Fakulteit Natuurwetenskappe. Interimdekaan: Prof DE Rawlings HonsBSc, PhD (Rhodes) JAARBOEK 2013 DEEL 5

Transcriptie

1 Fakulteit Natuurwetenskappe Interimdekaan: Prof DE Rawlings HonsBSc, PhD (Rhodes) JAARBOEK 2013 DEEL 5

2 Inhoudsopgawe Algemene Inligting... 3 Die Fakulteit Natuurwetenskappe Inligting vir Studente Kwalifikasies Programaanbod Opsomming van programme en strome Eerstejaarskurrikulums vir BSc-programme BSc (Verlengde Graadprogram) Programkurrikulums vir BSc-programme PROGRAMME IN DIE BIOLOGIESE WETENSKAPPE Biodiversiteit en Ekologie Molekulêre Biologie en Biotegnologie Menslike Lewenswetenskappe Sportwetenskap PROGRAMME IN DIE FISIESE WETENSKAPPE Chemie Fisika Aardwetenskap Geoinformatika BSc (Ed) (vierjarig) PROGRAMME IN DIE WISKUNDIGE WETENSKAPPE Wiskundige Wetenskappe BSc (Ed) (vierjarig) Vakke, modules en module-inhoude Verklaring van nommers en afkortings VAKKE WAT AANGEBIED WORD DEUR VERSKEIE DEPARTEMENTE DEPARTEMENT AARDWETENSKAPPE DEPARTEMENT BIOCHEMIE DEPARTEMENT CHEMIE EN POLIMEERWETENSKAP DEPARTEMENT FISIKA DEPARTEMENT FISIOLOGIESE WETENSKAPPE DEPARTEMENT MIKROBIOLOGIE DEPARTEMENT PLANT- EN DIERKUNDE DEPARTEMENT WISKUNDIGE WETENSKAPPE Afdeling: Wiskunde Afdeling: Toegepaste Wiskunde Afdeling: Rekenaarwetenskap FAKULTEIT AGRIWETENSKAPPE Departement Bewaringsekologie en Entomologie Departement Genetika Departement Grondkunde Departement Plantpatologie Departement Wingerd- en Wynkunde FAKULKTEIT EKONOMIESE EN BESTUURSWETENSKAPPE Departement Ekonomie Departement Logistiek Departement Ondernemingsbestuur Departement Rekeningkunde

3 Departement Statistiek en Aktuariële Wetenskap FAKULTEIT GENEESKUNDE EN GESONDHEIDSWETENSKAPPE Biomediese Wetenskappe Afdeling, Anatomie en Histologie FAKULTEIT LETTERE EN SOSIALE WETENSKAPPE Departement Algemene Taalwetenskap Departement Filosofie Departement Geografie en Omgewingstudie Departement Inligtingwetenskap Departement Musiek Departement Sielkunde FAKULTEIT OPVOEDKUNDE Departement Kurrikulumstudie Departement Opvoedingsbeleidstudie Departement Opvoedkundige Sielkunde Departement Sportwetenskap STUDENTE- EN AKADEMIESE STEUN US Taalsentrum Gevorderde grade in Natuurwetenskappe Navorsings- en Diensinstansies Alfabetiese lys van voorgraadse vakke en nagraadse programme

4 Algemene Inligting VASTE UITNODIGING AAN ALLE OUDSTUDENTE Die Registrateur nooi hiermee alle oudstudente van die Universiteit van Stellenbosch hartlik uit om hom skriftelik van adresveranderings te verwittig. Die Registrateur verneem voorts baie graag van akademiese of ander onderskeidings wat deur oudstudente behaal is, asook die titels van publikasies deur hulle uitgegee. Die Senior Direkteur: Biblioteek- en Inligtingsdiens ontvang eweneens met graagte eksemplare van sulke publikasies namens die Universiteitsbiblioteek. TAALBELEID EN -PLAN: OPSOMMING Die amptelike Taalbeleid en -plan van die Universiteit Stellenbosch is in 2002 deur die Raad van die Universiteit goedgekeur. Die volgende opsomming word verskaf in belang van bondigheid, maar moet gelees word in samehang met, en ondergeskik aan die volledige Taalbeleid en -plan. Die volledige weergawe is beskikbaar by A. Taalbeleid 1. Die Universiteit is verbind tot die gebruik en volgehoue ontwikkeling van Afrikaans as akademiese taal in 'n meertalige konteks. Taal word aan die Universiteit gebruik op 'n wyse wat gerig is op die omgang met kennis in 'n diverse samelewing. 2. Die Universiteit erken die besondere status van Afrikaans as akademiese taal en aanvaar ook die verantwoordelikheid om dit te bevorder. Terselfdertyd word rekening gehou met die status van Engels as internasionale kommunikasietaal en isixhosa as ontluikende akademiese taal. 3. Die Universiteit onderskei tussen die gebruik van die drie tale op die volgende maniere: Afrikaans is voorgraads by verstek die leer- en onderrigtaal terwyl Engels op nagraadse vlak tot 'n groter mate gebruik word. isixhosa word bevorder as ontluikende akademiese taal en geleenthede word geskep vir studente en personeel om kommunikasievaardighede in isixhosa te verwerf. 4. Die institusionele taal van die Universiteit is by verstek Afrikaans, met Engels wat na gelang van omstandighede ook as interne kommunikasietaal gebruik word. Al drie tale word, waar doenlik, vir eksterne kommunikasie gebruik. B. Taalplan 1. Die Taalplan onderskei tussen die implementering van die beleid in leer- en onderrigsituasies en in die ondersteuningsdienste en bestuur. 2. In die leer- en onderrigsituasies word keuses uitgeoefen vir verskillende taalopsies na gelang van die taalvermoë van die dosent en die samestelling van die studente en die program. Hierdie taalopsies word in 'n hiërargie geplaas en 'n motivering moet voorgelê word indien die verstekopsie níe gevolg word nie (kyk punt 4 vir besonderhede). Die Universiteit kan, in buitengewone en dwingende omstandighede, afwyk van die taalspesifikasie van 'n module of program, met dien verstande dat enige sodanige afwyking na elke semester hersien moet word ten einde te bepaal of die voortsetting daarvan steeds regverdigbaar is. Die dekane hanteer hierdie proses en doen verslag daaroor aan die Uitvoerende Komitee (Senaat). Die Taalkomitee moet ingelig word oor alle sodanige afwykings en moet die geleentheid kry om navraag daaroor te doen, indien nodig. 3. Daar is drie algemene riglyne wat geld t.o.v. die taal van leer en onderrig in die klas: Taalonderrigmodules vind hoofsaaklik in die doeltaal plaas (bv. isixhosa word hoofsaaklik onderrig in isixhosa, Mandaryns in Mandaryns) en opdragte, toetse en eksamens word dienooreenkomstig opgestel en beantwoord. 3

5 In alle ander modules word vraestelle in Afrikaans en Engels opgestel en die student mag in Afrikaans of Engels antwoord. Tensy taalverwerwing of taalstudie die doel van 'n module is, kan studente vrae vra en antwoorde verwag in Afrikaans of Engels. 4. Die verskillende taalspesifikasies word as volg uitgeoefen en geïmplementeer deur departemente (bg. drie punte geld deurgaans vir alle opsies): A-spesifikasie* Rasionaal Geld by verstek vir alle voorgraadse modules. Dit beteken dat geen motivering aangebied hoef te word vir die uitoefening van hierdie opsie nie. Kenmerke Onderrig is hoofsaaklik in Afrikaans. Studiemateriaal (handboeke, notas, transparante, elektroniese leer- en onderrigmateriaal) kan in Afrikaans en/of Engels wees. Studieraamwerk is in Afrikaans en Engels. T-spesifikasie* (tweetalige klasse) Rasionaal Word gebruik vir klasse waar studente se taalvaardighede meer gebruik van Engels noodsaak 'n program aangebied word wat uniek is tot die Universiteit meertaligheid belangrik is in die konteks van 'n spesifieke beroep die dosent nog nie Afrikaans voldoende beheer nie. Kenmerke Onderrig is vir ten minste 50% van die tyd in Afrikaans. Handboeke en leeswerk is in Afrikaans en/of Engels. Studienotas, transparante en elektroniese leer- en onderrigmateriaal volledig in Afrikaans en Engels of afwisselend in Afrikaans en Engels. E-spesifikasie (hoofsaaklik Engels as onderrigmedium) Rasionaal Word by hoë uitsondering gebruik vir unieke programme in Suid-Afrika programme waar studente nie voldoende akademiese taalvaardighede het nie (buitelandse of Engelssprekende studente) modules waar die dosent nie Afrikaans magtig is nie streeksamewerking en strategiese doelwitte wat Engels noodsaak. Kenmerke Onderrig is primêr in Engels. Handboeke en leeswerk is in Afrikaans en/of Engels. Notas is in Engels met kernnotas in Afrikaans. Transparante, elektroniese leer- en onderrigmateriaal is in Engels. A & E-spesifikasie (afsonderlike 'strome' in Afrikaans en Engels) Rasionaal Word by hoogste uitsondering gebruik wanneer akademies en finansieel verantwoordbaar en haalbaar vir modules met 'n groot getal studente streeksamewerking en strategiese doelwitte programme wat met satelliettegnologie of interaktiewe telematiese onderwys aangebied word. Kenmerke Die kenmerke van die A- en E-opsies geld onderskeidelik hier. * Vir beide hierdie opsies is akademiese taalvaardigheid in Afrikaans en Engels 4

6 noodsaaklik vir suksesvolle studie. Natuurwetenskappe 5. In die ondersteuningsdienste en bestuur is die taal van kommunikasie by verstek Afrikaans en alle amptelike dokumente van die Universiteit is in Afrikaans beskikbaar. 'By verstek' beteken egter nie 'uitsluitlik' nie, en belangrike beleidsdokumente is daarom in Engels beskikbaar en kommunikasie met personeel vind ook in Engels plaas. Riglyne word neergelê vir die taal van vergaderings. Dokumente wat verband hou met diensvoorwaardes van personeel is beskikbaar in Afrikaans, Engels en isixhosa. 6. Skriftelike kommunikasie met studente vind plaas in Afrikaans en Engels en werwing vind, waar moontlik, ook in isixhosa plaas. Mondelinge kommunikasie vind in Afrikaans of Engels volgens die voorkeurtaal van die student plaas. 7. Die korporatiewe beeld van die Universiteit weerspieël die Taalbeleid en -plan. 8. 'n Taalkomitee word deur die Raad aangewys om die Taalbeleid en -plan uit te voer. 9. Die Taalsentrum aanvaar die verantwoordelikheid vir die verskaffing en/of koördinering van die tersaaklike taalondersteuning wat vir die effektiewe uitvoering van die Taalbeleid en -plan vereis word. Let wel: 'n Verdere verduideliking van die taalspesifikasies en die taalspesifikasie van individuele modules word onder die afdeling Vakke, Modules en Module-inhoude aangetref. GEDRAGSKODE VIR TAAL IN DIE KLASKAMER Hierdie Gedragskode is opgestel met die doel om praktiese riglyne te verskaf ten opsigte van die verstaan en toepassing van die US se Taalbeleid en -plan wat in 2002 deur die Universiteitsraad aanvaar is. Dit is vir die Raad belangrik dat die US se Taalbeleid en -plan met integriteit toegepas word. Die Kode word aangebied as 'n meganisme wat kan help om moontlike probleme of onduidelikhede op 'n konstruktiewe wyse te hanteer. Die kernbeginsel wat die daaglikse omgang met taal op die kampus rig, is dat alle personeel, studente en kliënte van die Universiteit die verantwoordelikheid en verwagting sal hê dat taalkwessies en -dispute in 'n gees van samewerking en 'n soeke na werkbaarheid aangepak en hanteer sal word. In die Gedragskode word 'n onderskeid getref tussen die verantwoordelikhede en verwagtings van dosente en studente. Die normale prosedures geld vir akademiese klagtes oor taalkwessies. Die Taalbeleid en -plan stel die minimum taalvereistes vir studente wat aan die Universiteit Stellenbosch studeer (Taalplan 2002:5). Studente wat 'n A-module of T-module volg, benodig in die algemeen akademiese taalvaardigheid in sowel Afrikaans as Engels vir effektiewe studie op voorgraadse vlak. In nagraadse studie word 'n hoër vlak van akademiese taalvaardigheid in Afrikaans en/of Engels vereis. Ten opsigte van dosente, veral wat betref hulle verpligtinge om werkopdragte, toetse en vraestelle in Engels en Afrikaans op te stel en te assesseer, word daar verwag dat hulle binne 'n redelike tydperk vanaf hulle aanstelling, genoeg reseptiewe vaardighede (luister en lees) in Afrikaans en Engels sal ontwikkel om klasbesprekings te volg, opdragte en eksamenvrae in albei tale op te stel, en die antwoorde van studente in albei tale te verstaan. Dit moet hulle ook in staat stel om oor die ekwivalensie van vertalings te oordeel en antwoorde in Afrikaans en Engels regverdig te beoordeel. Dosente se verantwoordelikhede Dosente het die verantwoordelikheid om 1. die taalspesifikasies van 'n gedoseerde module uit te voer, in ooreenstemming met die voorskrifte van die Taalplan (kyk veral par. 3 van die Taalplan). 2. die taalspesifikasies na gelang van omstandighede (nuwe teksboeke, ander dosente) te 5

7 hersien en aan te pas soos nodig. 3. die keuses en alternatiewe waarvoor die taalspesifikasies voorsiening maak aan die begin van die onderrig van 'n module kortliks aan studente bekend te maak, mondeling en in die moduleraamwerk. 4. te verseker dat vrae in werkopdragte, toetse en eksamens presies dieselfde inhoud in Engels en Afrikaans het. 5. voldoende taalvaardigheid te ontwikkel om werkopdragte, toetse en eksamens in Afrikaans en Engels te kan nasien, of andersins bevredigende reëlings te tref dat dit plaasvind. 6. te verseker dat, in ooreenstemming met die riglyne vir die T-opsie (kyk van die Taalplan), studente se taalvaardighede in Afrikaans en Engels genoegsaam ontwikkel en die nodige maatreëls in plek gestel word om Afrikaanse en Engelse vaktaalvaardigheid te verseker. 7. te alle tye daarna te streef om hoflik en akkommoderend op te tree wanneer situasies hanteer moet word wat met taalgebruik te make het (bv. wanneer vrae in die klas in Engels gevra word as die taalspesifikasie van die module A is). Dosente se verwagtings Dosente kan van studente verwag dat 1. hulle kennis neem van die eienskappe van die taalspesifikasie soos van toepassing in die spesifikasie wat vir 'n module geld (kyk par. 3, Taalplan). 2. hulle so vroeg moontlik die dosent in kennis sal stel van hul behoeftes ten opsigte van akademiese taalvaardigheid. 3. hulle die gees van die Taalbeleid en -plan, veral ten opsigte van die ontwikkeling van vaardighede in 'n taal wat nie hulle voorkeurtaal is nie, sal respekteer deur doelbewus aandag te skenk, aktief deel te neem in die klas en mee te werk aan hulle kennis van vakterminologie en vakdiskoers in albei tale. Hierdie verwagting geld veral ten opsigte van die T-spesifikasie vir modules. Studente se verantwoordelikhede 1. Studente moet die verantwoordelikheid neem om hulle te vergewis van die taalopsies vir elke module en veral van die konsekwensies daarvan, bv. dat vertalings in sommige omstandighede nie beskikbaar sal wees nie. eerlik en openhartig te wees omtrent hulle taalvaardighede en die verantwoordelikheid vir vroegtydige en gepaste optrede te neem indien hulle probleme ondervind. 2. doelbewus die reseptiewe vaardighede (luister en lees) in die nie-voorkeurtaal van leer en onderrig deur aktiewe deelname in die klas te ontwikkel. 3. die voorgeskrewe materiaal (veral handboeke) te koop en te gebruik om hulle taalvaardigheid in die vak te verbeter. 4. hoflik en akkommoderend te wees en op te tree in situasies waar taalgebruik 'n kwessie is, bv. ten opsigte van die probleme van die minderheidstaalgroep in 'n klas. 5. te aanvaar dat ('n) enkele student(e), vanweë tekortkominge in sy/hul taalvaardigheid, nie 'n vetoreg ten opsigte van die gebruik van Afrikaans of Engels in die klassituasie mag (probeer) uitoefen nie. Studente se verwagtings Studente kan verwag dat 1. hulp in taalvaardigheidsontwikkeling verskaf sal word indien hulle akademiese taalvaardigheid in Afrikaans en/of Engels onvoldoende is. 2. hulle vrae kan vra en besprekings kan voer in Afrikaans of Engels (tensy ander tale, soos in taalmodules, vereis word), met inagneming van mekaar en die dosent se taalvaardighede. 3. Afrikaanse en Engelse weergawes van werkopdragte en vraestelle beskikbaar sal wees en dat dit dieselfde inhoud sal hê. 6

8 4. daar sensitiwiteit sal wees vir taalprobleme, sodat taalfoute wat in eksamensituasies begaan word, met diskresie beoordeel sal word. NIE-RASSIGHEID Die Universiteit van Stellenbosch laat studente van enige ras, kleur, nasionaliteit of etniese herkoms toe tot al die regte, voorregte, programme en aktiwiteite wat in die algemeen aan studente van die Universiteit verleen of beskikbaar gestel word. Die Universiteit diskrimineer nie op grond van ras, kleur, nasionaliteit of etniese herkoms by die uitvoering van sy opvoedkundige beleid, sy beurs- en leningsprogramme, of sy sportprogramme nie. Let wel: 1. In hierdie publikasie sluit woorde wat die manlike geslag aandui die vroulike geslag in, tensy die samehang van die woorde uitdruklik die teendeel aandui of daarmee strydig is. 2. Studente moet, voordat hulle finaal oor hul keuse van modules wat in 'n spesifieke akademiese jaar gevolg gaan word besluit, die klas-, toets- en eksamenroosters sorgvuldig nagaan. Waar dit dan blyk dat enige twee voorgenome modules binne dieselfde tydgleuf op 'n spesifieke rooster val, mag die twee modules nie saam gevolg word nie. 3. Die Universiteit behou hom die reg voor om te eniger tyd wysigings aan die Jaarboek aan te bring. Die Raad en die Senaat van die Universiteit aanvaar geen aanspreeklikheid vir onjuisthede wat in die inhoud van die Jaarboek mag voorkom nie. Alle redelike sorg is egter gedra om te verseker dat die Jaarboek die tersaaklike inligting wat met die ter perse gaan beskikbaar was, akkuraat en volledig weergee. 4. Deel 1, 2 en 3 van die Jaarboek bevat algemene inligting wat op alle studente van toepassing is. Studente word versoek om hulle te vergewis van die eksamen- en promosiebepalings in die hoofstuk "Universiteitseksamens" van Deel 1 van die Jaarboek. JAARBOEKVERDELING Gerieflikheidshalwe is die Jaarboek in die volgende dele verdeel: Algemeen Deel 1 Beurse en Lenings Deel 2 Studentegelde Deel 3 Lettere en Sosiale Wetenskappe Deel 4 Natuurwetenskappe Deel 5 Opvoedkunde Deel 6 AgriWetenskappe Deel 7 Regsgeleerdheid Deel 8 Teologie Deel 9 Ekonomiese en Bestuurswetenskappe Deel 10 Ingenieurswese Deel 11 Geneeskunde en Gesondheidswetenskappe Deel 12 Krygskunde Deel 13 Afrikaanse (Deel 1-12) en Engelse kopieë van die afsonderlike dele is op aanvraag by die Registrateur verkrygbaar. 7

9 KOMMUNIKASIE MET DIE UNIVERSITEIT Studentenommer By die hantering van nuwe formele aansoeke ken die Universiteit aan elke aansoeker 'n nommer toe. Die nommer dien as unieke identifikasie van die betrokke individu om toekomstige kommunikasie te vergemaklik. In die Universiteit se "taal" noem ons hierdie nommer u studentenommer. Die blote toekenning van so 'n studentenommer impliseer egter nie dat die aansoeker finaal aanvaar is vir die gevraagde studieprogram nie. Vir aanvaarding al dan nie word aparte briewe uitgestuur. Wanneer u studentenommer aan u bekend gemaak is, moet u dit asseblief in alle toekomstige korrespondensie met die Universiteit vermeld. Adresse van die Sentrale Administrasie Korrespondensie in verband met akademiese aangeleenthede, d.w.s. studie-aangeleenthede, beurse en lenings, ens., asook koshuisplasings, moet gerig word aan: Die Registrateur Universiteit van Stellenbosch Privaat Sak X1 MATIELAND 7602 Korrespondensie in verband met finansiële en dienste-aangeleenthede, insluitend diensaspekte van koshuise, moet gerig word aan: Die Uitvoerende Direkteur: Bedryf en Finansies Universiteit van Stellenbosch Privaat Sak X1 MATIELAND 7602 Ander amptelike adresse Die Dekaan Fakulteit Natuurwetenskappe Universiteit van Stellenbosch Privaat Sak X1 Matieland 7602 Sentrum vir Studentesake (Nie-akademiese sake) Neelsie Privaat Sak X1 Matieland

10 BELANGRIKE TELEFOON- EN FAKSNOMMERS Vir afdelings wat nie hieronder gelys word nie, skakel die Universiteit van Stellenbosch Kontaksentrum op die Stellenboschkampus by , met faksnommer en e-pos Groot eenhede volgens kampus Telefoon Faks Biblioteek (=JS Gericke) (Stellenbosch) / Geneeskunde en Gesondheidswetenskappe, Fakulteit (Tygerberg) Krygskunde, Fakulteit (Saldanha) Nagraadse Bestuurskool (Bellvillepark) Skool vir Publieke Leierskap (Bellvillepark) Telematiese Dienste (Stellenbosch) Ander eenhede Beurse (Nagraadse kandidate) Beurse en Lenings (Voorgraadse kandidate) Eksamens Kommunikasie en Skakeling Nagraadse en Internasionale Kantoor (NGIK) Navorsingsontwikkeling Ontwikkeling en Alumniverhoudings Sentrum vir Onderrig en Leer (Verlengde graadprogramme) Sentrum vir Studentegemeenskappe Sentrum vir Studentevoorligting en ontwikkeling Fakulteitsekretarisse AgriWetenskappe Ekonomiese en Bestuurswetenskappe Geneeskunde en Gesondheidswetenskappe: Aansoeke, Stellenbosch Geneeskunde en Gesondheidswetenskappe: Tygerbergkampus Ingenieurswese Krygskunde Lettere en Sosiale Wetenskappe Natuurwetenskappe Opvoedkunde Regsgeleerdheid Teologie Universiteitswebblad: 9

11 Kontakbesonderhede van die Fakulteit Natuurwetenskappe Vir spesifieke navrae oor die werksaamhede van die Fakulteit Natuurwetenskappe, is die volgende kontakbesonderhede handig: Posadres: Fakulteit Natuurwetenskappe Universiteit van Stellenbosch Privaat Sak X1 MATIELAND 7602 Fisiese adres van Dekaanskantoor: 2de vloer, AI Peroldgebou Interimdekaan Prof DE Rawlings Tel.: ; Faks: ; E-pos: Dekaanskantoor Me S Els Tel.: ; Faks: ; E-pos: se@sun.ac.za Fakulteitsekretaris (Navrae oor akademiese aangeleenthede) Mnr BP Abels Tel.: ; Faks: ; E-pos: bpa@sun.ac.za Fakulteitsbeampte (Navrae oor akademiese aangeleenthede) Me CS Fransman Tel.: ; Faks: ; E-pos: cfransman@sun.ac.za Fakulteitsbestuurder Me M van den Worm Tel.: ; Faks: ; E-pos: mvdworm@sun.ac.za Akademiese Koördineerder Me W Wagener Tel.: ; Faks ; E-pos: ww@sun.ac.za NARGA: Bestuurder Me I de Kock Tel.: ; Faks ; E-pos: idk@sun.ac.za Media en Bemarking Me E Duvenage Tel.: ; Faks: ; E-pos: science@sun.ac.za Fakulteit se webblad: Departemente: Aardwetenskappe Tel: ; Faks: lcon@sun.ac.za ; Biochemie ; biochair@sun.ac.za; Chemie en Polimeerwetenskap ; deidre@sun.ac.za; Fisika ; physoffice@sun.ac.za; Fisiologiese Wetenskappe ; gas@sun.ac.za; Mikrobiologie ; wendyw@sun.ac.za; Plant- en Dierkunde ; lwillems@sun.ac.za; Wiskundige Wetenskappe (Wiskunde, Toegepaste Wiskunde en Rekenaarwetenskap) la2@sun.ac.za; ; mvann@sun.ac.za; ; ala@sun.ac.za; 10

12 Die Fakulteit Natuurwetenskappe Die Fakulteit Natuurwetenskappe is 'n gevestigde en toonaangewende instelling met 'n ryke tradisie wat uit die vroegste dae van die Universiteit van Stellenbosch dateer. Oor die afgelope dekades het dit dinamiese veranderings ondergaan om 'n nasionale en internasionale rolspeler in basiese én toegepaste navorsing te word. In die afgelope dekade het ons nagraadse studentegetalle sterk groei getoon, het navorsingsuitsette deur ons akademici en nagraadse studente meer as verdubbel en geniet ons toenemend 'n finansiële inspuiting uit die privaat en nywerheidsektore. Talle van ons dosente het reeds op internasionale gebied presteer, of is op nasionale vlak beloon met toekennings. Hulle speel ook leidende rolle binne hul onderskeie professionele sfere deur onder meer as bestuurslede van professionele verenigings te dien, of betrokke te wees by die redaksionele werk van toonaangewende joernale. Ontstaan Hierdie Fakulteit is die tweede oudste aan die Universiteit. Sy fondamente is gelê in 1866, toe kursusse in Wiskunde en Natuurwetenskap reeds deel uitgemaak het van die opleiding wat aangebied is by die Stellenbossche Gymnasium. Dit het egter amptelik tot stand gekom met die stigting van die Arts Department van die Stellenbossche Gymnasium in Gedurende die vormingsjare van die Universiteit van Stellenbosch vanaf die stigting van die Arts Department, die uitbreiding van sy status tot 'n kollege met die totstandkoming van die Stellenbosch College in 1881, die herbenoeming van die laasgenoemde tot die Victoria College in 1887, tot die selfstandigwording van die Universiteit in 1918 het die personeel, vakgebiede en studentegetalle in die natuurwetenskappe geleidelik uitgebrei. In 1918 is die Fakulteit van Wis- en Natuurkunde as afsonderlike fakulteit in die lewe geroep. Dit is in 1957 herdoop tot die Fakulteit Natuurwetenskappe. Met die onafhanklikwording van die Universiteit van Stellenbosch in 1918, was Wiskunde, Toegepaste Wiskunde, Fisika, Chemie, Geologie, Soölogie en Botanie reeds gevestigde studiegebiede. In die daaropvolgende jare is die Fakulteit met 'n aantal addisionele studievelde uitgebrei: Fisiologie in 1922, Huishoudkunde in 1925 (Huishoudkunde verander in 2000 na Verbruikerswetenskap), Rekenaarwetenskap in 1969 en Biochemie in Aanvanklik het studente 'n BA-graad in Wetenskap verwerf, maar sedert die ontstaan van die Fakulteit van Wis- en Natuurkunde in 1918, word 'n BSc-graad aangebied. Sedert 2000 word ons studieprogramme saamgestel in lyn met die Hoër Onderwys se Kriteria en Riglyne en word dit so gestruktureer dat 'n student daarmee 'n BSc-graad, 'n honneursgraad (HonsBSc), magistergraad (MSc) of doktorsgraad (PhD of DSc) kan verwerf. Struktuur Die departementele struktuur van die Fakulteit het in die afgelope paar jaar heelwat vernuwings en verskuiwings ondergaan om tred te kan hou met veranderende akademiese behoeftes en verskerpte navorsingsfokusse. So het die Departemente Botanie en Soölogie hul navorsingsfokusgebiede versterk deur saam te smelt tot die groter Departement Plant- en Dierkunde. Die Departement Verbruikerswetenskap: Voedsel, Kleding en Behuising is teen die einde van 2005 ontbondel, terwyl die Departement Geologie in 2006 saamgesmelt het met die Departement Geografie en Omgewingstudie (gesetel in die Fakulteit Lettere en Sosiale Wetenskappe) om die Departement Geologie, Geografie en Omgewingstudie te vorm. Vanaf 2010 is die 11

13 Departement Geografie en Omgewingstudie weer in die Fakulteit Lettere en Sosiale Wetenskappe gesetel, terwyl die Departement Geologie se naam na Departement Aardwetenskappe verander. Ook binne die wiskundige wetenskappe is daar in 2006 groter sinergie tussen navorsingsvelde bewerkstellig met die samesmelting van die Departemente Wiskunde, Rekenaarwetenskap en Toegepaste Wiskunde om die Departement Wiskundige Wetenskappe (Wiskunde, Toegepaste Wiskunde en Rekenaarwetenskap) te vorm. Die Departement Toegepaste Wiskunde was voorheen deel van die Fakulteit Ingenieurswese. Die Fakulteit Natuurwetenskappe bestaan tans uit die volgende agt departemente: Aardwetenskappe; Biochemie; Chemie en Polimeerwetenskap; Fisika; Fisiologiese Wetenskappe; Mikrobiologie; Plant- en Dierkunde; en Wiskundige Wetenskappe (Wiskunde, Toegepaste Wiskunde en Rekenaarwetenskap). Behalwe die studievelde in die Fakulteit Natuurwetenskappe, kan studente ook die BScgraad verwerf met hoofvakke uit ander fakulteite, insluitend Genetika, Operasionele Navorsing, Sielkunde, Sportwetenskap en Wiskundige Statistiek. Daarbenewens bied die Fakulteit se dosente ook dienskursusse in die Natuurwetenskappe aan vir studente in die Fakulteite AgriWetenskappe, Ekonomiese en Bestuurswetenskappe, Ingenieurswese, en Geneeskunde en Gesondheidswetenskappe. Die Fakulteit word in 'n aantal geboue op die hoofkampus gehuisves, waar onderrig en nagraadse navorsing ondersteun word met baie moderne toerusting en hoogs opgeleide en ervare personeel. Gevorderde navorsingstoerusting wat deur die Universiteit se Sentrale Analitiese Fasiliteit (SAF) bestuur word, word ook met vrug deur wetenskaplikes van die Fakulteit Natuurwetenskappe gebruik. Dit sluit apparaat soos 'n DNA-volger, 'n aminosuuranaliseerder, 'n elektrosproei-massaspektrometer, en 'n hoëresolusie-massaspektrometer in. Uitgebreide finansiële steun vanuit die industrie en ander organisasies bemagtig navorsingsinstansies om 'n toonaangewende rol ten opsigte van basiese en toegepaste wetenskappe op internasionale gebied te vervul. Daarbenewens bemagtig dit die Fakulteit om Suid-Afrikaanse en internasionale nagraadse studente te ondersteun. Missie Oor die jare heen het die Fakulteit doelbewus gestreef om wenners op akademiese en navorsingsgebied te kweek en te werf as deel van sy toekomsstrategie. Dit is die Fakulteit se missie om die natuurwetenskappe uit te bou deur onderrig en navorsing van hoë gehalte en om by te dra tot die welstand van die Suid-Afrikaanse samelewing en die omgewing. Onderrig Deur die hoë gehalte en aktualiteit van sy onderrigprogramme, word die aansien van die Fakulteit bevorder. Onderrig fokus daarop om aan alle studente die geleentheid te gee om tot hul volle potensiaal te ontwikkel, deur die geskikste metodes van onderrig te gebruik en 'n gesonde wetenskaplike ingesteldheid by studente te kweek. Die ideaal is om graduandi te kweek wat mededingend en hoogs in aanvraag is in die werksmark, en ook kan funksioneer as selfstandige denkers. Die realiteite van plaaslike natuurwetenskappe binne die konteks van die internasionale wêreld van die wetenskap kan nie misken word nie. Daarom fokus die Fakulteit toenemend daarop om studente toe te rus met die wetenskaplike, taal- en elektroniese kommunikasievaardighede wat nodig is om hulself binne 'n uitdagende omgewing te kan handhaaf. 12

14 Navorsing Die aansien van die Fakulteit word bevorder deur navorsing van hoë gehalte. Navorsing van gehalte en goeie onderrig gaan hand-aan-hand. Op gevorderde vlak is optimale onderrig sonder goeie navorsing immers nie moontlik is nie. Die Fakulteit se navorsing sluit die volgende in: Volhoubare biodiversiteit en die omgewing; biotegnologie; tegnologie vir die industrie; en fundamentele teorie, wiskunde en kompleksiteit. In die verskillende navorsingsvelde wat ondersoek word, streef die Fakulteit na 'n gesonde balans tussen basiese en toegepaste navorsing, wat die behoeftes van die gemeenskap en Suid-Afrika aanspreek. 'n Multidissiplinêre werkswyse oor vak-, fakulteits- en ander grense heen word voorgestaan. Dienslewering Benewens 'n fokus op onderrig en navorsing van uitnemendheid is dienslewering aan die gemeenskap, in die vorm van die bevordering van onderwys van natuurwetenskappe op skoolvlak ook 'n doel wat nagestreef word. Kundigheid word ook op formele en informele wyse aan die gemeenskap beskikbaar gestel, terwyl aandag gegee word aan gemeenskapsbehoeftes en -probleme wanneer onderwerpe vasgestel word vir navorsing. Vir meer inligting oor die Fakulteit, besoek 13

15 Inligting vir Studente VOORGRAADSE-INSKRYWINGSBESTUUR Ten einde die Raadsteikens ten opsigte van die grootte (die totale aantal studente) en vorm (studierigtings en diversiteitsprofiel) van die Universiteit van Stellenbosch (US) se studentebevolking te kan bereik, is dit nodig om die voorgraadse inskrywings aan die US te bestuur. Die US se totale aantal inskrywings word bestuur om in te pas binne die beskikbare kapasiteit. Die US bied 'n gebalanseerde pakket programme aan wat strek oor al drie hoofstudievelde, naamlik (a) die humaniora, (b) die ekonomiese en bestuurswetenskappe, en (c) die natuurwetenskappe, landbouwetenskappe, gesondheidswetenskappe en ingenieurswese (Wetenskap, Ingenieurswese en Tegnologie/Science, Engineering and Technology of SET). Die US is verbind tot die bevordering van diversiteit. Voorgraadse-inskrywingsbestuur aan die US geskied binne die raamwerk van die nasionale hoëronderwysstelsel. 'n Verantwoorde samehang tussen nasionale en institusionele doelwitte met respek vir belangrike beginsels soos institusionele outonomiteit, akademiese vryheid en openbare verantwoordelikheid word nagestreef. Die volgende vertrekpunte is van toepassing: Die uitbouing van akademiese uitnemendheid deur die handhawing van hoë akademiese standaarde. Die handhawing en verbetering van hoë sukseskoerse. Die nakoming van die US se verbintenis tot regstelling, tot sosiale verantwoordelikheid, en om 'n bydrae te lewer tot die opleiding van toekomstige rolmodelle uit alle bevolkingsgroepe. Die verbreding van toegang tot hoër onderwys veral aan studente uit onderwysbenadeelde en ekonomies behoeftige omstandighede wat oor die akademiese potensiaal beskik om suksesvol aan die US te studeer. As gevolg van die beperkte beskikbaarheid van plekke en die strategiese en doelgerigte bestuur van inskrywings sal nie alle voorgraadse aansoekers wat aan die minimum toelatingsvereistes van 'n betrokke program voldoen, noodwendig toegelaat word nie. Besonderhede oor die keuringsprosedures en toelatingsvereistes vir voorgraadse programme is op en op die Fakulteit se webblad by science.sun.ac.za beskikbaar. Vir die 2013-inname en verdere jare moet alle voornemende voorgraadse studente die Nasionale Normtoetse (NNT) (Engelse Benaming: National Benchmarking Tests of NBT) skryf. Raadpleeg die NBT-webblad ( of die US se webblad ( vir meer inligting oor die Nasionale Normtoetse. Die uitslae van die Nasionale Normtoetse kan deur die US vir die volgende doeleindes gebruik word (besonderhede is beskikbaar by ondersteuning met die besluitneming oor die plasing van studente in verlengde graadprogramme, keuring, en kurrikulumontwikkeling. 14

16 TOELATINGSVEREISTES VIR DIE BSC-GRAAD Vir universiteitstoelating moet 'n student in besit wees van 'n Nasionale Senior Sertifikaat (NSS) of skooleindsertifikaat van die Onafhanklike Eksamenraad (Independent Examination Board of IEB) soos gesertifiseer deur Umalusi, met toelating tot baccalaureusgraadstudie (wat vereis dat 'n punt van minstens 'n 4 (50-59%) in elk van vier aangewese universiteitstoelatingsvakke verwerf moet word), of 'n matrikulasievrystellingsertifikaat uitgereik deur die Suid-Afrikaanse Matrikulasieraad aan studente met ander skoolkwalifikasies. Vir toelating tot die BSc-graadprogramme in die Fakulteit Natuurwetenskappe geld die volgende minimum toelatingsvereistes vanaf 2013: 'n Gemiddelde prestasiepunt van 65% in die NSS of die IEB skooleindsertifikaat (Lewensoriëntering uitgesluit), of ander skoolkwalifikasie. 'n Prestasiepunt van 70% (6) vir Wiskunde (vir graadprogramme in die Fisiese en Wiskundige Wetenskappe) OF 60% (5) (vir graadprogramme in die Biologiese Wetenskappe). 'n Prestasiepunt van 50% (4) vir Fisiese Wetenskappe (uitgesonder graadprogramme in die Wiskundige Wetenskappe waar studente nie Chemie of Fisika volg nie). Afrikaans of Engels (Huistaal of Eerste Addisionele Taal) 50% (4). Een ander aangewese universiteitstoelatingsvak (4). Die voornemende student moet ook die Nasionale Normtoetse (NNT) (ook bekend as die National Benchmark Test of NBT), insluitend die Wiskunde-komponent (MAT) van die toetse, aflê. Toelating is onderhewig aan die beskikbaarheid van plek per program of programrigting en 'n keuringsproses word gevolg om die inskrywingsteikens te behaal. Voldoening aan die minimum toelatingsvereistes van die program waarvoor aansoek gedoen word, sal nie keuring waarborg nie. Die keuringsbeleid en -prosedures is aanlyn by beskikbaar. Fisiese Wetenskappe moet 'n skoolvak vir alle voornemende studente wees wat vir programme in die Biologiese Wetenskappe of die Fisiese Wetenskappe wil registreer, of wat enige modules in Chemie of Fisika wil volg. Enige student wat Wiskunde 114 en/of 144 of Fisika 114 en/of 144 wil volg, moet voldoen aan die Wiskunde-toelatingsvereiste soos gestel vir programme in die Wiskundige Wetenskappe. Voorts moet daar aan die kombinasie van vakspesifieke toelatingsvereistes voldoen word, soos vereis vir die spesifieke program, of stroom binne 'n program, wat gevolg gaan word (sien tabelle hieronder). Lewenswetenskappe as skoolvak word aanbeveel vir voornemende studente wat vir programme in die Biologiese Wetenskappe wil registreer. Voornemende studente wat by aansoek reeds in besit van 'n Nasionale Senior Sertifikaat (NSS) of 'n Onafhanklike Eksamenraad- (IEB) skooleindsertifikaat, soos gesertifiseer deur Umalusi, is: 'n Voornemende student, wat binne een jaar na verwerwing van die NSS of IEBskooleindsertifikaat aansoek doen, se aansoek sal oorweeg word indien daar aan die toelatingsvereistes van die jaar waarin die kwalifikasie verwerf is voldoen word. Alle aansoeke sal verder volgens die keuringsproses oorweeg word. Voornemende studente wat nie aan die toelatingsvereistes voldoen nie, maar besig is om hul NSS- of IEB-prestasie tydens die aansoekjaar te verbeter, se aansoeke sal op 'n waglys geplaas word totdat die verbeterde prestasiepunt bekend is. 15

17 Voornemende studente met 'n ander skoolkwalifikasie as die NSS of IEBskooleindsertifikaat Voornemende studente wat 'n ander skoolkwalifikasie as die NSS of IEBskooleindsertifikaat aanbied, moet verseker dat matrikulasievrystelling deur die Suid- Afrikaanse Matrikulasieraad verleen kan word. Voornemende studente moet beide Fisika en Chemie as skoolvakke aanbied indien Fisiese Wetenskappe as toelatingsvereiste gestel word. BSC (VERLENGDE GRAADPROGRAM) Hierdie program bied alternatiewe toegang tot die breë natuurwetenskappe (Programme in Biologiese Wetenskappe, Fisiese Wetenskappe en Wiskundige Wetenskappe). Minimumtoelatingsvereistes vir verlengde graadprogram is: 'n Gemiddelde prestasiepunt van 55% in die NSS, Lewensoriëntering uitgesluit. Vir programme in die Fisiese en Wiskundige Wetenskappe: een simbool laer as die toelatingsvereiste tot die hoofstroomgraadprogram, dus 'n prestasiepunt van όf 60% (5) vir Wiskunde όf 'n prestasiepunt van 40% (3) vir Fisiese Wetenskap. OF Vir programme in die Biologiese Wetenskappe: een simbool laer as die toelatingsvereiste tot die hoofstroomgraadprogram, dus 'n prestasiepunt van 50% (4) vir Wiskunde en 'n prestasiepunt van 40% (3) vir Fisiese Wetenskap. Afrikaans of Engels (Huistaal of Eerste Addisionele Taal) 50% (4). Fisiese Wetenskappe is 'n vereiste skoolvak vir alle kandidate wat vir die verlengde graadprogram oorweeg wil word. Studente doen aansoek soos in Deel 1 (Algemeen) van die Jaarboek gespesifiseer word. 'n Beperkte aantal studente word gekeur vir hierdie program en voorkeur word verleen aan studente vanuit voorheen benadeelde gemeenskappe. Die keuringsbeleid en -prosedures is aanlyn beskikbaar by Hierdie program duur hoogstens 'n jaar langer as die hoofstroomgraadprogram. Gedurende die eerste jaar word studente se kennisbasis versterk en hulle vaardighede ontwikkel ter voorbereiding vir toetrede tot die hoofstroommodules vanaf die tweede jaar. Vanweë die aard van hierdie program is klasbywoning verpligtend en studente moet alle modules in Jaar 1 slaag om te kan voortgaan met hulle daaropvolgende studiejaar. Studente kan nie van hierdie jaar se modules herhaal in die daaropvolgende studiejaar nie. Dit beteken dat studente as gevolg van onbevredigende klasbywoning en/of indien hulle 'n module of modules sak, nie hertoelating tot die verlengde graadprogram sal kry nie. Indien studente hierdie graadprogram suksesvol voltooi, ontvang hulle 'n graadsertifikaat van die Universiteit wat presies dieselfde is as die wat die hoofstroomstudente ontvang. Slegs die roetes verskil, nie die bestemmings nie. Toelatingsvereistes per program By elke program se kurrikulum, soos uiteengesit in die Programaanbod-tabelle wat volg, word die kombinasies van vakspesifieke toelatingsvereistes wat van toepassing is op 'n spesifieke program, ook aangedui. 16

18 Programaanbod Program, stroom en eerstejaarskurrikulum (kur) 1. PROGRAMME IN DIE BIOLOGIESE WETENSKAPPE 1.1 Biodiversiteit en Ekologie (Kur 1) 1.2 Molekulêre Biologie en Biotegnologie (Kur 1, of aangepaste 3) 1.3 Menslike Lewenswetenskappe Stroom: Biologie (Kur 1, of aangepaste 3) Stroom: Biologie met Sielkunde (Kur 2) 1.4 Sportwetenskap (Kur spesifiek vir program) 2. PROGRAMME IN DIE FISIESE WETENSKAPPE 2.1 Chemie Stroom: Chemie en Polimeerwetenskap (Kur 3, of 4, of 5, of 6) Stroom: Chemiese Biologie (Kur 3) Stroom: Tekstiel- en Polimeerwetenskap (Kur 3, of 4, of 5, of 6) 2.2 Fisika Stroom: Laserfisika (Fisiese), Kernfisika, Stralings- en Gesondheidsfisika (Kur 5, of 6, of 7) Stroom: Laserfisika (Biologiese) (Kur 3) Stroom: Teoretiese Fisika (Kur 7) 2.3 Aardwetenskap (Kur spesifiek vir program) 2.4 Geoinformatika (Kur spesifiek vir program) Toelatingsvereistes vanaf 2013 Afrikaans of Engels (Huistaal of Eerste Addisionele Taal) 4 Fisiese Wetenskappe 4 Indien Wiskunde 114, 144 en Fisika 114, 144 gevolg word: Wiskunde 6 Indien Wiskunde (Bio) 124 en Fisika (Bio) 134, 154 gevolg word: Wiskunde 5 Afrikaans of Engels (Huistaal of Eerste Addisionele Taal) 4 Fisiese Wetenskappe 4 Wiskunde 6 Afrikaans of Engels (Huistaal of Eerste Addisionele Taal) 4 Fisiese Wetenskappe 4 Indien Wiskunde 114, 144 en Fisika 114, 144 gevolg word: Wiskunde 6 Indien Wiskunde (Bio) 124 en Fisika (Bio) 134, 154 gevolg word: Wiskunde 5 17

19 2.5 BSc (Ed) (Vierjarig) Stroom: Chemie (Kur 3, of 4, of 5, of 6) Stroom: Fisika (Kur 3, of 4, of 5, of 6) GEEN NUWE EERSTEJAARSREGISTRASIE VANAF PROGRAMME IN DIE WISKUNDIGE WETENSKAPPE 3.1 Wiskundige Wetenskappe Stroom: Finansiële Wiskunde (Kur spesifiek vir program) Stroom: Rekenaarwetenskap (Kur spesifiek vir program) Stroom: Toegepaste Wiskunde (Kur spesifiek vir program) Stroom: Wiskunde (Kur spesifiek vir program) Stroom: Wiskundige Statistiek (Kur spesifiek vir program) Stroom: Operasionele Navorsing (Kur spesifiek vir program) Stroom: Biowiskunde (Opsie 1: Molekulêre Biologie) (Kur spesifiek vir program) Stroom: Biowiskunde (Opsie 2: Ekologie) (Kur spesifiek vir program) 3.2 BSc (Ed) (Vierjarig) Stroom: Wiskunde (Kur 3, of 4, of 5, of 6) Afrikaans of Engels (Huistaal of Eerste Addisionele Taal) 4 Wiskunde 6 4 in enige ander skoolvak uit die lys van aangewese universiteitstoelatingsvakke OF Let wel: Indien Fisika of Chemie gevolg word: Fisiese Wetenskappe 4 Afrikaans of Engels (Huistaal of Eerste Addisionele Taal) 4 Fisiese Wetenskappe 4 Wiskunde 6 GEEN NUWE EERSTEJAARSREGISTRASIE VANAF 2011 Let wel: Studente wat beoog om te registreer vir programme in die Biologiese Wetenskappe moet hulself daarvan vergewis dat daar van hulle vereis mag word om met dier- en/of mensbiologiese materiaal te werk, wat in die geval van diere ook primêre monsterversameling mag insluit. EKSAMEN- EN PROMOSIEBEPALINGS Volledige besonderhede van die algemene eksamen- en promosiebepalings van toepassing op programme en modules word in die Deel 1 (Algemeen) van die Universiteitsjaarboek uiteengesit. Daar word van studente verwag om hulself daarvan te vergewis. Behoudens bogemelde algemene eksamen- en promosieregulasies, geld die onderstaande regulasies t.o.v. die Fakulteit Natuurwetenskappe in die besonder: 1. Studente wat 'n graadprogram in die Fakulteit Natuurwetenskappe volg, word nie toegelaat om terselfdertyd vir 'n graadprogram in 'n ander fakulteit in te skryf nie. 2. Alle klaspunte tussen 35 en 50 moet in veelvoude van 5 toegeken word; onder 35 en bo 50 kan die werklike punte behaal, toegeken word. 3. Studente word daarop gewys dat modules uit verskillende jaargange wat in enige bepaalde jaar saam gevolg kan word, beperk word tot die moontlikhede wat die klas-, toets- en eksamenroosters bied. Indien daar botsings op enige van die voorgenoemde roosters voorkom, mag die betrokke modules nie saam gevolg word nie. 18

20 4. 'n Student mag slegs 'n module uit 'n bepaalde jaargang van 'n vak volg, indien hy op die meeste die volgende getal krediete agterstallig is: 4.1 die helfte van die krediete van 'n enkele voorafgaande jaargang van die vak; of 4.2 sestien (16) krediete uit 'n kombinasie van twee of meer voorafgaande jaargange van die vak: Met dien verstande dat hierdie reël onderworpe is aan die toepaslike newevereistes, voorvereistes en slaagvoorvereistes en afhanklik is van die betrokke klas-, toets- en eksamenroosters. 5. Alle toets- en eksamenantwoordstelle moet in ink beantwoord word. 6. 'n Student wat een jaar lank die eerste studiejaar van 'n program in die Fakulteit gevolg het, sal verder as student in die program toegelaat word slegs indien hy gedurende dié jaar minstens 0,50 HEMIS-krediet ingevolge die voorgeskrewe modules van die eerste jaargang verwerf het. STUDENTE MET KREDIETAGTERSTANDE Studente in hul tweede studiejaar, met 'n agterstand in krediete wat opgebou is weens onsuksesvolle studie in hul eerste jaar, sal nie toegelaat word om meer as sestien krediete per semester addisioneel tot die normale kredietlading van hulle programme te volg nie. Dus word 'n bo-grens geplaas op die aantal addisionele krediete wat in die nie-finale studiejare geneem mag word om agterstande uit te wis. REGLEMENT VIR DEKAANSVERGUNNINGSEKSAMENS (DVE's) 1. 'n Voorgraadse finalejaarstudent, wat, nadat hy alle eksamens afgelê het en alle prestasiepunte beskikbaar is, 'n maksimum van twee modules met 'n maksimum van 32 krediete, of die kredietwaarde wat individuele fakulteite in hoogs uitsonderlike gevalle toelaat, kort ten einde sy graad te verwerf (d.w.s. eksamen in die betrokke modules afgelê het, maar gesak het), kan deur die Dekaan in konsultasie met die betrokke akademiese departement(e) as vergunning tot 'n dekaansvergunningseksamen (DVE) toegelaat word, onderworpe aan die bepalings in paragrawe 2, 3 en 4 hieronder. 2. Die fakulteitsekretaris sal sodanige studente identifiseer en die name via die dekaanskantoor aan die betrokke departemente verskaf. Die onus rus op studente wat vir 'n DVE mag kwalifiseer om betyds (nie later as 15 Januarie) met die fakulteitsekretaris te skakel oor hulle toelating tot die DVE. Die DVE sal op 'n geskeduleerde tyd tydens die laaste week van Januarie of die eerste week van Februarie afgelê word. 3. Indien die student die module in die DVE sak, sal geen verdere DVE toegestaan word nie. 4. DVE's in modules wat van deurlopende assessering gebruik maak, sal op dieselfde tydstip vermeld in paragraaf 2 hierbo afgelê word, ingevolge die prosedure neergelê in paragraaf 2 hierbo. 5. DVE's word departementeel afgeneem en studente aan wie 'n DVE toegestaan is, moet hulle by die betrokke departement van die tyd en plek van die DVE vergewis en betyds daar aanmeld. 6. Dekaansvergunningseksamens word slegs met goedkeuring van die Dekaan toegestaan. Departemente moet onder geen omstandighede self DVE's aan studente toestaan nie. Geen dosent kan 'n onderneming aan 'n student hieroor maak nie. 7. Die toestaan van 'n Dekaansvergunningseksamen in 'n module is onderhewig aan die reëls van die fakulteit wat die module aanbied. Vir die reëls vir Dekaansvergunningseksamens in modules wat nie deur die Fakulteit Natuurwetenskappe aangebied word nie, raadpleeg die betrokke fakulteit se jaarboekdeel of die fakulteitsekretaris. 19

21 MEDALJES Die volgende medaljes kan, op grond van uitmuntende akademiese prestasies, aan studente in die Fakulteit Natuurwetenskappe toegeken word: Dekaansmedalje Ingestel en geskenk deur prof JA de Bruyn. 'n Soliede silwermedalje wat jaarliks toegeken word aan die honneursstudent wat oor die hele tydperk van sy studie vir die BSc- en HonsBSc-grade die hoogste gemiddelde persentasie behaal het. (Vir berekeningsdoeleindes dra elke jaargang van die BSc-graad, in ooreenstemming met HEMIS-norme, 'n gewig van een, en die honneursgraad 'n gewig van twee.) Element Six (Edms) Bpk en DWT-NNS Sentrum van Uitnemendheid vir Sterk Materiale-medaljes 'n Medalje, met goud oorgeblaas, word jaarliks toegeken aan die beste derdejaarstudent in die voorgraadse Chemie-program met 'n gemiddelde punt van minstens 70% wat die punte van die twee polimeermodules insluit. 'n Medalje, met goud oorgeblaas, word ook jaarliks aan die beste honneursstudent (minimum punt 70%) in Polimeerwetenskap toegeken. John Todd Morrison-navorsingsmedalje Geskenk deur mev JT Morrison, eggenote van wyle prof JT Morrison. 'n Soliede silwermedalje, met goud oorgeblaas, wat jaarliks toegeken word aan die beste student wat die MSc-graad in Fisika of Toegepaste Wiskunde cum laude verwerf het. Meiring Naudé-medalje Geskenk deur wyle dr S Meiring Naudé. 'n Vergulde silwermedalje wat jaarliks toegeken word aan die beste kandidaat wat 'n goedgekeurde HonsBSc-program in Fisika met 'n prestasiepunt, vóór afronding, van minstens 80 geslaag het en in alle modules wat vir die graad aangebied is, 'n prestasiepunt van minstens 60 behaal het. SJ Shand-gedenkmedalje Geskenk deur mej Helen B Shand ter herinnering aan die werk van wyle prof SJ Shand. 'n Goue medalje van 18 karaat wat jaarliks toegeken word aan die beste student wat die MScgraad in Geologie cum laude verwerf het. Van der Walt-medalje Hierdie medalje word jaarliks ter nagedagtenis aan wyle prof APJ van der Walt toegeken aan 'n finalejaar-, voorgraadse student met die hoogste gemiddelde prestasie vir alle Rekenaarwetenskap-modules oor die eerste drie studiejare. (Besonderhede van pryse wat in die Fakulteit Natuurwetenskappe toegeken word, word in Deel 2 van die Universiteitsjaarboek verskaf.) KOPPELING VAN STUDENTE SE PRIVAAT REKENAARS AAN US- NETWERK (Kry al onderstaande inligting by Alle ingeskrewe studente, of studente van ander instansies wat in Academia of die Meerhof-woonstelle bly, is gemagtig om hulle privaat rekenaars aan die US-netwerk te koppel, soos per aangewysde areas/punte vir studentenetwerkkoppeling. Hierdie beperkte netwerkkoppeling is egter onderhewig aan onderstaande Voorwaardes vir koppeling aan die US-rekenaarnetwerk. Dit is in u eie belang om dit deur te lees en u deeglik daarvan te vergewis. Voorwaardes vir koppeling aan die US-rekenaarnetwerk Lees asseblief die voorwaardes noukeurig deur. Dit is in u eie belang dat u u deeglik vergewis van die inhoud. Onkunde van die reg is geen verweer nie (Ignorantia Juris non excusat). Hierdie voorwaardes is onderhewig aan die Elektroniese Kommunikasie Beleid ( Navrae kan gerig word deur e-pos te stuur na die IT Studentehulpsentrum by student_help@sun.ac.za. 20