Jakkals lê eendag heerlik en

Transcriptie

1 Leesbegrip Naam: Jakkals en Hettie die heuningvoëltjie Jakkals lê eendag heerlik en slaap onder ʼn koelteboom toe hy skielik die geflap van vlerke hoor. Dit is Hettie, die heuningvoëltjie. Sy druk haar lang dun snawel in ʼn blom om die nektar te kry. Net daar kry die skelm jakkals ʼn blink idee. Hettie, wil jy nie vanaand by my kom eet nie? vra Jakkals. Hettie kyk af na Jakkals. Ja, dit sal lekker wees, antwoord sy. Die skelm jakkals voer nou weer iets in die mou. Daardie aand, toe Hettie oorkom vir aandete, nooi Jakkals haar vriendelik binne. Hettie is baie honger sy kan nie wag vir die kos nie! Geniet dit! sê Jakkals toe hy twee vlak bakke vol van die heerlikste kos op die tafel neersit. Hettie probeer eet, maar haar lang bek is in die pad! Sy kan nie by die kos uitkom nie die bak is te vlak! Jakkals eet toe albei die borde kos op en lek sy lippe af van die lekkerkry. Hettie gaan honger huis toe. Jakkals lag skelm toe sy by die deur uitstap. Hy het haar ʼn lekker streep getrek! Die volgende dag loop Jakkals deur die veld toe Hettie op hom afgevlieg kom. Hy dink eers sy wil kom baklei, maar sy is vriendelik. Jakkals, sê Hettie, kom eet vanaand by my. Jakkals lek sommer dadelik sy lippe af. Hettie is ʼn goeie kok! Ja, dankie, ek sal so maak! sê Jakkals. Ses-uur daardie aand klop Jakkals aan Hettie se deur. Hettie nooi hom vriendelik in en sê dat hulle sommer dadelik kan aansit vir ete, voor die kos koud word. Jakkals se mond water nou behoorlik! Hulle stap deur na

2 die eetkamer en Jakkals gaan sit by die tafel. Hettie gaan kombuis toe om die borde kos te gaan haal. Toe sy die eetkamer binnekom, sien Jakkals iets vreesliks raak: Sy het die kos in twee lang, diep flesse geskep! Sy glimlag asof niks fout is nie en sit die een fles voor Jakkals en een fles voor haarself neer. Bespreek: Wat is die hoofidee van die storie? Lekker eet! sê Hettie, met ʼn skelm glimlag. Sy steek dadelik haar lang, dun snawel in die fles in en begin al te lekker eet. Jakkals voel of hy kan huil! Daar is geen manier hoe hy sy tong by die kos gaan kry nie, al probeer hy ook hóé hard! Dit wys jou net! Doen aan ander wat jy wil hê hulle aan jou moet doen! Moet nie aan ander doen wat jy nie aan jouself gedoen wil hê nie en dan later vrae kom vra nie... die wiel draai. Lees weer die storie en beantwoord dan die vrae. Beantwoord die volgende vrae in volsinne, waar nodig. 1. Wat was Jakkals besig om te doen toe hy ʼn geflap van vlerke hoor? (1) 2. Hettie is ʼn? (1)

3 3. Beskryf hoe Hettie se snawel lyk. (2) 4. Wat haal Hettie uit die blomme? (1) 5. Waarheen het Jakkals vir Hettie uitgenooi? (1) 6. Hoekom kon Hettie nie die kos eet wat Jakkals voorgesit het nie? (1) 7. Waarin het Jakkals die kos voorgesit? (1) 8. Hoekom het Jakkals gedink dat Hettie met hom wil baklei toe sy hom die volgende dag in die veld kry? (2) 9. Hoekom was Jakkals bly toe Hettie hom oornooi vir ete? (1) 10. Kon Jakkals die kos eet wat Hettie voorgesit het? Gee ʼn rede vir jou antwoord. (2)

4 11. Skryf die idioom neer wat beteken om ʼn skelm idee of plan te hê. (To have a secret idea or plan.) (1) 12. Wat beteken die idioom Sy mond water nou behoorlik? (1) 13. Soek die korrekte betekenis uit die volgende van die idioom Hy het haar ʼn streep getrek. (1) a) Hy trek ʼn streep op die bladsy. b) Iets doen ten koste van iemand. c) Hy verf ʼn streep op die muur. 14. Watter een van die volgende idiome beteken dieselfde as Hy het haar ʼn streep getrek? (1) a) Hy voer iets in die mou. b) Die aap uit die mou laat. c) Om iemand ʼn poets te bak. 15. Onderstreep die korrekte betekenis van die volgende idioom Sy mond water nou behoorlik. (1) a) a) Daar is kos op die tafel. b) b) Die kos is baie duur. c) c) Die kos lyk so lekker dat hy baie lus kry daarvoor. 16. Dink jy Hettie sou saamgestem het met die blink idee wat Jakkals gehad het? Gee ʼn rede vir jou antwoord. (2) Totaal: 20 punte 0-29% 30-39% 40-49% 50-59% 60-69% 70-79% %

5 Antwoorde 1. Hy het onder ʼn koelteboom lê en slaap. 2. Hettie is ʼn heuningvoëltjie. 3. Haar snawel is lank en dun. 4. Sy haal nektar uit die blomme. 5. Jakkals het Hettie vir ete na sy huis genooi. 6. Haar lang snawel was in die pad en sy kon nie by die kos uitkom nie. 7. Hy het die kos in twee vlak bakke bedien. 8. Hy het gedink sy gaan met hom baklei omdat hy haar ʼn streep getrek het/haar ʼn poets gebak het. (Iets doen ten koste van ander. Iets doen wat jy as ʼn grap beskou.) 9. Hy was bly, want Hettie is ʼn goeie kok. 10. Nee, want sy het die kos in ʼn lang, dun fles voorgesit en sy tong kon nie by die kos kom nie. 11. Voer iets in die mou. 12. Hy is nou baie lus vir die kos. 13. b) Iets doen ten koste van iemand. 14. c) Om iemand ʼn poets te bak. 15. c) Die kos lyk so lekker dat hy baie lus kry daarvoor. 16. Nee, want sy plan het haar benadeel. (Leerders se antwoorde sal van mekaar verskil.)