De Sjter 1 levert heerlijke teamprestatie; Bo scoort waer 5x veur winnende dames; Maar Will Leurs is de absolute man van dit sezoen!!!

Transcriptie

1 De Sjter 1 levert heerlijke teamprestatie; Bo scoort waer 5x veur winnende dames; Maar Will Leurs is de absolute man van dit sezoen!!! Waw! Ut woar mich un weekendje veur os seniorenteams. Op t programme sjtinge veur un aantal teams regelrechte topwedsjtrieje. En de teams die unne wedsjtried van niks op t programma houwe sjtoan, maakten d r sjus geweldige shows van. Os eesjte elftal leverde un geweldige teamprestatie in Baek. De 1-2 euverwinning woar neit t resultaat van sjprankelend voetbal, maar waal van un hecht collectief dat ten koste van alles wol winne. Os tweede elftal blif helaas in unne negatieve spiraal qua resultaten. Opnuuj woorte väöl sjpelers gemis en moosj un beroep waere gedoan op un veiertal jeugdsjpelers. Ut resultaat woar un nederlaag taege EHC 2. Ut driede sjpeelde taege de ploug die direct boave hun sjteit op de ranglies. Coach Gooren sjteunde zien troepen moreel vanoet Kreta. In os eige kikkerlandje sjpeelden de mannen van 3 unne heerlijke wedsjtried, maar moosjte ze oeteindelijk genoegen numme mit 1 punt. Ut versjlaag euver dae wedsjtried van ut driede is euveriges must-read materiaal! Ut viefde moosj ut opnumme taege koplouper Gelaen Zuid en maakte t de koplouper nog aardig lestig, ondanks t feit dat oeteindelijk t hoofd geboage moosj waere. De dames hoalden waer ens flink oet en hubbe door un flinke reeks euverwinninge zelfs waer zicht op de titel. En de vets tot sjlot wonnen dik in Susteren en zoge bovendien hunne targetman Will Leurs un historische prestatie levere. Maar auch naeve t veldj gebeurde d r waer vanalles. Zo ontpopte de joarige dochter van de elftalleider van ut eesjte zich dit weekend tot un woare hooligan. Bastiaan Muijtjens woort gecyberpest door de über-sjattige breurkes Timo en Mike. Bovendien bleek dat veer benne os vereiniging nóg sjattigere breurkes hubbe dan die twee. Auch auwt-keeper Esat Kara deig van zich sjpraeke op de social media. Rene Gooren deit uch de groeten vanoet Kreta. Randy Wanten lup in un laere jeske op Kingsland. Bie de dames lup un Syrië-sjtrijdster rondj. Devon Moerkens deit un pötje latje-tik mit de vrouw, mit unne logische winnaar. Ron Marchall ging op de motor noa Susteren en veur Willem Thewissen is de moat noe bienoa vol. Kortom: genog te besjpraeke. Dus loate veer maar ens sjnel beginne. En dat doon veer dees waek mit os dames. Die houwe unne vrie gemekkelijke taegesjtenjer op t programma sjtoan en dus woort d r massaal aafgemeld veur de training en dompelden de ladies zich onger in t festival-feestgedruis. Op ein van de oetgelekte foto s sjtinge Samantha en Siri, maar Rene Gooren vonj zelfs vanoet ut zonnige Kreta aanleiding om un woordgrepke euver die foto te make.

2 Op zondig mochten de dames thoes aantraeje taege RKMVC oet Mechelen. Coach Tom Keulen houw t d r maar druk mit, omdat vaste vlagger Boy van den Akker aafwezig woar. Gein probleem veur Tom, want dae kent prima coachen mit de vlag in de handj (speciale aandacht veur de subtiele woordgrap van ozze ladies in de letste weurd van dat tekstballonnetje):

3 Tom houw zien sjpeelsters opgedragen om de oetsjlaag zo groot muigelijk te loate oetvalle, es wraak veur de sjlechte behanjeling die os dames gekrege houw bie de oet-wedsjtried in Mechelen eerder dit sezoen. Hae sjtuurde zien ploug de wei in mit de volgende opsjtelling: Kis: Dyonne Achter: Robin, Jill V, Rachel en Lonneke Midden : Nikky, Joy, Siri en Kyra Veur: Samantha en Bo Joa, geer laes t goud. Robin Martens maakte heure rentree noadat zie drie joar geleje tiedes de kampioenswedsjtried un blessure houw opgeloupe. Hoapelijk is Robin noe eindelijk aaf van al dat zelf-mitlieje en geit ze eindelijk ens tied vriemake om heure vrundj Bartje Linders ens de verzurging te gaeve die hae neudig haet om zelf waer fit te waere. Veer raekene op dich, Robin! En sjiek dasse waer fit bes! Om hunne trainer Tom get op de nerve te wirke sjpeelden ozze dames ut eesjte kwarteier dramatisch sjlech. Doanoa woort t gaaspedaal echter flink ingetrap en leep de score gesjtaag op. Via doelpunten van Bo (5x), Samantha (2x), Rachel (1x) en Siri (1x; vanoet unne rechsjtreekse vrieje trap!) leep de score op noa 9-0. Un prima prestatie wodoor ozze dames koplouper Hulsberg tot op 2 verleispunte zeen genaderd. Desondanks zuut t d r haer oet dat men genoegen mot numme mit de 2 e plaatsj omdat Hulsberg allein nog maar wedsjtrieje taege de sjtaartplouge houf aaf te wirke. Desalniettemin un prima prestatie van de dames! Van de dames goan veer noa De Sjter 2. Die mannen make un zeer vervaelende tweede sezoenshelft door. Ut motte oethelpe van 1, ut motte misse van sjpelers die al te väöl wedsjtrieje op 1 hubbe gesjpeeld om nog op 2 te moage sjpele, en un sjtortvloed aan blessures hubbe d r veur gezurg dat d r vanaaf jannewarie jeder weekend jeugdsjpelers moosjte oethelpe. Dat is op de eesjte plaatsj sjiek veur die jong jonges. Ze doon ervaring op onger unne goeie coach en aan de zie van un aantal ervaren rotten. Euver de inzet kent auch niks verkeerd gezag waere. Maar de resultaten zeen gans 2017 helaas al beroerd. Auch dit weekend moosj men, ondanks treffers van Steve Krijgsman en Luc Spaans, mit 4-2 ut ongesjpit delven taege EHC 2. Baeter dus om neit te väöl weurt aan t voetballende gedeilte voel te make. Gelukkig maakten de mannen naeve t veldj waer unne houp mit aafgeloupe waek. Te beginne mit keeper Bastiaan, dae veurige waek in de kantine door teentalle luuj woar gevroag of hae gesjtop woar mit sjporte. Un leuke sjtreek van Willem Thewissen, dae get luuj houw opgesjteuk. Willems naefke Timo Haberland ploagde nog effe lekker door. Bastiaan leet dat echter neit zomaar euver ziene kantj goan:

4 Dat klonk sjtrijdbaar van Bastiaan, maar nog gein 48 oer later woort hae alwaer vettig sjranzend op de foto vasgelag:

5 Waer unne daag later ging Bastiaan mit zien matties Wesly, Randy en Jari noa Kingsland. Randy houw aanvankelijk beheurlijk get praatjes mit zien (kiete)laere jeske. Maar wie t duuster woort, houw ozze milfhunter heel get minder te melje, getuge de foto: Dat Randy d r op foto s in dit versjlaag geregeld neit zo intelligent oetzuut, woar euveriges auch un aantal ambtenaere op t Ministerie van Volksgezondheid opgevalle. Die besjlote doa maar geliek un ongerzuikske aan te wieje:

6 Ich adviseer de mitlaezende ambtenaere op t Ministerie om Randy auch te benadere veur un ongerzuik of mannen mit un grote naas auch groot geschapen zeen, én veur un ongerzuik of mannen die veur hun werk un befke drage auch bedreve zeen in orale bevrediging van ut angere gesjlach. Auch unne auwt-sjpeler van De Sjter 2 deig dees waek van zich sjpraeke. Ut betruf keeper Esat Kara dae in de winjtersjtop is vertrokke omdat hae in Belsj urges eesjte keeper koosj waere. Omdat Esat zich sinds de komst van Geoffrey es eesjte keeper veurbeeldig houw gedrage woort m die kans door al zien medesjpelers en zien trainers gegund. Ut woar un tiedje sjtil gewaes rondj Esat, maar dees waek koom doa verangering in. Esat bleek kampioen te zeen gewoare mit zien zaalvoetbalploug en figureerde op acrobatische wieze op de kampioensfoto. Opvallend detail op die foto is dat Esat bliekbaar in de zaal keep in un De Sjter-warming up shirt. Zo n shirt houwe veer eerder al aangetroffe om t bezjweite lief van Peter Paes, dae in de sjportsjool sjting te kickboksen. Hoog tied dat ich mich auch ens zo n shirtje goan klauwe, want doa is t bliekbaar lekker in sjporte. Doanaeve becommantarieerde Esat t nuujsbericht dat Kruidvat un zjwangere vrouw gein toesjtumming houw gegaeve om binne de wc te gebroeke, op zeer eloquente wieze: Tied om door te goan noa de mannen van 3. Die houwe dit weekend unne kraker op t programma sjtoan. Taegesjtenjer SVE 2 sjting immers maar 1 plaatsj boave ozze mannen op de ranglies. En door de sinds winjtersjtop behoalde punten houw men dit weekend de kans om, bie un euverwinning, de rooje lantaarn euver te gaeve aan SVE.

7 Ut driede moosj deze belangrieke wedsjtried sjpele zonger heure coach Rene Gooren, dae doodleuk vakantie vierde op Kreta. Veurige waek berichtten veer al dat Rene druk aan t karaoken woar in de locale barretjes. Dees waek deig Rene ut rustiger aan: In café de Poart bromde unne neit nader te nuime veteraan, noa t zeen van dees foto: Kent die achterlijke ko neit geweun goan zoepe in t dörp?! Dat Rene zich mit zien sjlech getimede vakansie neit populair houw gemaak bie zien sjpelers, bleek waal oet de reactie die hae kreeg, wie hae op de groepsapp van 3, om input vroog veur dit versjlaag:

8 Oeteindelijk koom d r tóch nog un beheurlijk versjlaag, dat rech deit aan de prestatie van de mannen van 3. Mit dank aan correspondent (én keeper) Roy Visschers. Ut wurt hoog tied dat ich dem aan de groepsapp goan toevoegen in plaatsj van Rene. Want dit is sjmulle: Ondanks t sjoone waer vonj Rene vochvraeter Gooren t neudig om mit zien klitsen op t sjtrandj in Griekenlandj te goan ligke. Angere aafwezige woar sjterkhouwer Thijs Kemp dae nog ummer auwie aan ziene teen haet. Noa un uuterst professionele warming up van bel euver t vangnet haer jage, de sjeun sjtrikke en in de zon ligke, woar t tied om te beginne. SVE begoosj mild aan de wedsjtried en ut driede kreeg voldoende ruumte om te voetballe. Al sjnel woort Mick op de brommer langs de zielien gesjtuurd: kupke achtereuver, heurkes in de wintj en weg woar r. Hae leverde de bal sjoon aaf bie Robin snooki Janssen, dae uutesj keul bleef en de bal binnesjoof. Gelukkig maar want de vriendin sjting langs de lien. Es dát nog gein reje veur seks is, weit ich t auch neit meer SVE woar nog ummer veugelkes aan t kieke en keem neit ech in t sjpel veur. Roy, dae mit unne gekneusde wiesvinger sjpeelde (v r vermoeden nog ummer dat Inge doa get mit te make haet) moosj unne terugksjpeelbal wegjagen en wonjer boave wonjer koom de bal auch nog oet bie Chris dae zei mien ex auch ummer Boselie terech. Dae maakte un sjoon combinatie mit Ralph de pruus a.k.a. pizzaboy Janssen. Ralph, dae wie un paerdje zo blie langs de lien galoppeerde goof unne goeie lege veurzet. Chris woar mit op gekomme, maar hae bewaarde t euverzicht en deig un euversjtepke-deluxe. Dat zoog d r zó euvertugend oet dat menigein vermoedde dat hae geweun mit de sjnelheid van t leech un gaat in de loch sjtampde. Zo koom de bal bie Mick terech dae de 2-0 scoorde. SVE woort eindelijk wakker en begoosj de druk op te veure. Dat leidde tot un grote kans: de sjpits woar echter neit sjerp bie de 2 e poal en sjtampde de bal taege Roy op (dae natuurlijk zelf waer dach dat hae un geweldige redding gemaak houw). Neit veul later scoorde SVE esnog de 2-1. Dat woar auch de rustsjtandj. Noa de rust koom SVE sjteeds wiejer opzette en ut driede wis d r neet good roat mit. Doordat Lars de bal te zach terugk sjpeelde, of doordat Roy sjting te pitte, koosj de sjpits van SVE solo op de kis aaf 2-2 dus. Ut driede leet t d r echter neit bie zitte en Maikel soldier-boy Melis moch aanlegke. Robin Janssen dach echter wach effe, mien vriendin en pap en mam sjtoan langs de kantj; dae bal is van mich en hae raakte de bal nog aan: 3-2! Doanoa woort t mit de batsen biejein verdedigen. SVE zat aan en ozze jonges woorte meug. Ach minute veur tied moosj t zo zeen. Eine van SVE brook door aan de linkerkantj en sjoof de bal in de lange hook. Keeper Roy woar achteraaf van meining dat hae dem houw motte hubbe. Helaas, toch waer unne gelieke sjtandj, en ozze jonges koosjten gein voes meer make. Sjterker nog: ut woar aan un geweldige redding van Roy in un 1 taege 1 situatie te danken dat t punt euver de sjtreep getrokke woort. Joamer dat sjlechs 1 punt woort behoald en dat de kans op t verloate van de letste plaatsj woar verkeke. Desondanks un prima prestatie van de mannen van 3, die hunne vaste

9 supporter Frans Janssen bedanken veur zien sjteun. Ummer d r bie en ummer optimistisch. Frenske bedank. En names alle laezers un bedankje aan Roy Visschers veur dit super-de-luxe versjlaag. Lekker jeder waek doon, Roy! Van ut driede goan veer door noa t viefde. Die mannen hubbe drie wedsjtrieje op riej gewonne en zote dus in unne geweldige flow. Dat bleek echter geinszins aanleiding om te goan traine op vriedig. Zo wie zo vaak woort ut viefde allein door Ralph Doek en Devon Moerkens vertegenwoordigd op de training van de legere elftalle. Devon houw zien nuuj vlam mitgenomme noa de training en wol vanzelfsjpraekend zien skills loate zeen. Aan t eind van de training besjloot Devon un pötje latje-tik te doon taege de vrouw. De eindsjtandj van 5-0 in t veurdeil van de vrouw uiteraard zal nemes verbazen. Ralph sjtruijde nog get zout in de wonje: Klasse dasse dat sjpelke zo mitsjpeeldes Devon. Veer weite natuurlijk allemoal dat d r maar 1 reje woar, das doe dien vruike leets winne mit latje-tik ouwe player! Ut viefde moosj aantraeje taege koplouper Gelaen Zuid. De mannen van Gelaen maakten geliek dudelijk wae de baetere ploug woar, want t sjting al sjnel 3-0. De prachtige 3-1 van Brahim zurgde echter veur unne ommekeer. Ozze mannen woare flink aan t drukken en de aansjleitingstreffer hing in de loch. Dae koom d r helaas neit en Gelaen woar vlak veur rus aan de angere kantj wáal effectief en scoorde de 4-1. De köpkes ginge desondanks neit omleeg bie os mannen. De ganse tweede helft woort Gelaen mit de rugk taege de moer gezat in unne poging alles of niks. Helaas scoorde de leper koplouper vlak veur tied nog de 5-1. De bal wol d r geweun neit in.. en t vizier van de breurs Michel en Devon sjting volges Ralph Doek auch neit gans op sjerp.. Ilona van Stan Ortmans woar veur t eesj in drie waeke waer ens komme kieke, maar ze woar pas noa de rust gearriveerd, dus aan heur aanwezigheid loog de nederlaag neit. Ralph sjloot zien rapport aaf mit de sjtriedlustige tekst: es ver noe geweun de res winne, kenne ver nog 4 e waere zou netjes zeen. Volle gaas!!!!

10 Tied om noe ens get aandacht te besjteje aan os eesjte elftal. Dat sjteit op de 3 e plaatsj van de ranglies en moosj aafgeloupe zondig aantraeje taege Caesar, dat op de 4 e plaatsj sjteit. Ut belang van de wedsjtried woar gigantisch. De 3 e plaatsj geef immers rech op noacompetitie-voetbal. Veur twee sjpelers houw deze wedsjtried un speciaal tintje. De gebroeders Timo en Mike Haberland verdedige dit sezoen immers t gael-zjwart, maar hubbe de joare doaveur bie Caesar gevoetbald. Un reje veur hunne greutsje nonk Willem Thewissen om un tweetal foto s te deile mit Sjtein: Wát un geweldige foto, die eesjte. Wát un sjattige menkes vruiger. Wie de sjriever van dit sjtuk dees foto deilde mit de res van de groepsapp van reporters, reageerde Jari Knoops echter mit n foto van n nóg sjattiger sjtel breurkes:

11 Coach Czornyj moosj t deze belangrieke wedsjtried doon zonger un aantal aafwezigen. Guido Rutten en Roel Heffels ontbroke achterin vanwaege blessures. Thijs Nieuwland ontbrook veurin vanwaege un sjorsing. Ozze trainer moosj dus goan sjuve in zien ploug. Kindj van de raekening woar Giel Piereij dae van de sjaduwsjpits-positie verhoesde noa de linksback-plaatsj. En ich wul bie deze effe gezag hubbe dat ich t grote klasse venj van Giel dat hae zonger te mokken dit sezoen al haet gesjpeeld es rechsback, rechsboete, linksback, linksboete en sjaduwsjpits. Heerlijk veur unne trainer om zonne multi-functionele sjpeler in

12 de ploug te hubbe, dae neit zeurt en geweun op jedere positie geweldig voetbalt. Klasse Giel! Mike Haberland noom de positie van Giel op t middenveldj euver. De opsjtelling van ozze mannen woar es volgt: Kis: Geoffrey Achter: Timo, Paolo, Guido C., Giel Midden: Stan, Ricardo, Mike Veur: Hassan, Marko, Bob Bank: Bastiaan, Guillermo Euver de wedsjtried bereikte mich gein gedetailleerd versjlaag. Eín geluid woar echter dudelijk heurbaar oet alle kanalen: De Sjter leverde un Geweldige téam-prestatie in Baek. Ut betonnen veldj, de helle windj, de felheid van beide ploug en t échte derby-gevuil zurge in Baek ummer veur hots-knots-wedsjtrieje. Maar dat maak gein klote oet. Want auch van zo n wedsjtrieje kense geneit. Geneite van de sjtrijdlust van ozze jonges, van t nooit opgaeve, van de fanatieke coaching van Ronny, van t goudeerlijke vlaggen van Piet, van Giel dae Caesar geveerlijkste aanvaller Tom Peters in de tesj haet, van de ervaring en ut leidersjap en de oerdegelijkheid van Guido en Poalo achterin. Én van Timo en Mike. De mannen mit roots bie Caesar, die zondig unne geweldige pot sjpeelden taege hun ouwe ploug. Mit name Mike verdeint un heel, heel dik compliment veur zien sjpele. Köpke d r bie haute Mike, lekker in Sjtein blieve voetballe, dich zo blieve ontwikkele, en dan besse sjnel genog unne onbetwiste basissjpeler op 1. Kent nonk Willem nog 15 joar zo greutsj wie n pauw rondjlaupe op t Hetjen. Ut woar auch Mike dae aan de basis sjting van de 0-1 veursjprong veur ozze jonges. Ziene sjplietende pass resulteerde in unne prima sjtrakke veurzet dae door unne verdediger in eige goal woort gewirk. Es hae dat euveriges neit houw gedoan, houw zeker unne Sjtersjpeler geweun de 0-1 binnegetik. Caesar koom nog veur rust op 1-1. Dat beloafde dus nog un spectaculaire 2 e helf. Noa de rus woar t opnuuj unne grote sjtried. Beide plouge gove alles, maar de baetere kansen woare toch dudelijk veur De Sjter, dat oeteindelijk dan auch verdeind mit 1-2 won. De winnende treffer koom op naam van Marko. De sjpas bie de Sjteinder aanhang woar natuurlijk groot noa aafloup. Onger angere bie de joarige hardcore-fan, en dochter van elftalleider Frans, Yaël Beaujean. Die houw zich mit un pen get vermaak mit un in Baek ophangend wedsjtried-affiche. En auch bie Piet Vos, dae op facebook op vriedig al 3 punte veursjpelde en dae op zondig zien geliek koom hoale:

13 De sjriever van dit sjtuk toonde zich unne miereneuker eesjte klas door te wieze op un sjpelfout in t bericht van Piet: Wesly Wanten mirkde terech op dat Jo van Funs vas maagpien zou kriege van zo n sjpelfout. Get appverkeer van unne daag eerder tusje Jo en de sjriever van dit sjtuk euver de oapening van de kantine bie de jeugdwedsjtrieje leet echter zeen dat auch Jo neit foutloos is al hersjtelde hae zelf geliek zien fout:

14 Randy Wanten koosj waal lachen om dat bericht: Maar goud, veer dwalen aaf van de heerlijke prestatie van os eesjte elftal. Es nog 1 van de letste twee wedsjtrieje wurt gewonne (of Caesar nog unne keer punte versjpeeld) is de 3 e plaatsj binne en plaatsje ozze jonges zich dus opnuuj veur noacompetitie-voetbal veur promotie. Un prima prestatie waer! De verrichtingen van os eesjte elftal woorte euveriges belangsjtellend gevolg op de veteranen groepsapp. Piele houw bliekbaar de lol-brook aan:

15 Willem verveel doa op waer in t taalgebroek dat veer van m gewend zeen. Gelukkig goof Rudy Crutzen m ziene zin, veurdat t nóg erger woort. Veer sjleite ut verhoal euver os eesjte aaf mit unne oproup aan os vaste laezers. Es dit versjlaag wurt rondjg d noa de leje van de supportersclub dan zit doa auch altied un elftalfoto bie oet lang vervloage tieje mit de oproup aan de supporters om de name van de betreffende vedettes door te gaeve, es ze emes herkenne. Dat verzuik wul ich noe auch aan uch doon. De foto is echter neit oet lang vervloage tieje, maar ut betruf un zeer recente.

16 Sjterker nog, ze is veurige waek gemaak. Dudelijk zichtbaar op de foto is Wesly Wanten. De man dae al joare langk achter un gesjloate deur op vriedigoavend en zondigmiddig de sjpeelsters van os damesteam masseert, taped en verzurg. Wat zich achter die gesjloate deur dan allemoal precies aafsjpeelt, moag medicus Wesly, vanwaege ziene beroeps-eed, neit deile. Ut moage echter dudelijk zeen dat d r minimaal eine keer get meer is gebeurd dan allein massere, getuge ongersjtoande foto. Aan de laezers t verzuik om te kieke of ze geliekenisse zeen mit ein van de sjpeelsters van os damesteam en dat te deile mit de redactie: Noe res os nog maar eín team en dat zeen natuurlijk ozze veteranen. Die moosjten dit weekend aantraeje taege ut tweede veteranenteam van Susteren. Willem Thewissen, dae ummer perfect alle wedsjtrieje regelt, koosj neit aanwezig zeen. Bie zien femieje in Groningen verkneukelde Willem zich zoaterdigmiddig al om t feit dat t verveur noa de wedsjtried waarsjienlijk compleet in de sop zou loupe, omdat Marc Lacroix dat noe moosj regele. Dat zou waarsjienlijk waer beteikene dat jederein op eige houtje noa Susteren rit en de helf te laat of gaar neit aankump, houw Willem zich bedach. Dat bleek alleszins mit te

17 valle, zo leet de sjriever van dit sjtuk aan Willem weite vanaaf de parkeerplaatsj van t Hetjen op zoaterdigmiddig. Willem reageerde not amused: Veurdat vertrokke woort noa Susteren, moosj nog effe bepaald waere wae, bie wae in de auto zou sjtappe. Ron Marchall houw un dudelijke veurkeur. Ron: Ich sjtap in jeder geval neit bie Will Leurs in de wage. Ich wul neit dat de plisse doa mien vingeraafdrukke vinje. Aangekomme in Susteren bleek dat Ron oeteindelijk gaar neit mit de wage, maar mit un anger verveurmiddel woar gekomme:

18 Aangekomme in Susteren, bleek de A1 doa hunne kampioenswedsjtried te sjpele. D r sjtinge waal 200 luuj langs de kantj te kieke. Ron deig un observatie die de luuj in Susteren deig lache. Ron: Miljaar, die kinjer hubbe waal veul ouwesj. Mosse get zeen langs de lien. Zeen zeker allemoal samegesjtelde gezinne. Doanoa koom t gesprek op de vakansie vierende coach Leon. Dae houw un foto gesjik van zien zonnebadende vrouw Corry. Piele sjtelde doa un vroag euver aan Ron. Piele: Dat d r gein reactie koom van dich op die foto van Corry? Ron: Woar dat Corry van Leon? Die houw ich neit herkend mit kleijer aan. Vervolges koom t gesjprek op Math Caanen. Dae is sinds un joar terugk in Limburg, noa joare succesvol carrière make bie de Shell in t westen van t landj. Noe geneit hae van zien pre-pensioen. Ron: Caan is sjus Willem. In Limburg nump nemes ze serieus. Die motte verhoeze om urges succes te hubbe. Piele: Deis doe op vandaag auch get angesj es op ut terras zitte, Caan? Ron: Loat dae man mit rus. Dae haet zien ganse laeve gewirk. Dae is extra hie haer motte verhoeze omdat ze hie gein werk veur m hubbe.

19 Will Leurs houw intusje geconstateerd dat Willem Thewissen neit d r bie woar. Will: Kump Willem vandaag neit, jonges? Ron: Nae, doe bes vandaag de einige sjlechte Willem. Will: Waal waer veul sjpelers vandaag, zegk. Veurige waek woare t d r maar 12. Stef: Nae, 11. Ron: Eigenlijk 10, esse Will mit tels. Eddy Ubbink koom get later binne, omdat hae eesj nog effe de kantine van Susteren woar ingeloupe. Hae brach nuujts dat Roger d n Doam wie meziek in de ore klonk. Eddy: Jonges, in de kantien hie kos unne frikandel speciaal maar eine euro veertig. Roger: Zet mich de eesjte helf maar d r naeve trainer. Ich loup nog effe de kantien in. Ron: Hie 200 maeter wiejer op kos t piepe maar 50 euro. En dan moagse gratis aete. De wedsjtried begoosj en eerlijk gezag woar t un draak van un eesjte helf. Noa 35 minute wanjele, verkeerde passes, nul komma nul bewaeging (boete de rushes van Denny V.) en unne houp gezeiver sjting d r unne 2-3 rust sjtandj op de borden. Meest opvallende moment vonj plaatsj in de middencirkel wo Roger Daemen veur de 3 e keer in 3 minute taege zien achillespezen woort gesjtamp en doa op ziene taegesjtenjer flink in de zak kneep. Wie dat gesust woar mit un leuke opmerking van Ron ( ích mot doa normaal flink veur betale om in de zak geknepe te waere; doe krigs dat veur niks), floot de sjeids veur de rus. Vanaaf de bank en vanoet t kleidlokaal woort de res van de vereiniging op de hoogte gebrach van de ontwikkelinge in de eesjte helf. En dan mit name euver de man dae alle goale veur De Sjter veur zien raekening houw genomme:

20 Mat Cremers woar desondanks vriej kritisch noa zien ploeggenote. En de aanveurder houw doa volkomme geliek in. Des te heerlijker is t dan es zo n kritische noot geliek gecounterd wurt mit n gortdreuge hilarische reactie, zo wie allein Eddy Ubbink dat kent. Mat: Jonges, sorry heur, maar t lup auch allemoal ram doorein op dat veldj. Eddy: Dat kump door die gruine. Die blieve neit sjtoan. Die bewaege de ganse tied. Noa de rus ontpopte de wedsjtried zich tot ein grote show. Op de eesjte plaatsj dankzij Steef van de Woude. Dae houw de teller dit sezoen nog op 0 doelpunten sjtoan en houw veur de wedsjtried auch waer get prikkelend commentaar gekrege:

21 En Steef maakte die oetsjproak auch volkomme woar. In de eesjte helf woar hae nog veur aangaever en dreh-und-angelpunkt van de ploug. In ut tweede deil ontpopte hae zich tot aafmaker-superbe. Hae scoorde twee keer, wovan de eesjte bezunjer woar. Nog maar unne moandj geleje houw Steef immers in t kleidlokaal oetgebreid verteld euver n ziekte die hae in de kop haet, wodoor hae van de dokter neit moag kuppe. Es hae dat waal deit, kent dat t letste zeen wat hae dit laeve haet gedoan. En wat denk geer: De veurzet van Ron (4 assists zoaterdig) woar aafgemaete, Steef sjprong op, bleef in de loch hange, zien medesjpelers keke versjrikt toe, en Steef knikte de bal soeverein taege de touwen. Steef leep juichend weg en leet zich, tot jeders sjrik valle en bleef effe ligke, om vervolges lachend op te sjtoan. Noa aafloup zou hae in de kantien van Susteren zegke: Tja Rob, iech deeeenk dat iech bie die kupgoal effe unne liechte tia hub opgelope, maar ja diech kens miech, ich speul gewoen dooooeeer. Auch Stef Conjour pikte zien waekelijkse goalke mit. Maar de absolute man of the match woar toch Will Leurs. Want noa ziene hattrick veur rus, prikte hae d r noa de rus doodleuk nog twee bie. Unne man van 67 joar dae 5x scoort in 60 minute voetballe (Susteren besjloot 10 minute eerder te sjtoppe). In ein woord: fantastisch! De eesjte in Sjtein dae m dat geit noadoan mot waarsjienlijk nog geboare waere. Will noom de wedsjtriedbal onger zien shirt mit noa hoes. Zien echtgenote Mia woar terech greutsj:

22 En auch Willem Thewissen brach un terechte ode aan de geweldigde Will: Ut letste woord is dit keer gewied aan unne dialoog op de veteranen groepsapp. Woarom? Neit allein omdat dae dialoog grappig is. Nae veural omdat dae dialoog eigenlijk prima samenvat wie unne minsj zich ontwikkelt. Van unne jonge man dae de ganse welt aankent, noa unne rebelsje midlifer dae kwoad wurt omdat zien krachten aafnumme, tot unne wieze man dae berust in zien lot, tot unne ouwe man dae greutsj terugk kik op zien verleje:

23

24 Maar veur al die veertigers en vieftigers die, net zo wie Willy de Worm en Willem Thewissen t sjtadium hubbe bereik dat ze berusten in hun aafnummende fysieke kwaliteiten en die tevreje zeen mit terugkkieke noa hun gloriedaag weit dat d r sinds aafgeloupe zoaterdig waer leich aan t eind van de tunnel is. Will Leurs haet de waeg veur uch geëffend. Geweun blieve doorgoan, blieve komme voetballe. Auch al roupe uch teamgenoten mit de waek helder dat geer mot thoes blieve. Blief komme. Want auch veur uch kump d r mesjiens zonne daag zonne glorieuze zoaterdig urges op un kunstgraaswei dat auch geer mit de wedsjtriedbal onger de trui noa hoes moag dat uch vrouw op facebook sjrif dat ze greutsj op uch is omdat Ron Marchall 5x de bal taege ugge kop aansjtamp en dae bal 5x plompverloare in ut netje caramboleert. Lang laeve de hoap! Lang laeve de vóetballer Will Leurs! Rob Sjulpe