae daarná deur die Studenteraad bekragtig word. Die Studenteraad mag weier om sodanige verkiesing te bekragtig indien daar rede is om te glo dat (a) die verkose Hoofredakteur onbevoeg is om die pos te vul; of (b) daar n wesenlike onreëlmatigheid met sy of haar verkiesing was. 9

10 7. Hersiening Indien die Studenteraad weier om die verkiesing van die Hoofredakteur van Die Matie te bekragtig, mag die Studentehof die besluit op aansoek hersien. 8. Prosedure indien nie bekragtig Indien die verkiesing van die Hoofredakteur nie bekragtig is nie, moet die prosedure soos uiteengesit in subartikel (5) en (6) mutatis mutandis herhaal word. 9. Klagtes oor Die Matie Die Matie is onderhewig aan die gedragskode van Die Matie en klagtes oor hierdie publikasie moet kragtens die gedragskode hanteer word. 10. Studenteraadslede en Die Matie Studenteraadslede mag nie gedurende hul termyn op die Studenteraad op die hoofredaksie van Die Matie dien nie. 11. Subsidiëring van Die Matie Die Studenteraad staan jaarliks n subsidie aan Die Matie toe uit die fondse wat deur die Universiteitsadministrasie aan die Studenteraad toegeken word. Die Studenteraad bepaal die omvang van die jaarlikse subsidie aan Die Matie, maar die bedrag van die subsidie is onderhewig aan die finale diskresie van die Finansiële Oorsigkomitee, soos gekonstitueer in subartikel 12 van hierdie artikel. Die bedrag mag nie minder wees as wat die subsidie in die vorige Studenteraadstermyn beloop het nie, tensy (a) die Hoofredakteur van Die Matie skriftelik daartoe instem; (b) die fondse wat deur die Universiteitsadministrasie aan die Studenteraad in die onderhawige Studenteraadstermyn toegeken is minder is as in die vorige Studenteraadstermyn, in welke geval die subsidie aan Die Matie slegs verminder mag word met dieselfde persentasie as wat die fondse in die onderhawige Studenteraadstermyn aan die Studenteraad toegeken is, minder is as in die vorige Studenteraadstermyn; of (c) die Finansiële Oorsigkomitee redelike gronde het om te glo dat die subsidie wat in die vorige Studenteraadstermyn toegeken is, wesenlik wanbestee is. 12. Finansiële Oorsigkomitee van Die Matie Die Finansiële Oorsigkomitee van Die Matie sal kragtens en onderhewig aan hierdie Grondwet funksioneer met die uitsluitlike doel om die funksies wat aan dié liggaam in hierdie artikel toegeken word, te verrig. (a) Die Finansiële Oorsigkomitee van Die Matie bestaan uit nege (9) lede, te wete i. die Tesourier of Voorsitter van die Studenteraad; ii. die Studenteraadslid wat vir media verantwoordelik is; iii. die Voorsitter van die Departement Joernalistiek, of n persoon wat deur hom of haar aangewys is; iv. n dosent van die Departement Handelsreg wat deur die Dekaan van die Fakulteit Regsgeleerdheid aangewys is; v. die huidige Hoofredakteur van Die Matie, of n persoon wat deur hom of haar aangewys is; vi. die huidige Redakteur: Bedryf van Die Matie (indien dié persoon ook die Hoofredakteur is, mag hy of sy n tweede verteenwoordiger van Die Matie aanwys); 10

11 vii. viii. ix. die Universiteit se Hoof: Kommunikasie en Skakeling; die Universiteit se Direkteur: Finansies of sy of haar verteenwoordiger; en die Universiteit se Studentedekaan. (b) Die Finansiële Oorsigkomitee van Die Matie sal drie (3) keer per Studenteraadstermyn vergader om die finansiële bestuur van Die Matie te bespreek. Die eerste sodanige vergadering per termyn, waarop die toekenning van n subsidie besluit word, sal binne twintig (20) dae nadat die aanstelling van die Hoofredakteur deur die Studenteraad bekragtig is, plaasvind. (c) Die Hoofredakteur en hoofredaksie van Die Matie sal die Finansiële Oorsigkomitee van Die Matie op alle maniere wat nodig blyk te wees vir die uitvoering van die Komitee se taak, behulpsaam wees. Sodanige hulp sal die beskikbaarstelling van alle relevante finansiële rekords insluit. Artikel 14: Gedrag van Studenteraadslede 1. Gedragskode Die Studenteraad kan n gedragskode aanvaar om gedragsreëls vir die lede daarvan neer te lê. 2. Nakoming van pligte Lede van die Studenteraad moet die bepalings van die Grondwet, 21 n gedragskode in terme van subartikel (1), bevele van die Studentehof en reglemente van die Studente-unie nakom, tensy dit met die reg in stryd is. 3. Oortredings Indien n lid van die Studenteraad subartikel (2) oortree, of daar redelike gronde bestaan om te glo dat n lid subartikel (2) gaan oortree, kan (a) die Studentehof n gebiedende of verbiedende mandamus toestaan op versoek van enige lid van die Studente-unie; en (b) die Evalueringspaneel 22 dit in aanmerking neem by n besluit om die honorarium van n lid van die Studenteraad kragtens artikel 15 te verminder. Artikel 15: Evaluering van voormalige Studenteraadslede deur die Evalueringspaneel 1. Skep van n Evalueringspaneel n Evalueringspaneel word in die lewe geroep om die uitvoering van pligte deur lede van die Studenteraad te evalueer en hulle op dié manier verantwoordbaar te hou. 2. Samestelling van die Evalueringspaneel Die Evalueringspaneel bestaan uit (a) twee (2) personeellede van die Universiteit, aangewys deur die Rektor se Bestuurspan, wat lede van die Bestuurspan kan insluit; (b) die Voorsitter van die Studentehof of n lid van die Hof deur hom of haar aangewys; en (c) twee (2) persone wat nie Studenteraadslede is nie, deur die Studenteraad aangewys voor die einde van hul 21 Sien veral artikel Sien artikel

12 termyn met inagneming van hul kennis van die pligte van Studenteraadslede. 3. Pligte van die Evalueringspaneel Die Evalueringspaneel moet, met inagneming van die bepaling van hierdie Grondwet, n gedragskode kragtens artikel 14(1) en die reglemente van die Studenteraad, (a) indien nodig, n kort onderhoud met elke voormalige Studenteraadslid oor die uitvoering van sy of haar eie pligte en dié van die ander voormalige Studenteraadslede; (b) sodanige vertoë as wat enige persoon skriftelik aan die Voorsitter van die Studentehof mag rig oor die nakoming van die pligte van n voormalige Studenteraadslid; (c) die verslae van voormalige Studenteraadslede, waarvan afskrifte aan die Paneel besorg kan word; en (d) die beginsels van natuurlike geregtigheid, n besluit neem oor die toekenning al dan nie van tot 60% van die gebruiklike honorarium aan n voormalige Studenteraadslid. 4. Bevoegdhede van die Evalueringspaneel Die Evalueringspaneel kan besluit om (a) tot 20% van die gebruiklike honorarium van n voormalige Studenteraadslid terug te hou indien sodanige lid se jaarverslag 23 na die oordeel van die Paneel nie behoorlik en volledig is nie; en (b) tot 40% van die gebruiklike honorarium van n voormalige Studenteraadslid terug te hou indien sodanige lid na die oordeel van die Paneel nie sy of haar pligte behoorlik en bekwaam verrig het nie. 5. Hersiening Die besluit van die Evalueringspaneel kan nie deur die Studentehof hersien word nie, maar wel deur die Appèlhof. 6. Prosedure Die Paneel bepaal die prosedure daarvan. 7. Kennisgewing en verslag Die Paneel moet n voormalige Studenteraadslid so gou moontlik in kennis stel van die besluit daarvan. Indien besluit is om enige deel van n voormalige lid se honorarium terug te hou, moet die redes daarvan by wyse van n verslag aan dié lid verskaf word. 8. Tydsraamwerk Die Paneel word eenmaal n jaar gekonstitueer, om die pligte en bevoegdhede daarvan tussen 1 September en 5 Oktober van die betrokke jaar uit te oefen. 23 Sien artikel 9(1)(k). 12

13 DEEL 3: DIE PRIMKOMITEE Artikel 16: Pligte en bevoegdhede van die Primkomitee 1. Pligte en bevoegdhede ten opsigte van verteenwoordiging Die Primkomitee verteenwoordig die belange van die inwoners van koshuise en lede van PSO-wyke, in daardie hoedanigheid, by die Studenteraad en die Universiteitsadministrasie. Die Primkomitee het die bevoegdhede wat vir die uitvoering van die pligte daarvan nodig is. 2. Grondwette, regulasies en reglemente Die Primkomitee mag, ná goedkeuring deur die Studenteraad, enige grondwette, regulasies of reglemente, of wysigings daarvan, wat die werksaamhede daarvan reël, aanvaar. Enige sodanige wysigings (wat toevoegings of weglatings insluit) moet by wyse van n mosie deur die Studenteraad aanvaar word alvorens dit van krag sal wees. Artikel 17: Samestelling van die Primkomitee en verteenwoordiging op die Studenteraad 1. Die Primkomitee bestaan uit die Primarius of Primaria van elke koshuis en PSO-wyk, of sy of haar genomineerde. 2. Die Primkomitee word op die Studenteraad verteenwoordig deur die Voorsitter en die Ondervoorsitter van dié Komitee, soos in artikel 6 en 7 beskryf. 3. Die Voorsitter en Ondervoorsitter van die inkomende Primkomitee word, met inagname van die uitsondering bedoel in artikel 17 (7), uit die uitgaande Primkomitee genomineer en verkies en mag nie n Primarius of Primaria wees terwyl hy of sy Voorsitter of Ondervoorsitter van die Primkomitee is nie. Die Voorsitter moet voor die Ondervoorsitter verkies word. 4. Indien daar net een (1) nominasie vir Voorsitter of Ondervoorsitter is, moet die genomineerde n tweederdemeerderheid stempersentasie van stemgeregtigdes kry by die Primkomitee waaruit hy of sy verkies moet word. Waar twee (2) of meer kandidate hulself vir n posisie verkiesbaar stel, word die verkiesing gewen deur die eerste kandidaat wat meer as 50% van die stemme verkry. Indien geen kandidaat in n stemronde 50% van die stemme verkry nie, word die kandidaat wat die minste stemme verwerf het, uitgeskakel en word n verdere verkiesing gehou. Hierdie proses word herhaal totdat een (1) van die kandidate 50% van die stemme in n stemronde verwerf het. 5. Indien daar geen nominasies is nie, of die genomineerdes nie voldoende ondersteuning (kragtens artikel 17 (4)) vir Voorsitter of Ondervoorsitter verkry nie, word die Voorsitter en/of Ondervoorsitter kragtens artikel 17 (7) verkies. 6. Die twee (2) Primkomitee-verteenwoordigers op die Studenteraad moet uit n koshuis- en n PSOverteenwoordiger bestaan. Dit wil sê dat as n uitgaande Primarius of Primaria van n koshuis tot Voorsitter van die Primkomitee verkies word, moet die Ondervoorsitter n Primarius of Primaria van n PSO-wyk wees. Die bepaling werk ook andersom as die nuut verkose Voorsitter n uitgaande Primarius of Primaria van n PSO-wyk is. 13

14 7. Indien een (1) of albei van die posisies (Voorsitter of Ondervoorsitter) nie deur n verkiesing soos in subartikel (3) tot (4) beskryf word, gevul is nie, word die volgende prosedure gevolg: (a) Die werking van subartikel 6 word opgehef en n verdere verkiesing, met dieselfde kandidate as die oorspronklike verkiesing, word gehou. (b) Indien daarna steeds n vakature bestaan, word die nominasies heropen vir uittredende onderprimarii of onderprimariae van die koshuise en PSO-wyke, en word n verkiesing kragtens subartikel 6 gehou. (c) Indien daarna steeds n vakature bestaan, word die werking van subartikel 6 opgeskort, die nominasies vir primarii of primariae heropen, en n verdere verkiesing gehou. Indien daar nadat die voorskrifte hierbo gevolg is steeds n vakature bestaan, word n kandidaat of kandidate kragtens artikel 17(4) deur die Studenteraad vir n verkiesing genomineer. Sodanige kandidaat of kandidate moet aan die vereistes vir verkiesing tot die Studenteraad voldoen en verkieslik n uitgetrede Primarius of Primaria of Onderprimarius of Onderprimaria van n voorafgaande jaar, maar ten minste n uitgetrede lid van n Huiskomitee van n koshuis of PSO-wyk, wees. 8. Die Uitvoerende Komitee bestaan uit die Voorsitter, die Ondervoorsitter en drie (3) lede van die inkomende Primkomitee wat deur die inkomende Primkomitee verkies word. 14

15 DEEL 3A: DIE VERENIGINGSRAAD Artikel 17A: Pligte en bevoegdhede van die Verenigingsraad 1. Pligte en bevoegdhede ten opsigte van verteenwoordiging Die Verenigingsraad verteenwoordig die belange van alle erkende verenigings en dié van die lede van alle erkende verenigings, in hierdie hoedanigheid, van die Universiteit by die Studenteraad en die Universiteitsadministrasie. Die Verenigingsraad het die bevoegdhede wat vir die uitvoering van die pligte daarvan nodig is. 2. Grondwette, regulasies en reglemente Die Verenigingsraad mag, ná goedkeuring deur die Studenteraad, enige grondwette, regulasies of reglemente, of wysigings daarvan, wat die werksaamhede daarvan reël, aanvaar. Enige sodanige wysigings (wat toevoegings of weglatings insluit) moet by wyse van n mosie deur die Studenteraad aanvaar word alvorens dit van krag sal wees. Artikel 17AA: Samestelling van die Verenigingsraad Die Verenigingsraad bestaan uit n Voorsitter en die Voorsitter (of sy of haar verteenwoordiger) van elk van die verenigings wat deur die Grondwet van die Verenigingsraad erken word. Die Voorsitter, asook alle ander lede van die Verenigingsraad, word aangewys op die wyse in die Grondwet van die Verenigingsraad voorgeskryf. 15

16 DEEL 4: DIE AKADEMIESE BELANGERAAD Artikel 18: Pligte en bevoegdhede van die Akademiese Belangeraad 1. Pligte en bevoegdhede ten opsigte van verteenwoordiging Die Akademiese Belangeraad verteenwoordig die akademiese belange van studente aan die fakulteite van die Universiteit by die Studenteraad en die Universiteitsadministrasie. Die Akademiese Belangeraad het die bevoegdhede wat vir die uitvoering van die pligte daarvan nodig is. 2. Grondwette, regulasies en reglemente Die Akademiese Belangeraad mag, ná goedkeuring deur die Studenteraad, enige grondwette, regulasies of reglemente, of wysigings daarvan, wat die werksaamhede daarvan reël, aanvaar. Enige sodanige wysigings (wat toevoegings of weglatings insluit) moet by wyse van n mosie deur die Studenteraad aanvaar word alvorens dit van krag sal wees. Artikel 19: Samestelling van die Akademiese Belangeraad Die Akademiese Belangeraad bestaan uit n Voorsitter, n Ondervoorsitter, twee (2) studente van elke fakulteit, asook bykomende lede wat volgens die Grondwet van die Akademiese Belangeraad daarop dien. Die Akademiese Belangeraad word aangewys op die wyse in die Grondwet van die Akademiese Belangeraad voorgeskryf. 16

17 DEEL 5: DIE TYGERBERG STUDENTERAAD Artikel 20: Pligte en bevoegdhede van die Tygerberg Studenteraad 1. Pligte en bevoegdhede ten opsigte van verteenwoordiging Die Tygerberg Studenteraad verteenwoordig die belange van alle studente van die Fakulteit Gesondheidswetenskappe, in daardie hoedanigheid, by die Studenteraad en die Universiteitsadministrasie. Die Tygerberg Studenteraad het die bevoegdhede wat vir die uitvoering van pligte daarvan nodig is. 2. Grondwette, regulasies en reglemente Die Tygerberg Studenteraad mag, ná goedkeuring deur die Studenteraad, enige grondwette, regulasies of reglemente, of wysigings daarvan, wat die werksaamhede daarvan reël, aanvaar. Enige sodanige wysigings (wat toevoegings of weglatings insluit) moet by wyse van n mosie deur die Studenteraad aanvaar word alvorens dit van krag sal wees. Artikel 21: Samestelling van die Tygerberg Studenteraad Die Tygerberg Studenteraad bestaan uit n Voorsitter en bykomende lede. Die hoeveelheid lede waaruit die Tygerberg Studenteraad bestaan en die wyse waarop die lede en die Voorsitter daarvan verkies word, word in die Grondwet van die Tygerberg Studenteraad bepaal, maar die verkiesing van die Tygerberg Studenteraad moet, tensy buitengewone omstandighede dit onmoontlik maak, met die Studenteraadsverkiesing op die Stellenbosch-kampus saamval Sien artikel

18 DEEL 6: MILITÊRE AKADEMIE STUDENTERAAD Artikel 22: Pligte en bevoegdhede van die Militêre Akademie Studenteraad 1. Pligte en bevoegdhede ten opsigte van verteenwoordiging Die Militêre Akademie Studenteraad verteenwoordig die belange van alle studente wat hul akademiese onderrig aan die Universiteit se Fakulteit Krygskunde ontvang, in daardie hoedanigheid, by die Studenteraad en die Universiteitsadministrasie. Die Militêre Akademie Studenteraad het die bevoegdhede wat vir die uitvoering van die pligte daarvan nodig is. 2. Grondwette, regulasies en reglemente Die Militêre Akademie Studenteraad mag, ná goedkeuring deur die Studenteraad, enige grondwette, regulasies of reglemente, of wysigings daarvan, wat die werksaamhede daarvan reël, aanvaar. Enige sodanige wysigings (wat toevoegings of weglatings insluit) moet by wyse van n mosie deur die Studenteraad aanvaar word alvorens dit van krag sal wees. Artikel 23: Samestelling van die Militêre Akademie Studenteraad Die Militêre Akademie Studenteraad bestaan uit n Studentekaptein en bykomende lede. Die hoeveelheid lede waaruit die Militêre Akademie Studenteraad bestaan en die wyse waarop die lede en die Studentekaptein verkies word, word in die Grondwet van die Militêre Akademie Studenteraad bepaal, maar die verkiesing van die Militêre Akademie Studenteraad moet, tensy buitengewone omstandighede dit onmoontlik maak, met die Studenteraadsverkiesing op die Stellenbosch-kampus saamval Sien artikel

19 DEEL 7: DIE STUDENTEPARLEMENT Artikel 24: Aard van die Studenteparlement Die Studenteparlement is n kwartaallikse forum wat deur die Studenteraad gereël word en dien as openbare terugvoer- en konsultasiemeganisme vir wisselwerking tussen die Studenteraad en die Studente-unie. Dit het geen bindende besluitnemingsmag nie en besluite van die vergadering dien adviserend vir die Studenteraad. Die Studenteraadslid verantwoordelik vir die Studenteparlement moet telkens toesien dat n agenda vir die Studenteparlement minstens een (1) week voor die vergadering bemark word en dat die notule van die vorige vergadering van die Studenteparlement ook een (1) week voor die volgende vergadering beskikbaar gemaak word. DEEL 8 geskrap op 26 Junie 2006 (verwys DEEL 10) 19

20 DEEL 9: DIE STUDENTEHOF EN DIE APPÈLHOF Artikel 30: Nominasie en aanstelling van lede van die Studentehof 1. Nominasie Die Voorsitter van die Studentehof moet aan die begin van die derde kwartaal nominasies vir lede van die Studentehof van regstudente en -dosente vra. 2. Aanstelling Die Voorsitter moet die nominasies aan die Fakulteitsraad van die Fakulteit Regsgeleerdheid voorlê. Die Fakulteitsraad stel die lede van die Hof voor die einde van Augustus elke jaar aan, in oorleg met die dosente van die regstudente wat in die daaropvolgende jaar voorfinalejaar- of finalejaar-llb-studente of LLM-studente sal wees. Artikel 31: Samestelling, lidmaatskap, Voorsitter en termyn van die Studentehof 1. (a) Die Studentehof bestaan uit vyf (5) LLB- of LLM-regstudente. Die Hof sal aangestel word onderhewig aan die volgende kriteria: i. n Minimum van een (1) en n maksimum van twee (2) voorfinalejaar LLB-studente (in die kalenderjaar wat volg op die verkiesing); ii. n Minimum van twee (2) en n maksimum van vier (4) finalejaar-llb-regstudente; en iii. n Maksimum van een (1) LLM-student. (b) Geen lid van die Hof mag n lid van die Studenteraad wees nie. 2. Voorsitter Die Voorsitter van die Studentehof word binne tien (10) dae ná die aanvang van die termyn van die lede daarvan deur die lede verkies op n vergadering wat deur die voormalige Voorsitter van die Studentehof byeengeroep word. 3. Termyn Die beplanning van artikel 6(d), 7 en 8 is mutatis mutandis op die lede van die Studentehof van toepassing. Artikel 32: Jurisdiksie van die Studentehof Die Studentehof kan op aansoek (a) van die Studenteraad n adviserende opinie lewer oor die interpretasie van hierdie Grondwet of reglemente van die Studente-unie of n ander dokument in artikel 61 beskryf; (b) uitspraak lewer in geskille oor die interpretasie van die Grondwet of reglemente van die Studente-unie of n ander dokument in artikel 61 beskryf; (c) die besluite of enige ander optrede van n administratiewe aard van die Studenteraad, n Studenteraadslid, n subkomitee van die Studenteraad of n lid daarvan, n ander studente-organisasie, 26 lede van ander studente-organisasies, die Stembuskonvenor(s) of Stembuskomitee, erkende verenigings, Sien artikel Sien artikel

21 die Redakteur of redaksie van n publikasie in artikel 13(1) genoem, 28 n koshuis of PSO-wyk, of die Huiskomitee van die koshuis of PSO-wyk, of n lid van sodanige Huiskomitee, op erkende administatiefregtelike gronde hersien; 29 (d) n verbiedende of gebiedende mandamus teen enige Studenteraadslid uitreik as dit blyk dat hy of sy sy of haar pligte kragtens hierdie Grondwet, n gedragskode in artikel 14(1) genoem of n reglement van die Studente-unie nie nakom nie, of daar redelike gronde is om te glo dat hy of sy dit nie gaan nakom nie; 30 (e) verklaar dat n Studenteraadslid se lidmaatskap beëindig is kragtens die bepalings van artikel 8; (f) klagtes aanhoor oor die besluit van die Stembuskonvenor(s) of die verloop en/of vryheid en regverdigheid van die Studenteraadsverkiesing en bevele maak kragtens artikel 56(1) en 56(3); (g) die vergoeding van die Stembuskonvenor(s) kragtens artikel 44(2) verminder; en (h) enige ander taak verrig wat deur hierdie Grondwet daaraan opgedra is. Artikel 33: Aansoeke by die Studentehof 1. Locus standi Enige lid van die Studente-unie, en ook n persoon of instansie in artikel 32(c) genoem, kan n aansoek by die Studentehof indien. 2. Wyse van aansoek Skriftelike aansoeke, gerig aan die Voorsitter, kan by die Studenteraadskantoor, die kantoor van die Sekretaresse van die Dekaan van die Fakulteit Regsgeleerdheid of die Voorsitter persoonlik ingelewer word en moet die volgende bevat: (a) Die naam/name, handtekening(e) en Universiteitsnommer(s) van die aansoeker(s) (b) Die regsgrond vir die aansoek (c) Die regshulp wat aangevra word (d) Die naam en handtekening van n persoon wat n aansoeker verteenwoordig (indien enige) Artikel 34: Prosedure van die Studentehof 1. Natuurlike geregtigheid Die Studentehof bepaal self die prosedure daarvan, met inagneming van die reëls van natuurlike geregtigheid. 2. Kennisgewing Nadat die Voorsitter van die Studentehof n aansoek ontvang het, moet hy of sy sorg dat enige persoon wat n wesenlike belang by die verrigtinge kan hê, in kennis gestel word daarvan indien hy of sy nog nie daarvan weet nie. Die tyd en plek waarop n aansoek aangehoor sal word, moet in die Ou Hoofgebou en by die Studenteraadskantoor geadverteer word. 28 Onder andere Die Matie, Die Stellenbosse Student en die Matiedagboek. 29 Dit sluit onder andere die hersiening kragtens artikel 13(7) en 26(4) in, met inagneming van artikel 15(5), wat die hersiening van besluite deur die Evalueringspaneel oor honoraria gemaak, insluit. 30 Sien artikel 14(4). 21

22 3. Voeging as mede-aansoeker of respondent n Persoon in subartikel (2) genoem kan by die Voorsitter aansoek doen om as mede-aansoeker of respondent gevoeg te word. Die vereistes van artikel 33(2) is mutatis mutandis op sodanige aansoek van toepassing. 4. Feitelike besonderhede Enige feitelike besonderhede waarop n aansoeker of respondent wil steun, moet by wyse van n skriftelike, ondertekende verklaring aan die aansoek geheg wees. Artikel 35: Verteenwoordiging by die Studentehof 1. Verskyningsbevoegdheid n Aansoeker of respondent mag in persoon of met regsverteenwoordiging voor die Studentehof verskyn. 2. Regsverteenwoordigers Slegs voorfinalejaar- of finalejaar-llb-studente, of persone wat reeds n LLB-, BProc- of BIuris-graad verwerf het, mag as regsverteenwoordiger voor die Studentehof optree. Artikel 36: Uitsprake van die Studentehof 1. Bindendheid Die uitsprake van die Studentehof bind alle lede van die Studente-unie en die Universiteitsadministrasie (waar toepaslik). 2. Rede Die Studentehof moet skriftelike rede vir die beslissings daarvan verskaf, en dit moet deur al die lede van die Hof onderteken word. Waar n minderheid lede van die Hof nie met die meerderheid saamstem nie, moet die minderheid skriftelike redes vir hul afwyking verskaf. Artikel 37: Rekordhouding van die Studentehof en Appèlhof Die Voorsitter van die Studentehof moet sorg dat al die uitsprake van en aansoeke aan die Studentehof en die Appèlhof bewaar word by (a) die Studenteraadskantoor; (b) die Sekretaresse van die Dekaan van die Fakulteit Regsgeleerdheid; en (c) hom- of haarself. Artikel 38: Samestelling van die Appèlhof Die Appèlhof bestaan uit twee (2) dosente van die Fakulteit Regsgeleerdheid, wat deur die Dekaan van dié Fakulteit aangewys is. Artikel 39: Jurisdiksie van die Appèlhof 1. Appèl Die Appèlhof hoor appèlle teen die beslissings van die Studentehof aan. 2. Hersiening Die Appèlhof kan besluite van die Evalueringspaneel op administratiefregtelike gronde hersien Sien artikel 15(5). 22

23 Artikel 40: Aanteken van appèl of aansoeke vir hersiening by die Appèlhof Appèl word aangeteken by of n aansoek om hersiening word gerig aan die Dekaan van die Fakulteit Regsgeleerdheid, wat dan n Appèlhof kragtens artikel 38 sal saamstel. Dit moet geskied binne dertig (30) dae nadat die besluit waarteen appèl aangeteken word of wat hersien word, geneem is, behalwe as die appèl betrekking het op n bevel van die Studentehof kragtens artikel 32(f), 56(1) en 56(3). 32 Artikel 41: Prosedure van die Appèlhof Die prosedure van die Appèlhof is mutatis mutandis dieselfde as dié van die Studentehof. 32 Wat te make het met besluite van die Stembuskonvenor(s) en klagtes oor die verkiesing en die geldigheid daarvan. Appèl moet in hierdie geval binne agt en veertig (48) uur ná die beslissing aangeteken word. 23

24 DEEL 10: DIE STEMBUSKONVENOR(S), STEMBUSKOMITEE, STUDENTERAADSVERKIESING, PORTEFEULJES, STUDENTERAADSVERTEENWOORDIGERS EN VERVANGING VAN STUDENTERAADSLEDE Artikel 42: Aanstelling van die Stembuskonvenor(s) en Stembuskomitee 1. Konvenor(s) Die Uitvoerende Komitee van die Studenteraad moet elke jaar voor die einde van April een (1) of meer neutrale en bevoegde persoon as Stembuskonvenor(s) aanwys nadat dié posisie ten minste twee (2) weke lank op die Stellenbosch-kampus geadverteer is. 2. Konvenor vir Tygerberg-kampus Die aangewese Stembuskonvenor(s) moet elke jaar voor die einde van Junie n konvenor vir die Tygerberg-kampus aanstel in oorleg met die Tygerberg Studenteraad, nadat dié posisie twee (2) weke lank op die Tygerberg-kampus geadverteer is. Die Konvenor vir die Tygerberg-kampus moet in samewerking met en onder beheer van die Stembuskonvenor(s) van die Stellenbosch-kampus vir die gladde verloop van die Studenteraadsverkiesing op die Tygerberg-kampus sorg. 3. Aanstelling en pligte van Stembuskomitee Die aangewese Stembuskonvenor(s) moet elke jaar voor die einde van Junie ten minste vyf (5) persone as lede van die Stembuskomitee aanstel, nadat dié posisie ten minste twee (2) weke lank op die Stellenbosch-kampus geadverteer is. Die Stembuskomitee moet in samewerking met en onder beheer van die Stembuskonvenor(s) vir die gladde verloop van die Studenteraadsverkiesing sorg. 4. Onafhanklikheid van die Stembuskonvenor(s) Die Stembuskonvenor(s) is onafhanklik en staan nie onder die gesag van enige studente-organisasie nie. Hy of sy moet sy of haar pligte onpartydig en sonder vooroordeel uitvoer. Artikel 43: Pligte en bevoegdhede van die Stembuskonvenor(s) Die Stembuskonvenor(s) het al die pligte en bevoegdhede soos beskryf in hierdie deel van die Grondwet en al die bykomende bevoegdhede wat nodig blyk te wees om n vrye en regverdige Studenteraadsverkiesing, wat verteenwoordigendheid en deelname sal bevorder, te verseker. Spesifiek moet die Stembuskonvenor(s) verseker dat elke lid van die Studente-unie wat stem, slegs een (1) keer in n bepaalde verkiesing kan stem en dat elke lid van die Studente-unie wat redelike pogings aanwend, sal kan stem, onderhewig aan praktiese uitvoerbaarheid. Artikel 44: Termyn, vergoeding en verslagdoening van die Stembuskonvenor(s) en Stembuskomitee 1. Termyn Die Stembuskonvenor(s) en Stembuskomitee se termyn strek vanaf aanstelling totdat die verslag waarna in subartikel (3) verwys word, aan die Voorsitter van die Studenteraad oorhandig is, maar eindig nie later nie as op 31 Oktober van die jaar waarin die betrokke Studenteraadsverkiesing plaasgevind het. 2. Vergoeding Die Stembuskonvenor(s) en Stembuskomitee word vergoed ooreenkomstig die riglyne wat by die Afdeling Studentesake beskikbaar is, maar die Studentehof kan op aansoek gelas dat die vergoeding van die Stembuskonvenor(s) verminder word met n bedrag wat na goeddunke van die Hof bepaal is, as hy of sy sommige van sy of haar pligte in hierdie Grondwet vervat wesenlik nie nagekom het nie. 24

25 3. Verslag Die Stembuskonvenor(s) ontvang nie sy of haar vergoeding voordat hy of sy nie n volledige verslag oor sy of haar werksaamhede aan die Voorsitter van die Studenteraad oorhandig het nie. Dít moet voor 31 Oktober van die jaar waarin die betrokke verkiesing plaasgevind het, geskied. Artikel 45: Wyse waarop die Studenteraadsverkiesing plaasvind 1. Algemene verkiesing Die tien (10) Studenteraadslede waarna in artikel 6(1)(a) verwys is, word in n algemene verkiesing waarin alle lede van die Studente-unie kan stem, verkies, met inagneming van die bepalings van artikel 47(1) en 50. Nie meer as een (1) Studenteraadsverkiesing vind in n kalenderjaar plaas nie. 2. Beperking en gewig van stemme Elke lid van die Studente-unie kan slegs een (1) keer sy of haar stemme in n spesifieke verkiesing uitbring en elke lid se stem dra dieselfde gewig. 3. Gebruiklike formaat van die verkiesing Tensy die Stembuskonvenor(s) n besluit kragtens subartikel (4) of (5) neem, vind die Studenteraadsverkiesing soos volg plaas: Stemme word uitgebring by n aangewese stempunt op die stemdag of -dae kragtens artikel 44 bepaal, deur middel van n geslote stembrief waarop die name van al die kandidate verskyn. 4. Ander wyses van verkiesing Indien dit prakties uitvoerbaar is, verteenwoordigendheid en deelname sal bevorder en nie in stryd is met die konsep van n vrye en regverdige verkiesing nie, kan die Stembuskonvenor(s) besluit dat (a) die verkiesing op n ander wyse, hetsy elektronies of andersins, of n kombinasie van meerdere wyses, sal plaasvind; en (b) sekere wyse van stemming slegs aan sekere kategorieë studente beskikbaar is. 5. Wanneer die verkiesing plaasvind Die verkiesing vind plaas op die stemdag of -dae wat kragtens artikel 46 bepaal word, maar indien dit prakties uitvoerbaar is, verteenwoordigendheid en deelname sal bevorder en nie in stryd is met die konsep van vrye en regverdige verkiesing nie, kan die Stembuskonvenor(s) besluit dat stemme kragtens subartikel (3) en (4) reeds voor (maar nie later nie as) die betrokke stemdag of -dae uitgebring mag word, byvoorbeeld by of ná afloop van n bepaalde voorstellingsvergadering(s). 6. Plasing van stempunte Indien al die lede of sommige lede van die Studente-unie hul stemme volgens die gebruiklike formaat van die verkiesing uitbring, 33 moet die Stembuskonvenor(s) ten minste twaalf (12) stempunte op die Stellenbosch-kampus en ten minste een (1) stempunt op die Tygerberg-kampus aanwys. Die stempunt moet toeganklik wees en die plasing daarvan moet vrye en regverdige verkiesing verseker en deelname en verteenwoordigendheid bevorder. 7. Reëlings rakende stempunte Die stempunte word deur bekwame en onpartydige persone beheer en word deur die Stembuskonvenor(s) aangewys. Dit moet duidelik afgebaken wees en die vertroulikheid van stemme verseker. Geen veldtogmateriaal, behalwe die verkiesingsuitgawe van Die Matie en die Stembuskonvenor(s) se amptelike 33 Sien artikel 45(3). 25