Davy: Jari, what the fuck? Jari: Meeeekùùùùr! Davy: Wat zei se doa? Jean Janssen: Of je een zakdoekje wil om je traantjes af te vegen, meeeekùùùùr..

Transcriptie

1 De Ster 1 verlus heerlijke strijdlustige derby nipt van Caesar; Onwaarsjienlijk goeie Rene Gooren leidt driede noa punt; Deil van Sjtercomplex vernuimp noa Noud Claessens! Ut woar un heerlijk voetbalweekend. Lekker waerke, goud aete en goeie meziek noa aafloup van de wedsjtrieje, veul toesjouwers en op zondigmiddig auch nog ens unne heerlijke derby van os eesjte elftal taege Caesar. Veur dat soort weekende besse lid van un vereiniging. En ach, de resultaten zeen dan van ongergesjik belang. Os eesjte elftal moosj, noa unne verbeten sjtried mit de buren oet Baek oeteindelijk ut köpke buigen en berusten in un 2-3 nederlaag. Os tweede elftal behoalde, aevenens mit veurbeeldige inzet (in jeder geval in de 2 e helft) un dik verdeind punt taege Laar 2, noa unne 0-2 achtersjtandj. Ut driede volgde ut goeie veurbeeld van de vets en reisde per fits aaf noa Neerbaek en koom auch truk mit un puntje, noa un sjpektakelsjtuk dat in 6-6 eindigde. Ut veerde houw thoes unne zjwoare kluif aan Lintjheuvel, koom prima oet de sjtartblokke (1-0 en 2-1 veursjprong) maar moosj oeteindelijk toch ut ongersjpit delven (2-7). De dames houwe op zondig niks te voetballe maar leje op donderdig al un pienlijke (maar waal terechte) nederlaag taege de dames van Caesar. Maar gelukkig zeen doa dan ummer de veteranen om op zoaterdig al ut weekend te redden via un soevereine 3-1 euverwinning op HBC. En naeve al dat voetbalgeweld is d r dees waek auch unne hele houp te melje euver ut randjgebeure. Van de kroegen op zoaterdigoavend tot de kantine op zondig. Van unne skydivende joarige keeper, tot opvallende aafsjeidskado s bie De Sjter 1. Van de zoon van auwt trainer Ruud de kuif Hendriks tot sjtappende veteranen. En dan nog hubbe veer neit alle genuimp. Wat te denke van de vuurdoop van de nuuj feestcommissie van de veteranen, of van unne sjpeler van 3 dae op vriedigoavend al de punte binne haet. Om nog maar te zjwiege euver ut hoogtepunt van dit weekend: de vernuiming van un deil van os sjportcomplex noa gemeinteroadslid en De Sjter 4-alleskunner Noud Claessens. Loate veer dus maar sjnel beginne. En dat doon veer dees waek mit de mannen van 4. Die houwe unne lestige thoeswedsjtried op ut programma sjtoan taege topploug in hun klasse Lintjheuvel. Veuraaf wis men al dat ut zjwaor ging waere en die veursjpelling koom auch oet. Correspondent Ralph Doek woar dan auch kort in zien analyse:

2 Leifhubbers van de versjlage van os veerde elftal blief veural doorlaeze. Want aan ut eind is d r ruumsjoots aandacht veur ein van uch helden. Veur noe sjtappe veer echter euver noa os tweede elftal. Dat zoog onlangs heure keeper Bastiaan Muijtjens terugkkere van un blessure. Dat is unne sjieke opsjtaeker veur ut tweede. En loat daezelfde Bastiaan auch nog ens joarig zeen gewaes aafgeloupe weekend. Dat leidde natuurlijk tot felicitaties op de groepsapp. En auch de foto van Bastiaan op zien instagram-accountant van zien verjoardaagskado reep reacties op van ploeggenoten. In beide gevallen woar Marko Jevric lekker ad rem. Mit Bastiaan in hun midden trainden de mannen van 2 lekker fel de aafgeloupe waek. D r sjteit immers nog ummer un noacompetitie-plek op ut sjpel. En un prieske leetse natuurlijk neit zomaar loupe. Dat ut mit de collectieve humor in de groep waal goud zit, ervaarde auch de geblesseerde Davy Hodselmans. Dae woar rundjes aan ut loupe wie Jari bewust unne bal taege m op knalde. Dat leverde un reactie op: Davy: Jari, what the fuck? Jari: Meeeekùùùùr! Davy: Wat zei se doa? Jean Janssen: Of je een zakdoekje wil om je traantjes af te vegen, meeeekùùùùr.. Joa, dae Jean begint al prima in te burgere. Klasse Jean. Jari Knoops deit versjlaag van de wedsjtried: De mannen van 2 mooste aantreije teage Laar oet Weert, sting er get op t spel? Jao! Laar 2, Schaesberg 2, DVO 2 en De Ster 2 zeen verwikkeld in de strijd om de 3 e periode. Someren 3 moag hie neet aan mit doon omdat Someren 2 al in de hoofdklasse speelt. De noacompetitie zou ein sjwan toetje zeen op ein toch waal wisselvallig joar veur os tweade.

3 Als extra motivatie hej de trainer de mannen auch nog ein vaat beer beloaft, en doa loupe ver normaal waal eine pas extra veur. Zonjigmurrige in de kantien werd echter al sjnel duudelijk dat t zoaterdig weer gezellig waor bie Tilly v/d Bekker. Zo zoage ein aantal luuj oet es of ze onger eine zeikende aezel hejje gehangen, namen weure hie in neet genumd. De opstilling waor es volgt: Kis: Bastiaan Achterin: Frusj, Joep Nacken, Jari en Joep Hügel. Midden: Frank, Randy en Bart Veurin: Hoessein, Erik en Geoffrey. Bank: Luca, Luc, Cyrill en Raoul De Ster begoos t eerste keteer good aan de wedstrijd, de mannen oet Weert werdenterruk gedwongen en t woar wachten op de 1-0. Die goal veel echter aan de angere kant, noa ein spaarzame meugelijkheid veur Laar werd de bal in 1 e instantie oet verdedigd. Dit gebeurde echter dermate matig dat de aanveurder van hun ens sjoot van 35 meater, de bal raakte hea zwoa sjleag dat hea heum binnenkant kruusing drin sjoot, 0-1. De Ster kakte in en noe waor t opins Laar wat de klok sjloog. Laar kreeg get kleine kenskes en De Ster bakte er neet veul van. Dit leidde oeteindelijk tot de 0-2. Eine veurzit van hun werd sjwan van richting veranderd en belandde zo in de goal, mindere kant van t verhoal waor dat Joep Hügel de bal binne kupte. Hie nao mooste ver mer t biste ervan maken en proberen de sjaaj beperkt te hauwe tot de rust, Jari veel vlak veur rust oet en Luca veel veur heum in. In de rust zat de trainer t om, Laar speelde veural op snelheid op de counter en Hoessein ging dan auch centraal achterin spelen. t systeem werd hie in gehanteerd wo bie Joep Nacken de centrale verdedigende man op t middenveld waor en Luca linksboete ging sjpele. Luca waor extra geprikkeld omdat neet hea in de basis startte mer A speler Geoffrey. Hea wou zich extra good bewieze. t Luktte heum auch, binnen 5 minuten noa de rust loktte hea iene penantie oet, Randy ontfermde zich euver de bal en sjoot de 1-2 teage de touwe. Hie noa waor t ein richtingsverkeer richting de goal van Laar. De Ster creeerde kans op kans mer t lear wou er mer neet in. Cyrill kaom veur Hoessein en Luc veur Frank, beide mannen mooste nog mit 1 mit op de reservebank. Luc dribbelde weer auwerwits zien teagestenjers veurbie en Cyrill waor ein sta-in-de-weg achterin veur Laar Noa ein gooj actie van Luc vergoot hea aaf te drukke mer kreeg hea de bal waal nog bie Erik, dea tergend langzaam de 2-2 binnesjoof. De Ster wou noa ereuver goan en Laar loag auch es eine oetgetilde bokser in de touwen, mer de genadesjlaag koam mer neet. Lady Luck zoat neet aan osse kentj, Luc en Luca raakte de paol. De keeper kreeg nog ein paar bel teage zich opgesjoate en t vangnit maakte euver oere. Helaas bleef t dan auch bie 2-2. Man of the match aan ozze kentj waor Luca, dea ech ein top invalbeurt hej en zich good in the picture heat gesjpeeld. Denoa ging t 2 e nog kanoën op de maas, de mannen die t snelste t beer ophejje en doarom mer door peddelde waore Erik en Joep Nacken.

4 Es emes toevallig nog eine zonnebril oet de maas vusjt dan is dea van de trainer dea op onfortuinlijke wijze, en zonder toedoon van os, kopje onger ging. Er werd genog gelachen en gedobberd op de maas en ver koame dan auch snel achter elkaar benne. Op 2 duo s nao, de A-boot, Joep Hügel en Geoffrey hej get pech opgeloupe op t litste. Ze waore omgekanteld en kreeg t water mer neet oet de bwoat. Echter noa hun bennekomst werd nog ein keteer gewacht op de litste boot. Luc Spaans en Bastiaan waore te meug om te peddelen en leete zich lekker mit goan mit de struiming van de maas. Beide waore ze nog erg drweag beoordeelden Steve en Jari. Luc koos de dans nog net ontspringe mer veur Bastiaan woar t te laat. Hea ging kopje onger en zien heurkes waore oet model, Luc maakte zich zurg wie er zoag dat de bwoat waor gekanteld. Neet om Bastiaan mer Luc bekommerde zich euver de nog volle baco s die ze in de bwoat hejje ligge, Jari vong t auch zung omdat er auch nog volle blikken beer in laoge. Es eine walvusj sjprong er t water in redde hea de blikskes, gelukkig mer want dat zou erg zung zeen geweas. Bie De Ster werd d r op de BBQ nog flink noa gefjeas en goof de trainer toch ein vaat beer! Topper! Menig speler sneuvelde al bie De Ster mer de echte die-hards gingen nog ffkes noa de poart. Joep Hügel waor toch waal de oetblinker in de 3 e hilf. Hea wis ederein onger de toafel te drenke, althans bienoa ederein. Doorgewinterde zoepers Frusj en Jari vonge t nweadig om de paort veilig te sjleete en bleeve dan auch es litste euver. Ver hubbe ein seizoen gehad mit ups en downs mer t toetje motte ver os neet loate ontgaon. Volgende weak oet teage DVO 2, bie winst is de periodetitel veur De Ster. Klasse mannen van 2. Ich hub gelukkig de eesjte 25 minute van ugge wedsjtried gemis en hub dus allein maar de heerlijke vechtlust en ut goeie voetbal gezeen zondig. En wat mich betruf un dik compliment veur jeugdsjpeler Joep Hügel, dae unne sjterke pot sjpeelde. Sjiek om te zeen, Joep! En noe heurde ich gistere auch nog datse kommend sezoen un jeudgteam geis traine. Noe kense gaar neit meer kapot bie mich! Hel op waeg om unne échte clubman te waere. Keep up the good work! Oh joa, en es emes mich dit kent oetlegke, houd ich mich aanbevoale

5 De mannen van 2 woare natuurlijk auch noa aafloup van hunne wedsjtried in de kantine aanwezig om un feeske te boewe. Luc Spaans bleef zelfs tot wiet op ut eind, wie hae eindelijk zien kans sjoon zoog om op de foto te goan mit walking football-vedette Math Habets: Ut ongersjrif bie die foto sjting de sjrieve van dit sjtuk euveriges totaal neit aan. Dae dulde namelijk gein enkel sjietlollig commentaar op ziene vaste partner bie ut joarlijkse De Sjter-troef-toernooi: Mannen van 2, succes kommende waek. Sjleip die noacompetitie-plaatsj lekker in de wach. Dan hubbe ozze jonge talentjes oet de jeugd waer twee extra wedsjtrieje die ze kenne mitpikke richting kommend sezoen. Van ut tweede goan veer euver noa de mannen van 3. Die houwe unne oetwedsjtried taege Neerbaek op ut programma sjtoan. De veuroetzichten woare oetmuntend want eine sjpeler houw op vriedig al de punte binne:

6 Bovendien woar sjpeler/coach Rene Gooren op zoaterdig alwaer get wiezer gewoare want hae houw opnuuj bie de veteranen mitgedoan. En neit allein gedurende de wedsjtried koosj hae doabie terugkvalle op sjturing van ervaren rotten Robert Kraus en Leon Fredrix. Auch noa de wedsjtried sjtinge ze 200% achter Rene: Rene paste de nuuje kennis van de veteranen geliek toe in de wedsjtriedveurbereiding van ut driede. Net zo wie de vets un waek eerder houwe gedoan, dirigeerde Rene auch de mannen van 3 de fits op om zo aaf te reizen noa Neerbaek:

7 Dat ruip natuurlijk geliek de vroag op of die nuuj veurbereiding effect houw. Aan Rene woort dan auch aan ut begin van de middig gevroag wat de oetsjlaag woar. Zien reactie woar op z n Rene s : Auch Randy Wanten plaatsjte vroagteikes bie die sjtelling van ziene veurmalige buurjong:

8 En de sjriever van dit sjtuk besjloot doanoa maar ens noavroag te doon bie Bart Pantus en dat te rapportere aan de angere reporters:

9 Zo, noe zeet geer waal genog geteased, dach ich zo. Tied veur ut wedsjtriedversjlaag van Rene. Wobie ich geliek wul aanteikene dat Rene de aafgeloupe waeke auch geregeld zo sjportief is gewaes om foutjes van m zelf te benuime in zien versjlage. Prima dus dat hae veur eine keer ut taegeneuvergesjtelde deit: Gistere woare bie ozze wedstrijd in Neerbaek ondanks eene 6-6 oetslaag, allein mer winnaars. En dan hub ich ut euver de neutrale toesjouwers. Noa eene 3-0 achterstand wisten veer nog een punt te pakken en vr houwe nog kansen op meer. Mit 7 man sterk op de fits gesprongen veur de wedsjtrijd en die mannen hubbe plezeer veur 10 gehad. Gevierde man aan ozze kentj woar Serge Grobbee mit 4 treffers wovan de sjwoanste een mislukte veurzet mit links in de verre hook veel en dat woar auch ozze dikverdeende 6-6! Euver michzelf zal ich kort en eerlijk zeen dees waek. Ondanks mien bienoa waekelijkse foutje dat ich een goal sjuld woar, woar ich toch geweun de biste man van ut veld. Mit onnoavolgbare acties en een vrieje trap van 25 maeter euver de keeper gezwabberd. Bob Schoutropp woar verantwoordelijk veur de angere goal en Chris Boselie veur ut kretje beer noa aafloup. De bbq en ut feeske doanoa woare neet normaal! Klasse mannen van 3. En ich mot zegke dat ich enorm onger de indruk woar van de rondo dae geer op zondigoavend nog op ut hoofdveldj gingk sjpele mit 20 glaze alcohol per persoon in de nek: Van ut driede make veer un kort oetsjtepke noa de dames. Die houwe dit weekend geine wedsjtried maar hubbe waal zowel veurige waek es dees waek doordewaeks unne wedsjtried gesjpeeld. De eesjte doordewaekse wedsjtried leverde un jammerlijke 4-1 nederlaag taege Caesar op. Gelukkig revancheerden de dames zich dees waek door oet in Neeritter de dames van Veritas mit 1-4 klop te gaeve. Alle doordewaekse goals woorte gescoord door, wie kent ut auch angesj, de dame die auch dit joar waer de gouwe sjoon geit opeise: Bo Knoops. Helaas hubbe de dames noe ut kampioensjap neit meer in eige handj. D r zit echter niks angesj op dan geweun de resterende wedsjtrieje volle gaas te gaeve en hoape dat de concurrentie sjtaeke leet valle. In dees knotsgekke klasse is alles nog muigelijk. Maar veurdat de dames waer veur de competitie aan de bak moage, sjteit eesj ut door hun georganiseerde mixed voetbaltoernooi deze vriedig op ut programma. Allemoal lekker mitdoan of komme kieke, luuj!

10 Van de dames sjtappe veer euver noa ozze veteranen. Die sjpeelden op zoaterdig al hunne letste wedsjtried van ut sezoen taege de vets van HBC. Ut woar al bekend dat d r ter ere van de letste wedsjtried aete noa aafloup zou zeen. En dus woar ut veur de verangering gein enkel probleem om de selectie biejein te kriege. Coach Leon Fredrix houw echte zeen ophange dat Will Leurs op zoaterdigoavend moosj dreije in de Poart en dus informeerde hae of Will waal besjikbaar woar. Dae reageerde positief, maar gelet op de reacties doanoa leek t d r verdacht veul op dat sommigen Will wolle aansjpoare om neit te komme voetballe: Vervolges sjmeet veurzitter Gerard Martens de oetneudiging veur ut veteranen-toernooi van IVS op de groepsapp. Gerard leet doa op geliek zien sjpierballe zeen door te melje dat de sjpelers die in de winjter bereid woare gewaes om in de kou ut toernooi bie Lintjheuvel aaf te wirke, auch eesjte keus woare op ut IVS-toernooi. Roger Daemen en Piele woar ut doa neit mit ens en gove flink commentaar. Gerard wol echter van gein wieke weite. Rob sjtelde doa op de vroag of die wat zich in Lintjheuvel gehouwe houwe mit Belsje taegesjtenjers (laes: S. Conjour) auch welkom woare. Gerard woar doa dudelijk in, incasseerde vervolges waer get commentaar om vervolges truk te houwe:

11 De sjriever van dit sjtuk vroog vervolges aandacht veur ut, tiedes de letste joarvergadering aafgetikte, nuuje governance-model. Ut woar immers waal zaak om de juste liene te bewanjele:

12 Mat Cremers reageerde geliek, maar hoalde effe de twee functies die hae bekleid doorein. Dit ondanks ut feit dat hae ummer haet volgehaute dat hae absoluut gein twee patsje op haet en gein dubbele agenda s haet. Op ut nippertje wis Mat zich doa oet te lulle: Zo wie t geer hieboave kent laeze houw de feestcommissie van de veteranen op vriedigoavend vergadering in de besjtuurskamer. Marc Lacroix koosj neit aanwezig zeen, maar de euverige leje (Ron, Robert Kraus, Stef en Rob) woare van de partie, same mit de bezoldigde senior advisor Mat. Wie de angere leje al boete sjtinge te wachte, woort Ron door zien vrouw aafgezat op de parkeerplaatsj. Robert wol ad rem zeen, maar dan zitse bie Ron verkeerd. Robert: Wie kumpse noe thoes, Ron? Ron: Ich blief vannach bie die van dich sjloape, Kraus. Noadat d r un oer zeer constructief vergaderd woar, ginge de mannen nog effe in de kantine zitte. Auch dat leverde leuke gesjprekke op. Mat: Allein Stef wit wae dit joar de gouwe sjoon geit winne. Stef: Ich zou bie god neit weite wo die leutjes zeen gekomme. Hoapelijk wit Resi ut. Mat: Die haet ze vas in ut nachkesjke gelag. Ron: Dat is ideaal, dan kom ich d r mekkelijk aan es ich de volgende keer mit Resi bezig ben. Stef: haha. Ron: Dan duuj ich heur de kop effe in ut kusse en dan ken ich sjtiekem de name op die leutjes verangere. Dan legk ich trouwes waal eesj die foto van dich effe plat.

13 En effe later ging ut euver de nuuje tenues die nog besjteld motte waere. Rene Gooren mengde zich in de discussie. Robert: Alle nuuje shirts hubbe korte moewe. Rene: Op vandaag deit toch jederein zich un sjtrak shirt mit lang moewe d r onger. Ron: Bie os veteranen zit alles sjtrak. Behalve ozze vrouwluuj. Roy Wessels koom op enig moment mit ut nuuje scorebord aanzette. Ron: En welke vereiniging mis noe un scorebord? Noadat de feestcommissie unne teaser van ut volledige feestprogramma veur de kommende moanje op zoaterdig mit de res houw gedeild, verzamelden de vets zich op zoaterdigmiddig in ut kleidlokaal. Mat Cremers sjting doa balend veur de sjpeigel. Mat: Verdomme, ich hub un puist op mien naas. Eddy: Maak neit oet, Mat. Es veer thoes sjpele hubbe veer ummer mit-aeters. De vets houwe deze letste wedsjtried auch alle drie hun oethelpers oetgeneudigd. Bart Pantus en Jean Maas sjtartten in de basis en Rene Gooren moch noa de rust invalle. In de eesjte helf sjtinge alle wisselsjpelers (inclusief de sjriever van dit sjtuk) in de kantine nog noa de Giro te kieke. Euver ut voetballe in de eesjte helf is dus weinig bekend. Denny Vorstermans brach de vets aan de leiding, maar HBC punterde vlak veur de rust de 1-1 achter keeper Ron. Oh joa, en Bart Pantus sjeen un paar kanse om zeip geholpe te hubbe. In de rust kreeg hae doa van Will Leurs nog flink commentaar op, wodoor Bart ietwat onzeker aan de sjtart van de 2 e helft versjeen. Gelukkig wis hae d r noa de rust 2 in te prikke, utgein de Sjter vets de 3-1 euverwinning bezurgde. Noa de wedsjtried serveerden de leden van de feestcommissie alle aanwezigen unne heerlijke teijer riest mit goulash. Wie dat mit sjmaak woar opgegaete, moosj d r natuurlijk auch nog effe aafgewesje waere. En auch veur die taak dreijde de feestcommissie heur handj neit om:

14 Un waekelijks terugkkerend thema noa de wedsjtried is de vroag aan Mat wat hae noe waer veur kleijer aan haet. Aafgeloupe zoaterdig woar dat neit angesj. Willem: Wat hubse veur humme aan, Mat? Gerard: Doe lieks waal RUR. Willem: Joa inderdaad, Jan Lenferink van RUR. Mat: Dit is un Ethro-humme. Dat is Egyptisch katoen. Gerard (wiezend noa zien eige t-shirt): En dit is Obbeechse katoen. Hub ich gekrege van Jan de Conjour. Ut woar heum te klein gewoare. Willem: En dat jeske, Mat, wat is dat veur merk? Mat: Dat is unne echte rare. Gerard: Rur? Zuusse noe waal. Dat zei ich sjus al. Noa unne lange noazit in de kantine, ging un klein aafvaardiging nog mit de veteranen-keizerin richting De Poart:

15 En op die gezellige afterparty bie de Poart woare twee vaste volgers van de veteranen veur eine keer ens neit aanwezig: Christel en Rudy bevonje zich op dat moment namelijk in Turijn om de letste wedsjtried van Rudy s idool Buffon veur Juventus te aansjouwe. Wie twee bakvusje probeerden ze doa daag achterein om unne glimp van hun idool op te vange: Dat mot un fantastische belaevenis zeen gewaes veur die twee. En dan zeen veer alwaer aangekomme bie de letste ploug die veer nog motte besjpraeke: os eesjte elftal. Dat wirkde op zondigmiddig heure letste thoeswedsjtried van ut sezoen aaf taege Caesar. En loate veer zo zegke : ut woar maar goud dat coach Jean Maas gein beroep houfde te doon op Randy, Frank en Jari. Die houwe ut in de nach van zoaterdig op zondig immers bes gezellig gehad:

16 Coach Maas sjtuurde in de derby taege Caesar de volgende ploug ut veldj in: Kis: Geoffrey Achter: Bob, Guido, Stan, Sjoerd Midden: Timo, Mike en Thijs Veur: Marko, Maarten, Giel De opdracht veuraaf woar dudelijk: drie punte pakke om zo nog zicht te haute op un noacompetitieplek. Ut zou echter zeker gein mekkelijke opgave waere. Caesar is namelijk ummer unne lestige taegesjtenjer. De ongerlinge confrontaties kenmerken zich de letste joare door felle duels, verhitte aanmoedingen langs de lien en veur goals. Un ideaal veuroetzicht dus veur unne leuke letste thoeswedsjtried veur de toesjouwers. De wedsjtried sjting onger leiding van sjeidsrechter Franssen. Zonne man, wovan se al 20 joar langk wits: dat wurt waer 90 minute ergernis veur beide plouge en alle supporters. En auch deze zondig woar dat neit angesj. De eesjte helf woar hae de gebete hondj bie de Caesar sjpelers en fans, door steevast helle euvertredinge van De Sjter-kantj aaf te doon zonger kaarte, terwiel de gasten oet Baek waal op prenten getracteerd woorte en auch nog unne gouwekoupe penantie taege krege. De tweede helft woar ut 180 graden omgedreijd en koosj de thoesploug niks meer goud doon mit es kers op de taart zien opmerking richting Geoffrey: ik fluit helemaal niks meer in jullie voordeel vandaag. Maar goud, loate veer maar euver de wedsjtried zelf goan kalle. Dae houw immers alle ingrediënten die unne derby mot hubbe. En dat maakte ut tot un genot om te aansjouwe, wat mich betruf. Want veer kenne waal goan zeivere of ut voetballe technisch waal goud woar, maar de sjpelers van beide plouge tracteerden alle aanwezigen op 90 minute langk sjpijkerhelle duels, veul passie en continu kansen over en weer. Want al noa 15 minute houwe beide plouge drie dikke kansen onbenut geloate. Oeteindelijk woar ut De Sjter dat noa 20 minute op veursjprong koom. Thijs sjpeelde ziene taegesjtenjer henjig oet op de achterlien en woort vervolges aangetik door unne verdediger. Ut contact woar licht en bovendien in de houk van de 16 op de achterlien. De toegekende penantie vuilde dus auch veur de Sjter-supporters es redelijk goudkoup. Topscorer Maarten Neuhaus houw doa gein boodsjap aan en scoorde de 1-0. Caesar houw echter neit lang neudig om de sjtandj waer geliek te trekke wie Tom Peeters goud doorkoom en soeverein aafdrukte. Ut sjpel bleef op en neer golven en beide plouge krege veur de rust nog zeker 3 goeie kansen. De score bleef veuresnog echter op 1-1. Noa de rust leek De Sjter de baetere sjtart te hubbe. Geoffrey reageerde attent op unne lange bal en aan de angere kantj woort unne inzet van Maarten van de lien gehoald. Thijs, Giel en de ingevalle Hassan kome auch un paar keer dreigend door. Gescoord woort d r echter neit door de thoesploug. Aan de angere kantj deig Caesar dat waal. Ongeveer 15 minute noa de rust ging de bal immers volkomme terech op de sjtip en Tom Peters scoorde doa op ziene 2 e van de middig: 1-2 veur Caesar. De Sjter ging echter neit bie de pakken neerzitte en woort doa op waer un aantal kere geveerlijk. Ut besjlissende tikske bleef echter oet. Noa 25 minute sjpele hoalde Giel geveerlijk oet. De bal koom dudelijk taege de erm van unne Caesar sjpeler. De Sjter reclammeerde dan auch veur unne penantie, dae door de sjeids neit woort gegaeve. Logischerwies probeerden Giel en Thijs doa op de sjeids nog effe dudelijk te make dat ut hands woar. Dat zoget nooit effect haet, weite veer allemoal, maar in de emotie vilt dat te begriepe. Dat reclamere doerde exact 7 seconden maar veur de sjeids woar dat genog om Thijs op 2 gaele kaarten

17 te tractere. De Sjter moosj dus mit unne man minder wiejer. Kleinzerig en joamer veur de wedsjtried. In ut vervolg zakte Caesar, ondanks de numerieke meerderheid, wiet in en leet De Sjter komme. Aan de angere kantj leidde dat vanzelfsjpraekend tot kansen. Geoffrey pareerde van korte aafsjtandj unne knal en de lat redde m auch nog unne keer. Unne derde counter woar echter te machtig en zo leep Caesar oet noa 1-3. De Sjter bleef ut probere en zoog Maarten vlak veur tied nog unne sjtrakke pass op Giel gaeve. Dae controleerde perfect, maakte zich goud breid en knalde onhoudbaar de 2-3 taege de touwen. Koosj ut dan toch nog? Helaas woar de energie echter al te veul weggevloeid en woar ut verdedige van Caesar te goud om nog un kenske te kriege op un gelieksjpel. Euver de ganse wedsjtried bezeen woar dat mesjiens auch get te veul van ut goeie gewaes. Caesar oogde toch euver de ganse linie net un tikkeltje sjterker dan de thoesploug en ging in mien auge dan auch verdeind mit de punte noa hoes. Desondanks un dik compliment veur de mannen van 1. Geer hub d r unne heerlijke derby van gemaak. Ich hub genoate van de twee 18-joarige backs, Sjoerd en Bob. En nog ut meeste van ut heerlijke gebikkel van Timo op ut middenveldj. Wat un beest! Noa de wedsjtried woort d r in ut kleidlokaal aafsjeid genomme van un aantal vertrekkende sjpelers: In dit kader moag met name de vertrekende Stan Goossens waal un extra vermelding kriege. Unne jong van de club dae alle jeugdrangen haet doorloupe en op 17-joarige laeftied es A-junior aansjloot bie de selectie. De gretige en sjpijkerhelle Stan maakte toen al geliek indruk op de routiniers die ut d r allemoal euver ens woare dat dit d r eine woar dae ut nog tot aanvoerder ging sjuppe. Un rol die Stan in ziene letste thoeswedsjtried (en auch al vaker dit sezoen) dan auch bekleidde. Oetdaging op ut werk, opleiding en prive hubbe m doon besjleite om te sjtoppe mit voetballe. Die keuze hubbe veer natuurlijk geweun te respectere. Bie deze in jeder geval auch van mich un groot woord van dank aan Stan veur al die joare 200% inzet op de traininge en wedsjtrieje van 1. Klasse topper! Noa de wedsjtried ginge in de kantine de twee resident DJ s, Tom de Keul en Rene Gooren in de serre aan de sjlaag. Wie die zichzelf aankondigden, deig Roger Daemen ut einige goeie: de sjuufdeure tusje de kantine en de serre toemake:

18 Ut woort un sjiek feeske, wo op Rene Gooren in man van de wirkploog, Jo Goossens, unne bekende acteur meinde te herkenne, en Luc Spaans vonj dat Jean en Bastiaan ut get al te gezellig houwe, en ut d r op leek dat Hoessein un blowtje houw gehad: Marco Vaessen houw ut auch prima noa de zin en Peter Peerlings woar zelfs in un dermate goeie buuj dat hae zien vaste sjtek op de houk van de teek inruulde om Jo achter de teek te helpe:

19 Ut woar un gezellig feeske in de kantine. De bbq woar goud, de drank woar rijkelijk aanwezig, de derby woar geneite gewaes en ut waer zoot mit. Prima aafsjleiter dus. Zeker mit de vrieje moandig nog in ut veuroetzicht. Helemoal niks mis mit! De aafsjleiter van dees waek is gewijd aan unne echte clubman. Ut is unne jong dae zich op allerlei vlakken insjpant veur os vereiniging. Nooit te beroerd om de hendjes oet de moewe te sjtaeke om urges bie te sjpringe. Ut is auch nog ens unne jong dae maatsjappelijk betrokke is. Al enkele joare is hae politiek actief en sinds kort maak hae zelfs ongerdeil oet van de Sjteinder gemeinteroad. Doanaeve is r auch veur zien teamgenoten van ut veerde al joarelangk unne gewaardeerde kracht. Woarom? Omdat hae geweun ummer sjpeelt wo de ploug m neudig haet. Back, letste man, middenvelder, aanvaller of un helfke op de bank omdat d r genog sjpelers zeen. Nurges maak hae un probleem van en euveral deit hae zien sjtinkende bes. Dit sezoen haet hae zelfs un groot aantal wedsjtrieje gekeep omdat d r geine vaste keeper woar en de res doa geine zin in houw. De vaste laezers van dees versjlage hubbe vas al lang door dat ich ut hub euver Noud Claessens. Unne jong dae auch naeve ut veldj en boete ut voetbalcomplex zien vrunj te hulp sjut. Effe bie Bartje Linders helpe verboewe? Noud is van de partie, klump op ut daak doa, zak d r doorhaer, vaeg zich effe de kleijer zuver en geit geweun waer euver tot de orde van de daag. Unne échte bikkel dus. Maar Noud haet auch unne zachtere kantj. Ver kenne zelfs bienoa sjpraeke euver licht-vrouwelijke trekskes. En zo wie man van de wereld, Mat Cremers, al joarelangk wit, is dat niks om dich veur te sjame. De metro-man is ín. En dus dreeg Noud dat wereldse gedachtegoed sinds dit sezoen auch oet in Sjtein. Want es Noud zich de voetbaltesk inpak, dan zit doa meer in es allein maar voetbalsjoon, sjeenplate, unne handjdouk en un zuver ongerboks. Zien belangriekste attributen hubbe namelijk niks mit voetballe te make, zo hubbe zien ploeggenoten dit sezoen ongervonge:

20 Menig Sjteindenaer (inclusief de sjriever van dit sjtuk) moch wulle dat hae zon weelderig hoar haet es ozze Noud. Volkomme terech dus dat die prima verzurg waere en dat de föhn dus sjtandaard mitgeit in de voetbaltesj. Maar jederein dae ooit in un voetbalkleidlokaal is gewaes, wit dat die lokale doorgoans un groot noadeil hubbe veur unne jong wie Noud: un gillend gebrek aan sjtopcontacte en sjpeigels. Zo is ut auch in 7 van de 8 kleidlokale op os eige Hetjen, tot grote ergernis van Noud. Maar gelukkig besjikke veer op os complex euver eín kleidlokaal dat qua faciliteiten waal up-tostandard is. Kleidlokaal 3 besjik namelijk euver maarleifs 4 sjtopcontacte en 4 sjpeigels, die auch nog optimaal ten opzichte van elkaar zeen gepositioneerd: En mit gepaste trots ken ich bie deze dan auch, names ut besjtuur van os vereiniging, bie deze melje dat is besjloate dat in noavolging van Fortuna Sittard dat de Noord-tribune haet omgeduip noa de Fernando Ricksen-side kleidlokaal 3 mit onmiddelijke ingang wurt omgeduip in ut Noud Claessens kleidlokaal. Aan un passende officiële oapeningsceremonie wurt achter de sjerme hel gewirk. Maar bie deze alvas van harte proficiat, Noud! Pes volgende waek! Rob Sjulpe