Kleuterkerk: Januarie 2019 Die belofte: Ek is by jou!!! Jesaja 43: 1-7

Transcriptie

1 Kleuterkerk: Januarie 2019 Die belofte: Ek is by jou!!! Jesaja 43: 1-7 Deel van die sukses van Kleuterkerk is die veiligheid van roetine vir die kleintjies. Veral as die leidsters elke week wissel. Die veiligheid lê vir hul dan in die bekendheid van die roetine. Daarom hou ons elke Sondag dieselfde aankoms aktiwiteite naamlik: vryspel stasies. Daar is drie kiste met speelgoed in naamlik klei kis, Lego s kis en legkaart kis. Die Lego kan op die mat uitgegooi word en die Klei en drukkertjies en die Legkaarte word by die tafeltjies gespeel. Vir kleuters is hulle name ook baie belangrik. Sorg dat die skoenboks met die naamkaartjies voor by die deur is. Daar is vir elke kind naamkaartjie met hulle ouers se selfoonnommers op. Speld of knip dit vir elke kind vas soos hy of sy kom en merk ook hulle name op die register af. Voorbereiding: Papier en inkleurkryte n Spieël Afskrifte van die teksvers in Jes.43 soos aan die einde van die les voorsien Benodighede vir grashaar mannetjies soos in doen tyd. Uitpak & Vryspel Sorg dat jy 20 minute voor die tyd daar is en pak die drie stasies vir vryspel uit. Sorg ook dat die skoenboks met die name en die bywoning register en pen gereed is. Laat die ouers die kind se naam op die register skryf. Ontvang die kinders by die deur, speld hulle naamkaartjies aan en lei hulle na die stasies toe vir vryspel. Regmaak & Draailoop Laat die kinders die stasies waar hulle tans speel oppak, en neem die kinders wat wil, om draaitjie te gaan maak in die badkamer. Laat die kleuters op die mat gaan sit. Jy as leidster kan op stoeltjie voor hulle gaan sit. Om seker te maak almal bly stil, laat hulle kruisbene sit met hulle handjies in hulle mandjies (in hul skote). Die volgende roetine word voor gestel: Bywoningsregister Om vir die kleuters erkenning te gee dat hulle gekom het, kan hulle plakkertjie plak op die betrokke plek op die bywoning trein.(voorsien) LW dis nie trein met datums op wat vir jou sal uitwys watter Sondae jy nie daar was nie. Dis doodeenvoudig net trein met trokke waarop die kinders se name staan en hulle geleentheid kan kry om plakker (voorsien) te plak in sy/haar trokkie waarop hul name aangebring is. Verjaarsdag gelukwensing (sing en ontvang kroon met ballon) Indien iemand verjaar het gedurende die week of vakansie, sing almal vir hom/haar Geluk liewe maatjie en hy/sy ontvang verjaarsdag kroon (voorsien) en ballon(voorsien) Kollekte - Een van die maatjies neem die geld op in mandjie Hersieningsmoment Vra die kinders uit oor wat hulle van die vorige Sondag se kleuterkerkles kan onthou.

2 Bidtyd: Openingsgebed Vra een van die kinders om te open met gebed. Geselstyd: Wie van julle hou van teken of om iets te maak? Wanneer ons teken of iets met ons hande maak, dan sê ons so iemand is kreatief of kunstig. Mense is mos trots op dit wat jy gemaak het. Al kom dit dalk nie altyd presies soos jy dit wou hê nie, bly dit iets wat jy self gemaak het en daarom sal dit vir jou spesiaal wees. Want dit behoort aan jou. Deel aan die kinders kryte en papier uit en laat elkeen n mannetjie teken en vir die mannetjie n naam gee. Ons prentjies van ons mannetjies verskil van mekaar, hulle name ook. En die beste is dat daar nie n reg of verkeerd is wanneer ons die mannetjies teken nie, want jy kan self besluit wat jou mannetjie se naam is, wat hy of sy kan doen, of waarvan hulle hou en waarvan hulle nie hou nie. Die mannetjie is elkeen se eie skepping. n Skepping is iets wat jy gemaak het en waarop jy trots is. Wie van julle het troeteldiere by die huis? Het jy self die naam uitgedink van jou troeteldier? Wie moet vir jou troeteldier water en kos gee? Ons troeteldiere is afhanklik van ons om vir hulle te sorg. Al het ons nie self ons kat of hond of papegaai gemaak nie, kon ons self vir hulle name kies, en moet ons vir hulle sorg want hulle kan tog nie self vir hulle vars water en kos kry nie en hulle behoort aan ons. Ons troeteldiere is afhanklik van ons om na hulle te kyk. En wanneer ons byvoorbeeld n klein baba hondjie het, en ons stap met die hondjie langs n dam of n rivier en ons moet aan die ander kant van die rivier kom, gaan ons mos nie deurgaan en hom net roep om self te kom nie, jy sal hom mos optel en dra om seker te maak dat hy okay is. En dit doen jy omdat jy lief is vir jou troeteldier. Het jy al in n spieël gekyk? Wat sien mens as jy in n spieël kyk? Hou n spieël voor en gee geleentheid dat die kinders vir hulleself in die spieël kyk. Dis reg, jy sien jouself. En weet jy wat? Wanneer jy in n spieël kyk, sien jy een van God se skeppings. God het jou gemaak. Hy is trots op jou. Hy is lief vir jou. Ons moet daarom nie vir jouself sê maar jou neus is te krom of jou oë sit te ver uit mekaar nie. God het jou gemaak, net soos jy is, en die beste nuus is dat Hy jou liefhet, net soos jy is. Singtyd: (Die liedere is net voorstelle, indien iets anders meer bekend is kan dit ook gesing word.) Hierdie liedere is slegs voorstelle. Sing gerus iets wat meer bekend is. Liedjie: Moenie bang wees nie, want Ek is by jou Moenie bang wees nie, want Ek bly by jou Moenie bang wees nie, Ek ken jou naam Ek gaan oral met jou saam. Liedjie: Soos die klei in die hand van die pottebakker Soos die klei in die hand van die pottebakker So is jy in My hand, sê die Heer Soos die klei in die hand van die pottebakker So maak Ek jou n beeld tot My eer Vorm my, Here God Vorm my en vou my al kry ek seer Vorm my, Here God U weet hoe U my wil hê O Heer.

3 Bybeltyd: Die Bybel leer vir ons dat God ons gemaak het en dat Hy vir ons baie lief is. Ons is Sy skepsels. Net soos ek en jy baie trots is op iets wat ons gemaak het, kyk God na jou en my en is Hy trots op jou en my, want Hy het vir my en jou gemaak. Daarom wil Hy nie hê dat dit moet sleg gaan met ons nie. Wanneer jy met jou troeteldier stap, en jy sien dat daar gevaar kom, sal jy mos af buk en hom optel om hom te beskerm. Jy doen dit omdat jy lief is vir jou troeteldier. Of dink maar aan n keer wat jy dalk geval het of wat daar gevaar was, en jou pappa wat groot en sterk is, jou vinnig opgetel het en jou vasgehou het of op sy skouers gedra het, sodat jy nie moet seerkry nie. Net so sorg God ook vir ons. Maar ons kan nie heeltyd ons troeteldiere vashou nie, en pappa kan ons mos nie heeltyd dra nie, want dan sal ons nooit leer om self te kan loop nie. Toe jy klein was en moes leer kruip en daarna leer loop, het jy soms geval en seer gekry, maar pappa of mamma was altyd daar om jou vinnig op te tel en te troos en jou aan te moedig om weer te probeer. En hulle was so trots op jou toe jy uiteindelik dit regkry om te stap en te hardloop sonder om te val en seer te kry. Hulle het jou nie net gelos nie, al het dit dalk soms so gevoel, maar hulle was heeltyd by jou, naby genoeg om te help as daar moeilikheid is, maar hulle het jou ook gelos om te leer wat reg en verkeerd is. Net so is ons Hemelse Pappa altyd by ons. Hy keer nie alle gevaar weg van ons nie, maar Hy belowe dat Hy altyd by ons is. Hy sal oral, in die goeie en slegte tye by ons wees en ons help en dra waar dit nodig is, omdat Hy vir jou baie lief is. Kom ons lees van Sy liefde en omgee en daar wees in die Bybel. In die boek Jesaja, in die Ou Testament, amper in die middel van die Bybel, lees ons wat God oor Sy volk Israel sê. Omdat ek en jy wat vir God lief is, ook Sy kind is, kan ons daar waar Israel staan, ook ons eie naam insit en dit lees asof die Here dit vir jou self sê. Lees vir die kinders voor uit Jes.43:1-2 en 4-5a Maak dit ook nou persoonlik en lees weer die eerste gedeelte en vervang elke keer: Jakob, Israel en jou, met iemand in die groep se naam, sodat die kinders kan ervaar dat die Here ook vir hul elkeen seën dat Hy vir hulle lief is. Dit sal dan so klink: Luister, so sê die Here wat jou gemaak het, Susan, wat jou gevorm het, Susan, Moenie bang wees nie, ek verlos jou Susan, Ek het jou op jou naam geroep, jy, Susan, is Myne. Dalk voel jy dat God nie naby is nie, omdat ons Hom nie kan sien nie, maar weet julle hoe weet ons God is by ons? Wanneer ons ons Bybel lees en beter voel, weet ons God is hier. Daardie sagte stemmetjie wat vir ons keer om nie verkeerde dinge te doen nie, is die Heilige Gees van God wat ons leer en lei elke dag en met ons praat. Wanneer ons met ander maats of grootmense praat wat ook lief is vir God, weet ons ook dat God deur hulle vir ons lief is. God belowe: Hy is by jou, elke dag! Doentyd & Leertyd: God sorg elke dag vir ons en is by ons. Al kan ons Hom nie sien nie, weet ons Hy is hier en Hy gee om vir ons. God se beloftes in die Bybel is ook vir my en jou. Voltooi op die volgende bladsy in elke oop spasie jou naam in die teksvers van Jes.43. Maak n mannetjie met grashare en kyk hoe dit groei: Jy benodig: Ou sykouse Potgrond / sand

4 Saadjies (soos budgie saad of grassaad) Gom Ogies Rooi felt vir n mond of pypskoonmakers Ou yoghurt bakkies / blikkies / glasies waarop die mannetjies kan rus. Volg die instruksies op die aanwysings aan die einde van die les. Sorg ook vir jou mannetjies en weet dat God ook vir jou sorg. Afsluitings gebed Dankie Jesus dat U my ook vir my gemaak het. Dankie vir U belofte dat U altyd, oral, by my sal wees en dat ek nooit alleen of bang hoef te wees nie. Amen.

5 Jesaja 43:1&5a Luister, so sê die Here wat jou geskep het,, wat jou gevorm het, : Moenie bang wees nie, Ek verlos jou, Ek het jou op jou naam geroep, jy,, is Myne. Moenie bang wees nie, Ek is by jou,.

6 Hoe om n mannetjie met grashare te maak: Stap 1: Sny omtrent 30 cm van die onderkant van n ou sykous af. Korter sykouse (knee-highs) kan ook goed werk. Stap 2: Trek die sykous oor n koppie om dit makliker te vul. Gooi 3 teelepels grassaadjies of budgie saadjies in die sykous in. Stap 3: Vul nou die sykous in die koppie op met potgrond of sand. Stap 4: Knoop die sykous toe. Los die lang punt want dit sal later in die bakkie water lê wat weer water aan die saadjies voorsien. Stap 5: Druk n bolletjie vir n neus en bind vas met n rekkie. Die sykous en grond sal maklik vorm. Gebruik gom en plak oë en n mond op. Jy kan ook oë en n mond maak uit felt of pypskoonmakers. Stap 6: Sit die mannetjies op ou yoghurt bakkies, of blikkies of glase en versier dit soos jy wil. Vul dit met water en laat die punt van die sykous daarin rus om die water op te suig. Hou gereeld nat en kyk hoe die hare op die mannetjies se koppe groei.