Notulen joarvergadering 2017 De Ster Veteranen 10 maart 2017

Transcriptie

1 Notulen joarvergadering 2017 De Ster Veteranen 10 maart 2017 Presentielies Besjtuur (3): Ut voltallige besjtuur, in de personen van Rene Hillen (veurzitter), Willem Thewissen (secretaris) en Jos Muris (penningmeister) Aanwezige leje (31): Denny Vorstermans, Eddy Ubbink, Gerard Martens, Rob Schulpen, Gé Hügel, Huub Driessen, Jack Linders, John Jacobs, Jos Driessen, Levi Nelissen, Marc Lacroix, Mat Cremers, Math Caanen, Misha Dreessen, Paul Janssen, Chrit Dreessen, John Thewissen, Piele Smeets, Ralph Dreessen, Robert Kraus, Robert Lucassen, Roger Daemen, Ron Marchal, Steef van de Woude, Stef Conjour, Stefan Janssen, Thijs Otten, Will Leurs, Willy Worms, Paul Houben, Graad Smeets Aanwezige sjponsor (1): De heer Pleunis in verwachting euver de veurtgang van de door heum gesjponsorde en door Mat Cremers te besjtelle kostume. Aafwezig woare (9): - Frank Rutten zakelijke prioriteiten - Frans Janssen vakantie - Jack Dassen hielspoor (en vakantie) - Jos Keulen sjteunend lid; aafmelding neit noodzakelijk - John Dietz sjteunend lid; aafmelding neit noodzakelijk - Leon Fredrix wirke aan huwelijk - Rob van der Linden Leeuw Bier-allergie (en babysitten) - Marcel Frissen formele aafmelding es lid - Peter Janssen op gounsdig krank zonger veuroetzichte op baetersjap. De datum van de crematie woar op t tiedsjtip van t make van dees notulen nog neit bekend. Laatkommers: - Misha Dreessen netjes gemeld en eerder aanwezig dan aangekondigd. Woveur hulde. - Will Leurs netjes gemeld en net op tied aanwezig veur ut belangriekste agendapunt.

2 Besjteitinge veuraafgoand aan de vergadering Geconstateerd moag waere dat veurzitter Rene de agenda van de vergadering (mit doa op maar leifs 25 agendapunten) netjes op tied houw opgesjik noa alle leje. Datzelfde gold veur ut toesjture van de notulen van veurig joar door secretaris Willem en auch veur t toesjture van ut contributieeuverzicht door penningmeister Jos. Op de daag van de vergadering zurgde un appje van Jos Driessen, stagair bie de feestcommissie, veur onrus: Gelukkig hoalde Mat sjnel de angel oet de discussie:

3 Al woare zowel de penningmeister es de veurzitter neit gans gerus gesjteld door dees reactie van Mat. Ron Marchal dach te weite wat d r aan de handj woar: Gelukkig sjtelde Mat jederein gerus mit de constatering dat dae aovend nog alles oetgebreid aan de orde zou komme in zien presentatie:

4 Binnekomst en culinaire verzurging Tusje zeve oer en hauf ach druppele de veteranen in plukskes binne. De entree van Marc Lacroix levert verbaasde gezichten op en un hartverwarmend gesjprek: Marc: Goeie oavend allemoal. Piele: Enne, neit noa Fortuna? Marc: Die sjpele oet vanaovend. Piele: Venlo is toch neit zo wiet? Marc: Ich kom veur uch. Gerard: Veur mich houwse neit houve komme. Marc: Nae noe ich dat gezich van dich waer zeen, woar ich inderdaad lever noa Venlo gegange. Willem Thewissen kump binne en vreug aan John Jacobs: Johnnie, is Pesso vanoavend hie of ken ich de jas geweun ophange? De eesjte pinten en sjoeskes waere besjteld en jederen kup unne raffel bonnen. Aafgesjproake wurt dat Stef de bonnen beheert en de ganse oavend verantwoordelijk is veur ut broodneudige vocht tiedes de vergadering. Stef nump dees taak mit leifde op zich en Lies en heur assistente besjleite om mysterieuze rejene om Stef de res van de oavend Mark te nuime. Lies sjut effe in de sjtress dat Mat Cremers aangeef dat hae niks te aete haet geregeld. Dit wurt echter prima opgevange. Per persoon waere, versjpreid euver de oavend 2 bek zoute pinda s en 3 ganse frikandelle geserveerd. Roger Daemen moosj vanwaege de vergadering zien waekelijkse pilates-les aafzegke en besjloot doadoor maar 2 frikandelle tot zich te numme, wodoor de ganse vergadering unne kouwe frikandel veur zien naas op toafel haet gelaege. Veer danken Lies en heur assistente veur de goei verzurging en hoape dat veer auch kommend joar waer welkom zeen om os joarvergadering in t prachtige Café Jacobs te haute. Wiejer wurt besjloate om volgend joar op de vergadering in sjtumming te brenge om Stef Conjour veurtaan auch op t veldj mit Mark aan te sjpraeke. Wellicht dat hae dan wáál ens unne bal geit aafgaeve. Mat Cremers kump tot sjlot binne en begint mit zien assistenten/stagaires John Jacobs en Jos Driessen al aan t installeren van ziene beamer en zien zjwevend sjerm. Op t moment dat Rene bienoa de vergadering geit oapene, sjut Jos Driessen nog effe John Jacobs en Mat Cremers aan. Jos: Motte veer es feestcommissie nog effe biejein zitte vanteveure? Mat: Nae, dat hubbe veer vanmiddig toch gedoan?

5 De reactie van Jos en John deit angesj vermoeden: Oapening door de veurzitter Rene oapent de vergadering mit de constatering dat ut statutair vereiste minimum aantal leje aanwezig is. Vervolges constateert hae dat veer dit joar t 50 joarige jubileum van de Sjter veteranen viere. Mat Cremers zal in zien presentatie aandacht besjteje aan de feestelijkheden die in dat kader georganiseerd goan waere later dit joar. Wat al bie jederein bekend is, is dat dit feest wellicht rondjom un ech boere-broelofs-feest wurd geboewd. Wiejer haet Rene un versjlaag gevonje van t 25 joar geleje gevierde 25-joarig jubileum van de veteranen. Dat 25 joar ouwe versjlaag betruf un prachtig relaas euver unne feestelijke middig en oavend, dae echter op dramatische wieze eindigt mit t euverlieje van un lid der veteranen tiedes de jubileumwedsjtried. Ron: Dan zet mich maar d r naeve bie ozze volgende jubileum-wedsjtried. Es jederein un bietje is bekomme van de shock, wurt waer un vrolijkere noot aangesjlage mit de constatering dat ut idee van de boere-broelof mesjiens vervange kent waere door un feest rondjom de crematie van wanjelende medische encyclopedie Steef van de Woude. Eesjte deil van de vergadering (veurprogramma) Tiedes ut eesjte deil van de vergadering wurt in rap tempo un aantal agendapunten aafgewirk: Willem Thewissen constateert dat alle oapesjtoande actiepunte van de veurige vergadering zeen aafgehanjeld. Wiejer constateert Willem dat hae veurig joar nog zou terugkkomme op ein oapesjtoand

6 actiepunt vanoet de vergadering van 2015, maar dat hae dat punt destieds neit meer koosj laeze doordat hae ziene laesbril neit bie zich houw. Dat punt is toen doorgesjoave noa dit joar. Willem geef aan dat hae de aanteikeninge inmiddels kwiet is. Rene reageert kordaat en besjlut om dat punt door te sjuve noa Jos Muris deit unne terechte oproup aan de leje om de achtersjtanje in de veteranen-contributie in te loupe. Concreet waere twee zaken aafgesjproake: - Jos voeg unne kolom toe aan zien (door sommigen es rejelijk oetdagend ervaren) oetgebreide excell-euverzicht, wo in t te betale bedraag per persoon dudelijk wurt vernuimp. - Wae de contributie neit haet betaald veur 1 april, moag veurluipig neit meer voetballen. Un breid gedragen motie om de letste maatregel pas noa 1 april aan Will Leurs kenbaar te make, redt t oeteindelijk nét neit. Willem Thewissen (noa ut heure van de totale contributie-achtersjtandj): Ich begin die mythe euver dat drie keer modaal verdeine van jederein un bietje in twiefel te trekke. Ron Marchal (noa aanleiding van de door veurzitter Rene geopperde sanctie op t neit betale van de contributie): Hubs doe neit betaald dan dit sezoen, Rene? Mat Cremers sjut Jos Muris onger de doeve: Jos: Es de contributie neit betaald wurt, kenne veer auch gein jubileumfees organisere. Mat: Jos, doa kom ich in mien presentatie op terugk. Via een ingenieuze crowd-funding actie, geit dat jubileumfees neit ten koste van de veteranenkas. Gerard: Noe betaalt geine de contributie meer, achterlijke ko! D r komme nog vroage, noa aanleiding van de kas-controle, wo de post Bijdrage dhr. Pleunis op sjleit. Aangegaeve wurt dat dit de sjoonpap van Misha betruf, dae auch op de vergadering aanwezig is en dae royaal gesjponsord is. De heer Pleunis nump doa op t woord en rich zich tot Mat: Dhr Pleunis: Van dat geldj zouwe kostume gekoch waere. Wie zit t doamit? Res van de leje: Aha Matje, dat vroage veer os auch al un gans joar aaf. Mat: Kump in mien presentatie aan de orde. Gein zurg. Mat reurt aan dat hae vaak verwiete krig es veurzitter van de feestcommissie dat zien activiteite zjwoar euver t budget goan. Hae wis echter op t feit dat de activiteit van veurig joar sjlechs veur n klein bedraag ten koste van de kas is gegange. Mat: En dan moag auch ens gezag waere. Jos Muris: Doe hubs angesj nog heel get joare budget-euversjriejinge in te hoale, Matje. Mat geef aan dat auch de financiële biedrage van Pedro van de Poart besjtump is veur de te besjtelle kostume. Graad Smeets: Hmm, dae Pedro haet zelf angesj nooit get fatsuunlijks aan. Willem Thewissen geef aan dat hae de lies mit veteranen-leje ens haet doorgenomme en dat die grofwaeg in veier categorieën zeen onger te verleide, te weite: categorie 1: 19 leje die mit enige reigelmoat wedsjtrieje sjpele. Mit t opnumme van Levi

7 Nelissen in dees categorie wurt de term mit enige reigelmoat euveriges vriej breid geïnterpreteerd door Willem, zo is de meining van de meeste aanwezigen. categorie 2: leje die langdurig geblesseerd zeen en wellicht neit meer aan sjpele toekomme, maar waal bie de groep wulle blieve categorie 3: neit-voetballend actieve leje en sjteunende leje categorie 4: leje van wae veer os motte aafvroage of ze neit aafgeveurd motte waere van de leje-lies (punt hie-noa). Willem Thewissen geef aan dat Marcel Frissen haet aangegaeve, vanwaege blessures, neit meer door te wulle goan. Wiejer hubbe Frank Kellens en Math Haagmans impliciet loate mirke dat ze neit meer doorgoan bie de veteranen. Wiejer hubbe Thijs Otten en Jack Linders aangegaeve te wulle sjtoppe es sjpelende leje. Ze blieve oetdrukkelijk waal lid van de veteranen. Jack: Ich sjtop per direct mit voetballe. Ut geit geweun neit meer. Thijs: Ich sjtop auch per direc of ja, aan ut eind van t sezoen, bedoel ich.. Zaal: Hohoho, beloaf is beloaf, doe sjtops per direct. Eddy: Dus Thijs, doe sjtops per direct en Jack voetbalt ut sezoen nog oet? Levi: Joamer dasse sjtops Jack. In die wedsjtrieje dat veer samensjpeelden, koom ich ummer goud tot mien rech. Gerard: Doe kumps toch nóóit, kut! Willem kondigt aan dat Frank Peters door Eddy Ubbink is veurgedrage es nuuj lid. Frank haet al un paar keer mitgevoetbald en nemes haet bezjwoar taege zien lidmaatsjap. Ron: Hubbe veer waal foto s van zien vrouw? Veurdat veer euverhaast goan sjtumme. Wiejer haet de nuuje hoofdtrainer Jean Maes aan Willem gevroag of hae af en toe moag mitvoetballe. Auch dao haet nemes bezjwoare taege. Ron: Dae haet in jeder geval un sjoon vruike. Rene Hillen vroog aan Willem Thewissen of d r nog probleme woare mit de keepers-roulatie. Willem goof aan dat Ron Marchal en Roger Daemen dat prima hubbe euvergenomme van Rene, en dat Rudy Crutzen auch soms keep. Willem: Maar veer vinje t toch joamer das doe neit meer keeps, Rene. Veural dien vrouw inspireerde mich toch ummer. Rene: Es geer nog ens unne keer geine kent vinje, dan Zaal: Naeeeeee, is neit neudig Rene. Gerard Martens mirk nog op dat Willem Thewissen vöäls te vaak wedsjtrieje deit aaflasje es hae zelf geblesseerd is. Willem kaart nog aan dat Robert Kraus en Devon Moerkens de wedsjtrieje prima gefloate hubbe, sinds Math Haagmans d r mit is gesjtop, en sjtelt veur om n minuut sjtilte te haute ter ere van Math. Gelet op de drukke agenda en de bienoa aangebroake pauze wurt besjloate die minuut sjtilte te verplaatsje noa de vergadering van volgend joar.

8 Tweede deil van de vergadering (hoofdprogramma) Noa un gesjlaagd eesjte deil van de vergadering wurt effe un pauze ingelasj zodat Mat Cremers zich kent veurbereiden op zien conference. Mat sjtart ziene beamer alvas op en de eesjte slide versjient op t sjerm: Die eesjte slide ruip al geliek get vroage op. Ron: Is dae Braekhekke geliek krank gewoare noadat hae mit dich op de foto woar gewaes? Mat: Joa dat is inderdaad doanoa gebeurd. Ron: Wie kent t dat dae Braakhekke d r op die foto vöäl baeter oetzuut es dich, terwiel dae beste man inmiddels al dood is, Matje? Gerard: Wie auwt is die foto? Mat: Dat is twee joar geleje, Gerard. Dit woar op de Auto Rai. Gerard: En doe hubs vanoavend nog ummer datzelfde kostuum aan? Koup dich ens get nuujts. Mat: Nae, doa zit n verhoal aan vas. Loester. Ich kom net van un VIP-fees aaf op de eesjte daag van de Tefaf. En, zo wie se op de foto zuus, doon ich ummer op de eesjte daag van de Tefaf dit pak aan. Willy Worms: Net zaesse nog dat die foto op de Auto Rai is genomme! De tweede slide goof aevenens aanleiding tot discussie. Die slide bevatte namelijk de leus veur 2017 veur de veteranen:

9 Mat: Veurig joar woar ozze leus nog samewirke en op zuik noa ut compromis. En dat haet prima gewirk. Zo is os relatie mit de kantine verbaeterd.. Willy Worms: Die nuuj leus sjleit toch neit op Ans van Kan, of waal? Angere hoogtepuntjes oet de presentatie van Mat (die eigenlijk ein groot hoogtepunt woar): Mat woar dit joar Misha Dreessen te sjnel aaf. Veurig joar houw Misha nog ploagend veur de zoveulste keer Mat ongerbroake mit de oetermate belangrieke vroag welk lettertype Mat op zien slides houw sjtoan. Dit joar bevatte slide 3 de tekst: Mat: Ich hub get slides veurbereid. Zo nuimse dat Gerard, slides. Ron: Bie de veteranen moagse toch gein slidings make? Mat: Ich waal, Ron. Ut zeen 70 slides gewoare. Ron: Wach, ich bel effe noa hoes dat ich neit mit ken ontbijte murgevruig. Ut niveau van de presentatie loog bezunjer hoog. Zo mer get termen die veurbie kome: - Succes blijft uit ondanks louter hoogsensitieve en/of neurotische leden, waarbij gemeenschapszin plaats kan maken voor een assertieve houding van de generatie uit het ik tijdperk, waardoor mensen elkaar minder gunnen. - Singularity (door Mat auch waal gesjpeld es singurality) is t toverwoord hedentendage. - Diverse quotes van grootheden wie Martin Luther King, Anne Frank en Claudia de Breij woorte aangehoald. - Quantum nano weitensjap. Willy Worms: Auw kut, kal ens normaal man! Ich hub allein leger sjool gehad! Wiejer leet Mat effe zeen wie t organogram van de feestcommissie inein zit:

10 Ondanks t feit dat d r op dat organogram welgeteld 33 persone sjtinge aafgebeeld, woar lid van de feestcommissie Jos Driessen get opgevalle. Jos: Woarom sjtoan John Jacobs en ich d r neit op? Veer zitte toch auch in de commissie. Mat: Van uch koosj ich gein foto vinje. Mat verhoalde nog euver de zeer gesjlaagde femiejedaag van veurig sezoen en auch euver t gesjlaagde oetsjtepke noa Mönchengladbach, wobie Mat (vlak noa ut vertrek) houw gezag dat Borussia Mönchengladbach helaas oet houw motte sjpele en d r dus gein voetballe gekeke koosj waere. Wonoa de bus drie kwarteier in de file sjting omdat alle waeg toe woare geloupe door supporters die op waeg woare noa ut stadion, omdat Mönchengladbach tóch thoes moosj sjpele. Ron vonj ut nog prettig dat Mat woord houw gehaute dat hae un toafel op de eesjte riej houw weite te regele op ut beierfeest. Ron: Esse vanaaf de WC s achterin de tent begoosj te telle, klopde dat inderdaad. Mat hoalde nog un foto aan van unne mit de gordiene oape, op bed ligkende Ron op de hotelkamer in Mönchengladbach. Mat: Volges mich houw Ron hie un sjtiefke. Ron: Wie mot ich angesj die gordiene oape gemaak hubbe? Wiejer tuinde Mat, tusje de foto s van Mönchengladbach door, un internet-foto van un dame die in lingerie sjting te tappe. Mat: Dus Lies en Aggie, kiek effe. Volgende keer verwachte veer dit, he. Ron: Die bardame ken ich mich nog herinne. Die koosj neit tappe, maar ze piepte waal goud. Hauverwaege ut relaas van Mat vroog Rene Hillen of d r behoefte woar aan un pauze. Dat woort echter weggewoven. Jederein hong aan de lippen van Mat. Ron: Besse gek. Matje zit net lekker in un flow. Muzikale intermezzo s woare aafkomstig van Joe Cocker, Elvis Presley (suspicious minds woort oet volle borst door jederein mitgezonge), The Everly Brothers en Percy Sledge.

11 Wobie Willem Thewissen opveel dat Elvis vruiger de hoare t zelfde houw es Willy de Worm noe. En meerdere veteranen opveel dat Percy Sledge un opvallende euvereinkomst in de mondj vertoonde mit Ron Marchal: Euver tenj gesjproake. Steef: Mat, veurdasse al die duur sjpulle geis besjtelle, kense dich neit baeter eesj unne nuuje tandj besjtelle veur in dat loak in de mondj? Mat: Hub ich gedoan. Ich hub m gistere besjteld. Wurt prachtig. De kleur? Mat-goud. Ron: Dae olifant dae ze doaveur motte sjeite, zeen ze noe nog aan t zuike in Tanzania. Mat kondigde aan dat de veteranen wellicht unne oavend goan invulle op t TentfeStein kommende september. Euver de invulling wurt nog gekald mit t besjtuur van de Sjter maar t beloaf un groots gebeure te waere. Ut joarlijkse veteranen oetsjtepke beloafde auch get sjoons te waere. Mat houw un gans verhoal euver dat hae pas noa Gran Canaria woar gewaes en dat hae emes koosj dae doa auch ummer trainingskampen haer organiseerde en dat hae dat ens goud verkend houw de aafgeloupe waek en diverse gesjprekke houw geveurd. En wie jederein op t puntje van de sjtool zoot Mat: Maar dat goan veer dus neit doon. Vervolges houw Mat un aantal opties veur t oetsjtepke. D r woare drie serieuze opties: - Un weekendje koake mit mannen in Amsterdam (Rene: dat haet gein draagvlak, Mat, euver noa optie 2). - Un weekendje Liverpool (Willem: Wie kump Leon dan thoes, Mat, es dae midde in de nach waer weg wult? - Un weekendje hedonisme ( De leer binne de filosofie die sjtelt dat genot ut hoogste goed is, aldus Mat) Bie jedere optie houw Mat un sjoon foto, wo op de sjerpe geisten binne de veteranen telkens Gerard Martens herkenden:

12 De kostuums kome nog ter sjprake. Noa unne flinke opboew onthulde Mat de gedachte achter zien keuze veur de nuuj kostume en van de sjoon. Volges de slide sjpeelden doabie twéé factoren un rol: comfort, kwaliteit en kleur. Mat: Ut zitcomfort is belangriek veur es veer dalik mit t vleigtuug noa Manchester goan. Ron: Manchester? Veer ginge toch noa Liverpool? Motte veer dat letste sjtuk fitse dan? Mat: Oranje veel aaf es kleur want doa vult de ouwere riepe vrouw op. En die hubbe veer al. Angere optie woar legerkleure. Trendgevuilig, modebewust, battledress. Maar hub ich toch neit veur gekoaze. Panterkleure dan? Mesjiens get te hoog gegrepe veur de meesten.

13 Mat: Maar oeteindelijk is dit ozze keuze! Paul: Wiezo ozze??? Ron: Moag ich un hoger hekske onger dae sjoon? Wie Mat wiet aan t eind van zien Latijn woar, vroog hae effe de hulp van mede-feestcommissielid John Jacobs. Mat zoot echter nog zó in de flow van zien verhoal dat hae effe neit op de naam van John koom. Mat: Dat hub ich mit uhhh mit dinge.. John: Ich heisj John en ich zit auch in de feestcommissie, auw kut! De aafsjleiter van Mat ging euver t effect van singularity op de veteranen. Mat: Singularity jonges. Dan hub ich t euver de quantum nano weitensjap. Ut wurd tied dat veer es veteranen de 21 e eeuw goan binnesjtappe. En ich vroag ut veteranen besjtuur dan auch toesjtumming veur ut besjtelle van deze:

14 Mat: Dit is de Velleman Vertex K8400 3D printer. State of the art technologie. Levi: Kense doa auch die kostume mit printe? Mat: Doa kense zelfs vleisj mit printe. Ron: Dus dae kent dich auch unne kietelaer breije? Paul: En hapjes veur in de kantine. Roger: Mat, doa sjteit bie dat es veer m vandaag besjtelle, dan hubbe veer m murge in hoes. Misha: Ich zou toch eesj effe de reviews laeze, Mat. Tot sjlot koom nog de vroag op wae noe allemoal un kostuum geit kriege. Mat deig doa op un sjtevige toezegging. Rene: Mat, krig jederein zo n pak? Misha: Ich denk allein de luuj oet categorie 1. Chrit Dreessen: Wach ens effe, John Thewissen en ich wulle auch zo n pak! Mat: Volgend joar zit jederein hie in un pak bie Lies. Ron: Volgend joar? Motte veer veur Steef dan nog waal ein besjtelle? Steef: Ich hoap maar dat ich dat red. Rene dankte tot sjlot Mat veur zien geweldige presentatie. Rene: Mat geweldig waer. Dus samegevat: urges in september hubbe veer mesjiens unne oavend in de tent in Sjtein. En dat is ut zo n bietje? Mat: Dat klop. Op de res kom ich later terugk. Derde deil van de vergadering (ut post-mat gebeure) Wie jederein woar biegekomme van t schitterende verhoal van Mat, ging de vergadering door mit de letste agendapunte. Willem Thewissen koom doabie veelvuldig aan t woord, op de eesjte plaatsj mit un aantal proefballonnetjes veur innovaties bie de veteranen. Maar eesj houw Willy de Worm nog un vroag. Willy: Doe bes secretaris maar doe sjrifs niks op. Willem: Miene assistent, Rob, maak de notulen kommende waek. Willy: Kommende waek? Hub geer auch get te doon op ut werk? Ron: Nae Willy, die hubbe geleerd. Willem: En veer hubbe de leraar neit neergehouwe op de letste klas van de legere sjool, Willy. Innovatie 1: Ut insjtelle van unne laeftiedsgrens veur veteranen. Veursjtel is mit 65 joar d r oet. Rene: Veur wae haet dat consequenties? Willem: Allein veur Will Leurs. Rene: Wae is veur? Jederein zo te zeen. Willem: Veer zouwe veur huidige leden un euvergangsregeling kenne make. Ron: Joa, loate veer dat koppele aan de AOW-laeftied. Dan houf ich nooit te sjtoppe want ich woon al zo lang oppe Belsj dat ich gein AOW krieg. Innovatie 2: Ut verplich kenne euverlegke van un bewies van goud gedraag veur nuuje toetreders. Dit lup de sjpuigaten oet immers. Misha Dreessen haet ooit un nach vasgezaete veur wildjplassen, Jos

15 Driessen haet auch vasgezaete. Ron Marchal haet al veur versjillende vergriepe gezaete (Ron: allemoal dwalingen van justitie ). En noe Will Leurs waer. Willem: Ich venj dat Rene un applaus verdeind. Es veurzitter haet hae ut dik veur mekaar. Rene: En ich wul Willem bedanke veur ut boewe van ut hoes wo ich noe in woon. Mat: Eigenlijk haet Johnnie van Willem dat geboewd. Rene: Das woar auch. Gaef Johnnie nog eine van mich. Willem: Ich venj dat same deile sjoon bie os. Allein mit die ouw vrouwluuj van uch allemoal wul ich neit meer rule. Ron: Maar die van dich wult waal eerder rule es dich. Misha: Enfin Innovatie 3: Ut insjtelle van un technische commissie. Willem sjtelt veur dat, naeve m zelf, auch Misha en Steef doa zitting in numme: allebei goei voetballers én un goud versjtandj. Willy: Wat mot die technische commissie dan doon? Willem: Mich helpe mit alles planne rondjom de wedsjtrieje. Steef: Maar Willem, esse zonne beperkte voetballer bes es dich, dan kense dichzelf toch neit benuime tot un technische commissie? Rene: Motte veer doanaeve neit auch un sociale commissie insjtelle veur es luuj probleme kriege in de relatie? Make veer Gerard doa veurzitter van. Ron: In die commissie wul ich auch waal. Ich krieg de luuj waal oeterein. Innovatie 4: Sjtumme euver nuuj leje per app. Gerard: Doa ben ich taege. Willem: Neit kwaod waere. Ut is maar un proefballonke. Gerard: Wie mot Robbie van der Linden dan sjtumme? Dae haet gein whatts app. Rene: Dae belle veer dan waal es t 50%-50% is via de app. Innovatie 5: Willem: Veer zuike trouwes auch nuuj leiders. Leon en Frans kenne os niks meer bielere. Veer zuike eine dae os meer leert dan allein maar jeder waek sjpele. Jos Driessen: Rene Hillen zei dat geer ervaring hub mit wissele van systeem. Roger Daemen: Willy Worms wult waal leider waere. Ralph Dreessen: Wat is ut competentieprofiel veur de nuuje leider. Wat mot dae kenne? Rene: Niks. Ralph: "Dan liek mich Willy Worms oetermate gesjik. Ron: Is dat niks veur dich, Chrit? Chrit: Ich ben gepensioneerd man. Ron: Maar die vereiste dominantie hubse waal. Doe hubs mich nooit es sjoonzoon gewult. Piele: Mesjiens Will Leurs es leider. Will: Dan num ich Mia waal mit. Ron: Goud, dan kent die ut ganse facebook-gebeure regele.

16 Innovatie 6: Veurtaan mit de bus noa oetwedsjtrieje. Zeker es veer dalik die kostume hubbe is dat un indrukwekkend gezich. Dan sjtoan veer al mit 1-0 veur. Innovatie 7: D r komme te weinig vrouwluuj noa de wedsjtrieje kieke. Allein Véronique van Rob kump consequent. Jos Driessen: Mesjiens euverwaege om Ron Marchal ens in de zoveul waeke thoes te loate. Ron: In ut belang van ut team loat ich mich waal vasbinje. Veierde deil van de vergadering (sjlotakkoord) En inmiddels woare veer noa twee en un hauf oer vergadere aangekomme bie de rondjvroag. In de meeste vergaderinge sjnak jederein dan inmiddels zo noa t einde dat doa niks meer oet kump. Zo neit bie de veteranen: Willem Thewissen vreug aandacht veur de sjpelling op de app. Sommigen gebroeke gein laesteikes en de dialecten die de meesten hanteren sjloan wie un tang op un verke. Jos Driessen vreug of die vies filmkes get minder kenne op de app. Rene Hillen vreug sjus of al dae tekst op de app neit weg kent blieve, omdat hae dan ummer zo wiet mot scrolle om die filmkes te vinje. Jos Driessen vreug auch of veer neit kenne euversjtappe noa ein verjoardaags-felicitatie veur de ganse selectie op 1 januari. Dan hubbe veer dat geliek gehad. Steef vreug woarom d r gein sjponsorcommissie is bie de veteranen. Rene vinjt t un goei vroag maar sjuuf ze, omwille van de tied, door noa volgend joar. Steef vreug of emes dat dan kent monitoren omdat hae volgend joar mesjiens neit meer onger os is. Levi vreug woarom hae neit beoordeild is es nuuje sjpeler, terwiel veurig joar de nuuj sjpelers waal woorte beoordeild. Stefan Janssen: Op basis van twee wedsjtrieje is t lestig beoordeile. Willem: Hae haet in die twee wedsjtrieje waal meer geloupe es Steef in 36 wedsjtrieje. Gerard sjtelt de statutaire zittingstermien van t besjtuur aan de kaak. Gerard: Wie lang moag un besjtuurslid eigenlijk blieve zitte? Rene: Es doe t wuls euvernumme, mosse dich kandidaat sjtelle. Gerard: Dat zegk ich neit, maar doa mot toch un statutaire regeling veur zeen. Rene: Veer hubbe gein eige statuten. Gerard: Die hubs doe angesj waal al 5x aangehoald dees vergadering. Rene: Allein es t mich oetkump, hubbe veer statuten. Gerard: Geer accepteert maar alles es makke lemkes. Mit uch 3x modaal. Willem: Ich sjmiet dalik alles d r bie neer. Wat meint die ko waal neit? John Jacobs: Dat is femieje van dich. Willem: Dat interesseert mich niks. Dae mot de moel haute. Rene: Euver twee joar ben ich 20 joar veurzitter. Dae termijn zou ich gaer volmake. Gerard: Maar ich gun dich dat neit.

17 Willem: Ich sjtop euver 2 joar mit wirke. Dees maatsjappelijke rol es secretaris wul ich dan gaer behaute. Graad: Dan houw Ronnie al 10 joar veurzitter kenne zeen. Rene beloaf tot sjlot dat volgend joar ut voltallige besjtuur heur functie ter besjikking sjtelt. Dan zal gesjtump waere euver zittende en nuuje kandidaten. Gerard vreug wiejer aan de secretaris om volgend joar mit un organogram te komme van de veteranen, net zo wie Mat dat houw veur de feestcommissie. Willem geef aan dat hae dat houw wulle veurbereiden maar dat t un dermate complexe organisatie betruf dat hae doa kommend joar op mot terugkkomme. Un veursjtel passeerde om de profielfoto van de veteranen groepsapp (wo op dat moment nog ummer de foto van Math Haagmans op sjting) aan te passen. Thijs: Mesjiens vervange door de foto van emes dae aafgeloupe joar un speciaal ongersjeijing haet gekrege bie de veteranen. De keuningin beveurbeeld of ja, of emes angesj. Paul: Of de gouwe sjoon-winnaar bedoelse? Thijs: Beveurbeeld joa. En sinds dae oavend wurt dan auch de foto van Thijs Otten es profielfoto van de veteranen groepsapp gebroek. Roger Daemen vroog nog woarom op de website van De Sjter op de banner waal de foto s van de angere seniorenteams, maar neit die van de veteranen versjtient. Dit bleek te make te hubbe mit t ontbraeke van beleid bie de veteranen euver t optraeje taege criminele activiteiten van heur leje. Noe dit beleid tiedes de vergadering aan de orde is gewaes, is dit inmiddels aangepast op de website. Os foto sjteit d r noe netjes bie. Paul Janssen haet zich opgeworpe om te goan zurge veur nuuj zukke en nuuj bokse veur de sjpelende leje. Levi Nelissen sjtelt t gedraag van sommige sjpelers binne de liene aan de orde. Levi: Hubbe veer un beleid veur sjpelers die geregeld taegesjtenjers omloupe op t veldj? Willem (inmiddels dreigend sjtoand): Geregeld? Doe hubs twee keer mitgedoan! Levi: Ja, ut is toch zo. Willem: Loester, doe bes van boete t dörp.. Levi: Ich woon hie al 12 joar. Ron: Doe hubs dich hie binne-geneuk. Willem: Jonges van t dörp wie Piele en ich die loupe waal ens taege emes aan. Punt oet! Ron sjtelt vervolges t gedraag van Will Leurs aan de kaak. Ron: Ich wul besjpraekbaar make dat veer es vereiniging de kans loupe om door de politie es risicogroep gezeen kenne goan waere. En net zo wie de Bandidos en Hells Angels van bendevorming verdach kenne waere, omdat binne os vereiniging criminele activiteite plaatsjvinje. Womit leden mit hoge functies in ut bedriefslaeve geasocieerd kenne waere. En es zodanig distantieer ich michzelf, es zelfsjtenjig ongernummer, van deze feiten en vroag ich om un passende oplossing veur dit probleem. Misha: NAMEN, Ron! Ron: Uh Will.

18 Paul: Ron, ich wul effe zegke dat Will mich net sjponsoring haet toegezag. Ron: Veurzitter, ich trek mien vroag terugk. Willem sjtelde tot sjlot ut pestgedraag bie de veteranen aan de kaak. Hae houw dat op de agenda loate zette maar woar zich doanoa pas d r in goan verdeipe en woar tot de gerussjtellende conclusie gekomme dat d r in versjil is tusje ploage en pesten. Stef: Woarom kikse de ganse tied noa Ron esse t euver pesten hubs, Willem? Ron: Ich weit dat versjil waal. Esse vingers en ze kump net neit kloar, dat is ploage. Stef: Wat is dan pesten? Ron: Esse gaar neit vingers. Formele aafsjleiting Veurzitter Rene besjlut de vergadering op plechtige wieze: Rene: Einde vergadering. (Mit t auch op de verkeizing volgend joar:) mesjiens waal mien letste. Steef: Nae, dat kent neit Rene. Veer kenne neit same de kis in. Ron: Joewaal. Dan motte ze geweun dat gaat extra deip make. Rob Sjulpe (Stagiair) Willem Thewissen (Secretaris)