OVERBERG AGRI GRAANSAADBESTELLINGS PLANTSEISOEN

Transcriptie

1 1 OVERBERG AGRI GRAANSAADBESTELLINGS PLANTSEISOEN NB: Alvorens u die aangehegte saadbestellingvorms voltooi, lees asseblief eers hierdie skrywe sorgvuldig deur. Die bestelvorms is in n kontrakvorm opgestel wat u bind om die saad wat u bestel het, wel te neem. Overberg Agri poog om net die suiwerste saad per kultivar volgens streng standaarde, wat vir gesertifiseerde saad deur SANSOR vasgestel is, te verkoop. Om uself te beskerm teen moontlike afkeurings van kommersiële graan, is dit in u eie belang om soveel moontlik gesertifiseerde saad te gebruik. Saam met die skrywe is inligtingsstukke om u te help met u keuse van kultivars, saadverwerking, -behandeling, ens. 1. BESTELVORMS 1.1 Daar is twee bestelvorms, een vir graansaad en een vir weidingsaad. Die graansaad vorm word by u saaddepot te Caledon of Bredasdorp ingehandig of aangestuur soos in punt 1.3. U weidingsaad vorm word by u handelstak ingehandig. 1.2 Die graansaad vorm hierby aangeheg word vir bestellings sowel as vir kansellasies gebruik. Skrap die een wat nie van toepassing is nie. 1.3 Voltooi asb. die vorm so volledig moontlik en stuur terug aan, of handig in by Marieka van der Merwe (Caledon saadstoor ) of Carien van Dewenter (Bredasdorp kantoor ) voor of op 31 Desember Bestellings van lede van ander landboubesighede en koöperasies kan slegs aanvaar word indien dit vergesel word van n eksterne bestelnommer asook lidnommer van die betrokke landboubesigheid of koöperasie. 1.5 Bestel so vroeg moontlik om teleurstelling te voorkom. Alle saad wat voor 31 Desember bestel is en waarvan daar tekorte ondervind word, word pro-rata uitgegee en bestellings na 31 Desember volgens bestellingsvolgorde. 1.6 Indien u graansaad op n Saterdag wil kom afhaal, word u vriendelik versoek om dit voor 16:00 op die voorafgaande Vrydag met mnre. Johan van Dewenter (Bredasdorp ) of De Wet du Toit (Caledon ) te reël. 1.7 Saad wat in massasakke geneem word, kan ongelukkig net teruggeneem word indien dit nog geseël is.

2 2 1.8 Eksperimentele garskultivars kan slegs by spesifieke silo s ontvang word weens opbergings logistiek. Finaliteit in die verband kan eers gegee word na die eerste oesskatting (Julie 2016). 1.9 Indien u entstof vir weidingsaad gaan benodig, moet u dit met die handelstakbestuurder bespreek wanneer u, u bestelvorm vir die weidingsaad inhandig In geval waar daar beperkte saad van n kultivar beskikbaar is (gemerk op bestelvorm), moet u asb. in die Alternatief (kultivar) kolom, u kultivar van tweede keuse invul. 2. SENSAKO SAAD- OOREENKOMSTE Twee Sensako ooreenkomste rakende die nuwe koringkultivars (SST0127, SST087 en SST056) is aangeheg. 2.1 Kommersiële Produsente ooreenkoms vir die aankoop van SST0127, SST087 en SST056 saad by Overberg Agri.(kyk leêr Sensako kommersiële prod. Ooreenkoms 16.doc). Let op punt 5 van die kontrak. 2.2 Aansoek om saad van SSST0127,SST087 en SST056 terug te hou vir eie gebruik.(kyk leêr Sensako farmsavedseed16.docx). Indien u enige van hierdie kultivars aankoop of eie saad terughou vir eie gebruik, moet die betrokke ooreenkoms ingevul en terug gestuur word soos aangedui in VERPAKKING 3.1 Saad wat deur Overberg Agri geproduseer en verkoop word, sal in die toekoms slegs in sakke, soos voorsien deur Overberg Agri, verpak word. Dit beteken dat u nie aangekoopte saad vanaf Overberg Agri in u eie sakke kan laat verpak nie. Die rede hiervoor is om logistiek by die saadafdeling te verbeter. 3.2 Overberg Agri sal tweedehandse massasakke, wat steeds as verpakking vir saad geskik is, by u terugkoop teen twee derdes die prys van nuwe sakke. Hierdie sakke moet u asb. voor 31 Julie 2016 terugbring. 3.3 U eie saad kan wel, nadat dit skoongemaak is, in u eie sakke verpak word, gegewe die voorwaardes in 3.4. In dié geval moet u asseblief met mnr. De Wet du Toit (Caledon) of Johan van Dewenter (Bredasdorp) by ons saaddepots reëlings in die verband tref. Saad wat reeds in houers verpak is, kan nie later uitgeskud word nie. Basissaad kan slegs in die oorspronklike verpakking opgeneem word.

3 3 3.4 Alle leë houers aangebied vir die verpakking van eie saad moet asb. skoon en vry van insekte en ander graan wees. 4. SAADBEHANDELING 4.1 Algemeen Saad word slegs met geregistreerde middels behandel Garssaad word as standaard met Redigo (50ml/50kg) behandel. Indien u u garssaad met Flite behandel wil hê, dui dit asseblief so aan in die blokkie op die saadbestelvorm In die geval van hawersaad moet u u keuse onder die kolom gemerk, behandeld of onbehandeld, duidelik aandui. Met die toenemende voorkoms van losbrand in hawer oor die afgelope jare, word dit ten sterkste aanbeveel om hawersaad te behandel. 4.2 Koring Alle koring saad word standaard met Orius / Ingwe behandel. Galmano is n swamdoder saadbehandelingsmiddel. Dit is geregistreer vir die voorkoming van vrotpootjie by koring. Indien u wil hê dat u koringsaad met Galmano (G) behandel moet word, moet u op die saadbestelvorm apart aandui hoeveel saad van watter kultivar u met die betrokke middel behandel wil hê U moet asseblief daarop let dat saad wat met n ander middel behandel is as die standaard, nie vir krediet teruggeneem kan word nie en ook nie deur Overberg Agri opgeberg kan word nie. Sou daar van die behandelde saad oorgedra word, bly dit die eiendom van die produsent. Die rede hiervoor is dat ontkieming op sulke oordrag saad nie gewaarborg kan word nie. Die effektiwiteit van die behandeling kan ook oor tyd afneem n Vorm is aangeheg vir saadskoonmaakdienste op teruggehoude saad. Indien u teruggehoude saad wil laat skoonmaak dui ook asseblief hier aan of u koringsaad met Galmano behandel moet word. 4.3 Ander behoeftes Sou daar ander behandelingsbehoeftes bestaan (bv. Spoorelemente-, inseksaadbehandeling), moet u dit asseblief met mnr. De Wet du Toit of Johan van Dewenter by die saaddepots kommunikeer. Met inagneming van n maksimum totale toediening van 450 ml vloeistof op 50 kg saad waarvan minstens 90 ml water moet wees, sal ons u graag akkommodeer indien moontlik.

4 4 Daar is n aparte vorm by bogenoemde persone beskikbaar wat u moet invul en teken. 5. SAADSKOONMAAKDIENSTE / TERUGGEHOUDE SAAD 5.1 Alle saadskoonmaak vorms moet Overberg Agri voor 31 Desember 2015 bereik. Skoonmaakbehoeftes wat ons bereik na 31 Desember 2015 sal skoongemaak word nadat Overberg Agri se saad afgehandel is. 5.2 Alle graan wat aangebied word om as saad skoongemaak te word, moet voldoen aan saad spesifikasies van toepassing op die spesifieke gewas. Bring vooraf n monster sodat daar vasgestel kan word of die kwaliteit bevredigend is om as saad skoongemaak te word. 5.3 Vir produsente wat hierin belangstel, is die volgende pryse ter sprake Indien koringsaad deur die totale sisteem gaan, word die diens teen n prys van R300 per ton (vuil basis), Sensako tantieme van R40/ton ingesluit en BTW uitgesluit, aangebied. In die geval van alle ander saad wat deur die totale sisteem gaan, word die diens teen n prys van R250 per ton (vuil basis), BTW uitgesluit, aangebied Indien dit nodig is om graan (alle gewasse) twee maal deur die sisteem te stuur, word u twee maal die koste gevra Indien koringsaad slegs oor die gravitasietafels gaan - word die diens teen n prys van R230 per ton (vuil basis), Sensako tantieme van R40/ton ingesluit, BTW uitgesluit, aangebied. In die geval van alle ander saad, wat slegs oor die gravitasietafels gaan, word die diens teen n prys van R200 per ton (vuil basis),btw uitgesluit, aangebied. 5.4 Hierby aangeheg vind asseblief n opnamevorm vir doeleindes van die diens wat u moet voltooi en saam met u saadbestelvorm aan ons terugbesorg. Die doel hiervan is om die skoonmaakproses nog beter te skeduleer en vermenging te voorkom. Die saadafdeling sal met u in verbinding tree wanneer hul gereed is om u saad vir skoonmaak in ontvangs te neem. 5.5 Dui asseblief u keuse van saadbehandeling op die vorm ook aan. 5.6 Wees versigtig om koring wat bakteriese skroei ( black chuff ) besmet is as saad terug te hou. Die siekte is saadoordraagbaar en saadbehandeling teen dit is nog nie bevestig nie.

5 5 5.7 Agulhas en Hessekwa gars - Saad van Agulhas en Hessekwa gars wat in 2015 geplant en geoes word, is nog eksperimenteel en mag nie deur produsente teruggehou word vir saad vir 2016 nie. 6. ANDER KULTIVARS EN DIVERSE SAAD 6.1 Indien u belangstel in n kultivar of gewas wat nie op die bestelvorms verskyn nie, moet u u keuse en hoeveelheid asseblief op die betrokke vorm aandui. Alhoewel ons dit nie kan waarborg nie, sal Overberg Agri poog om in al u saadbehoeftes te voorsien. 6.2 Maak asseblief seker van u saadbehoefte vir n spesifieke kultivar, aangesien verskaffers nie altyd gewillig is om bestellings te kanselleer nie. Veral waar bestellings reeds uitgevoer is, word terugneem deur die verskaffer geweier of teen hoë koste uitgevoer. Geen kansellasies sal, nadat die saad deur Overberg Agri bestel of gekoop is, aanvaar word nie. U is dus verplig om die saad wat u bestel het, te neem. 6.3 Bestellings wat teen 30 Junie 2016 nog nie deur Overberg Agri uitgevoer kon word nie, verval outomaties en word nie na die volgende seisoen se bestellingslys oorgedra nie. 7. BEPERKINGS OP GARS KULTIVARS SOOS BEPAAL DEUR SAB. 7.1 Totale gars kultivar behoeftes vir 2016 van SABM Kultivar Tonne benodig ERICA 50,000 NEMESIA 50,000 Disa (S6) 25,000 Agulhas (S9 ) 55,000 Hessekwa(S12) (Eksperimenteel) 55,000 S14 (Eksperimenteel) 1,000 Hektare is dus beskikbaar vir aanplantings om in die vasgestelde behoefte vir mout en brou toetse te voorsien. Indien meer bestellings as saad beskikbaar ontvang word, sal n prorata toedeling gedoen word. 7.2 Ander eksperimentele kultivars Sou daar n behoefte bestaan vir vermeerdering van sulke kultivars, sal Overberg Agri produsente vir vermeerdering werf.

6 6 8. KEERDATUMS 8.1 Terugbring van saad : Alle saad wat bestel is en later terug gebring word of nie afgehaal is nie, word teen u rekening uitgeboek, mits dit herverkoop word. Die saad word op n eerste terug, eerste uit basis verkoop. In laasgenoemde geval ontvang u die volle krediet vir die saad. Indien die saad nie verkoop word nie, word dit terug geneem teen n administratiewe heffing van 7.5 % op die verkoopsprys. 8.2 Kansellasie van saad : Slegs kansellasies wat tot 15 Januarie 2016 ontvang word, kan aanvaar word. Saad wat u na 15 Januarie 2016 kanselleer, word einde Mei 2016 op u rekening gedebiteer. U ontvang volle krediet teen die aankoopprys indien alle teruggebringde (verwys punt 7.1) saad reeds verkoop is. Indien u die saad nie wil hê nie, word dit teruggeneem, min n administrasieheffing van 7.5 % op die verkoopsprys. 8.3 Saadbehandelings anders as die standaard behandelings, is uitgesluit van bogenoemde vergunnings. Die produsent is ten volle verantwoordelik vir dié saad nadat dit behandel is. 9. UITBOEK VAN SAAD Saad wat geneem word, word dadelik gefaktureer teen u rekening, maar word rentevry gedra tot 1 Junie Sodoende ontvang u n faktuur wanneer u, u saad laai. 10. KREDIETSTELSEL Kreditering vir teruggehandigde saad wat herverkoop is, word na die saaiseisoen (Julie) gedoen. Dit is dus noodsaaklik om u saadontvangs-bewyse tot aan die einde van die seisoen te bewaar.

7 7 11. BEHANDELINGSKOSTE Indien u u eie saad deur Overberg Agri laat skoonmaak en behandel, geld die volgende behandelingskoste (BTW uitgesluit). Gewas Behandeling Skoonmaak Totale sisteem (R / 500 kg) Skoonmaak Gravitasietafel (R / 500 kg) *Behandeling (R/500 kg) Koring Orius / Ingwe Koring Galmano* Gars Redigo Hawer Shavit / Badger Korog Merkaptotion Let wel: * Slegs die koste van die chemiese middel. Behandelingskoste om slegs produk op saad toe te dien is R65.00 per 500 kg. 12. SAADSUIWERHEID EN ONTKIEMING Overberg Agri is weer bereid om monsters van graan wat teruggehou word om te plant, weg te stuur vir ontledings. Indien u in hierdie diens belangstel kan u duidelik gemerkte monsters by enige van ons silo s afgee. Veral op teruggehoude garssaad word voor saai ontledings sterk aanbeveel. Maak asseblief seker dat u saadbestellings ons betyds bereik en volledig ingevul is. Laat veranderings op bestellings en op saad reeds voorsien, verhoog die saadkoste en beïnvloed die beskikbaarheid. Dankie vir u vriendelike samewerking. Vriendelike groete J LUSSE BESTUURDER: PRODUKTE 27 OKTOBER 2015