Maandagoggend Vooruitsig 16 Januarie 2017

Transcriptie

1 Maandagoggend Vooruitsig 16 Januarie 2017 In hierdie Maandagoggend Vooruitsig bied Prestige Bulletin u die volgende: 1. Waarom u heeltyd moet belê al is die JSE gevaarlik. 2. Verlede week op aandeelmarkte. 3. Ons voorspelling vir finansiële markte. 4. Beleggings wat tans waarde bied. 1. Waarom u heeltyd moet belê al is die JSE gevaarlik Selfs al is die JSE tans met meer as 50% oorwaardeer, behoort u steeds 'n deel van u kapitaal op die beurs te belê. Daar is 2 redes daarvoor. Inflasie Die eerste rede om op die JSE te belê, is omdat inflasie in Suid-Afrika jaar na jaar die koopkrag van u kapitaal verteer. Oor lang tydperke is die rente wat by 'n bank verdien kan word, altyd minder as die rente op spaargeld. Die banke hanteer dit so, om soveel wins as moontlik te kan maak. Indien inflasie byvoorbeeld 10% per jaar beloop, soos al dikwels in die verlede die geval was, sal 'n persoon wat nie minstens 'n deel van sy of haar kapitaal teen inflasie beskerm nie, byvoorbeeld oor 5 jaar van nou af minder as 60% se goedere kan koop, van wat hulle vandag kan koop. Die enigste oplossing om die koopkrag van u kapitaal te beskerm, is om dit teen 'n hoër koers as inflasie te belê. Die JSE beleggings wat Prestige Bulletin gereeld aanbeveel, is ideaal om die koopkrag van u kapitaal te behou. Oor die afgelope bykans 30 jaar van Prestige Bulletin se bestaan, het ons aandeelaanbevelings jaar na jaar met meer as 22% per jaar gegroei ver meer as inflasie! Bou super rykdom Die tweede rede om op die JSE te belê, is omdat die regte genoteerde beleggings op die regte tyd, super rykdom kan bou. 1 Kopiereg 2017 SA Konsultgroep (Edms) Bpk Alle regte voorbehou

2 Kom ons noem vir u twee voorbeelde van hoe Prestige Bulletin se aandeelaanbevelings super rykdom gebou het. 'n Paar jaar gelede het ons Tiger Brands as 'n koop aanbeveel teen R55.54 per aandeel. Op 'n stadium het Tiger Brands die Spar groep uit hul maatskappy ontbondel. Spar is toe vir die eerste keer op die JSE genoteer. Die fantastiese voordeel wat Prestige Bulletin intekenaars ontvang het, is dat hulle NIKS vir hul Spar aandele betaal het nie! Terselfdetyd besit intekenaars steeds hul Tiger Brands aandele. Vandag is elkeen van die Spar aandele wat intekenaars gratis ontvang het, % meer werd as wat dit oorspronklik was! Bogenoemde super rykdomskepping sluit nie eers die dividend in, wat jaarliks op Spar aandele ontvang word nie! 'n Tweede voorbeeld van hoe Prestige Bulletin se aandeelaanbevelings super rykdom gebou het, is met Bidvest aandele. Bidvest het onlangs Bidcorp uit hul maatskappy ontbondel. Bidcorp is toe vir die eerste keer op die JSE genoteer. Die fantastiese voordeel wat Prestige Bulletin intekenaars weereens ontvang het, is dat hulle NIKS vir hul Bidcorp aandele betaal het nie! Terselfdetyd besit intekenaars steeds hul Bidvest aandele. Vandag is elkeen van die Bidcorp aandele wat intekenaars gratis ontvang het, 789% meer werd as wat dit oorspronklik was! Weereens sluit bogenoemde super rykdomskepping nie die dividend in, wat jaarliks op Bidcorp aandele ontvang word nie. Wat 'n belegger hier uit kan leer, is dat deurlopende beleggings op die JSE op Prestige Bulletin se advies nodig is, om super rykdomskeppende meevallers soos bogenoemde te kan ontvang. Hoe om op die JSE te belê Baie beleggers is huiwerig om op die JSE te belê omdat hulle bekommerd is dat die aandeelmark in duie kan stort. Prestige Bulletin waarsku tans juis dat die JSE met meer as 50% oorwaardeer is en op 'n stadium hard gaan val. Onthou egter dat as u nie deurlopend op die JSE belê nie, sal u nooit die super rykdom kan bou waarna ons hierbo verwys nie. Selfs al begin u vandag met ons nuutste aanbevelings, sal u portefeulje ook oor meer as 5 jaar so indrukwekkend lyk, soos dié van Prestige Bulletin wat ons elke maand, in elke uitgawe, publiseer. 2 Kopiereg 2017 SA Konsultgroep (Edms) Bpk Alle regte voorbehou

3 Die manier om u risiko te hanteer, is om nooit al u kapitaal op die JSE te belê nie. Dit is slegs nodig om 'n gedeelte van u kapitaal in fyn uitgesoekte aandele, soos dié in Prestige Bulletin se groei-portefeulje, te belê. Die gedeelte wat u in aandele belê kan byvoorbeeld net 20% van u kapitaal wees, of enige ander persentasie waarmee u gemaklik is. Hou boonop in gedagte dat die kwaliteit aandele in Prestige Bulletin se groei-portefeulje na 'n groot val op die beurs sal herstel, selfs al neem dit meer as 5 jaar. Maak net seker dat u vir minstens 5 jaar 'n afswaai in u kapitaal wat u op die beurs belê, sal kan hanteer. 2. Verlede week op aandeelmarkte Meeste van die aandeelmarkte wat Prestige Bulletin volg, het verlede week gestyg, soos u hieronder kan sien. Beurs Sluitingsprys Vrydag 13/01/2017 Beweging verlede week Huidige P/V JSE Algehele Indeks % 23.8 VSA Dow Jones Nywerheidsindeks % 21.6 VSA Dow Jones Vervoerindeks % 16.9 VSA S&P % 22.8 VSA Nasdaq Composite % 26.5 VK FTSE % 26.4 Frankryk CAC % 22.0 Duitsland DAX % 20.5 Indië Sensex % 19.5 Japan Nikkei % 23.4 Australië ASX All Ordinaries % 24.3 Suid-Korea Kospi % 17.9 China Shanghai Composite % 15.3 So byvoorbeeld het die JSE Algehele Indeks verlede week met 3% gestyg. In die loop van die volgende paar weke, kan die JSE 'n nuwe aanslag op die vorige hoogtepunt van maak. Meer daaroor verderaan. 3. Ons voorspelling vir finansiële markte Alhoewel die JSE tans besonder oorwaardeer is en moontlik later vanjaar hard kan val, het dit korttermyn stygpotensiaal, maar sien bladsy 4 oor Trump. Sodra Prestige Bulletin se ontledings 'n sterk sein toon dat 'n groot beursineenstorting op hande is, sal Maandagoggend Vooruitsig dit onmiddellik onder u aandag bring. Tot dan, is ons van mening dat winste nog gemaak kan word. 3 Kopiereg 2017 SA Konsultgroep (Edms) Bpk Alle regte voorbehou

4 Volgens Maandagoggend Vooruitsig se ontledings kan die JSE Algehele Indeks oor die volgende paar weke moontlik met ongeveer 10% styg. Na korttermyn regstellings op die JSE, lê verdere stygings moontlik vanjaar voor. Ons sal u deurlopend op hoogte hou, wat ons berekeninge van tyd tot tyd toon. Daghandelaars wat vir stygings op die JSE belê, behoort knap daalstoppe van byvoorbeeld 2% te hou, indien die aandeelmark skielik sou begin daal. Langtermyn beleggers behoort ook streng by hul daalstoppe van byvoorbeeld 15% te hou, om moontlike verliese te beperk. Wat die buitelandse aandeelmarkte betref, toon ons ontledings dat die Dow Jones Nywerheidsindeks sukkel om deur te breek. Net so sal die Dow Jones Vervoerindeks, die S&P 500, die Nasdaq Composite, die Indië Sensex, die Nikkei 225, Australië ASX All Ordinaries, die Suid-Korea Kospi en die Shanghai Composite ook almal sukkel om hoër hoogtepunte oor die volgende paar weke aan te teken. Die markte en ons hier by Maandagoggend Vooruitsig neem 'n wag en sien houding in, om te sien wat presies Trump in Amerika kan vermag. Daarom kan die markte vir 'n paar weke sywaarts bly dryf met 'n ietwat afwaartse tendens. Kommoditeite en ons voorspellings Die bewegings en ons voorspellings vir kommoditeite verskyn hieronder. Die goudprys in dollar het verlede week gestyg. Vir verlede week was die styging 1.2%. Ons ontledings toon dat die goudprys, na 'n aanvanklike daling oor die volgende paar maande kan styg tot $ Verlede Vrydag het die goudprys op $1 197 gesluit. Die goudprys in rand het verlede week met 0.4% gestyg. Verlede Vrydag het dit op R gesluit. Oor die volgende paar weke kan die goudprys in rand tussen R en R beweeg. Dit bly raadsaam om 'n deel van u kapitaal, ongeveer 5%, in fisiese goud soos Krugerrande of NewGold op die JSE te belê. Suid-Afrika se onsekerhede sal dit 'n goeie belegging oor die langtermyn maak. Die platinumprys in dollar het verlede week met 1.5% gestyg. Verlede Vrydag het platinum op $981 gesluit. Ons ontledings toon dat die platinumprys, na 'n aanvanklike daling, geleidelik kan begin styg oor die volgende paar maande. Ons teiken vir die platinumprys is $ Kopiereg 2017 SA Konsultgroep (Edms) Bpk Alle regte voorbehou

5 Die Brent ru-olieprys het verlede week met 2.4% gedaal. Verlede Vrydag het Brent op $55.59 gesluit. Ons teiken vir Brent oor die korttermyn is ongeveer $45, waarna dit oor die volgende paar maande tot $70 kan styg. Die CRB Indeks het verlede week met 2% gestyg. Verlede Vrydag het die CRB op $ gesluit. Na 'n aanvanklike korttermyn daling, kan die CRB geleidelik begin styg oor die volgende paar maande. Ons teiken vir die CRB is $470. Valuta en ons voorspellings Wat valuta betref, het die dollar baie versterk oor die afgelope paar jaar. 'n Korttermyn verswakking in die dollar is moontlik oor die volgende paar weke. Ons voorspelling die afgelope paar jaar dat die dollar die sterkste geldeenheid sou wees, was reg. Verlede week het die dollar egter ietwat gedaal. Hierdie tendens behoort net vir 'n paar weke voort te duur. Die rand het verlede week met 1% teen die dollar versterk, tot die huidige waarde van R Die rand kan oor die volgende paar weke tussen R13.40 en R14.50 vir 'n dollar beweeg. Langtermyn sal die rand verswak, daarom is dit belangrik om nou buitelandse beleggings te maak, terwyl die rand relatief sterk is. Die euro het verlede week met 0.1% teen die dollar versterk. Verlede Vrydag het dit $1.06 vir 'n euro gekos. Oor die volgende paar maande kan die euro so verswak dat dit net $1 vir 'n euro kan kos. Die pond het verlede week teen die dollar verswak met 2%. Verlede Vrydag het dit $1.22 vir 'n pond gekos. Oor die volgende paar maande kan die pond so verswak dat dit minder as $1.10 vir 'n pond kan kos. Die jen het verlede week teen die dollar versterk met 0.6%. Verlede Vrydag het dit vir 'n dollar gekos. Oor die volgende paar maande kan die jen verswak tot 130 vir 'n dollar. Wat die dollar verder betref, sal enige swakheid wat oor die volgende paar weke mag voorkom, volgens Maandagoggend Vooruitsig se ontledings, tydelik van aard wees. Oor die volgende paar jaar kan die dollar heelwat sterker word teen alle geldeenhede, insluitend die rand, euro, pond en jen. Gevolglik bly die dollar na ons mening die beste geldeenheid om u langtermyn beleggings in te maak. 5 Kopiereg 2017 SA Konsultgroep (Edms) Bpk Alle regte voorbehou

6 4. Beleggings wat tans waarde bied Belê tans net hoë risiko kapitaal in genoteerde aandele, hetsy plaaslik of oorsee. Dit moet kapitaal wees waarmee u vir 'n hele paar jaar, selfs vir meer as 5 jaar, 'n afswaai sal kan hanteer. Die volgende aandele bied tans 'n koop vir hoë risiko beleggers. Vir Prestige Bulletin se groei-portefeulje Dis-Chem is een van S.A. se populêrste apteekgroepe en is geliefd vir sy uitmuntende verskeidenheid en lae pryse. Dis-Chem is in 1978 gestig deur Ivan en Lynette Saltzman. Die eerste winkel is in Mondeor oopgemaak met 'n skrale R kapitaal. Die besigheid het intussen gegroei na 'n groep met 101 winkels en 'n jaarlikse omset van R15 miljard. Die Saltzman familie het in November 2016 'n deel van hulle aandele aan die publiek verkoop en dié aandele is direk daarna op die JSE genoteer. Die notering bied private beleggers nou die geleentheid om aandele in hierdie uitmuntende besigheid na hartelus op die JSE te koop, en te verkoop. Die Saltzman familie besit nogsteeds 53% van die aandele. Teen 'n P/V van 30 is die aandele duur, gesien vanuit 'n korttermyn perspektief. Maar vir ware langtermyn beleggers wat in 'n snelgroeiende groep wil belê, bied dit 'n aantreklike geleentheid. Dis-Chem beplan om hulle aantal winkels te verdubbel in die volgende 5 tot 8 jaar. Winste behoort dus baie sterk te groei. Dis-Chem bied ook die voordeel van 'n resessie-bestande sektor. 'n Aandeel om vir die langtermyn weg te bêre. Vir Prestige Bulletin se spekulatiewe portefeulje Phumelela is 'n unieke onderneming met bykans monopolistiese eienskappe. Die groep domineer die perdewedrenbedryf in Suid-Afrika. Phumelela besit die totalisator ("tote") in 7 van Suid-Afrika se 9 provinsies. Verder is Phumelela 'n uitvoerder van lewendige wedren-beeldmateriaal na ander lande (41 in totaal!). Die groep se fokus op internasionale bedrywighede en sport-weddenskappe lewer vrugte op. Verdienste per aandeel het in die laaste jaar met 41% gestyg. Die groep genereer groot hoeveelhede kontant en betaal sappige dividende. Phumelela is skuldvry en in 'n groei-fase. Die Phumelela-aandele is baie redelik geprys teen 'n P/V van 13 en 'n dividendopbrengs van 5% en bied uitstekende stygpotensiaal. 6 Kopiereg 2017 SA Konsultgroep (Edms) Bpk Alle regte voorbehou

7 Belangrike aankondigings vir die week wat voorlê Maandag, Dinsdag, Woensdag, Donderdag, Vrydag, 16 Jan Jan Jan Jan Jan 2017 Markte in Amerika is gesluit om Martin Luther King Dag te herdenk Geen belangrike aankondigings VSA inflasie bekendstelling: Geen belangrike aankondigings Geen belangrike aankondigings Inflasie is belangrik. Dit bepaal die tempo van toekomstige rentekoersverhogings in Amerika Klik hier (1) Om ons terugvoer oor nuus, wat maatskappye gedurende verlede week vrygestel het, te lees. (2) Ons aanbevelings oor aandele wat tans waarde bied, na aanleiding van maatskappynuus, verskyn ook by hierdie skakel. Die volgende Maandagoggend Vooruitsig Ons volgende Maandagoggend Vooruitsig sal u op 23 Januarie 2017 bereik. Vriendelike groete Erika van der Westhuizen Kliënteskakeling Prestige Bulletin (Edms) Bpk sainfo@saconsult.co.za Tel (012) Vrywaring Die inligting hierin vervat word in goeie trou deur Prestige Bulletin (Edms) Bpk, uitgewers van Maandagoggend Vooruitsig, gegee maar die korrektheid daarvan kan nie gewaarborg word nie. Prestige Bulletin (Edms) Bpk aanvaar geen aanspreeklikheid vir enige skade deur enige iemand gely as gevolg van die inligting hierin vervat nie. Prestasies van die verlede is nooit 'n aanduiding van toekomstige groei nie. Alle beleggings op die markte hou altyd risiko in en daar is 'n gevaar van kapitaalverlies. Markte styg nie net nie, hulle daal ook. Raadpleeg 'n gemagtigde adviseur voor u enige belegging maak of enige saketransaksie aangaan. 7 Kopiereg 2017 SA Konsultgroep (Edms) Bpk Alle regte voorbehou