B E S I G H E I D S O O R S I G

Transcriptie

1 BESIGHEIDSOORSIG

2

3 FINANSIËLE HOOFTREKKE Vyftien maande geëindig 30 Junie 2011 Twaalf maande geëindig 31 Maart 2010 % verandering WESENSVERDIENSTE PER AANDEEL c 690.1c 56.8 VERDIENSTE PER AANDEEL c 629.4c WESENSVERDIENSTE R5 555m R3 355m 65.6 VERDIENSTE netto wins vir die tydperk R10 841m R3 060m Dividende per aandeel Gewoon c c 50.2 Tussen c 84.00c 20.2 Finaal c c 70.4 Netto batewaarde per aandeel (toeskryfbaar aan eie lede) teen intrinsieke waarde R R Remgro-aandeelprys Sluitingsprys per aandeel op 30 Junie (31 Maart) R R Persentasie diskonto teenoor netto batewaarde 17.9% 19.4% (7.7) DIVIDENDDEKKING Sent WPA: WESENSVERDIENSTE PER AANDEEL Keer * WPA Dividenddekking * WPA van voortgesette bedrywighede (na die ontbondeling van British American Tobacco Plc gedurende November 2008) REMGRO BEPERK 3 GEÏNTEGREERDE JAARVERSLAG

4 ONS BESIGHEID Remgro Beperk (Remgro of die maatskappy) is n beleggingshouermaatskappy. Ons belange bestaan hoofsaaklik uit beleggings in die volgende industrieë: > Bankwese en finansiële dienste; > Mediese dienste; > Voedsel, wyn en spiritualieë; Remgro, wat oorspronklik in die 1940 s deur wyle dr Anton Rupert as n tabakvervaardiger tot stand gebring is, se beleggingsportefeulje bestaan tans uit meer as 30 maatskappye waarin belê is. Die maatskappy is op die Johannesburgse Aandelebeurs (JSE), wat in Suid-Afrika deur JSE Beperk bedryf word, onder Nywerhede Gediversifiseerde Nywerhede genoteer, met die aandelekode REM. >Petroleumprodukte; >Glasprodukte; >Mynbou; > Media; en >Tegnologie ONS BENADERING TOT VERSLAGDOENING Die aanvaarding van die derde King-verslag oor bestuur vir Suid-Afrika (King III) in 2010, en die spesifieke vereistes daarvan vir geïntegreerde verslagdoening, word weerspieël deur die veranderinge wat in die beskrywende struktuur van hierdie jaarverslag gemaak is. Die 2011 geïntegreerde jaarverslag verskaf n meer holistiese oorsig van Remgro se besigheidsmodel en oor hoe die maatskappy, asook beleggings, bestuur word. In hierdie opsig was die hooffokus om n meer volledige ontleding van ons besigheid te gee ten einde die inligtingsbehoefte te bevredig van die wye reeks belanghebbendes wat die jaarverslag gebruik. Om seker te maak dat alle wesentlike kwessies hanteer word wat ons en ons belanghebbendes raak, word ook oor die volgende sake gerapporteer: >Ons sakemodel; en > Ons belangrikste besigheidsrisiko s, soos deur die geïn te greerde risikobestuursproses ge ïden tifiseer. REMGRO BEPERK 4 GEÏNTEGREERDE JAARVERSLAG

5 OMVANG EN GRENSE VAN ONS VERSLAG Remgro is n beleggingshouermaatskappy en daarom dui alle verwysings na die groep in hierdie konteks op die maatskappy en sy filiale. In die bepaling van die parameters vir hierdie verslag, is die Global Reporting Initiative TM (GRI) Boundary Protocol as riglyn gebruik. Openbaarmaking is gevolglik beperk tot daardie ondernemings waar die groep beheer uitoefen oor finansiële en bedryfsbeleid, behalwe waar sodanige ondernemings die relevante inligting in hul eie jaarverslae publiseer. Tans het Remgro drie wesentlike bedryfsfiliale, te wete Rainbow Chicken Beperk (Rainbow Chicken), Tsb Sugar Holdings (Edms) Beperk (Tsb Sugar) en Wispeco Holdings Beperk (Wispeco). Aangesien Rainbow Chicken ( n 74%-filiaal) op die JSE genoteer is, is volle dige inligting oor sy finansiële, volhoubaarheids- en maatskaplike vertoning op sy webblad beskikbaar. Beide Tsb Sugar en Wispeco is ongenoteerde volfiliale, met outonome direksies, wat op n gedesentraliseerde basis as onafhanklike ondernemings bedryf en bestuur word. Gegrond op bogenoemde, en die feit dat die twee maatskappye net 4.5% van Remgro se intrinsieke netto batewaarde verteenwoordig, word slegs opgesomde nie-finansiële openbaarmaking ten opsigte van die maatskaplike en omgewingsvertoning van hierdie maatskappye verskaf. Dit is in ooreenstemming met Remgro se verslagdoening oor die finansiële vertoning van hierdie maatskappye. In navolging van die filosofie hierbo, bestuur Remgro alle maatskappye waarin belê word op dieselfde gedesentraliseerde grondslag, ongeag of dit filiale, geassosieerdes of gesamentlike ondernemings is. Daarom word inligting wat verband hou met die maatskaplike en omgewingsvertoning van filiale, geassosieerdes en gesamentlike ondernemings, waar Remgro nie bedryfsbeheer uitoefen nie, nie deur hierdie verslag gedek nie. Inligting word egter wel verskaf in gevalle waar wesentlike volhoubare ontwikkelingskwessies ter sprake is. Tensy anders aangedui, hou alle openbaarmaking met betrekking tot maatskaplike en omgewingsvertoning slegs verband met Remgro se werksaamhede by sy hoofkantoor op Stellenbosch. In die tydperk onder oorsig het Remgro sy finansiële jaareinde van 31 Maart na 30 Junie verander. Die geïntegreerde jaarverslag behandel dus die resultate vir die vyftien maande geëindig 30 Junie Meer inligting oor die verandering in die jaareinde verskyn in die verslag van die hoof finansiële beampte op bladsy 29. EIENAARSKAPSTRUKTUUR Remgro se uitgereikte aandelekapitaal bestaan uit die volgende twee klasse aandele: > Gewone aandele van 1 sent elk wat op die JSE genoteer is; en > Ongenoteerde B-gewone aandele van 10 sent elk. Elke gewone aandeel het een stem, terwyl elke B-gewone aandeel tien stemme het. Alle ongenoteerde B-gewone aandele word deur Rembrandt Trust (Edms) Beperk (Rembrandt Trust) gehou, n maatskappy wat in Suid-Afrika geïnkorporeer is en as voertuig vir die Rupert-gesinsbelange in Remgro dien. Op 30 Junie 2011 was die ongenoteerde B-gewone aandele geregtig op 42.61% (31 Maart 2010: 42.64%) van die totale aantal stemme van aandeelhouers van die maatskappy. n Ontleding van die grootste aandeelhouers verskyn op bladsy 200 en 201. REMGRO BEPERK 5 GEÏNTEGREERDE JAARVERSLAG

6 MAATSKAPPY GESKIEDENIS 1990 S 1940 S Remgro Beperk (Remgro) se ontstaangeskiedenis dateer uit die veertigerjare van die vorige eeu toe die groepstigter, dr Anton Rupert, die tabakmaatskappy Voorbrand in Johannesburg, Suid-Afrika, tot stand gebring het. Dit was die voorloper van Rembrandt Groep Beperk (Rembrandt). Rembrandt is in 1948 geïnkorporeer. Rembrandt het die Suid-Afrikaanse sigaret- en tabak bedryf in 1948 betree en in die vyftigerjare na die buiteland uitgebrei en verskeie internasionale vennootskappe gevestig. Rembrandt se belange in die wyn- en spiritualieëbedryf dateer ook uit die 1940 s toe dr Rupert en dr D W R Hertzog Distillers Korporasie gestig het S Rembrandt is in 1956 op die JSE Beperk Suid-Afrika genoteer S Rembrandt se oorsese tabakbelange is in 1972 gekonsolideer in Rothmans International, wat op die Londense Aandelebeurs genoteer was. Sedert die jare sewentig het Rembrandt sy belange buite tabak en drank uitgebrei deur beleggings te maak in verskeie ander ekonomiese sektore in Suid- Afrika, waaronder bankwese en finansiële dienste, mynbou, drukwerk en verpakking, mediese dienste, ingenieurswese en voedselbelange S n Skeiding tussen die binne- en buitelandse belange van Rembrandt is bewerkstellig deur die totstandkoming in 1988 van Compagnie Financière Richemont AG (Richemont) n Switserse genoteerde luuksegoederegroep wat toe ook die aandele in Rothmans International bekom het. Gedurende 1993 was Rembrandt n medestigter in Suid-Afrika se eerste selfoonmaatskappy Vodacom, wat uiteindelik in 2006 deur VenFin Beperk (VenFin) verkoop is. In 1995 het Rembrandt en Richemont hul tabakbelange saamgevoeg in Rothmans International, in daardie stadium die vierde grootste sigaretvervaardiger in die wêreld. Dit is toe gedenoteer en in 1999 is hierdie belange met dié van British American Tobacco Plc (BAT), die wêreld se naasgrootste sigaretvervaardiger, saamgesmelt. Sedertdien was die belegging in BAT gehou deur n gesamentlike houermaatskappy waarin Rembrandt (nou Remgro) en Richemont onder skeidelik n belang van 33⅓% en 66⅔% gehou het. Na hierdie herstrukturering het Rembrandt n beleggingshouermaatskappy geword met geen operasionele aktiwiteite nie Die herstrukturering van Rembrandt is in September 2000 verder gevoer toe die Suid-Afrikaanse piramide-beheerstruktuur, bestaande uit vier genoteerde maatskappye, plek gemaak het vir slegs twee genoteerde maatskappye, Remgro en VenFin. Na die herstrukturering het Remgro Rembrandt se gevestigde belange in tabak, finansiële dienste, mynwese en nywerheid verteen woordig, terwyl die telekommunikasie- en tegnologiese belange in VenFin gehuisves was Gedurende November 2008 het Remgro sy belegging in BAT aan aandeelhouers ontbondel by wyse van n tussendividend in specie ten bedrae van n totale bedrag van R55.2 miljard. Ná die BAT-ontbondeling het die groep se oorblywende belange hoofsaaklik bestaan uit beleggings in bank wese en finansiële dienste, drukwerk en verpakking, motorkomponente, glasprodukte, mediese dienste, mynwese, petroleumprodukte, voedsel, wyn en spiritualieë en verskeie ander handelsmerkprodukte Gedurende November 2009 het Remgro en VenFin weer saamgesmelt, wat media- en tegnologiebelange by die groep se beleggings gevoeg het. REMGRO BEPERK 6 GEÏNTEGREERDE JAARVERSLAG

7 GROEPSTRUKTUUR OP 30 JUNIE 2011 REMGRO BEPERK (BELANGRIKSTE BELEGGINGS) GEASSOSIEERDE MAATSKAPPYE EN ANDER FINANSIËLE DIENSTE 31.5% RMBH 34.9% RMI Holdings 4.0% FirstRand NYWERHEIDSBELANGE 50.0% Air Products South Africa 33.5% Distell 42.3% Kagiso Trust Investments 45.2% Mediclinic 28.5% PGSI 24.9% Total South Africa 25.8% Unilever South Africa FILIAALMAATSKAPPYE NYWERHEIDSBELANGE 100.0% Tsb Sugar 100.0% Wispeco 73.6% Rainbow KORPORATIEF EN ANDER BELANGE 100.0% Remgro Finansieringskorporasie 100.0% Remgro Bestuursdienste 100.0% Remgro International Jersey Persentasies verteenwoordig die effektiewe belange gehou. Bylae A en B in die finansiële verslag gee meer besonderhede van filiaalmaatskappye en beleggings. MEDIABELANGE 31.6% Sabido 34.5% MARC MYNBELANGE 4.4% Implats TEGNOLOGIEBELANGE 43.8% CIV groep 25.0% SEACOM 34.4% Tracker ANDER BELEGGINGS 29.8% Business Partners REMGRO BEPERK 7 GEÏNTEGREERDE JAARVERSLAG

8 UITVOERENDE BESTUURSTRUKTUUR HOE REMGRO BESTUUR WORD M H Visser (57) W E Bührmann (56) L Crouse (58) J J Durand (44) HOOFUITVOERENDE BEAMPTE BELEGGINGS HOOF FINANSIËLE BEAMPTE HOOF BELEGGINGSBEAMPTE BComm (Hons), GR(SA) BComm, STR GR(SA) BComm, STR GR(SA) BRek (Hons), MPhil, GR(SA) Diensjare by die groep: 31 Diensjare by die groep: 24 Diensjare by die groep: 3 Diensjare by die groep: 15 Remgro Beperk se direksie lei en beheer die groep in alle sake van wesentlike of strategiese aard wat n uitwerking op die reputasie en prestasie van die groep kan hê. Na die suksesvolle verkryging van VenFin Beperk in November 2009 is n bestuursraad saamgestel as subkomitee van die direksie wat hoofsaaklik verantwoordelik is vir: die vasstelling van beleid, die monitoring en bestuur van bestaande beleggings, die identifisering en aanbeveling van nuwe beleggingsgeleenthede en die uitvoering van die direksie se besluite en strategie. Ander sake, soos opgedra deur die direksie, word op senior bestuursvlak gehanteer, soos toegelaat ingevolge n formele delegering van gesag wat die perke bepaal van delegerings- en goedkeuringsmandate. Die bestuursraad, saam met senior bestuur, streef daarna om n kultuur van nakoming en goeie bestuur oral in die Remgro-groep te vestig. Op 30 Junie 2011 het die bestuursraad uit sewe lede bestaan, waarvan al ses uitvoerende direkteure, asook die hoof van Remgro se korporatiewe finansiële afdeling, mnr Neville Williams. Die skematiese voorstelling op bladsy 9 ver skaf meer besonderhede oor die dag-tot-dag-verant woorde likhede en die gedelegeerde magte van die individuele lede van die bestuursraad. REMGRO BEPERK 8 GEÏNTEGREERDE JAARVERSLAG

9 J W Dreyer (60) J A Preller (61) N J Williams (47) BELEGGINGS KORPORATIEWE SAKE KORPORATIEWE FINANSIES BComm, LLB, H Dip Co Law, H Dip Tax BEcon BComm (Hons), GR(SA) Diensjare by die groep: 11 Diensjare by die groep: 39 Diensjare by die groep: 17 DIREKSIE KORPORATIEWE SAKE J A PRELLER TESOURIE HOOFUITVOERENDE BEAMPTE M H VISSER BESTUURSRAAD HOOF FINANSIËLE BEAMPTE L CROUSE HOOF BELEGGINGSBEAMPTE J J DURAND FINANSIES MENSLIKE HULPBRONNE SEKRETARIEEL STRATEGIESE BELEGGINGS J W DREYER NUWE BELEGGINGS W E BÜHRMANN KORPORATIEWE FINANSIES N J WILLIAMS WAAGKAPITAAL REMGRO BEPERK 9 GEÏNTEGREERDE JAARVERSLAG

10 KERNDOELWITTE EN VERNAAMSTE GEÏNTEGREERDE RISIKO S REMGRO SE KERNDOELWITTE Bestuur met die doel om waardeskepping en volhoubare groei te maksimeer > Ons fokus op die skepping van aandeelhouers waarde en volhoubare groei deur in onder nemings te belê wat voortreflike groei in verdienste en dividende oor die lang termyn kan voorsien; > Hierdie doelwit word ondersteun deur Remgro se beleggingsfilosofie en strategie, asook sy begrip van al die risiko s en geleenthede verbonde aan die groep se beleggingsportefeulje; en > Hierdie risiko s en geleenthede word deurlopend opgeweeg teen die risiko-aptyt en risikodraende vermoë, soos deur die direksie bepaal. Om eties sake te doen > Deur altyd die impak van die maatskappy se strategie op die kommersiële volhoubaar heid daarvan, die ekonomiese lewe van die gemeenskap waarin dit sake bedryf en die omgewing in aanmerking te neem en sodoende as n verantwoordelike korporatiewe burger en belegger op te tree; > Leierskap gegrond op n etiese fondasie lei tot n natuurlike kultuur van etiese en morele gedrag en die nakoming van wette, reëls, kodes en standaarde; en > Daardeur die onderneming as n voorkeurbeleggingsvennoot te posisioneer. REMGRO BEPERK 10 GEÏNTEGREERDE JAARVERSLAG

11 VERNAAMSTE GEÏNTEGREERDE RISIKO S Remgro se drie vernaamste risiko s word hieronder saamgevat. n Meer omvattende ontleding van ons risikobestuursproses word in die Risikobestuursverslag gegee, terwyl die belangrikste finansiële risiko s, RISIKO Die vernietiging van waarde deur die swak bestuur van bestaande beleggings, insluitende die bestuur van die maatskappye waarin belê is. insluitende dié wat verband hou met die wêreldekonomie en wisselkoerse, in die verslag van die hoof finansiële beampte behandel word. KONTEKS Die suksesvolle bestuur van beleggings is afhanklik van goeie insig in die besigheid van die maatskappye waarin belê word en ook in die identifisering van die mees geskikte Remgro-bestuurders om die maatskappy in die direksies van hierdie ondernemings te verteenwoordig. Die verlies van waarde of die geleentheid om waarde te skep weens onbekwame of ondoeltreffende identi f i sering of verkryging van nuwe beleggings of disinvestering uit bestaande beleggings. Gesonde beleggingsevalueringsprosesse en gekwalifiseerde personeel moet in plek wees om swak beleggings- en disinvesteringsbesluite te voorkom. Die risiko van finansiële en/of verlies aan reputasie wat toegeskryf kan word aan die aanstelling van ontoereikende uitvoerende direkteure en/of beamptes. Die aanstelling van ontoereikende personeel kan negatiewe gevolge vir die maatskappy se reputasie hê. Die beoordeling van nuwe senior aanstellings en opvolgbeplanning is dus deurslagggewend vir die sukses van die maatskappy. VERNAAMSTE GEÏNTEGREERDE VOLHOUBAARHEIDSDRYFVERE Die volgende aspekte word as fundamenteel vir volhoubare groei en welvaartskepping beskou: > Remgro se grootte en invloed stel hom in staat om beduidende belange te bekom in ondernemings wat groot genoeg is om n wesentlike uitwerking op Remgro se resultate te hê; > Die beskikbaarheid van surplus kontant stel Remgro in staat om nuwe beleggings te maak of om sy belang te verhoog in beleggings wat goed presteer of om groeigeleenthede te befonds deur middel van aandeelhouerlenings; en > Die vermoë om deur middel van bekwame en ervare bestuurders waarde toe te voeg tot maatskappye waarin belê word. REMGRO BEPERK 11 GEÏNTEGREERDE JAARVERSLAG

12 ONS BESIGHEIDSMODEL HOE BELEGGINGS BESTUUR WORD Soos vroeër aangedui, het Remgro n belang in drie wesentlike bedryfsfiliale, te wete Rainbow Chicken (genoteer), sowel as Tsb Sugar en Wispeco (beide ongenoteer). Vanweë sy filosofie van gedesentraliseerde bestuur, het al drie hierdie maatskappye selfstandige direksies en bestuurstrukture en oefen Remgro slegs sy invloed uit deur nie-uitvoerende verteenwoordiging in die direksies van hierdie maatskappye. Remgro se ander beleggings bestaan uit beide genoteerde en ongenoteerde maatskappye wat nie deur Remgro beheer word nie en wat meesal geassosieerde maatskappye en gesamentlike ondernemings is vanweë die aansienlike invloed of gesamentlike beheer wat Remgro deur sy direksieverteenwoordiging uitoefen. Waar Remgro nie direksieverteenwoordiging het nie, word beleggings as portefeuljebeleggings gehanteer. Remgro bestuur sy beleggings op n gedesentraliseerde grondslag en sy betrokkenheid is hoofsaaklik gemik op die bestuur van maatskappye waarin belê is, asook steunverlening, eerder as inmenging in die dag-tot-dag-bestuur van sake-eenhede. Die direksie van Remgro Beperk beskou dit in die beste belang van alle betrokkenes om die gedesentraliseerde besigheidsmodel te respekteer, asook die feit dat hierdie besighede aparte wetlike entiteite verteenwoordig. Die steun wat aan beleggingsmaatskappye verleen word, kan in die vorm van finansiële en/of bestuursdienste wees, of die ontsluiting van waarde deur n gunstige omgewing vir moontlike transaksies te skep. Daar moet beklemtoon word dat bogenoemde bestuurs filosofie vir alle beleggingsmaatskappye geld, ongeag die vlak van beheer wat uitgeoefen kan word. Aandeelhouersooreenkomste bestaan vir Remgro se geassosieerdes en gesamentlike ondernemings waar daar ook ander groot aandeelhouers betrokke is. Hierdie ooreenkomste beskerm die maatskappy se regte as aandeel houer en beperk risiko s tot n minimum. Ingevolge hierdie ooreenkomste het Remgro n besluitnemingsbetrokkenheid by n duidelik omskrewe lys kernaangeleenthede wat hierdie ondernemings raak, soos die aanstelling of verwydering van direkteure, besig heidstrategie, groot kapitale uitgawes, asook samesmeltings, verkrygings en vervreemdings. As n aandeelhouer van die maatskappye waarin belê word, oefen Remgro ook sy aandeel houersregte uit om sover as moontlik te verseker dat die betrokke ondernemings aan sy vereistes voldoen ten opsigte van sake soos bestuur, interne beheer, finansiële bestuur, risikobestuur, wetlike nakoming, veiligheid, gesondheid en omgewingsbestuur, interne oudit, etiese bestuur, inligtingsbestuur, verhoudinge met belanghebbendes en volhoubaarheid. REMGRO BEPERK 12 GEÏNTEGREERDE JAARVERSLAG

13 BELEGGINGSFILOSOFIE Remgro belê in besighede wat voortreflike verdienste en dividendgroei oor die lang termyn kan lewer. Dit behels die verkryging van betekenisvolle belange in maatskappye om n beduidende invloed te kan uitoefen. Goeie bestuur en die vermoë om sterk kontantopbrengste en groei te genereer, is belangrike beleggingsmaatstawwe. Remgro fokus op die Suider- Afrikaanse mark, maar internasionale geleenthede, saam met gerespekteerde vennote sal oorweeg word. Remgro gaan strategiese verbintenisse op n vennootskapsgrondslag aan en beywer hom om, waar moontlik, waarde toe te voeg. Die doel is om voortreflike opbrengste by wyse van dividend- en kapitaalgroei aan aandeelhouers te verseker. Nie-finansiële beleggingsmaatstawwe sal onder andere insluit: > Voordele van produkte en die lewensiklus daarvan; > Bestaande kultuur en etiek van die direksie en bestuurspan; > Ekologiese voetspoor van die onderneming; en > Maatskaplike voordeel van die onderneming. Met bogenoemde in gedagte, kan Remgro se beleg ging - strategie soos volg opgesom word: > Klem op beleggings wat n betekenisvolle bydrae tot Remgro se verdienste gaan maak; > Streef daarna om beduidende invloed en direksieverteenwoordiging te bekom; > Verwag beleggingsopbrengste groter as Remgro se Geweegde Gemiddelde Koste van Kapitaal; > Voorkeur vir ongenoteerde beleggings; > Beleggings in genoteerde ondernemings waar Remgro waarde oor die lang termyn kan identifiseer; > Fokus op Suid-Afrikaanse beleggings; en > Oorweeg oorsese beleggings op n oppor tunis tiese grondslag. REMGRO BEPERK 13 GEÏNTEGREERDE JAARVERSLAG

14 BEGRIP VIR DIE BESIGHEID VAN N BELEGGINGSHOUERMAATSKAPPY ALGEMEEN Die besigheid van n beleggingshouermaatskappy verskil aansienlik van dié van n bedryfsmaatskappy. In laasgenoemde geval word produkte en/of dienste teen n sekere bruto winsmarge verkoop, waardeur inkomste en kontantinvloei vir die betrokke onderneming verkry word. Sterk kontantvloei en aandeelhouerswaarde word gevolglik geskep deur inkomste te verhoog, uitgawes te verlaag en bedryfsdoeltreffendhede te optimaliseer. Dit verhoog die netto wins waaruit dividende aan aandeelhouers betaal kan word. In die geval van n beleggingshouermaatskappy word geen produkte en/of dienste verkoop nie. Dit, saam met die spesifieke rekeningkundige hanter ing wat vir verskillende klasse beleggings vereis word in terme van Internasionale Finansiële Rapporteringstandaarde, het die effek dat die netto wins van n beleggingshouermaatskappy nie altyd n billike weerspieëling van sy onderliggende kontantvloei en finansiële welstand is nie. Net so sal die verskil in netto wins tussen verslagdoeningstydperke nie altyd n goeie aanduiding wees van die tendens in dividendbetalings aan aandeelhouers nie. Die waarde en vertoning van die onderliggende beleggings, eerder as die bedrywighede op houermaatskappyvlak, sal in n groot mate die waarde bepaal wat deur beleggingshouermaatskappye vir aandeelhouers geskep word. In die afdeling hieronder word meer inligting oor die volgende verskaf: > Hoe ons ons geld maak; en > Uitkerings aan aandeelhouers. HOE ONS ONS GELD MAAK Om te weet hoe Remgro sy geld maak, moet sy gerapporteerde resulate eerstens verstaan word. Remgro se statutêre gerapporteerde netto wins bestaan hoofsaaklik uit die volgende: > Gekonsolideerde resulate van sy bedryfsfiliale, te wete Rainbow Chicken, Tsb Sugar en Wispeco; > Ekwiteitsverantwoorde resultate van sy beleg gings in geassosieerdes en gesamentlike ondernemings, bv. FirstRand, RMBH en Mediclinic, die drie grootste bydraers tot netto wins; > Wins gerealiseer met die verkoop/distribusie van beleggings; > Dividende ontvang van maatskappye waarin belê is en wat nie as filiale, geassosieerdes en gesamentlike ondernemings geklassifiseer is nie, bv. Implats en Caxton; > Rente ontvang op surplus kontant; > Netto korporatiewe koste, insluitende vergoeding en ander voordele betaal aan werknemers; en >Belasting Soos uit bogenoemde blyk, word dividende ontvang van bedryfsfiliale, geassosieerdes en gesamentlike ondernemings nie in Remgro se gerapporteerde netto wins ingesluit nie. Daarby word enige gerealiseerde wins op die verkoop/distribusie van beleggings ook by die gerapporteerde wesensverdienste in terme van SA AARP uitgesluit. As beleggingshouermaatskappy, en in teenstelling met die hantering van resultate ingevolge rekeningkundige standaarde, bestaan Remgro se hoofbron van inkomste uit dividende en rente ontvang, sowel as kontant ontvang by die realisering van beleggings en lenings. REMGRO BEPERK 14 GEÏNTEGREERDE JAARVERSLAG

15 Die beste beraming van Remgro se wins op houermaatskappyvlak ( by die kern ) moet, volgens ons mening, die volgende insluit: > Dividende ontvang van maatskappye waarin belê is; > Rente ontvang op surplus kontant; > Kontant ontvang by die realisering van beleg gings en lenings; > Netto korporatiewe koste, insluitende die ver goeding en ander voordele betaal aan werknemers; > Belasting betaal; en > Wisselkoersveranderinge op surplus kontant. Die netto resultaat van bogenoemde is kontant wat by die kern beskikbaar is om nuwe beleggings te maak en/of dividende aan aandeelhouers te betaal. Gegewe die aard daarvan as n beleggingshouermaatskappy, en die aansienlike kontant wat beskikbaar is, word kontantbestuur en die beheer van tesourierisiko s as baie belangrik beskou. Dit sluit die bestuur van bewegings in buitelandse wisselkoerse in, wat in meer besonderhede in die hoof finansiële beampte se verslag behandel word op bladsy 29. Verwys ook na bladsy 34 vir n gedetailleerde ontleding van kontantbewegings by die kern vir die tydperk onder oorsig. Remgro beoordeel sy vertoning verder aan die hand van die toename in sy intrinsieke netto batewaarde. Dit meet die groei in die onderliggende waarde van die onderskeie maatskappye waarin belê is. Verwys na die hoof beleggingsbeampte se verslag op bladsy 38 vir n meer gedetailleerde ontleding van Remgro se intrinsieke netto batewaarde. UITKERINGS AAN AANDEELHOUERS Dividende aan aandeelhouers word befonds uit dividendinkomste en rente ontvang by die kern. Ten opsigte van normale dividende aan aandeelhouers, is dit die doel van die maatskappy om aandeelhouers te voorsien van n konstante jaarlikse dividendvloei, wat hulle ten minste teen inflasie beskerm, deur die ekonomiese siklusse. Soos in die verlede, in spesiale omstandighede, sal die maatskappy ander uitkerings in die vorm van spesiale dividende of die ontbondeling van beleggings aan aandeelhouers, oorweeg. REMGRO BEPERK 15 GEÏNTEGREERDE JAARVERSLAG

16 SEWEJAAR-OORSIG GEKONSOLIDEERDE INKOMSTESTATE Vyftien maande geëindig 30 Junie Twaalf maande geëindig 31 Maart R miljoen Wins voor inagname van die onderstaande Nie-herhalende en kapitale items en waardedalings (188) Gekonsolideerde wins voor belasting Belasting (480) (309) (945) (419) (403) (857) (417) Gekonsolideerde wins na belasting Belang in na-belaste wins van geassosieerde maatskappye en gesamentlike ondernemings Netto wins na belasting Nie-beherende belang (107) (106) (94) (160) (185) (398) (407) Toeskryfbare netto wins vir die tydperk Wesensverdienste Wesensverdienste per aandeel (sent) Wesensverdienste per aandeel van voortgesette bedrywighede (sent) # Wesensverdienste per aaandeel nie-herhalende gedeelte van SEB-koste uitgesluit (sent)* Verdienste per aandeel (sent) Dividende per aandeel (sent) Gewoon Spesiaal Die syfers vir 2005 hierbo is hersaamgestel ingevolge IFRS. # Gedurende November 2008 is die belegging in British American Tobacco Plc (BAT) as n tussendividend in specie aan Remgroaandeelhouers uitgekeer. Ten einde vergelykbaarheid op n jaargrondslag te vergemaklik, word wesensverdienste per aandeel ook vir voortgesette bedrywighede aangebied wat die geëkwiteerde inkomste van BAT sowel as alle nie-herhalende kostes wat met die ontbondeling verband hou uitsluit. * Gedurende die 2006 finansiële jaar het verskeie maatskappye in die groep swart ekonomiese bemagtigings (SEB)-transaksies aangegaan. Weens die wesentlike uitwerking wat die rekeningkundige verantwoording van hierdie transaksies op Remgro se resultate gehad het, is wesensverdienste per aandeel in die 2006 finansiële jaar ook aangebied met uitsluiting van die nie-herhalende gedeelte van SEB-koste. Gedurende die 2008 finansiële jaar het Rainbow Chicken Beperk ook n SEB-transaksie aangegaan en gevolglik is wesensverdienste per aandeel weer aangebied met uitsluiting van die nie-herhalende gedeelte van SEB-koste. REMGRO BEPERK 16 GEÏNTEGREERDE JAARVERSLAG

17 SEWEJAAR-OORSIG GEKONSOLIDEERDE STATE VAN FINANSIËLE STAND EN KONTANTVLOEI 30 Junie 31 Maart R miljoen STATE VAN FINANSIËLE STAND Eiendom, aanleg en toerusting Beleggings Geassosieerde maatskappye Ander nie-bedryfsbates Bedryfsbates Totale bates Totale ekwiteit Nie-bedryfslaste Bedryfslaste Totale ekwiteit en laste Netto batewaarde per aandeel (Rand) (toeskryfbaar aan eie lede) teen boekwaarde teen intrinsieke waarde Vyftien maande geëindig 30 Junie Twaalf maande geëindig 31 Maart R miljoen STATE VAN KONTANTVLOEI Kontant (benut)/voortgebring uit/(deur) bedrywighede 52 (273) Kontantvloei voortgebring uit beleggingsopbrengste Belasting betaal (407) (144) (280) (497) (676) (369) (546) Kontant beskikbaar uit bedryfsaktiwiteite Dividende betaal (1 220) (1 006) (2 120) (2 252) (3 813) (4 676) (2 642) Kontantvloei uit bedryfsaktiwiteite Netto beleggingsaktiwiteite (671) (1 381) (3 438) (1 725) (2 203) Netto finansieringsaktiwiteite 87 (5) Netto toename/(afname) in kontant en kontantekwivalente 574 (1 278) (1 070) (1 438) (1 146) Die syfers vir 2005 hierbo is hersaamgestel ingevolge IFRS. REMGRO BEPERK 17 GEÏNTEGREERDE JAARVERSLAG

18 AANDELESTATISTIEK Vyftien maande geëindig 30 Junie Twaalf maande geëindig 31 Maart Geweegde aantal ongenoteerde B-gewone aandele ( 000) JSE Beperk Geweegde aantal Remgro gewone aandele uitgereik ongenoteerde B-gewone aandele uitgesluit ( 000) Markkapitalisasie teen einde van tydperk (R miljoen) Alleenlik gewone aandele Prys (sent per aandeel) Laaste dag van tydperk Hoogste Laagste Aantal aandele verhandel ( 000) Waarde van aandele verhandel (R miljoen) Aandele verhandel/geweegde aantal gewone aandele (%) Aantal transaksies REMGRO BEPERK 18 GEÏNTEGREERDE JAARVERSLAG

19 DIREKSIE EN LEDE VAN KOMITEES Ons raad bestaan uit vier nie-uitvoerende direkteure, agt onafhanklike nie-uitvoerende direkteure en ses uitvoerende direkteure Die gehalte van ons direksie is grondliggend tot die groei en sukses van ons besigheid en ons nie-uitvoerende direkteure beskik oor wye sake-, finansiële en globale ondervinding. NIE-UITVOERENDE DIREKTEURE J P Rupert (61) AANGESTEL: 18 Augustus 2000 VOORSITTER Direkteurskappe: Compagnie Financière Richemont SA (uitvoerende voorsitter en hoofuitvoerende beampte), Reinet Investments Manager SA (voorsitter). Hy het ekonomie en maatskappyreg aan die Universiteit van Stellenbosch gestudeer en het n uitgebreide loopbaan in internasionale sake, bankwese en finansies. Nadat hy vir Chase Manhattan Bank en Lazard Frères in New York gewerk het, het hy Rand Aksepbank in 1979 gestig. In 1985 het hy by Rembrandt Groep aangesluit. Hy is die ontvanger van eredoktorsgrade in die regte, ekonomie en handel, is kanselier van die Universiteit van Stellenbosch en voorsitter van die Vredesparkstigting. E de la H Hertzog (61) AANGESTEL: 18 Augustus 2000 ONDERVOORSITTER Direkteurskappe: Uitvoerende voorsitter van Mediclinic International Beperk sedert Dr Hertzog dien ook in die direksies van Distell Groep Beperk en Total South Africa (Edms) Beperk. Hy het n meestersgraad in medisyne en is n genoot van die Fakulteit van Anestesiologie. Hy is n voormalige voorsitter van die raad van die Universiteit van Stellenbosch en dien sedert Junie 2005 as nie-uitvoerende ondervoorsitter in die direksie van Remgro. P E Beyers (61) AANGESTEL: 18 Augustus 2000 Direkteurskappe: Distell Groep Beperk en Unilever South Africa Holdings (Edms) Beperk. Mnr Beyers het n MBA en n BA in regte aan die Universiteit van Kaapstad verwerf en n BA in handel aan die Universiteit van Stellenbosch. Hy het as direkteur in verskeie direksies gedien. J Malherbe (55) AANGESTEL: 11 Oktober 2006 Direkteurskappe: Compagnie Financière Richemont SA, Reinet Investments Manager SA, Richemont Securities SA en Specpharm Holdings (Edms) Beperk. Hy het as geoktrooieerde rekenmeester gekwalifiseer en vir die voorganger van PricewaterhouseCoopers gewerk voordat hy in 1985 by Rand Aksepbank en in 1990 by Rembrandt Groep aangesluit het. REMGRO BEPERK 19 GEÏNTEGREERDE JAARVERSLAG

20 DIREKSIE EN LEDE VAN KOMITEES ONAFHANKLIKE NIE-UITVOERENDE DIREKTEURE G T Ferreira (63) AANGESTEL: 4 November 2009 HOOF ONAFHANKLIKE DIREKTEUR Direkteurskappe: Tans voorsitter van RMB Holdings Beperk. Hy was betrokke in die finansiëledienste-sektor sedert hy besigheidsgrade aan die Universiteit van Stellenbosch verwerf het. Vorige voorsitterskappe sluit in: AIG (SA) (Edms) Beperk, FirstRand Beperk, FirstRand Bank Beperk, Rand Aksepbank Beperk en die Aksep Bankiersvereniging van Suid-Afrika. Vorige direkteurskappe sluit in: Anglo American Korporasie Beperk, FirstRand Beperk, Eerste Nasionale Bank Beperk, GlenRand MIB Beperk, die Nywerheid-Ontwikkelingskorporasie, Lenco Beperk, Malbak Beperk en Momentum Lewens Beperk. Hy is n lid van die beleggingskomitee en die vergoedings-en-nominasiekomitee en n trustee van die Remgro Aandeletrust. P K Harris (61) AANGESTEL: 28 November 2001 Direkteurskappe: Nie-uitvoerende direkteur van FirstRand Beperk, FirstRand Bank Holdings Beperk, MMI Beperk en RMB Holdings Beperk. Mnr Harris is lid van die vergoedings-en-nominasiekomitee, die beleggingskomitee en n trustee van die Remgro Aandeletrust. Hy het aan die Universiteit van Stellenbosch gegradueer met n MComm in ekonomie en finansies en is n medestigter van Rand Consolidated Investments wat in 1985 beheer van Rand Aksepbank verkry het. Hy was ook n stigterdirekteur van FirstRand na die samevoeging van die finansiëledienste-belange van Anglo American Corporation of South Africa en RMB Holdings Beperk. N P Mageza (56) AANGESTEL: 4 November 2009 Direkteurskappe: Tot onlangs gedien as die hoof bedryfsbeampte van die Absa Groep. Hy is n geoktrooieerde gesertifiseerde rekenmeester en n genoot van die Vereniging van Geoktrooieerde Gesertifiseerde Rekenmeesters (VGGR) VK, sowel as n direkteur van verskeie maatskappye, insluitende Bidvest Groep Beperk, Clover Industries Beperk, MTN Groep Beperk, Rainbow Chicken Beperk en Sappi Beperk. Hy het wye ervaring opgedoen in talle uitvoerende poste in die oudit-, finansiëledienste-, vervoer- en logistieksektor. Hy is n lid van die oudit-en-risikokomitee. P J Moleketi (54) AANGESTEL: 4 November 2009 Direkteurskappe: n Voormalige adjunkminister van finansies van die Republiek van Suid-Afrika en LUK vir finansiële en ekonomiese sake in die Gauteng-provinsie, asook direkteur van verskeie maatskappye, waaronder Brait South Africa, die Ontwikkelingsbank van Suid-Afrika, Harith Fondsbestuurders, MMI Holdings Beperk en Vodacom Groep Beperk. Hy beskik oor nagraadse kwalifikasies in ekonomie en bestuur van die Universiteit van Londen en die Harvard Besigheidskool en het wye internasionale ervaring, strategiese leierskap kwaliteite en diepgaande korporatiewe bestuurservaring in beide die openbare en privaatsektor. Hy is n lid van die ouditen-risikokomitee. M M Morobe (54) AANGESTEL: 18 JunIe 2007 Direkteurskappe: Hoofuitvoerende beampte van Kagiso Media Beperk en direkteur van City Year South Africa, Kagiso Media Beperk-maatskappyegroep en Resolve Group (Edms) Beperk. Murphy Morobe is n bekende persoonlikheid uit Suid-Afrika se anti-apartheidsera en as n leier van die bevrydingsbeweging het hy drie jaar gevangenisstraf op Robbeneiland uitgedien voordat hy in 1982 vrygelaat is. Hy streef daarna om van die wêreld n beter plek te maak en benut geleenthede om n verskil te maak. Hy is betrokke by verskeie maatskaplike aksies, soos die WWF, Food and Trees for Africa en City Year South Africa, n gemeenskapsdiensinisiatief vir jongmense. M A Ramphele (63) AANGESTEL: 4 November 2009 Direkteurskappe: n Voormalige besturende direkteur van die Wêreldbank en gewese visekanselier van die Universiteit van Kaapstad. Sy is in 2010 as voorsitter van Gold Fields en in 2009 in dieselfde hoedanigheid by die Technology Innovation Agency aangestel. Sy was die stigter van die Letsema Circle en is n direkteur van verskeie maatskappye, waaronder Anglo American Plc, Dinokeng Scenarios (voorsitter van sameroepers), Mediclinic International Beperk en Edu-Loan. Dr Ramphele is n mediese dokter, met onder andere n doktorsgraad in sosiale antropologie en n besigheidsgraad. Sy is die ontvanger van verskeie toonaangewende plaaslike en internasionale toekennings, insluitende 20 eredoktorsgrade uit erkenning vir haar vakkundigheid, haar diens aan die gemeenskap, haar leidende rol in die bewusmaking van ontwikkelingskwessies en die aanvoor van projekte ten behoewe van minderbevoorregte mense regoor Suid-Afrika. F Robertson (56) AANGESTEL: 28 Maart 2001 Direkteurskappe: Uitvoerende ondervoorsitter van Brimstone Investment Corporation Beperk. Mnr Robertson en sy sakevennoot het Brimstone Investments Corporation Beperk van n beginner-onderneming in 1995 tot n JSE-genoteerde maatskappy ontwikkel. Hy is ook voorsitter van Commlife Holdings, Lion of Africa Insurance Company, Lion of Africa Life Assurance Company Beperk, House of Monatic en Sea Harvest Corporation (Edms) Beperk, asook n lid van die oudit-en-risikokomitee, die vergoedings-en-nominasiekomitee en n trustee van die Remgro Aandeletrust. H Wessels (66) AANGESTEL: 22 Augustus 2008 Direkteurskappe: Mnr Wessels is n direkteur van Keeromstraat 30 Beleggings Beperk, Naspers Beleggings Beperk, Trencor Beperk en Vredesparke-stigting. As n gewese vennoot van PricewaterhouseCoopers en n voormalige voorsitter van die bestuursraad van die Suid-Afrikaanse praktyk gebruik mnr Wessels sy wye ervaring en kennis in sy optrede as finansiële konsultant. Hy beskik oor n BComm (US), CTA (Unisa) en GR(SA), is voorsitter van die oudit-en-risikokomitee en woon verskeie ander komiteevergaderings op uitnodiging by. REMGRO BEPERK 20 GEÏNTEGREERDE JAARVERSLAG

21 DIREKSIE EN LEDE VAN KOMITEES UITVOERENDE DIREKTEURE M H Visser (57) HOOFUITVOERENDE BEAMPTE BComm (Hons), GR(SA) Diensjare by die groep: 31 Direkteurskappe: Distell Groep Beperk, FirstRand Beperk, Mediclinic International Beperk, PGSI Beperk, PG Groep Beperk, Rainbow Chicken Beperk (voorsitter), RMB Holdings Beperk, RMI Holdings Beperk en Unilever South Africa Holdings (Edms) Beperk. W E Bührmann (56) BELEGGINGS BComm, STR, GR(SA) Diensjare by die groep: 24 Direkteurskappe: Tans n direkteur van Invenfin (Edms) Beperk. Het in verskeie direksies gedien, waaronder Air Products South Africa (Edms) Beperk, Mediclinic International Beperk, Rainbow Chicken Beperk en Tsb Sugar Holdings (Edms) Beperk. L Crouse (58) HOOF FINANSIËLE BEAMPTE BComm, STR, GR(SA) Diensjare by die groep: 3 Direkteurskappe: CIV Fibre Network Solutions (Edms) Beperk, Dark Fibre Africa (Edms) Beperk, FirstRand Beperk, FirstRand Bank Beperk en Total South Africa (Edms) Beperk. J W Dreyer (60) BELEGGINGS BComm, LLB, H Dip Co Law, H Dip Tax Diensjare by die groep: 11 Direkteurskappe: Air Products South Africa (Edms) Beperk, Business Partners Beperk, Dorbyl Beperk, Kagiso Trust Investments (Edms) Beperk, RMB Holdings Beperk, RMI Holdings Beperk, Tsb Sugar Holdings (Edms) Beperk en Wispeco Holdings Beperk. J J Durand (44) HOOF BELEGGINGSBEAMPTE BRek (Hons), MPhil (Oxon), GR(SA) Diensjare by die groep: 15 Direkteurskappe: Rainbow Chicken Beperk, gewese hoofuitvoerende beampte van VenFin Beperk en tans direkteur van verskeie maatskappye, waaronder Capevin Beleggings Beperk, Invenfin (Edms) Beperk, Kagiso Trust Investments (Edms) Beperk, Sabido Investments (Edms) Beperk, Tracker Investments Holdings (Edms) Beperk en Discovery Holdings Beperk. J A Preller (61) KORPORATIEWE SAKE BEcon Diensjare by die groep: 39 Direkteurskappe: Verantwoordelik vir korporatiewe sake en die korporatiewe maatskaplike beleggings van die maatskappy. Nie-uitvoerende direkteur van Vendome Distributors (Edms) Beperk en dien in die direksie van die Suid-Afrikaanse Kollege vir Toerisme. LEDE VAN KOMITEES Oudit-en-risikokomitee Beleggingskomitee Bestuursraad Vergoedings-ennominasiekomitee H Wessels (voorsitter); N P Mageza; P J Moleketi; F Robertson J P Rupert (voorsitter); L Crouse; J J Durand; G T Ferreira; P K Harris; J Malherbe; M H Visser M H Visser (voorsitter); W E Bührmann; L Crouse; J W Dreyer; J J Durand; J A Preller; N J Williams J P Rupert (voorsitter); G T Ferreira; P K Harris; F Robertson REMGRO BEPERK 21 GEÏNTEGREERDE JAARVERSLAG

22 DATUMS VAN BELANG VIR AANDEELHOUERS Finansiële jaareinde 30 Junie Algemene jaarvergadering Donderdag, 24 November 2011 FINANSIËLE VERSLAE Aankondiging van tussenresultate Tussenverslag Aankondiging van jaarresultate Finansiële jaarstate Maart Maart September Oktober DIVIDENDE Tussendividend verklaar Maart betaal April Finale dividend verklaar September betaal November FINALE DIVIDEND NOMMER 22 Gewone dividend per aandeel 213 sent Laaste dag van verhandeling ten einde vir die finale dividend te kwalifiseer Vrydag, 11 November 2011 Verhandelinge op of na hierdie datum sal met uitsluiting van die finale dividend wees Maandag, 14 November 2011 Rekorddatum Vrydag, 18 November 2011 Betaaldatum Maandag, 21 November 2011 MAATSKAPPY-INLIGTING SEKRETARIS M Lubbe SAKE-ADRES EN GEREGISTREERDE KANTOOR Carpe Diem Kantoorgebou Quantumstraat Tegnopark Stellenbosch 7600 Posbus 456 Stellenbosch 7599 OUDITEURE PricewaterhouseCoopers Geïnk. Stellenbosch BORG Rand Aksepbank ( n Afdeling van FirstRand Bank Beperk) WEBWERF OORDRAGSEKRETARIS Computershare Investor Services (Edms) Beperk Marshallstraat 70 Johannesburg 2001 Posbus Marshalltown 2107 REMGRO BEPERK 22 GEÏNTEGREERDE JAARVERSLAG