De Sjter 1 verlus ongelukkig van Heer; Dames blieve in winning mood; Rick Kostons en Steef v/d Woude blinke oet; Randy Wanten maak rentree!

Transcriptie

1 De Sjter 1 verlus ongelukkig van Heer; Dames blieve in winning mood; Rick Kostons en Steef v/d Woude blinke oet; Randy Wanten maak rentree! Wát un waek hubbe veer achter de rugk veur os seniorenteams. Joa, de resultaten dit weekend vele taege. Os eesjte, driede en viefde verlore jammerlijk hun wedsjtrieje en os 2 e moosj berusten in un geliek sjpel. De euverwinningen van de dames en de vets woge doa sjportief gezeen neit taegenop. Maar ondanks die resultaten veel d r tóch unne héle houp te lache en viere bie de diverse teams. Wat te denke van de rentree van ozze Servische milfhunter Wanteliç bie De Sjter 2? En van ongecensureerde poep- en kots-verhoale oet Manchester rondjom de grensrechter van De Sjter 3? Of van Marokkaanse verwarring euver t ingoan van de zomertied bie de dames? Unne hattrick van unne verloare zoon bie de veteranen? Unne sjpeler van ut viefde dae pas nóa de wedsjtried mot kotse van de sjpanning noa unne benutte penantie? Kortom: álle reje om op un oetbundige maneier versjlaag te doon van t ganse gebeure. Te beginne mit de vriedigoavend. Op dae oavend houw immers bie Café de Poart de door Denny Vorstermans georganiseerde reünie plaatsj van t kampioensteam van De Sjter 1. En ut mót gezag: Denny houw dat perfect geregeld. Op de gereserveerde steh-tishe loge beveurbeeld mappen mit krantjeknipsels en angere herinneringe oet t kampioensjoar: Ut woort unne leuke oavend mit goei verhoale oet de ouw doos, biekalle euver de hedendaagse activiteiten van jederein, veuroetblikke op t veteranentreffe van unne daag later tusje IVS (Borgt, Erens, Quaedvlieg, Virdis oet t kampioensteam) en De Sjter (Vorstermans, Schulpen), genog pilskes, flugels en bitterbel. En auch nog un fotopresentatie van t kampioensfeest in 2010 op de tillevisiesjerme van t café.

2 Unne korte terugkblik op dat succesvolle sezoen en de hoofdpersonen doa in, is toch waal op zien plaatsj. Veur aanvang van t sezoen woort t elftal door Neerbaek-coach André Boessen in de gezet al omgeduip tot Chelsea aan Maas. De reje? Ut nog éin joar doorgoan van un groot aantal sjterkhouwers oet eerdere joare (Roger Quaedvlieg, Karim Virdis, Ewald Borgt, Bjorn Seinen, Denny Vorstermans, Rudy Crutzen), de terugkkeer van un aantal talentvolle jong men op t ouw nest (Ikram Moumni en Wesley Thompson), de doorsjtruiming van un aantal talentvolle sjpelers oet de jeugd (Randy Wanten en Nick Kohlen), de aanwezigheid van jonge sjterkhouwers (Robin en Rick Visschers, Paolo di Lernia, Joep Nacken) en ut aantrekke van un drietal versjterkinge (Guido Cals, Rob Schulpen, Fabio Liberato). Mit anger weurt: un kwalitatief zeer sjterke selectie. Pak doabie dat de begeleidingssjtaf besjting oet coaches Rob Lemmens en Jack Dassen, elftalleiders Adam Lardinois en Patrick Eerens, verzurger Michel Somers en vlagger Jack Sloessen, mit op de achtergrondj hoofdsjponsor en mental coach Walter Abramovic Kuijpers, en alle ingrediënten veur succes woare aanwezig. Ut sezoen begoosj oetmuntend mit un ganse reeks van euverwinninge en ut binnehoale van de eesjte periodetitel in Neerbaek. Taegesjlage woare d r echter auch al: un blessure velde topscorer Borgt al vruig in t sezoen, Joep Nacken kreeg achtereinvolges un rooi kaart (noa 1 minuut bie SSOC) én un sjleipende blessure, en auch de eesjte puntverleize woorte un feit. Oeteindelijk woort t zelfs nog oetermate sjpannend en woar d r un donder-speech van Denny Vorstermans neudig om alles waer op de rit te kriege, wonoa de titel esnog woort binnegehoald via un thoes-euverwinning op Urmondia. Un groot deil van die selectie en staf woar dus vriedigoavend biejein bie de Poart en koom doa un aantal opmerkelijke feitjes aan de weit. Zo bleek Michel Somers zich inmiddels, onger invloed van de grote insjtruim van Zuid Europese sjpelers bie Roda, zelf auch unne imposante baard aangemaete te hubbe. En Patrick Eerens bleek op 45-joarige laeftied nog ummer op oproup-basis minuten te make in IVS 1. Ut leuke doa aan is dat IVS, in t kader van heur 100-joarig jubileum, in juni unne wedsjtried taege MVV geit sjpele. Dae wedsjtried geit oet 3 deile besjtoan. In ut eesjte deil sjpeelt un team oet de joare 90, in ut tweede deil un team oet de joare 2000 en in ut derde deil ut huidige IVS 1. En geer roajt t al: Patrick Eerens is de einige sjpeler dae gerechtigd is om alle drie de deile mit te voetballe! Van dae grotendeils vergoane glorie keren veer terugk noa t heden om un team te besjpraeke dat de letste waeke de sjmaak van euverwinninge goud te pakke haet gekrege: os damesteam. Dat moosj dit weekend aantraeje taege directe concurrent Geertruidse Boys en auch dees waek deit Clannad do aversjaag van. De veurbereiding van os dames begoosj op vriedig mit eesj un training en doanoa un gezellig oetsjtepke noa Mesjtreich:

3 Op zoaterdig herinnerden de dames elkaar op de groepsapp nog ens aan t ingoan van de zomertied. In de meeste sjloapkamers ging dat houd, maar wie de koppe geteld woorte op zondigochtend, ontbrook d r eine. Opheldering koom d r al sjnel via de groepsapp: Wie oeteindelijk auch Marwa aanwezig woar, koosj d r vertrokke waere richting Sint Geertruid. Doa woort de opsjtelling onthuld: Kis: Maartje Achter: Lonneke, Jill V., Dyonne en Rachel Midden: Clannad, Siri, Joy en Kyra Veur: Samantha en Bo

4 De wedsjtried begoosj fel van beide kantje en ging geliek op. Unne handsbal van un taegesjtandster leverde unne directe vrieje trap op veur De Sjter. Dyonne eiste de bal op en krulde de bal, à la Rene Gooren, keurig in t netje veur de 0-1 veursjprong! Noa dae veursjprong zakte t sjpel van ozze ladies echter get in wodoor ut al sjnel waer 1-1 sjting. De dames raapten zich biejein en dat brach Joy, noa un aafwezigheid van 2 waeke, waer in sjtoat om nog veur de rus de 1-2 te scoren. Noa de pauze woort De Sjter terugkgedronge en moosj de ploug zich beperke tot verdedige en countere. Dat deig de ploug echter prima wodoor de beste kansen nog ummer veur ozze ladies woare. Gescoord woort d r echter neit meer en dus mochte de drie punte mit terugk noa Sjtein. Maar veurdat aan de terugkreis woort begoosj, woort d r eesj nog un geweldige foto gemaak bie de kleidkamerdeur, wo n paar letters van t woord thuisclub op woare weggevalle: Un klasse euverwinning waer dames! Wae wit wat d r nog muigelijk is dit sezoen? De titel is nog altied neit oet zicht. En doabie is d r aafgeloupe waek auch nog un nuuje aanwinst binnegehoald in de persoon van Nikky, de vriendin van nemes minder dan Davy Hodselmans. Succes Nikky!

5 Dan door noa os tweede elftal. Dat haet theoretisch auch nog ummer kans op de titel maar dae hoap is eigenlijk al un tiedje geleje loate vare. Op un goeie maneier ut sezoen aafmake mit un ultra-krappe selectie is momenteel t devies. En dan is unne derby taege Caesar unne prima wedsjtried om de motivatie hoog te haute. Coach Crutzen houw waer weinig te keize dees waek en maakte de volgende opsjtelling: Kis: Batsiaan (gein sjpelfout; oetlegk volg hie onger) Achter: Frusj, Jari, Joep en Sjoerd Midden: Frank, Cyrill en Mike Veur: Youri, Luc en A-junior Jesse Grummer Vlag: Bart Linders Op de bank woar d r un plaatsj ingeruump veur good-old Pascal Conjour en veur un tweetal bezunjere luuj. En es Pascal de normaalste sjpeler is dae se op de bank hubs zitte, dan krieg geer un bietje un idee wo coach Crutzen ut mit te sjtelle haet hedentendage Naeve Pascal zote namelijk op de bank verloren zoon nummer ein Randy Wanten, dae zien rentree maakte noa bienoa twee joar blessureleed, en verloren zoon nummer twee Kenny Lemmens, dae alwaer un tiedje terugk is van zien militaire missie in t Midden Oosten, wo hae zich (getuge ongersjtoande foto) in laeve haet motte haute door t mit blote klauwe oet de Tigris riete van piranha s.

6 Maar alle gekheid op un stokje. Pascal en Kenny zeen goei voetballers en gouwe jonges om es club én es team d r bie te hubbe. En Randy is natuurlijk, es hae terugk kent komme op zien ouwe niveau, kommend sezoen zelfs geweun un directe versjterking veur De Sjter 1. Os tweede begoosj taege Caesar aanvallend aan de wedsjtried. D r woort prima gevoetbald maar tot echte kansen leidde dat neit. Noa 10 minute leek d r taegesjlaag op komst want keeper Bastiaan ging ligke op de grondj. D r bleek m get in un bats te zeen gesjoate. Wesly Wanten anticipeerde sjterk en masseerde de pien weg. Bastiaan koosj gelukkig door maar geit de res van dit sezoen waal door t laeve es BATSiaan. Noa un minuut of 20 ongersjupte Mike unne bal en sjtuurde Luc in de deipte op paad. Dae bleef kalm en scoorde de 1-0. De Sjter wol meer en ging op jacht noa unne grotere veursjprong, maar goof doabie zelf auch kansen weg. Mit name doordat sjpelers get al te lang mit de bal lepe en t tiki-taka-sjpel get al te zeer woort doorgeveurd. Gelukkig woar t keer op keer unne verdediger of keeper batsiaan dae in de waeg loog. In de 35 e minuut leidden ozze jonges echter via balverleid esnog de geliekmaker in. Vlak veur de rust krege ozze jonges nog unne vrieje trap op 25 maeter sjuin veur de goal. Joep ging achter de bal sjtoan, noom m leeg langs de moer en doa woar t ziene naef Frank, frisj terugk oet Manchester van zien oetsjtepke mit matties Davy Hodselmans en Marco Vaessen, dae de bal binnekeigelde. Mit unne 2-1 veursjprong ginge os jonges ruste. Noa rust kreeg De Sjter nog un aantal goei kansen, maar woar ut toch veural Caesar dat de klok sjloog. Neit ens zozeer omdat die jonges baeter voetbalden, maar veurnamelijk omdat ze feller woare in de duels en alle 2 e bel wonne. Noa wederom balverleis van De Sjter counterde Caesar noa de 2-2. Inens woar d r consternatie langs de lien. Randy Wanten ging zich werm loupe en deig dat onger luid applaus. Teen minute doanoa woar t dan zo wiet. Randy moch de letste 10 minute invalle, noadat hae in twee joar tied rundjes om t veldj haet geloupe in t kader van zien revalidatie. Randy maakte zich nog nuttig mit un aantal goeie passes, goeie verdedigende acties en zelfs unne veurzet veur de goal in plaatsj van achter t vangnet. Caesar kreeg op t eind auch nog get kanse maar Bastiaan heel de ploug op de bein. Van os tweede goan veer euver noa de mannen van De Sjter 3. Deze beesten houwe veurige waek un sjtevige nederlaag motte incasseren en troffe dit weekend de gedoodverfde kampioen oet hun klasse, Lindenheuvel-Heidebloem. De mannen gove 90 minute ongekend gaas en zoge noa aafloup unne druim-oetsjlaag op t scorebord in Lintjheuvel sjtoan:

7 Oet ut versjlaag van coach Gooren wurt dudelijk dat d r un technisch probleem ten grondsjlaag loog aan dit verrassende beeld. René vertelt: Un zjwoar gehavend driede woar aan de beur om noa de absolute topploog in ozze competitie aaf te reizen, L Hill-Heideflower combi. Trainer Gooren paste vandaag un verrassende tactiek toe door achterin geweun man op man te goan sjpele en in un formatie de taegesjtenjer aaf te jage. Die tactiek wirkte ut eesjte kwarteer super! L Hill koosj allein de lange bal hanteren en ondanks sjnelle en henjige boetesjpelers woort ze aanvankelijk neet geveerlijk. En geluif t of neet, mer ut Driede koom zowaar op veursjprong oet unne vrieje trap van trainer/coach Gooren (toevoeging Rene: hae kent t dus tóch nog!): 0-1!!!! En bienoa woort t auch nog 0-2, woare t neet dat de aanval woort aafgevlag weges boetesjpel. Noa dat eerste kwarteer aafjagen en druk zette woare ozze jonges get meug en doadoor koom L Hill op gang. Bie de rust woar t 5-1. In de rust woort d r nogmaals op gehamerd om geweun gaas te blieve gaeve aangezeen achteroet leunen auch weinig zin zou hubbe en dat resulteerde nota bene in nog ens 2 treffers die bienoa identiek woare. Eesj sjoot de keeper taege de druk zettende Robin Janssen op wodoor de bal in de goal vloog en later in de wedsjtried gebeurde t zelfde bie Mick Cremers. Thijs Kemp en Rene Gooren ginge in de tweede helf veur de sjoonste net-neet goal van de daag. Thijs ging heel sjterk door richting 16 ondanks dat hae tig keren oet balans woort gebrach en probeerde de bal doanoa nog euver de keeper te lobben. Briljant bedach, maar helaas koosj de keeper de bal nog nét oet de loch plukken. Rene besjloot bie unne 9-3 sjtandj rechtsjtreeks vanaaf de aaftrap op doel te sjeete. Jederein heel ziene oam in want dae bal leek d r auch nog verdomd sjoon in te vleege. Allein dreijde de bal net te weinig en ging un hauf maeterke langs de krusing. De eindsjtandj woar 10-3 en dat koosj t scorebord in Lintjheuvel neit aan. Noe meer goan traine zodat veer waal 90 minute langk volle gaas kenne blieve sjpele! En zo is t maar nét, Rene. Klasse om zo n versjlaag te kriege ondanks un dikke nederlaag! Wiejer vermeldenswaardig woar euveriges nog dat De Sjter 3 grensrechter Marco Vaessen aafgeloupe waek, same mit zien matties Davy Hodselmans en Frank Haenraets noa Manchester woar gevloage. En zo wie t heurt es échte kaels, geisse dan neit doa de toerist oethange en allerlei foto s trekke van lokale bezienswaardigheden. Nae, doe beperks t vaslegke van herinneringe aan die reis tot t gezich van diene vrundj es r op de wc zit en t gezich van diene vrundj es t net in t vleigtuug haet gesjpiejd:

8 Van ut driede goan veer noa De Sjter 5. Die moosjte thoes aantraeje taege aevenens un ploug van Lintjheuvel-Heidebloem. Helaas moosj de ploug t echter veur de tweede keer op riej doon zonger keeper. De ploug houw zich, noa de zeiperd taege Alfa Sport 2 waeke geleje, veurgenomme om geweun gaas te blieve gaeve, wat d r auch gebeurde. Dit keer zou men t kupke neit loate hange bie unne achtersjtandj. Jederein bleek zich dat goud in de ore geknuip te hubbe want de wedsjtried ging geliek op en vöäl duels woorte gewonne. Bie de rus sjting t sjlechs 0-1 veur Lintjheuvel-Heidebloem en de mannen van 5 gove goud partie. Noa de rust veel al sjnel de 0-2, maar ozze jonges bleve knokken. En dat resulteerde in unne treffer van Michel Beks, dae vanaaf de 16 de bal oet de dreij prachtig in de krusing sjoot. Effe dach men aan un gelieksjpel taege de virtuele nummer 2 op de ranglies maar al sjnel moosj toch de 1-3 geïncasseerd waere. Toen heije die van de Lintjheuvel pas in de gate dat d r unne veldjsjpeler in de goal sjting en scoorden ze in de letste 10 minute helaas nog 3 kere. De Sjter koosj helaas neit meer scoren. Unne bal op de lat van Michel Beks en unne inzet nét naeve de goal van Tom woare t kortste bie wat men koom. Auch unne penalty woort neit verzilverd. Nota bene door de absolute oetblinker van deze wedsjtried, Rick Kostons. Ralph Doek woar desondanks lovend euver Rick: Rickie sjpeelde unne geweldige pot. Hae koom in jeder duel veur ziene man, maakte rushes langs de zielien en goof un deil prima veurzette. Noa aafloup van de wedsjtried realiseerde Rich zich eindelijk wat r bie de pingel vergaete woar: ich woar vergaete zenuwechtig te waere bie de penalty. Maar Rick houw die weurt

9 nog neit oetgesjproake of hae kreeg inens waal de zenuwe en moosj sjpontaan unne sjprint noa de wc trekke om te sjpieje. Al mit al unne wedsjtried mit unne geflatteerde oetsjlaag, wo in os viefde de eesjte 50 minute prima taegesjtandj booj ondanks unne veldsjpeler in de goal. Ralph Doek woar tot sjlot lovend euver t vrijwillige keepen van Devon en Marco, al vonj hae doabie unne kleine ploagsjtoot nog waal op zien plaatsj: Dan zeen veer inmiddels toegekomme aan ozze veteranen. Die houwe unne wedsjtried taege de vrunj oet Berg aan de Maas. In de waek veuraafgoand aan dat duel kome d r op de groepsapp un aantal jeugdfoto s veurbie van un tweetal veteranen. Te beginne mit Denny Vorstermans dae bliekbaar al vruig de basis haet gelag veur dat waekelijkse draven langs de rechter zie-lien :

10 Die foto brach de sjriever van dit sjtuk tot un raadseltje: Auch van Gerard Martens koom un jeugdfoto veurbie. En auch bie Gerard bleek dat al op jonge laeftied de basis is gelag veur get wat Gerard nog jeder weekend heel gaer deit: Die foto van Gerard goof aanleiding tot get app-verkeer wobie Gerard nog effe woort aangesjproake op zien aafmelden (vanwaege un rondjleiding in de gevangenis) van un waek eerder en Gerards naef, Willem Thewissen, nog effe terloups commentaar kreeg op un aafmelding eerder dit kalenderjoar. Al probeerde Willem t geheel aaf te doon mit un verwiezing noa unne meer structurele aafmelder:

11 En tot sjlot volgde d r nog un foto van Gerard Martens oet ziene deinst-tied, wo t neudige commentaar op koom:

12 Mit Chuck Martens in de gelederen verzamelden de mannen van de veteranen zich op zoaterdig om de sjtried aan te binje mit IVS. Willem Thewissen deit doa dees waek op onnoavolgbare wieze versjlaag van. Weliswoar in t Nederlands, maar t vertale van de authentieke tekst in dialect zou wellicht leiden tot onhersjtelbare besjadiging van dit prachtige sjtaaltje werk van de grootmeester: Soms heb je zomaar een tegenstander waarvan je denkt Och.als zij deze keer winnen is het ook goed. Vroeger was dat niet zo! Toen werd met een bloed, zweet en tranen mentaliteit gestreden om iedere meter. Nu de vedetten van IVS en De Ster 30 jaar ouder zijn, kunnen we constateren dat het allemaal niet zoveel meer uitmaakt. Genieten is het wel, iedere keer weer. Niet zo zeer het flitsende spel maar wel gewoon het lekker tegen elkaar ballen en vervolgens de lange nazit. De zon scheen lekker deze zaterdag maar er stond een harde noordooster over het veld van IVS. De club die dit jaar haar 100-jarig bestaansfeest viert. In de week voorafgaand was er al druk contact tussen de regelaars van IVS en die van De Ster. Onze knotsgekke maar ook geniale voorzitter van de feestcommissie, Mat Cremers, bood IVS aan om de traditionele sportmaaltijd te organiseren. Mat gaf Jo Strijkers aan dat hij de mosterd moest regelen, de rest deed Mat. Deze keer had Mat zich laten inspireren in de metropool Brussel. Het zou een exquise lekkernij met de alles zeggende naam Brussels Braadworst met spek broodje worden, 3 per persoon. Mat zou zich de tweede helft laten wisselen en dan het geheel gaan laten garen in de ruime Bergse keuken. Over die bereiding wilde, nee sterker, mocht hij niets los laten. Een kleinigheidje liet hij toch doorschemeren. Dat is voor de liefhebbers hieronder recht gedrukt, de rest kan dit overslaan. Roer in een kom de ricotta los en schep blokjes braadworst en tomaat, ui ringetjes en de kervel erdoor. Breng dit mengsel op smaak met zout en peper. Bestrijk de plakken brood royaal met het spek mengsel. Rol de plakken brood (begin aan een korte kant) stevig op tot korte dikke rollen waarin de vulling als een spiraal zichtbaar is. Snijd elke rol in 5 plakken en leg deze dakpansgewijs op een schaal. Verwarm de oven op 200 C. Hak de tomaatjes heel fijn. Giet de braadworst af en meng de tomaatjes, de ui, de kappertjes en de tijm erdoor en voeg zout en peper naar smaak toe. Snijd de korstjes van het brood en rol de sneetjes met een deegroller iets dunner. Schep er aan een korte kant een streep van het spek mengsel op en rol de sneetjes stevig op. Plak de rand vast met een beetje olie. Halveer de rolletjes, bestrijk ze rondom met olijfolie en leg ze op een met bakpapier beklede bakplaat. Bak de broodrolletjes in de oven in ca. 15 minuten knapperig bruin en klaar is Mat. Verder werd besloten dat Mat zijn presentatie die hij tijdens de jaarvergadering van de Ster veteranen had gehouden NIET zou overdoen in de Bergse kantine. Dan terug naar de wedstrijd (voorbereiding). Als groep zouden we per fiets afreizen naar het IVS complex. De vertrekplaats is dan traditioneel t Hetje. Dat samenkomen en samen afreizen hoort bij het groepsproces. Op zo n moment merk je dan dat mensen uit Elsloo toch anders in elkaar zitten. Marc Lacroix, beroepsmuzikant en sajelair, verstoorde het proces door op de app te gooien dat we ook vanaf Linders konden vertrekken. Het resultaat van deze debiele actie was dat Roger Daemen bij Jack Linders voor stond te wachten, een deel bij

13 supermarkt Linders stond te wachten en de rest bij het Stercomplex. En het gevolg is ook dat Marc per direct is opgezadeld met het regelen van de wedstrijden omdat de secretaris er alles bij heeft neer gegooid. Enfin. Een deel fietste, al aan de late kant en tegen de wind in, naar Berg om daar te constateren dat de brug dicht was. Terug naar Urmond om daar het kanaal over te steken was de oplossing. Met allemaal 18 fietskilometers in de benen en lijdend aan een heuse hongerklop, arriveerde de selectie 10 minuten voor aanvang van de match in het knusse stadion van IVS. Frans Janssen maakte de opstelling nadat gezamenlijk werd geconstateerd dat Will Leurs zonder opgaaf van redenen -gelukkig- niet gekomen was en dat gold ook voor Paultje Janssen. Robbie van der Linden had zich keurig (om uur diezelfde dag!! per mail afgemeld). De afmelding van Rob Schulpen, die liever niet speelt tegen de ploegen waar hij vroeger zelf voetbalde, werd gecompenseerd door loopwonder en directeur Levi Nelissen. De afmelding van doelpunten machine Stef Conjour kon worden opgelost doordat we met Steef van der Woude een zelfde type speler in de gelederen hebben. Piele kwam later en Mathje Caanen kwam kijken. De beide Steinse supportersgroepen: Chrit Dreessen en John Thewissen begonnen voor de verandering nu al voor de wedstrijd te discussiëren wie momenteel de beste veteranen voetballer is. Is dat Misha de bikkelaar of Willem de stilist??. De match startte met in het Steinse doel de grijze panter Ron Marchal, laatste man Mat Cremers en voor hem Gerard Martens. Rechts en linksback waren respectievelijk Willem Thewissen en Marc Lacroix. Het middenveld bestond van links naar rechts uit Levi Nelissen, Misha Dreessen en Denny Vorstermans. De voorhoede werd, eveneens van links naar rechts gevormd door Eddy Ubbink, Roger Daemen en Steef van der Woude. Op de bank zou Piele, iets later, plaatsnemen. Steef van der Woude, ons ingenieus fantoom, werd onbetwist de man van de wedstrijd. Hij is de enige speler die ik ken welke zonder van de plaats te komen toch een man kan uitspelen. En alhoewel de linksback van IVS toch zichtbaar al heel wat ervaring had, lukte het Steef keer op keer hem op briljante wijze uit te spelen. Er werden eerst nog wat kansen gemist maar toch duurde het niet lang voordat een combinatie tussen Willem en Roger werd afgerond door Denny Vorstermans. Niet veel later werd het ook 0-2 door Roger Daemen die luchtig als een stukje Bros chocolade de lucht in zweefde, boven Jean Horrichs uittorende en een hoge voorzet van Marc Lacroix tot doelpunt promoveerde. Op het middenveld bikkelde Misha dat het een lieve lust was. Hij liet geen kans voorbij gaan om steenhard de duels op te zoeken met Patrick Ehrens of Ron Merlino op het Bergse middenveld. Toch werd het vlak voor rust nog 1-2. Steindenaar Roger de Honing leverde namens IVS een mooie voorzet af op Fer Omani. Gerard liet zich austricken en Fer kon de bal verlengen. Keeper Ron Marchal kwam uit en sprong naar de bal maar wist de stijgwind niet goed te benutten en kon de bal alleen maar strelen. Patrick Ehrens knalde de bal vervolgens via het hoofd van Denny Vorstermans in het Steinse doel. Denny doet, door deze zoveelste zelfgoal, een gooi naar de topscoorderstitel die eerst alleen tussen Stef en Bo leek te gaan. Ruststand 1-2. In de pauze werd, meesterkok en vriend van wijlen Joop Braakhekke, Mat vervangen door Piele en ging Steef, moegestreden, ons doel verdedigen. De tweede helft was nog niet oud toen Eddy Ubbink als door de FIOD nagezeten langs de linkerkant snelde. Zijn perfecte harde

14 voorzet werd door de IVS verdediging in eigen doel gewerkt 1-3. Het leek er daarna op dat De Ster de voorsprong moeiteloos ging uitbouwen. Ewalt Borgt en Fer Omani leken anders te beslissen. Ewalt speelde Fer vrij, die kon op zijn gemak richten vanaf 20 meter. Nog voordat zijn voet de bal geraakt had, riep keeper Steef al op zijn Maastrichts oeoeoeoeoeiii (want hij stond wat veel naar rechts). Tergend langzaam ging de bal naar de andere hoek en Steef werd gebypasst. Hij kreeg zijn atletische body niet meer tijdig naar die hoek gesparteld Toen werd het Nelissen time. Ondersteund door een goed spelende Piele zorgde een excellerende Levi er met een hattrick voor dat er 2-6 op het bord stond. Ron Marchall tikte de 2-7 nog binnen en het feest was gedaan. In het kleedlokaal werd wel nog even stilgestaan bij pestgedrag richting Levi Nelissen. Anoniem wordt hem verweten dat hij vaak niet komt voetballen maar wat duidelijk moet zijn is dat hij in iedere wedstrijd dat hij er is zijn doelpunten meepikt. Daarna konden we aan de broodjes van Mat (die natuurlijk wel betaald werden door onze Bergse vrienden). Roger regelde dat de verdeling van broodjes eerlijk ging. Herhaaldelijk werd nog aangestipt hoe leuk dat voetballen kan zijn en later op die avond fietsten we het bier weer eruit richting Stein, via de brug van Urmond. Mooi man! Denny Vorstermans vulde dit relaas nog aan mit un fraai gesjprek tusje Steef en Ron dat hae opving in t kleidlokaal. Steef: Jonges, moag ich uch effe in herinnering brenge dat t vandaag precies un joar geleje is dat ich aan mien hart ben geopereerd en dat t tevens un joar geleje is dat Johan Cruijff is gesjtorve. Ron: De zouws bienoa denke dat ze dae daag de verkeerde zeen komme hoale. Mit die anecdote loate veer de veteranen achter en richten veer os op t einige team dat nog neit is besjproake: de mannen van De Sjter 1. Die houwe veurige waek un glorieuze euverwinning geboek op koplouper Hoensbroek en zote dus waer volop in de titelsjtried. Dees waek moosjte de mannen aantraeje in Mesjtreich taege degradatiekandidaat Heer. De wedsjtried woar nog gein 5 minute bezig of Wesly Wanten koosj vanaaf de bank al un leuke foto sjikke:

15 Helaas zurgde t verloup van de wedsjtried veur minder lachende gezichten. Op n knollenveldj gove ozze mannen 90 minute volle gaas. Ut raffinement en de onveursjpelbare acties van de geblesseerde Hassan en de gesjorste Thijs woorte echter gemis om un gaat te kenne sjloan in de solide defensie van Heer. Tot euvermoat van ramp moosj men gans op t einde auch nog unne zoere taegetreffer incasseren wodoor veur t eesj in dik 4 moanje waer un nederlaag woort geleje. Un serie om greutsj op te zeen en auch aafgeloupe weekend koosj van de inzet van de jonges niks verkeerds gezag waere. Geweun van waek tot waek blieve sjtrieje om de euverwinning en dan kieke wo t sjip sjtrandj, mannen! En wellicht in de baeker nog zurge veur unne dikke sjtunt!

16 Dat bringk os bie de aafsjleiting van dees waek, Die is gereserveerd veur veteraan Gerard Martens. Eerder in dit versjlaag woort un foto van Gerard gepubliceerd oet ziene deins-tied. Die foto intrigeerde mich dusdanig dat ich ens op google ging zuike noa hits op die foto. De resultaten deige mich achtereuver sjloan. Ich woar in de verongersjtelling dat Gerard enkel zien verplichte 2 joar in deins mit taegezin en veul gezeiver houw oetgezaete. Niks bleek minder woar:

17

18 Pes volgende waek! Rob Sjulpe