Elke vrou se klein boeke oor gewig uitgegee deur Carpe Diem Media

Transcriptie

1

2 Oorspronklik uitgegee onder die titel n Selfhelpjoernaal, Gewig Elke vrou se klein boeke oor gewig uitgegee deur Carpe Diem Media 2007 Carpe Diem Media Eerste uitgawe, eerste druk 2014 ISBN PDF ISBN epub ISBN Setwerk Michael Botha Redigeerder Madelein en Tersia Oosthuizen Proefleser Franine Hattingh Omslagontwerp Zelda Botha Gedruk en gebind deur Paarl Media Alle regte voorbehou. Geen gedeelte van hierdie boek mag gereproduseer word in enige vorm of op enige manier sonder die skriftelike toestemming van die uitgewer nie. KONTAKBESONDERHEDE Carpe Diem Media Posbus 5801 Vanderbijlpark 1900 Tel (016) Faks (016) E-pos boeke@carpediem.co.za

3 Elke vrou se KLEIN oor boekie GEWIG n Selfhelpgids deur Lorette Dye Sielkundige berader en kenner carpediem M E D I A jou inspirasie uitgewer

4 Inhoud Die skaal Bertha le Roux-Wahl Voor jy begin lees Week 1 Verander hoe jy dink oor gewig Week 2 Kies die regte eetplan vir jóú Week 3 Maak vrede met jou emosies Week 4 Word weer lief vir jouself

5 Die skaal Bertha le Roux-Wahl

6 Oor haarself Sy is n aktrise, getroud en het twee dogters van onderskeidelik vier en een jaar oud. Bertha is n bekende gesig in die Afrikaanse sepie 7de Laan en ken die uitdagings van die vermaaklikheidsbedryf. Sy deel haar jarelange stryd met haar gewig om ander vroue te inspireer en te bemoedig. Wortel van die kwaad Ek was nog n kind toe ek die eerste keer met gewig kennis gemaak het. My sussies was onderskeidelik agt en tien jaar ouer as ek, so hulle was klaar gewig-bewus toe ek my verstand kry. Toe ek so agt jaar oud was, het ek op n keer my maag uitgestoot en gesê ek is vet. Ek het eintlik net n grappie gemaak, maar dit het my Ma ontstel dat ek toe al geweet het wat maer en vet is. Kinders ken deesdae ál vroeër die verskil en dis baie hartseer. Ek het grootgeword met diëte in die huis, maar my ma het eerder verkies dat die dieëte gesonde eetplanne moes wees. Soos alle kinders moes ons altyd al ons kos opeet daar is mos honger kinders in Etiopië! en omdat ek nie daarvan gehou het om alleen te eet nie, het ek my kos so vinnig as moontlik in die middae afgesluk my broer was n tiener en het geëet soos n wolf! As kind het ek gedoen wat my ma-hulle gesê het en wat hulle van my verwag het. Die issues met gewig Die letsels van tienerwees Ek was maer as kind, maar het nooit so gedink nie. Ek was nie rietskraal nie, maar beslis nie oorgewig nie. Eintlik was ek n baie gesonde kind, maar jou prentjie van jouself is mos 6

7 belangriker as die waarheid. Party dinge het natuurlik ook n groot invloed op jou lewe. Ek was in standerd vier (graad ses) en was mal oor n sekere outjie. Ons het met n bus na n kamp gery. Hy het agter gesit en ek het net n bankie voor hom gesit. Hy het iets gesê en toe ek omdraai om my opinie te gee snou hy my toe: Ag, wat weet jy tog, jou ou vet koei? Dit het vasgesteek. Ek het begin dink ek is vet en onaanvaarbaar. En dat jou opinie net tel as jy mooi, maer en in was. My ma het my nooit toegelaat om enige kitsdiëte te volg of maermaakpille te drink nie. As ek op n dieet was, het ek eintlik net n gesonde eetplan gevolg. My eerste ernstige dieet was in standerd agt (graad tien). Voorheen het ek net my porsies verklein en dinge soos sjokolade uitgesny. Van standerd ses (graad agt) af het ek in die oggende begin oefen. As ek nou deur my ou dagboeke blaai, sien ek ek het myself al in standerd sewe (graad nege) oor kos aangespreek. My broer is in daardie tyd oorlede en een opmerking wat ek spesifiek onthou, is dat ek wil hê hy moet trots wees op my. Ek het gereken dat hy trots op my sal wees as ek maer is. Ek het in standard nege (graad elf) by n gym aangesluit en allerhande oefeninge probeer. Ek het ook aërobiese oefeninge probeer en tot my spyt uitgevind dat ek geen koördinasie het nie. Alleen in die vreemde Ná skool het ek n jaar lank oorsee gegaan en baie gewig opgetel. Ek was in n ander land en dan eet jy mos maar ander soorte kos. Ek was in Holland en daar eet hulle geweldig baie brood. Ek het ook in n depressie verval, want ek was alleen en alles het nie uitgewerk soos dit moes nie. Ek het soos n mislukking gevoel en om alles te kroon 7

8 het ek aknee gekry iets waarmee ek nooit voorheen gesukkel het nie. Dit was n baie slegte jaar. Ek het teruggekom en n ruk lank by my sussie in die Kaap gaan bly. n Dokter het my op anti-depressante gesit. Ná twee weke het ek egter besluit om dit te los. Ek wou nie die res van my lewe op pille wees nie en wou self beheer kry. Daarna is ek universiteit toe. My eerstejaarsindroom was egter in trurat en ek het die meeste van die gewig verloor wat ek opgetel het. Dit was bloot omdat ek besig en gelukkig was. Boonop het ek mense om my gehad waarmee ek n konneksie gehad het. As ek besig is en ek hou van wat ek doen, gaan dit goed. Maar ek het altyd die laaste 15 kilo s gehad wat bly sit het. Uitdagings van die vermaaklikheidsbedryf Ek het vir n oudisie gegaan vir 7de Laan en het gehoor dat ek talent het, maar te groot is ek moet gewig verloor. Ek het n ruk later weer vir n oudisie gegaan en toe het ek gevoel ek is te maer vir die spesifieke rol, want al die ander was groter as ek. Ek het die rol gekry en is gevra om n paar kilo s op te tel, daardie aand het ek n Chocolate Sundae geëet! Na die storielyn klaar was, was dit tyd vir my troue en soos alle girls wou ek soos n prinses lyk. Ek was net nie lus daarvoor om elke ete in die fynste detail uit te werk nie, maar ek wou graag die gewig verloor. Ek het toe shakes en later pille gedrink. Na my troue het ek besluit om te oefen en by n gym aangesluit. Ek het elke oggend vyfuur saam met n vriendin gaan oefen. Die foefies het gewerk, maar net totdat ek opgehou het om die shakes en pille te drink. Al die oefening het my baie spiere laat bou en my net groter laat lyk. Ek 8

9 het swanger geraak en 25 kilogram opgetel. Ná my baba se geboorte het die skaal op 100 kilogram vasgeslaan. Die vervaardigers van 7de Laan het my ingeroep en met my gepraat. Hulle het gesê hulle sukkel om vir my te skryf, ek sal gewig moet verloor. Oorkom jou issues só! 1. Uiteindelik, iets wat werk! In dié tyd het ek n vriendin van universiteit raakgeloop. Sy het dr. Cohen se dieet vir my gegee en dit werk toe vir my. Dit is vir my n breindood-dieet, want dis spesifiek vir elkeen uitgewerk. Die tyd wat ek op hierdie dieet was, was die eerste keer in my lewe wat ek vry was en nie die heeltyd oor kos gedink het nie. In die aand as ek by die huis kom, het ek geweet watter groente en vleis ek moet eet. Daar was nog steeds ander kos in die huis, want my man en kind was daar. Daar was skyfies en koekies en so aan, maar dit was nie vir my n probleem nie, want ek het geweet wat ek moes of kon eet en ek het nét dit geëet. Aan die einde van die dieet is daar n oorgangstyd waarin hulle jou net weer in n leefstyl inlei, maar voor ek dit kon doen, het ek weer swanger geraak. Met my twede baba het ek weer baie gewig opgetel en probeer steeds om alles af te skud. 2. Nuwe motivering Ek het net besef dat my redes hierdie keer beter moet wees. Jy kan nie op n dieet bly as jy voel jy ontneem jouself van iets of as jou redes nie reg is nie. Ek het die gewig afgehou totdat ek swanger was, maar lyk my my lyf hou daarvan om vet terug te hou as ek swanger is. Een van die redes waarom ek nou gesond wil eet, is om my kinders te leer om n gesonde leefstyl te leef. Ek wil die 9

10 kringloop breek, sodat my dogtertjies nie die sondes van die voorvaders(-moeders) sal herhaal nie. Met my twede swangerskap was ek te moeg om kos te maak en ons het gemorskos geëet. Ek het gesien my oudste dogtertjie volg my voorbeeld. Ek het besef dit wat ek eet, gaan sy ook wil eet. Sy hou gelukkig meer van gesonde kos soos vrugte en groente, so ons probeer dit interessant maak vir haar. Maar ook vir my. Ek wil graag maer wees, want dis vir my lekker. Ek het meer energie en ek voel goed oor myself. Ek is geneig tot depressie, maar as ek gesond eet, het ek nie daardie probleem nie. As jy reg eet, is jou suikervlakke en hormone stabiel en jy voel gesond. 3. n Wekroep Reeds met my eerste oudisie was my gewig n issue. Vir my was dit al n issue vandat ek begin studeer het, want ek het besef dit is n probleem in die bedryf waarin ek werk. Jy moet n sekere look hê om werk te kry. Daar is baie klem op voorkoms en jy hoor elke dag hoe belangrik dit vir jou loopbaan is. Natuurlik veroorsaak dit spanning en jy is onder druk om gewig te verloor en die asems weg te slaan. Dit vat gewoonlik twee jaar vir jou liggaam om te herstel ná n baba, maar ek het gehoor dis te lank jy kry nie daardie grasie nie. Wat nogal sleg was, is dat ek verskriklik gelukkig was ná my eerste baba se geboorte en my gewig het my glad nie gepla nie. Ek was gelukkig met my kind, my man en ek was gelukkig by die werk en toe bars die bom. Dit was seker ook nodig, want wat ek gedoen het was nie gesond nie. Ek was 30 kilogram oorgewig en dis ongesond. Maar dit is hoe die bedryf is niks wat ek sê of doen gaan dit verander nie. Dis maar emosioneel moeilik om te aanvaar 10