Panninge-A veties Belvend veties 1 7

Transcriptie

1 20 oktoeber Panninge-A veties Belvend veties 1 7 Wat waas het weer eine puzzel, 28 man op de liës, en toch met meujte 13 man op de mat. Auch dees waek haed Thijs Zeele oet Kessel meij gehaolpe, 24 graade op de teller, en det midde oektober! We ginge met gooje zin en twieë auto s nao Pannige, eine taegestander wao we altied eine leuke pot taege kenne voetballe maar waal dôkker klop van kriege. Het veld loog d r good beej, eine echte scheids in het zwart en eine prachtige bal, eine bal wao laeve in zoot, dat zal later auch blieke. Opstelling: Mattie ( jao geej laes het good, in de kis ) Joop Sjors Ron Dennis Stephan Jamal Stefan Roger Joey Robje Bank: Brad en Morinho ( Twan ) Naeve de liën, ozze grens Ruud Opdracht was um 3 punten meij te nimme, aaf te dwinge in de iërste helf. Aaftrap um oor plaatselijke tied door de gael-zwarte. Vanaaf de iërste minuut woord geliëk de helf van de taegestander op gezoch. In de 4e minuut waas het geliëk raak, eine gooje veurzet van Jamal op Roger en dae wis d r waal raod meij, kei hel in het netje, e minuut, schot van Joey op kis maar dae bal ging aan de verkierde kant van de lat, net euver. De greun-witte van Pannige kreege op het gezich dezelfde kleur als hun shirt, wat steit ôs nog te wachte, motte die waal gedach hebbe.

2 D r woord leuk getik en in de 15 e minuut waas het weer raak, eine fijne combi van Stefan en Joey, Dennis moch het aafmaake nao eine sprint van 36 maeter, 0-2. Pannige had maar net aafgetrap en Dennis had zien twiëde kans, maar dae bal ging wie ein Russisch raket, sjeif um hoëg, naeve zien doel en den naer komme wao het neet mot, beej de buure. Neet vuul later leet de good leidende scheids eine aanval van ôs doorgaon ( de grens van Pannige dach dao angers euver, hae mende boetespel ) maar de man in het zwart had waal in de gaate det de vlag al ein paar kier wat mekkelik nao baove ging en besloot terech neet te fluite, weer een ein twië van Joey en Stefan, en Stefan ronde aaf, 0-3. De scheids haed nog euverleg met de grens van Pannige maar bleef beej zien standpunt, gen boëtespeel op moment van speule. ( nao de wedstried haed de scheids mich nog verteld det hae auch bang waas det d r eine vleeger nao onger kwaam um te lande, zoë zweide de grens in de iërste helf met zien vlag. ) D r woord leuk gespeuld en de bal ging van links nao rechts en weer nao veur, behalve nao achtere, Mattie zaet onger de rôs nog, wat ein k.t baan det kiepe, gen zak aan, steis dao maar get te kieke. ( 30 jaor geleeje zou hae zich ein bekske beer in de kis gezatte hebbe, had d r tenminste get te doon ) Ingele mot waal wet in zien kôpke gehad hebbe veur de twiëde helf, ( kump d r dadelijk waal oet ) hae pakte de bal op beej de midde liën en leep nog eine maeter of dreej enne half / veer en haolde vol oët, TOR TOR TOR über vierzig meter, 0 Zu 4. Zien besloet sting now vas, we laese dit dalik. Bart, ein van de baeter speulers van Pannige had zich det good aafgekeeke en haolde in de 28 e minuut auch oet, waal vanaaf 20 maeter ( de helf van Stefan dus ) en zat de bal onger de lat, Mattie kôs dao met gen meugelikheid beej. ( weej vonge det ein misselike streek van Bart, zeker umdet hae auch nog iers taege eine eigenspeuler aan schoot wao door de bal van richting verangerde. 1-4 Dow wets as ze de gael zwarte zo n misselike streek levers, den kens ze get trûk verwachte. Dit kier losde Robje det op, binne 3 minute nog waal. Dees gaol geit de boeke in als de LOP van ROB, 1-5. We kôste de iërste helf oetspeule zonger drink pauze en verzorgers. De scheids floot stip aaf um oor veur de rôs.

3 Stefan had het aantal gaole van humzelf al op de rôk staon. Persfoto Reuter In de rôs woorte d r get aanpassinge door gevurd, neet de minste, en toen kwaam Ingele met zien idee oët de iërste helf op de proppe, ich gaon kiepe! Mattie blie en Stefan ging geniete van ziene aaje daag. Brad en Marinho kwaame drin veur Robje ( laeg gespeuld ) en?? We hebbe twiëde helf toch neet met 12 man gespeuld hé? Twiëde wissel is op moment, als dit verslaag nao de pers geit, neet bekend.

4 Twiëde helf. Aafgespaoke waas, neet idderein waas het dao met ens, um de bal lekker ronk te tikke en de kanse te pakke. Pannige had zich auch versterkt, eine frisse nieje speuler drin en de grens ging rechtsboëte speule, rech veur de neus van ozze grens, Ruud. Ja, wat mot ich den zegge, Ruud vlag ALTIED correct, auch now, allein de vlagger van Pannige oet de iërste helf dach dao now weer angers euver. De man in het zwart haet de rechtsboete / grensrechter van Pannige geadviseerd um met sinterklaos ein bûkske met spelregels en met naame; wat is boëtespel, te vraoge. Met de man in het zwart bedoel ich neet zwarte Piet maar de scheidsrechter, meug det duudelik zien. In de 5 e minuut waas de iërste doelpoging un feit, Stephan neide de bal kei hel op de kis maar de bal ging net euver, Pannige waas weer gewaarschuwd. FF later kwaam Joop allein veur de kieper, maar aangezeen Joop eine top verdeidiger is goof hae de bal rôstig terûk aan de kieper van Pannige, weg 1-6. We hebbe het euver de 9 e minuut twiëde helf, eine prachtige veurzet van Joey op Roger ( Rogé ), hae waas net zoë good in vorm als veurig jaor beej het iërste, pakke wat ze pakke kens, drin met dae bal, 1-6.

5 De kieper van Pannige geit al nao de hook, later bliek det de verkierde hook te zien. 1-6 foto Reuter Pannige kreeg auch waal zien kanse maar de verdediging sting as eine blok, onverwoesbaar. Morinho ging nog eine kier op de kieper aaf maar woord terûk geflaote veur boëtespel. Stephan waas auch nog twië kier doën beej ein gaol. Hae slalomde door de ganse defensie van Pannige alsof hae op de piste stong, schoot taege de paol en kôpte toen de bal in de riebound net naeve. Het waas hem eigenlik ech gegund nao zo n waek en veur ziene inzet in deeze wedstried. Stefan head nog ein paar kier motte ingriepe, maar hae heel de 0. Aan de angere kank moste de kieper van Pannige nog eine kier visse. Jamal wis nog eine kier met de kop de kieper te verschalke, 1-7 Eine fijne en sportieve wedstried wao Belvend de punte pakte, al mot waal gezag waere det de gemiddelde laeftiëd van de Belfeldse manne lieger loog. Uche verslaaggaever ter plaatse.