DOEL VAN DIE KONSEP- OMVANGSVERSLAG

Transcriptie

1 OMGEWINGSIMPAKBEPALING: OMGEWINGSIMPAKBEPALING VIR DIE VOORGESTELDE 765 KV CAMDEN-MBEWU (THETA)-KRAGLYN NOVEMBER 2010 KONSEP-OMVANGSVERSLAG: NIE-TEGNIESE OPSOMMING DOEL VAN DIE KONSEP- OMVANGSVERSLAG Die doel van die Omvangsverslagfase is om potensiële positiewe en negatiewe omgewingsimpakte (sowel biofisies as maatskaplik) wat met die voorgestelde projek geassosieer word, te identifiseer en te skets. Die Omvangsverslag identifiseer alternatiewe en aspekte wat spesialisondersoek en bepaling tydens die Impakbepalingsfase sal vereis. Bestudeer asb hierdie nie-tegniese Opsomming en verkieslik die volledige Konsep-Omvangsverslag, en lê u kommentaar op die voorgestelde projek voor teen 8 Desember Vul 'n kommentaarblad in, skryf 'n brief, skakel of stuur 'n e-pos aan die Kantoor vir Openbare Deelname. Alle Omgewingsimpakbepalingdokumente sal ook beskikbaar wees op die webwerwe van Eskom ( en Zitholele Consulting ( /camden-theta). Kantoor vir Openbare Deelname Anelle Lötter of Florence Rambuda Zitholele Consulting (Edms) Bpk Posbus 6002, Halfway House, 1685 Tel: / 2075 Faks: E-pos: alotter@zitholele.co.za florencer@zitholele.co.za Tegniese navrae oor die OIB Jacqui Hex Zitholele Consulting (Edms) Bpk Posbus 6002, Halfway House, 1685 Tel: Faks: E-pos: jacquih@zitholele.co.za Wat is 'n Omgewingsimpakbepaling? Eskom Holdings (Edms) Bpk (Eskom) ondersoek die potensiële omgewingsimpakte wat die konstruksie van 'n 765 kv-kraglyn tussen Camden by Ermelo en Empangeni in die suidelike deel van Mpumalanga en die sentrale deel van KwaZulu-Natal kan hê. Ingevolge die Wet op Nasionale Omgewingsbestuur (No. 107 van 1998), soos gewysig, moet 'n Omgewingsimpakbepaling (OIB) gedoen word sodat die Departement van Omgewingsake (DO) die voorgestelde projek kan magtig. Zitholele Consulting (Edms) Bpk (Zitholele) doen die studie namens Eskom. 'n OIB is 'n proses wat die omgewingseienskappe van 'n voorgestelde projek en die gevolge vir die omgewing en mense wat daarin woon, in die vroegs moontlike stadium evalueer. Die doel is om die potensiële omgewingsimpakte te evalueer en om die omgewingsowerheid by te staan om te besluit of die projek gemagtig moet word of nie. Waar negatiewe impakte op die omgewing waarskynlik as gevolg van die projek sal ontstaan, kan maatreëls aanbeveel word om hierdie impakte te versag of te verminder tot 'n vlak waar dit aanvaarbaar is. Die proses bied 1 ook aan Belanghebbende en Geaffekteerde Partye (B&GP's) 'n geleentheid om kommentaar te lewer en op hoogte gehou te word van besluite wat hulle of die omgewing kan raak. Hierdie dokument is 'n nietegniese opsomming van die Omvangsverslag vir die OIB. Die doel is om te verduidelik wat voorgestel word en hoekom dit nodig is. Die alternatiewe wat oorweeg sal word betreffende torings/maste en waar om die voorgestelde kraglyne te plaas, word verduidelik. Die impakte wat na verwagting sal ontstaan, word beskryf en daar word aangedui hoe hierdie studie beoog om in die volgende stadium van die studie na die impakte te kyk. Die opsomming kan nie die omvattende Omvangbepalingsverslag vervang nie, maar dit bied 'n oorsig van daardie verslag se inhoud. Hoekom is die kraglyn nodig? Die Transmissienetkode bepaal dat die Transmissienetwerk aan die N-1 moet voldoen. Dit beteken dat die Transmissienetwerk die lading by verlies van enige van die kraglyne of toerusting sal kan lewer. Die Oostelike Netwerk voldoen tans nie daaraan nie en die probleem sal in die toekoms vererger as die lading in die streek toeneem.

2 KONSEP-OMVANGSVERSLAG: NIE-TEGNIESE OPSOMMING Die uitdaging met die Oostelike Netwerk is dat dit 'n radiale voerder is met lang transmissielyne van die kragontwikkelingsbron in die noorde. Die verlies van enige van die hooftoevoere na die netwerk sal meebring dat die netwerk baie na aan sy spanningstabiliteitperke sal funksioneer. Hierdie situasie (as dit ontstaan) sal lei tot wydverspreide verlies van kraglewering. Ten einde huidige en toekomstige netwerkbeperkings ingevolge N-1- gebeurlikhede in KwaZulu-Natal te verlig, word daar voorgestel om 'n 765 kvringtoevoer te bou. Die voorgestelde plan bestaan uit 765 kv-lyne van die ontwikkelingspoel in Mpumalanga, met twee lyne na die Empangeni-gebied en een lyn na die Pinetown-gebied. Daar word ook voorgestel dat die 765 kv-lyne na Empangeni en Pinetown deur twee 400 kvlyne gekoppel word. Hierdie planne word in fases uitgevoer, en hierdie Camden Theta-projek is die laaste fase. Verskeie ander OIB's is en word gedoen vir ander kraglyne in die gebied. Een daarvan is die OIB vir die voorgestelde Umfolozi- Empangeni 765 kv-kraglyn en die voorgestelde Mbewu (Theta)-substasie. Hierdie OIB nader sy einde en is aan die Department van Omgewingsake (DO) voorgelê vir 'n besluit oor omgewingsmagtiging. Die Mbewu (Theta)-substasie is nodig om die spanning van 765 kv tot 400 kv te verlaag ten einde die elektrisiteit verder te versprei. Hierdie OIB is vir die voorgestelde konstruksie van een 765 kv-kraglyn van die Camden-kragstasie naby Ermelo na die Mbewu (Theta)-substasie naby Empangeni. Hoekom 'n 765 kv-kraglyn? Die 765 kv-tegnologie het talle voordele. In die meeste gevalle is die grootte van die strukture en die reg van weg wat nodig is om 'n 765 kv-kraglyn te bou, vergelykbaar met lyne met laer spanning, maar 765 kvtransmissielyne is baie doeltreffender as lyne met laer spanning. Byvoorbeeld, een 765 kv-lyn met 'n serwituut van 94 meter breed kan dieselfde elektrisiteit dra as 15 dubbelkringlyne van 132 kv wat 'n serwituut van 325 meter sou vereis. Verder is transmissiestelsels wat vir 765 kv-kraglyne ontwerp is, betroubaarder as lyne wat teen laer spanningsvlakke werk. Met tot ses geleiers per fase is 765 kv-lyne feitlik vry van termiese oorbelastingsrisiko, selfs onder uiterste bedryfstoestande. Boonop toon statistieke oor kragonderbrekings dat 765 kv-kringe gemiddeld beduidend minder gedwonge uitdiensnemings ondervind as hulle 400 kv-eweknieë, en in normale bedryf was daar nog geen meerfasefoute op 765 kv-lyne nie. Dit is bekend dat dat die transmissie van elektrisieit met verskeie negatiewe omgewingsimpakte gepaard kan gaan. Die druk neem toe om alternatiewe maniere vir elektrisiteitstransmissie te kry, soos ondergrondse kabels en verskillende maniere om elektrisiteit op te wek ten einde die behoefte aan verspreiding te verminder (soos hernubare energiebronne by vraaggebiede, naamlik wind, son, hidro en gas). Hoewel dié ander vorms van energie ondersoek word, is steenkool- en kernkragstasies die twee primêre elektrisiteitsvoorsieningsopsies in Suid-Afrika, en dit sal nog geruime tyd so bly. Die vernaamste rede hiervoor is dat steenkoolen kernkragstasies die grootmaatelektrisiteit kan lewer wat dwarsdeur die dag nodig is, wat die basislaskapasiteit genoem word. Verder is ondergrondse kabels duur en het dit 'n groter impak. Gevolglik moet elektrisiteit bogronds vervoer word uit 2

3 KONSEP-OMVANGSVERSLAG: NIE-TEGNIESE OPSOMMING gebiede met groot steenkoolreserwes soos Mpumalanga. Eskom versterk tans sy transmissienetwerk deur middel van 765 en 400 kv bogrondse kraglyne in die KwaZulu-Natal-gebied. Hoe werk die elektrisiteitsnet? Elektrisiteit begin altyd by die punt waar krag opgewek word. Die meeste elektrisiteit in Suid-Afrika kom van steenkoolkragstasies. Steenkoolkragstasies ontwikkel die driefasige wisselstroom, soos dit bekend staan. Hierdie stroom verlaat die generator en gaan na 'n transmissiesubstasie naby die kragstasie. Hierdie substasie gebruik groot transformators om die generator se spanning (van duisende volt) om te skakel in uiters hoë spanning vir langafstandtransmissie oor die transmissienet. Tipiese spannings vir langafstandtransmissie in Suid-Afrika wissel van 132 kv tot 765 kv, en groot torings of maste van staal word gewoonlik gebruik. Al hierdie maste het drie stelle drade vir die drie fases. Baie maste het ekstra drade bo aan die maste. Dit is die gronddrade, wat hoofsaaklik vir weerligbeskerming bedoel is. Om krag in huise of besighede te kan gebruik, word dit van die transmissienet afgelaai en die spanning word verlaag vir die verspreidingsnet. Dit kan in verskeie fases geskied. Die plek waar die omskakeling van "transmissie" na "verspreiding" plaasvind, is 'n substasie. Wat word voorgestel? Eskom beoog om een 765 kv-kraglyn van ongeveer 360 km lank (afhangende van die alternatief) te bou. 'n 765 kv-kraglyn vereis 'n serwituut van 94 meter breed (104 meter in plantasiegebiede). Die maste/torings vir 765 kv-kraglyne is gemiddeld 56 meter hoog, afhangende van die draai/hoek waarteen die lyn loop en die topografie. Om die nuwe voorgestelde 765 kv-kraglyn by die bestaande kragnet in te skakel, is sekere opgraderings- of steuninfrastruktuur nodig by die beginpunt (Camdenkragstasie) en die eindpunt (Mbewusubstasie) van die kraglyn Hierdie infrastruktuurvereistes word by die OIB ingesluit en is soos volg: Camden-kragstasie: Bou 1x400 kv-transformatorvoerdervak; Bou 1x765 kv-transformatorvoerdervak; Voeg 'n 400/765 kv-transformator by. Mbewu (Theta)-substasie Bou 1x400 kv-transformatorvoerdervak; Bou 1x765 kv- transformatorvoerdervak; Bou 1x765 kv-transformatorvoerdervak; Voeg 2de 765/400 kv-transformator by. Die korridors wat vir die voorgestelde 765 kv-kraglyn ondersoek word, is 2 km breed. Die rede hoekom 'n korridor van 2 km vir 'n serwituut van 94 meter ondersoek word, is om te verseker dat die kraglyn verby enige potensiële maatskaplike en omgewingsensitiwiteite verskuif kan word wat die spesialiste in die Impakbepalingsfase van hierdie OIB identifiseer. Voorbeelde hiervan is: geboue, grafte, Rooidata-spesies, sensitiewe grondgebruike, watermassas, kritieke habitatte, ens. Tydens die onderhandelingsproses sal Eskom dan ook die lyn binne die goedgekeurde korridor kan verskuif as die grondeienaar sekere vereistes het betreffende bestaande of beoogde infrastruktuur. Waar sal die kraglyn geleë wees? Verskei kriteria is oorweeg om die alternatiewe korridors te identifiseer. Dit sluit in ekonomiese, tegniese, omgewings- en maatskaplike doenlikheid: Ekonomies: Lengte van kraglyn; Tegnies: Topografie en kleinste getal draaipunte; Omgewing: Watermassas; sensitiewe fauna en flora; bewaringsgebiede, versteurde gebiede. 3

4 KONSEP-OMVANGSVERSLAG: NIE-TEGNIESE OPSOMMING Maatskaplik: Erfenis, geboue, visueel (esteties) Op grond van bogenoemde kriteria is verskeie korridorsegmente geïdentifiseer (Sien kaart). Wat is die alternatiewe op projekvlak? Alternatiewe wat vir oorweging in die Impakbepalingsfase van die projek voorgestel word, is die volgende: Korridoralternatiewe (ligging) Toring / mas-ontwerp Geen kraglyn nie Drie tipes stukture sal op hierdie projek gebruik word (kyk bygaande figure), afhangende van die terreintipe. 15.0m 45.0m 40.0m 80.0m Servitude Dwarskabelhangtipe Toring Dit is belangrik om daarop te let dat die topografie grotendeels sal bepaal watter tipe toring gebruik sal word. Vanuit hierdie perspektief moet daarop gelet word dat vrystaande maste gebruik sal moet word op moeiliker terrein en waar die roete teen 'n sekere hoek van rigting verander. Geankerde Hangtipe Torings 41.0m average Watter impakte word verwag? 765 kv-kraglyne kan 'n verskeidenheid biofisiese en sosio-ekonomiese impakte op die omgewing hê. Impakte kan in die konstruksiefase asook in die bedryfsfase ontstaan. Hoewel die impakte tydens die konstruksiefase gewoonlik van korte duur is, kan party langduriger gevolge hê, soos die versteuring van plantegroei. 'n Omgewingsbestuursprogram (OBProg) vir die konstruksiefase sal opgestel en tydens die konstruksiefase uitgevoer word om hierdie aspekte te bestuur. Impakte tydens die bedryfsfase word gewoonlik as die langtermynimpakte beskou wat met die projek geassosieer word en sal deur verskeie spesialiste oorweeg word tydens die Impakbepalingsfase, bv die visuele impak. Die spesialiste sal ook maniere oorweeg om hierdie potensiële impakte te bestuur, en hierdie versagtingsmaatreëls sal in 'n OBProg vir die bedryfsfase opgeneem word. Die Omgewingsimpakverslag sal 'n raamwerk- OBProg bevat wat breedweg kyk hoe die potensiële impakte tydens konstruksie en bedryf bestuur kan word. Omdat die kraglyn verskeie impakte op die omgewing kan hê, het verskeie spesialiste die taak om sekere aspekte te ondersoek wat meer gedetailleerde ondersoek verg. Spesialiste sal aangestel word om onder meer die volgende te ondersoek: Visuele impak Maatskaplike impak Terrestriële ekologie-impak Grondsoorte en Grondkapasiteit Oppervlakwater Erfenisimpak Geraasimpak Elektromagnetiese golwe Impak op voëllewe. 'n Kort opsomming van die potensiële impak op elk van die omgewingselemente verskyn hierna. 4

5 KONSEP-OMVANGSVERSLAG: NIE-TEGNIESE OPSOMMING Luggehalte Kraglyne kan nie luggehalte deur emissies benadeel nie, maar tydens die konstruksiefase en instandhouding kan stof ontstaan deur die verwydering van plantegroei en die beweging van swaar voertuie. Geraas Kraglyne met 'n kapasiteit van 765 kv word met 'n gonsgeluid geassosieer. Dit moet verder ondersoek word om te bepaal hoe belangrik die geraas is en hoe dit nabygeleë grondgebruikers potensieel kan raak. Die ontwerp sal aan al die vereistes van die Wet op Beroepsgesondheid en Veiligheid voldoen. Visueel Die teenwoordigheid van 'n 765 kv-kraglyn verander die voorkoms van die landskap. Die grootte van die torings of maste is visueel oorheersend. Die omvang van die visuele impak hang af van die ligging van die torings met betrekking tot die topografie. Terrestriële ekologie Die oprigting van 'n kraglyn en gepaardgaande infrastruktuur het die potensiaal om habitat te vernietig wat belangrik kan wees vir biodiversiteit en ekostelselprosesse. Dit sluit die bou van toegangspaaie in. Akwatiese ekologie Geen toring of mas sal in enige watermassa geplaas word nie. Hoewel geen konstruksie in watermassas sal plaasvind nie, kan sedimentasie van watermassas voorkom as gevolg van die verwydering van plantegroei tydens konstruksie. Grondwater Tydens die lê van fondamente vir die voetstukke van torings/maste kan beton en koolwaterstowwe van swaar voertuie grondwaterbesoedeling veroorsaak. Besoedeling van grondwater sal gebruikers van grondwater in die gebied raak en kan 'n uitwerking hê op terrestriële en oppervlak akwatiese ekostelsels. Erfenishulpbronne Die uitgrawings vir die bou van voetstukke vir die torings/maste kan meebring dat argeologiese of kulturele (erfenis-) materiaal al langs die korridor vernietig of beskadig word. Ander geskiedkundige items kan deur konstruksiewerkers gevandaliseer word. Sosio-ekonomies Die kraglyn het potensieel 'n positiewe impak op plaaslike gemeenskappe en ekonomiese ontwikkeling in die gebied waar elektrisiteit verskaf word. Daar kan egter negatiewe impakte wees op gebiede waar grond verlore gaan deur die voorgestelde ontwikkeling wat oor eiendomme loop. Dis veral problematies in plantasie- en suikerrietgebiede waar geen aanplanting binne die serwituut gedoen mag word nie. Verder kan daar veranderinge (positief of negatief) in eiendomswaardes wees as gevolg van die ontwikkeling. Maatskaplik Serwitute vir die kraglyne op plase waaroor die goed-gekeurde korridor loop, sal deur Eskom gekoop moet word. Die verlies van grond vir boere kan 'n impak hê op die sekuriteit van baie boere se bestaan. Die verlies van grond raak ook die plaaswerkergemeenskap, wat kan sukkel om alternatiewe werk te kry. Laastens sal die boere en plaaslike inwoners wat nie vir die ontwikkeling uitgekoop word nie, waarskynlik 'n verandering ondervind in die maatskaplike omgewing waarin hulle lewe. Grondgebruikbeplanning Die voorgestelde kraglyn vereis 'n serwituut van 94 meter breed (104 meter in plantasiegebiede). Die voorgestelde kraglyn sal waarskynlik afwyk van die voorgestelde grondgebruikspatrone wat in die plaaslike beplanning geïdentifiseer is. Verkeer Tydens konstruksie sal daar 'n toename in voertuigverkeer op die bestaande paaie in die streek wees. Die meeste van hierdie paaie is tans in 'n swak toestand. Landbou Die verlies van landbougrond sal waarskynlik beduidend wees vir individuele grondeienaars as gevolg van die potensiële impak wat die projek vanuit die perspektief van sekuriteit van lewensonderhoud kan hê. 5

6 Wat is die Proses van Openbare Deelname? KONSEP-OMVANGSVERSLAG: NIE-TEGNIESE OPSOMMING Openbare deelname is 'n baie belangrike deel van die OIB-proses, want dit stel B&GP's in staat om inllgting te kry oor wat voorgestel word, om insette te lewer en om kwellinge te opper dwarsdeur die projek.die Konsep-Omvangsverslag vir die voorgestelde 765 kv-kraglyn sal vanaf 8 November tot 8 Desember 2010 by die openbare plekke hier onder genoem beskikbaar wees ter insae. Die Konsep- Omvangsverslag sal van 15 tot 22 November 2010 voorgehou word op openbare vergaderings op die plekke hieronder genoem. OPENBARE PLEK KONTAK KONTAKNOMMER ADRES Amersfoort Openbare Me Simangele Masina (017) Hoek van Bree- en Pleinstraat, AMERSFOORT Dumbe Openbare Me Nokwazi Mahaye (034) Langs Dumbe-gemeenskapsaal, DUMBE Empangeni Openbare Me Marika van Kraayenburg (035) Hoek van Union- en Commercialweg, EMPANGENI Ermelo Openbare Mnr Stanley Dondolo (017) Hoek van Kerk- en Tautestraat, Burgersentrum, ERMELO Gluckstad-kliniek Mnr N G Qwane (034) Gluckstad / Gelukstad Melmoth Openbare Me Zama Shezi (035) Rheinholbstraat 21, MELMOTH Nondweni Openbare Mnr Bhekithemba Magwaza (034) Langs Taxistaanplek en Kliniek, NQUTU Paulpietersburg Openbare Piet Retief Openbare Me Nokwazi Mahaye (034) Highstraat 10, PAULPIETERSBURG Me Sebenzile Khayezi (017) Retiefstraat 10 B, PIET RETIEF Ulundi Openbare Me Nomsa Maphumulo (035) Hoek van Princes Magogo- en King Zwelethinistraat, ULUNDI Utrecht Openbare Me Sizakele Magubane (034) Voorstraat 34, UTRECHT Volksrust Openbare Me Ria de Jager (017) Hoek van Laingsnek- en Joubertstraat, VOLKSRUST Vryheid Openbare Me Vuyisile Mtshali (034) Hoek van High- en Markstraat, VRYHEID Wakkerstroom Openbare Die Konsep-Omvangbepalingsverslag kan by die volgende plekke besigtig word Me Lesly Lavarack (017) Van Riebeekstraat 156, WAKKERSTROOM Datums en plekke waar openbare vergaderings gehou sal word DATUM TYD GEBIED PLEK EN ADRES Maandag 15 November :00 ERMELO Nooitgedacht-proefplaas op die N17 net buite Ermelo Dinsdag, 16 November :30 PIET RETIEF Anglikaanse kerksaal, hoek van Draad- en Kerkstraat Dinsdag, 16 November :00 VOLKSRUST Stadsaal, Hoek van Laingsnek- en Joubertstraat Dinsdag, 16 November :00 WAKKERSTROOM Stadsaal, Van Riebeekstraat 156 Woensdag, 17 November :30 UTRECHT Stadsaal, Voorstraat Woensdag, 17 November :00 PAUL PIETERSBURG KZ 261-beheersentrum Donderdag, 18 November :30 VRYHEID Landbousakekamer, Stretchsingel Donderdag, 18 November :00 SWART MFOLOZI Swart Mfolozi-gemeenskapsaal Maandag, 22 November :00 ULUNDI Veeldoelsaal, Hoek van Princes Magogo- en King Zwelethinistraat Dinsdag, 23 November :30 MELMOTH Stadsaal, 21 Rheinholbstraat 21 Dinsdag, 23 November :00 EMPANGENI Burgersentrum, saal, Hoek van Commercial- en Turnbullstraat 6

7 U het tot 8 Desember 2010 'n geleentheid om kommentaar en kwellings voor te lê, waarna die verslag bygewerk sal word waar nodig om die kommentaar en kwellings wat geopper is, te weerspieël. KONSEP-OMVANGSVERSLAG: NIE-TEGNIESE OPSOMMING Wat is die pad vorentoe? Die Konsep-Omvangbepalingsverslag sal gefinaliseer word om kommentaar en kwellings te weerspieël en sal dan aan die DO voorgelê word. Die DO sal óf die aansoek verwerp óf die aansoeker gelas om met die Impakbepalingsfase voort te gaan, hetsy soos in die Studieplan vir die OIB voorgestel of hy sal vereis dat wysigings aan die Omvangsverslag en/of die Studieplan vir die OIB aangebring word voordat voortgegaan word. Hierdie dokument is in Zulu en Engels beskikbaar Kennisgewings van die OIB word per e-pos gestuur en beskikbaar gestel aan diegene wat as belanghebbende en geaffekteerde partye geregistreer het. Stuur asb u kommentaarblad aan ons sodat ons u kan registreer. Afgesien van die terreinkennisgewings wat langs die verskillende alternatiewe korridors aangebring word, word advertensies in die volgende koerante geplaas: Ekasi News, Highveld Tribune Ermelo, Highvelder, Newcastle Advertiser, Newcastle Express, Northern Natal Farmer, Northern Natal Courier, Recorder, Cosmos News, Inkanyezi, Vryheid Herald, Excelsior News, Umlozi Wezindaba, Zululand Observer, eshowe Watch, Zululand Fever, Beeld en Isolezwe. 7

8 28 0'0" S 27 0'0" S N '0" S 27 0'0" S