Seniorenversjlaag: weinig punten maar unne zeer gesjlaagde feestoavend!

Transcriptie

1 Seniorenversjlaag: weinig punten maar unne zeer gesjlaagde feestoavend! Ut woar un weekend mit weinig Sjteinder gejuich op de Limburgse velje. De resultaten vele taege. Enkel os eesjte elftal (2-2 oet taege Sjarn) en ut veerde (2-2 thoes taege De Leeuw 5) hele un puntje euver aan hunne wedsjtried. Op vriedig woare d r nederlagen veur De Sjter 2 (1-2 taege EVV) en ozze dames (0-3 taege Chevremont). Ut driede moosj ut op zondig nipt aaflegke taege Bunde 3 (3-2) en de veteranen krege un richtig pak op de billen van Hoensbroek (1-9). Treurnis alom dus? Ech neit! Want d r woar waer genog leuks te belaeve bie de diverse seniorenteams. Mit es hoogtepunt de Mexicaanse feestoavend op vriedig in ozze eigen kantine. Maak uch dus maar waer op veur sjieke versjlage, en nóg sjiekere foto s. Mit dank aan ozze troewe reporters. Veer beginne dees waek bie os tweede elftal. Dat is nog neit veilig en dus moosj d r op vriedig ut leefs gewonne waere van EVV 2. Ut woort unne wedsjtried wo in de sjpanning groot woar, wobie de winnende Sjter-treffer continu in de loch hing, maar wo in ut einde net zo hartversjeurend woar es de nederlaag van Ajax doordewaeks. Iron man en klasbak-eesjteklasse Kenny Lemmens deit versjlaag: Veur liefsbehoud in de eerste klasse sting der veur ut tweede weer eine belangrieke pot op ut programma. Vriedigoavend speelde ver namelijk teage de reserves van EVV oet Echt. De wedstrijd woar op vriedig oavend gepland aangezeen ozze trainer comunnieverplichtingen heij. Neet verkeerd veur de jongens wat op zoaterdig ummer goan zoepen. Op vriedigoavend veur zeen die dan normaal noch nuchter en fit. Veur de wedstrijd wist eederein dat ut vanoavend eine hele belangrieke pot zou goan weare, de trainer heij eederein op sjerp gezat en mit de volgende 14 namen meuste veer ut goan woar maken. Kis: Bastiaan Achterin: Kenny Roel Joep Stefan Midden: René Frank Eric Veur: Steve Bart Quinn Bank: Jari Geoffrey Yordi In ut begin van de wedstrijd woar metein duudelijk dat de ster get recht wou zette tov veurige weak. Metein lekker voetballen en de gasten onder druk zette. Dit leeverden veul leuke acties en kansen op, mer scoren is dit joar en eigenlijk veurig joar ouch al ein grwoat probleem veur os team. Noa 25 minuten wisten veer oeteindelijk toch te scoren door eine actie dea op rechts begoos, via bart veur de veut van... kwoam en dea de bal achter de keeper van EVV in ut netje wist te ligge. 10 minuten later wist EVV ut alweer recht te trekke door de 1-1 te maken, balverlies en neet good verdedigen beteikende zomaar de geliekmaker. En zo wiet ger kent leaze dat ver heel moeilijk scoren, is ut dat ver ze bie ozze eigen goal te gemekkelijk benne kriege. In de 44ste minuut scoorde Bart nog de 2-1, volgens

2 de grensrechter boetespel. De sjeids koos neet anders dan deze goal aafkeuren, ouch al woar dit volgens heel veul steinse ogen gein boetespel en ein geldig doelpunt. Helaas gein VAR op vriedigoavend en eine vrieje trap veur EVV. Noa 46 minuten floot de good leidende arbiter veur rust. In de rust weer alle köpkes biejein, vertelle wat good geit en wat beater mot en mit de volle 100 procent inzet de tweede helft beginnen. En dat deede ver, misjien waal 150 procent. Ver kregen kans op kans, mer geine eine bal wiste ver in ut netje te kriege. Ouch de ingebrachte wissels wiste 't tij neet meer te keren ( Geoffrey veur Bart, Yordi veur Frank, Jari veur Eric). En dan hubse de eeuwenoude voetbalwet. Es se zelf de kansen neet maaks dan deit de tegenstander dat waal, en hoe? In de 92ste minuut es eederein van de Ster noa veur is en eigenlijk de 2-1 veur os in de löch hingt kumpt EVV onder de druk oet. Eine aafgeslagen aanval van os, EVV pikt de bal op, de ster steit te ver van de menkes aaf, steekbal op hunne spits dea langs ozze verdediger lupt, ozze man maakt ein verkeerde keuze door gein euvertreding op dat moment te maken mer ein duel wilt aangoan, EVV op meer snelheid dan de Ster en bastiaan kansloos bie de 1 op 1, resultaat 1-2 in de allerlaatste seconden. Alles gegeave en toch lege handen. Ver kenne positief zeen wie ver gestreden hubben vriedig mer toch motte ver beseffen dat ut nog te weinig woar veur resultaat. Directe degradatie is noa dit weekend neet meer meugelijk veur os, meerssen is dit weekend gedegradeerd in ozze klasse. Tevens is dit de tegenstander van os komend weekend. Andere ploogen onder os hubbe waal punten gepakt en dat betekent dat ver nog mer 1 punt van de noa-competitie stoan. Alles in eigen henj nog, mer der komme nog twee wedstrijden woa ver alles motte goan geave mit ut team. Twee finale-wedstrijden, de eerste komende zondag om bie ut gedegradeerde Meerssen en de weak dernoa thoes teage Veritas. Komende weak sjerp trainen en dan zondag knallen. Aan'm!! Klasse versjlaag Kenny. Aan de inzet loog ut absoluut neit. Dus inderdaad nog twee waeke knalle en dan lekker geneite van de zomersjtop in de weitensjap dat d r waer un joar 1 e klasse is veilig gesjteld veur ut tweede. Succes jonges! En gelukkig bleek euveriges op zondig dat de jonges van twee alwaer bekomme woare van de nederlaag en zin houwe in un feeske. Gelukkig woort bie coach Stef thoes ut communiefees van ziene jongste zoon, Rep, gevierd. En un aantal jonges van 2 goof doa acte de presence. Wo onger de onvermijdelijke Frusj, dae alwaer zin houw in un feeske mit un sjoon maedje:

3 Van ut tweede goan veer doon noa de mannen van 4. Zo wie ummer deit Ralph Doek versjlaag: Ver hejje al een waek of 5, 6 neet gevoetbalt. Dit koam door get inhoalweekenden, fjeasdaag en 2 teams die bliekbaar in de boks sjiete veur os 4e en neet durfde te voetballe en de wedstrijd cancelde. Gelökkig kooste ver eindelijk weer de (plasticke) wei op, toes taege De Leeuw 5. Dees ploog steit 2e dus de verwachtinge woare om get te maake neet gans hoog vandaag. Dit koam auch omdat ver geine keeper hejje, Baron "The Giant Viking" koos neet. De vervangende keeper dea op de opstelling stong kent neet klok leaze, wet 't versjil töshje De Ster 3 en 4 neet en t concept oet & toes is em auch neet gans duudelijk... Een oer eerder woar r mit 3 vertrokke richting Bunj Noudje offerde zich gelökkig weer op en ging in de kis stoan en dit woar de opstelling: Kis: Noudje de Held Achter: Stan, Ivo, Doekie, Jup Midde: Patje, Dasse, Bjorn en Danny Veur: Jenky en Jesse Bank: Mark H. en Michel

4 Klein detail: een as van bienoa 150 joar oud en esse Jenky dan in de spits zous zette gewoon dik 200 joar #BAM Ver begooste good, bès vaol balbezit, Jesse won väöl 1 teage 1 duels en Jenky pingelde d'r lkkr op los. Dit resulteerde in get kanse en Jesse wis noa een gewonne duel de 1-0 te score. Klasse sjneuzel!!! Doanoa kreeg Jesse nog 2 kenskes, ver woorte gevjearlik oet eene corner en links en rechs koos ver "op sjnelheid" door de verdediging heen prikke. Helaas scoorde ver neet. De Leeuw koam een paar kjear veur de goal maar die hejje eigelik 't vizier neet op sjerrep stoan. Toch kooste ze oet een dood spelmoment geliek maake. Bie eene corner kooste ze bal noa get miscommunictie bie os zwoa inkoppe In de rös woare ver 't dr euver ens dat ver maar neet te väöl op ein mooste sjelle ( want d r woare ietwat verhitte discussies gewaes in de 1e hellef) en dat ver de bal mooste loate laupe teage dees jonge ploog mit een väöl baeter conditie. Michel koam drin veur Jenky en Mark zou ietjes later invalle veur Bjorn dea zich mit een frivole lichtvoetige actie bienoa de enkel brook. Aangezeen ver maar een minuut of 50, 60 mit kooste qua conditie teage die sjneuzele, mooste ver compact spele en haupe op eene counter. Gelökkig bleeve die sjlumme van De Leeuw de ganse tied door t midde voetballe en kanse misse. Noudje deeg t good en wis sjus wie in de 1e hellef een paar onmeugelijk bel droet te houte. Soms hej r t zelf neet in de gaate. Helaas krulde de midmid van De Leeuw een vrieje trap in de lange hook en t woar 1-2, tering... De Leeuw veurde drök wier op maar gelokkig gebruukde ze nog steeds de vleugels neet en kooste ver mit hange en wurgenstand houte. Jup leep mit de tong op de sjeun en Danny ploeterde door mit kramp in de pwoat! Bie de eine noa de angere raakde de tuut leag... In t letste keteer stuurde Doekie gewoon eederein dea meug woar noa veure ( dr bleeve achter nog maar 2 man euver ongevjear ). Sommige hejje dus kramp, sommige een long op steuring, maar de teagestenjer begoos noe zelfs veur oape goal te misse... ver koame neet dek mjea veur de keeper maar eederein bleef knokke. In de letse minute sjlingerde ver nog een paar kjear de bal de 16 in een letste poging om geliek te maake... En in de 89 minuut kreege ver een vrieje trap door t gepingel van Jenky (Dea woar nog effe drin gekomme). Hea reep Dassehh ga baj die 2e paal, ga baj die 2e paal! De bal belande dus bie de... 1e poal en Ivo köpde de bal zonger te kieke in t netje 2-2 HUTTTSSSS! Lekker man, toch nog een punt, keihel veur geknok, klasse jongesss! Kommend weekend toes taege de nummer 1 Amstendrade 3. Die maake de letste tied get misstappe, dus es kieke of ver net wie de veurig kjear (1-1, boetespel goal van Amsteroaj) kenne stunte teage de jongste ploog in os klasse.

5 Forza t 4e Ps. volgend seizoen zeen ver weer opzeuk noa eene nuuje keepertje, Baron geit helaas stoppe dus de zoektocht noa eene doelman is weer begoossss... dus stelllll de wets emes... Veurig joar haet ugge oproup succes gehad mit ut vaslegke van topkeeper Baron. Dus veer hubbe goeie hoap op ut vinje van unne goeie keeper. Wae tag De Lange Paes? Want ut wurt tied veur unne rentree, Peter! Van ut veerde zou ich normaliter wulle doorgoan noa ut driede. Die jonges hubbe waal gevoetbald maar (3-2 nederlaag taege Bunde 3) maar woare neit in de gelegenheid om un versjlaag aan te levere. En gelet op ut feit dat deze gastsjpeler woort oetgeroupe tot man of the match op voetbal.nl, is ut maar baeter auch dat d r gein versjlaag van deze wedsjtried bewaard blif veur ut noagesjlach:

6 Van ut driede goan veer door noa un team dat waal un sjoon versjlaag aafleverde. En dat nog waal noa un aafsjtroaving die zien weerga neit kent. En de daag begoosj nog waal zo goud veur de vets. Want captain Mat Cremers versjeen waer ens in un degelijk paar laerskes in de kantine: Wat doanoa volgde woar echter oetermate teleursjtellend. Hulde dus veur Gerard Martens dae desondanks un klasse versjlaag produceerde: Noa de veule aafmeldinge van veurige week, noe ouch weer zat aafmeldinge. Levi (alweer neet,noe op dansles) Nelissen, Dennis (bang veur toeswedstrijd) Stelten, Rob (sjriever, nwats gewonnen van gebrook) Schulpen, Stef (geniale spits, zit in dipje noadat er veurige weak alle bel aaf goaf ) Conjour, Stefan (altied geblesseerd) Janssen, Frank (look a- like van Math C, qua klederdracht) Peters, Piele (gein wedstrijdritme)smeets. Ruud (ex Havantia, en noe in Italië noa het grondstuk van Math C kieke) van Didden. Ouch os leiders

7 woare afwezig, Roger D (nichtendaag), Leon F (Corry bevredigen), Frans J (gein Brabants ruutjeshumme en te laat) Willem T dea veurige weak nog es invaller fungeerde nom de zwoare taak van lei(ij)der op zich. In het kleidlokaal numde hea de volgende basisspelers op: In de goal: Rudy C, achterin: Eddy U, Math C, Gerard M, Marc L, middenveld: Danny V, Misha D, Pascal C (of is het van Kan), veurin: Jenkie, Bart P, Wil L en deze Wil kreeg nog een houp instructies der bie. Hea meus veul loupe en beweage en es de bal koam meus er weg zin. Eddy U vroog of eemes sjeenbesjermers hej, wie Math heum ein paar goof bleek dat Eddy zien sjeenbesjermers al aan hauw. De Vets begoste mit veul vertroewe aan de wedstried, maar noa balverlees veurin, ging t al gauw mis, 0-1 veur gebrook. Al snel bleek dat nemes van de Vets eine gooie daag haw en eederein veul balverlees hej. gebrook leep oet noa 0-6, toch neet zwa ein gooi opstelling van de lijder. De oudgedeende zwa wie Math en Gerard heije dat nog nwats mitgemaakt. Onger rust woare ein paar wissels toegepast, Robbie (blikje) van der L koam veur de meug gestreden Wil en Paul (peuk) J koam veur (op de verkjerde plaats spelende) Pascal C (of is het van Kan). Ronnie M bleef reserve, hea meus fit zin es er mit Wil noa de Alphorn ging. De tjwedde helf begos beater gezeen vanoet Ster ougpunt. Het doerde bienoa ein kwarteer veurdat gebrook weer ein goal hej gemaakt. Noa ein fuitje van Misha weer ein teagegoal. Op ens kreeg Bart ein bevleging en de nul woar van het scorebord aaf. Ouch hej de Ster geluk dat Jenki eine balvaste speler is, dea nwats te besjeije is eine bal aaf te geave en ens get mje veur eige succes mot keeze. Zelfs Rudy woar der neet gans bie, bie eine veurzet reep er los, maar zelfs hea leet de bal los, alweer ein goal veur gebrook. Weer zulle dees voetballes maar gauw vergeate en os richte op de volgende wedstrijd. Ouch noa de wedstrijd ging de misère door, Wil L ging zich aanbeje bie gebrook om hun oet te legge wie ze heum het beste koste gebruuke. Weer wolle hun ein vaat beer geave veur Wil, maar hun goave meerdere vaten es weer Wil in Stein hele. Er woart neet ens gedobbeld, ouch het door Willem T bedachte barkruk sjeete ging neet door. Dit heat er veurige weak waal aan eederein bekent gemaakt, sjienbaar toch genog in de kas. De bitterbel woare door dees nederlaag zelfs ontploft, der zoat gein vulling in, die zoat in de frituurpan. Ich denk dat weer te good verwend zin gewore mit eate de aafgeloupe oetwedstrijden. Zelfs Math C woar aan t klage, zien landgood in Italië mit oliefoliebuim meus tjwe kjer per joar gemjejd weare, dit omdat het werelderfgood van eine zekere unesco is, nemes kent deze minsj. Al mit al veel het nog waal mit om ens eine kjer te verleze, dat gebeurt bie die anger gooi ploge zwa wie Ajax en Barca ouch waal ens. Un klasse versjlaag Gerard. Dat sjpuilt de teleursjtelling weg, die kort noa de wedsjtried nog van de gezichte woar aaf te laeze in de kantine:

8 Leukste opmerking van de daag woort opgeteikend oet de mondj van de ummer heerlijk cynische Graad Smeets, in de richting van sjeidsrechter Robert Kraus: Enne stomme kut, wat woars dich ummer noa ut midden aan ut wieze? Van de veteranen goan veer door noa de dames. Hun versjlaag woar kort, maar gelukkig woort dat aangevuld mit de neudige sjieke foto s: Na een spannende 1 e helft waarbij beide partijen de kansen niet konden afmaken, gingen we met 0-0 de rust in. Na rust kregen beide ploegen weer genoeg kansen. Helaas kon Chevremont deze kansen wel afmaken en wij niet. Ondanks deze nederlaag zijn we wel supertrots! Dit komt doordat wij ontzettend goed ons best hebben gedaan, 1000% inzet hebben getoond en ervoor hebben gestreden! Na de nederlaag waren we de wedstrijd snel vergeten en hebben we een gezellig Mexicaans feestje in de kantine gevierd. Ook vermeldenswaardig was dat grensrechter Boy sjans had op vrijdag in de kantine:

9 En tijdens het Mexicaanse feestje heeft Cynthia eindelijk haar broodje frikandel van Yael gekregen omdat ze vorige wedstrijd had gescoord: En in het kleedlokaal zijn onze fotogenieke dames altijd heel blij met een enthousiaste fotograaf:

10 En dan hubbe veer nog 1 team neit besjproake dees waek en dat zeen de mannen van 1. Die zeen rustig aan ut oetbollen richting noacompetitie. Aafgeloupe weekend sjting unne oetwedsjtried taege Sjarn op ut programma. Randy Wanten deit, zo wie ummer, versjlaag: Dees waek speelde de ster 1 eine wedstrijd oet bie de sjengen van Scharn. De ster zou zich bie winst verzekeren van de derde plaats, en dus van noacompetitie. Veur de wedstrijd woar d r de neudige commotie ontstange in het kleidlokaal. Boyd (de personificatie van ijdelheid vermeerderd mit factor 1000) concludeerde dat d r geine sjpeegel in os kleidlokaal woar, woo hea zien kapsel in orde kosj maake. Dat leidde d r toe dat Boyd in ein andere kleidlokaal zien hoare is goan fatsoenere, en doadoor amper op tied woar veur de wedstrijdbespreaking. Dan euver noa de wedstrijd zelf. De ster begosj mit de volgende 11 aan de wedstrijd: in de kis sting ruud schuman. Achterin v.l.n.r. Stinge Sjoerd, Timo, Davy en Randy. Op t middeveld stinge Dani, Bob en Mike. En veurin stinge Giel, Boyd en Guillermo. De ster begosj neet al te good aan de wedstrijd. Het spel woar bie vlagen te gejaagd en onverzurgt. En dat speelde Scharn in de kaart. Desondanks woar het de ster dat het spel probeerde te maake, en Scharn vongj dat waal prima. Noa ein klein kwarteer sjpeele woort d r vanaaf de rechterkant van Scharn eine veurzit gegeave. Dea bal veel precies achter de verdediging van de ster en de vleugelaanvaller van Scharn kosj de bal vrie intikke. 1-0 achtersjtand bie de eerste biste kans van Scharn. Neet veul later kreeg Scharn weer ein goeje meuglijkheid noa eine slechte pass van Randy. Gelukkig leidde dit neet tot ein goal. Aan de andere kant wist de sjter ein aantal kleine meuglijkheden te creëren, maar gein echte 100% kansen. Totdat Boyd eine vrieje trap moagde numme, op de randj van de 16. Boyd krulde de bal perfect om de moer, maar raakte helaas de boetekant van de poal. Dea vrieje trap hei ech meer verdeend! Neet veul later kreeg de ster wederom eine vrieje trap rond de 16 meater. Boyd ging weer achter de bal sjtoan, en de gehele Scharn-defensie verwachtte dat Boyd weer in eine keer de bal op goal zou krullen. Dat deeg hea neet. Hea goojde de bal bie de tweede poal, woa ein schermutseling volgde, woobie Mike oeteindelijk de bal wist binne te tikke: 1-1! Vlak veur rust woort Randy fors op ziene enkel geraakt door eine sjpeler van Scharn en mosj zich loate wissele. Roel Heffels woar de logische vervanger en dea maakte noa bienoa ein joar (!) weer ziene officiële rentree bij de ster 1. De sjter ging mit eine 1-1 standj de rust in. Noa rust woar einzelfde sjpelbeeld. Het woar de ster dan het spel probeerde te maake en kansen probeerde te forceren, en Scharn dat mit name op de teage-aanval gevjearlijk woort. Noa ongeveer 60 minuten wist Guillermo door de verdediging van Scharn te breake en de bal mit in auwerwits puntertje in de lange hook te wirreke. De ster sting noe op 1-2 veur!

11 Heel lang kosj de ster neet geniete van deze veurspronk. Ein kleine 10 minuten later kosj de linksboete van Scharn (ouwe bekinde bie de ster Guillermo Kroon) eine veurzit geave dea woort binnegetikt door eine andere aanvaller van Scharn De ster probeerde nog get te forceren, mede door het inbringen van Stan en Steffan, maar helaas wist de ster neet meer door de verdediging van Scharn heen te braeke. De eindstand woar noa 90 minuute dan auch 2-2. Op papier geine slechte oetslaag veur de ster mit het auch op het bereike van de noacompetitie, maar het spel mot waal ech baeter. Dan euver noa de randzaken van dees waek. Allereerst bleek vleugelaanvaller Giel ein sponsorsamenwirking mit KFC in de wacht te hubbe gesjleipt, getuige onderstoande foto. Ein sponsorcontract mit adidas of nike bleek te hoog gegreepe. Verder woar de geblesseerde Jeroen langs de zielien gespot, terwijl hae mit andere dinger bezig woar dan voetbal. ps: Timo haet eine nokia 3310, vandoa datse de pixels op de foto kins telle.

12 Dan woar d r nog ein teike van leave van oudgediende Hassan. Echter, het woar ein kort teike van laeve... Het moment dat Randy de jonges in de groepsapp van de ster 1 aansprook om noa de fiesta Mexicana te komme vongj Hassan het good gewaes en vertrok hea oet de groepsapp. Waarsjienlijk hilt Hassan neet van Mexicanen (dat is euverigens neet raar, want de machtigste man van de VS is auch gein fan van die kleine corona-broewers).

13 Verder woar dees waek het heuglijke moment dat Boyd ziene debuut maakte als sjeidsrechter (doa keek hae al waeke noa oet!). Hae ein paar oer veur de wedstrijd al vastberoaje om flink get kaarte oet te goan deile. Achteraaf bleek dat hae op ein kundige maneer de wedstrijd geleid haet (zonder kaarten) en conform aafsproak twee penalties aan de ster gegave haet, zodat de ster deze

14 thoeswedstrijd won. Hauwt de naam Boyd Stoffels in de gaate, want doa goan v r in de sjeidsrechterswereld nog veul van heure!

15 Tot slot woar d r op vriedigoavend de Fiesta Mexicana woo ich het al eerder euver hei. Auch de Ster 1 woar vertegenwoordigd, getuuge ongersjtoande foto s. Zoals geer kint zeen haet Mike Haberland achter de DJ-booth net zoveul talent es op t middeveld (g r mot d r maar effe neet op litte dat Mike neave de knoppe aan het draaien is...).

16 Es aafsjleiter dees waek gein langk verhoal maar twee leuke tips veur luuj die bang zeen dat ze zich op unne vriedigoavend goan vervaele: Op vriedig 24 mei organiseert os damesteam unne Hollesje feestoavend in de kantine. Nederlandstalige meziek, bitterbel en veural veul sjpas gegarandeerd! En twee waeke later moage alle kaartleifhubbers zich melje in de kantine veur de viefde editie van de inmiddels beruchte pokeroavend. Organisator en topfavoriet Mark Habets is ontzettend benuujd wae besjlaag kump legke op de tweede plaatsj. Sjpanning, sensatie en toernooiwinst veur de organisator zeen gegarandeerd op deze oavend. Dus kom allen!

17 Pes volgende waek! Rob Sjulpe