HOE OM DIE INDIVIDUELE INKOMSTEBELASTINGOPGAWE (ITR12) TE VOLTOOI

Transcriptie

1 HOE OM DIE INDIVIDUELE INKOMSTEBELASTINGOPGAWE (ITR12) TE VOLTOOI 1 INLEIDING Die opgawe wat aan u uitgereik is is spesifiek saamgestel om u persoonlike belasting behoeftes aan te spreek soos aangedui toe u die ITR12 individuele belastingopgawe versoek het. Indien u egter nou vasstel dat die opgawe wat u ontvang het nie voorsiening maak vir al die inkomste en uitgawe afdelings wat u benodig nie, moet u asseblief n gewysigde opgawe verkry deur: Vir efiling te registreer waar u u eie opgawe kan saamstel met behulp van n vraelys ( wizard ) Deur die SARS Inbelsentrum te skakel by SARS (7277) of Deur jou naaste SARS takkantoor te besoek. Hierdie gids is saamgestel om u te help om u opgawe eerlik en korrek te kan voltooi. Indien u meer inligting nodig het raadpleeg asseblief die Omvattende Gids wat beskikbaar is op die SARS webwerf by Tax Types>Income Tax>Tax season Indien u enige verdere hulp nodig het met die voltooiing van u opgawe kan u al u stawende dokumente bymekaar maak en u naaste SARS takkantoor besoek. Die indien datum vir handgeskrewe voltooide opgawes is: 21 November 2008 OM TE BEGIN Om u opgawe te voltooi sal u die volgende dokumentasie nodig hê: Bankbesonderhede U IRP5/IT3(a) sertifikate Sertifikate wat u ten opsigte van u beleggings ontvang het [IT3(b)] Besonderhede van u mediese uitgawes aangegaan Inligting met betrekking tot u uittredingannuïteitsfondsbydraes Besonderhede van besigheids kilometers afgelê (indien u n reistoelae ontvang het) Enige inligting met betrekking tot kapitaalwins transaksies Finansiële state, indien van toepassing b.v. vir besigheidsinkomste Enige ander dokumentasie wat betrekking het op enige inkomste ontvang of uitgawes aangegaan wat u wil eis Let asseblief daarop dat alhoewel u die dokumentasie sal gebruik in die voltooiing van u opgawe moet dit nie saam met die opgawe by SARS ingedien word nie. U moet dié dokumentasie vir n tydperk van vyf jaar bewaar indien SARS dit sou versoek. VOLTOOIING VAN DIE OPGAWE Gebruik n swart pen om die opgawe in hoofletters te voltooi en skryf in die spasies wat voorsien is. Alhoewel u n persoonlik saamgestelde opgawe ontvang het kan daar nogtans velde wees wat nie op u van toepassing is nie. U word versoek om al hierdie velde, wat nie op u belastingsake betrekking het nie, oop te laat. Moet asseblief nie NVT invul of die velde deurhaal nie. Moet asseblief nie korreksie ink gebruik of enige van die velde deurhaal as u n fout sou gemaak het nie aangesien ons skandeerders die veranderinge sal verwerp. Indien u n fout maak versoek n nuwe opgawe (sien inleiding). Ons wil u egter graag aanraai om u opgawe elektronies in te dien want u sal op die stelsel veranderinge kan aanbring. Ons versoek ook voorts dat u nie die opgawe sal vou wanneer u dit indien nie aangesien dit die verwerking van u opgawe mag vertraag. U moet al die toepaslike gedeeltes van u opgawe voltooi. Enige onvolledig voltooide opgawe sal aan u teruggestuur word en as nie SAAM MAAK ONS N VERSKIL.

2 2 ingedien beskou word totdat die korrek voltooide opgawe ontvang is. Dit kan tot die heffing van boetes vir die laat indiening van u opgawe lei. Hierdie is n voorbeeld van die boonste gedeelte van u opgawe wat vooraf deur SARS ingevul is. Die volgende velde op die opgawe moet deur u voltooi word: Handtekening: Hierdie opgawe is n wetlik bindende verklaring wat u aflê waarin u al die inkomste ontvang, belasting en aftrekkings vir die jaar van aanslag verklaar. Sonder u handtekening is die opgawe nie bindend nie en sal dus aan u teruggestuur word. ID-nommer, paspoortnommer of datum van geboorte: Ten minste een van hierdie velde moet voltooi word Persoonlike besonderhede: U moet u adres- en kontakbesonderhede invul. Die besonderhede moet u eie wees en nie die van n belastingpraktisyn indien u van een gebruik sou maak. Bankbesonderhede: Sonder die korrekte bankbesonderhede kan ons nie n terugbetaling maak nie. Om bedrog en diefstal te bekamp betaal SARS slegs terugbetalings elektronies in geverifieerde tjek en spaar (transmissie) bankrekeninge wat deur belastingpligtige (nie n derde party nie) geopen is by n geregistreerde Suid-Afrikaanse instelling. Inkomste ontvang: Verseker dat alle inkomste deur u ontvang verklaar is. Huwelikstatus: Aangesien u huwelikstatus u belastingaanspreeklikheid kan beïnvloed is dit belangrik dat u aandui of u op 29 February 2008 getroud of ongetroud was. Indien u getroud was moet u ook aandui of dit BINNE of BUITE gemeenskap van goedere was. Voorkeur metode van kontak Dui u voorkeur metode van kontak aan deur die toepaslike blokkie te merk met die syfers 1 tot 5. Die syfer 1 sal u mees gekose metode aandui terwyl die syfer 5 die mins gekose metode sal wees. Inligting van belastingpraktisyn Indien u van die dienste van n belastingpraktisyn gebruik maak sal hierdie inligting afdeling deur die persoon voltooi word. Vooraf voltooiing van die opgawe Baie van die verpligte velde sal reeds voltooi wees met die inligting tot die beskikking van SARS. Dit sluit u persoonlike inligting sowel as die besonderhede van u inkomste in as u n werknemer is (as u n IRP5 ontvang). Maak asseblief seker dat u u adresbesonderhede voltooi aangesien dit nie ingevul sal wees nie. SARS wil van hierdie geleentheid gebruik maak om u adresbesonderhede in die voorgeskrewe formaat te opdateer ten einde aan voorskrifte te voldoen.

3 3 INKOMSTE WERKNEMERSBELASTINGSERTIFIKAAT INLIGTING [IRP5/IT3(a)] Hierdie jaar sal SARS ook die inligting wat betrekking het op die inkomste wat u vanaf u werkgewer of pensioenfonds verkry het voltooi, gebaseer op die IRP5/IT3(a) sertifikaat inligting voorsien, mits SARS dit betyds ontvang het. In sulke gevalle het u net nodig om die vooraf voltooide inligting te vergelyk met die inligting op u IRP5/IT3(a) sertifikate wat u ontvang het. Indien u tevrede is kan u na die volgende afdeling gaan. Indien u van mening is dat die inligting foutief is moet u die SARS Inbelsentrum by SARS (7277) skakel. Die volgende is n voorbeeld van die inkomste gedeelte wat vooraf deur SARS voltooi is deur gebruik te maak van die IRP5/IT3(a) inligting: Indien u in diens van meer as een werkgewer gedurende die jaar van aanslag was en ook betaling vanaf n uittredingsannuïteitsfonds ontvang het sou u twee IRP5 en een IT3(a) sertifikate ontvang het en moet u opgawe dus drie aparte bladsye bevat vir die IRP5/IT3(a) inligting: een vir elke sertifikaat. Indien die opgawe wat u ontvang het nie voorsiening maak vir voldoende bladsye om al die IRP5/ IT3(a) inkomste te verklaar nie sal u die korrekte opgawe moet aanvra. BELEGGINGS-INKOMSTE U moet enige inkomste wat u vanuit beleggings ontvang het in hierdie afdeling verklaar. Dit sluit plaaslike rente, buitelandse rente en buitelandse dividende in. Hierdie afdeling maak ook voorsiening dat u enige buitelandse belasting wat teruggehou is ten opsigte van buitelandse rente en buitelandse dividende kan verklaar. Indien u binne gemeenskap van goedere getroud is moet u al die bedrae wat uself en u gade ontvang het ten opsigte van plaaslike rente, buitelandse rente en buitelandse dividende bymekaar tel. Indien u buite gemeenskap van goedere getroud of ongetroud is moet u slegs u eie beleggings-inkomste verklaar. Let asseblief daarop dat die bruto bedrae verklaar moet word aangesien SARS die vrystellings sal toepas. BELASBARE BUITELANDSE INKOMSTE UITGESLUIT KAPITAALWINS EN BELEGGINGS-INKOMSTE Voltooi asseblief die toepaslike lynitems. Let asseblief daarop dat alle buitelandse inkomste in die Suid-Afrikaanse geldeenheid verklaar moet word. Vir verdere inligting raadpleeg asseblief die Omvattende Gids wat op die SARS webwerf beskikbaar is. KAPITAALWINS/VERLIES Alle kapitaalwins transaksies moet apart verklaar word met die uitsondering van die beskikking (verkoop) van aandele wat per sertifikaat gegroepeer kan word. Plaaslike en buitelandse transaksies moet voorts ook apart verklaar word. As oor n bate beskik is, is die bedrag wat ontvang is of die bedrag wat die verkoper van die bate toeval die opbrengs van die beskikking.

4 4 Die basiskoste van die bate is gewoonlik die onkoste werklik aangegaan vir die verkryging van die bate tesame met enige uitgawes wat direk verband hou met die verbetering en direkte kostes in verband met die aanskaffing en die beskikking, en sekere eiendomskostes. Die basiskoste sluit nie enige bedrae in wat andersins toegelaat is as n aftrekking vir inkomstebelastingdoeleindes nie. Hoe word die basiskoste bereken van n bate wat op 1 Oktober 2001 reeds in u besit was? Ten einde die gedeelte van die wins wat betrekking het op die periode voor 1 Oktober 2001 uit te sluit, kan enige van die volgende metodes gebruik word: 20% van die opbrengs by beskikking sal as die basiskoste geag word (geen rekords beskikbaar en markwaarde kan nie bepaal word nie); OF Markwaarde van die bate soos op 1 Oktober 2001 (die waardasie datum ): OF Tydtoedelings metode. Vir meer inligting raadpleeg die Omvattende Gids of die Kapitaalwins Gids wat op die SARS webwerf beskikbaar is. Om die totale wins/verlies te bereken Elke beskikking moet apart in die opgawe verklaar word en moet die volgende inligting bevat, opbrengs, basiskoste, uitsluitings (indien van toepassing) en óf die wins óf die verlies. Die opgawe moet soos in die onderstaande voorbeeld voltooi word. Voorbeeld: n Belastingpligtige koop in 2002 n huis wat as primêre woning gebruik word vir n bedrag van R1 miljoen. Die huis word gedurende die 2008 jaar van aanslag vir n bedrag van R2.8 miljoen verkoop. Opbrengs R Min: Basiskoste R Uitsluiting primêre woning R Berekende wins R Let asseblief daarop dat SARS die jaarlikse uitsluiting programmaties sal bereken en u moet dit dus nie op die opgawe as uitsluiting invul nie. Die insluitingskoers sal ook deur SARS toegepas word. Indien u binne gemeenskap van goedere getroud is moet die bruto bedrae ten opsigte van uself en u gade verklaar word aangesien SARS programmaties die 50% verdeling sal toepas. Indien u buite gemeenskap van goedere of ongetroud is moet u slegs u eie beskikkings verklaar. AFTREKKINGS MEDIES Bydraes Dui aan of u enige bydraes tot n mediesefonds gemaak het gedurende die jaar van aanslag deur óf die Ja óf die Nee blokkie met n X te merk. Indien u bydraes deur u werkgewer of pensioenfonds oorbetaal is, of u self die bydraes oorbetaal het deur middel van u bankrekening, moet u die Ja blokkie merk. As u n lid van n mediesefonds was moet u verklaar vir hoeveel lede (uself ingesluit) bydraes per maand, beginnende by Maart 2007, aan die fonds gemaak is. Indien u bydraes deur u werkgewer of u pensioenfonds oorbetaal is sal dit op u IRP5/IT3(a) sertifikaat verskyn (sien beeld).

5 5 Indien dit die geval is moet u nie die bedrag in hierdie gedeelte van u opgawe teenoor die kode 4005 invul nie aangesien die inligting alreeds op die Werknemersbelasting sertifikaat gedeelte van u opgawe is. U sal dus slegs n bedrag teenoor die kode 4005 in hierdie gedeelte van u opgawe invul as u bydraes aan die mediesefonds nie deur u werkgewer oorbetaal is nie maar u dit self b.v. maandeliks vanuit u bankrekening oorbetaal het. As u dit wel self betaal het moet u die staat wat u vanaf u mediesefonds ontvang het gebruik om die bedrag te bepaal. Uitgawes aangegaan en nie van die mediesefonds verhaal nie Indien u aan n mediesefonds behoort sal die bedrag ook op die staat verskyn wat u vanaf u mediesefonds ontvang het. Indien u nie aan n mediesefonds behoort het nie moet u al die bedrae van die kwitansies wat u betaal het ten opsigte van kwalifiserende mediese uitgawes bymekaar tel en hier invul langs die kode Vir verdere inligting raadpleeg asseblief die Omvattende Gids wat op die SARS webwerf beskikbaar is of skakel SARS (7277) Liggaamsgebrek uitgawes nie van die fonds verhaal nie Indien u, u gade of u kind n liggaamsgebrek het moet die onkoste wat direk hiermee verband hou en nie van die fonds verhaal is nie hier, langs die kode 4022, ingevul word. Uitgawes vir gestremdheid n Gestremde persoon beteken n persoon wat blind is, n persoon wat doof is, n persoon wat as gevolg van n permanente gebrek n rystoel, loopyster, of kruk benodig om te beweeg, of n persoon wat n kunsledemaat benodig. Dit sluit ook n persoon in wat aan n geestesongesteldheid ly soos omskryf in die Wet op Geestesongesteldheid. Verwys na die Omvattende Gids, wat op die SARS webwerf beskikbaar is, om vas te stel watter dokumentasie bewaar moet word vir n tydperk van vyf jaar om u eis te staaf. UITTREE- EN INKOMSTEBESKERMINGSBYDRAES U lopende pensioenfondsbydraes word op u IRP5/IT3(a) sertifikaat aangedui en is dus voltooi in die Werknemersbelastingsertifikaat afdeling van u opgawe. Slegs agterstallige pensioenfondsbydraes wat in die betrokke jaar van aanslag aangekoop is en wat nie op u IRP5/IT3(a) sertifikaat verskyn nie, moet hier langs die kode 4002 ingevul word. Lopende en agterstallige uittredingannuïteitsfondsbydraes Slegs bydraes wat gemaak is ten opsigte van n polis waarvan u die begunstigde is, mag gebruik word. Gebruik die bedrag wat op die sertifikaat, wat u vanaf die betrokke instansie ontvang het aan wie die bydraes gemaak is, om die veld te voltooi. Let asseblief daarop dat die bedrae wat op u IRP5/IT3(a) sertifikaat verskyn (sien beeld) nie as n aftrekking oorweeg sal word, nie aangesien u die bedrae moet gebruik wat op die sertifikaat verskyn.

6 6 Alhoewel die bedrae op die sertifikaat mag verskil van die bedrag op die IRP5/IT3(a), moet u die bedrag van die sertifikaat langs die kode 4006 op u opgawe voltooi. Inkomstebeskermingsbydraes Indien u enige bydraes gemaak het om u inkomste te beskerm, sou u n sertifikaat van die betrokke instansie waar die bydraes gemaak was, ontvang het. Gebruik die bedrag op die sertifikaat om die bedrag langs kode 4018 op u opgawe te voltooi. REISKOSTE AANGEGAAN TEEN N REISTOELAE. U mag slegs reiskoste hier eis as u n reistoelaag ontvang het en so n toelaag sal langs kode 3701 en/of 3702 op u ITRP5/IT3(a) sertifikaat ingevul wees. Hoe om kilometers afgelê te bepaal Indien u n reistoelaag ontvang het, het u die keuse om kilometers te eis gebaseer op werklike kilometers afgelê of om gebruik te maak van die geagte kilometers waarvoor in die Inkomstebelastingwet voorsiening gemaak word. 1. Ritboek U moet in besit wees van volledig voltooide ritboek ten einde werklike kilometers gereis te kan eis. Die minimum inligting wat in u ritboek vervat moet wees is die volgende: Die datum waarop u gereis het Die bestemming na en vanaf Die kilometers afgelê Die rede vir die reis. Indien u hierdie keuse uitoefen moet u die Ja blokkie merk teenoor die vraag of u n ritboek wil gebruik. 2. Geagte kilometers Indien u nie gekies het om ja te antwoord op die ritboek opsie sal SARS aanneem dat u van die geagte kilometers gebruik wil maak. Ingevolge die bepalings van die geagte kilometers sal die eerste kilometers afgelê geag wees as private kilometers afgelê. In die berekening van die toelaatbare eis sal die totale kilometers gereis beperk word tot kilometers. Berekening van die eis Ten einde SARS in staat te stel om die eis te bereken is dit noodsaaklik dat u die volgende inligting sal invul: Die kosprys of kontantwaarde van die voertuig Die voertuig se registrasienommer Die begin- en einddatums Die begin en eind kilometerlesings (snelheidsmeter lesings) Besigheids kilometerlesing Privaat kilometerlesing Hieronder is n voorbeeld van hoe hierdie afdeling voltooi moet word indien u nie n ritboek gebruik nie. Let asseblief daarop dat sonder die bogenoemde inligting SARS nie in staat sal wees om die reis eis te bereken nie en dit dus nie sal kan oorweeg nie.

7 7 Reiskoste wat teen n toelaag geëis word kan op een van die volgende metodes bereken word: (i) Waar akkurate rekords van uitgawes bygehou is: Indien u van hierdie metode gebruik wil maak moet u die lynitems onder die hoof waar akkurate rekords van uitgawes gehou is voltooi. (ii) Waar geen rekords van uitgawes gehou is: Die vastekoste skaal sal in die geval gebruik word om die eis te bereken. Indien u enige van die lynitems wat na werklike koste verwys voltooi, sal dit aanvaar word dat die werklike koste toegepas moet word. ANDER AFTREKKINGS Slegs sekere aftrekkings is toelaatbaar indien u n salaris verdien. Sekere van hierdie aftrekkings soos pensioen en uittredingannuïteisfondsbydraes is reeds in hierdie gids aangespreek. Die oorblywende aftrekkings wat kwalifiseer, mits die uitgawes aangegaan is, is die volgende: Verblyftoelae Indien u n verblyftoelaag ontvang het wat teenoor die kode 3704 op u IRP5/IT3(a) sertifikaat aangetoon is, moet u die bedrag van u eis teenoor die kode 4017 in hierdie gedeelte van u opgawe invul. Indien u n verblyftoelaag ontvang het wat teenoor die kode 3715/3754 op u IRP5/IT3(a) sertifikaat aangetoon is, moet u die bedrag van u eis teenoor die kode 4019 in hierdie gedeelte van u opgawe invul. Skenkings aan goedgekeurde Artikel 18A Openbare Weldaadorganisasies Gebruik die bedrag op die kwitansie wat u ontvang het. Onthou dat u slegs mag eis indien die kwitansie aandui dat dit uitgereik is ingevolge Artikel 18A van die Inkomstebelastingwet. Waardevermindering Indien u n bate besit, soos n rekenaar wat u verplig is om gereeld te gebruik in die uitvoering van u pligte, sal u geregtig wees om waardevermindering op die bate te eis. Die berekende bedrag moet teenoor die kode 4027 op u opgawe voltooi word. Tuiskantoor onkoste Indien u werksaam is en n salaris ontvang en deel van u dienskontrak bepaal dat u die koste moet dra vir die daarstelling en onderhoud van n tuiskantoor as n sentrale besigheids lokaal, sal u moontlik kwalifiseer vir n aftrekking in die verband. Indien u oortuig is dat u geregtig is om n aftrekking te eis moet die volgende formule gebruik word in die berekening van u eis: A/B x Totale koste, waar A = die area in vierkante meter is wat vir werkdoeleindes gebruik word B = die totale area in vierkante meter is (wat buitegeboue insluit asook die area wat vir werkdoeleindes gebruik word) van die woning Totale koste = die totale koste aangegaan in die verkryging en onderhoud van die perseel, maar uitgesluit enige koste van n kapitale aard. Reisuitgawes (geen toelaag b.v. kommissie-inkomste) Indien u nie n reistoelaag ontvang het nie maar reiskoste aangegaan het in die voortbrenging van u inkomste, mag u sulke onkoste terugeis. Die bedrag van u eis moet in hierdie afdeling teenoor die kode 4015 ingevul word. Ander aftrekkings U mag regskoste eis wat aangegaan is in verband met enige saak wat direk betrekking het op u vergoedingspakket, soos n CCMA eis, en waarvan die bedrag betaalbaar kragtens n hofbevel, of in n skikking buite die hof, deel van belasbare inkomste sal verteenwoordig. Algemeen Indien u enige verdere inligting verlang raadpleeg asseblief die Omvattende Gids beskikbaar op die SARS webwerf besoek u naaste SARS kantoor of skakel die SARS Inbelsentrum by SARS (7277). VRYWARING Hierdie vertaling word voorsien as n diens aan die gebruiker daarvan. Indien u enigsins twyfel oor die betekenis van die woorde of frases wat gebruik word in terme van die reg, raadpleeg asseblief die Engelse weergawe van die dokument, asook die toepaslike wetgewing. In geval van n vertaalfout sal die toepaslike wetgewing van toepassing wees.