Kleuterkerk: 27 Januarie - 2 Februarie 2019 Ons het mekaar nodig! 1 Korintiërs 12: 12-31a

Transcriptie

1 Kleuterkerk: 27 Januarie - 2 Februarie 2019 Ons het mekaar nodig! 1 Korintiërs 12: 12-31a Deel van die sukses van Kleuterkerk is die veiligheid van roetine vir die kleintjies. Veral as die leidsters elke week wissel. Die veiligheid lê vir hul dan in die bekendheid van die roetine. Daarom hou ons elke Sondag dieselfde aankoms aktiwiteite naamlik: vryspel stasies. Daar is drie kiste met speelgoed in naamlik klei kis, Lego s kis en legkaart kis. Die Lego kan op die mat uitgegooi word en die Klei en drukkertjies en die Legkaarte word by die tafeltjies gespeel. Vir kleuters is hulle name ook baie belangrik. Sorg dat die skoenboks met die naamkaartjies voor by die deur is. Daar is vir elke kind naamkaartjie met hulle ouers se selfoonnommers op. Speld of knip dit vir elke kind vas soos hy of sy kom en merk ook hulle name op die register af. Voorbereiding: n Ketting n Blokkies huis (gemaak uit Lego s of iets soortgelyk) Prent van n mannetjie Afskrifte van die aktiwiteit aan die einde van die les: Voltooi die prent Inkleurkryte Uitpak & Vryspel Sorg dat jy 20 minute voor die tyd daar is en pak die drie stasies vir vryspel uit. Sorg ook dat die skoenboks met die name en die bywoning register en pen gereed is. Laat die ouers die kind se naam op die register skryf. Ontvang die kinders by die deur, speld hulle naamkaartjies aan en lei hulle na die stasies toe vir vryspel. Regmaak & Draailoop Laat die kinders die stasies waar hulle tans speel oppak, en neem die kinders wat wil, om draaitjie te gaan maak in die badkamer. Laat die kleuters op die mat gaan sit. Jy as leidster kan op stoeltjie voor hulle gaan sit. Om seker te maak almal bly stil, laat hulle kruisbene sit met hulle handjies in hulle mandjies (in hul skote). Die volgende roetine word voor gestel: Bywoningsregister Om vir die kleuters erkenning te gee dat hulle gekom het, kan hulle plakkertjie plak op die betrokke plek op die bywoning trein.(voorsien) LW dis nie trein met datums op wat vir jou sal uitwys watter Sondae jy nie daar was nie. Dis doodeenvoudig net trein met trokke waarop die kinders se name staan en hulle geleentheid kan kry om plakker (voorsien) te plak in sy/haar trokkie waarop hul name aangebring is. Verjaarsdag gelukwensing (sing en ontvang kroon met ballon) Indien iemand verjaar het gedurende die week of vakansie, sing almal vir hom/haar Geluk liewe maatjie en hy/sy ontvang verjaarsdag kroon (voorsien) en ballon(voorsien) Kollekte - Een van die maatjies neem die geld op in mandjie Hersieningsmoment Vra die kinders uit oor wat hulle van die vorige Sondag se kleuterkerkles kan onthou. Bidtyd: Openingsgebed Vra een van die kinders om te open met gebed. Geselstyd: Wie van julle kan beskryf hoe lyk n ketting. Hou n ketting in die klas voor. n Ketting bestaan uit skakels wat almal in mekaar inpas. Kettings kan soms baie sterk wees en ander kere kan dit maklik breek. Dit maak nie saak hoe groot die skakels is nie, n ketting is net so sterk soos sy

2 swakste skakel. So al het n mens n dik kabel, maar een skakel is gekraak of stukkend, dan is die hele ketting swak. Wanneer ons in groepe moet saamwerk, is n groep ook net goed as almal saamwerk, maar as party dink hulle is beter as die res van die groep en nie saamwerk nie, dan word die hele groep negatief beïnvloed. Daarom moet ons nooit neerkyk op ons maats, of dink ons is beter as ander nie. Ons moet eerder mekaar help om beter te wees. Kom ons doen n oefening. Deel die groep in kleiner groepe van +/- 5 in n groep. Die groepies moet as eenheid van die een kant van die vertrek beweeg na die ander kant, en iets swaar soos n stoel saamdra, met die uitdaging dat elkeen in die groep kry iets wat fout is. Een moet maak of sy been gebreek is, die ander een se arm moet gebreek wees, een is doof, n ander een blind en die laaste een glad nie loop nie. Laat die groep saam n plan maak om aan die ander kant te kom. (as die kinders te klein is, los van die gebreke uit, maar maak dit duidelik dat almal saam as n groepie aan die ander kant moet uitkom.) Wanneer die maats in jou groep almal iets makeer, dan besef jy dat dit nie so maklik is om n opdrag te doen nie. Almal het mekaar nodig en moet saam planne maak om aan die ander kant van die kamer uit te kom. Dit gaan maar sukkel-sukkel gaan, en baie stadig, maar op die einde van die dag, as almal mooi saamwerk, dan sal julle kan beweeg tot by die ander kant van die kamer. Dit gaan nie saak maak hoe vinnig julle by die ander kant van die vertrek uitkom nie, maar hoe veilig julle daar kom en hoe die maats mekaar almal help. As iemand in die groepie nie wil saamwerk nie, beïnvloed dit die hele groepie. Net so het ons mekaar nodig in die lewe. Niemand van ons kan heeltemal op ons eie funksioneer nie. Singtyd: (Die liedere is net voorstelle, indien iets anders meer bekend is kan dit ook gesing word.) Hierdie liedere is slegs voorstelle. Sing gerus iets wat meer bekend is. Liedboek 547 Alle volke klap jul hande Juig tot eer van God Verhef jul stem en roem Sy Naam In elke stad op aarde Sing en sing en sing dat saam Loof en prys Sy grote Naam Want Hy is ewig Koning in die hemel en op aarde Sing en sing en sing dan saam Loof en prys Sy grote Naam Want die Hemelkoning skenk ons Sy genade. Bybeltyd: Maats, wanneer mens n huis bou, is daar verskillende goed nodig wat alles saam n huis maak. Hou n blokkies huis voor as voorbeeld. Daar is bakstene en sement, vensters en dakkappe, teëls en geute, noem maar op. Maar wanneer die huis klaar is, sê mense nie, sjoe maar die sement is mooi nie, of die teëls is n mooi huis nie. Alles saam vorm een prentjie en staan dan as n huis bekend. Almal verwys daarna na die eenheid, die huis, en nie na die verskillende dele nie, alhoewel dit verskillende dele is wat saam die huis maak. Net so is dit ook met n liggaam. Wanneer ons n mannetjie wil maak, dan plak ons nie tien hande met vyf oë en een arm aan mekaar en noem dit n mannetjie nie, want so n mannetjie sal maar bietjie snaaks lyk. Die mannetjie sal nooit iewers heen kan loop nie, want hy het dan nie eens bene nie.

3 In die kerk is dit dieselfde. Almal in die kerk is verskillend, maar almal het mekaar nodig en moet saamwerk soos n liggaam. Die een is nie belangriker as die ander een nie. En wanneer almal saam werk en goed is vir mekaar, dan leer kinders van God hoe lief God hulle het en hoe Hy vir hulle omgee. Die Bybel leer ons ook dat ons deel is van die liggaam van Jesus. Kom ons lees daarvan in die Bybel in 1 Kor.12. Lees vir die kinders voor uit 1 Kor.12: en 26&27. Het jy al jou toon gestamp? Dit is sommer baie seer en dan sukkel mens om te loop. Of het jy al jou arm gebreek waarmee jy moet skryf, ai dis moeilik, want dan sukkel jy so om dinge te doen. Of dalk het daar al stof in jou oog gewaai en dan kan jy nie sien nie. Wanneer dit gebeur, moet jy onmiddellik stil staan want jy kan nie sien waarheen om te loop nie. Ons liggaam of lyfies is so gemaak dat alles in my lyf het mekaar nodig dat ek goed kan funksioneer. As ek iewers seer het, dan voel my hele lyf dit. Soms kyk ons net na ons lyfies na dit wat ons buite sien, maar weet julle wat is een van die belangrikste goed wat ons lyfie nodig het om te kan werk wat ons nie eens kan sien nie? Ons hart. As ons hart nie klop nie, kan ons nie lewe nie. Niemand kan jou hart van buite af sien nie, maar almal van ons het n hart nodig. Net so ook bloed in ons are en al ons ander organe. Nie een van ons organe, of ledemate kan alleen funksioneer nie. Alles het mekaar nodig en saam vorm dit ons lyfie. In die kerk en as familie van God het ons ook almal mekaar nodig. Nie een van ons kan sê jy het nie die een langs jou nodig nie. Ons gawes verskil van mekaar, maar op die einde van die dag is ons verskillend, juis om goed te kan doen vir mekaar, wat jy nie vir jouself kan doen nie. Maak nie saak of mense raaksien wat jy doen of nie, jy is ook belangrik en spesiaal vir God en Sy kerk. Doentyd & Leertyd: Enige ketting, prentjie, n legkaart, huis of mannetjie, lyk en werk net op sy beste as al die dele wat nodig is, voltooi is en in mekaar inpas. Kinders van die Here het mekaar ook so nodig, en moet nooit dink hulle is beter as iemand anders nie. Voltooi die prente op die volgende bladsy en kleur dit in. Gaan deel gerus met mamma of pappa wat jy vandag geleer het, van hoe kinders van die Here mekaar nodig het. Afsluitings gebed Dankie Jesus dat U ook vir my spesiaal gemaak het om deel te wees van die kerk van Jesus. Help my om te doen wat U van my vra. Amen.

4 Voltooi die prente en kleur dit in.

5