FAMILIENUUS. Here, laat my lewe deur die Gees. MEI Want elkeen hoort in n geestelike gesin

Transcriptie

1 1 FAMILIENUUS Want elkeen hoort in n geestelike gesin MEI 2015 Here, laat my lewe deur die Gees. NUUSBLAD van die Kleingroepe: NG Gemeente Magalieskruin

2 2 KLEINGROEPE: NUUS Hoop elkeen het n geseënde Paastyd gehad en net weer besin oor die besonderse gebeurtenis. Jesus leef en daarom kan ons saam juig oor Sy woorde: Ek het gekom sodat hulle die lewe kan hê, en dit in oorvloed (Joh 10:10). Ons tema vir die maand: Here, laat my lewe deur die Gees. Mag u in die Kleingroep die teenwoordigheid van die Gees aanvoel met elke byeenkoms. Onthou ons Pinksterdienste vanaf Sondag, Mei 2015 dit beloof om n geestelike inspuiting te wees met n diepe ontmoeting met God. Moenie ons biblioteek vergeet nie daar is heelwat nuwe boeke om te lees. Vir enige Kleingroep navrae kontak asb vir Lorna Deysel, , magaliesklein@telkomsa.net Baie dankie aan Ds. Corne Bootha vir hierdie maand se Bybelstudies. GEBED Bid dat elkeen in die groep hulle hart vir Jesus Christus sal gee. Bid dat die Heilige Gees teenwoordig sal wees met elke byeenkoms en dat Sy werking sigbaar sal word in ons lewens. Bid dat ons ingestel sal wees op die stem van die Heilige Gees en sy leiding sodoende sal volg. En wanneer die Vader in my Naam die Voorspraak, die Heiige Gees, stuur, sal Hy julle alles leer en julle herinner aan alles wat Ek vir julle gesê het Joh 14:26. Bid dat die Heilige Gees die waarheid van die Skrif in ons harte sal bevestig in ons daaglikse lewe.

3 3 Here, laat my lewe deur die Gees. Week 1 Here ek soek meer! Soek jy meer? Die Goddelike Geskenk. Watse woorde in die lys hieronder beskryf jou huidige ervarings en gevoel in jou pad wat jy as n Christen stap? Groeiend, Vervuld, Verwagting, Opgewonde, Frustrerend, Teleurstellend, Verlore, Op en af, Skuldig, Dinamies, Intiem, Plig, Leeg, Moeite, So-so. Nog ander? Is jy opsoek na meer? Jesus self het gesê: As een van julle dors het, moet hy na My toe kom en drink! Hy wat in My glo, soos die Skrif sê: strome van lewende water sal uit sy binneste vloei. (Joh. 7:37-38) Wat het Jesus hiermee bedoel? Johannes gaan verder om dit te verduidelik: En hy het dit gesê van die Gees wat dié sou ontvang wat in Hom glo; want die Heilige Gees was nog nie daar nie, omdat Jesus nog nie verheerlik was nie. (Joh 7:39) Jesus het aan ons belowe dat God se Gees die dors in ons binneste, die diepste verlange van ons eie gees sal vervul, deur Jesus Christus. Daar is egter baie Christene wat die werk van die Heilige Gees verstaan of hoe om Hom van naby te leer ken en Sy werking in hulle lewens toe te laat nie. God het Sy Gees aan ons gegee sodat ons intimiteit met Hom kan hê en alles wat Hy aan ons belowe kan beleef. Die Heilige Gees is die bron van ons diepste vervulling. Bespreek die volgende stellings in julle kleingroep: 1. Die Heilige Gees is God se permanente teenwoordigheid binne ons. (Joh 14:16,17) 2. Die Heilige Gees stel ons in staat om alles wat God aan ons gee en belowe te kan verstaan en beleef. (1 Kor. 2:12)

4 4 Die Heilige Gees stel ons in staan om baie dinge te beleef vanuit God se skatkamer. Bespreek die volgende verse: 1. n Nuwe geestelike lewe (Joh 3:1-8) 2. Die versekering dat ek God se kind is ( Rom 8:15, 16) 3. Die oneindige liefde van God (Rom 5:5, Ef 3:18, 19) Gebed: Here dankie vir U Gees. Heilige Gees, kom woon in my, kom wees teenwoordig in my, kom lewe deur my, Amen. Week 2 Here maak my afhanklik van U Gees. Begin deur die volgende verse te bespreek en daaroor te bid: 1. 1 Kor. 2:14 - Maar die natuurlike mens neem die dinge van die Gees van God nie aan nie, want dit is vir hom dwaasheid en hy kan dit nie verstaan nie, omdat dit geestelik onderskei moet word Kor 2:15, 16 - Maar die geestelike mens beoordeel wel alle dinge, self egter word hy deur niemand beoordeel nie. Want wie het die sin van die Here geken, dat hy Hom sou kon onderrig? 3. Rom 8:5, 6 - Want die wat vleeslik is, bedink vleeslike dinge, maar die wat geestlik is, geestelike dinge. Want wat die vlees bedink is die dood, maar wat die Gees bedink is lewe en vrede. Groepsbespreking: Hoekom is daar soveel Christene in die wêreld wat nooit tevrede is met hulle wandel saam met God nie? Ons kan nooit intimiteit met God beleef en al die seëninge van God beleef as ons nie ten volle afhanklik is van die Heilige Gees nie. Mense wat op hulle self staatmaak en hulle eie insigte volg om die Christelike lewe te leef sal altyd frustrasie en mislukking beleef en so ook die wat vir hulle self leef eerder as vir God. Lees die volgende twee verse in stilte by jouself en dink daaroor:

5 5 1. Galasiërs 3:3 2. Galasiërs 5:17 - Lees nou 1 Kor 3:1-3 saam en bespreek dit. - Deel met mekaar in die groep waar trek jy in jou reis met die Heilige Gees. - Hoe kan ons groei in n lewe van afhanklikheid van die Heilige Gees? Gebed: Bid vir mekaar. Week 3 n Intieme pad met die Heilige Gees (Jy het rustige aanbiddingsmusiek nodig wanneer julle vir mekaar en op julle eie gaan bid). Om n intieme pad met die Heilige Gees te stap is n lewenstyl. Dit vra van ons om afhanklik te wees van die Heilige Gees vir Sy oorvloedige bron van genade en insig. Dit is nie net n klein verandering hier en daar en ervaring nou en dan nie, dit is n lewe van dissipline en fokus. Bespreek die volgende stellings: 1. As ons in n intieme verhouding met die Gees staan, het ons die vermoë om n lewe te lei wat vir God aanneemlik is (Gal 5:16, 25). 2. Soos wat ons in die Gees wandel, beleef ons die intimiteit met God en alles wat Hy vir ons beplan (Gal 5:22, 23). Geloof (absolute hoop en vertroue in God en Sy beloftes) is die enigste manier hoe n Christen deur die Gees kan lewe. Groepsbespreking: Hoe kan ek oomblik vir oomblik van die dag intiem saam met God se Gees wandel? Prakties: (Hier kan jy dalk n paar intieme stilword liedere kry en dit luister terwyl elkeen op sy eie, tyd spandeer saam met die Here.) Geestelike asemhaling is n kragtige oefening/metafoor wat jou kan help om daaglikse afhanklikheid van God se Gees te oefen. Oefen dit in die groep deur n paar minute te vat en dit prakties te doen by jouself:

6 1. Blaas jou asem uit: Bely jou sondes en tekortkominge die oomblik wat jy bewus raak daarvan. Staan op God se beloftes en dank Hom vir die volmaakte vergifnis wat Hy aan jou belowe. (1 Joh 1:9 en Heb 10:1-25) Skuldbelydenis vra bekering - n verandering in jou gesindheid, jou denke en jou gewoontes. 2. Asem nou in. Soos wat jy ten volle afhanklik is van suurstof, so is dit n teken dat jy ten volle afhanklik is van God se Gees en dat jy op Hom vertrou om jou te vul met Sy insig, sy teenwoordigheid, bonatuurlike geloof en Sy krag wat deur jou werk. (Ef. 5:18, 1 Joh 5:14, 15) Gebed: Bid vir mekaar. 6 Week 4 Heilige Gees, kom vul my met U krag! (Jy gaan weer musiek nodig hê om te gebruik wanneer julle as groep gaan saam bid). Ons is, deur geloof in Jesus Christus, gevul deur die Heilige Gees wat ons in staat stel om n intieme verhouding met God te kan hê. Die essensie van die Christelike lewe is dit wat God in en deur ons doen. Christus se lewe en reddingswerk word realiteit vir ander mense deur die kragtige werking van die Heilige Gees deur ons. Dit gaan altyd oor wat God deur ons doen, nie wat ons vir God doen nie. Om gevul te wees met die Gees is om beheer te word deur die Gees en bekragtig te word deur Hom. (Ef 3:16, 17) - Getuig aan mekaar hoe jy in hierdie week God se Gees gesien werk het, hetsy deur jouself of deur ander mense. Die volgende drie vrae is baie belangrike vrae wat jy vir jouself moet vra. Vertrou mekaar in die groep dat julle eerlik met mekaar sal wees oor die antwoorde op hierdie vrae. As jy nie positeif kan antwoord op al drie hierdie vrae nie, wees eerlik met mekaar sodat julle vir mekaar kan bid. Die intieme pad saam met die Gees is tog niks werd as dit bloot maar in jouself gaan sterf nie. God wil hê dat ons dit in n geloofsgemeenskap moet deel met mekaar. Daarom sê Hy dat ons mekaar se laste moet dra.

7 Beantwoord die vrae eerlik en as jy gemaklik voel, deel jou antwoorde met die groep: 1. Is ek gereed om myself nou ten volle aan die beheer van die Heilige Gees oor te gee en my totale lewe aan Jesus Christus te gee? (Rom 12:1, 2) 2. Is ek gereed om nou my eie sondes te bely? Om my hele verlede, hede en toekoms in Sy hande te los (1 Joh 1:9). 3. Is dit my opregte passievolle begeerte om gerig, onderrig en bekragtig te word deur die Gees van die Lewende God? (Joh 7:37-39) Deur geloof alleen kan jy vandag die volheid van God se Gees in jou neem volgens Sy Woord. God gee ons n opdrag om gevul te word deur Sy Gees (Ef 5:18). Hy belowe dat Hy ons ALTYD sal antwoord wanneer ons deur Sy Gees bid volgens Sy wil (1 Joh 5:14, 15). Gebed: Bid saam met mekaar. Hieronder is n voorbeeld van n gebed wat julle saam met mekaar kan bid: Hemel Vader, ek het U nodig. Ek erken dat ek my eie lewe probeer rig en bestuur. Neem U beheer van my lewe oor. Ek dank U dat U reeds my sondes vergewe het deur Christus se dood aan die kruis. Jesus Christus, ek nooi U nou om weer die troon van my lewe in te neem. Vul my met U Gees. Dankie dat U my gebed hoor en dat U ag slaan daarop soos wat U belowe in U Woord. Dankie dat U my nou vul met U Gees, Amen. 7 Week 5 Die draai punt Dit is baie belangrik om te besef dat dit nooit gaan oor n gevoel nie. Dit is die belofte van God se Woord wat die maatstaf en outoriteit is, nie ons gevoel en emosies nie. n Christen lewe deur geloof alleen! Geloof en vertroue in God alleen! Dat God Sy beloftes uit die Woord sal volhou en getrou bly daaraan.

8 Wanneer jy op n vliegtuig klim om te gaan vakansie hou oorsee dan klim jy nie in die vliegtuig en gaan klop aan die deur van stuurkajuit en jaag die vlieenier van sy stoel af en begin self die vliegtuig bestuur nie. Om in n vliegtuig vervoer te word beteken dat ek my vertroue en ervarings en emosies in totaliteit op die vlieenier plaas. My vrese en twyfel of selfstandigheid en selfvertroue beïnvloed nie die vermoë van die vliegtuig en die vlieenier om my veilig te vervoer nie. Al wat dit beïnvloed is of ek die reis makliker gaan vind of nie. Op dieselfde manier kan ons as Christene nie vertroue plaas in ons emosies en gevoelens nie, maar ons plaas eerder ons vertroue en geloof in God en die betroubaarheid van Sy Woord. Besprekingsvraag: - Hoe kan ek verseker weet dat ek gevul is met die Heilige Gees? - Vertel vir mekaar hoe jy die intimiteit van die Gees beleef het in die week wat verby is. - Bid vir elke persoon in die groep en bedien mekaar soos die Gees julle lei. - Bid die volgende drie goed oor mekaar: - Bid dat julle Christus sal verheerlik deur julle geesvervulde lewens. (Joh 16:14), - Bid dat jule sal groei in die wysheid en begrip van God en Sy Woord. (1 Kor 2:14, 15), - Bid dat julle n lewe sal leef wat aanneemlik is vir God. (Gal 5:16-23) Seën mekaar deur die volgende vers oor mekaar uit te spreek: Hand 1:8 - En julle sal krag ontvang wanneer die Heilige Gees oor julle kom, en julle sal My getuies wees in Jerusalem sowel as in die hele Judéa, en Samaria en tot aan die uithoeke van die aarde. 8