Waterkruik. JAARGANG 50 NO Mei 2013

Transcriptie

1 Waterkruik JAARGANG 50 NO Mei 2013 EREDIENS VANDAG Vandag se diens is n voorbereidingdiens met die oog op die viering van die Heilige Nagmaal volgende Sondag. EREDIENS VOLGENDE SONDAG Volgende Sondag 26 Mei om 9.30 vier ons die Heilige Nagmaal as deel van ons Dankbaarheidsfees. Nabetragting sal gehou word tydens die aanddiens om 18:30. DIENSBEURT Vandag: Wyke: 12 & 13a Oudle.: Johan Hoogendyk en Ferdie Pelser Diaken: Eddie Engelbrecht Volgende Sondag:Wyke: 13b&d Oudle.: Douw Breed en Jantus van der Linden Diaken: Hendrik Coetzee KOLLEKTE by die deure Vandag: Kerkkas Volgende Sondag: Emeritaats-versorging Doel: Om die emerituspredikante, - weduwees en wese van die Gereformeerde Kerke met lewensonderhoud en mediese bystand eervol te help versorg. TEESKINKBEURTE Dankie aan die susters van wyk 12 wat vanoggend o.l.v. An Venter tee en koffie bedien. Volgende week sal daar agv die viering van die Heilige Nagmaal geen tee en koffie bedien word nie. GEBEURE DIE WEEK Maandag: Katkisasie soos gereël. Bybelstudie Groep 3 : 19:30 1

2 Woensdag 18:00 Diakensvergadering 19:00 Ouderlingevergadering Donderdag Bybelstudiegroepe Groep 1 : 8.30 by sr Hendrien Meiring Groep 2 : in die Kerksaal 18:30 Bybelstudie vir gesinne met jong kindertjies : aan huis van Theo en Anika le Roux. Mackenziestraat 159, Brooklyn Kerkjeugaksie vir jongmense tot ongeveer 30 jaar : in die Pastorie. DIAKENSVERGADERING Die Diakens vergader Woensdag 22 Mei 2013 om 18:00 in die kerkgebou. OUDERLINGEVERGADERING Die ouderlinge vergader Woensdag 22 Mei 2013 om 19:00 in die saal. Ons bid die seën van die Here toe op die vergaderings VERJAARSDAE Ons wens die volgende broeders, susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. Ek het die Here altyd voor oë. Hy is my regterhand, ek sal nie wankel nie. Daarom is my hart bly.. Handelinge 2:25 26 Vandag Br. Theunis Tredoux Maandag Sr. Chris Spoelstra Woensdag 22 Mei Sr.Marietjie Robbertse Br. Jan Trollip Kirsten Louw Hartlik geluk aan sr. Chris Spoelstra wat Maandag haar spesiale verjaardag vier en aan sr. Marietjie Robbertse wat Woensdag 91 word! Mag die Here julle elke dag omvou met sy liefdevolle genade. 2

3 MEELEWING Ons dink graag in ons gebede aan ons bejaardes in ons gemeente en bid hulle krag en genade toe vir elke dag. Soos n moeder haar kind laat veilig voel, so laat Ek julle veilig voel. Jes. 66:13 BEROEPE BEROEPE ONTVANG Proponent CC Mathundela na Daveyton BEROEPE AANVAAR Ds JG van der Walt van Reddersburg na Empangeni. BEROEPE BEDANK Ds ASA de Bruyn van Wilropark na Heidelberg. En dit is die ewige lewe: dat hulle U ken, die enigste ware God, en Jesus Christus wat deur U gestuur is. Joh. 17:3 OPPIE SUSTERSWERF Goeiemôre Suster, Ons het Dinsdag n heerlike oggend saam met ds. Gerhard van Rhyn deurgebring. Sy vrou, wat swanger is, het ook saamgekom en toe kon ons sommer lekker oor familie en vriende gesels! Wat ds. Gerhard beklemtoon het, is dat die belangrikste persoon in jou lewe en in al jou verhoudings, Jesus Christus moet wees. 3

4 Daarby is jou eggenoot jou hulp wat by jou pas wat die Here vir jou gee. Dan kom nog jou kinders, kleinkinders, familie en vriende. En in al hierdie verhoudings moet Jesus Christus voorop staan en moet jy teenoor almal optree soos wat Jesus dit sou doen. Daarna het ons geleer wat mens alles met n doodgewone serp kan doen. Mens kan selfs babatjies leer kruip! Kry vir jou n sakkie wat klein kan opvou en in jou handsak kan pas. In die sakkie moet n groot serp kan pas. Hou hierdie sakkie met die serp ALTYD by jou; jy sal gou uitvind waarvoor jy dit alles kan gebruik! Dis noodsaakliker as jou lipstiffie! Ons 50jaar fees is nou om die draai! Is jou familie se plek bespreek? Twietili sê voëls praat nie graag oor hulle ouderdom nie, maar sy en haar familie sal nooit n 50jaar fees kan hou nie, want hulle word nie so oud nie - nie háár familie nie! Sy sê, nee, toemaar, hulle gaan nie so gou dood nie, dis net dat hulle nie so baie lank leef nie. Sy sê sy moet maar elke dag voluit leef, altyd in diens van ons sussies, want mens weet nooit wanneer ry n kar oor haar, of vang n kat haar of skiet n windbuks haar nie. Sy sê volstruise kan dalk n groot fees hou, want al word die meeste van hulle jaar oud, was daar al volstruise wat 70 geword het. En sy ken n mak papegaai wat 30 jaar oud is. Swaels word net so 4 5 jaar, maar enetjie waarvan sy weet, het al 11 jaar oud geword. En, sê Twietili, sy het gehoor van n albatros-tannie wat al in 1956 n ringetjie aan haar poot gekry het. Díe tannie was toe so 5 of 6 jaar oud en het toe al n eier gelê, waarskynlik haar 1ste een. Daai tannie was in 2011 al 60 jaar oud en toe lê sy nog steeds elke jaar n eier. Sjoe! Albatrosse het net 1 lewensmaat hulle hele lewe lank en lê net 1 eier in n jaar en maak m.a.w. net 1 kind in n jaar groot. (Dis nou as die eier wel uitbroei). Gelukkig verlaat die kinders die nes, anders was die tannie en oom al lankal bankrot. En weet julle wat is daai tannie se naam? Wysheid!!! (Sussie-Bussie sê toe sy sal ons na dié tannie toe neem as ons wil, dat ons kan hoor hoe om te maak om so ewig jeugdig te bly). Ons wens jou n voorspoedige week toe en ons sien jou by die fees. 4

5 BESOEKERS Vier(4) gereformeerdes uit Mexiko kuier hier by ons vandag. Nadat dr. Douw in Julie 2012 die Sinode van die Presbiteriaanse Kerk in Mexiko (la Iglesia Nacional Presbiteriana de México) bygewoon het, het hy in Desember as adviseur ʼn afvaardiging van die Noordwes Universiteit na Mexiko gelei. Die NWU het op uitnodiging, ondersoek ingestel of studente in Monterrey ʼn teologiese graad (en moontlik ook ander grade) kan studeer wat met moderne tegnologie vanaf Potchefstroom aangebied word en deur die NWU toegeken word. ʼn Afvaardiging van ʼn teologiese skool van die Presbiteriaanse Kerk van Mexiko het die afgelope week die NWU besoek om verdere reëlings te tref. Die afvaardiging woon vandag 19 Mei hier by ons die erediens by. Ons wend spesiale vertalingsmetodes aan want net een van die broeders (Andres Garza) kan goed Engels praat. Iemand sal dus die preek in Engels vertaal en Andres sal vir die ander drie broers in Spaans vertaal. Ons kan gerus moeite doen om ná die diens met hulle te kuier (in Engels). KUIERKAFEE Die deure open weer op Dinsdag 28 Mei om 10 uur. Gert Coetzee is befaamd vir sy kwiltwerk. Hy gaan ons vertel van kwiltwerk en ook vir ons daarvanwys. Dit beloof om interessant en mooi te wees. Almal is welkom om te kom luister, saam te gesels en verversings te geniet. GESPREK MET DIE SUSTERS VAN DIE PRESBITERIAANSE KERK IN BRASILIë Sestien susters van die Igreja Presbiteriana dobrazil besoek in Junie die gebiede in Afrika waar dié kerk sendingwerk doen. Hulle gaan Mosambiek en Angola besoek. Die Gereformeerde Kerke het vanaf 2009 kerklike bande met 5

6 hierdie Presbiteriaanse Kerk in Brasilië. Prof Davi Gomes, wat ons verlede jaar besoek het, is ook lidmaat van hierdie kerk. Die sestien susters het aangedui dat hulle graag met ons susters wil gesels. Ons het dus ʼn geleentheid gereël vir Vrydag 7 Junie hier by ons kerkgebou. Ons susters word hartlik uitgenooi na hierdie gesprek Hier is die besonderhede van die program 14:15-14:30 - Verwelkoming en opening * 14:30-15:15 - Die susters van Brasilië vertel wat hulle ervaring in Angola en Mosambiek was. * 15:15-15:30 - Anel van der Walt vertel wat GK Centurion in Mosambiek doen. * 15:30-16:00 - Tee en koffie met koeksisters en kuier * 16:00-16:15 - Prof Derek Mashau vertel van die evangelieverkondiging in Sunnyside (vrae) * 16:15-17:00 - Die susters van Brasilië vertel van die susters-aksies in Brasilië. * 17:00 - Moontlike toekomstige besoeke en afsluiting. 17:15 Afsluiting Ons het susters se hulp nodig: Ons benodig enkele susters wat elk met hul motor drie van die sestien besoekers by die lughawe kan gaan oplaai en die middag weer terug kan neem na die hotel naby die lughawe waar die besoekers gaan oornag. Ons gaan hulle 9:30 oplaai, hulle gou na die hotel neem om net hulle bagasie af te laai. Daarna neem ons hulle na die Voortrekkermonument vir ʼn begeleide toer (11:00). Ons neem hulle dan na Waterkloofrand se kerkgebou (12:30) waar ons vir hulle tradisionele Suid- Afrikaanse kos sal gee (Bobotie!). Almal wat vervoer verskaf, eet saam met hulle en kuier saam. Twee vertalers wat van en na Portugees sal vertaal, is deel van die groep. Stuur asb. vir dr. Douw ʼn epos as jy kan help met vervoer (dbreed@telkomsa.net) 6

7 PINKSTERFEES Toe die dag van die Pinksterfees aanbreek, was hulle almal op een plek bymekaar (Hand 2: 1) Die Pinksterfees is die Christelike fees wat die uitstorting van die Heilige Gees herdenk. Pinkster was oorspronlik n dankseggingsfees vir die oes (in Hebreeus sjavuot, weke ) wat verwys na die feit dat pinkster sewe weke na pasga volg. Daarom is die Griekse naam vir die fees pentekoste (50) want dit volg 50 dae (7 weke plus een dag) na pasga. Die fees is saam met pasga en die huttefees een van die drie pelgrimsfeeste waarvoor Jode in die antieke tyd na Jerusalem opgetrek het. Daarom was daar tydens die uitstorting van die Heilige Gees godsdienstige Jode uit al die nasies onder die son in Jerusalem bymekaar en is dit nie toevallig dat die Heilige Gees juis op dié dag uitgestort is nie. Die Gees samel die vrugte van die evangelieverkondiging in en bring die vrug van die Gees in die gelowiges voort. Saam met pasga is die pinksterfees die duidelikste voorbeeld van Joodse feeste wat na die koms van die Messias, Jesus, op n nuwe manier geïnterpreteer is en die oorspronklike betekenis ( n oesfees) uitgebrei is as die fees van die uitstort van die Heilige Gees. (Christelike Kernensiklopedie) REGSTELLENDE AKSIE EN DIE DKD Die GKSA se deputate wat met die regering moet skakel, het n dokument opgestel en deurgestuur na die Dept Korrektiewe Dienste. Die volgende belangrike riglyne (verkort),is aan hulle gestuur: 1. Vrede : vrede tussen mense is n opdrag in die Skrif en is iets waarna almal moet streef. Regstellende aksie se einddoelwit moet juis wees om vrede en harmonie te bewerkstellig en nie om spanning en wrywing te veroorsaak nie. 2. Gelykheid : vanuit n Christelik-etiese perspektief is gelykheid van mense n belangrike beginsel in die Bybel en in enige samelewing moet dit nagestreef word. 3. Geregtigheid : die geregtigheid wat God gee, moet uitmond in n lewe van geregtigheid tussen mense. Om mense van geleenthede te ontneem bloot op grond van die kleur van hul vel kan nie as geregtigheid gesien word nie. 4. Liefde : Christelike liefde, wat uit die liefde van Jesus voortvloei, soek die belang van die naaste op. Dit het nie net n geestelike dimensie nie maar dit moet konkreet uitgedruk word in die onderlinge verkeer tussen mense. 5. Roeping : in die Christelike arbeidsetiek word beroepsarbeid gesien as roepingsvervulling. God gee talente en gawes vir die verrigting van arbeid. Geen stelsel mag n mens ontneem van sy/haar plig om sy/haar roeping na te streef nie. 7

8 Die Deputate roep kerke ook op om meer betrokke te raak om toe te sien dat die eis van die Skrif gehoorsaam sal word. ORRELKONSERT Wat n wonderlike musiekfees wag vir ons ore! Kunstenaars: Orrel: Wim Viljoen Trompetspeler: Walter Johannes Datum en tyd: Saterdag 25 Mei om 17:30pm Plek: Kerkgebou van die Gereformeerde Kerk Pretoria-Annlin Koste: Voorskool: Gratis Laerskool: R20 Pensioenarisse: R50 Volwasssenes: R60 Kontak vir Marietjie Nortje ( ) vir kaartjies. Kaartjies sal ook by die deure beskikbaar wees. Ete: Na afloop van die konsert word n ligte ete (sop en sjerrie) in die saal bedien. Donasies: Die projek ten bate van President Kruger Kinderhuis en donasies is BAIE welkom! 8