FAKULTEIT EKONOMIESE EN BESTUURSWETENSKAPPE (EBW)

Transcriptie

1 FAKULTEIT EKONOMIESE EN BESTUURSWETENSKAPPE (EBW) Keuringsriglyne vir nuweling eerstejaars: 2019-inname 1. TERMINOLOGIE Voorwaardelike toelating: Studente ontvang voorwaardelike toelating op grond van hul Graad 11-punte. Dit beteken dat studente voorlopig plek gekry het in die fakulteit. Finale toelating hang van hul Graad 12-uitslae af. Nuweling eerstejaars: Studente wat vir die eerste keer by US studeer. Inskrywings: Aantal studente wat binne ʼn gegewe tydperk registreer. Inskrywingsteikens: Die fakulteit se getalle word beperk in ooreenstemming met die beskikbare kapasiteit en hulpbronne. Teikens word dus gestel om inskrywings te beperk en seker te maak dat alle hulpbronne doeltreffend benut word. Keuringsprogramme: Studente word vir die programme gekeur deur die departemente wat die programme aanbied. Nie alle studente wat aan die minimum vereistes voldoen, sal noodwendig gekeur word nie. Hoofstroom: Fakulteit se normale, drie jaar lange programme. Verlengde graadprogram (VGP): Die inhoud van die 3-jaar BCom Bestuurswetenskappeprogram word oor vier jaar versprei en sluit addisionele ondersteuningsmodules in. 2. AANSOEKPROSEDURE Studente kan elektronies aansoek doen by Alle aansoeke sluit op 30 Junie. Dit beteken dat jou aansoek volledig gefinaliseer en alle dokumentasie ingehandig moet wees teen daardie datum. Geen aansoeke wat ons na 30 Junie bereik, sal aanvaar word nie. Aansoeke wat teen 30 Junie ingelewer is, maar steeds onvolledig is volgens die USaansoekstelsel, sal nie oorweeg word nie. Aansoekers kan drie programkeuses op hul aansoekvorms aandui. Indien jy meer as een EBWprogram op jou lys het, sal alle EBW-keuses in jou voorkeur volgorde oorweeg word.

2 Indien jou eerste keuse voorkeurprogram van n ander fakulteit is (bv,. BIng), en daardie program is n amptelike keuringsprogram, sal jou tweede EBW keuse steeds oorweeg word, en kan jy moontlik voorwaardelike toelating kry (bv. Vir BRek), terwyl jy wag vir jou antwoord op jou eerste keuse. Sodra jy wel toelating kry vir jou eerste keuse van die ander fakulteit, sal jou EBW toelating verval. Bv. jou BRek toelating sal verval en vervang word met jou eerste keuse BIng program. 3. KEURINGS- en TOELATINGSBEGINSELS Keuring en voorwaardelike keuring geskied volgens drie beginsels, nl. akademiese meriete, maksimum inskrywingsteikens wat nie oorskry kan word nie, en ooreengekome diversiteitsteikens. In sommige programme (soos die verlengde graadprogram) word bykomende sosio-ekonomiese faktore ook in berekening gebring. Die maksimum getal nuweling eerstejaars wat jaarliks toegelaat word, word in die eerste plek op fakulteitsvlak vir alle programme gesamentlik bestuur. Daar is ook maksimum inname-teikens op programvlak vir BRek, BCom (Fin Rek), BCom (Bestuursrek), BRekLLB, BCom (Regte), BCom (Internasionale Besigheid) en BCom (Bestuurswetenskappe) (VGP). Die keuring van studente geskied op grond van voornemende studente se finale Graad 11-punte of, indien beskikbaar, hul Graad 12-punte. Resultate van die Nasionale Normtoets (NBT) word nie as toelatingskriteria of vir keuringspuntberekeninge gebruik nie. Waar nodig, kan dit wel aangewend word vir plasingsbesluite in spesifieke programme (bv. die verlengde graadprogram). Om hierdie rede is die aflegging van NBT-toetse vir alle EBW-aansoekers verpligtend. Voornemende studente moet voldoen aan die minimum toelatingsvereistes van die program waarvoor hulle aansoek doen. Hierdie minimum toelatingsvereistes kan in die Jaarboek (Deel 10) gevind word. Aangesien die toelatingsvereistes gereeld hersien word, moet voornemende aansoekers die EBWwebtuiste ( gereeld raadpleeg vir die jongste vereistes. Nie alle studente wat aan die minimum toelatingsvereistes voldoen, word noodwendig toegelaat nie. Dit kan gebeur dat ʼn voornemende student aan die minimum toelatingsvereistes van ʼn program voldoen, maar weens ʼn onvoldoende keuringspunt, nie toelating kry nie. Aansoekers wat n internasionale kurrikulum volg (bv. IEB of Cambridge) se keuringspunt, keuring en toelating word presies soos dié van Nasionale Senior Sertifikaat-aansoekers hanteer.

3 Die keuringspunt (KP) wat gebruik word bereken as jou gewone graad 11 gemiddelde (uitgesluit Lewensorientering). Waar studente meer as 6 skoolvakke aanbied, word die hoogste 6 punte (waarvan Wiskunde en Afrikaans of Engels moet deel wees van die vakke) gebruik om die keuringspunt te bereken. Vir studente wat minder as 6 universiteitstoelatingsvakke aanbied, word ten minste 4 vakke se gemiddelde gebruik (waarvan Wiskunde en Afrikaans of Engels deel moet wees van die 4 vakke). 4. KEURINGSPROSES Om onmiddellike voorwaardelike toelating te kry, moet voornemende studente aan al die volgende vereistes voldoen: Die voornemende student het n keuringspunt soos per program gespesifiseer en voldoen aan die minimum vereistes van die program waarvoor aansoek gedoen is. Verwys TABEL 1 hieronder vir die keuringspunt en minimum vereistes per program. Studente wat aan hierdie vereistes voldoen, word as meriete studente beskou en word nie aan verdere keuring onderwerp nie. Hierdie studente sal onmiddellike kennisgewing van die US ontvang wat hul voorwaardelike toelating bevestig. Geen diversiteitskriteria word gebruik vir keuring in hierdie groep aansoekers nie. TABLE 1: Minimum voorvereistes en keuringspunt per program. Keuringspunt vir onmiddelike voorwaardelike toelating Minimum vereistes BCom, BCom(Bestuurswetenskappe), 68 NSS gemiddeld 65%; Wiskunde 60%; Minimum BCom(Ekonomiese Wetenskappe), BCom(Bedryfsiekunde) BCom (Wiskundige Wetenskappe) 70 NSS gemiddeld 70%; Wiskunde 75%; Minimum BCom (Aktuariële Wetenskappe) 85 NSS gemiddeld 80%; Wiskunde 80%; Huistaal 60%; Indien Engels nie die huistaal is nie, dan Engels Eerste Addisionele Taal 75%.

4 BCom (Finansiële Rekeningkunde) BCom (Bestuursrekeningkunde) 70 NSS gemiddeld 65%; Wiskunde 60%; Minimum BRekeningkunde 70 NSS gemiddeld 70%; Wiskunde 60%; Rekeningkunde 70% OF Wiskunde 70%; Minimum BCom (Bestuurswetenskappe VGP) NVT: Spesiale NSS gemiddeld 60%; Wiskunde 50%; Minimum seleksie proses EBW-taaltoelatingsvereiste*; Sosio Ekonomiese selection. Sien Faktor van aansoeker bereken vir toelating. onder. BCom (Internasionale Besigheid) NVT: Spesiale seleksie proses NSS gemiddeld 80%; Wiskunde 70%; Engels huistaal 70% OF Engels Eerste Addisionele Taal 80%; Enige gebasseer op Addisionele Taal Language 70%. maks aantal plekke. BAccLLB NVT: Keuring gedoen deur Fakulteit Regte BCom (Law) NVT: Keuring gedoen deur Fakulteit regte NSS gemiddeld 70%; Wiskunde 60%; Rekeningkunde 70% OF Wiskunde 70%; Afrikaans Huistaal 60% OF Engels Huistaal 60% OF Afrikaans Eerste Addisionele Taal 70% OF Engels Eerste Addisionele Taal 70%. NSS gemiddeld 70%; Wiskunde 60%; Afrikaans Huistaal 60% OF Engels Huistaal 60% OF Afrikaans Eerste Addisionele Taal 70% OF Engels Eerste Addisionele Taal 70%. Diploma programme in Sustainable Development NVT: Keuring word intern hanteer deur Skool vir Publieke Leierskap. NSS gemiddeld 60%; Wiskunde/Wiskunde Geletterdheid 50%; Lewenswetenskappe 60%; Een van die volgende vakke: Skeppende Kuns (d.i. Ingenieursgrfika en Ontwerp, of Visuele kunste), Besigheidstudies, Ekonomie, Landbou of Fisika 60%; Minimum *Minimum EBW taaltoelatingsvereistes: Engels Huistaal 50% OF Afrikaans Huistaal 50% OF Engels Eerste Addisionele Taal 60% OF Afrikaans Eerste Addisionele Taal 60%

5 Die volgende groepe aansoekers kry NIE onmiddellike voorwaardelike toelating nie: Voornemende studente met n KP van minder as die punt gespesifiseer in TABEL 1, Internasionale studente (uit nie-suid-afrikaanse skole). Studente wat aansoek gedoen het vir programme wat in TABEL 1 gemerk is N.V.T. Hierdie groep aansoekers se aansoeke sal op n waglys geplaas word tot aan die einde van Junie, waarna die eerste fase van keuring begin. Dié proses sal op die laatste teen die einde van September voltooi wees. Let op die volgende besonderhede: Die Fakulteit Regsgeleerdheid hanteer die keuring van studente vir die programme BRekLLB en BCom (Regte). Die Fakulteit Regsgeleerdheid sal hierdie studente in fases, maar op die laatste teen die einde van September, in kennis stel of hulle gekeur is. Kandidate wat voldoen aan die vereistes van, en oorweeg wil word vir, die verlengde graadprogram in BCom Bestuurswetenskappe kan nou aansoek doen vir die spesifieke program mits hulle voldoen aan die daargestelde vereistes. Keuring vir hierdie program geskied op grond van akademiese meriete en sosio-ekonomiese status. Voorkeur word verleen aan studente uit benadeelde skoolgemeenskappe en eerstegenerasiestudente. Laasgenoemde faktore word institusioneel vir alle aansoekers bepaal en staan binne die US as die SES-faktor bekend. Keuring vir die program BCom Bestuurswetenskappe (VGP) en BCom (Internasionale Besigheid) sal eers na 31 Julie (maar voor 30 September) geskied. Studente kan nie migreer na die BCom (Internasionale Besigheid) nie. 5. REGISTRASIEPROSES Studente wat voorwaardelik toegelaat is tot ʼn program van die fakulteit, mag tydens registrasie vir die toegelate program registreer mits die student voldoen aan die minimum vereistes van die betrokke program. Indien n reeds toegelate EBW student na n ander program in die fakulteit wil omskakel (waarvoor hy/sy aan die minimum vereistes voldoen) moet goedkeuring versoek word by die Fakulteitsadministrateur in die Registrateursafdeling. Neem kennis die versoek kan geweier word indien daar nie meer plekke beskikbaar is in die spesifieke program nie. -o0o-