DICARZOL. REG. NR. L 8082 (Wet Nr. 36 van 1947)

Transcriptie

1 GA 2007 KLUB M5 DICARZOL REG. NR. L 8082 (Wet Nr. 36 van 1947) n Kontak insekdoder geformuleer as n oplosbare poeier, vir die beheer van blaaspootjie op gewasse soos aangedui. Aktiewe bestanddeel: Formetanaat (karbamaat) 500 g/kg INSEKDODERGROEPKODE 1A Geregistreer deur: Klub M5 (Edms.) Bpk., Reg. Nr. 2006/023059/07 Posbus 7402, Centurion 0046 = Geregistreerde handelsmerk van Gowan Comércio Internacional e Serviços Limitada GIFTIG WAARSKUWINGS: Indien die gewas wat behandel word uitgevoer gaan word moet die betrokke uitvoerorganisasie vir voorskrifte rakende onhoudingsperiodes geraadpleeg word. Wanneer hierdie produk gebruik word in ooreenstemming met die aanbevelings hierin uiteengesit, sal die plaaslike MRL s nie oorskry word nie. Die Registrasiehouer of die Verspreider kan egter nie verantwoordelik gehou word vir uitvoergewasse wat die maksimum residuperke van ander lande oorskry nie. In die geval van gewasse wat vir plaaslike gebruik bestem is, moet die volgende periodes tussen die laaste toediening en oes gelaat word: Appels 100 dae Nektariens 100 dae Sitrus 90 dae Tafeldruiwe 80 dae Hanteer uiters versigtig. Giftig indien ingesluk, ingeasem of deur velkontak. Giftig vir visse, bye en natuurlewe. Moenie toedien wanneer bye aktief is in die area wat behandel moet word nie. Berg agter slot en grendel in 'n koel, droë plek, weg van voedsel en voer. Hou buite bereik van kinders, oningeligte persone en diere. Moenie die produk aan vogtigheid blootstel nie. As gevolg van die higroskopisiteit van die produk, moet die houer dig verseël word indien daar enige van die produk oorgebly het na gebruik. Herbetreding Moenie behandelde gebied betree binne twee dae na die bespuiting nie, tensy beskermende oorklere gedra word. In die geval van vergiftiging - ONTBIED N GENEESHEER EN STEL HIERDIE ETIKET AAN HOM BESKIKBAAR. DICARZOL Afrikaanse GA Page 1 of 6

2 Lugtoediening: Lugtoediening van DICARZOL word slegs aanbeveel as n lokaasbespuiting. Stel alle inwoners in die onmiddellike omgewing van die gebied wat behandel gaan word in kennis en reik die nodige waarskuwings uit. Moenie aangrensende gebiede of waterbronne bespuit of toelaat dat die sproeinewel daarheen oorwaai nie. Verwys asseblief na die SANS Gebruikskode vir lugtoediening van oesbeskermingsprodukte. Alhoewel DICARZOL as gewasveilig beskou word op die meeste belangrike kultivars, beteken dit nie dat n meer sensitiewe kultivar nie in die toekoms gekommersialiseer kan word nie. Waar n nuwe kultivar teëgekom word, moet groot areas nie behandel word voordat DICARZOL op daardie kultivar getoets is nie. Alhoewel hierdie middel omvattend onder 'n groot verskeidenheid toestande getoets is, waarborg die Registrasiehouer nie dat dit onder alle toestande doeltreffend sal wees nie aangesien die werking en effek daarvan beïnvloed kan word deur faktore soos abnormale klimaats- en bergingstoestande, die kwaliteit van verdunningswater, verenigbaarheid met ander stowwe wat nie op die etiket aangedui is nie en die voorkoms van weerstand van die plae teen die betrokke middel, sowel as die metode, tyd en akkuraatheid van toediening. Verder aanvaar die Registrasiehouer nie verantwoordelikheid vir skade aan gewasse, plantegroei, die omgewing of vir die nadelige effek op mens of dier of vir 'n gebrek aan prestasie van die betrokke middel as gevolg van die versuim van die gebruiker om etiketaanwysings na te kom of as gevolg van die ontstaan van toestande wat nie kragtens die registrasie voorsien kon word nie. Raadpleeg die verskaffer in die geval van enige onsekerheid. VOORSORGMAATREËLS: Moenie die dampe of sproeinewel inasem nie. Dra beskermende klere (oorpak, stewels, rubberhandskoene, gesigmasker, gesigskerm) wanneer die produk hanteer of toegedien word. Was besoedelde klere daagliks. Was onmiddellik met seep en koue water na gebruik of toevallige velkontak. In geval van oogkontak spoel onmiddellik met voldoende water vir minstens 15 minute. Moenie eet, drink of rook tydens vermenging of toediening of voordat hande en gesig gewas en skoon klere aangetrek is nie. Verhoed besoedeling van voedsel, eetgerei, voer en drinkwater. Verhoed wegdrywing van die sproeinewel na ander gewasse, weidings, riviere, damme of ander gebiede wat nie behandel word nie. Maak alle spuitapparaat deeglik skoon voor hergebruik en moenie die omgewing met spoelwater besoedel nie. Sodra die houer leeg is spoel dit driekeer uit met n volume water gelyk aan minstens n tiende van die houer en gooi die spoelwater by die inhoud van die spuittenk. Vernietig die houer deur gate daarin te maak en dit te begrawe of te verbrand. Moenie die houer vir enige ander doel gebruik nie. SIMPTOME VAN VERGIFTIGING: Vinnig werkende simptome van n cholienesterase onderdrukker. Hoofpyn, vermoeidheid, flouheid, duiseligheid, oormatige sweet, mislikheid, buikpyn, braking, belemmerde gesigsvermoë, spiertrekkings, gewoonlik verkleinde pupille, asemhalingsnood, bewusteloosheid. NOODHULPBEHANDELING: VERKRY ALTYD ONMIDDELLIK BEHANDELING VAN 'N GENEESHEER. Verwyder die persoon van die oorsaak van vergiftiging (na n goed geventileerde omgewing) en stel hom gerus en hou hom stil. Indien ingeasem, voorsien vars lug of suurstof. Ontbied n geneesheer en maak die inligting op hierdie pamflet aan hom beskikbaar. Verwyder besoedelde klere en was die besmette liggaamsdele met baie seep en koue water af. Moenie die vel hard vryf nie. Besmette oë moet vir minstens 15 minute met skoon water uitgespoel word. Indien ingesluk DICARZOL Afrikaanse GA Page 2 of 6

3 moet braking slegs veroorsaak word deur medies-opgeleide persone. Indien die pasiënt nie bewusteloos is nie, gee aan hom baie water om te drink. Neem die pasiënt onmiddellik na die naaste geneesheer. Pas kunsmatige asemhaling of geslote hartmassering toe indien nodig. Moenie direkte mond tot mond asemhaling toepas nie. Moet nooit iets per mond aan n bewustelose persoon toedien nie. In die geval van bewusteloosheid, keer die pasiënt op sy sy, en hou hom stil sodat hy vervoer kan word. INLIGTING AAN GENEESHEER: Atropiensulfaat 2-4 mg (volwassene) binne-aars. Herhaal elke tien minute totdat pasiënt ten volle geatropiniseerd is (droë, gloeiende vel en tagikardie) voorkom. Pralidoxime (2 PAM, Protopam) en ander oksiemes moenie gebruik word nie. Indien van die produk ingesluk is, word maagspoeling met geaktiveerde koolstof aanbeveel. Indien nodig, dien n teenstuiptrekkingsmiddel soos Diazapam binne-aars toe. WEERSTANDSWAARSKUWING: Vir weerstandsbestuur is DICARZOL as n GROEPKODE 1A INSEKDODER geklassifiseer. Enige populasie van n spesifieke insek mag individue insluit wat n natuurlike weerstand teen DICARZOL, of enige ander GROEPKODE 1A INSEKDODER het. Indien hierdie insekdoders herhaaldelik aangewend word, kan die weerstandbiedende individue uiteindelik die insekpopulasie oorheers. Hierdie weerstandbiedende insekte sal moontlik nie deur DICARZOL of enige ander GROEPKODE 1A INSEKDODER, beheer word nie. Aangesien die voorkoms van weerstandbiedende insekte moeilik is om te bepaal voor insekdodertoediening plaasvind, is dit uiters noodsaaklik dat behandelde gebiede met gereelde intervalle ondersoek word om weerstand vroegtydig te identifiseer. Die Registrasiehouer of die Verspreider sal nie verantwoordelikheid aanvaar vir enige gebrek aan prestasie in die geval van die opbou van weerstand in die insekte as gevolg van onvoldoende insekbestandheidsbestuur soos aangedui op die etiket nie. Om weerstand teen insekdoders te vertraag: Vermy die eksklusiewe herhaaldelike gebruik van insekdoders in dieselfde INSEKDODERGROEPKODE. Wissel af met, of gebruik tenkmengsels van produkte in verskillende INSEKDODERGROEPKODES. Integreer ander beheermaatreëls (chemies, verbouing, biologies) in insekbeheerprogramme. Vir verdere inligting oor weerstandsbestuur, kontak u plaaslike verteenwoordiger. LUGTOEDIENING: MOENIE LUGBESPUITING BEGIN VOORDAT U U DICARZOL VERTEENWOORDIGER GESPREEK HET NIE. DICARZOL mag slegs deur n geregistreerde Lugbespuitingsoperateur met n korrek gekalibreerde, geregistreerde vliegtuig volgens die instruksies van SANS (Aerial Application of Agricultural Pesticides) uit die lug bespuit word. Verseker dat die spuitmengsel eweredig oor die teikenarea versprei word, en die verlies aan spuitmengsel tydens toediening tot n minimum beperk word. Dit is daarom belangrik om aan die volgende vereistes te voldoen: Volume: n Spuitmengsel volume van minstens 90 liter per ha word aanbeveel. Hierdie produk is nie teen n verlaagde volume getoets nie. Die registrasiehouer kan nie effektiteit waarborg, of verantwoordelik gehou word vir enige nadelige effekte indien hierdie produk teen n laer volume as hierbo aanbeveel, toegedien word nie. Druppel bedekking: 30 tot 40 druppels per cm² moet op die teikenarea herwin word. Druppelgrootte: n Druppelspektrum met n VMD van 300 tot 350 mikrons word aanbeveel. Beperk die produksie van druppels kleiner as 150 mikrons (hoë drywing en verdampingspotensiaal) tot n minimum. Vlieghoogte: Handhaaf die hoogte van die spuitbalk bo die teiken op 3 tot 4 meter. Moet nie spuit wanneer die vliegtuig duik, uitklim of draai nie. DICARZOL Afrikaanse GA Page 3 of 6

4 Gebruik geskikte atomiseringsapparaat wat die vereiste druppelgrootte en bedekking sal produseer, maar die minste verlies van produk sal verseker. Die spuitstelsel moet n druppelspektrum met die kleinste moontlike spektrumwydte produseer. Plaas al die atomiseerders in die binnste 60 tot 75 % van die vlerkspan om te verhoed dat druppels binne-in die vlerkpuntvorteks beweeg. Die gebruik van n geregistreerde drywingsbeheer middel en / of n lae drywing lugbespuiting spuitneus (bv. straight stream nozzle ) word aanbeveel. Die verskil in temperatuur tussen die nat- en droëboltermometer van n swaaihigrometer, moet nie 8 C oorskry nie. Stop bespuiting indien die windspoed 15 km/h oorskry. Stop bespuiting tydens turbulente, onstabiele en droë toestande gedurende die hitte van die dag. Bespuiting onder temperatuur inversie toestande (deur bo of binne die inversie laag te spuit) en/of hoë lugvog toestande (relatiewe humiditeit 80% en meer) mag tot die volgende probleme aanleiding gee: a) verlaagde effektiwiteit aangesien die druppels as n wolk in die lug bly hang en moontlik verdamp (onvoldoende bedekking op teiken). b) skade aan nie-teiken gewasse of sensitiewe areas as gevolg van wegdrywing van die spuitwolk na nie-teiken area. Verseker dat die Lugbespuitingsoperateur presies weet watter lande bespuit moet word. Dit is noodsaaklik om n versekering van die Lugbespuitingsoperateur te verkry dat aan al die bogenoemde vereistes voldoen sal word en dat data van belang in n logboek saamgevat is vir toekomstige verwysing. GEBRUIKSAANWYSINGS: GEBRUIK SLEGS SOOS AANGEDUI VERENIGBAARHEID: DICARZOL is verenigbaar met meeste insek- en swamdoders maar moenie met alkaliese middels vermeng word nie. Raadpleeg die Verspreider in geval van enige onsekerheid. TOEDIENINGSWATER: Water met n uitermatige hoë ph kan die effektiwiteit van DICARZOL nadelig beïnvloed. Wanneer die water n ph van 7,0 oorskry, moet dit met n geskikte versurings- of buffermiddel reggestel word na ph 5,0.. EFFEK VAN REËN: Die tydsduur van beheer kan nadelig beïnvloed word deur swaar reën na toediening. TYD VAN TOEDIENING: Vir die beste resultate dien vroeg soggens toe wanneer blaaspootjies meer aan die buitekant van die bome gevind word. TOEDIENINGSTABEL: APPELS 35 g g Dien toe tydens vroeë blom indien blaaspootjie Blaaspootjie onderdrukking* suiker / 100 l water voorkom en herhaal tydens 75 % blomblaarval. (Nie minder as 500 g/ha produk). Indien blaaspootjie nog na blom teenwoordig is, dien n derde bespuiting 14 dae na blomblaarval toe. Verwys na NOTAS. *onderdrukking van 65 % - 85 % NEKTARIENS (KAALPERSKES) Blaaspootjie onderdrukking* 35 g g suiker / 100 l water Dien die eerste toediening toe tydens % blom, gevolg deur n tweede toediening tydens % blomblaarval. (Nie minder as 500 g/ha produk). Verwys na NOTAS. *onderdrukking van 65 % - 85 % DICARZOL Afrikaanse GA Page 4 of 6

5 NOTAS: Vroeë toediening is uiters belangrik om te verhoed dat blaaspootjie die bloeisels binnedring. Moenie DICARZOL tussen 20 % blom en 75 % blomblaarval toedien nie. Die bogenoemde aanbevelings sal slegs blaaspootjie wat tydens toediening teenwoordig is onderdruk en slegs vroeëseisoen blaaspootjieskade verminder. SITRUS Blaaspootjie (Scirtothrips aurantii) Lokaas toediening: 25 g g wit suiker / 100 l water Dien toe as n lokaas toediening teen 5-15 l spuitmengsel per boom (afhangende van boomgrootte) sodra eerste tekens van blaaspootjie opgemerk word. Herhaal wanneer verkenning aandui dat herinfestasie voorkom. Moenie DICARZOL later as einde Januarie Lugtoediening: 650 g + 5 kg wit suiker in n minimum van 90 l water / ha toedien nie. In noodsituasies waar tydige beheer krities is. Verwys na NOTAS. NOTAS: AANVANG VAN DIE BLAASPOOTJIE-BEHEERPROGRAM: Blaaspootjie-populasies kan reeds op die groeistuwing voor blom begin toeneem en hoë aanvanklike populasies gee aanleiding tot uitgerekte beheerprogramme in die na-blom periode. Deur korrekte verkenning of deur gebruik te maak van monitor valle, kan sulke populasietoenames vasgestel word en kan die beheerprogram n aanvang neem gedurende die vóór blomstadium. BEHEER VAN BLAASPOOTJIE GEDURENDE N UITGEREKTE BLOMPERIODE: As gevolg van weersomstandighede kan die blomperiode van sitrus in sekere gebiede heelwat verleng word. Onder sulke omstandighede kan heelwat vrugskade voorkom op veral vrugte wat vroeg set. In sulke gevalle word n vroeë lokaas behandeling aanbeveel, wat later opgevolg word deur lokaas behandelings, indien n herinfestasie sou plaasvind. BEHEER VAN BLAASPOOTJIE GEDURENDE DIE NA-BLOMPERIODE: Blaaspootjiebeheer vir 8-10 weke na 100 % blomblaarval word beskou as krities vir die voorkoming van vrugskade. Onder gematigde druk situasies maak gebruik van n lokaas toediening tydens 100 % blomblaarval wat opgevolg moet word sodra n herinfestasie voorkom. n Aanvaarbare rooidopluisbeheerprogram moet gevolg word waar DICARZOL gebruik word vir blaaspootjie- beheer. Verkieslik moenie meer as drie DICARZOL toedienings per seisoen toegedien word nie, veral in boorde onder biologiese beheer. Spuitintervalle moet bepaal word deur korrekte verkenning om vas te stel wanneer n herinfestasie van blaaspootjie voorkom. Indien verdere blaaspootjiebeheer benodig word na n aanvanklike DICARZOL program moet verkieslik nie van n karbamaat-bevattende middel gebruik gemaak word nie. TAFELDRUIWE Westerse blomblaaspootjie (Frankliniella occidentalis) Onderdrukking* 35 g g suiker / 100 l water Dien toe sodra blaaspootjie opgemerk word. (Dit kan gedoen word deur die jong trosse te skud) en herhaal indien nodig. Indien groot hoeveelhede blaaspootjies vroeg in die seisoen teenwoordig is, kan die eerste bespuiting reeds vóór blom toegedien word. Verwys na NOTAS. *onderdrukking van 65 % - 85 % DICARZOL Afrikaanse GA Page 5 of 6

6 NOTAS: Moenie DICARZOL toedien indien bye aktief is in die boorde nie. Moenie DICARZOL meer as drie keer per seisoen op dieselfde druiwe toedien nie. Moenie later as 14 dae na volblom toedien nie. DICARZOL Afrikaanse GA Page 6 of 6