Kliënte kommunikasie - Begroting 2016 Die 2016 Begroting is uiteindelik verby en die spekulasie oor wat dit sou behels het nou plek gemaak vir besprekings oor of dit genoeg gaan wees. In die geheel gesien is dit ʼn goeie begroting. Die feit dat persoonlike inkomste belasting, anders as wat verwag is, nie opgestoot is nie, is waarskynlik geniaal. Wanneer almal verby hulle skok en verbasing hieroor gekom het behoort dit vir die man op straat ʼn gerusstellende boodskap uit te dra: Die ekonomiese situasie verg nie drastiese stappe nie. Dit beteken natuurlik nie dat drastiese stappe nie wel geneem is nie. Verblydend vir ons as publiek is die daarstel van ʼn nuwe tender prosedure wat bedoel is om korrupsie in die tender proses aan bande te lê. Trouens Min Gordhan is so seker dat hierdie nuwe maatreëls geslaag gaan wees dat hy op grond daarvan R25 miljard se besteding uit die begroting gesny het. Daar word ook ernstig gekyk na ondernemings in staatsbesit en die direksies van al hierdie ondernemings word ondersoek tov. die aantal persone op die direksie en hul vergoeding. Boonop was daar sedert die mini begroting in Oktober 2015 ʼn duidelike verbetering in die staat se finansiële posisie deurdat daar R15 miljard minder besteding as verwag is en ʼn addisionele R18 miljard se belasting gevorder gaan word. Bogenoemde is ʼn goeie begin. Die vraag op almal se lippe natuurlik is of dit genoeg sal wees om ʼn afgradering na rommelstatus deur die graderingsmaatskappye te verhoed. Opsigself sal bogenoemde egter nie genoeg wees nie. Daar sal ook daadwerklike groei of verwagting vir groei in die ekonomie moet wees. Vir nou, sal die agentskappe waarskynlik ʼn wag en sien houding in neem en kyk of die staat lewer op sy beloftes. Suid Afrika het die vertroue van die beleggingswêreld verloor en dit sal meer as mooi woorde neem om dit te herwin. Hieronder volg ʼn kort opsomming van die belastingvoorstelle ten opsigte van die 2016/2017 belastingjaar soos vervat in die begroting. A. Persoonlike belasting:
ʼn Mate van belastingverligting is aan individue verleen deurdat die onderste 4 belastingkategorieë aangepas is. Die nuwe belastingtafels (met die ou skale in hakies onder die nuwes vir vergelyking) lyk as volg: Belasbare Inkomste (R) 1 0 188 000 18% van belasbare inkomste (0 181 900) Belastingkoers (R) 2 188 001 293 600 33 840 + 26% van belasbare inkomste bo 188 000 (181 901 284 100) 3 293 601 406 400 61 296 + 31% van belasbare inkomste bo 293 600 (284 101 393 200) 4 406 401 550 100 96 264 + 36% van belasbare inkomste bo 406 400 (393 201 550 100) 5 550 101 701 300 147 996 + 39% van belasbare inkomste bo 550 100 6 701 301 en hoër 206 964 + 41% van belasbare inkomste bo 701 300 Verdere verligting is verleen deurdat die primêre korting vir individue opgeskuif is na R13 500 (vanaf R13 257). Die addisionele kortings vir persone ouer as 65 en 75 het onveranderd gebly: o Persone ouer as 65 maar jonger as 75 ʼn addisionele R7 407 korting. o Persone ouer as 75 ʼn verdere addisionele R2 466 korting. Die rentevrystellings vir sowel persone jonger as 65 jaar en persone ouer as 65 het onveranderd gebly: Persone jonger as 65 R23 400 Persone ouer as 65 R34 500 Die aftrekking en opsigte van bydraes tot mediese skemas is ook positief aangepas. R3 432 per jaar vir die elk van die eerste twee lede tot die fonds (op van R3 240); en R2 304 per jaar vir elke addisionele lid (op van R2 172). Die belastingskale ten opsigte van enkelbedrag aftreevoordele het onveranderd gebly. B. Hereregte
Hereregte op eiendomstransaksies het grootliks onveranderd gebly. Daar is egter ʼn addisionele belasting kategorie aan die bokant ingevoeg ten opsigte van eiendomme van meer as R10 miljoen in waarde. 0 750 000 0% 750 001 1 250 000 3% van die bedrag wat R750 000 oorskry 1 250 001 1 750 000 R15 000 + 6% van die bedrag wat R 1 250 000 oorskry 1 750 001 2 250 000 R45 000 + 8% van die bedrag wat R 1 750 000 oorskry 2 250 001 10 000 000 R85 000 +11% van die bedrag wat R2 250 000 oorskry 10 000 001 en hoër R937 500 +13% van die bedrag wat R10 000 000 oorskry C. Kapitaalwinsbelasting Die insluitingskoerse vir KWB is ten opsigte van sowel natuurlike persone (en spesiale trusts) as regspersone (insluitend trusts anders as spesiale trusts) verhoog. Die nuwe insluitingskoerse is: Natuurlike persone en spesiale trusts 40% Regspersone 80% Trusts anders as spesiale trusts 80% Dit beteken dat die maksimum betaalbare persentasie kapitaalwinsbelasting as volg is: Natuurlike persone en spesiale trusts 16,4% Regspersone 22,4% Trusts anders as spesiale trusts 32,8 Die uitsluiting ten opsigte van ʼn individu se primêre woning bly onveranderd op R2 miljoen. Die jaarlikse uitsluiting ten opsigte van kapitaal wins en verlies is verhoog na R40 000. Terwyl die uitsluiting in die jaar van afsterwe ten opsigte van kapitaal wins en verlies onveranderd gebly het op R300 000. Die eenmalige R1,8 miljoen vrystelling ten opsigte kapitaal wins vir kleinsake eienaars wat ouer is as 55 en waarvan die besigheid se waarde nie R10 miljoen oorskry nie, is geskrap.
D. Terughou belasting op dividende belastings Die terughou belasting op dividende van 15% bly onveranderd. E. Geskenke belasting Die belastingkoers op geskenke belasting bly onveranderd op 20%. Die jaarlikse R100 000 vrystelling ten opsigte van natuurlike persone en R10 000 ten opsigte van regspersone bly ook onveranderd. F. BTW Die BTW koers bly onveranderd op 14% Verpligte BTW registrasie vir besighede waarvan die omset R1 miljoen per jaar oorskry bly ook onveranderd. G. Trusts Soos verwag is aangekondig dat verdere stappe om die gebruik van trusts vir belastingvermyding te beperk beplan word. Die begrotingsoorsig is verstaanbaar onduidelik oor presies wat hierdie stappe sal behels. Dit het egter te doen met die gebruik van rentevrye lenings om bates na trusts toe oor te dra. Dit blyk beoog te word om geskenke belasting te hef op lenings wat nie rente dra nie. Wat onduidelik is uit die oorsig, maar wat vermoedelik beoog word, is geskenke belasting slegs gehef sal word ten opsigte van die bedrag van die rente wat nie ingevolge ʼn markverwante koers gehef is nie. Die oorsig maak ook melding dat beplan word om van bates wat deur middel van rente vrye lenings aan die trust oorgedra is in die oorlede trustoprigter se boedel in te sluit vir boedelbelasting. Hierdie voorstel soos dit in die oorsig weergegee word het verskeie tekortkominge wat in oorleg met die bedryf uitgeklaar sal moet word. 1) Die trustoprigter is dikwels nie die persoon wat die lening verskaf of die trust vir belastingvermyding gebruik nie.
2) Lenings wat aan ʼn oorledene verskuldig is, is reeds vatbaar vir boedelbelasting, met die gevolg dat dit ʼn dubbel belasting tot gevolg sal hê as so ʼn bate in ʼn persoon se boedel ingesluit word sonder om die reeds belasbare lening van die waarde daarvan af te trek. 3) Ons sal uiteraard ook duidelikheid wil hê oor wat die bedoeling is wat betref bates wat met rentevrye lenings aangekoop is, maar waarvan die lening by afsterwe reeds afgelos is. Soos gesien kan word is die voorstel, soos vervat in die belastingoorsig hoogs aanvegbaar en daar is geen duidelikheid van hoe Tesourie beoog om hul doelwitte te berei en hierdie probleme aan te spreek nie. Ons beveel aan dat kliënte nie oorhaastig op hierdie nuwe gevaar reageer nie. Ons is besig om te werk aan ʼn skrywe in hierdie verband wat mettertyd aan ons kliënte deurgegee sal word en met ons kollegas in die bedryf bespreek sal word. Ons sal ook poog om enige konkrete stappe wat deur die tesourie in hierdie verband geneem word aan ons kliënte te kommunikeer en help om enige negatiewe impak van hierdie beoogde wysigings te beperk. Vriendelike groete Die Finlac span