De Sjter 1, 2 en 4 beginne winnend aan de competitie; De wraak van Jill Janssen is zeut; Veteranen verleize veur eesj in 12 joar de derde helf!

Transcriptie

1 De Sjter 1, 2 en 4 beginne winnend aan de competitie; De wraak van Jill Janssen is zeut; Veteranen verleize veur eesj in 12 joar de derde helf! Veuraaf leek ut un weekend te goan waere dat weinig punte ging oplevere. D r woar immers nogal get te feesten op zoaterdig. Ut Wild Zoo festival op t veurmalig Sjter-terrein, un feeske in Zitterd wo versjillende Sjter-leden noa toe ging en auch nog ut verjoardaagsfees van good old Barney Baba van der Heide, wo meerdere selectie-leden woare oetgeneudigd. Dat beteikende dus väöl zjwoare köpkes en klein uigskes op zondig in de warming ups. Desondanks woare de resultaten van de versjillende seniorenteams prima. Os eesjte elftal won dominant mit 3-0 van un besjamend agressief sjpelend VV Sittard, dat de wedsjtried eindigde mit sjlechs 7 sjpelers. Ut tweede begoosj auch mit winst aan de competitie via un 4-2 euverwinning op ut Mesjtreichse SCM 2, en houw in Steve Krijgsman de absolute oetblinker van dit weekend in heur gelederen. Ut driede leed un geflatteerde 7-1 nederlaag oet bie GSV 28 3, maar zoog waal 3 sjpelers bereid om doanoa oet te helpe bie ut viefde. Ut veerde won, mede dankzij unne excellerende Ralph Doek, mit 3-5 van Geulsche Boys 2. Ut viefde begoosj mit un nipte 3-4 nederlaag taege de inmiddels euverbekende sjutterie van HBC 4. De dames wisten unne achtersjtandj om te buigen in de 2 e helf en leke effe oetzicht te hubbe op de volle buit taege VV Sittard, maar moosjte oeteindelijk genoegen numme mit un 4-4 puntendeiling. De veteranen, tot sjlot, hele in hunne 2 e derby op riej (dit keer taege Catsop) dit keer waal de punten in Sjtein via un 9-3 euverwinning. Desondanks wonnen de gasten van Catsop de derde helf. En wiejer natuurlijk in dit versjlaag auch waer unne houp foto s, roddels en flauwekul. Kortom genog om euver te sjrieve, dus loate veer maar sjnel beginne. En dat doon veer dit keer neit mit un specifiek team, maar meer mit un specifieke vete tusje twee van ozze leje. Hoofdpersoon 1 is ozze womanizer numero uno. Want terwiel Geoffrey Jacobs de catwalks aaflup in gans Europa, Willem Thewissen en Bastiaan Muijtjens elkaar de tent oetvechten veur de titel The Body, en Randy Wanten euveral ruip dat hae de einige echte milfhunter is lup d r op t Hetjen auch unne jong rondj dae get sjtiller te werk geit. Ich hub ut euver ozze verzurger Wesly Wanten. De looks haet r natuurlijk mit en wat zich achter de gesjloate deure van zien massage-hok allemoal aafsjpeelt ruip al joare vroagteikes op. Zouwe die kreunende en sjteunende geluiden éch allein maar t gevolg zeen van dat sjtevige massere van Wesly? Of zouwe veer hie sjtiekem te make hubbe mit emes dae alle Sjterdames sjtillekes de kop gek maak? Hoofdpersoon 2 is un dame die veurige waek in ut versjlaag in de spotlights sjting. Ze is de blonje beauty van os damesteam, de nuujste reporter van dat team, en auch nog ens de vriendin van unne eesjte elftalsjpeler. Ich hub ut natuurlijk euver Jill Janssen. Veurige waek woort in dit versjlaag, via un door Wesly Wanten gemaakte foto, gesuggereerd dat Jill inmiddels mama woar gewoare. Jill accepteerde ut plaatsje van die foto desondanks. Zo wie unne echte kael dat auch zou doon, Gerard Martens doa euver later meer Maar Jill zjwaerde auch geliek dat ze wraak zou goan numme op Wesly:

2 Om d r zeker van te zeen dat Wesly wis, dat de wraak d r nog waal ging komme, woort hae door Jill getagd in un filmke wo op unne voetballer genadeloos doormidde woort gezaeg mit un sliding:

3 De zeute wraak zou d r al sjnel komme. Maar waal in un angere vorm dan die van un sliding. Jill wis namelijk aafgeloupe zoaterdig, via un foto, te onthulle dat Wesly eigenlijk helemoal neit zonne sjtílle leifhubber is van vrouwelijk schoon. Hae deit ut auch geweun in ut openbaar, al mosse doa waal un aug veur hubbe. En dat houw Jill gelukkig: Runj twee in deze vete is dus veur Jill. Maar Wesly leet d r neit te lang graas euver gruije om waer terugk te prikke. Al zal Jill zich op dit moment nog neit realiseren dat Wesly runj drie al noa zich toe haet getrokke:

4 Op zich noe auch waer neit zo opzienbarend natuurlijk, totdasse dich besefs dat dees foto via snapshot woort gesjtuurd. En via snapchat kense helemoal gein screenshots make. Wie Wesly dan toch aan die foto woare gekomme, lag hae zelf oet: En zo hubse auch qua snitches dudelijk baas boven baas. Al kieke veer noe alwaer hoapvol oet noa de nuuje wraak-actie van Jill. Zet m op! Oh, en de luuj die zich aafvroage wae dae Harry is, wo Wesly ut in zien appje euver haet. Dae Harry woar un beoogde aanwinst veur os clubke. Veur welk team is mich neit gans

5 dudelijk, maar toch. Bliekbaar woar d r Sjteinder interesse veur m. Althans, dat woort gesuggereerd door de Valkenburgse voetbalclub Iason: En noe maar hoape dat veer hie es vereiniging boavenop komme. Tied om ens de teams te goan aafloupe. En loate veer dit keer maar ens beginne mit os eesjte elftal. Dat team moch heure competitie oapene mit unne thoeswedsjtried taege de club wo t veur de sjriever van dit sjtuk allemoal begoosj, VV Sittard oftewel De Kraaien. Zo wie de vaste volgers inmiddels weite, haet ozze selectie al joarelangk un traditie dat degeine dae mit un foto in de gazet kump, mot tractere op vlaai. Meestal geit dat om un actie-foto bie un algemein artikel euver unne wedsjtried. Aafgeloupe waek zoge veer echter

6 un gans artikel speciaal gewijd aan eine sjpeler van 1. En loat dae persoon noe auch nog ens bie oetsjtek gesjtik zeen om de traditie in sjtandj te haute. Of, zo wie Luc Spaans ut verwoordde: Vervolges woar ut natuurlijk de vroag of ozze jonges allemoal netjes op tied in bed zouwe ligke, ondanks de legio muigelijkheden om te goan sjtappe op zoaterdigoavend. Ut fijne aan ut feit dat Jill noe auch input levert veur dees versjlage, is dat veer in jeder geval kenne checken of Roel ut neit te laat maak op zoaterdigoavend. Gelukkig bleek Roel, op en top sjportman en ummer bezig mit de wedsjtried van zondig, rustig aan te doon op zoaterdig:

7 Unne angere notoire sjtapper van 1, Randy Wanten, bleek zich waal te hubbe loate verleiden om noa ut Wild Zoo festival te goan. Randy toonde zich echter de ideale ploeggenoot door zich de ganse oavend te ontferme euver Jill, zodat Roel zich doa thoes neit druk euver houfde te make: Wiejer verdeint nog un staaltje humor van Rene Savelkoul de aandacht. Rene zurg jeder waek d r veur dat de programma-buikskes van de wedsjtried van 1 gedruk waere. En op vriedigoavend bringk hae die dan ummer noa de kantine om ze aan Peter Peerlings te loate zeen. Dae kik d r dan nog effe kritisch haer. Zo ging ut auch aafgeloupe vriedig. Rene euverhandigde ut buikske aan Peter en dae begoosj geliek mit de wenkbrouwen te fronsen. Rene deilde auch aan Christel van Kan, Sef Geuskens en Jo Smeets exemplaren oet, en fluusterde ze toe: let op. Peter Peerlings sjraapte zich de kael en zei: wo sjleit dat noe op? Woarom sjteit die elftalfoto van de dames veurop? Rene keek m vroagend aan en zei: hubs doe get aan de auge? Auch de angere aanwezigen keke vroagend noa Peter. D r sjting toch dudelijk un foto van De Sjter 1 op de veurkantj. Peter dach dat t gek woort en zat zich de bril ens op. Toen woort m dudelijk dat

8 Rene 1 exemplaar houw gedruk mit de dames-foto veurop en de res geweun mit de elftalfoto van 1 d r op. Goeie actie, Rene! Houd ze maar wakker, doa op de houk van de teek. Op zondig verzamelden de mannen van 1 zich op t Hetjen en krege ze van coach Jean Maas de opsjtelling en tactiek te heure. Guido Rutten ontbrook door un blessure en Maarten Neuhaus omdat zien vrouw hoog zjwanger woar en ingeleid zou goan waere. En dus zoog de opsjtelling d r es volgt oet: Kis: Geoffrey Achter: Randy, Bob, Stan en Roel Midden: Davy, Timo en Giel Veur: Hassan, Marko en Thijs De wedsjtried sjting onger leiding van unne jonge sjeidsrechter Prick. Dae zou zondigmiddig bewieze dat hae, ondanks ziene jonge laeftied, voldoende lef houw om op te traeje. De wedsjtried begoosj aafwachtend van beide kantje, maar al sjnel woar dudelijk dat De Sjter de baetere ploug woar. VV Sittard houw, ten opzichte van veurig sezoen, heur complete veurhoede zeen vertrekke en wis dus dat men veural moosj probere om de 0 zo lang muigelijk te haute. De Sjter ging hoog druk zette en de taegesjtenjer woort terugkgedronge. Mit name Hassan woar ziene directe taegesjtenjer herhaaldelijk te sjnel aaf. Allein ontbrook de finesse aanvankelijk nog in de aafronjing. Oeteindelijk woort de ban gebroake door un goeie combinatie die Giel zoog doordringe in de 16. Doa woort hae onreglementair gesjtop en dus ging de bal op de sjtip. Hassan bleef ieskoud en scoorde de 1-0. In ut vervolg van de eesjte helf probeerde Sittard ut mit lange bel. Die woorte professioneel verdedigd door ozze defensie. Opvallendste moment woar unne verdedigende omhoal van kamikaze-bob Dukers. Kansen veur ozze jonges woare d r veur de rust auch nog maar Marko en Thijs wisten ut netje neit te vinje. Vlak noa de rust woar ut opnuuj Hassan dae doorbrook. Dezelfde sjpeler es in de eesjte helf, trok auch noe waer aan de noodrem. Gevolg: pingel veur os jonges en tweede gael kaart veur de verdediger van Sittard. Doa op sjloge de sjtoppe door bie de veursjtopper van Zitterd dae Hassan sjloog. De sjeids houw alles zeen gebeure en trok direct rood. Hoessen woar, noa die actie taege ziene tweelingbrouer in sjneltreinvaart vanaaf de bank komme sjtorme. Gelukkig woort zien uiting van broederliefde net op tied gesjtop door Bob, dae m taegeheel. Wie de rust woar terugk gekeerd benutte Marko ieskoud de penantie: 2-0! De frustraties woare bie Sittard inmiddels dermate hoog opgeloupe dat die ploug zich de res van de wedsjtried mit de minuut asocialer ging gedrage. Twee keer reageerde men zich mit belachelijke tackles aaf op de bein van Thijs en Timo, en in beide gevallen trok de sjeidsrechter terecht rood. Auch veur beledigingen aan ut adres van de sjeids woorte nog gaele kaarten getrokke. De res van de wedsjtried blooide ut un bietje dood. De Sjter houw gein behoefte om nog risico s te loupe op blessures. Oeteindelijk woar ut waal nog Thijs dae mit unne sjieke hauve volley de 3-0 eindsjtandj op de borden zat.

9 Noa de wedsjtried woort ut Ronny Czornyj -ritueel in sjtandj gehaute. Sjpelerke van de waek, Levi Snackers, woort op de toafel gezat en Guido Rutten noom ut initiatief om de ziegke, zagke -yell d r in te haute. Trainer Maas keek ut sjouwsjpel lachend aan en besjloot toen maar mit te goan hosse rondj de toafel. Klasse coach! Dat dit nog maar vaak herhoald moag waere. De pap van ut sjpelerke van de waek bekeek ut ganse tafereel auch lachend, ondanks de koppien van ut zoepe unne daag eerder op ut festivalterrein: Euveriges woar de sjriever van dit sjtuk aanvankelijk neit zo te sjpraeke gewaes euver de input van Wesly Wanten veur dit versjlaag:

10 Van ut eesjte elftal sjakele veer euver noa os driede. De mannen van 3 houwe unne prima wedsjtried veur de baeker achter de rugk en leke dus absoluut kloar veur ut echte werk. Zondig sjting unne oetwedsjtried taege GSV 28 3 op ut programma. Vanzelfsjpraekend woare auch de mannen van 3 prima vertegenwoordigd op de diverse feeskes op zoaterdig. Zo figureerde sjpeler-coach Rene Gooren op menig foto: Vilt ut uch trouwes auch op dae die naas van Jari Knoops op vriewel jeder foto sjteit? Maar goud, Rene en zien mannen houwe zich prima geamuseerd op zoaterdig. Helaas moosj men al om 10 oer aantraeje in Genhout. Esof die boeren wisten dat ze in Sjtein nog un feeske houwe op zoaterdig, foeterde Rene in de eesjte regel van zien versjlaag. En doa kreeg hae dan waer geliek commentaar op van de sjriever van dit sjtuk.

11 Tot euvermoat van ramp veur os driede moosj sjterkhouwer Thijs Kemp zich auch nog aafmelje op zondigochtend. Zo bleef d r maar eine wissel euver en dus zou ut lestig goan waere. De wedsjtried woar kort same te vatten aldus Rene: 7-1 verloare. Verdeind klop gekrege noa un hele zjwake eesjte helf en un minder sjlechte tweede. Einige doelpunt koom op naam van Rene Gooren, dae doa euver sjreef: Joamer van die grote nederlaag, maar waal klasse van Maikel, Roy en Rene dat ze nog bereid woare om vanoet Genhout sjnel terugk te rieje noa Sjtein om doa bie ut viefde te goan oethelpe. Klasse mannen! Van ut driede sjakele veer euver noa ut veerde. Reporter Ralph Doek besjloot om nog effe te wachte mit ut indeine van zien versjlaag en sjtelde eesj un vroag:

12 Ralph Doek deig vervolges in geheel eige sjtijl versjlaag: In Sjtein sjeen al lang de zon, terwiel ut in Gäöl nog ummer duuster woar. Doa hing mich un dikke mist! Veer houwe geine keeper en ut woar verrekdesse koud. Noa de warming up koom de zon pas oet en woort ut get aangenamer. Ideaal waer veur ozze nuuje sjpelers, de gebroeders Bourja, aafkomstig oet ut Belsj en sjoonfemieje van Brahim. Mit Rick Kostons in de basis (auwt sjpeler van Gäöl 1) en Rachid in de goal de eesjte helf (Patrick de 2 e helf) woort d r begoosj aan de wedsjtried dae ut veerde eigenlijk nog nooit gewonne houw. Oet noa Geulsche Boys altied lestig. Net wie veurige waek veur de baeker houwe ozze jonges ut beste van ut sjpel, maar de eesjte goal veel aan de verkeerde kantj. Raoul Dassen reep dat d r niks aan de handj woar en d r woort vrolijk doorgesjpeeld. Mit Patje en Brahim op de vleugels en sjnelheid in de sjpits mit Michel en Abby leep ut eigenlijk gesjmeerd. Doek lag op enig moment unne binnegehaute bal van rechs veur de goal. Abby miste de bal maar dae koom doadoor terech bie de mitgeloupe linksback John Marathon-man Pantus, dae de bal sjoon euverkruus binneknalde. Op dat moment woar Rick euveriges al gewisseld omdat hae de wedsjtrieddruk neit aan koosj. Vlak veur rus maakte unne sjpeler van Geulsche Boys hands in de 16. Un kolfje noa de handj van Ralph Doek maar dae tuinde zich professioneler es Neymar en Cavani, en gunde de bal aan nuujkommer Abby. Dae sjoot de 1-2 binne. Toch wis Geulsche Boys (dat sjportief sjpeelde) nog veur de rust de geliekmaker te scoren. Geweun door voetballe reep Raoul, kappend en dreijend op ut middenveldj. Ivo en Mark houwe de sjpits inmiddels in de tesj en dus waor d r achterin gein probleem meer. Veurin woar Devon ingevalle. Dae houw allemoal drukke plannen, maar Ivo reep op m dat hae geweun moosj oethoale. Legk mich dae gek effe de bal vol, hoog in de lange hook, aldus Doekie. Sjnel doanoa maakte Abby de 2-4. Effe later koom de sjpanning waer terugk in de wedsjtried. In un duel in de 16 van os veerde leep Ivo taege de sjpits aan. Jederein keek noa de sjeids of dae achterbal of corner zou gaeve. Hae wees echter noa de sjtip. En zo sjting ut waer 3-4. Rechsback Stan Ortmans houfde de 2 e helf neit veul meer te loupe. Inmiddels houw hae namelijk Rachid es rechshouf veur zich gekrege, in plaatsj van Brahim, dae muig woar oetgevalle. Rachid lette goud op en wis zo bie de eesjte poal attent de verlossende 3-5 binne te tikke. Hoppa! 3 punte en noa hoes! Proficiat jonges! Sjnel euver noa de mannen van ut viefde. Doa is nog geine correspondent veur gevonje. Gelukkig houw Rene Gooren doa mitgesjpeeld en woar hae bereid om input te gaeve. Al houw hae doa zo zien eige rejene veur:

13 Ut viefde houw sjmurges nog twee aafmeljinge en sjpeler-coach Michel zoot un bietje in de stress of ze waal koosjte voetballe. Gelukkig kome Roy, Maikel en Rene nog euver van ut driede, noa hunne pot in Genhout. Ut viefde moosj ut opnumme taege HBC. Voetballend sjtelde die ploug gein klote veur maar ze kome waal op unne 0-1 veursjprong door unne sjone geplaatsjte sjeut. Doanoa woar ut veural ut viefde wat de klok sjloog. Men koom constant in de 16 van de taegesjtenjer, maar de trekker woort maar neit euvergehoald. Oeteindelijk noa un hauf oer kansen veel ut belke eindelijk in ut net noa unne van richting verangerde sjeut van Rene: 1-1. Ut veldsjpel van ozze jonges woar prima. Jenkie, ozze bloedeigen 50-joare knipoog-kroaat (en pap van Marko Jevric) maakte de ein noa de angere rush langs de lien. Marco Verhoeven hei de bal waer aan de vout plekke en Bart Pantus kreeg alle ruumte om zien meiste deiptepasses te verkloten Vlak veur rus koom HBC toch waer op veursjprong noa unne te korte kupbal terugk op Roy. In de rust woar men desondanks positief dat ut goud zou komme. Leider Michel vonj allein dat d r noa de rust get meer d r op geklap moosj waere. Zelf noom hae dat helaas get te letterlijk. Mit unne man minder zou ut get lestiger waere en HBC maakte d r 1-3 van. Noa un goei actie van Marco, lag hae de bal pan-kloar op Rene en dae sjuufde de 2-3 binne. Maar al sjnel vergrootte HBC de veursjprong waer noa 2-4. Ondanks de man minder situatief bleve ozze jonges echter prima voetballe en woar men eigenlijk de baetere ploug. Veural omdat de ballen van Bartje Pantus noe waal aankome. Noa unne sjieke bal van Rene euver de verdediging haer, leep Marco goud door en versjalkte de keeper mit un Bruce Lee-aanname, om vervolges de bal koelbloedig binne te legke: 3-4. D r volgde nog ein grote kans op de geliekmaker. Pantus goof de prima assist maar Rene koosj net neit raak mikke mit ziene kop. Helaas ginge de punten dus mit noa Buchten.

14 Noa aafloup van de wedsjtried woort d r veural positief veuroet gekeke. Leider Michel leet weite dat hae nog un versjterking houw gevonje en dae jong woar bienoa euvertuug om noa De Sjter te komme. Michel: Hae haet allein las van zien enkels. Dus hae wult nog effe wachte. Pantus: Auw kut, ich kom toch auch geweun jeder waek en ich hub allebei mien kneije en mien enkels kapot gevoetbald. Rene: Dat waor goud te zeen aan dien deiptepasses de eesjte helf Van ut viefde goan veer euver noa de mannen van 2. Die woare, wie geer zouwt verwachte, op alle feeskes in Sjtein en omsjtreken vertegenwoordigd op zoaterdig. Geer hub al de neudige foto s van Jari Knoops veurbie zeen komme. En eigenlijk hub ich d r maar ein gevonje wo Jari neit op sjteit. Gelet op alle feeskes woar ut veur trainer Jean Janssen natuurlijk mer aafwachte wie de kupkes derbie stinge op zondig. Ein veur ein druppelde de sjpelers benne en t eine kupke zoag d r auch waer slechter oet es t angere. In t geval van Frank Haenraets hej dit euveriges ens niks te maken mit de alcohol. Frank waor namelijk sjus truk oet Zwitserlandj wo hae un weakske vakantie heat doorgebracht en noa ein concert van de Rolling Stones is geweas.

15 De opstilling van ozze mannen woar es volgt: Kis: Bastiaan Achter: Sjoerd, Joep, Cyrill en Jari Midden: Frank, Mike en Randy Walraven Veur: Steve, Luc en Luca Bank: Bart, Frusj, Kenny en Jesse Grümmer Jari Knoops deit versjlaag: De Ster oapende verzurg en leet SCM neet onger de drök oetkomme. Dat resulteerde auch in un aantal kansen mer die woorte allemoal om zeip geholpe. Noa 25 minuten kakte t ein bietje in bie t 2 e mer sjus in die situaties stoan de grote, ofjea groot zeen ze neet, op. Randy Walraven kreeg unne bal ingespeeld, drejde oape en goaf unne puntgave assist op Steve, dea noa benne trok en mit ziene linker snoeihard de lange hook vong, 1-0! Dat waor auch geliek de rustsjtandj. De 2 e helft begoosj waer geliek goud veur De Sjter. Oet waer unne goeje sjtaekpass van Randy op Steve maakte Steve de 2-0. Unne gooje rush langs de zie lien van Sjoerdje Sevn en eine gooje veurzit van Sevn resulteerde in de 3 e goal van Steve, 3-0, hattrick compleet. Noa ein oer spelen leet De Ster zich mitsleijpe in t zeurende en slechte spel van de mestreechtenearen. De wedstrijd waor neet meer om aan te zeen en de sjengen maakte zelfs de 3-1. Heinoa kaom De Ster echter weer sjnel op ein marge van 3 door Sevn, noa weer eine rush euver links sjoot hea op goal en via ein mestreechs bein werd deze sjeut tot doelpunt gepromoveerd, 4-1. Luc Spaans, dea neet ech zien kwaliteiten heat kenne loate zeen vandaag, omdat hea bie eder balcontact eine doodsjup kreeg, waor inmiddels gewisseld en auch Randy en Luca werden draaf gehoalt. Hiedoor auch speeltied veur Frusj, Kenny en Jesse. Bartje bleef erneave omdat hea toch nog get last hej en allein oet veurzurg bie de selectie zoat. SCM maakte auch nog de 4-2 mer doa bleef t auch bie. Eerste driepunter van t seizoen is ein feit en op noa volgende weak es ver oet teage Sjaaaaaaaaan motte aantreije. Proficiat mannen van 2! Hoog tied om euver te sjakele op os damesteam. Die moosjte hubbe oapeningswedsjtried aafwirke taege VV Sittard. En auch de dames houwe nog te kampen mit noaweëen. In ut geval van Jill, noaweëen van heur bevalling van veurige waek en in ut geval van de angere noaweëen van de festivals en feeskes op zoaterdig:

16 En d r woare nog meer sjlechte veurteikene aafgeloupe waek. Zo leek topscorer Bo Knoops de kop neit gans d r bie te hubbe, want op heur social media versjeen de volgende foto: Jill Janssen deit versjlaag van de wedsjtried van de ladies: Ich koom un hauf oer te laat aan (voetballe zo kort noa de bevalling woar aafgeroaje door de doktoren) en hub mich effe loate biekalle euver ut eesjte hauf oer: de taegesjtenjer woar fysiek sjterker en veer sjtinge dan auch terech mit 0-2 achter. En pats doa vilt auch nog de 0-3. Gelukkig koosjte veer veur rus nog get terugk doon. Samantha geef de bal goud op Kimberly en die kent de bal sjoon in ut netje duuje: 1-3. In de rust wurt d r waer effe moud ingekald. Alle naze dezelfde kantj oet en vol goeie bedoelinge waer sjtarte. Ozze dames brenge dat auch in de praktijk. Eesj is ut Cindy die effe sjlum kik wo de sjeids is om sjtieke unne flinke duuj oet te deile. En auch Dyonne begint flink oet te deile. Dat leidt euveriges waal af en toe tot unne vrieje trap taege, maar gelukkig kent Maartje in de goal telkens redding brenge. Vervolges unne oetbraak van De Sjter en ut is Joy die un sjieke goal kent make: 2-3! Vervolges unne geveerlijke aanval van Sittard, maar Dyonne (joa geer heurt ut goud) trek unne sjprint en sjpeelt de bal rustig terugk op keepster Maartje. Unne vrieje trap van diezelfde Dyonne kump sjoon bie Bo in de vuit. Die kap zich vriej en knalt de 3-3 taege ut netje. Hoppa!

17 Neit veul later komme ozze dames zelfs op veursjprong. Bo sjpeelt zich knap vriej en krig de bal bie Kimberly die de 4-3 binneknalt! Helaas maak Sittard in de allerletste minuut nog de 4-4. Desalniettemin unne klasse comeback van unne 0-3 achtersjtandj. Lekker dames! Un terecht woord van dank van de dames geit euveriges nog oet noa de pap van Dyonne, dae bereid woar om te vlaggen bie aafwezigheid van vaste vlagger Boy. En es oetsjmieter, aangoande de dames, hubbe veer waer de onvermijdelijke foto van de waek van Dyonne: Dan hubbe veer nog ein team neit besjproake en dat zeen ozze veteranen. Die houwe veurige waek verloare van Haslou en mochte dat probere rech te zette taege de vets van Catsop. De veurteikenen woare neit geweldig. Steef van de Woude moosj mit zien vrouw unne nuuje auto goan ophoale, Willem Thewissen, Stefan Janssen en Paul Janssen woare geblesseerd en Will Leurs, Eddy Ubbink en Marc Lacroix woare verhinderd. Datzelfde gold veur coach Leon Fredrix. Leider Willy Worms kreeg hulp van Willem Thewissen bie ut make van de opsjtelling. Doa houfde op zich neit veul aan gepuzzeld te waere, want zo heel veul sjpelers woare d r neit besjikbaar. Temeer omdat Ron Marchall get verlaat woar en Robbie van de Linden auch pas vlak veur ut begin arriveerde. Gelukkig woar captain Mat Creemers waal waer besjikbaar. Al goof hae aan dat hae nog ummer las houw van de rugk. Mat: Gerard, ich hub nog ummer las van de rugk, dus ich sjteun es letste man vandaag op dich es mandekker. Gerard: Gangk toch noa hoes man. Kom moandig terugk mit Johnny van de sjpin. Kense dat walking voetbal goan doon. Same mit Willem Thewissen en Leurs en Steef.

18 Willem: Gerard, diene buddy is neit hie vandaag, dus houd geweun de moel. Gerard: Wae bes doe dan, kut? Willem: Die kut is vandaag de leider, dae de opsjtelling maak. En doe zits dalik op de bank. Wiejer woort d r geïnformeerd noa Will Leurs. Auch die van Catsop informeerden doa haer. Sjpeler Catsop: Mot Leurs op dat festival hie achter wirke? Roger: Joa, dae zit bie de wc s, denk ich. Sjpeler Catsop: Boef kump doa auch optraeje hae? Ron: Es Will d r dan auch is, zeen d r twee boeven doa. De wedsjtried verleep prima veur de mannen oet Sjtein. Ondanks ut feit dat Catsop ech gein sjlechte ploug haet, kome ozze mannen veur de rust op veursjprong. Eesj woar ut Rob dae un 1-2 mit ziene taegesjtenjer maakte en toen aafronjde veur de 1-0. Stef Conjour verdubbelde de veursjprong en woar aeve later de aangaever wie Rob van 16 maeter de 3-0 binne sjoof. Mit dae sjtandj moch men goan rusten. Noa de nederlaag van veurige waek taege Haslou, vuilde ut lekker om in de rus al mit 3-0 veur te sjtoan. Mat Creemers constateerde dat d r ein belangrieke wijziging in ut team woar ten opzichte van un waek eerder en sjprook, onger verwiezing noa bankzitter Gerard, al euver ut Gerard Martenseffect. Noa de rust vergrootte Ron Marchal, op aangaeve van Rob, via unne subtiele lob de veursjprong noa 4-0. Doanoa versjlapten de Sjtein vets effe en sjting ut binne de kortste kere 4-2. Ut woar echter opnuuj Rob dae unne pass ongersjupte, de keeper te wiet veur de goal zoog sjtoan en de bal van 25 maeter mit links euver de keeper lifte veur de 5-2. Catsop leet ut doa echter neit bie zitte en scoorde waer taege: 5-3. Stef, Roger, Robbie van der Linden en Misha zurgden oeteindelijk echter veur un dikke 9-3 euverwinning. Desondanks woar d r noa aafloup get onvrede euver ein van de taegegoale. Keeper Rudy woar terech ontsjtump dat de taegesjtenjers waal erg veul ruumte krege de 2 e helf. Robbie van der Linden noom t veur um op. Robbie: Roger, doe woars auch un goal sjout. Doe leids balverleis. Roger: D r sjtinge nog 8 man van os achter mich. Ich houw verwach das doe m waal zouws hubbe, maar doe hubs auch niks. Ron: Joewaal, un alcoholprobleem. Maar wiejer haet r niks inderdaad. Piele: Sow ze kenne ut maar baeter rech in dien gezich zegke, he Robbie. Auch in de kantine koom Robbie nog effe ter sjproake wie de zoon van Willem, Ian, zich get te drinke vroog. Ian: Pap, mag ik een AA? Ron: Dat mosse aan Robbie vroage. Dae zit op unne AA-cursus. Ut bleef nog unne lange tied gezellig in de kantine. Ut beier sjmaakte goud noa winst in de derby. Al mot gezag waere dat die van Catsop oeteindelijk aan ut langste eind trokke. Want

19 Willem Thewissen wis te melje dat de Sjter-vets veur ut eesj in 12 joar thoes de 3 e helf houwe verloare. Hulde veur de mannen van Catsop! De aafsjleiter van dees waek is gewijd aan luuj die os eesjte elftal al joare langk door dik en dun sjteune. Oet of thoes, in Zuid-Limburg of in Brabant, euveral volgen ze troew de verrichtingen van De Sjter 1. Euveriges geldt dat veur meerdere luuj. Onger angere Sef Geuskens wul ich wat dat betruf niks te kort doon. Dat is eigenlijk de ultieme volger van De Sjter 1. Maar ut leuke aan dit gruupke is dat ze zo divers zeen. Wat ze echter verbindj is hun onveurwaardelijke liefde veur de jonges van 1. Want auch al wurt d r langs de lien geregeld geknoterd en gegrouweld. Ze blieve komme, ze blieve aanmoedigen, ze blieve juichen. Ich hub ut euver de dames, heren, maedjes en jonges van ozze Midline-Side. Ut gruupke vaste fans dat ummer ter hoogte van de middenlien de wedsjtrieje vol passie volg. En ich wul bie deze gaer effe van de gelegenheid gebroek make om ze aan uch veur te sjtelle. Te beginne mit Frans Beaujean, dae sinds zien toetreding tot de technische staf, officieel neit meer tot de Midline Side beheurt. Frans is de man van de rust, van de psychologie, maar binne in m borrelt dat echte supportershard. Zien vrouw Danielle is auch ummer van de partie. En auch zien twee kids, die zelf voetballe bie De Sjter. Guy is ein van de sjterkhouwers van ozze JO17 en Yaël is dit sezoen euvergesjtap noa os damesteam. Allebei talentvol, allebei bikkels, en allebei zulle ze waarsjienlijk nog heel vaak terugkkere in dees versjlage de kommende 20 joare. Un anger lid van de Midline Side is Patrick Smeets. Auwt eesjte elftalsjpeler. Unne man mit un dudelijke meining, kritisch, leifhubber van sjpelers mit vechtlust en discipline. Zo wie hae dat zelf auch houw es voetballer. Altied realistisch en altied positief veuroet kiekend. Auch Patricks echtgenote Rozien is vriewel ummer van de partie. Aevenals hun twee zoons Mylan en Luca. Noe nog voetballend es midmidden in respectievelijk de JO15 en JO13. Maar euver 5 joar zullen ze same ut kloppend hart vormen van ut middenveldj van De Sjter 1. En dan hubbe veer nog Peter Smeets. De Sjteindenaer dae inmiddels in Eijsden woont. Peter deit veul veur de club, in diverse geledingen. Langs de

20 lien ummer volop mitlaevend, af en toe get te fanatiek mitlaevend, maar dan al sjnel waer zichzelf en relativerend. En tot sjlot hubbe veer Hay Heijnen. Dae zurg mit af en toe un goud geplaatsjte cynische opmerking veur de relativering en de humor, noa unne heftige wedsjtried. Aafgeloupe zondig woare ze auch van de partie. Althans, bienoa allemoal. Peter Smeets moosj om goeie rejene versjtek loate goan. Maar de res sjting d r waer. Zo wie ummer. De ganse wedsjtried moedigden ze ozze jonges aan, vloukten ze op die sjuppers oet Zitterd, klapten ze veur de sjeids es dae waer un kaart trok, en dronke ze zich noa aafloup eine op de euverwinning. En wie de kantine toe ging, zochten ze same hunne waeg (mit un aantal selectieleden) noa Big Rib om doa nog effe get hartigs noa binne te wirke: Kanjers van de midline side, dat geer nog maar veule joare op uch plekske op de middenlien ozze jonges moag sjteune. En hoapelijk kent geer dan euver un joar of 5 onger angere juichen veur uch eige kanjers Guy, Mylan en Luca, es die same de as van os eesjte elftal vormen! Pes volgende waek! Rob Sjulpe