GRONDWET VAN DIE BRONKHORSTSPRUIT GHOLFKLUB

Transcriptie

1 GRONDWET VAN DIE BRONKHORSTSPRUIT GHOLFKLUB 1 NAAM Die naam van die Klub sal wees BRONKHORSTSPRUIT GHOLFKLUB (hierna die Klub genoem) 2 DOELSTELLINGS Die Klub is hoofsaaklik gestig as n sport-en onstspanningsklub en word beklee met alle magte wat nodig of wenslik mag wees vir die verwesenliking of bevordering daarvan, insluitende die bevoegdheid om sosiale en residensiële geriewe daar te stel. (Mits sodanige geriewe uitsluitlik beperk sal wees tot die klubhuis residensiële deel) en mits die areas afgebaken vir gholf en muurbal uitsluitlik vir daardie doel gebruik sal word. Dit word verder met die bevoegdheid beklee om roerende en onroerende eiendom te koop, of om n verband op uit te neem. 3 VERTOLKING 3.1 In die grondwet, tensy uit die samehang anders blyk beteken: KLUB: Die Bronkhorstspruit Golfklub INGESKREWE LID: n Persoon wie se naam opgeneem is in die lederegister van die Klub en wie se ledegeld op datum betaal is ALGEMENE VERGADERING: n Jaarlikse vergadering van ingeskrewe lede met A lidmaatskap gehou voor die einde van Februarie van elke jaar SPESIALE ALGEMENE VERGADERING: n Vergadering van ingeskrewe lede met A lidmaatskap anders as n Algemene vergadering. 1

2 3.1.5 KOMITEE: Wat deur die Algemene Vergadering jaarliks verkies word KOMITEE VERGADERING: Vergadering van die lede van die Komitee BESTUUR: Klubbestuurder en ander permanente senior werknemers wat aan hoof van n afdeling is, bv. Kroeg, Kombuis, Pro Shop en Administrasie en die baan REëLS: Enige reëls deur die komitee geformuleer en op die voorgeskrewe wyse bekend gemaak REGULASIE: Enige regulasie deur die komitee geformuleer en op die voorgeskrewe wyse bekend gemaak GRONDWET: Hierdie grondwet deur n Algemene vergadering of Spesiale vergadering aanvaar APPèLKOMITEE: n Komitee vir hierdie doel aangewys deur die komitee. 3.2 Indien daar twyfel ontstaan betreffende die bedoeling van n artikel in hierdie Grondwet, is die vertolking van die Komitee bindend tot tyd en wyl n Algemene Vergadering anders beslis. Geen besluit van n Algemene Vergadering kragtens die bepalings van hierdie artikel maak n besluit ongeldig wat uitgevoer of nagelaat is wat deur die Komitee geneem is nie. 4 AFFILIASIE 4.1 Die Klub aanvaar en is gebind deur die reëls van gholf en van amateurstatus en sodanige wysigings of toevoegings daartoe wat van tyd tot tyd deur die Royal and Ancient Golf Club of St. Andrews aangeneem word, en die beslissings wat dit van tyd tot tyd uitreik oor die vertolking van die reëls van gholf en van amateurstatus. 4.2 Die Klub hou by beslissings wat binne die doelstellings en omvang van die Konstitusie van die Gauteng Noord Gholfunie resorteer en wat daardie Unie van tyd tot tyd uitreik. 4.3 Die Klub betaal aan die Suid-Afrikaanse Gholfvereniging (SAGA) die Gauteng Noord Gholfunie (GNGU) die affiliasiegelde en/of heffings wat deur hierdie liggame voorgeskryf word. 2

3 5 INKOMSTE, EIENDOM EN GELDE 5.1 Die inkomste, eiendom en gelde van die Klub, uit watter bron ook al afkomstig, moet uitsluitlik bestee word tot bevordering van die Klub se doelstellings soos in hierdie Grondwet uiteengesit, en geen deel daarvan mag, regstreeks of onregstreeks, betaal word of oorgedra word as dividend, bonus of andersins as wins aan persone wat tans Ingeskrewe Lede van die Klub is of voorheen lede daarvan was, of aan persone wat namens hulle eise instel nie, met dien verstande dat hierdie bepaling nie die betalings te goeder trou verbied van die persoonlike uitgawes van die beamptes of lede van die Klub nie, en ook nie die vergoeding te goeder trou aan enige persoon ongeag of hy/sy lid van die Klub is of nie, vir dienste wat hy/sy aan die Klub gelewer het nie. 5.2 Ondanks die bepalings van sub-artikel 5.1 is die Komitee by magte om slegs in besondere gevalle van verdienstelikheid n skenking uit die inkomste of gelde van die Klub te magtig vir doeleindes van welwillendheid of liefdadigheid, hetsy die begunstigde n lid van die Klub is al dan nie. 5.3 Die finansiële jaar van die Klub sal strek vanaf 1 Desember tot 30 November van elke jaar. 6 LEDE SE AANSPREEKLIKHEID 6.1 Die Klub is n regspersoonlikheid wat in voortdurende opvolging onafhanklik van sy lede bestaan, en al sy bates moet in sy naam geregistreer of gehou word. Afsonderlike lede is nie aanspreeklik vir die skulde, verpligtinge of laste van die Klub nie. Hulle aanspreeklikheid is beperk tot slegs die bydrae deur hulle as ledegelde verskuldig, of ander gelde wat ooreenkomstig hierdie Grondwet deur hulle betaalbaar is. 6.2 Ampsdraers van die Klub sal nie in hul persoonlike hoedanigheid aanspreeklik teenoor enige persoon of instansie wees vir enige optrede in die loop van hulle bona fide optrede in belang of in diens van die Klub nie. 7 LIDMAATSKAP LW: Alle reëls en regulasies rakende lidmaatskap en ledegelde in die grondwet is onderhewig aan die Drankwet. 3

4 7.1 Enige persoon wat n lid van Bronkhorstspruit Golfklub wil word, ongeag waar woonagtig mag aansoek doen om lidmaatskap. 7.2 Die Komitee mag erelidmaatskap aan enige persoon toeken met dien verstande: dat so n persoon n besondere diens aan die klub verleen het, ongeag die aantal jare wat so n persoon lid was van die Klub dat geen erelid algeheel vrygestel sal word van ledegeld nie. 7.3 Aansoeke vir Lidmaatskap word deur die Komitee goedgekeur. 7.4 Die Klub sal bestaan uit minstens 35 (Vyf en Dertig) lede 7.5 Nieteenstande die bepalings van sub-artikels 7.1 tot 7.4 hierbo, en behoudens die bepalings van artikels 8 en 15 sal daar n onderskeid gemaak word tussen hooftipes lede, nl: A-lede en B-lede A-Lede is volle gholflede en sluit persone in aan wie erelidmaatskap ingevolge artikels 7.2 toegeken is. A-lede het volle regte en voorregte soos deur die Komitee bepaal B-Lede betaal nie die volle ledegeld nie, maar betaal die ledegeld soos van tyd tot tyd bepaal deur die Komitee, en het slegs die regte en voorregte soos van tyd tot tyd deur die Komitee toegeken aan die onderskeie tipes lede. B-lede sluit die volgende tipes lede in: Buite Lid: Ingeskrewe lede wat ook lid is van n ander klub Sosiale lid: Ingeskrewe lede wat nie gholf speel nie, maar wel van die Klub se fasiliteite gebruik wil maak Junior Lede: Ingeskrewe lede wat n skolier of Student van enige opvoedkundige inrigting is en wat voltyds studeer Weekslede: is lede wat slegs op nie kompetisiedae as lede mag speel. Indien so n lid wel in n kompetisie wil speel, moet hy/sy die besoekersfooi betaal. Die Komitee het die reg om die lede se regte na goeddunke te verander, solank dit tot voordeel van die Klub sal strek. 7.6 n Lid op wie die kwalifikasie vir lidmaatskap soos in sub-artikel 7.1 tot 7.5 uiteengesit van toepassing is, kan nie sonder verandering van daardie kwalifikasies van daardie lidmaatskap kategorie verander nie. 4

5 8 AANSOEK OM LIDMAATSKAP 8.1 Alle aansoeke om A lidmaatskap sal deur die Bestuur ontvang word. Die Komitee sal die aansoek oorweeg en aanvaar of wegwys. 8.2 Elke persoon wat aansoek doen om n lid van die Klub te word, moet deur n ander lid voorgestel en deur nog n lid gesekondeer word. Aansoeke moet op die voorgeskrewe aansoekvorm ingedien word. Wanneer voltooi, moet sodanige vorm aan die Bestuur besorg word, wat moet toesien dat die aansoek in die Klubgebou opgeplak word. 8.3 Sodanige aansoeke moet by die eerste komitee vergadering voorgelê word vir goedkeuring. 8.4 Enige lid van die Klub wie se ledegeld opbetaal is, sal geregtig wees om voor verstryking van die periode in sub-artikel 8.3 genoem, skriftelik beswaar teen die verkiesing van enige applikant op die genoemde lys in te dien by die Bestuur, wat enige beswaar sal rapporteer aan die Komitee op die eersopvolgende vergadering. n Applikant sal onverkose geag word indien drie of meer stemme teen die verkiesing ingebring word. 8.5 Indien die Komitee n kandidaat ingevolge hierdie artikel afkeur, sal die Bestuurder sodanige kandidaat skriftelik van die Komitee se beslissing in kennis stel. Die Komitee is nie verplig om enige redes vir sy beslissing te verstrek nie. 8.6 Die getekende aansoek om lidmaatskap is n besliste erkenning deur die applikant dat die Grondwet, reëls en regulasies, asook enige ander wysigings wat daarin aangebring word, hom bind, en by die toepassing van die Grondwet, reëls en regulasies word niemand vrygespreek op grond daarvan dat hy nie n afskrif ontvang het nie. 8.7 Enige persoon wat n bona fide kandidaat vir lidmaatskap is en wat by die Klub as n besoeker speel of aan n kompetisie deelneem, word vir daardie besondere dag waarop hy aldus speel of deelneem, geag n tydelike lid van die Klub te wees. 8.8 n Persoon wat as lid van die Klub aanvaar is, se lidmaatskap sal eers van krag word nadat hy/sy die vereiste ledegelde en heffings betaal het, behoudens egter die bepalings van artikel Nadat n kandidaat se aansoek deur die Komitee goedgekeur is, sal sodanige lid se naam onverwyld in die lederegister van die Klub opgeneem word met die reg om alle fasiliteite van die Klub te gebruik en om ooreenkomstig die bepalings van sub-artikel 18.2 op spesiale of Algemene Vergaderings te stem. 5

6 9 BEEINDIGING VAN LIDMAATSKAP 9.1 n Lid hou op om lid te wees wanneer hy/sy bedank, deur skriftelik aan die Komitee kennis te gee van sy/haar voorneme om te bedank. 9.2 Sy/haar lidmaatskap outomaties ingevolge artikel 11.5 verval. 9.3 Sy/haar lidmaatskap ingevolge artikel 11.5 en 12.5 deur die Komitee beeindig word. 9.4 Sy/haar lidmaatskap ingevolge artikel 12.7 deur die Tugkomitee beeindig word en hy/sy nie ingevolge artikel 12.9 na die Komitee appèl aangeteken het nie. n Persoon wie se lidmaatskap op die wyse beeindig word, is daarna nie meer n lid nie en het hoegenaamd geen aanspraak op vergoeding of op die terugbetaling van ledegeld nie. 10 TOETREEGELDE 10.1 Die Komitee het die reg om te bepaal of enige persoon wat lid van die Klub wil word, toetreegeld moet betaal of nie Indien die Komitee besluit dat toetreegeld betaal moet word, sal onder geen omstandighede n gedeeltelike of die volle bedrag aan enige persoon terug betaal word nie. 11 LEDEGELDE EN HEFFINGS 11.1 Die Algemene Vergadering bepaal jaarliks welke ledegelde en heffings wat deur lede betaalbaar sal wees met dien verstande dat ledegelde nooit minder mag wees as die minimum bedrag wat deur SAGA en GNGU bepaal word nie Alle lede moet ledegelde betaal en mag geen lid, hetsy hy n erelid is al dan nie, van betaling van ledegeld vrygestel word nie Die Komitee sal erelede se ledegelde bepaal Die Komitee mag besluit dat sommige lede verskillende ledegelde betaal, steeds onderhewig daaraan dat daar nooit minder as die minimum ledegelde soos vereis deur SAGA en GNGU, gehef word nie. 6

7 11.5 Ledegelde is jaarliks betaalbaar, en moet voor of op 31 Januarie betaal wees. Lede wie se geld teen 31 Januarie nog uitstaande is, se lidmaatskap sal slegs behoue bly indien die lid n skriftelike reeling met die klub tref vir afbetaling n Persoon wie se lidmaatskap op die wyse beeindig word, kan weer by die klub aansluit mits hy alle uitstaande ledegeld en heffings tot op datum betaal en n nuwe aansoek indien Indien n lid bedank soos uiteengesit in artikel 9, bly hy aanspreeklik vir ledegelde en heffings vir die jaar waarin hy bedank asook uitstaande ledegelde of heffings Die Komitee kan egter op versoek van die lid wat bedank het, in sy diskresie besluit om n pro-rata bedrag van ledegelde wat betaal is terug te betaal aan die lid. Dit is egter nie verpligtend nie Die Tugkomitee bestaan uit die Voorsitter, Onder Voorsitter, Klub Kaptein, Onder kaptein en soveel bykomende lede as wat deur die Komitee bepaal en aangestel word. 12 TUG Die Voorsitter van die Tugkomitee word uit eie geledere aangewys Enige lid van die Komitee of die Tugkomitee het die bevoegdheid om n lid wat hom/haar aan wangedrag of n oortreding van die Grondwet en/of reëls en regulasies skuldig maak, tydelik te skors. Sodanige skorsing moet onverwyld aan die Tugkomitee gerapporteer word wat so spoedig moontlik ingevolge sub-artikel 12.4 daarmee moet handel, maar in ieder geval nie later nie as binne 14 dae na sodanige skorsing, by gebreke waarvan sodanige skorsing outomaties sal verval, behoudens egter die bepalings van sub-artikel Enige lid is geregtig om by die Komitee of die Tugkomitee n klagte teen n ander lid wat hom op enige wyse wangedra het, skriftelik aanhangig te maak, welke klagte so gou doenlik mee gehandel sal word deur die Tugkomitee Die lid wat ooreenkomstig sub-artikel 12.2 geskors is of teen wie n klagte ooreenkomstig subartikel 12.3 aanhangig gemaak is, moet in kennis gestel word van die datum en tyd waarop sy saak deur die Tugkomitee verhoor sal word en hy het die reg om by sy verhoor te verskyn, van regsverteenwoordiging gebruik te maak, getuies op te roep en/of getuies ter verdediging aan te voer Die Tugkomitee hou n deeglike ondersoek en na oorweging van die omstandighede van elke geval, word n bevinding van skuldig of onskuldig aan die ten laste gelegte klagte aangeteken. By skuldig bevinding sal die lid geskors word. 7

8 12.6 Indien n onskuldigbevinding op die betrokke klagte uitgebring word, nadat n lid ooreenkomstig sub-artikel 12.2 op dieselfde klagte geskors is, verval daardie skorsing by sodanige onskuldigbevinding. n Skriftelike waarskuwing sal aan die lid uitgereik word waarin bepaal word dat enige verdere oortreding tot skorsing sal lei Indien n persoon teen wie n klagte ingevolge artikel 12.4 ondersoek moet word, versuim om by sy verhoor te verskyn, kan die Tugkomitee daardie persoon skors totdat die Tugkomitee geleentheid gehad het om n ondersoek ingevolge artikel 12.5 te hou Die Tugkomitee moet van enige verrigtinge ingevolge hierdie artikel aan die komitee verslag doen Enige lid wat gebelgd voel oor die beslissing van die Tugkomitee, het die reg om na die Komitee appèl aan te teken teen die beslissing. So n appèl moet skriftelik binne 14 dae na die beslissing by die bestuurder ingedien word, wat so gou doenlik daarna, maar met kennis aan die applikant, met die saak de novo sal handel. Ten aansien van die appel is die bepalings van sub-artikels 12.4 tot12.7 mutatis mutandis van toepassing Indien die applikant versuim om by die aanhoor van sy appel ingevolge artikel 12.9 te verskyn, word sodanige appèl daarna slegs aangehoor indien die applikant die bestuur oortuig dat daar goeie redes is vir sy nie verskyning bestaan het. Met dien verstande dat gedurende die tydperk totdat die appèl ingevolge hierdie sub-artikel deur die bestuur aangehoor word, dit geag word dat die appèl verval het. 13 SAMESTELLING EN VERKIESING VAN DIE SENTRALE KOMITEE VAN DIE KLUB 13.1 Sake van die Klub word beheer deur die Sentrale Bestuur en wat maandeliks terugvoering moet gee aan die sentrale Komitee. Hierdie Komitee bestaan uit: VOORSITTER ONDER VOORSITTER KAPTEIN ONDER KAPTEIN SEKRETARIS TESOURIER DAMES KAPTEIN DRIE ADDISIONELE LEDE 13.2 Hierdie Komitee word jaarliks verkies op die Algemene Jaarvergadering van die Klub, behalwe die amp as Voorsitter en Kaptein wat elke twee jaar verkies word, alternatiewelik. 8

9 13.3 Slegs A-lede wie se ledegelde betaal is, mag verkies word op die Komitee, behalwe waar die bepalings van sub artikel 11.5 van toepassing is, met dien verstande dat geen lid wat gedurende die voorafgaande twee jaar deur die Tugkomitee aan wangedrag skuldig bevind is, verkies mag word nie Uittredende Komiteelede is outomaties genomineer vir die poste waaruit hulle tree, tensy hulle die Sekretaris skriftelik in kennis stel dat hulle hulself nie herverkiesbaar stel nie. Behoudens die bepalings van sub- artikel 11.5 het enige A-lid wie se ledegelde ten volle betaal is, op die komitee verkies te word. Sulke nominasies moet skriftelik geskied en moet tesame met die skriftelike aanvaarding van die genomineerde, die Bestuurder bereik minstens 7 dae voor die datum van die Algemene Vergadering. Die Bestuurder sal onmiddellik na die sluitingsdatum van nominasies alle nuwe nominasies aan die Komitee voorlê en die Komitee is by magte om alle nominasies wat nie aan die voorskrifte van hierdie sub-artikel of sub- artikel 13.3 voldoen nie, te verwerp. Wanneer dit by die Algemene Jaarvergadering blyk dat daar n vakature/s is waarvoor daar nie nominasie/s is nie, kan lede vanaf die vloer vir sodanige vakatures benoem word Verkiesing van Komitee lede geskied per stembrief of soos andersins op die Algemene Jaarvergadering bepaal Die Voorsitter tree op as voorsitter by alle vergaderings en in sy afwesigheid, of op sy versoek, is die Ondervoorsitter die voorsitter, met dien verstande egter dat enige subkomitee sy eie voorsitter mag verkies indien die Komitee nie n voorsitter daarvoor aangewys het nie n Lid van die Komitee sal ophou om lid van die Komitee te wees as: Hy uit die Komitee bedank, hy sonder die verlof van die Komitee versuim om drie agtereenvolgende Komiteevergaderings by te woon, sy lidmaatskap ingevolge hierdie Grondwet beeindig word In die geval van n vakature in die Komitee, sal die oorblywende Komitee n ander A-lid behoudens die bepalings van sub -artikel 13.3 koopteer om sodanige vakature vir die orige dienstermyn van die Komitee te vul. Sou die Voorsitterskap of die Kapteinskap vakant raak, neem die Ondervoorsitter die Voorsitterskap of die Onderkaptein die Kapteinskap oor tot die volgende Algemene Jaarvergadering. Die vakatures van Ondervoorsitter en Onderkaptein wat so ontstaan kan by wyse van koöpsie gevul word. 9

10 14 PRESIDENT Die Komitee sal jaarliks die President van die klub benoem. Die termyn van die amp van President sal onbeperk wees. Die President sal slegs die amp ontruim kragtens sy eie diskressie of by aanvaarding van n mosie deur twee derdes van die lede teenwoordig by n Algemene Jaarvergadering of Spesiale Algemene Jaarvergadering. Die President het die bevoegdheid om, wanneer omstandighede dit vereis, leiding te mag neem. 15 MAGTE EN PLIGTE VAN DIE KOMITEE 15.1 Om toe te sien dat die doelstellings van die Klub nagekom en uitgebou word Om aansoeke om lidmaatskap te oorweeg en te keur Om wanoptrede deur lede van die Klub te ondersoek en die nodige tugmaatreëls in te stel Om minstens 6 keer per jaar n Komiteevergaderings te belê wat nodig geag mag word in die uitvoering van hulle pligte, en om te sorg dat behoorlike notules van sulke vergaderings opgestel en bewaar word Om jaarliks n Algemene Jaarvergadering van lede van die Klub te belê en te sorg dat behoorlike notules van sulke vergaderings opgestel en bewaar word soos in sub-artikel 24.4 bepaal word Die insameling van alle gelde wat onder artikel 5 van hierdie Grondwet resorteer, asook die besteding van enige klubfondse en om sorg te dra dat behoorlike rekords van die besteding van alle klubfondse gehou word Om onderhewig aan die bepalings van artikel 13.8 sodanige vakature of vakatures wat permanent of tydelik in sy geledere mag ontstaan, te vul vir sodanige tydperk as wat nodig mag wees Om subkomitees vir spesiale doeleindes te stig of aan te stel en om bevoegdhede aan sodanige subkomitees te delegeer en om vir hierdie doel enige lid van die Klub te koöpteer, met dien verstande dat die bepalings van sub-artikel 13.3 matatis mutandis op sodanige koöpsie van toepassing is Om onderafdelings vir besondere doeleindes te stig en/of te ontbind, verordeninge, reëls en regulasies wat nie in stryd met die Grondwet van die Klub is nie, te maak, te wysig en te herroep. 10

11 15.10 Om alle geskilpunte te besleg en die Komitee se beslissing oor enige geskilpunt sal finaal en bindend wees Om n Klubbestuurder vir die Klub aan te stel op sodanige diensvoorwaardes en teen sodanige salaris as wat hy goed mag ag, en ook, indien nodig, te ontslaan. Om saam met die Klubbestuur alle ander werknemers van die Klub aan te stel op sodanige diensvoorwaardes en teen sodanige salarisse as wat hy goed mag ag en om sodanige werknemers te beheer en te ontslaan Om een of meer trustees (wat nie lede van die Klub hoef te wees nie) aan te stel om enige fondse van die Klub te beheer en te administreer vir enige bepaalde doel ingevolge sodanige bepalings as wat die Bestuur en Komitee doenlik mag ag, en om die voorwaardes van sodanige aanstelling te definieer en te bepaal en sodanige aanstelling te beëindig Om geld te leen of in te samel vir die verwesenliking van enige doelstelling of al die doelstellings van die Klub, en om in hierdie verband die voorwaardes te formuleer en vas te stel waarkragtens spesiale regte aan lede toegestaan word, of waarkragtens spesiale regte of voorregte aan lede aangebied moet word as vergoeding vir die bydrae van geld deur hulle vir die verwesenliking van enige doelstelling of al die doelstellings van die Klub Om by enige Dranklisensieraad of ander bevoegde owerheid aansoek te doen vir die toekenning aan die Klub van n lisensie vir die verkoop van sterk drank of vir enige ander lisensie wat die klub nodig mag hê vir die doel om sy sake voort te sit, en om die oordrag van enige sodanige lisensie of lisensies te aanvaar Om enige gedinge deur of teen die Klub of sy amptenare of andersins wat die sake van die Klub raak, in te stel, te voer, te verdedig, te skik of te laat vaar, en ook om enige skulde te komposeer en tyd toe te laat vir die betaling of bevrediging van sodanige skulde, asook van enige eise of vorderings deur of teen die Klub Om einge eis of vordering deur of teen die klub aan arbritasie te onderwerp Om enige gelde van die Klub wat nie onmiddellik vir die doeleindes van die Klub nodig is nie, te belê en daarmee te handel op sodanige sekuriteite en op sodanige voorwaardes as wat die Komitee doenlik mag ag, en om sodanige beleggings van tyd tot tyd te wysig of te realiseer Om enige roerende of vaste eiendom vir die Klub aan te skaf wat volgens die Komitee se mening die doelstellings van die Klub sal bevoordeel en bevorder Om n gedeelte of gedeeltes van die roerende of vaste eiendom van die Klub op sodanige wyse as wat die Komitee die voordeligste ag, te verkoop, te verhuur, te vervreem of andersins oor te beskik, en om die vergoeding wat daaruit voortspruit aan te wend op die wyse wat die Komitee die voordeligste vir 11

12 die Klub ag, maar die Komitee het nie die mag om al die roerende of vaste eiendom van die Klub te vervreem nie, tensy sodanige vervreemding goedgekeur en bekragtig word kragtens n besluit geneem deur minstens twee-derdes van die stemme op n Spesiale Algemene Vergadering van die Klub wat vir die doel byeengeroep is In die uitvoering van hulle pligte word die Komitee gemagtig om enige vorm van bank-of spaarrekening in die naam van die Klub te open, en om reëlings te tref vir die ondertekening van alle inbetaalstrokies en/of enige ander vorm van inlê of onttrekkingsbewyse Dit sal van die Voorsitter van die Klub verwag word om gereeld aan die jaarlikse Algemene Vergadering n jaarverslag van die Klub se aktiwiteite en prestasies voor te lê vir goedkeuring Geouditeerde finansiële state moet aan die jaarlikse Algemene Vergadering voorgelê word vir goedkeuring en moet beskikbaar wees vir inspeksie deur lede minstens 7 dae voor die vergadering by die klubgebou Die Komitee is by magte om algemene- en kompetisie reëls op te stel en neer te lê wat van toepassing is op spesifieke of algemene deelname aan kompetisies, toernooie of wedstryde wat deur die Klub gereël word of waaraan die Klub deelneem Die Komitee word gemagtig om regulasies op te stel vir die ordelike gebruik en wyse van gebruik van die fasiliteite van die Klub deur lede en die wyse waarop die sport beoefen gaan word Om verskillende soorte lidmaatskap toe te ken op sodanige voorwaardes as wat die Komitee mag goeddink Die Komitee is by magte om besluite in die algemeen te neem met betrekking tot alle aangeleenthede wat hy nodig of raadsaam ag om voor te skryf ten einde die doelstellings van die Klub te bevorder of te reël, sowel as met betrekking tot alle aangeleenthede wat ingevolge die Grondwet voorgeskryf moet of kan word Die Komitee sal n lederegister hou Die Bestuurder moet met elke Komitee vergadering n volle Bestuursverslag aan die vergadering voorlê. 12

13 16 TOEKENNING VAN EREKLEURE 16.1 GRONDSLAG: Erekleure van die Klub kan op aanbeveling van of die Komitee, of enige lid van die Klub toegeken word aan n lid van die Klub wat: n besondere diens aan of bydrae tot die ontwikkeling van die Klub gelewer het; of n besondere prestasie in belang van die Klub behaal het VEREISTES: Om vir die toekenning van erekleure in aanmerking te kom moet die kandidaat: n volwaardige lid van die Klub soos omskryf in artikel 7 van die Grondwet wees; onberispelik van gedrag wees; en hom/haar op n bepaalde gebied wat die toekenning van erekleure reverdig, onderskei het PROSEDURE: Enige lid van die Klub kan n kandidaat nomineer vir die toekenning van erekleure Nominasies vir erekleure moet volledig gemotiveer en aan die Bestuur voorgelê word vir oorweging DIE KOMITEE:- (i) oorweeg die nominasie in beginsel; (ii) vergewis hom daarvan dat die kandidaat aan al die gestelde vereistes voldoen; en (iii) maak n aanbeveling oor die toekenning van erekleure Na oorweging deur die Komitee moet n kennisgewing van die nominasie met die aanbeveling van die Komitee vir n tydperk van 14 (Veertien) dae op die kennisgewingborde in die klubgebou aangebring word vir oorweging deur die lede. 13

14 Enige besware teen die toekenning van erekleure word dan na verstryking van die 14 (veertien) dae tydperk, saam met die motivering van die voorsteller aan die Komitee voorgelê word vir finale oorweging Dit is die verantwoordelikheid van die Komitee om toe te sien dat die toekenning van erekleure en die dra daarvan, voldoen aan die standaard wat daarvan verwag word. Enige klagte teen n lid aan wie n toekenning van erekleure gemaak is, moet vir oorweging aan die Komitee voorgelê word wat die reg het om, na gelang van die bevinding, die lid van die voorreg van die toekenning te ontneem. 17 PLIGTE VAN LEDE 17.1 Lede moet hulle behoorlik op die klubperseel gedra en dit word verwag dat lede beleefdheid en welwillendheid teenoor medelede en hulle gaste en die werknemers van die Klub sal openbaar Gaste word geag tydelike lede te wees sodra sodanige gas baanfooie betaal het, welke tydelike lidmaatskap geldig sal wees vir die dag waarop sodanige baanfooie betaal is Die aanspreeklikheid van enige lid is beperk tot die bedrag van sy jaarlikse ledegelde plus enige ander bedrag wat hy aan die Klub verskuldig mag wees Behoudens die bepalings van artikel 12 moet alle klagtes of voorstelle skriftelik aan die Bestuurder of Sekretaris gerig word, wat dit aan die Komitee sal voorlê. In geen geval mag n werknemer van die Klub regstreeks deur n lid wat nie op die Komitee dien nie, berispe word nie Geen geskrif, kennisgewing of plakkaat, geskrewe of gedruk, mag in die klubgebou of op die kennisgewingbord aangebring word sonder die goedkeuring van die Bestuurder nie. 18 REGTE VAN LEDE 18.1 Alle lede het die reg om die fasiliteite van die Klub te gebruik ooreenkomstig die bepalings en voorwaardes ten opsigte van die tipe lidmaatskap soos neergelê deur die Komitee Nieteenstaande enige ander bepalings van hierdie Grondwet het slegs A-lede die reg om die Komitee te verkies en om tot die Komitee verkies te word en om op die Algemene Vergadering te stem oor die wysiging van die Grondwet of enige ander aangeleentheid waaroor daar op die vergadering gestem word. 14

15 19 GASTE Enige persoon wat die Klub besoek om gholf te speel of om n funksie by te woon, sal beskou word as n gas van die Klub Gaste sal soos enige lid behandel word Van gaste sal verwag word om alle reels en regulasies van die Klub na te kom Gaste wat hul wangedra, sal gevra word om die perseël te verlaat Die komitee het die reg om die verdere toelating van n persoon wat hom by die klub aan wangedrag skuldig maak, of wat die klub se voorregte geniet strydig met hierdie Grondwet of regulasies daarkragtens gemaak, te verbied vir n tydperk wat hulle mag bepaal Die komitee mag op spesiale dae of vir n spesifieke klubfunksie die toelating van gaste beperk of verbied. 20 ALGEMENE VERGADERING 20.1 n Algemene Vergadering sal jaarliks voor die einde van Februarie gehou word op sodanige datum en tyd in Bronkhorstspruit soos deur die Komitee bepaal om n nuwe Komitee saam te stel en algemene en finansiële sake van die Klub, asook die Voorsitter se jaarverslag te oorweeg en besluite te neem in die verband Alle mosies moet skriftelik minstens 7 (sewe) dae voor die Algemene Vergadering aan die Bestuurder oorhandig word wie onverwyld aan die lede gekommunikeer.. 21 SPESIALE ALGEMENE VERGADERING 21.1 n Spesiale Algemene Vergadering van die Klub sal deur die Komitee belê word indien n skriftelike versoek vermeldende die sake vir behandeling op sodanige vergadering aan die Sekretaris / Bestuurder gegee word deur een van die volgende: die Voorsitter van die Klub; twee lede van die Komitee van die Klub; 15

16 % A-lede van die Klub wie se ledegeld ten volle opbetaal is of wat reëlings getref het ooreenkomstig die bepalings van sub-artikel Indien die Komitee nie binne 10 (tien) dae vanaf sodanige versoek kennis gee van n Spesiale Algemene Vergadering nie, mag enige van die instansies hierbo genoem sodanige vergadering belê. Geen ander sake behalwe die wat op die agenda verskyn, mag op n Spesiale Algemene Vergadering bespreek en afgehandel word. 22 KENNISGEWING VAN ALGEMENE VERGADERINGS n Skriftelike kennisgewing van alle Algemene Vergaderings en Spesiale Algemene Vergaderings sal minstens 14 (veertien) dae voor die datum waarop die vergadering plaasvind, aan alle lede gestuur word. n Soortgelyke kennisgewing sal ook vir dieselfde voorgeskrewe tydperk op die kennisgewingbord van die Klub aangebring word. 23 VERRIGTINGE BY ALGEMENE VERGADERINGS 23.1 By Algemene Jaarvergaderings word die volgende sake verrig: Lees en goedkeuring van notule van vorige Algemene Jaarvergadering en van enige Spesiale Algemene Vergadering wat daarna gehou is en bekragtiging daarvan deur handtekening van die Voorsitter Behandeling van sake wat voortspruit uit die notule Voorlegging van n verslag deur die uittredende Voorsitter ten opsigte van die Klub se aktiwiteite vir bespreking en bekragtiging Voorlegging van geouditeerde finansiële state vir bespreking en bekragtiging Verkiesing van die Komitee Behandeling van voorstelle deur lede en die neem van besluite Algemeen. 16

17 24 PROSEDURE BY ALGEMENE VERGADERING 24.1 Die Voorsitter van die Klub is die Voorsitter van die Algemene Vergadering en in sy afwesigheid, of op sy versoek, is die Ondervoorsitter die Voorsitter, en indien hy ook afwesig is, kies die vergadering n Voorsitter Elke A-lid van die Klub, wat sy ledegelde betaal het of gereël het om dit te betaal ooreenkomstig die bepalings van artikel 11.5, is stemgeregtig Die Sekretaris hou volledig notule van die verrigtinge van elke Algemene Vergadering en in sy afwesigheid wys die Voorsitter enige lid van die vergadering aan om sodanige notule te hou Die notule van die Algemene Vergadering word in n boek gehou wat slegs vir sodanige doel gebruik word Behoudens andersluidende bepalings, word alle sake beslis by meerderheid van stemme van die stemgeregtigde lede van die Klub wat teenwoordig is en wat stem Stemming geskied per stembrief of deur die wys van hande, hoe ook al deur die vergadering bepaal mag word Oor elke saak het die Voorsitter n gewone stem, en daarbenewens, in die geval van n staking van stemme, n beslissende stem, met dien verstande dat, waar n staking van stemme plaasvind by die verkiesing van enige persoon in enige hoedanigheid, die aangeleentheid deur die lot beslis word op n wyse wat die Voorsitter bepaal Onderworpe aan die bepalings van hierdie Grondwet is die beslissings van die Voorsitter op enige punt van orde of prosedure bindend, tensy n lid van die vergadering onmiddellik daarteen beswaar maak, en in so n geval word dit sonder bespreking voorgelê aan die vergadering wie se beslissing finaal is n Voorstel of amendement moet gesekondeer word en moet, indien die Voorsitter aldus gelas, skriftelik ingedien word Geen voorstel of amendement wat gesekondeer is, mag sonder die toestemming van die voorsteller en sekondant teruggetrek word nie Indien enige stemming deur die wys van hande geskied, kan enige lid van die vergadering versoek dat daar genotuleer word dat hy teen die betrokke voorstel of amendement gestem het en sodanige feit moet genotuleer word. 17

18 25 KWORUMS BY VERGADERINGS % Stemgeregtigde lede van die Klub vorm n kworum vir enige Algemene Vergadering Vyf lede van die Komitee vorm n kworum op enige Komitee vergadering Indien daar binne 15 minute na die vasgestelde tyd van n veragdering geen kworum teenwoordig is nie, word die vergadering uitgestel vir n week op dieselfde tyd en op dieselfde plek en by sodanige uitgestelde vergadering vorm die lede teenwoordig n kworum. 26 WYSIGING VAN DIE GRONDWET Wysigings aan hierdie Grondwet kan alleenlik aangebring word deur n twee-derde meerderheid van stemme uitgebring deur lede wat persoonlik teenwoordig is by n Algemene Vergadering, of Spesiale Algemene Vergadering vir die doel byeengeroep, nadat sulke voorgestelde wysigings ten minste sewe dae voor die datum van die vergadering op die kennisgewingbord van die Klub aangebring is. 27 LEDEREGISTER 27.1 Die Bestuur van die Klub sal toesien dat n volledige register van alle lede met die nodige inligting bygehou word Dit is elke Ingeskrewe Lid se verantwoordelikheid om die Klub in kennis te stel van die veranderings van enige besonderhede rakende die lid. Indien n lid nalaat om gewysigde besonderhede te verstrek, word aanvaar dat die lederegister korrek is. 28 ALGEMEEN Hierdie getekende Grondwet is vanaf 23 Februarie 2013 die enigste amptelike Grondwet van Bronkhorstspruit Gholfklub. 18

19 .. VOORSITTER A Venter SEKRETARIS A Bezuidenhout 19

20 INHOUDSOPGAWE 1. NAAM BL 1 2. DOELSTELLING BL 1 3. VERTOLKING BL 1 4. AFFILIASIE BL 2 5. INKOMSTE, EIENDOM EN GELDE BL 3 6. LEDE SE AANSPREEKLIKHEID BL 3 7. LIDMAATSKAP BL 3 8. AANSOEK OM LIDMAATSKAP BL 5 9. BEEINDIGING VAN LIDMAATSKAP BL TOETREEGELDE BL LEDE EN HEFFINGS BL TUG BL SAMESTELLING EN VERKIESING VAN DIE KOMITEE VAN DIE KLUB BL PRESIDENT BL MAGTE EN PLIGTE VAN DIE KOMITEE BL TOEKENNING VAN EREKLEURE BL PLIGTE VAN LEDE BL REGTE VAN LEDE BL GASTE BL ALGEMENE VERGADERING BL SPESIALE ALGEMENE VERGADERING BL 15 20

21 22. KENNISGEWING VAN ALGEMENE VERGADERINGS BL VERRIGTINGE BY ALGEMENE VERGADERINGS BL PROSEDURE BY ALGEMENE VERGADERING BL KWORUMS BY VERGADERINGS BL WYSIGINGS VAN DIE GRONDWET BL LEDEREGISTER BL ALGEMEEN BL 19 21

22 BRONKHORSTSPRUIT GHOLFKLUB GRONDWET

23 23