Kennisgewing van Twintigste Algemene Jaarvergadering van Aandeelhouers

Transcriptie

1 Kennisgewing van Twintigste Algemene Jaarvergadering van Aandeelhouers DIREKSIE BKB Beperk Registrasienr.: 1998/012435/06 D C Louw (Voorsitter) W Edmayr (Besturend) G E J Kingwill (Onder-Voorsitter) A S du Toit C D Hobson E A Meyer H C Staple H J Swart F P R van Wyk J van Zyl Posbus 2002 Noordeinde PORT ELIZABETH 6056 Kennis word hiermee gegee ingevolge artikel 62(1) van die Maatskappywet, 71 van 2008, soos gewysig ( die Maatskappywet ) dat die Twintigste Algemene Jaarvergadering van die Maatskappy om 15:00 by die BKB- Gebou, Grahamstadweg 61, Port Elizabeth op Woensdag, 29 November 2017 gehou word om die volgende besluite te oorweeg, en indien goedgevind, aan te neem, met of sonder wysiging: GEWONE BESLUITE 1. OORWEGING VAN FINANSIËLE JAARSTATE Gewone Besluit Nommer 1 Besluit dat die geouditeerde finansiële jaarstate, insluitende die verslae van die direkteure, ouditeur en die oudit- en risikokomitee van die Maatskappy en die Groep vir die jaar geëindig 30 Junie 2017 aanvaar word. Addisionele inligting met betrekking tot Gewone Besluit Nommer 1 Die verkorte geouditeerde finansiële jaarstate, insluitende die verslae van die direkteure, ouditeur en die oudit- en risikokomitee van die Maatskappy en die Groep vir die jaar geëindig 30 Junie 2017 is ingesluit by die verkorte jaarverslag waarvan hierdie kennisgewing deel vorm. 2. HERAANSTELLING VAN EKSTERNE OUDITEUR Gewone Besluit Nommer 2 Besluit dat die heraanstelling van PricewaterhouseCoopers Ing, wie onafhanklik van die Maatskappy is, soos benoem deur die oudit- en risikokomitee van die Maatskappy, as die Maatskappy se eksterne ouditeur goedgekeur word. Dit word genotuleer dat Mnr. A Puggia die individuele geregistreerde ouditeur is wat die oudit gedurende die finansiële jaar eindigende 30 Junie 2018 sal onderneem. 3. AANSTELLING VAN LID VAN ONAFHANKLIKE OUDIT- EN RISIKOKOMITEE Gewone Besluit Nommer 3 Besluit dat, onderworpe aan sy verkiesing of heraanstelling as n direkteur van die Maatskappy, die aanstelling van Mnr. H J Swart, wie ʼn onafhanklike nie-uitvoerende direkteur van die Maatskappy sal wees, as ʼn lid van die Maatskappy se oudit- en risikokomitee vir die finansiële jaar eindigende 30 Junie 2018 goedgekeur word. 4. AANSTELLING VAN LID VAN ONAFHANKLIKE OUDIT- EN RISIKOKOMITEE Gewone Besluit Nommer 4 Besluit dat die aanstelling van Mnr. E A Meyer, wie ʼn onafhanklike nie-uitvoerende direkteur van die Maatskappy is, as ʼn lid van die Maatskappy se oudit- en risikokomitee vir die finansiële jaar eindigende 30 Junie 2018 goedgekeur word.

2 5. AANSTELLING VAN LID VAN ONAFHANKLIKE OUDIT- EN RISIKOKOMITEE Gewone Besluit Nommer 5 Besluit dat die aanstelling van Mnr. H C Staple, wie ʼn onafhanklike nie-uitvoerende direkteur van die Maatskappy is, as ʼn lid van die Maatskappy se oudit- en risikokomitee vir die finansiële jaar eindigende 30 Junie 2018 goedgekeur word 6. AANSTELLING VAN LID VAN ONAFHANKLIKE OUDIT- EN RISIKOKOMITEE Gewone Besluit Nommer 6 Besluit dat die aanstelling van Mnr. F P R van Wyk, wie ʼn onafhanklike nie-uitvoerende direkteur van die Maatskappy is, as ʼn lid van die Maatskappy se oudit- en risikokomitee vir die finansiële jaar eindigende 30 Junie 2018 goedgekeur word. Addisionele inligting met betrekking tot Gewone Besluite Nommer 3 tot 6 Die direkteure bedoel in gewone besluite nommer 3 tot 6 het toepaslike akademiese kwalifikasies of ervaring in een of meer van die volgende gebiede, i.e. ekonomie, regte, korporatiewe bestuur, finansies, rekeningkunde, handel of nywerheid. 7. VERKIESING VAN DIREKTEUR Gewone Besluit Nommer 7 Besluit dat Mnr. D C Louw as 'n nie-uitvoerende direkteur van die Maatskappy herkies word vir 'n verdere termyn van een jaar. Addisionele inligting met betrekking tot Gewone Besluit Nommer 7 By die vorige Algemene Jaarvergadering van die Maatskappy is Mnr D C Louw, die voorsitter van die Direksie, as 'n nie-uitvoerende direkteur vir 'n termyn van een jaar herverkies. Die direksie beveel die herverkiesing van Mnr D C Louw as 'n nie-uitvoerende direkteur vir 'n verdere termyn van een jaar ingevolge die bepalings van klousule van die Akte van Oprigting van die Maatskappy aan. 8. VERKIESING VAN DIREKTEUR Gewone Besluit Nommer 8 Besluit dat Mnr. G E J Kingwill as nie-uitvoerende direkteur van die Maatskappy herkies word. 9. VERKIESING VAN DIREKTEUR Gewone Besluit Nommer 9 Besluit dat Mnr. H J Swart as nie-uitvoerende direkteur van die Maatskappy herkies word. Addisionele inligting met betrekking tot Gewone Besluite Nommer 8 en 9 Klousule van die Maatskappy se Akte van Oprigting bepaal dat een derde van die Maatskappy se nie-uitvoerende direkteure moet aftree by elke Algemene Jaarvergadering. Bo en behalwe die aftrede en herverkiesing van Mnr D C Louw bedoel in Gewone Besluit Nommer 7, moet twee direkteure ingevolge klousule van die Akte van Oprigting van die Maatskappy verkies word in die plek van Mnre G E J Kingwill en H J Swart wie aftree by die Algemene Jaarvergadering.Mnre Kingwill en Swart wat beide herverkiesbaar is, was die enigste nominasies wat ontvang is om die vakatures te vul. 10. BEVESTIGING VAN AANSTELLING VAN DIREKTEUR Gewone Besluit Nommer 10 Besluit dat die aanstelling van Dr J van Zyl as 'n nie-uitvoerende direkteur van die Maatskappy op grond van sy kundigheid en ervaring soos beoog in klousule van die Akte van Oprigting van die Maatskappy hiermee bevestig word ingevolge die bepalings van klousule van die Akte van Oprigting van die Maatskappy.

3 11. BEVESTIGING VAN AANSTELLING VAN DIREKTEUR Gewone Besluit Nommer 11 Besluit dat die aanstelling van Mnr A S du Toit as 'n uitvoerende direkteur van die Maatskappy soos beoog in klousule van die Akte van Oprigting van die Maatskappy hiermee bevestig word ingevolge die bepalings van klousule van die Akte van Oprigting van die Maatskappy. Addisionele inligting met betrekking tot Gewone Besluite Nommer 10 en 11 Na die laaste Algemene Jaarvergadering van die Maatskappy, het die Direksie vir Dr J van Zyl as 'n nieuitvoerende direkteure van die Maatskappy aangestel op grond van sy kundigheid en ervaring, en Mr A S du Toit aangestel as 'n uitvoerende direkteur, ingevolge die bevoegheid aan die Direksie verleen ingevolge klousule van die Akte van Oprigting van die Maatskappy. Ingevolge klousule van die Akte van Oprigting van die Maatskappy moet hierdie aanstellings by die volgende Algemene Jaarvergadering van die Maatskappy deur aandeelhouers bevestig word. 12. ALGEMENE MAGTIGING OM AANDELE UIT TE REIK Gewone Besluit Nommer 12 Besluit dat ingevolge die bepalings van klousule van die Akte van Oprigting van die Maatskappy, sodanige aantal gewone aandele in die gemagtigde maar onuitgereikte aandelekapitaal van die Maatskappy wat op die datum van hierdie Algemene Jaarvergadering 30% van die uitgereikte aandelekapitaal van die Maatskappy minus een aandeel verteenwoordig, hiermee onder die beheer van die direksie geplaas word as ʼn algemene magtiging tot die volgende Algemene Jaarvergadering, vir uitreiking aan sodanige persone en op sodanige voorwaardes as wat die direksie mag goed dink, onderhewig aan die bepalings van die Maatskappywet en die Akte van Oprigting van die Maatskappy. Addisionele inligting met betrekking tot Gewone Besluit Nommer 12 Die rede en effek van die besluit is om die direksie in staat te stel om aandele uit te reik in omstandighede wat hulle mag raadsaam ag. 13. DIVIDEND Gewone Besluit Nommer 13 Besluit dat n bruto dividend van R0.47 (voor teruggehoude belasting op dividende) per aandeel, soos deur die direksie op 31 Augustus 2017 voorgestel, verklaar word. Hierdie dividend is betaalbaar aan alle aandeelhouers wat op 31 Augustus 2017 as sodanig geregistreer is. SPESIALE BESLUITE 14. GOEDKEURING VAN NIE-UITVOERENDE DIREKTEURE SE VERGOEDING 2017/2018 Spesiale Besluit Nommer 1 Besluit dat die volgende fooie goedgekeur word as die basis vir berekening van die vergoeding van die nie-uitvoerende direkteure vir hulle dienste as direkteure van die Maatskappy vir die finansiële jaar eindigende 30 Junie 2018: Voorsitter van Direksie Onder-voorsitter Direkteure en komiteelede Voorsitter van Ouditkomitee Voorgestelde Fooi vir die jaar eindigende 30 Junie 2018 R R R R Addisionele inligting met betrekking tot Spesiale Besluit Nommer 1 Die rede en effek van die spesiale besluit is om die basis vir die berekening van die vergoeding betaalbaar aan die Maatskappy se nie-uitvoerende direkteure vir hulle dienste as direkteure van die

4 Maatskappy vir die jaar eindigende 30 Junie 2018 goed te keur. Die fooie betaalbaar aan die nieuitvoerende direkteure word bereken op ʼn jaarlikse fooi basis. 15. ALGEMENE MAGTIGING OM FINANSIËLE BYSTAND TE VERLEEN AAN VERWANTE EN INTERVERWANTE MAATSKAPPYE EN KORPORASIES Spesiale Besluit Nommer 2 Besluit dat, tot die mate vereis ingevolge en onderhewig aan die bepalings van artikel 45 van die Maatskappywet, die aandeelhouers die Maatskappy hiermee magtig, om ter enige tyd en van tyd tot tyd gedurende die periode van twee jaar wat ʼn aanvang neem op die datum van aanname van hierdie spesiale besluit, enige direkte of indirekte finansiële bystand soos bedoel in daardie artikel van die Maatskappywet te verleen aan enige een of meer verwante of interverwante maatskappye of korporasies (soos omskryf in die Maatskappywet) van die Maatskappy en/of aan enige een of meer lede van sulke verwante of interverwante korporasie en/of aan enige een of meer persone verwant aan enige sodanige maatskappy of korporasie, op sodanige bepalings en voorwaardes as wat die direksie, of enige een of meer persone deur die direksie van tyd tot tyd daartoe gemagtig vir die doel, mag goeddunk, met dien verstande dat enige sodanige finansiële bystand nie in totaal ʼn bedrag van R in enige finansiële jaar sal oorskry nie. Addisionele inligting met betrekking tot Spesiale Besluit Nommer 2 Die rede vir hierdie spesiale besluit is om aan die direksie die magtiging te verleen om die Maatskappy te magtig om direkte of indirekte finansiële bystand soos beoog in artikel 45 van die Maatskappywet te verleen aan enige een of meer verwante of interverwante maatskappye of korporasies van die Maatskappy en/of aan enige een of meer lede van sodanige verwante of interverwante korporasie en/of aan enige een of meer persone verwant aan enige sodanige maatskappy of korporasie. In die omstandighede en ten einde, inter alia, te verseker dat die Maatskappy se filiale en ander verwante en interverwante maatskappye en korporasies toegang het tot finansiering en/of finansiële bystand deur die Maatskappy (in teenstelling tot slegs banke en ander derde party finansierders), is dit nodig om hierdie magtiging van aandeelhouers te verkry. In die geval waar die Maatskappy finansiële bystand verleen aan sy filiaalmaatskappye in die vorm van lenings, sal die Maatskappy se solvensie nie benadeel word nie, aangesien die Maatskappy ʼn bate in sy boeke sal toon vir die ekwivalente bedrag dan verskuldig deur daardie filiaal. Kennisgewing aan aandeelhouers van die Maatskappy ingevolge artikel 45(5) van die Maatskappywet van ʼn besluit aangeneem deur die direksie wat die Maatskappy magtig om direkte of indirekte finansiële bystand te verleen. - Teen die tyd dat hierdie kennisgewing van die Algemene Jaarvergadering aan aandeelhouers afgelewer is, sal die direksie ʼn besluit aangeneem het ( Artikel 45 Direksiebesluit ) wat die Maatskappy magtig om, ter enige tyd en van tyd tot tyd gedurende die periode wat ʼn aanvang neem op die datum waarop Spesiale Besluit Nommer 2 aangeneem is tot en met die datum van die volgende Algemene jaarvergadering van die Maatskappy, enige direkte of indirekte finansiële bystand soos beoog in artikel 45 van die Maatskappywet aan enige een of meer verwante of inter-verwante maatskappye of korporasies van die Maatskappy en/of aan enige een of meer lede van enige sodanige verwante of inter-verwante korporasies en/of enige een of meer persone verwant aan enige sodanige maatskappy of korporasie, te verleen, met dien verstande dat sodanige finansiële bystand nie in totaal in enige finansiële jaar ʼn bedrag van R sal oorskry nie. - Die Artikel 45 Direksiebesluit sal slegs van krag word as en tot die mate wat Spesiale Besluit Nommer 2 aangeneem is deur die aandeelhouers en die verlening van enige sodanige direkte of indirekte finansiële bystand deur die Maatskappy, na aanleiding van sodanige besluit, sal altyd onderhewig wees daaraan dat die direksie tevrede sal wees dat: (i) onmiddellik na die

5 verlening van sodanige finansiële bystand, die Maatskappy sal voldoen aan die solvensie- en likiditeitstoets soos bedoel in artikel 45(3)(b)(i) van die Maatskappywet; en (ii) die bepalings waarkragtens sodanige finansiële bystand verleen sal word billik en redelik teenoor die Maatskappy sal wees soos bedoel in artikel 45(3(b)(ii) van die Maatskappywet. - Insoverre die Artikel 45 Direksiebesluit beoog dat sodanige finansiële bystand in totaal eentiende van ʼn persent van die Maatskappy se nettowaarde soos op die datum van aanvaarding van die besluit sal oorskry, gee die Maatskappy hiermee kennis van die Artikel 45 Direksiebesluit aan aandeelhouers. Sodanige kennisgewing sal ook gegee word aan enige vakbond wat die werknemers van die Maatskappy verteenwoordig. 16. OM ENIGE ANDER BESIGHEID TE ONDERNEEM WAT BY N ALGEMENE JAARVERGADERING ONDERNEEM KAN WORD. REKORDDATUM Die rekorddatum ingevolge artikel 59 van die Maatskappywet vir aandeelhouers om geregistreer te wees in die sekuriteiteregister van die Maatskappy ten einde kennisgewing van die Algemene Jaarvergadering te ontvang is 27 Oktober Die rekorddatum ingevolge artikel 59 van die Maatskappywet vir aandeelhouers om geregistreer te wees in die sekuriteiteregister van die Maatskappy ten einde die Algemene Jaarvergadering by te woon, daaraan deel te neem en te stem, is 24 November GOEDKEURINGS VEREIS VIR BESLUITE Die Gewone Besluite vervat in hierdie kennisgewing van Algemene Jaarvergadering vereis die goedkeuring deur meer as 50% van die stemme uitgebring ten opsigte van die besluite deur aandeelhouers wat teenwoordig is of by volmag op die Algemene Jaarvergadering verteenwoordig is, onderworpe aan die bepalings van die Maatskappywet en die Akte van Oprigting van die Maatskappy. Die Spesiale Besluite vervat in hierdie kennisgewing van Algemene Jaarvergadering vereis die goedkeuring deur ten minste 75% van die stemme uitgebring ten opsigte van die besluite deur aandeelhouers wat teenwoordig is of by volmag op die Algemene Jaarvergadering verteenwoordig is, onderworpe aan die bepalings van die Maatskappywet en die Akte van Oprigting van die Maatskappy. BYWONING EN STEMMING DEUR AANDEELHOUERS OF GEVOLMAGTIGDES Enige aandeelhouer is geregtig om ʼn gevolmagtigde of gevolmagtigdes aan te stel om die Algemene Jaarvergadering namens hom by te woon, daarop te praat en te stem. Die persoon so aangestel hoef nie ʼn aandeelhouer van die Maatskappy te wees nie. Volmagvorms moet aan die Maatskappysekretaris gestuur word om deur haar ontvang te word teen nie later nie as 15:00 op Maandag, 27 November Enige volmagvorm wat nie teen hierdie tyd aan die Maatskappysekretaris gelewer is nie mag aan die voorsitter van die Algemene Jaarvergadering oorhandig word op enige tydstip voor die aangestelde volmaghouer enige van die aandeelhouersregte op die Algemene Vergadering mag uitoefen. By stemming deur die opsteek van hande, het elke aandeelhouer van die Maatskappy teenwoordig in persoon of verteenwoordig deur ʼn gevolmagtigde slegs een stem. By stemming per stembrief, het elke aandeelhouer van die Maatskappy een stem vir elke aandeel gehou in die Maatskappy deur sodanige aandeelhouer. BEWYS VAN IDENTIFIKASIE VEREIS Die Maatskappywet vereis dat enige aandeelhouer of gevolmagtigde wat van voorneme is om die Algemene Jaarvergadering by te woon en daaraan deel te neem redelike voldoende identifikasie by die vergadering moet voorlê vir sodanige aandeelhouer of gevolmagtigde om die vergadering by te woon en daaraan deel te neem. ʼn Groen identiteitsdokument of 'n identiteitsdokument slimkaart uitgereik deur die Suid-Afrikaanse Departement van Binnelandse Sake, ʼn bestuurderslisensie of ʼn geldige paspoort sal aanvaar word as voldoende identifikasie.

6 Op las van die direksie. Me J Oosthuizen Maatskappysekretaris Port Elizabeth 27 Oktober 2017