INVESTERING BELEID BELEID VAN DIE RAAD
ONDERWERP: INVESTERING BELEID DOELWITTE VAN BELEID: Om Bestuur en werknemers van die Raad te help om konsekwente, effektiewe en doeltreffende investering beginsels te implementeer en te handhaaf. Om alle surplus fondse van die Raad te bestuur en te beveilig. BELEID FILOSOFIE Die Raad is verplig tot die beveiliging en bestuur van sy kontant surplus ten einde sy bronne en effektiewe dienslewering te vergroot. RIGLYNE 1. Die Raad monitor beleggings. 2. Die magtiging vir verskeie onttrekking limiete van beleggings wat gemaak moet word, moet verkry word. 3. Die korttermyn belegging oorskry nie die tydperk van 90 dae nie en word gedoen onder gesag van die Munisipale Bestuurder en Hoof: Finansies. 4. Die langtermyn belegging mag die tydperk van 90 dae oorskry en word gedoen onder gesag van die Raad. 5. Alle beleggings wat gemaak word moet trou bly aan die Voorsienings Beleid van die Raad sowel as die Finansiële Bestuurswet (Wet 56/2003). 6. Beleggings sal slegs in die volgende toegelate instellings gemaak word: Geregistreerde banke ooreenkomstig die Bank Wet 1990 Nasionale Provinsiale en Plaaslike Regering Geregistreerde Assuransie Maatskappye 7. Nie meer as 40% van die totale bedrag deur die Raad belê sal ter eniger tyd in een instelling wees nie. 8. Sekuriteite uitgereik deur die Nasionale Regering. 9. Investering met die Publieke Investering Kommissarisse in oorweging met die Publieke Deposito Wet, 1984 (Wet 46 van 1984).
10. Die investering van surplus kapitale kontribusie fondse, die saamvoeging van rente deur die Raad ontvang en die gebruik van dié geld om voorskotte te bewillig aan departemente binne die Raad om kapitale uitgawes te finansier. 11. Onderneem langtermyn sekuriteite deur assuransie maatskappye aangebied ten einde aan die delgingsfonds vereistes van die Raad te voldoen. 12. Enige instelling waarin die Raad volgens wet toegelaat is om te belê vóór die inwerkingtrede van die Plaaslike Regering Oorgangs Wet, 1996: Met dien verstande dat sulke skuldaktes nie verleng word ná die vervaldatum vir die delging daarvan nie. PROSEDURES 1. Alle beleggings moet gemaak word volgens statutêre regulasies. (Ordinansie vereistes, AARMP en die Munisipale Finansiële Bestuur Wet) 2. Surplus fondse moet maandeliks deur die Hoof: Finansies nagesien word en waar sodanige surplusse nie nodig is vir huidige operasionele of kapitale uitgawes nie, moet dit binne 10 werksdae belê word. 3. Kontantvloei beraming moet gedoen word om te bepaal of surplus fondse op langof korttermyn belegging moet geskied. 4. Die belegging moet deur die Hoof: Finansies goedgekeur word. 5. Die Hoof: Finansies moet krediet risiko, gegrond op krediet bedryfsvermoë, nagaan en n aanbeveling aan die Munisipale Bestuurder voorlê alvorens n belegging goedgekeur kan word. 6. Die Munisipale Bestuurder en Hoof: Finansies moet die belegging instellings kies aan die hand van die Raad se Voorsieningskanaalbeleid. 7. Enige werknemer wat belange het in enige van die bogenoemde belegging instellings moet sy/haar belange openbaar. 8. Die ondervermelde moet deel vorm van die tendervoorskrifte en kriteria: o Ten minste drie instellings moet uitgekies word van die lys van belegging instellings vir die krediet risiko analise. o n Versoek vir voorstelle moet gerig word aan die drie instellings met die versoek dat hulle kwotasies voorlê vir al die besonderhede van die beleggings (d.i. rentekoerse aangebied, tydsduur, verval waardes, gestaafde waardes, ens.)
9. Die Hoof: Finansies en die Munisipale Bestuurder moet limiete vasstel per investering instelling en, waar moontlik, moet die kapitale waarde van die belegging gewaarborg wees. 10. Die Hoof: Finansies en die Munisipale Bestuurder moet die investering limiete per skuldakte bepaal wat jaarliks deur die Burgemeesterskomitee en die Raad goedgekeur moet word. 11. Die Hoof: Finansies moet n aanbeveling, met redes, voorlê wanneer n belegging afgelos of herbelê moet word. 12. Die Munisipale Bestuurder sal dan magtiging verleen vir die bedrag wat onttrek of belê moet word met die ondertekening van die oordrag goedkeuring en dit aan die Hoof: Finansies gee vir prosessering. 13. Die Hoof: Finansies sal n oordrag maak van of na die Raad se bankrekening. 14. n Belegging register moet deur die Hoof: Finansies gehou word. 15. Die Hoof: Finansies moet n rekonsiliasiestaat opstel van die oordrag goedkeuring, informasie ontvang en die beleggingregister en dit maandeliks as korrek onderteken. 16. Belegging onttrekkings moet slegs deur die Hoof: Finansies of sy/haar gemagtigde beampte na die algemene grootboek gepos word. 17. Rente ontvang op beleggings moet herbereken en bekragtig word en inkomste state moet nagegaan word voor aanwending. 18. Die Hoof: Finansies moet weekliks die belegging limiete monitor en ernstige afwykings moet onmiddellik onder die aandag van die Munisipale Bestuurder en die Raad gebring word. 19. n Verslag oor die prestasie van beleggings moet maandeliks deur die Hoof: Finansies opgestel en aan die Munisipale Bestuurder voorgelê word. 20. Die Munisipale Bestuurder moet maandeliks n verslag oor investering opstel en dit aan die Burgemeesterskomitee en die Raad voorlê. FUNKSIES Munisipale Bestuurder Hoof: Finansies Burgemeesterskomitee Raad VERWANTE WETTE Bankwet, 1990 Plaaslike Regering Oorgangs Wet, 1996 Munisipale Finansiële Bestuur Wet, 2003
Publieke Deposito Wet, 1984 Goedgekeur Deur Raad: 12 Maart 2010