Loate veer maar sjnel beginne en geliek die geweldige prestatie van de mannen van 3 d r bie pakke. Sjpeler/coach Rene Gooren deit versjlaag:

Transcriptie

1 De Sjter 1 klopt Centrum Boys; Heroïsche comeback De Sjter 4; Knallende euverwinning De Sjter 3; Johnny van de Sjpin oet walking football-selectie gezat Qua resultaten woar ut un vrie succesvol weekend. Op zoaterdig zatte de veteranen al de toon in en taege Jekerdal door unne sjterke pot taege unne goeie teagesjtenjer mit un 3-3 gelieksjpel aaf te sjleite. Grote man bie de vets woar Jean Maas, dae onger toezeend aug van zien mam un wereldgoal scoorde. De zondigteams deige ut op zich auch prima. D r veel sjlechs 1 nederlaag te noteren. Die koom op naam van De Sjter 2 dat ut moosj aaflegke taege ut ummer lestige SCM. Os eesjte elftal klopte in Zitterd ut in degradatiegevoar verkerende Centrum Boys. De dames moosjten taege ut zeer fysieke en roewe Sittard genoegen numme mit un puntje. Maar de absolute positieve oetsjeiters van dit weekend kome op ut conto van ozze legere elftalle. De Sjter 4 boog unne 0-4 achtersjtandj noa 10 minute om in un 5-5 gelieksjpel. En de mannen van 3 deige doa zelfs nog un sjöpke boavenop door GSV (wotaege veur de winjtersjtop nog mit 7-1 woar verloare) dit keer te kloppe mit 3-1. In ut randjgebeure woar ut dees waek get rustiger. Des te meer tied dus veur un goeie weergave van de prestaties op ut veldj. Mit, zo wie jeder waek, dank doaveur aan de divere reporters van alle teams. En die verdeine ut toch zeker om effe genuimp te waere. De input van De Sjter 1 koom dees waek wederom van ras-supporter Peter Smeets. Bie De Sjter 2 leet Jari Knoops zich vakkundig vervange door de meisterlijke club-man Kenny Lemmens. Names De Sjter 3 noom Rene Gooren oetgebreid de tied om de topprestatie van zien mannen te bewierrouke. Bie De Sjter 4 kenne veer ummer d r van op aan dat ozze gladiator en facebook-beheerder Ralph Doek mit un iezersjterk versjlaag kump. En names de dames woar ut wederom Jill Janssen, die ondanks de teleursjtelling euver ut puntenverleis, toch get regels mit uch wol deile. Input van de veteranen kump van de sjriever van dit sjtuk zelf, dae ummer muijte haet om alle viefsjterre-quotes van zien ploeggenoten bie te haute en op te teikene. En dan hubbe veer aan ut eind van dit versjlaag auch nog ens input van unne snitch dae info euver de walking footballers doorsjpeelt Loate veer maar sjnel beginne en geliek die geweldige prestatie van de mannen van 3 d r bie pakke. Sjpeler/coach Rene Gooren deit versjlaag: Bie os woar de goei veurbereiding alles waert. De trainer heij op zoaterdigmiddig gein flauw benul wieveul man d r op zondig aanwezig zouwe zeen en houw dus de ganse A-jeugd gevroag om oet te helpe. Oeteindelijk bleek allein Jesse Grümmer in sjtoat om os oet te helpe es 6 e reserve omdat jederein koosj Coach Gooren woar zelf te laat veur de wedsjtried. Hae houw de wekker neet gezat noadat hae op zoaterdig ut leeg houw oetgedoan bie De Poart. Zien eige leeg dan Gelukkig woar Brian mile high club Nitsch truuk van hoogtestage op Tenerife om de trainer wakker te make. C-speler Chris Boselie woar auch get later aanwezig. Get mit vrieje in Baek en dan de Amstel Gold Race door de stroat kriege en nurges door kenne:

2 Merkwaardig genog begoosjte ver de wedsjtrijd good mit onger angere Martijn 99cm Spronkmans op de rechsback dae langzaamaan waer in vorm kump noe ut einde van ut dartsezoen nadert. Ut spel woar good en de duels woorte gewonne. Genhout heij weinig in te brenge en dat terwijl ver oet doa mit 7-1 heije verloare. Ut wachte woar op goale en wae mosse dan inbrenge? Uiteraard dae van Gooren en neet veul later noa zien invalbeurt goof hae al metein eene geniale staekbal wodoor de spits door kos richting goal en de 0-1 koos binnewirke (joa ut woar de spits van Genhout). Mer zakkie herpakte zich good door de counter op te zette wo de geliekmaker oet veel van Serge Grobbee! En Rene maakte zelf de 2-1 noa een mooie bal van Thijs Kemp achter de verdediging. Dit woar inmiddels in de 2 e helft en Genhout moos druk goan zette. Dit lukte waal un bietje maar de beesten van 3 bleven geveerlijk op de counter. Jesse Grümmer werd deepgestuurd en lag de bal perfect aaf op Maikel Melis dae ut mit gemaak koosj aafronden: 3-1!!!! Absolute oetblinker in de 2 e helft woar goalie Pascal Driessen dae un aantal goeie reddinge houw, auch in 1 taege 1 situaties. Door de onmacht sjloge de sjtoppen bie de nummer 9 van Genhout effe door en hae plantte zien noppen in ut boavebein van Lars Puyol Poulissen. Lars leet dit neet op zich zitte en pakte dae jong flink terugk. Helaas waal binne de 16 en dus ging de bal op de stip. Maar wederom woar doa oetblinker Pascal dae de pingel stopte, wonoa de spits van Genhout de rebound euver de paerde-barrage wirkde aan de angere kant van ut hek.

3 De eerste driepunter van 2018 is binne veur ut driede. En noe zeen veer helemoal kloar veur de derby taege die van Zuid kommende waek. En Lars dae haet de kommende waek nog un aandenke op zien bein aan dae driepunter: Bedank veur ut versjlaag Rene. En proficiat mit de euverwinning mannen! Top! En noe kommende waek inderdaad dae lien doortrekke taege die van Aelse. Come on boys! Dan sjakele veer euver noa os eesjte elftal. Dat houw dees waek de altied lestige oetwedsjtried taege Centrum Boys op ut programme sjtoan. In de aanloup noa dae wedsjtried woorte auch waer gesjprekke geveurd om de selectie en staf veur kommend sezoen rondj te kriege. En kiek ens wae door de gebroeders Wantelic in de besjtuurskamer woort gesignaleerd

4 Keert ozze captain terugk es sjpeler of krig hae un rol in de begeleidingsstaf noa ut vertrek van Rudy Crutzen? Wat ut wurt zulle veer ongetwiefeld binnekort heure. En wat ut auch wurt, de terugkkeer van Guido Cals mot door jederein mit applaus waere ontvange. Want mit zien ervaring, voetbalversjtandj, positief karakter en evenwichtige persoonlijkheid zal deze echte Sjteinder jong altied een toegevoegde waarde zeen veur coach Maas. De wedsjtried taege Centrum Boys woort door un select gezelsjap fans gadegesjlage. De in Eijsden wonende top-supporter Peter Smeets woar eine doavan en Peter woar opnuuj bereid om versjlaag te doon: Os vlaggesjip speelde zondig de jeaste van 4 opeinvolgende oetwedstrijde ( BSV Limburgia, SHH, LHC) teage Centrum boys. Op ut kunstgraas in Stein woorte jearder dit seizoen de punte nog gedeild, vandaag zouwe de punte mit noa Stein (motte) goan. Get wat op ut veld van Centrum Boys nog lestig genog ging weare. Houwe ze in Ierland aafgeloupe weak de liene van ut speelveld nog unne meater noa binnen gelag wie os Nederlands dames elftal doa speelde tegen hun Ierse opponente, bie centrum boys houwe ze gaar gein liene op het veld gemaak om de teagestenjer te verasse. Belangriek woar vendaag dan aug om ut tempo hwoag te houwe, oet de duels te blieve en probere zwoa snel meugelik te scoren. Loat ich uns beginne mit de opstelling van hoofdtrainer Maas en assistent Crutzen : Kis : Geoffrey Achter : Sjoerd, Guido, Davy en Randy Midden : Timo, Stan en Mike Veur : Marko, Maarten en Bob Bank : Donny, Hassan (Timo), Frank en Giel (Maarten) Wie ich al zag woar ut de bedoeling om ein hwoag tempo te spele, maar dat woar neet gemekelik op dit slechte veld mit hwoag graas. Wat waal direkt lukte is om te scoren, noa ein minuut of 3 woar ut al pries. Ozze good oplettende aanveurder Guido koos aan de 2 de poal eine vrieje trap binnewirke. Vervolgens woar ut de Ster wat op zeuk ging noa de tjweade goal en ein centrum boys dat noodgedwonge op de counter probeerde te spele, mer mit maar eine speler dea ut 2 de klasse niveau voetballend waardig is weurd dat lestig. Centrum boys woar allein mer bezig om de fysieke duels te zeuken, teage de sjeidsrechter te kalle en veural neet te wille of kinne voetballe. Zaak bleef ut dus om probere deze fysieke duels te vermijde. Noa ein hauf oer woar ut Mike dea ein vloeiende aanval,op ein hwoag tempo, geweldig aafronjdu 0-2. Un teike vuer ozze teagestjenjer om nog mjea te goan kalle teage de sjeids, nog mjea de duels aan te goan al dan neet op ein geoorloofde meneer. Gezag mot weare dat de jeugdige sjeidsrechter zich neet oet ut veld leet sloan door al dat gezeiver. Bie unne sporadische oetbraak van de mannug oet Zitterd woar Guido genoodzaakt om ein eunvertrejing te make, get wat de sjeids ein geal kaart vonj. Ein kaart die de aanveurder van centrum boys neet nweudig vonj maar wo ze de tweade hilf waal gebruuk van ginge maken. De rus woor bereikt mit eine 0-2 tussenstendj. De 2 de hilf woar de bedoeling van de boys direk duudelik, provoceren oet de tent lokke en proberen Guido ein 2 de kaart aan te smere. Get wat ozze captain zich neet leet gebeure omdat er veul sjlummer woar es zien teagestenjers, klasse Guido. Ut gezeiver woor nog get opgeveurd de euvertrejinge nog get feller aan centrum boys kentj en Bob dea gewoon uns van rendje 16 besloat te sjeete 0-3, woa de keeper neet zwoa goot oetzoag mot ver aug jearlik bekinne.

5 Maar om uns ein cliche te gebruuke neet gesjaote is altied mis. Centrum boys wilde zich neet zwoa es de letste weake noa de slachtbank laote leije, dus nog maar ein tendje derbie, nog mjea fysiek d r in gwoije nog mjea zeivere, nog mjea euvertreajinge etc. Oeteindelik houwe ze doa dan toch geluk mit, hunne beste voetballer zoag slum ut duel op mit Guido om hum oet de tent te lokke dea doa neet intrapte mea waal ein teagegoal beteikende 1-3. Ein teagegoal is naturlik altied joammer mer in dit geval moste die op de kaup toenumme, gegeave de omstandigheden. De verder good leidende sjeidsrechter houw ein zeer zwak moment in de 2 de hilf un aangekondigde en aug oetgeveurde vieze euvertreajing op randy bestroafde hea mer mit ein geal kaart, ein kaart die aug ein anger kleur houw moage hubbe. Enfin, 3 punte in de tesj gein fysieke sjaaj opgeloupe en noa de wedstried ein lekker flesjke juup veur 1,50. Case Closed. op noa de Topper oet teage BSV Limburgia. Succes mannuh. Proficiat mannen van 1. En noe die van Broenssoem un pak op de boks gaeve! Van os eesjte elftal sjakele veer euver noa ut tweede. Bie dat team is Jari Knoops ut ganse sezoen al de vaste reporter. Dees waek koom ut Jari echter effe neit goud oet. Gein probleem. En gelukkig kenne veer dan terugkvalle op unne angere op-en-top-clubman: Kenny Lemmens. Dae sjteit ummer kloar es d r get gedoan mot waere bie de club. Aafgeloupe zoaterdig geine sjeidsrechter bie de A- jeugd? Gein probleem. Kenny pak de fluit en flut un sjterke partie. Sjmul van zien versjlaag. Ut is neit heel langk maar dat kump omdat Kenny zien krachten sjpaart veur ut naderende promotie-fees van zien Fortuna. Aafgeloupe zondig sting de wedstrijd taege SCM 2 op ut programma. Dat is de nummer lets oet os klasse noadat EHC zich veurige waek haet terugkgetrokke. Ze zegke waal ens dat de veurbereiding op de wedstrijd al bie de training begint. Doe speels wie se trains! En de trainingsopkomst dees waek woar zeer matig. Toch vertrokke ver mit gooie mood richting Mestreech. Noa ut proatje van de trainer en ut bekendmake van de opstelling ginge veer noa boete wo un knollewei op os loog te wachte. Doa houwe ze net de koeien vanaaf gejaag. De warming up veulde neet ech good. Maar de start van de wedstrijd woar doa-en-taege super. Mit 3 100% kansen houwe veer dae wedstried al beslist kenne hubbe. De goal veel echter aan de angere kant. Door een fout in de defensie koos SCM de 1-0 scoren. Doa op zakte ut spel van os in en noa 20 minute koos SCM zelfs de 2-0 scoren wie unne sjeut ozze keeper verraste. Coach Jean Janssen greep geliek in en hoalde al noa 25 minute unne verdediger noa de kant en brach unne aanvaller in. De res van de wedstrijd dus 1 op 1 spele euveral. Helaas leidde dat veur de rust nog neet tot kansen. Auch SCM kreeg gein kanse meer. Noa de rust unne wedstrijd dae veural veul stil loog vanwaege stevige euvertredinge van SCM. Veer wisten waal nog de 2-1 te scoren (Tarek scoorde in de kluts) maar de geliekmaker haet gein moment in de loch gehange. De 3 punten bleve dus in Mestreech achter. Kommende waek unne lestige oetwedstrijd taege Susteren, wo veer verre van compleet zulle zeen vanwaege un aantal blessures en sjorsinge. Maar doamit waal geliek un sjoon kans veur de jonges van de A jeugd om te loate zeen wat ze waert zeen. En zo is ut maar net Kenny. Euver jonges die d r neit bie zeen mosse neit kalle. Geweun ut beste hoale oet de jonges die waal besjikbaar zeen. Lekker knokke, de jong jonges van de A sjteune, dan hubbe veer doa de kommende joare nog veul profiet van es vereiniging. Kom op mannen!

6 Van ut tweede goan veer door noa ozze dames. Die zeen al un aantal waeke bezig aan un geweldige opmars op de ranglies. De koppositie lonkte zelfs al. Maar dan mot men waal de volle buit blieve pakke de kommende waeke. Aafgeloupe weekend sjting de lestige wedsjtried taege VV Sittard op ut programma. Ut resultaat (3-3 geliek sjpel) woar neet ut gewunsjde resultaat. En dus woar de animo om get te sjrieve auch minder es veurgoande waek. En dat vinj ich nog tot doa aan toe. Maar wo al die haat richting Zitterd toch ummer veur neudig is Dat sjtik mich waal un bietje.. haha Euveriges moosj Jill later nog un rectificatie doon wat betruf de doelpuntenmakers: Om nog get extra zoud in de wonje te sjtruije bleek koplouper GKC auch nog geliek gesjpeeld te hubbe. Urges prettig dat ze neit wiejer woare oetgeloupe maar ozze ladies houwe de koppositie bie un euverwinning euvergenomme, want ut doelsaldo van ozze dames is veul baeter. Maar d r zeen nog 7 wedsjtrieje te goan dus nog alle kansen om dae titel te pakke. Kom op dames!

7 Van de dames sjakele veer euver noa De Sjter 4. Vaste reporter Ralph Doek sjtuurde al op zondigoavend ut versjlaag in. Zo greutsj woar hae op de prestatie van zien mannen: Vandaag speelden ver taege Geulsche Boys. Noa 10 minute stinge ver mit 0-4 achter dat koam mesjien door os bezeuk aa de sponsor zoaterdigoavend. Bienoa ut complete team woar effe de bonne op goan make bie Tilly van de Bekker. Woar heel gezellig op ut aafsjiedsfeeske van Kelly van Tilly. Die geit un joarke noa Australië en al heur vriendinne woare doa om heur oet te zjweije. De lange Paes keepde dees waek get minder es veurige waek. Al mot gezag dat hae zich de tweede helf prima hersjtelde. Maar veer moosten toen waal in de achtervolging om nog get van de wedstried te make. Eigenlijk speelden ver de ganse wedstried taege oszelf. Balverlees, foute passes, veul misverstenj. Toch bleef ut geleuf dr ondanks ut belabberde spel. Dit koam auch omdat ver eigenlijk geweun veul balbezit heije. Ivo maakde dan auch veur de rust al de 1-4 en 2-4 noadat ver de druk flink opveurden. Noa de rust bleef ut spelbeeld utzelfde. Maar ut geluif woar dr en Rachid maakde de 3-4. Ech veul tied woar d r neet dus de druk woort nogmaals opgeveurd Helaas veel echter door un fout achterin de 3-5. Ut leek gespeeld maar niks woar minder woar. De ingevalle Bjorn maakde in de 90 e minuut 4-5 en de geluifs ut neet maar in een alles of niks poging kupde Rachid in de 93 e minuut aan de 2 e poal de 5-5 binne. Zo wie se hubs kenne laeze hubbe veer ut oszelf veul te lestig gemaak en eigenlijk 93 minute langk taege oszelf gesjpeeld. Maar goud, toch nog un puntje. Klasse Ralph. Sjiek dat geer zoaterdig veul sjpas hub gehad en top dat geer uch toch nog noa un gelieksjpel hub kenne knokke op zondig! En dan hubbe veer nog maar 1 team te besjpraeke en dat zeen ozze veteranen. Die houwe unne oetwedsjtried taege Jekerdal op ut programma sjtoan. Jekerdal haet euveriges zelfs 2 veteranenteams. Ein dat besjteit oet sjenge en ein dat besjteit oet hollenjere. Veer moosjten ut opnumme taege de hollenjere. Aangekomme in Mesjtreich druppelden de veteranen ein veur ein ut kleidlokaal binne. In ut geval van Gerard Martens koom m dat zelfs op un applaus te sjtoan. Ut woar immers ziene eesjte wedsjtried noadat hae es veurzitter woar gewaore. Un aantal aafgelasjde wedsjtrieje, liefdesverplichtinge en un wanjeltocht van 40 kilomaeter woare debet gewaes aan zien aafmeldinge de aafgeloupe waeke. Coach Leon Pep Fredrix noom ut woord en maakde de opsjtelling bekend. Gerard sjting in de basis en Willem Thewissen begoosj op de bank. Willem: Trainer, woarom sjtoan die van de wanjelclub in de basis en motte die wat ummer komme, op de bank beginne? Eddy: Ich ben sjus blie dat veer eindelijk unne trainer hubbe dae allein noa voetbalkwaliteite kik. Paul Janssen, net terugk van un blessure, booj vervolges aan om d r naeve te beginne zodat Willem de basis in koosj. Ron: Welke sjportman lult zichzelf noe oet de basis? Paul: Ich wul rustig aan beginne. Niks forcere. Mat: D r zeen twee clubs wo se nooit moags vroage ofse d r naeve moags. De parenclub en de voetbalclub.

8 De wedsjtried ging goud geliek op. De eesjte helf woar, onger leiding van de opnuuj mitsjpelende Jean Maas, De Sjter waal dudelijk de geveerlijkere ploug. Al sjnel noom men de leiding wie Stef unne goeie assist van Micha, noa unne lange aanval, doeltreffend aafronjde. Nog veur de rust wis Jekerdal echter de geliekmaker te scoren op bezunjer fraaie wieze. Veer houwe zelf de pech dat zeker 5 eintaege-ein situaties sjtrandden op de geweldige keeper van Jekerdal. Noa de rust ging ut lekker geliek op. Beide plouge houwe last van de wermte en dus golfde ut sjpel op en neer omdat gegroepeerd terugktrekke neit meer te beloupe woar. Kort noa rust ongersjupte Rob unne bal in de opboew, dribbelde door tot vlak veur de keeper en lag toen breid op Ron Marchal dae de 1-2 binnesjoof. Jekerdal wis echter opnuuj geliek te make. Ut leek lang bie 2-2 te blieve. Auch op de bank houw men zich doa al bie neergelag. Op die bank zote euveriges, naeve coach Leon en de wisselsjpelers, auch sjpelersvrouwen Veronique en Resi en de mam van Jean Maas. Op ongersjtoande foto zeet geer dan auch van veur noa achter: Resi Conjour, Willem, Piele, Leon, de mam van Jean Maas en de rollator van Will Leurs: Jean loerde al de ganse wedsjtried op un kans om zien mam get sjoons te loate zeen. Die kans koom d r wie unne aafgesjlage veurzet veur de vuit van Jean rolde. Dae houw al gezet dat de keeper 3 maeter veur zien goal sjting en lifte de bal prachtig euver de hulpeloos sjpartelende keeper via de ongerkantj van de lat de bal binne. Un prachtige goal van ozze hoofdtrainer! En zo sjting ut 2-3 veur os. Helaas wis Jekerdal opnuuj de geliekmaker aan te teikene en mit dae 3-3 sjtandj woort de wedsjtried aafgesjloate. Noa aafloup woort de derde helf euvertugend mit 10-0 gewonne door os. Want die van Jekerdal woare sjnel vertrokke terwiel de mannen van Sjtein zich nog heel get te vertelle houwe. Mit name Mat Cremers amuseerde os waer mit zien geweldige verhoale:

9 Mat: Nine and a half weeks is un topfilm jonges. Micha: Joa Mat? Mat: Joewaal, mit Kim Basinger. Dae leich-inval in die scene es ze in ut trapgaat wurt gepak. Eddy: Anal Intruders 7, scene 5 is nog baeter Matje. Doa is Spartacus niks taege. En zo woare d r nog tal van goeie discussies van niveau, die ich uch zal besjpare. Angesj wult geer dalik allemoal bie de veteranen komme voetballe. De aafsjleiter van dees waek hubbe veer te danke aan un lek bie de walking footballers. Doe zouws verwachte dat die heren op laeftied, die waekelijks mit veul plezeier un belke trappe op ut Hetjen, alles binne de groep weite te haute. Maar nae d r zit d r altied waal eine bie dae (gelukkig veur os allemoal) get leuke info doorsjpeelt veur dit versjlaag. Ut relaas van deze snitch woort auch ongersjteund mit filmmateriaal en doarom durf ich dit dus auch te sjrieve. De setting is es volgt. Ozze walking footballers zeen in training es veurbereiding op unne wedsjtried bie Roda binnekort. Aan dae wedsjtried geit maar de helf van de 16 vaste walking footballers mitnumme. En dus houw men onlangs bedach dat ze ongerein un wedsjtriedje zouwe sjpele wobie de deilnummers aan de wedsjtried van Roda ut zouwe opnummer taege de res. Bie die res zoot onger angere Johnny van de Sjpin. Wie de wedsjtried verleep of eindigde onthul ich nog neit. Dat wurt namelijk allemoal onthult in ut filmke euver Johnny dat inmiddels is oetgelek en wovan ich de inhoud gaer mit uch deil. De setting is es volgt: Johnny kump thoes van ut voetballe. Voetbaltesj in de handj, bietje teneergesjlage. Zien vrouw Ietje zit lekker in de tuin te geneite van ut zönke.

10 Ietje: Hoi Johnny: Hoi Ietje: Enne? Johnny: Verloare. Ietje: Waaaat verloare??? Johnny: Maar bie die deige auch drie Belsje mit. Ietje: 10-1???? Johnny: 10-1 joa.. Ietje: Ich geluif das dich gek bes. Hie mit die tesj! Johnny: En bie die deig auch noa dae Ger Coumans mit. Mit die roze sjoon. Ietje: Dae kent tenminste waal voetballe. En doa op nump Ietje unne rigoureuze sjtap:

11 En terwiel Ietje nog get teksten toebeet in de richting van Johnny en kwoad noa binne trok, sjokte Johnny mit hangende sjouwesj d r achteraan. Ietje: Gangk dich jeu de boulen. Ich gaef dich op bie de jeu de boules club. Meh jong. Prutser! Johnny: Ja jonges, ut is gedoan mit mich dan. Succes verder he. Dae erme Johnny. Gelukkig kense in zo n gevalle ummer raekene op get sjteun van die ploeggenoten op de groepsapp:

12 Sjiek om te zeen dat geer zoveul sjpas hub, mannen! Ech geweldig. En Johnny, bie de veteranen besse ummer welkom. En aangezeen veer ut neit op os geweite wulle hubbe dat de walking footballers dan door motte mit un onaeve aantal, zeen veer mit pien in ut hart bereid om ozze beste sjpeler Will Leurs in te rule. Pes volgende waek. Rob Sjulpe