MBA BOLAND Concordiastr/St. 23 Suider Paarl Posbus/PO Box 1402, Suider-Paarl 7624 Tel. (021) 863 3330 Faks/Fax (021) 863 3331/086 6178 797 E-Pos/E-Mail safety @mbaboland.org.za www.mbaboland.org.za Gestig / Established 1948 Direkteur / Director : Daniël Uys 1 Julie 2014 MBA BOLAND NUUSBRIEF: JULIE 2014 Gesien in die lig dat die Konstruksie Regulasies (hierna verwys as CR) in werking getree het vanaf vanaf 7 Februarue 2014 is daar n hele klomp aspekte wat hier deur geraak word. Neem kennis van die volgende Regulasies en aspekte wat in sommige gevalle verander het: 1. CR 3 & 5 is nie van toepassing waar konstruksiewerk uitgevoer word in die oprigting van n enkelvlak huis nie. 2. CR 3 & 5(7)(b) sal slegs in werking tree vanaf 7 Augustus 2015 aangesien DoL besig is om kapasiteit in terme van mannekrag, opleiding en die korrekte interpretasie van die nuwe CR te skep. In kort behels dit die uitreik van permitte vir konstruksiewerk ingevolge CR 3(1)(2)(3)(4)(5)(6)(7)(8) waar konstruksiewerk; langer as 180 dae gaan duur, langer as 1800 mandae gaan duur, die waarde van die kontrak R13 miljoen gaan oorskrei of graderingsvlak 6 van die Construction Industry Development Board gaan oorskrei. Daar sal vereis word dat konstruksiewerk eers in aanvang kan neem na uitreiking van sodanige permit met n unieke nommer wat aan die spesifieke perseel gekoppel is en dat sodanige permit te alle tye beskikbaar sal wees op die perseel. 3. CR 4(1)(2) bepaal dat Kennisgewing van Konstruksiewerk ten minste 7 dae voor aanvang deurgegee sal word aan DoL waar die volgende aktiwiteite gaan plaasvind; uitgrawings, werk-op-hoogte, verbouiings en verbrekings, waar daar met plofstowwe gewerk gaan word of die bou van n enkelvlak woonhuis. 4. CR 5 handel oor die pligte en verantwoordelikhede van Kliënte Agente wat aansienlik uitgebrei is. Die Kliënte Agent moet byvoorbeeld n Basiese Risiko Assessering doen en die Gesondheid-en-Veiligheids Spesifikasie voorsien aan die Kontrakteur waarvolgens die beplande konstruksiewerk veilig moet geskied. Hierdie Kliënte Agent moet ook geregistreer wees by die SACPCMP en aangestel wees deur die Kliënt.
Ek vermoed hier gaan in die afsienbare tyd baie dispute ontstaan aangesien Kliënte Agente wat nie bevoeg verklaar is in terme van die SACPCMP nie, nie oor die bevoegdheid beskik om persele te stop nie. 5. CR 6 handel oor die pligte en verantwoordelikhede van die Ontwerper van die struktuur en is baie meer omvattend as die vorige regulasie wat handel oor die Ontwerper van die struktuur. Baie klem word gelê op die ontwerp met Veiligheid in gedagte met die oog op instandhouding van sodanige strukture in die toekoms na voltooing. 6. CR 7 handel oor die pligte en verantwoordelikhede van Kontrakteurs en vereis verder meer dat alle werknemers oor n geldige mediese sertifikaat moet beskik wat deur n Beroeps Gesondheids Praktisyn voltooi moet word. Hierdie aspek spesifiek gaan baie streng deur Kliënte Agente en DoL gemonitor word en gaan nog tot baie konflik lei in die bedryf as dit nie deur die Kontrakteurs nagekom gaan word nie. 7. CR 8 handel oor die aanstellings wat deur die Kontrakteur gedoen moet word. Hier word veral baie meer klem gelê op die verskillende vlakke van beheer deur Kontrakteurs sowel as Sub-Kontrakteurs. Baie klem gaan op bevoegdheid, kennis, vaardighede en ondervinding geplaas word. Verder meer gaan die beginsel van een (1) Konstruksie Bestuurder per perseel baie streng gemonitor word. Die dae is nou getel waar Projekbestuurders verskeie persele hanteer. Daar moet behoorlike toesig vir elke perseel wees. 8. CR 9 handel oor die Risiko Assesserings wat in plek moet wees op perseel en op lêer wees. Hierdie Risiko Assesserings moet spesifiek wees met betrekking tot die aktiwiteite op die perseel. 9. CR 10 handel oor die Valbeskermingsplan. Geweldig baie klem word daarop gelê dat die Kontrakteur moet toesien dat alle moontlike beskermings maatreëls in plek moet wees ten einde te voorkom dat werknemers sover moontlik nie van hoogtes sal val nie. 10. CR 11 handel oor die Strukture en die Veiligheid van strukture. 11. CR 12 handel oor Tydelike Werke (Voorheen bekend as Vormwerk en Ondersteuningswerk) en spreek al die aspekte aan rakende hierdie regulasie. 12. CR 13 handel oor Uitgrawings en al die aspekte wat hierdie regulasie beïnvloed. Die monitoring van uitgrawings sal baie streng gemonitor word in die toekoms. 13. CR 14 handel oor Verbouings en Verbrekings en die aspekte wat gemonitor moet word ten einde hierdie aktiwiteite veilig uit te voer. 14. CR 15 handel oor tonnels wat baie kortliks hanteer word in die CR. 15. CR 16 handel oor Steierwerk wat in wese dieselfde is as die vorige regulasies.
16. CR 17 handel oor hangende / swewende platvorms wat baie deeglik beskryf word rakende die veilige hantering en instandhouding daarvan ten einde die veiligheid van werknemers te verseker op perseel. 17. CR 18 handel oor Toegang deur middel van Toue en die veilige werksprosedure ten einde te verseker dat dit veilig geskied op perseel. 18. CR 19 handel oor Materiaal Hystoerusting en die veilige hantering en instandhouding daarvan ten einde die veiligheid van werknemers te verseker op perseel. 19. CR 20 handel oor die Meng van beton en sement op die perseel deur middel van masjienerie en die veilige hantering en instandhouding van die toerusting op perseel. 20. CR 21 handel oor Plofbare kraggereedskap (Nou bekend as Explosive actuated fastening devices) en die korrekte gebruik en instandhouding daarvan op perseel. 21. CR 22 handel oor Oorhoofse Hyskraan en die veilige gebruik en instandhouding daarvan op perseel. 22. CR 23 handel oor die Konstruksievoertuie en toerusting en die veilige gebruik asook instandhouding daarvan. 23. CR 24 handel oor die veilige gebruik en instandhouding van Elektriese Installasies en Masjiene op perseel. 24. CR 25 handel oor die Veilige en Tydelike Stoor van vlambare vloeistowwe op perseel. 25. CR 26 handel oor die Veilige werkswyse van werknemers in die omgewing van water om hul te verhoed om in die water te val tydens die uitvoering van hul pligte. 26. CR 27 handel oor Huishouding en Algemene Veiligheidspraktyke op perseel om onnodige val, struikel en gly gevare te voorkom. 27. CR 28 handel oor veilige Stapeling en Stoor van material op perseel. 28. CR 29 handel oor die Brandvoorkomingsmaatreëls op perseel ten brande te voorkom en effektief te beheer in geval van brand. 29. CR 30 handel oor die die Fasiliteite wat werknemers gebruik en die higiëniese instandhouding daarvan. 30. CR 31 handel oor die Konstruksie Gesondheid en Veiligheid Tegniese Komitee en hul werkswyse en die betrokke partye. MBSA is ondere ook daarby betrokke asook verskeie ander rolspelers. 31. CR 32 handel oor die Goedgekeurde Inspeksie Bevoegdheid wat deur DoL goedgekeur word ten einde bepaalde funksies ingevolge die OHS Act en die gepaardgaande Regulasies te monitor en uit te voer. 32. CR 33 handel oor die Oortredings en Boetes / Strawwe wat opgelê kan word in geval die OHS Act en die gepaardgaande Regulasies oortree word. Oortreders kan tot 90 dae gevangenisstraf opgelê word.
Dit was n hele mondvol en ek wil u net kortliks langs hierdie weg inlig rakende die veranderings in terme van die Konstruksie Regulasies. U is welkom om MBA Boland te kontak indien daar enige onduidelikheid is in die praktiese toepassing daarvan is in die praktyk. Aangeheg is die Opleidingskedule vir u aandag vir die res van 2014. Ek wil u aandag daarop vestig dat ons beoog om in die tweede helfte van 2014 twee baie interessante Werkswinkels aan te bied te wete; Diep Uitgrawings Werkswinkel ( 19 Augustus 2014 te MBA Boland) en Risiko Assesserings Werkswinkel (18 September 2014 te MBA Boland). Moenie hierdie uiters interessante Werkswinkels mis nie. Dit gaan baie lig werp op die nuwe Konstruksie Regulasies en die praktiese toepassing daarvan in die praktyk. MBA BOLAND OPLEIDINGSKEDULE VIR 2014 Opleidingkursusse Datums van beplande kursusse / seminare Basiese Brandbestryding 13 Junie 2014 15 Augustus 2014 17 Oktober 2014 Gesondheid en Veiligheids Verteenwoordigers 17 18 Junie 2014 11 12 Augustus 2014 20 21 Oktober 2014 Noodhulp Vlak 1 5 6 Augustus 2014 4 5 November 2014 Diep Uitgrawings Kursus 19 Augustus 2014 Voorman Veiligheidskursus 29 Augustus 2014 19 September 2014 31 Oktober 2014 28 November 2014 MBA Boland GVO Forum 13 Augustus2014 8 Oktober 2014 3 Desember 2014
Ek sien uit na u positiewe reaksie en wil u graag uitnooi, skakel ons gerus indien daar enige iets is waarmee ons u mee behulpsaam kan wees. Bou met die beste Bou met MBA Boland. MBA Boland groete W.A. Liebenberg Gesondheid, Veiligheid en Omgewings Adviseur MBA Boland