Maandagoggend Vooruitsig 5 Desember 2016

Transcriptie

1 Maandagoggend Vooruitsig 5 Desember 2016 In hierdie week se uitgawe van Maandagoggend Vooruitsig, bied Prestige Bulletin u die volgende: 1. Advies hoe om u beleggings nou te maak, sodat die Desember-effek op die finansiële markte u nie onkant vang nie. 2. Ons voorspelling vir die finansiële markte vir die week wat voorlê. 1. Hanteer u beleggings in die vakansietyd só Desember is gewoonlik 'n stil maand op finansiële markte wêreldwyd. Daarom kan 'n klein hoeveelheid transaksies die mark skielik in 'n ander rigting laat beweeg, as wat u verwag het. Soos u weet verwag ons 'n val van meer as 60% op die JSE in Die moontlikheid bestaan egter dat die groot afswaai al in Desember 2016 kan begin. Derhalwe is ons advies dat u beleggings betyds só gemaak moet word, dat u dwarsdeur Desember en vroeg Januarie gemoedsrus kan ervaar. Maak seker dat u slegs kwaliteit beleggings aan risiko's blootstel. Al die genoteerde aandele en effektetrusts wat ons tans aanbeveel, is kwaliteit beleggings. Met sulke beleggings kan beleggers wat hoë risiko en 'n afswaai in hul kapitaal vir langer as 5 jaar kan hanteer, die vakansietyd met gemoedsrus aanpak. Die voordeel van die kwaliteit beleggings wat Prestige Bulletin aanbeveel, is dat dit gemaak en van vergeet kan word, selfs vir 'n hele paar jaar. Al wat saak maak, is hoeveel rykdom u hoë risiko beleggings oor 5 jaar van vandag af, vir u bou. Alhoewel daar geen waarborg daarvoor bestaan nie, is die moontlikheid groot dat u kapitaal elke 5 jaar minstens kan verdubbel met ons advies. Met sulke groei, sal enige belegger skatryk word. Daghandelaars op die markte, moet natuurlik hul beleggings op 'n daaglikse basis monitor, selfs in vakansietye. Die enigste manier om goeie, korttermyn spekulatiewe winste te maak, is om met fyn tydsberekening te koop en te verkoop. Skouspelagtige winste kan natuurlik ook op die markte met goud, kommoditeite en valuta gemaak word, deur vir die langtermyn bewegings te belê. Maandagoggend Vooruitsig bied u altyd ons mening oor wat die kort- en langtermyn bewegings moontlik kan wees. Maak betyds die regte skuiwe met u beleggings en geniet die vakansietyd! 1 Kopiereg 2015 SA Konsultgroep (Edms) Bpk Alle regte voorbehou

2 2. Voorspelling vir hierdie week en vir die maand Maandagoggend Vooruitsig bied vandeesweek vir u nie net 'n voorspelling van die markte vir hierdie week nie, maar ook vir die maand wat voorlê, met die oog op die vakansietyd. Voordat Maandagoggend Vooruitsig daarby kom, wil ons net eers kyk hoe die aandeelmarkte verlede week gepresteer het. Beurs Sluitingsprys Vrydag 2/12/2016 Beweging verlede week Huidige P/V JSE Algehele Indeks % 22.3 VSA Dow Jones Nywerheidsindeks % 20.8 VSA Dow Jones Vervoerindeks % 16.6 VSA S&P % 22.0 VSA Nasdaq Composite % 25.3 VK FTSE % 25.7 Frankryk CAC % 20.8 Duitsland DAX % 18.6 Indië Sensex % 19.6 Japan Nikkei % 23.3 Australië ASX All Ordinaries % 21.3 Suid-Korea Kospi % 17.9 China Shanghai Composite % 15.3 Soos u hierbo kan sien het al die indekse verlede week gedaal, met die uitsondering van die Dow Jones Nywerheidsindeks en die Dow Jones Vervoerindeks. Maandagoggend Vooruitsig se ontledings verlede week dat die styging op Amerikaanse aandeelmarkte prematuur beskou moet word, was reg. Verlede week het die Dow Jones Nywerheids- en Vervoerindekse albei met slegs 0.1% gestyg, terwyl die S&P 500 met 1% en die Nasdaq Composite met 2.6% gedaal het. Ons ontleding was ook reg dat die JSE en alle ander aandeelmarkte sou sukkel om te styg, soos u in die blok hierbo kan sien. Die daling op die JSE en Europese beurse verlede week, kan in die komende weke moontlik bewys dat hulle die voorloper is, van die groot markregstelling wat ons op hierdie aandeelmarkte in 2017 verwag. 2 Kopiereg 2015 SA Konsultgroep (Edms) Bpk Alle regte voorbehou

3 Ons voorspelling vir hierdie week Stygpotensiaal op die korttermyn op aandeelmarkte is beperk omdat: (1) beleggers nie saamstem met die Fed se waarskynlike besluit om rentekoerse op 14 Desember 2016 vanjaar te verhoog nie; en (2) beleggers besef Amerika se infrastruktuur-spandering sal eers laat in 2017 en moontlik eers in 2018 voordelig op maatskappywinste begin inwerk. Gevolglik toon Maandagoggend Vooruitsig se ontledings dat die JSE en die Europese aandeelmarkte, almal op die korttermyn traag sal bly om nuwe hoogtepunte aan te teken. Ons voorspelling vir die maand wat voorlê U kan op die grafiek hieronder sien dat die JSE Algehele Indeks bykans die afgelope 8 jaar in 'n stygkanaal is. ShareFriend Pro Maandagoggend Vooruitsig het al 2 jaar gelede vir u, na aanleiding van die grafiek hierbo, gesê dat die JSE in 2015 en 2016 sou sukkel om nuwe hoogtepunte aan te teken. Ons voorspelling was reg. Die JSE het dwarsdeur die afgelope 2 jaar gesukkel om te styg. Oor die afgelope 12 maande het die JSE Algehele Indeks inderwaarheid met 2.8% verswak. Wat ons tegniese ontleding op die grafiek hierbo toon, is dat die JSE waarskynlik nie binnekort 'n nuwe hoogtepunt sal aanteken nie. Soos Maandagoggend Vooruitsig gereeld vir u die afgelope tyd genoem het, is die JSE met minstens 60% oorwaardeer, volgens beide ons fundamentele en tegniese 3 Kopiereg 2015 SA Konsultgroep (Edms) Bpk Alle regte voorbehou

4 ontledings. Die JSE gaan op 'n stadium hard val en begin reeds sukkel om nuwe hoogtepunte aan te teken. Op die langtermyn, voor die volgende 5 jaar verby is, sal die bulmark weer hervat. 'n Kritieke vlak op die korttermyn is egter Solank die JSE bo hierdie vlak bly, het die groot val moontlik nog nie begin plaasvind nie. Lees gerus weer die advies op bladsy 1. Maak seker dat u net kapitaal op die finansiële markte belê, waarmee u 'n groot daling vir 5 jaar, sal kan hanteer. Die kwaliteit aandele wat ons in 2017 vir u sal aanbeveel sal ook, soos ons advies in die verlede gedoen het, vir u groot rykdom bou. Wat die buitelandse aandeelmarkte betref, toon ons ontledings dat die Dow Jones Nywerheidsindeks, die Dow Jones Vervoerindeks, die S&P 500, die Nasdaq Composite, die Indië Sensex, die Nikkei 225, Australië ASX All Ordinaries en die Shanghai Composite almal hoër kan sluit as waar hulle tans is, oor die volgende paar weke. Kommoditeite en ons voorspellings Die goudprys in dollar het verlede week gedaal. Vir verlede week was die daling 0.6%. Ons ontledings toon dat die goudprys $1 130 kan toets oor die volgende paar weke, voordat 'n styging tot $1 400 plaasvind. Verlede Vrydag het die goudprys op $1 179 gesluit. Die goudprys in rand het verlede week met 2.2% gedaal. Die sterker rand is besig om die goudprys in dollar te neutraliseer. Verlede Vrydag het die goudprys in rand op R gesluit. Oor die volgende paar maande kan die goudprys in rand styg tot R Die rand kan egter oor die volgende paar weke versterk, wat die goudprys in rand oor die korttermyn kan laat daal. Die platinumprys in dollar het verlede week met 2.5% gestyg. Verlede Vrydag het platinum op $932 gesluit. As die Amerikaanse optimisme wat kommoditeitspryse aanvuur voortduur, kan die platinumprys geleidelik begin styg oor die volgende paar maande. Ons teiken vir die platinumprys is $ Die Brent ru-olieprys het, anders as wat ons verwag het, verlede week met 15% gestyg. Verlede Vrydag het Brent op $54.49 gesluit. Ons teiken vir Brent oor die volgende paar maande is meer as $68 per vat. Die CRB Indeks het verlede week met 0.9% gestyg. Verlede Vrydag het die CRB op $ gesluit. Die CRB kan geleidelik oor die volgende paar maande styg, op die rug van Amerikaanse optimisme oor staatsbesteding op infrastruktuur. Ons teiken vir die CRB is $ Kopiereg 2015 SA Konsultgroep (Edms) Bpk Alle regte voorbehou

5 Valuta en ons voorspellings Die rand het verlede week met 2.1% teen die dollar versterk, tot die huidige waarde van R Die rand kan oor die volgende paar maande versterk, nader aan ons teiken van R12.80, maar met groot skommelings tussen-in. Die euro het verlede week met 0.9% teen die dollar versterk. Verlede Vrydag het dit $1.07 vir 'n euro gekos. Oor die volgende paar maande kan die euro so verswak dat dit net $1 vir 'n euro kan kos. Die pond het verlede week teen die dollar versterk met 1.6%. Verlede Vrydag het dit $1.25 vir 'n pond gekos. Oor die volgende paar maande kan die pond so verswak dat dit net $1.10 vir 'n pond kan kos. Die jen het verlede week teen die dollar verswak met 0.3%. Verlede Vrydag het dit vir 'n dollar gekos. Oor die volgende paar maande kan die jen verswak tot 120 vir 'n dollar. Wat die dollar verder betref, sal enige swakheid wat oor die volgende paar weke mag voorkom, volgens Maandagoggend Vooruitsig se ontledings, tydelik van aard wees. Oor die volgende paar jaar kan die dollar heelwat sterker word teen alle geldeenhede, insluitend die rand, euro, pond en jen. Gevolglik bly die dollar na ons mening die beste geldeenheid om u langtermyn beleggings in te maak. Hou die volgende in gedagte Soos ons hierbo aangedui het, kan kommoditeitspryse versterk oor die volgende paar maande. Maar, soos Maandagoggend Vooruitsig gereeld sê, beweeg markte nie in reguit lyne nie. Daarom kan goud, platinum, olie en die CRB indeks, tydelik daal oor die korttermyn. Nietemin, oor die langtermyn bly Maandagoggend Vooruitsig egter van mening dat die kommoditeitsmarkte en die dollar, baie kan styg. Die dollar kan heelwat versterk oor die volgende paar jaar. Die JSE Algehele Indeks kan in 2017 met meer as 60% daal. Hetsy u 'n langtermyn belegger of 'n daghandelaar is, kan u dit oorweeg om die advies in hierdie Maandagoggend Vooruitsig te volg en al u winste nou vas te pen, sodat u met gemoedsrus in Desember kan ontspan. 5 Kopiereg 2015 SA Konsultgroep (Edms) Bpk Alle regte voorbehou

6 Belangrike datums vir hierdie week Maandag, Dinsdag, Woensdag, Donderdag, Vrydag, 5 Des Des Des Des Des 2016 Handelsverklaring: Daar was geen maatskappynuus verlede week nie. Sluiting van ons kantoor vir die vakansietydperk Let asseblief daarop dat Prestige Bulletin en Maandagoggend Vooruitsig se kantore gesluit sal wees vir die vakansietydperk vanaf 10 Desember 2016 tot 9 Januarie Ons kantore heropen weer op 10 Januarie Waarna u kan uitsien Op Woensdag, 7 Desember 2016 sal ons vir u 'n langtermyn voorspelling van die markte gee om hierdie jaar mee af te sluit. Ons sal u weer vroeg in Januarie 2017 nuwe teikens vir genoteerde aandele, goud, olie, kommoditeite en valuta bied, waarin beide korttermyn spekulante en langtermyn beleggers in 2017 sal kan belê. Maandagoggend Vooruitsig sal op Woensdag, 11 Januarie 2017, vir u ons eerste opdatering van die nuwe jaar stuur. Vriendelike groete Erika van der Westhuizen Kliënteskakeling Prestige Bulletin (Edms) Bpk sainfo@saconsult.co.za Tel (012) Vrywaring Die inligting hierin vervat word in goeie trou deur Prestige Bulletin (Edms) Bpk gegee, maar die korrektheid daarvan kan nie gewaarborg word nie. Prestige Bulletin (Edms) Bpk aanvaar geen aanspreeklikheid vir enige skade deur enige iemand gely as gevolg van die inligting hierin vervat nie. Prestasies van die verlede is nooit 'n aanduiding van toekomstige groei nie. Alle beleggings op die markte hou altyd risiko in en daar is 'n gevaar van kapitaalverlies. Markte styg nie net nie, hulle daal ook. Raadpleeg 'n gemagtigde adviseur voor u enige belegging maak of enige saketransaksie aangaan. 6 Kopiereg 2015 SA Konsultgroep (Edms) Bpk Alle regte voorbehou