Seniorenversjlaag: Terechte last minute escape veur De Sjter 1! Aiaiai, wat un weekend woar ut veur ozze teams. Om kwart op 4 op zondig woar ut ein en al miserie. De dames en veteranen zoge hun wedsjtrieje aafgelasj waere. Ut tweede elftal leed un nederlaag taege Susteren 2 (1-2), ut driede verloor van SCM 6 (4-2), en ut veerde verloor van SVM (1-0). En dan sjting os eesjte auch nog ens, volkomen onterech, mit 1-0 achter taege Eijsden. Bahbahbah wat un weekend Maar gelukkig wisten de mannen van 1, veur de poarte van de hel, esnog ut al lang neit meer verwachtte te prestere: eesj scoorde Boyd de 1-1 en in de 96 e minuut woar ut pinchhitter Steffan Laumen dae de 1-2 scoorde veur ozze mannen. En zo woort ut oeteindelijk dan toch nog un weekend mit un gouwe rendje. Doordat d r minder gevoetbald woort en de prestaties auch nog ens neit zo geweldig woare, woar de verwachting dat d r weinig input zou komme veur dit versjlaag. Niks bleek minder woar. Alle teams leverden netjes dinger aan. Zelfs de neit sjpelende teams. Dus loate veer maar ens sjnel sjtarte mit de terugkblik. En dan doon veer dees waek mit ozze dames. Die houwe dus niks te voetballe maar dat goof Siri sjus alle tied om zich ens get te verdeipe in heur ploeggenoten. Zo woar ze benuujd wo de naam van heur ploeggenote Yaël vandaan kump. En ze deig doabie un grappige ontdekking wobie de ouwere onger os motte weite dat de aafbeelding van un geit verwies noa ut engelsje woord goat, dat tevens un aafkorting is veur greatest of all time :
Euveriges, kommende vriedig geldt veur alle feestbeesten oet Sjtein: the place to be is ozze kantine op ut Hetjen, want doa organisere ozze dames hun foute versjrikkelijke vriedig party. Lekker allemoal komme! Van de dames goan veer door noa os 4 e elftal. Die houwe hunne haufjoarlijkse ontmoeting mit SVM op ut programma sjtoan. Un ploug wo ut nooit lekker taege voetballe is, al helemoal neit oet in Munstergelaen, wo de sjeidsrechter doorgoans prima geinstrueerd is dat de punten doa motte blieve. Maar goud, Ralph Doek deit veur uch ut versjlaag: In eene wedstrijd zonger scorende spitse en zonger eene keeper is dit t eindresultaat: 1-0 verloare...... ellende! De teagegoal woort gemaak door eene oud klasgenoot (van de ljeage sjool) van Wil Leurs, de kleinkénjer van dea man zoate gewoon in de dugout... een pisbelke dat neet ens es doelkans geteld moag waere floepde oet t niks zwoa drin... Ich hej em auch kenne pakke zag os keepertje... De volgende kjear auch gewoon effe doon dan!!! Veur de res hejje ver eigelijk gewoon alles onger controle... SVM woar gaar neet gevjearlik. Maar ze parkeerde de bös en vanaaf de 75e minuut hejje ze natuurlijk weer de 12e man d r bie, zwoa wie ummer doa in dat ellendige loak!! Bie os ontbroak net dat bietje extra om de 3 punte mit noa Stein te pakke... en ich zék dich, DIE 3 PUNTE HEJJE MIT NOA STEIN GEMOTTE! Deze drie vedetten koame nog drin mér auch die kreege t belke neet in t netje! Volgende waek toes teage Genhout weer een nuuj kans! Nog 3 puntjes toevoege aan os totaal veur de kerst zou lekker zeen! Forza t 4e!! Laterrrr, DEE out
Van ut veerde goan veer door noa de mannen van 3. Die houwe get personele problemen maar krege gelukkig hulp van de mannen van de JO17 (B1) die onlangs nog kampioen woare gewoare. Roy Visschers deit versjlaag: Doa zeen vur weer, weer un weekske wier in de competitie en vur goan uch weer mitnumme in de spannende wereld van de Ster 3. Als razende reporter hub ich mien bist gedoan foto s te vingen/sjeete, maar helaas. Dr is neet getraind gewoore en op zondig sting ich mit de vlag in de heng, tot groot ongenoegen van Johnny van de spin dea mich de slechtste man van t veld vong, bedankt eh! De roddel- en trainingsrubriek kin vur zo gezag euversloan. Dus vur goan snel door noa t verslaag. Om maar geliek mit de deur in hoes te vallen hadden vur qua aantallen neet vull te lachen dees weak. Bie deze wil ich dan aug oprecht de B1 en dan mit name: Stan Wessels, Gino Hendriks, Mylan Luyten en Geoffrey bedanken veur de hulp. En veur de gooie pot dea ze op de graasmat van SCM hubbe gelag. Op deze regenachtige daag mooste vur oet noa SCM, noadat SCM 4 teams op hetzelfde tiedstip op t hoofdveld hadden gepland, weeke ver dan toch mer oet noa t tweede veld. De sjeids, unne echte sjeng had de peskes al gecontroleerd en noa un gooi werming up onder leiding van Captain Daddy Thijs koosjte vur goan starten, de sjeids woar zien muntje vergeten, dus hea gunde os de keuze. De opstelling (L>R) : Mylano als nummerke 1 in de kist. Verdediging: XXL Martijn, Jason de Light, Andy Wijnen, Large Middenveld Stan, Captain Daddy,, Geoffrey Spitsen Serge (de vader) en Snooki Bank: Bobbie Shoutrop en de zeag Vlagger: Fajn menke Roy De wedstrijd begoosj en vanoet ozze kant begooste vur get zenuwachtig. Vur werden onder druk gezat en mit un aantal boetenspelers die regelmatig op de brommer mit 70CC stapten woar t aanpoten veur de gelegenheidsbacks Martijn en Large. Op un paar kansen noa had Jason, dea ich veurtaan goan aandoon als Jason de Light, alles good onder controle. Jason zat alles neer, coachte good en reigelde zelfs vrieje trappen en oettrappen! T veld woar good naat en dit woar doamit un open oetneudiging tot super slidings, want de sjoods al gauw 5 meter door, dit werd dan aug veelvuldig gedoan, wodoor t eigenlijk un combinatie van voetballen en horde laupe werd. Geoffrey stoof regelmatig langs de rechterlien op. De linksback van hun werd dan aug compleet gek van m dit leidde tot vull (lichte) euvertredingen. Noadat Geoffrey de gooie jong al 24x gepoort had, en in ein actie hum eroet had gerend, noa de mc donalds woar geweas, de veters hou gestrikt en de achterlien had gehoald, vonge ze t bie SCM waal good. Er keem permanent rugdekking bie, woadoor Geoffrey noe vaak 2 man tegenkeem. Noa un foute bal van SCM achterin, koosj Snooki ondersjuppe, hea rende zo hell dr koosj (Geoffrey had m bienoa biegehoald mit 40 meter afstand) op de keeper aaf, deze omspeelde dr sjwan en hea prikte de bal netjes tegen die
touwen! 0-1! Zichtbare ontlading bie dhr. Janssen jr. maar aug aug bie Frans dea zo wie ummer weer van de partie woar! Frans grote klasse! De sjeidsrechter woar vaak aan t ouwhoore, leet vull doorspelen maar woar miste vaak acties omdat dr nog mit unne speler aan t kalle woar. Wie langer de wedstrijd doerde wie lager t niveau van de sjeids werd. Wat unne duudelijke penalty veur os woar zoag dr euver de kop. En zo wie se dat dan altied zous zeen kreege vur neet vull later de 1-1 tegen.. De middenvelder van SCM kreeg get te vull tied op randje 16 en koosj oethoale, t sjot woar neet hell maar waal in de hook, Mylano deeg wat dr koosj maar koos de treffer neet veurkomen. Kut.. 1-1. Neet vull later volgde oet un vergeliekbare situatie de 2-1 wodoor vur toch mit un zoer geveul de kleedkamer ingingen. Wederom werd er tevull ruimte weggegeven wodoor SCM tevull tied kreeg en de bal binnenkoosj duuje. Noa de rust gingen vur verder wo vur mit bezig woare, de ball ging van tied tot tied good rond en vur kreege aug kansen! Dan aug neet vull later volgde de beloning, de 2-2 Thijs prikte de bal good in noa unne veurzit van de ziekant. Neet vull later woare vur achterin neet sjerp genog en koos SCM wederom van rand 16 aanliggen en sjoote ze de bal binnen. Wodoor t 3-2 werd. De kupkes begooste te hangen en neet vull later volgde de 4-2 op t naate veld van SCM. Tot ergernis bleek de tweede hilft de sjeids vull euvertredingen te missen wodoor vur wederom 2 duudelijk penalties neet kregen. De conclusie van Frans Janssen en Johnny van de Spin woar dan aug hie koosj ze gewoon neet winnen. Pas noa de wedstrijd bleek woarom de sjeids minder en minder floot, hea mog godmiljaar mit BBQ en mit de ploog ;-) (knipaug ma gein grap, ze gingen echt bbq en). Klasse versjlaag waer, Roy! Joamer van ut resultaat, maar es zelfs Johnny en Frans aangaeve dat ut aan de sjeids loog, dan zal dat zeker zo zeen gewaes. Ach ja, kommende waek nog eine keer knallen en dan lekker op noa de wenjtersjtop! Van ut driede sjakele veer door noa os tweede elftal. Dat houw unne thoeswedsjtried op ut programma sjtoan taege Susteren 2. Un kans om oet de kelder van de 1 e klasse te kroepe. Noa twee opeinvolgende prima prestaties taege topplouge, moosj d r dees waek waer ens unne driepunter gescoord kenne waere. Coach Jean Janssen noom gein enkel risico: alles moosj wieke veur un optimaal resultaat. Twee keer lekker traine, en op zondig zurge veur un prachtig biljartlaken op os eige Hetjen. Oftewel: al die blajer moosjte van ut veldj aaf. En dus woort aan Patrick Nordhausen gevroag om de Vixia in te sjakele. Die sjtuurden hunne beste man. De luuj die geregeld unne wedsjtried van os tweede kieke, zulle m geliek herkenne:
Dae van de Vixia woar zo kapot van ut wirke op t Hetjen dat hae ut sjrieve van ut versjlaag veur un waekske delegeerde aan mede-clubman Kenny Lemmens: Dit weekend sting Sportclub Susteren op ut programma van de Ster 2. Op papier de letste joare een zeer sterke ploog woa ut tweede altied heel veul meute mit heat. Noa de vriedig training zeen nog get jongens de beest goan oethange in Mestreech. En zo wie Rene zeat, heij der bienoa gepopt doa. Alle teikene dus dat eederein Sjerp zou zeen op zondigmurge. De opstelling woar es volgt: Kis: Bastiaan Achter: Quinn, Stan, Yordi, Kenny Midde: Frank, Bart, Joep Veur: Brian, Erik, Steve Bank: Rene, Stefan, Luca, Cyril, Hassan Vanaaf ut begin begoos de Ster al neet good aan de wedstrijd. Ballen woare lank gespeeld woa juist woar aafgesproake om opbouwend te spelen. Ballen kwoame neet aan en de aannames woare neet good. Eederein sting doa biej te ver van ziene man aaf en Susteren kreeg zodoende heel veul ruimte om te voetballen. Noa ein minuut of 30 te spelen woar ut Susteren wat door een fout van achterin de 0-1 koos aanteikene. De letste 15 minuten van de eerste helft veranderde er weinig van spel beeld en ver gingen dan ouch rusten mit de 0-1 stand op ut scorebord.
In de rust woar de trainer natuurlijk neet te spreake euver os spel en dat kreege ver ouch te heure. Al in de eerste helft woar der eine wissel toegepast en kwoam cyril in ut veld. In de rust kwoame ouch nog eens Hassan en Luca in de ploog veur Brian en Steve. De tweede helft begooste veer al get sterker en mit meer vechtlust aan de wedstrijd. Luca kwoam der ein paar keer gevaarlijk door aan de rechterkant en ut leek ouch dat dea jong eine penanty verdeende wie der gehoakt woard in de 16 meater. De Sjeids zoag hiej echter niks in. Effe truuk kommend op de sjeids. Veer moage bliej zeen dat veer elke weak eine KNVB sjeids hubbe wat in ozze competitie deit fluiten, mer af en toe vroag ich mich aaf net zo wie deze zonjig of der neet ouch sjeidrechters tusje loupe die ze opnuuj onger eine tombe oet gehoald hubbe. Door zo n luuj kenne wedstrijden flink oet de hand loupe, gelukkig woare zowel Susteren als de Ster volwassen genog om dit zelf te voorkomen. Deze beste man woar allang de pensioenleeftijd veurbiej en mot gewoon op zonjig lekker mit de vrouw de geraniums knippen of de veugelkes telle in de tuin. Zwoa. Ouch Hassan kwoam der op links eine keer gevaarlijk door en word neergelag benne de 16 meater. Ouch deze actie leverde geine penanty op. Noa ein minuut of 65 woar ut Susteren wat via eine snelle counter op ozze goal aafkwoam. Ein sjot van de ziekant wat door ozze eigen verdediging van richting verandere belande achter bastiaan dea kansloos woar op dat moment. 0-2 terwiel de Ster aan ut duuje woar. Lang koos susteren echter neet van de 0-2 genieten. Via ein actie opgezat aan de rechterkant woar ut Rene wat pas woar ingevalle veur Quinn, dea vriej veur de keeper kwoam en de 1-2 leet aanteikene. Helaas bleef ut ouch bie 1-2 en verloor de Ster 2 deze naate zonjig in eigen hoes. Wea kiekt noa de rangliest zuut dat ut Tweede de letste plaats deilt mit Laar en Hoensbroek, alle drie mer 7 punten. Veer hubbe nog eine wedstrijd volgende weak teage DVO in Zitterd om 3 punten te pakken en mit ein bietje geluk Laar en Hoensbroek onger os te loate veur de winterstop. Ver zulle volgende weak en zeer zeker noa de winterstop alle zeilen motte goan biej zette om de onderste regionen te goan verloate. Is der dan helemoal gein pluspunt deze zonjig? Joawaal.. Ans heij weer lekker veur ozze jongens gekookt en veer hubbe dan ouch heerlijk genoten van een sportieve zoervleisj maaltijd in de kantine mit get lekkere beerkes van Jo. Volgende weak dus weer eine belangrieke pot veur os elftal, Alle steun is welkom en zal os allein meer meer motiveren om te bewieze dat ozze stand op de ranglijst neet klopt. Tot zondig om 11.30 oer op de velden van DVO! AAN m! En zo is ut maar net, Kenny. Volgende waek waer gaas gaeve! Euveriges hub geer de letste waeke in de versjlage kenne laeze dat versjillende teams hubbe genoate van maaltieje noa de wedsjtried. En dat moag auch waal effe get meer aandacht kriege. Hulde veur Ans, die dat jeder weekend waer tot in de puntjes regelt. Op zoaterdig begint ze dan al mit de veurbereidinge. Dit tot grote ergernis van de jeugdsjpelers die op zoaterdig op t Hetjen motte sjpele trouwes. Die hubbe namelijk de tweede helf gaar geine zin meer om te voetballe omdat ze allemoal allein nog meer kenne denke aan de geur van dat zoervleisj dat in de rust is doorgedronge in alle kleidlokale.
Ans, grote klasse dasse dat veur alle teams deis. Kommend weekend zeen de veteranen aan de beurt. Die sjpele dan hunne joarlijkse aafsjleiter taege de vrunj oet Berg. Ut water lup de vets van Berg en De Sjter al waeke in de mondj bie de gedachte aan de maaltied noa dae wedsjtried. Veer goan os loate verrasje, Ans. Veer hubbe in jeder geval al begrepe dat veer, tot dien opluchting, ut eesjte team zeen dat neit om zoervleisj haet gevroag. En es veer ut dan toch euver de veteranen hubbe die krege op vriedig sjlech nuujts van wedsjtried-regelaer Willem T. Rudy en Ron woare teleurgesjteld. Fortuna-fan Marc begreep ut berich van Willem waal: Veurzitter Gerard M. woar neit gedeint van al dat commentaar op ziene grote achternaef, en leet dat dudelijk blieke. De reactie van Piele woar hilarisch:
Auch de sjriever van dit sjtuk woar teleurgesjteld door ut aaflasje van de wedsjtried. Dat beteikende namelijk dat veer neit koosjte geneite van ut resultaat van captain Mat s aafsjproak bie de barbier: Maar Mat zou Mat neit zeen es hae toch neit effe de kantine aandeig om ut resultaat te showen. Gelukkig woar Paul Janssen op dat moment in de kantine aanwezig om un foto te deile mit de res:
Helaas dus niks te voetballe veur de vets. Maar kommende waek vas en zeker unne hele houp meer, want de wedsjtried, en met name de noazit mit de men van Berg zeen un garantie veur sjpas. Dus es d r luuj zeen die zich zoaterdigoavend vervaele kom lekker noa ut Hetjen. Goud voetbal (ahum), lekker aete, en unne geweldige oavend! Oh joa en es d r nog luuj zin hubbe om te kwajonge (troeve): kommende vriedig is Cafe Jacobs the place to be veur ut joarlijkse, door de vets georganiseerde, kwajongen-toernooi. Jederein is welkom. Zo, genog sluikreclame veur de veteranen. Tied om waer ens euver échte voetballers te kalle. De mannen van 1 houwe unne oetwedsjtried taege Eijsden op ut programma sjtoan. Doorgoans neit de prettigste wedsjtried op ut programma veur ozze manne. Randy Wanten berich wie ut aafgeloupe weekend is gegange: Op zondig mosj de ster eine oetwedstrijd sjpeele teage Eijsden. De oetwedstrijd noa Eijsden in eder joar standaard ein van de meist irritante wedstrijden; kl*te publiek, agressieve sjpeelers, knolleveld, sjeale grensrechter... en het lik gewoon kort bie mestreech. Deze zondig woar dit neet veul anders. De stjer begosj mit de vertrouwde opsjtilling van de litste weake: Ruud in de kis. Achterin Sjoerd, Timo, Davy en Randy. Op t middeveld Mike, Jeroen en Bob. veurin stinge Giel, Boyd (a.k.a. Kujavalic), en Guillermo.
Veurdat de aaftrap woar kwoam Davy mit eine grote smile noa Randy toelaupe. Wie Randy vroog wat d r woar zei Davy vol trots: ich hub eindelijk de tos gewonne man!! (Refererend aan eine kritische noot in ein eerder versjlaag). De wedstrijd begosj en de ster kreeg binne 1 minuut al ein dot van ein kans. De centrale verdediger van Eijsden speelde de bal op de 16-meater rech in de veut van Guillermo. De leep allein op de keeper aaf en sjoot keihel op de boetekant van de paol! Inmiddels woar het keihel beginne te reagene en woort het veld nog moeilijker te besjpeele, getuige de veule spelers aan beide kanten die oetgleeje. Het spelbeeld bleef hetzelfde; de ster maakte het sjpel en probeerde zich door de superverdedigende ploog oet Eijsden te sjpeele. Noa 20 minuute woar het echter Eijsden dat als eerste scoorde oet eine counter. De snelle aanvaller van Eijsden sjoot de bal onhoudbaar veur Ruud in de goal. De ster woar slordig in balbezit en dit resulteerde effe later wederom in eine counter van Eijsden. Gelukkig wist Ruud mit ein geweldige redding de aanval te stoppe en de ster te behoeden veur eine verdere achterstandj. De ster wist in de eerste helf verder neet te imponeren en ging rusten mit eine 1-0 achterstand. In de kleinlokaal hei trainer Maas de boel good wakker gesjut. Ederein wist dat het 2e hilf ech beater mosj! De tweede hilf begosj de sjter dan auch gretig aan de wedstrijd. Doabie woort de ster in de kaart gespeeld doordat eine speler van Eijsden ronde 60e minuut ein rooje kaart kreeg (2x geal, maar waal dik verdeend veur dea etter). De ster kreeg ein aantal kleine meuglijkheden, maar wist neet te scoore. Doarom woort in de 2e hilf Dani ingebrach en Randy doorgesjoaven noa de veurhoede en kwoam effe later auch nog Steffan en Stan in het veld als extra stormram in de spits. In de 86e minuut wist de ster dan eindelijke te scoore via ein bekeeke sjot van Boyd Stoffels: 1-1! Dit goof de ster vleugels en ederein veulde dat d r missjien nog waal meer in zoat vandaag. De ster bleef Eijsden achteroet drukke en dat resulteerde amper 2 minuten later in eine kopbal op de poal van Bob Dukers noa eine veurzet van Randy. In de rebound wist helaas nemes de bal in het net te prikke. In de blessuretied stormde Dani aan de rechterkant op en kapte noa binne toe. Hea goof vervolgens eine veurzet dea perfect op de kop van Steffan veel. Dea kopte onberispelijk de bal achter de keeper; 1-2!!! Het hele veld woort gek en alle wisselspelers sjturmde het veld in. Ein paar minuute later floot de sjeids aaf. De ster wunt mit 1-2 bie Eijsden. Absoluut neet de mooiste of biste wedstrijd, maar waal dik verdeend aangezeen d r maar 1 ploog wilde voetballen vandaag. Matchwinner noa Eijsden - De Ster:
Daezelfde Steffan zoot noa de wedsjtried nog ummer noa te geneite. Zittend op un kruk naeve Boyd Stoffels. Willem Thewissen teikende ut korte gesjprek op en meldde dat aan de sjriever van dit sjtuk. Al zei hae d r bie: de houws ut eigelijk live motte heure. Want de gezichsoetdrukking en intonatie woare geweldig. Steffan: Hey Boyd, wieveul goale hubse dit sezoen gemaak? Boyd: Uhh.. 8 of 9 geluig ich. Steffan (mit big smile): Ich eíne! En mit die heerlijke euverwinning in the dying seconds van de mannen van 1 zeen veer alwaer aan ut eind gekomme van ut versjlaag van dees waek. De aafsjleiter geit dit keer euver ut massage-hok van ozze Wesly. Dat woort namelijk, noa de eerder gemaakte nuuje vloer, alwaer get wiejer opgepimpt. Fysiopraktijk John Snijders bezurgde Wesly namelijk un nuuj massage-toafel. Woveur veul dank, John! Grote klasse!
En handelsman-pur sang Raymond Dukers meldde doa op op facebook dat de ouw massagetoafel van Wesly te koup woort aangeboaje. En tot zien eige verbazing meldde zich al binne un paar daag een geïnteresseerd echtpaar. Wesly deit versjlaag: Allemoal leuk en aardig wie Wesly dit brach. Maar ozze verzurger zelf wurt auch geregeld op ut Hetjen gesignaleerd mit unne big smile op zien gezich, es hae ein van de damessjpeelsters haet motte verzurge. En dus zouwe de luuj die Wesly get langer kenne es vandaag, allemoal dezelfde reactie op boavesjtoand verhoal gegaeve hubbe. Maar wees gerust, ich hub de honneurs veur uch woargenomme:
Pes volgende waek! Rob Sjulpe