Ozze jonges begoosjte prima aan de wedsjtried. Deurne trok zich terugk tot aan de middenlien en leet De Sjter ut sjpel make. En dat ligk ut team

Transcriptie

1 De Sjter 1 behoalt knap punt taege Deurne; De Sjter 2 versjleit Haslou 2; Steef van de Woude tilt veteranen, zowel op- es naeve ut veldj noa hoger niveau Zo, ut belke rolt waer. Noa un veurbereiding die qua insjpanning en ontsjpanning versjilde per team, mochte diverse teams van os clubke dit weekend waer ens veur ut echie aan de bak. De Sjter 1 haet zich de aafgeloupe seizoenen unne naam opgeboewd es cupfighter en bewees dat dit weekend opnuuj door 1 e klasser Deurne op 2-2 te haute. De Sjter 2 trapte heur baeker-avontuur aaf taege de mannen van Sjtein Zuid 2. Ozze jonges kletsten vol d r op en rolden de buren op mit 7-2. Auch De Sjter 4 houw unne baeker-wedsjtried op t programma sjtoan, taege Susteren 5. Ozze jonges lagte un prima partie op de mat, maar moosjten oeteindelijk nipt ut ongersjpit delven: 3-2. De dames moosjten veur de baeker aafreizen noa Brunssum veur unne pot taege De Leeuw. Mit gouwe sjoon-winnares Bo Knoops (un deil van de wedsjtried) in de goal woort mit 1-0 verloare. De veteranen tot sjlot houwe un helf langk muijte mit scoren taege de vets van Passart/VKC, maar wie Stééééf van de Woude eenmaal de keepers-hejsje houw oetgedoan en zien plek in de as houw ingenomme, vele de goale wie riepe appele: 6-1. Qua aanlevere van informatie woar ut un rustige vakantieperiode. De snitches van deins houwe dudelijk un rustpauze ingelasj. Get wo de sjriever van dit sjtuk neit ongelukkig mit is. Effe rustig d r in komme in t nuuje sezoen, is auch waal lekker. Al mot gezag waere dat eine zoaterdigmiddig bie de vets waer genog sjtof opleverde om n bouk euver vol te sjrieve. Ich zal dus selectief motte zeen Loate veer dit sezoen ens beginne bie os eesjte elftal. Dat zoog heure sjeidsrechterslieveling Thijs Nieuwland deze zomer aafreizen noa Frankriek, wo hae gewapend mit un bidon vol ieskouwe baco, de Nederlandse tour-renners aanmoedigde:

2 De mannen van 1 houwe hun veurbereiding in twee deile gesjplits. In ut eesjte deil in juli woorte o.a. twee oefenwedsjtrieje aafgewirk taege Jong MVV (1-0 winst) en taege Roda JC O19 (6-3 winst). In die twee pötjes constateerde ozze nuuje trainer Jean Maas geliek dat d r ruum voldoende kwaliteit in de selectie zit. Noa un welverdeinde vakantie veur de ganse bende, woort d r in augustus mit deil 2 van de veurbereiding gesjtart. De trainingsintensiteit woort langzaam opgeveurd en d r woorte get oefenpötjes aafgewirk. Auch ut Maaskant treffen woort, zo wie t zich heurt en inmiddels gebrukelijk is, gewonne. Ondanks unne verraegende oefenpot taege MMC Weert (de nuuj club van Ronny Czornyj) zoog de veurbereiding d r prima oet. De in de zomer geopereerde auwt-grensrechter Piet Vos zoog vanaaf zien bekende sjtek in de kantine toe dat t goud woar: Aafgeloupe weekend moosjte ozze mannen veur de eesjte keer serieus aan de bak, veur de baeker taege eesjte klasser Deurne. Coach Jean Maas houw veuraaf al loate doorsjemere dat hae gaer de volgende baekerrunj zou wulle bereiken, maar dat hae dees wedsjtrieje toch veural auch zoog es t verlengsjtuk van de veurbereiding. Auch in de opsjtelling zou d r dus nog (terech) ut neudige geëxperimenteerd goan waere. Taege Deurne houw coach Maas gekoaze veur de volgende opsjtelling: Kis: Geoffrey Achter: Timo, Guido R., Stan, Roel Midden: Davy, Bob, Giel Veur: Hoessein, Marko, Thijs Bank: Mike, Maarten, Randy, d r Rudy oet Voelender

3 Hassan moosj wirke en woar dus neit besjikbaar. Hae zou unne daag later in 2 zien minute van dit weekend make. Euveriges veel auch op dat Randy Wanten gein basisplaatsj kreeg toebedeild. En dat ondanks zeer opzichtige poginge om bie de nuuje trainer in t gevlei te komme: Euveriges houw de oetermate aafgetraind ogende Randy de ganse vakantie gein alcohol of vettigheid aangeraak om zo fit muigelijk aan de sjtart te versjiene. Sjlechs eine keer houw hae zich loate goan en woar hae lekker goan sjranse bie de Chinees. Doa veel m get leuks op, op de menukaart. Aanleiding veur Jari Knoops om un oetermate matige woordgrap te make:

4 Ozze jonges begoosjte prima aan de wedsjtried. Deurne trok zich terugk tot aan de middenlien en leet De Sjter ut sjpel make. En dat ligk ut team waal, zo bleek. De Sjter woar de boaveligkende partie en houw in de persoon van Thijs de besjikking euver de geveerlijkste man van ut veldj. Dat leverde auch de neudige goei kansen op, maar helaas houw o.a. Giel aanvankelijk ut vizier nog neit sjerp sjtoan. Auch Deurne koom d r sjpaarzaam oet, maar es ze dat deige woar t auch geliek ech geveerlijk. Gelukkig redde Geoffrey veur de rus bekwaam. Oeteindelijk koosjte goale echter neit oetblieve. Ut woar Thijs dae de wedsjtried oape brook mit un sublieme actie die sjtrandde taege de binnekantj van de poal. Doanoa woar t wederom Thijs dae Marko de bal op un presenteerblaedje aanreikte en dae tikte de 1-0 binne. Mit dae verdeinde veursjprong mochten de plouge goan ruste. In de tweede helf sjakelde Deurne dudelijk un tendje bie. In de duels woorte geraffineerd get duujkes en kneejkes oetgedeild om De Sjter oet de tent te lokke. Desondanks woare t

5 ozze jonges die de veursjprong verdubbelden. Oet un dood sjpelmoment koom de bal oet de kluts terech bie de ingevalle nuujkommer Maarten Neuhaus en dae toonde zich unne woare goaltjesdief door de 2-0 aan te teikene. Veur Deurne woar dit un sein om eindelijk ens ech te goan aandringe. Dat gebeurde mit name via hunne linkerkantj. De Sjter leek lang sjtandj te haute maar oeteindelijk woort 20 minute veur tied toch de aansjleitingstreffer gescoord door de gasten. De geliekmaker zou oeteindelijk auch nog valle, al ging doa waal un zeer opzichtige, maar neit besjtroafde duujfout taege Stan aan veuraaf. Deurne scoorde oeteindelijk auch nog de 2-3 maar de marchanderende sjeidsrechter besjloot die goal dan maar aaf te keure om zien foutje van eerder in de wedsjtried goud te make. Al mit al unne prima wedsjtried van os jonges. De inzet woar sjiek om te zeen en ut voetbal beejt auch zeker perspectieven veur un leuk sezoen. Klasse mannen! Van de mannen van 1 goan veer euver noa de dames. Die houwe aafgeloupe sezoen un uitermate succesvol sezoen gehad. Binne de liene woare de prestaties prima, boete de liene woort un leuk initiatief ingezat door jeder waek emes angesj unne lekkere maaltied te loate bereiden veur noa de wedsjtried. En auch vanoet de Sjteinder café s seipelden d r veul positieve verhoale en foto s door van os dames. De sjportieve aaftrap van dit seizoen koom veur de ladies in de vorm van unne oetwedsjtried veur de baeker taege De Leeuw. Tot zondigoavend vernoom de sjriever van dit sjtuk allein via voetbal.nl de oetsjlaag (1-0 nederlaag). Wiejer gein taal of teiken van vaste reporter Robin Martens. Die houw doaveur later un prima verkloaring:

6 Gelukkig booj Jari Knoops oetkomst. Dae meldde dat Jill Janssen (baeter bekend es de trophy wife van Roel Heffels) vas waal bereid woar om input te levere. Dus woort d r neit lang geheld en woort Jill toegevoeg aan de groepsapp: Oeh dat beloafde geliek veul. Hoewel veer deze zomer van de Oranje Leeuwinnen hubbe geleerd dat damesvoetbal un erg leuke kieksjport is, besjteit os eige damesteam oet dermate prachtige dames dat de meeste laezers van dees versjlage bliejer waere van fotomateriaal dan van oetgebreide wedsjtriedversjlage. Benuuj wat Jill veur os in petto houw. Dat bleek helaas taege te valle, want Bo haet waal ens charmanter op de foto gesjtange:

7 Euver de wedsjtried veel wiejer weinig te zegke. De nederlaag woar joamer, maar veer zulle auch dit sezoen ongetwiefeld waer vaak kenne sjmulle van de prestaties en de sjpas van ozze dames. Van de dames sjakele veer euver noa de mannen van De Sjter 4. Dat verg enige oetlegk. Zo wie t geer wit houwe veer aafgeloupe sezoen, naeve os eesjte en tweede, nog un driede en un viefde elftal. De Sjter 4 moosj nog veur de sjtart van de competitie terugk getrokke waere vanwaege ongerbezetting. Dit sezoen ligk dat angesj omdat veer versjterking gekrege hubbe van un ganse delegatie oet Maes (wo onger living legend Peter de lange Paes). Doadoor sjtart men dit sezoen waer mit zowel un driede es un veerde es un viefde. Al mot gezag waere dat de drie selecties vrie krap zeen. Maar mit get ongerling oethelp-werk, auch in combinatie mit de A-jeugd, zou ut motte lukke. De mannen van De Sjter 4 houwe de aafgeloupe veurbereiding gebroek om te doon wo men ut beste in is: zich lekker vol loate loupe op diverse festival-terreine door ut landj: Euver de wedsjtried van aafgeloupe weekend (3-2 nederlaag oet bie Susteren 5) bereikte mich helaas gein informatie. Maar doa geit de kommende waeke ongetwiefeld verangering in komme. Succes dit sezoen boys! Tusje al dit voetbalgeweld door nog effe un berich euver os driede elftal. Die zulle auch dit sezoen waer sjpele onger de deskundige leiding van Rene Gooren. Noa de letste plaatsj van aafgeloupe sezoen houw Rene deze zomer doorgeselecteerd en un geweldige aanwinst veur zien ploug weite vas te legke. Es gevolg van miscommunicatie veel de officiële presentatie van aanwinst Serge echter in ut water:

8 Veer wunsje De Sjter 3, en met name nuuje aanwinst Serge, un succesvol sezoen toe! Dan sjnel door noa de ploug die dit weekend de eesjte derby der derby s van dit sezoen moch aafwirke, os tweede elftal. De mannen van de nuuje trainer Jean Janssen sjpeelden zondigochtend thoes veur de baeker taege Haslou 2. De veurbereiding van os jonges woar oetmuntend, getuge de foto s van de vriedigoavend: Dat deit toch ummer goud, esse sjpelers van 4 versjillende seniorenteams lekker mit elkaar op sjtap zuus goan. Klasse jonges. Allein es dan de volgende murge de balans wurt opgemaak

9 De gehavende vinger bleek eigendom te zeen van Frank doe krigs 10 euro esse d n Haenraets. Dae houw ruzie gehad mit unne lantaernpoal en woar es verleizer oet dae sjtried gekomme. De schone slaapster op de bank is Randy Wanten dae zich om 7 oer sjmurges, bie thoeskomst, de bank dusdanig houw gedreijd dat hae zelfs om 3 oer sjmiddigs nog gein las zou hubbe van de sjtroalende zon boete. Euver Randy gesjproake effe leek t d r op dat milfhunter Randy unne nuuje bienaam moosj goan zuike. In t nuujts woar namelijk dees waek t berich dat de termen cougar en milf vervange ginge waere door t vrunjtelijker klinkende Whip (Whomen who are Hot, Intelligent and in their Prime). Randy bleek doa echter geine boodsjap aan te hubbe:

10 Maar goud, loate veer maar ens euver ut voetballe goan kalle van de jonges van 2 althans dat woar mien idee. Maar de vaste reporter van De Sjter 2, Jari Knoops, woar dudelijk op zondigoavend nog neit bekomme van ut sjtappe van vriedig op zoaterdig pes 7 oer sjmurges, gevolg door unne middig en oavend bar-deins in de kantine, gevolg door unne wedsjtried op zondigochtend. Ut is m vergaeve. Maar dat beteikent dus waal dat de input euver de wedsjtried beperkt bleef tot: Noavroag noa de doelpuntenmakers leverde vervolges auch maar hauf werk op, ondanks hulp van Randy: Maar goud, ut is de eesjte waek en de correspondenten motte nog effe d r in komme. Loate veer maar sjnel doorgoan mit t letste team dat dit weekend in actie koom, ozze veteranen. Pfff en noe zit ich inmiddels alwaer op 10 pagina s, en dan motte de vets nog komme. Nou ja, wo zal ich ens beginne. Mesjiens mit te vermelden dat d r sinds ut eind van veurig sezoen pes aan dit weekend unne roje droad vilt te besjpeure bie de vets. Dae rooje droad betruf unne man dae mich ummer t gevuil geef dat ich bes goud geïntegreerd ben in Sjtein. Maar

11 goud, vergeleke bie zien integratie in Sjtein is de gemiddelde terugkkerende Syrië-ganger auch prima geïntegreerd. Ich hub t euver nemes minder dan Steef van de Woude. Stééééf, zo wie hae door zijn ploeggenoten wurt genuimp zal veur eeuwig gehinderd waere door zien Mesjtreechse roots. En dat is auch prima. Want sjus die roots zurge d r auch veur dat hae os op veule gebieden af en toe get kent bielere. Steef is namelijk weliswoar op de tweede plaatsj unne Mesjtreichtenaer, en op de derde plaatsj unne Sjteindenaer, maar op de eesjte plaatsj toch veural unne wereldburger, getuge de foto s die geer de aafgeloupe joare al hub zeen passere en die auch deze zomer waer veurbie kome: Nairobi in Kenia, of Mumbai in India, Steef dreijt d r zien handj neit veur om. En de wijsheden die hae doa opdeit deilt hae bie terugkkomst gaer mit zien ploeggenoten. In Steefs nimmer aafloatende drang om de blik van de angere vets te verrume, houw hae echter auch dees vakansie gezurg veur muiterij op de groepsapp. Steefs filmkes zurgden namelijk veur ut vertrek van versjillende luuj op de groepsapp:

12 En dat woar zunj. Want dees moraalridders moosjte vanaaf dat moment neit allein de geestverruimende filmkes van Steef, maar auch beveurbeeld de mode-oetsjpattinge van Mat Creemers misse: En auch de zoveulste oethoal op facebook van Mia Leurs in de richting van heure honjstroewe echtgenoot Will:

13 En auch diverse foto s oet de Sjteinder cafe s, zo wie dit prachtige exemplaar van Roger Daemen: Bie de achterblievers op de groepsapp woare de commentare wisselend. Leon Fredrix ging d r mit gesjtrek bein in. Stefan Janssen sjloog un meer verzoenende toon aan:

14 Willem Thewissen weet de euvergevuiligheid van de vertrekkers aan t feit dat ze ongetwiefeld ut vakantiegevuil alwaer kwiet woare en in hun dagelijkse sjleur gein plaatsj koosjte inrume veur verruming van de geist: En effe sjloog os de sjrik om t hart wie Huub van de Spar zich meldde mit nuujts euver Steef

15 Ron Marchal en Leon Fredrix meinden un verkloaring te hubbe veur dat gruine hesje van Steef. Ut woar echter de man in kwestie zelf dae opheldering goof: Oeteindelijk woar ut de grote verzoener Willem Thewissen dae de kop d r bie heel en eenheid terugkbrach in de veteranen gelederen. D r woort unne nuuje groepsapp aangemaak wo alle vets in kome en wo in allein voetbalinfo gedeild moch waere. De geestesverrumende filmkes van Steef en consorten woorte allein gedeild in de angere groepsapp. Op dae voetbalinfo-app koom aafgeloupe waek auch un euverzicht veurbie van luuj die achtersjtandj houwe op de veteranen-contributie (unne extra contributie dae los sjteit van de club). Ron verbaasde zich euver de namen:

16 Steef van de Woude zoog in dat bericht aanleiding om nog effe unne rechse directe oet te deile. De reactie van Ron koom sjnel en ad rem:

17 Leon Fredrix wol zich auch nog in de discussie menge, maar woort door Gerard Martens sjtevig op de vingers getik: En in dae positieve sjwung koom vanaaf vriedig waer de focus op de eesjte wedsjtried van t sezoen. Willem Thewissen meldde dat d r keepersprobleme woare, omdat Rudy Crutzen neit besjikbaar woar. Gelukkig koosj dat geweun intern waere opgelos. Al woar de vrijwilliger onverwachs:

18 Poeh, dat woare nog ens oetsjproake. Steef zou dus eesj un helf goan keepen en doanoa es sjpelverdeiler ut versjil goan make. Jederein wreef zich al in de henj om Steef om de ore te klatse es dat plannetje in ut water zou valle. Op zoaterdigmiddig rondj veier oer verzamelden de matadoren zich in de kantine. Ein veur ein druppelden ze binne. En jedere nuuje binnekommer woort vanzelfsjpraekend van commentaar veurzeen. Te beginne mit de entree van Misha Dreessen. Willem: Dae Misha wurt auch zo vet wie un verke, he? Roger: Joa, dae is hendig dik gewoare in ut gezich. En doanoa koom Gino van Gelder binne. Gerard: Hey Gino, sjtomme lelijke kael! Gino: Sjtom alleh, maar lelijk???? Gerard: Wae zei dat taege dich, Gino? (wiezend noa Willem): hae? Houw m op die pens. En auch de entree van Steef leidde tot reacties. Willem: Auw kut Steef, wat deig dae kael mit die kip op dat filmke? Steef: Och joa, dat filmke mit die kip. Dat houw ich van wakker dier gekrege. Gerard: Zo n filmkes kense neit zomaar op unne groepsapp zette, man. Steef: Jonges, esse oet de groepsapp sjtaps vanwaege filmkes, dan sjlutse dien auge veur de realiteit. De binnekomst van vaste supporter Henkie van de Pitsch verleidde Willem tot ut deile van ein van de leukste quotes van Henkie. Willem: Henkie vertelde ens dat hae vruiger in de zomer unne auto klauwde, veur 70 guije diesel d r in sjmeet, noa Sjpanje reej, en dan mit zien böl in de zon ging ligke. Wo op Henkie aanvulde: maar noe mit dat Ryan Air mot ich mich get angesj loate invalle. Rondj hauf 5 woort t kleidlokaal opgezoch. Piele bekeek zich doa ens ut lichaam van de aan de late kantj gearriveerde Levi Nelissen en zoch de aanval. Piele: Wie lups doe die triathlons oet? Sjnoefs doe ofzo? Levi: Enne? Gerard: Besse doa waal ummer op tied? Eddy Ubbink houw zich intusje zien wedsjtriedshirt oet de tesj gepak en bedach zich dat d r get ludieks woar aan t sjpele in un shirt mit DJ Will es shirtsjponsor, aangezeen Will Leurs ein van degeine woar mit unne contributie-achtersjtandj. Eddy: Goan veer noe ech sjpele in un tenue wo unne wanbetaler op sjteit? Mesjiens motte veer op de achterkantj reclame van un incassobureau zette.

19 Gerard Martens constateerde dat veer maar sjus 13 man houwe en adviseerde Willem om unne nuuje sjpeler vas te legk. Gerard: Doe mos de Frijter vroage. Dan hub ich tenminste unne vrundj om mit te rouke in t kleidlokaal. Willem: Zet mich dat dalik effe op de groepsapp. Angesj ben ich dat alwaer vergaete. Gerard: Welke van de twee groepsapps? Willem: Dae mit de voetbalinfo. Op dae angere kriege de homosexuelen ut neit mit. Vanwaege de krappe selectie woort nog ens ut rieke aafgegange van aafwezigen. Van bienoa jederein wis men de reje van aafmelding. Allein van Roger Daemen, dae zoaterdig es coach fungeerde, woar de reje neit bekend. Paul: Wat is mit d n Doam? Woarom sjpeelt dae neit? Geblesseerd? Eddy: Dae haet un aet-sjteurnis, hub ich geheurd. Paul: Un wat? Eddy: Hae haet d n ieskas kapot. Inmiddels woar ut 10 veur 5 en woar ut tied om maar ens aan un warming up te beginne. Tiedes de warming up maakte coach Daemen de opsjtelling bekend. Steef van de Woude zou de goal verdedige. In de achterhoede bemanden Frank Peters en Paul Janssen de flanken en vormden Piele en de sjtapelverliefde Gerard, dae veur ut eesj onger toezeend aug van zien liefje sjpeelde, de verdediging. Op ut middenveldj moch de sjriever van dit sjtuk zich begaeve tusje ut loupvermogen van Levi, de duelkracht van Misha en ut vernuft van Eddy. In de veurhoede moosjten Ron en Stef, dae al vanaaf hauf 9 dae murge op t voetbalterrein houw rondjgeloupe en dae net nog de A-jeugd houw gefloate, ut versjil make. Op de bank noom Willem Thewissen gretig plaatsj tusje de aanwezige sjpelersvrouwen. Robbie van der Linden deig zien warming up op t terras. De eesjte helf sjpeelden beide plouge in un moordend tempo, onger leiding van sjeidsrechter Robert Kraus. Ut woare de gael-zjwarten die zich kans op kans oetsjpeelden, maar die ut vizier nog neit gans op sjerp houwe. Noa 20 minute woort toch de ban gebroake wie Misha unne vrieje trap sjnel noom op Rob, dae de bal in ut huikske knalde. Neit veul later woar t Stef dae oet de dreij de veursjprong verdubbelde. Taegesjtenjer Passart/VKC wis op sjlaag van rus echter nog get terugk te doon wie un geplaatsj schot keeper Steef te machtig woar. In de tweede helft houw Ron de plaatsj van Steef in de goal ingenomme. Steef ging op zien beurt probere om de aanvalle te dirigeren, van achter de sjpits. Robbie loste Eddy aaf op de linkerflank. En Willem woar al veur rus ingevalle veur Paul. Dat deig hae trouwes mit unne geweldige entree: door eesj vlak veur de in de dug out zittende sjpelersvrouwe unne sjeet van 15 seconde te loate, om vervolges ut veldj in te sjprinte, in ut graas te blieve hange en vervolges langkoet unne pass te ongersjuppe.

20 De tweede helf sjting onger deskundige leiding van Tom Keulen. En al sjnel bleek dat de kwaliteiten van Steef van de Woude de doorsjlaag gove. Onger zien leiding golfde de eine aanval noa de angere richting de goal van Passart/VKC, dat dankbaar moch zeen dat de sjade noa rus beperk bleef tot un goal van Levi, ein van Misha en twee van Rob. Noa aafloup in de kantine woort mit tevrejenheid terugkgeblik op de seizoens-ouverture. Terwiel boete de mannen van 1 aan ut voetballe woare taege Deurne, lichtte binne Mat Creemers mit jeder nuuj deinblaad pils un extra tipje van de sjluier op van ut ultrageheime programma van de Goed Fout-party op 9 september. Jos Driessen: Wat hubs doe trouwes aan, Matje? Ich dach dat volgende waek pas de Goed Fout party woar. Temidden van al dae sjtomme kal woar Gerard Martens opvallend rustig. Ongetwiefeld de positieve invloed van zien liefje, die naeve m zoot. En de invloed van de ploagende opmerkinge die hae af en toe noa de kop kreeg. Jos Driessen: Gerard, hubse vandaag auch 10 bonne in plaatsj van 5 biegelag? Gerard: Sjei oet man, zeiverkut. Ich betaal al joare dik mit aan al die oetsjtepkes van uch, wo ich zelf nooit aan mitdoon. Ich betaal godverdomme helemoal niks extra. En precies dat maak dees groep uniek. De versjillende karakters. Van veroordeilde criminelen noa nooit gepakte criminelen, van heterosexuelen noa bisexuelen nog metrosexuelen, van laatkommers tot plekkeblievers, van mannen van de wereld tot dorpsluuj, van luuj mit sjmetvrees tot aaflekkers van wc-brillen op ut damestoilet. Allemoal op zich zeen ze uniek. En toch

21 En toch hubse auch tusje al die unieke figure emes dae nét nog effe get unieker is es de res. Ongerhauf joare geleje loog hae nog op de intensive care in Mesjtreich. Zien laeve aan un zieje droadje. Petrus houw de hemelpoart al veur m oape gemaak, maar zzze lieve heer zelf sjikte m terugk noa Sjtein. Mit n missie: zurg ens dasse die boeren oet Sjtein aan ut voetballe krigs én maak geliek men van de wereld van ze in plaatsj van de boerenpummels die ze noe zeen. Un joar langk haet r op therapeutische basis rondjgeloupe bie de vets. Sjpaarzaam woare de momenten wo op hae sjitterde. Zien lichaam hersjtelde troag. Maar dit sezoen versjeen hae es herrezen aan de sjart. Aafgeloupe zoaterdig mochten veer allen de sjart van zien heilige missie aansjouwe. Gezaegend vuilden veer os, dat veer m in os midden mochte verwelkomen, en aan zien ziej mochte voetballe. Dat veer nog maar veule joare van dien voetbalkwaliteiten, dien verbale kwaliteiten en dien filmkes moage blieve geneite, Steef! Pes volgende waek! Rob Sjulpe