Inhoudsopgawe. Wat het ek nodig voordat ek begin?... 9

Transcriptie

1 Inhoudsopgawe Wat het ek nodig voordat ek begin?... 9 Eerste keuse Kies om God se liefde vir jou te aanvaar Week 1: Sien jouself soos God jou sien Week 2: Verstaan wie God regtig is Week 3: Ontvang alles wat God vir jou wil gee Week 4: Lees God se liefdesbrief aan jou Week 5: Aanvaar God se genade en barmhartigheid Week 6: Herken die maniere waarop God jou liefhet Week 7: Weet wat God se liefde in jou lewe sal doen Tweede keuse Kies om jou liefde vir God uit te druk Week 8: Wees heelhartig lief vir wie Hy is Week 9: Leef beginselvas volgens sy weg Week 10: Leer om Hom met oorgawe te aanbid Week 11: Soek na maniere om Hom volkome te vertrou Week 12: Put met entoesiasme uit sy wysheid

2 Week 13: Verlaat die wêreld van sy vyand heeltemal Week 14: Verlang voortdurend na God se wil en sy teenwoordigheid Derde keuse Kies om ander lief te hê op n manier wat God behaag Week 15: Is dit moontlik om ander deurlopend lief te hê? Week 16: Sê nou ek kan nie altyd geduldig en vriendelik wees nie? Week 17: In watter opsigte openbaar ek n gebrek aan liefde? Week 18: Hoe sal ander weet ek behoort aan God? Week 19: Is dit nie selfsugtig om myself te leer liefhê nie? Week 20: Sê nou ek is nie in staat om alles te bedek, glo, hoop en verdra nie? Week 21: Hoe kan ek in elke situasie liefde betoon?

3 Wat het ek nodig voordat ek begin? D ie doel van hierdie Bybelstudie is om jou te oortuig van God se ongelooflike liefde vir jou en jou aan te moe dig om n dieper verhouding met Hom te bou. Dit sal jou ook help om jou liefde vir die Here te laat groei en jou liefde effektief teenoor Hom uit te druk. Dit sal toon dat God jou gids wil wees wanneer jy sy liefde aan ander betoon, en wys wat jy eers moet vasstel deur na God se wil te soek en sy instruksies in spesifieke situasies te onderskei. Hoe beter jy begryp hoe lief God jou werklik het, hoe meer sal jy Hom liefhê, en hoe meer sal Hy sy liefde in jou in stort sodat jy ander beter kan liefhê. In die proses sal jou lewensbaan om jou eie beswil verander word. Dis omdat God jou op maniere wil seën wat jy dalk nog nie voorheen be sef het nie, en dit kan slegs ge beur wanneer jy liefde aan ander bewys. Kies liefde Bybelstudie is nie bedoel om jou bloot iets te gee om jou mee besig te hou nie. Dis nie soos toe jy op skool was en jy toetse moes skryf vir punte nie. Niemand beoordeel jou nie. Die doel van alles wat jy op hierdie bladsye neerskryf, is om jou te help om gevolgtrekkings en besluite te maak wat op Bybelse waarhede en die bewyse uit jou eie lewenservarings gegrond is.

4 10 Kies liefde Privaat of in groepstudie Jy verkies dalk om hierdie Bybelstudie alleen in te vul. Dan is dit net tussen jou en God, en Hy sál tot jou hart spreek as jy Hom vra om dit te doen. Jy kan dalk ook besluit om saam met een of twee mense in n groepie bymekaar te kom, wat ook ontsettend waardevol en opbouend sal wees. As die Bybelstudie in n groep, of selfs net saam met een ander persoon behandel word, is die voordeel dat jy jou antwoorde aan ander kan meedeel indien jy gelei voel om dit te doen. Hierdie boek is vir jou persoonlik; deel dus net dít waarmee jy gemaklik is met ander en hou dít wat jy privaat wil hou, privaat. Niemand anders behoort ooit jou antwoorde te lees tensy jy vir die persoon toestemming ge gee het nie. Weet net dat dit wat jy wel openhartig aan ander meedeel tot groot bemoediging, genesing en seën kan wees, nie net vir hulle nie, maar ook vir jou. Gewoonlik sal daar meer mense wees wat van hul ervarings wil vertel as waarvoor daar tyd is. Besluit dus vooraf hoeveel tyd julle vir elke byeenkoms gaan toelaat een tot twee uur is goed en probeer daarby bly. Besige mense is geneig om uit te val as hulle nie daarop kan staatmaak dat die byeenkoms op die afgespreekte tyd sal eindig nie. Nadat julle deur die vrae gewerk het, vra vir n paar getui enisse oor wat God vir elkeen geleer of aan elkeen openbaar het oor Hom of oor hulleself of oor hoe Hy hulle bemoedig het terwyl hulle deur die vrae gewerk het. Sluit altyd die byeenkoms af met gebed. Hoe God julle ook al hierin lei of jy nou bid en of jy iemand anders vra om te bid en of iemand bid wat daartoe gelei voel dit sal n baie kragtige tyd vir almal wees. Ek bid dat jy, terwyl jy hierdie Bybelstudie voltooi, God

5 Wat het ek nodig voordat ek begin? 11 in sy Woord sal ontmoet en dat dit vir jou lewensveranderend sal wees. Ek bid dat jou waardering sal groei vir God se liefde vir jou, jou liefde vir Hom en die liefde wat Hy in jou hart plaas vir ander. Wanneer jy klaar is Wanneer jy hierdie Bybelstudie voltooi het, sal jy ge bede neergeskryf het wat jy weer en weer kan bid. Jy sal in sigte neergeskryf het wat die Here vir jou gegee het oor bepaalde Skrifgedeeltes. Jy sal ook Skrifgedeeltes as gebede neer geskryf het en meer gewoond daaraan wees om God se Woord deel te maak van jou gebede. Op hierdie manier sal die Bybelstudie n kragtige instrument wees om jou gebedslewe te laat vlamvat, jou voortdurend verkwik en vernuwe te laat voel. Dit sal jou vermoë verskerp om God se liefde vir jou te ontvang, jou liefde vir Hom uit te druk en elke dag ander lief te hê op n manier wat Hom behaag. Wanneer jy dít doen, sal jy verstom wees oor die deure wat in jou persoonlike lewe oopgaan deure na groter vervulling, positiewe ervarings met ander mense en die bewuswording dat die Here se liefde altyd by jou is. Jou liefde vir God sal groei elke keer wat jy jou liefde teenoor Hom uitdruk, en Hy sal meer van sy liefde, genade en barmhartigheid in jou in stort. Nie net sal jy Hom beter leer ken nie, maar jy sal ook jouself beter leer ken. Jy sal ook beter begryp wat sy doel met jou lewe is. Laat ons begin.

6 Eerste keuse Kies om God se liefde vir jou te aanvaar

7 Week 1 Sien jouself soos God jou sien O m jouself te sien soos wat God jou sien, is soos om in n reuse vergrootspieël na jou hele menswees te kyk. Nogtans sien Hy jou uit die gesigspunt van alles wat Hy jou gemaak het om te wees. Hy sien die doel, en al die gawes en potensiaal in jou. Die Een wat nie net aan jou gedink het voordat jy gebore is nie, maar ook n plan met jou lewe gehad het, het dit aan jou geskenk. Ons sien alte dikwels net die negatiewe dinge in onsself raak. Ons is pynlik bewus van ons swakhede, tekortko mings en mislukkings. God sien dit ook alles raak, maar Hy beskou dit nie alles as sleg nie. Byvoorbeeld, God sien jou swakheid as n geleentheid vir jou om Hom te vertrou om sterk te wees binne-in jou. As jy jou swakheid aan God oorgee, stel dit jou in staat om meer krag uit Hom te put as wat jy ooit sonder Hom sou hê. God sien enige tekortkoming as n moontlikheid dat jy na Hom sal draai en jou afhanklikheid van Hom sal verklaar sodat Hy in al jou behoeftes kan voorsien. God sien jou mislukking as n uitnodiging vir jou om naby aan Hom te bly sodat Hy jou kan bemagtig om dít wat jy nie alleen kan doen nie, reg te kry.

8 16 Kies liefde As jy nie seker is hieroor nie, nooi ek jou uit om God meer as ooit tevore te soek en te leer ken. Hoe meer jy weet oor wie God regtig is, hoe meer sal jy besef hoeveel jy Hom nodig het. Dis altyd n goeie ding om Hom nodig te hê. 1. Is jy oor die algemeen baie streng met jouself of redelik ver gewensgesind? Het jy ontsettend hoë standaarde en is jy baie perfeksionisties, of het jy genoeg genade met jou self om sonder veroordeling te kan sê: Ek sal maar net harder probeer op daardie gebied? Die verskil is of jy jouself kasty as dit vir jou voel asof jy nie aan jou eie standaarde voldoen nie, of nie. Verduidelik jou antwoord. 2. Beskou jy enige swakhede in jouself as tekortkomings of as n geleentheid om God te vertrou om in jou sterk te wees? Teen die agtergrond van jou antwoord, skryf n gebed neer waarin jy God vra om jou te help om enige mislukkings wat jy voel jy ervaar het, as n geleentheid te

9 Sien jouself soos God jou sien 17 beskou vir Hom om in jou sterk te wees. As jy aan n be paalde tyd in die verlede kan dink wat jy jou na Hom moes wend vir krag, maar dit nie gedoen het nie, beskryf dit spesifiek. Kan jy n insident onthou wat jy as n persoonlike mislukking beskou en wat jou nog steeds ontstel? Indien wel, skryf n gebed neer waarin jy God vra om daardie herinnering te genees en jou in staat te stel om jouself te vergewe. As jy nie so n herinnering het nie, skryf n gebed neer waarin jy God vra om jou te wys of daar enigiets in jou verlede is wat jou nog steeds laat ineenkrimp wanneer jy daaraan dink, en vra God dan om daar die herinnering heeltemal te genees. 3. Laat jy ooit toe dat ander se opinies jou opinie van jouself beïnvloed? Verduidelik jou antwoord.

10 18 Kies liefde 4. Ondersoek jy ooit jouself en jou lewe so noukeurig dat dit voel asof jy deur n vergrootspieël kyk waarin el ke te kortkoming duidelik gesien kan word? Verduidelik jou antwoord. Skryf n gebed neer waarin jy God vra om jou te help om jouself te sien soos wat Hy jou sien en nie deur die kritiese oë van ander nie. Verstaan God se perspektief Hoe beter ons God leer ken, hoe meer wys Hy ons dinge omtrent Homself. Wanneer ons ons regtig oopstel vir God en Hom nooi om Hom aan ons te openbaar, sal Hy dit doen. Dit is ook iets wat ons móét doen. Ons sal nooit weet wie ons regtig is totdat ons verstaan wie Hy regtig is nie. God wys ons ook die waarheid omtrent onsself as ons Hom vra om dit vir ons te wys. Dit kan dalk skrikwekkend klink, maar moenie toelaat dat die gedagte daaraan jou bang maak nie. Die goeie nuus is dat Hy ons nie alles omtrent Hom óf omtrent onsself op een slag laat sien nie, want

11 Sien jouself soos God jou sien 19 in beide gevalle sou dit oorweldigend wees. Hy laat ons n bietjie op n slag sien namate ons na Hom soek. As jy n hart het wat daarna verlang om die waarheid te ken en daarna smag om alles te word wat jy geskape is om te wees, bring dan elke dag tyd saam met God deur en leer Hom ken. Dis genesing vir jou siel om sy ongelooflike goedheid, heiligheid, volmaaktheid en liefde waarlik te ver staan. Dit onthul ook as daar n gebrek aan goedheid, hei ligheid, volmaaktheid en liefde in jou is. Moet egter nie bang wees daarvoor nie. Hy onthul nie hierdie dinge om jou te skok of verkleineer nie. Hy onthul dit om jou te laat weet Hy het jou lief genoeg om jou nie net te laat staan soos jy is nie. Hy het n selfs groter begeerte as jy om te sien dat jy alles word wat Hy jou geskape het om te wees, want Hy begeer dat jy só sal lewe dat jy ontvanklik sal wees vir die talle seëninge wat Hy vir jou het. Vanuit God se perspektief sien Hy alles wat jy gaan misloop as jy nie sy teenwoordigheid en wil vir jou lewe najaag en soek nie. Selfs wanneer ons dink ons het al lank genoeg saam met die Here gewandel sodat die meeste van ons foute uit gesorteer moet wees, vind ons altyd dat daar nóg werk op n dieper vlak te doen is. Dis waarom ons nooit kan aan vaar ons het ons swakste neigings totaal oorkom nie. Of dat ons deur die dag kan kom sonder volkome afhanklikheid van God en sy Gees in ons om ons in staat te stel om die persoon te wees wat Hy ons geskape het om te wees nie. God wil hê ons moet elke dag meer soos Hy word. Let op dat ek nie gesê het ons word God nie. Ek het gesê ons word meer soos God. Die waarheid is, ons moet almal verander word. God het gesê ons is na sy beeld geskape, maar Hy wil hê ons moet deelgenote word van sy Goddelike natuur (2 Petrus 1:4). Dit beteken ons moet ons harte oopmaak vir God en Hom toelaat

12 20 Kies liefde om dit te vorm en te laat uitswel sodat ons meer van sy karakter kan bevat. 5. Lees 2 Petrus 1:2-4. Wat het vir ons alles gegee wat ons nodig het om te lewe en Hom te dien (vers 2-3)? Wat word ons ook nog gegee (vers 4)? Waarom het God vir ons hierdie wonderlike beloftes ge gee (vers 4)? Wat is vir jou persoonlik goeie nuus in hierdie verse? Skryf jou antwoord as n gebed neer. (Byvoorbeeld: Dankie, Here, dat u Goddelike krag vir ons alles geskenk het wat ons nodig het )

13 Sien jouself soos God jou sien 21 Drie eenvoudige keuses wat jou lewe sal verander Ons eerste keuse is om nie net God se liefde vir ons te verstaan nie, maar om ons oop te stel om dit te ontvang. Ja, dis n keuse om God se liefde te ontvang. Ons kan daarvan lees, daaroor praat en daaroor dink, maar dis nie dieselfde as om te kies om dit te ontvang nie. Die keuse om God se liefde te ontvang beteken om naby aan Hom te wees, tyd in sy teenwoor digheid deur te bring, jou hart vir Hom oop te maak, daar na te soek om Hom te ken, te verstaan wie Hy is, en te begeer om meer soos Hy te word. Die keuse om God se liefde te ontvang verander jou lewe. Ons tweede keuse is om doelbewus te kies om ons liefde vir God uit te druk in reaksie op sy liefde vir ons. Ons moet verstaan hoe om ons liefde vir Hom uit te druk en dit nie net te voel nie. Ons kan nie weier om te reageer nie. Ons kan ook nie reg tig ander op n kragtige manier liefhê as ons nie eers geleer het om ons liefde vir God te betoon nie. Dis omdat Hy ons inderwaarheid met meer van sy liefde vul tydens die proses van ons liefdebetoon aan Hom. Die waarheid is dat God sy liefde aan ons gee wanneer ons ons liefde vir Hom demonstreer. Die keuse om jou liefde vir God uit te druk omvorm jou lewe. Ons derde keuse is om ander lief te hê op n manier wat God behaag. Dit beteken dat ons God moet soek om te verstaan wat Hom behaag en dan moet kies om dit te doen, in plaas daarvan om te wag dat ons gevoelens ons motiveer. Menslike liefde faal. Ons is nie in staat om deurlopend lief te hê heeltyd, op al die maniere wat God wil hê soos Hy liefhet nie. Om ander waarlik lief te hê gebeur eers wanneer ons kies om God lief te hê en Hy Homself in ons uitstort.

14 22 Kies liefde Die keuse om liefde aan ander te betoon verander jou lewe. Ons moet daagliks hierdie drie keuses maak as ons die liefde wil kies soos God van ons verwag. 6. Wat is die eerste manier waarop jy liefde moet kies sodat jou lewe kan verander? Skryf jou antwoord as n gebed neer en vra God om jou te help om elke dag daardie keuse te maak. 7. Wat is die tweede manier waarop jy liefde moet kies sodat daar groot seëninge in jou lewe sal wees? Skryf jou antwoord as n gebed neer en vra God om jou te help om elke dag daardie keuse te maak. 8. Wat is die derde manier waarop jy liefde moet kies sodat jou lewensbaan ten goede sal verander? Skryf jou antwoord as n gebed neer en vra God om jou te help om elke dag daardie keuse te maak.

15 Hoe God jou sien Sien jouself soos God jou sien 23 Ons sien onsself nie van nature soos God ons sien nie. Ons sien onsself deur ons verlede. Ons mislukkings. Ons werk. Ons vermoëns. Ons voorkoms. Ons vriende. Ons prestasies. Ons gebrek daaraan. Ons sien onsself deur die prisma van ons foute. God sien ons deur die lig van sy volmaaktheid wat in ons harte skyn en ons vervolmaak totdat ons eendag gaan om by Hom te wees. Ons weet waarvan ons gemaak is, en ons beskou dit nie altyd as n goeie ding nie. Hy sien ons in die lig van alles wat Hy ons in liefde gemaak het om te wees. Dit is altyd n wonderlike ding. Ek wil hê jy moet jouself sien soos God jou sien. God sien jou deur sy perspektief van liefde. Ek wil hê jy moet jouself vanuit God se perspektief sien sodat jy die liefde wat Hy vir jou het beter kan verstaan asook die verreikende effek wat sy liefde op jou lewe het as jy kies om jou heeltemal daarvoor oop te stel. As jy God se liefde vir jou ontvang, sal dit jou hart laat vlamvat, jou hele menswees n hupstoot gee, en jou verstand, siel en lig gaam energie gee. Ek wil nie net hê jy moet God beter ken nie, maar dat jy Hom moet ervaar. God is nie net liefdevol nie, Hy is liefde. As jy sy liefde in jou ervaar, sal dit jou lewe verander en almal met wie jy in aanraking kom, beïnvloed. As jy kies om God se liefde aan ander te betoon, sal dit nie net hul le wens dramaties verander nie, maar ook jou eie lewe. Wanneer jy deur God se oë van liefde na jou lewe kyk, sal die goeie dinge vergroot en uitgelig word. Die slegte dinge sal nie so onheilspellend wees nie, want God se liefde sal dit verdring. Elke dag wat jy kies om God se liefde te

16 24 Kies liefde ontvang, jou liefde vir Hom uit te druk, en ander lief te hê soos God wil hê jy moet, sal jy weet dat Hy n weg in jou baan om meer soos Hy te word. 9. Glo jy God het jou lief? Hoe sterk en deurlopend kan jy sy liefde vir jou voel? Sê vir Hom wat jy graag in die toekoms sou wou sien wat jou ervaring van sy liefde be tref. Skryf jou antwoord as n gebed neer. Lees Job 7:17. Het jy ooit hierdie selfde gedagte gehad wat Job gehad het? Wonder jy soms of jy vir die Here kosbaar is of waarom jy vir Hom kosbaar is? Voel dit ooit vir jou of jy nie vir Hom kosbaar is nie? Verduidelik waar om of waarom nie. 10. Bid die gebed op die volgende bladsy. Skryf n paar sinne van die gebed neer wat op die oomblik vir jou veral belangrik is. Jy kan die presiese woorde afskryf of jou eie woorde gebruik.

17 Sien jouself soos God jou sien 25 Here, help my om myself te sien soos U my sien. Dankie dat U my sien deur u oë van liefde en deur die lens van alles wat U my geskep het om te wees. Stel my in staat om my hart oop te maak en u liefde te ontvang. Alhoewel dit moei lik is om n liefde wat so groot is te verstaan, en ek nie daar voor waardig voel nie, wil ek my nie daarvan afsluit dat die krag van u ongelooflike liefde in my hart werk nie. Leer my omtrent al die maniere waarop U my liefhet, wat ek nie ver staan nie. Gee my die oë om te sien hoe U u liefde vir my open baar, deur my te weerhou van dinge wat nie u hoogste doel vir my lewe is nie. Ek weet dat niks van die dinge wat U in my lewe wil doen, bereik kan word sonder dat u liefde deur my vloei nie. Help my om my oë van myself af te haal en op U te rig. Ek wil U duideliker sien en beter verstaan. Dankie dat U my nie net liefhet nie, maar my ook in staat sal stel om die diepte van u liefde te begryp. Wys my op watter maniere ek nie u liefde herken of my daarvoor oopstel nie of dit nou is as gevolg van ernstige twyfel of bloot n gebrek aan begrip en ek dan u seëninge as gevolg daarvan misloop. Gee my die vermoë om my lewe vanuit u perspektief te sien. In plaas daarvan om deur n vergrootglas te kyk om my foute raak te sien, help my om deur die ver groot glas van u liefdevolle hart te kyk sodat ek die goeie dinge sal sien, en die potensiaal vir grootheid wat U in my geplaas het. Mag u teenwoordigheid in my lewe soveel meer vergroot word as wat ek my ooit kan voor stel. Laat u volmaaktheid, prag, liefde en heiligheid te alle tye in my weerspieël word. Ek bid dit in Jesus se Naam.

18 26 Kies liefde Jou gebed