Letste seniorenversjlaag van ut sezoen: mit unne lach en un troan!

Transcriptie

1 Letste seniorenversjlaag van ut sezoen: mit unne lach en un troan! Hoewel ut sezoen d r nog neit helemoal op zit veur sommige teams, zeen veer toch alwaer aangekomme bie ut letste versjlaag van dit sezoen. Her en der versjpreid wirke enkele teams de kommende waeke nog hun letste wedsjtrieje aaf, maar in de meeste gevallen geit ut allein nog maar om de eer. Mit oetzunjering natuurlijk van os eesjte elftal dat nog volop in de race is veur promotie noa de eesjte klasse. Maar die wedsjtrieje moag geer allemoal lekker onger un sjtroalend zönke mit eige auge goan bekieke, om zodoende ozze jonges noa de euverwinning te begeleiden. In dit letste versjlaag un sjieke verzameling van wedsjtriedversjlage van de veurbieje twee waeke, unne hele houp foto s, hilarische randjzaken en un aantal pienlijke zaken die auch besjproake motte kenne waere. Un versjlaag dus mit unne lach en un troan. Vaol laesplezeier waer! Geer zult mirke dat veer dit keer enigszins kris-kras door un aantal zake haer goan. Te beginne mit ut vestigen van ugge aandacht op ozze joarlijkse sezoensaafsjleiting op zoaterdig 22 juni. Ut beloaf waer unne geweldige feestoavend te waere, wo op un heel aantal prieswinnaars in ut zönke waere gezat, de drank riekelijk (en gouwekoup) zal vloeien, de meziek zó fout zal zeen dat ze goud wurt, en ut veural lekker gezellig wurd! Oh joa, en veur de seniorenteams is d r veuraaf (vanaaf 18.00u) auch nog un 5 taege 5 mixed toernooi. Allemoal komme dus!

2 Tja, en om dan vervolges maar geliek ut thema unne lach en un troan te illustreren, ongersjtoand un tweetal foto s. Op de linkerfoto zeet geer de geweldige nuuje aanwinsten van Sterman-forever Paolo di Lernia. Van zien kleine 10 seizoenen in os eesjte elftal herinnere veer os veural heel veul zjweitdruppels, Italiaanse slidings, kaarten pakken veur ut team, gewonne duels, en un topkarakter op ut veldj en in de kantine. Goale kenne veer os maar weinig heugen. Maar thoes bliek dat Paolo auch nog af en toe mit sjerp sjut En op de rechterfoto zeen veer ozze Christel die sinds kort mit unne erm in de plak lup en desondanks op de foto heur uutesjte bes deit om heure naam es Knapste Van Kan eer aan te doon: Waer door mit unne grote lach. Namelijk de Hollandse feestoavend dae door ozze dames woort georganiseerd twee waeke geleje. Ut woar unne sjieke oavend mit unne hele houp sjpas en. heel opmerkelijk veur unne HOLLANDSE feestoavend un BELSJ kenteiken op de parkeerplaatsj. Het is een vreemdeling zeker, die verdwaald is zeker? Niks van dat alles. Ut bleek good old Ron Marchal te zeen dae gein interesse haet in al die sjone jonge vrouwluuj die os damesteam dit sezoen vormgove, maar dae d r un naeske veur haet dat bie dit soort feestoavende auch de get ouwere dames zo wie Cindy en Mandy aanwezig zeen. Tja, en dan zit op de eesjte riej of hae ligk op de eesjte riej zo wie t geer op de foto s zeet:

3 De feestoavend brach heel get Sjteindenaere noa ut Hetjen. Usual suspects, zo wie Johnny en Rosjeeee:

4 Maar auch unne celebrity woar gesjtrik om de meziek te verzurge. Nemes minder dan Rene van der Gijp noom namelijk de honneurs woar es DJ En euver celebs gesjproake Sjteins finest son Noud Claessens haet sinds kort un eige ongerbokse-lien die hae greutsj showde: En auch clubman Joep Nacken woar aanwezig. Dae vermaakte zich opperbest, maar deig tegeliekertied un waal erg euver dudelijke poging om auch dit joar op de feestoavend waer oetgeroupe te waere tot Jenkerd van ut joar:

5 Houw ich al gezag dat dae sjieke feestoavend woar georganiseerd door os damesteam? Nou ja, dan is ut bie deze twee keer genuimp. En dat verdeine ze absoluut. Net zo goud es dat ze complimente verdeine veur ut waek in, waek oet, aanlevere van topversjlage. Die last is in de loup van ut joar gedeild door versjillende dames. Zo ken ich mich versjlage van Souad, Yaël, en Samantha herinnere. En ongetwiefeld vergaet ich dan nog emes (woveur excuses). Dees waek nome Samantha en Nikky de honneurs woar. En ut zeen waer twee top-versjlage mit sjieke foto s gewoare. Laes en geneit. Te beginne mit ut versjlaag van Samantha van twee waeke geleje: Aafgeloupe vriedig woar ozze feestoavend. Dr woaren dan ouch weer genog dames die nog gezellig bleaven hangen veur n aantal drenkskes. Ein van de weinige aafwezige deze oaven woare ozze pool Samantha van Houwe. Bliekbaar heij ze het weekend derveur zoveul gedronken dat ze dr nog ummer ziek van woar. Missjien heat dat ouch waal te maken mit het feit dat ze, op Emmy en Souad noa, de oude van het team is. Maar Soaud doa in teagen, woar weer euverduidelijk aanwezig vriedig oavend. Ouch n aantal heren woar dit opgevallen zoals op de foto s hie onger te zeen is. Al dea aandacht woart dr get te veul, dus moosj ze zich mer goan versjtoppen. En wat is noe n beatere plek es onger n toafel?! Neat allein de oudjes, maar ouch de jonkies woaren dr gezellig bie vrieidig oavend. En bie de jonkies is Cynthia toch waal ummer weer de gene die het duidelijkste aanwezig is. Veurdat het weer n gans foto album geit weare zal ich uch de meiste foto s maar besparen. Maar op de 2 foto s hiej onger kint ger zin wat veur n ruige chick deze meid is! (Ze is nog vrijgezel)

6 Last but definitely not least, hub ich nog n hjeale sjwoane foto gevongen van ozze trainster Kiki. N foto nota bene in oud hollande klederdracht. Ich heij toch waal verwacht dat ze dit aafgeloupe vriedig ouch waal aan heij gedoan. Maar komend weekend krit ze n herkansing. Van vriedig 31 mei t/m zondig 2 juni hubbe ver mit de dames namelijk os jaarlijkse teamweekendje. En loat het thema op de zoaterdig oavend noe net wereldwijd zin. Perfect thema om dich es n echte Nederlandse te verkleije. Bereid uch dus mer alvast veur op het versjlaag van volgende weak. Ver zullen mit alle plezeer waal weer zurge veur n hjeale houp sjwoane foto s! Noe op noa het serieuze deil van het versjlaag, namelijk de wedstrijd op zondig. Aafgeloupe zondig heije ver de thoeswedstrijd teage Sjummert op het programma sjtoan. De oetwedstrijd in het begin van het seizoen hubbe ver in de tweede helft compleet oetheng gegeaven, terwijl ver mit 5-0 veur sjtinge. Ver heije dus zeker weten nog get good te maken teagen ze. Ozze sjpits en topscoorder Bo koosj neat aanwezig zeen omdat ze moosj wirke, net zowie osse Keepster Joe-Anna. Noodgedwonge moosj Dyonne dus goan keepen. Mit Sjarel, Nikkel, Souad en Shauni achterin sjtinge ver wie beesten te verdedigen. Ver heije de euverhand en heije al meerdere kansen gehad, Sjummert nog vriej wel gein. Maar noa n minuut of 20 keam doa opins oet het niets n doelpuntje van Sjummert. Helaas, maar kop op dachten ver, geweun zelf 2 doelpuntjes scoren. Allein wouw de bal bie os mer neat het net in. Dr woaren n aantal hele mooie combinaties te zeen en voetballend sjpeelden ver ze zo dr oet. Op fysiek gebied woaren zie echter get gemeiner. Maarja, wat mos ste angesj es de tegenstander beater is. Ver gingen mit de 0-1 achterstand de rust in, mit de gedachten dat ver hiej echt van moosjten en koosjten winnen.

7 De tweede helft verleep echter precies hetzelfde es de eesjte. Veul kansen veur os, mooie combinaties en good voetbal. Dit werd helaas neat beloond mit n doelpuntje veur os. Hauverwege de tweede helft krege ver n vrije trap teage op de rand van de 16-meter. Helaas veur os heije zie n beest achter de bal gezat. Ze sjoot de bal hjeal sjwoan in de kruising. Ozze reserve keepster Dyonne koosj deze bal dan ouch echt neat hubbe en zo is de stand 0-2 veur Sjummert. Ouch noa dit doelpuntje bleaven ver good voetballen en heije ver nog ns weit ich wieveul kansen, maar de bal de wouw dr geweun neat in. De eindstand van de wedstrijd blit 0-2. Ondanks dat hubbe ver weer hjeal good gevoetbald. Nog maar 2 wedstrijdjes te goan en gelukkig zin dit allebei thoeswedstrijden. Komende donderdag, mit hemelvaart sjpeale ver thoes teage GSV. Oet heije ver onverdiend 2-1 verloren, dus ouch biej deze wedstrijd hubbe ver nog get recht te zitten. Op pinkster moandig hubbe ver de litste wedstrijd van het seizoen opsjtoan teagen Leonidas. Sjiek versjlaag Samantha. En veurdat veer doorgoan noa ut versjlaag van Nikky nog effe get tusjedoor. In Nikky s versjlaag zult geer laeze euver ut oetsjtepke van ozze dames. Dat ut doa laat en zaat is gewoare kent geer waal roaje. Zeker es geer ongersjtoande foto bekik van Dyonne mit un kadoo tje wo un allerleifste tekst op woar gesjreve: Aan dich ut woor Nikky:

8 Noa n korte weak is het veur os op donderdig alweer tied veur n wedstrijd. De topper teage GSV sjteit vandaag op het programma. Oet heije ver nipt verloren dus ver heije nog get good te maken. Aafgeloupen weaken heije ver good voetbal loaten zeen, allein werden de doelpuntjes mer neat aafgemaakt. Tied dus om doa verandering in te bringe. Ver begooosjte de wedstrijd dan ouch zeer sterk en noa n minuut of 5 gaf Dyonne n goeie pas op Bo die de bal vervolgens weer doorsjpeelde noa Demi. Helaas werd Demi vastgehouwe door de tegenstander en koosj ze helaas niks doon mit de bal. Noa 12 minuten kregen ver n vrieje trap. Ozze Dyonne nam de vrieje trap en gaf hem mooi veur in de 16-meter maar hea ging helaas neat dr in. Vervolgens kump Nikky weer mit noa veur en probeert op doel te sjeaten, maar ouch deze geit neat dr in. Noa n kwartear spjpealen krit Bo de bal aangesjpeeld door Dyonne en wit ze het eestje doelpunt van de wedstrijd te maken. 1-0 veur de ster! Eaven later krit Sam de bal aangespeeld, maar die sjteit dan veur de 3 e keer boetespel. Vervolgens kump dr weer n sjwoane actie van Demi woa n corner oet ontsjteit. Siri nump n goeie corner, maar de tegensjtander wit de bal euver de achterlijn te spelen. Opnuuj n corner veur os dus en opnuuj Siri dea de corner nump. Deze keer wit Demi de bal mit links (!!) raak te sjeaten in het doel en maakt ze de 2-0. Demi heat euverigens geine mekkelijke tegenstander. Voetballend wint Demi het dan waal mekkelijk, maar de tegenstander speelt zeer fysiek. Demi wurd continu vastgehouwe endergelijke omdat ze te sjnel is. Hiejdoor kriege ver dan ouch noa n minuut of 20 n vrieje trap mit. Dyonne wit helaas het doel net neat te vinge. Dan volgen nog n aantal sjwoane kansen van Bo, Demi en Sam die allemoal weer neat dr in willen. Dan kump d roet het niets n aanval vanoet genhout ze weiten de 2-1 te scoren. Nog gein minuut later krit Bo de bal aangespeeld door n mooie combinatie van Cynthia en Nikky en wit bo opnuuj te scooren. De stand is ongertussje 3-1 en dr is pas n hauf oer gespeeld. Noa nog n aantal goeie combinaties van Bo en Demi wit Demi de 4-1 te scoren. Vlak veur rust probeert Sam het ouch nog n keer, maar helaas sjteit ze weer boetenspel en zo goan ver dus mit n 4-1 tussenstand de rust in. De tweede helft is n sjtuk minder spannend es de eestje. Voetballend is het n sjtuk minder en dr zin dus ouch minder kansen veur os. De kansen die dr zin, wearen helaas neat aafgemaakt. Hauverweage de tweede helft vilt ein van de tegenstanders oet. Aangezeen ze gein wissels heije, motte ze mit 10 man wier. Zelfs mit n euvertal weiten ver neat meer te scooren. De einstand van deze wedstrijd blit dan ouch 4-1. D r is veural veul vertild geworen euver ozze veurhoede, maar ich wil ouch nog eaven ein van ozze verdedigsters in het speciaal aanhoalen, namelijk Shauni Martens. Zie sjpeelt namelijk de litste paar wedstrijden echt wie n beest, zo ouch deze wedstrijd weer. Ein van de beatere speelsters van de tegenstanders sjting bie heur. Ondanks dat de tegenstander sjneller woar heat ze vriewel geine bal gehad doordat Shauni weer zo good sjting te verdedigen. Keep up the good work. Es veer mit dit team zo blieven voetballen, mot dr volgend joar toch waal weer n kampioenschapje in zitten!

9 De daag noa de wedstrijd is het dan eindelijk tied veur os teamweekendje. Ich kin hiej neat te veul euver ziggen want what happens in Bergeijk, stays in Bergeijk. Om uch toch n bietje te kinnen loaten mit genieten van os weekendje geaf ich uch n korte samenvatting van wat ver dit weekend gedoan hubbe, inclusief get beeldmateriaal. Vriedig moosjten ver om 4 oer verzamelen in de kantine van de ster. Hiej hubbe ver dankzij Jo en Ans ozze buikjes goed kinne vullen mit frietjes. Dyonne en Cynthia hubbe hiej de chubby bunny challenge gedoan mit frietjes. Kiek veural eaven op youtube zodat ger uch n veurstelling kint maken van wie dat dr aantoe ging. Wie alle frietjes op woaren gingen ver mit 4 auto s op noa Bergeijk woa ver s oavends n goed fout feestje heije. Zoaterdig zint ver noa de oefenwedstrijd van os dames elftal geweas in eindhoven woa ze mit 3-0 gewonne hubbe van Australië. Noa de wedstrijd woar eaderein oetgehongerd, dus zint ver nog eaven bie de mcdonalds gestopt. Toen de buikjes weer vol woaren zint ver truk gegangen noa Bergeijk veur opnuuj n feestje. Deze keer woar het thema wereldwijd. Ver hubbe deze oavend versjillende nationaliteiten veurbiej zeen komen. Van Nederland tot Mexico en van Frankrijk tot Oostenrijk. Zondig woar het veural lekker genieten van het zonnetje en alles weer opruimen. Het weekend hubbe ver oeteindelijk aafgesjloten mit n overheerlijke BBQ bie ozze Dyonne. Hiej onger zin nog get foto s te vingen woa op ger kint zeen wie braaf dat ver zint geweas.

10 Aangezeen ver super veul sloap hubbe gehad op os teamweekendje, kint eaderein de weak weer fris beginnen. Op pinkster moandig sjpelen ver ozze litste wedstrijd van het seizoen. Dit is n thoes wedstrijd teagen Leonidas om 11:00. Ich wil uch dan ouch allemoal oetneudigen om os te komen supporteren tijdens ozze litste wedstrijd van het seizoen. Sommige van ozze toppers kin ste vanaaf volgend joar helaas neat meer in het ster tenue zeen sjitteren, dus griep ugge kans noe het nog waal kint!! Helemoal top Nikky. En sjiek om te laeze wie goud de sfeer is in uch team dames. Dat beloaf get veur de kommende sezoen. Dus besjtuur: besjtel die kampioens-shirts maar alvas. Maar besjtel ze dan waal maar un bietje op de gruij gelet op al dae drank en vettigheid wo veer jeder waek euver laeze.. Van ozze dames make veer effe un kort oetsjtepke noa os tweede elftal. Die mannen sjpeelde twee waeke geleje hunne letste competitiewedsjtried en behoalden doa in un prima resultaat taege ut hoog genoteerde Veritas (1-1). Helaas bleek dat neit voldoende om de noacompetitie te ontloupe. En in dae noacompetitie bleek Eijsden 2 aafgeloupe weekend aafgeteikend te

11 sjterk (1-5; al woar dat waal geflatteerd). Un sezoen mit un troan dus veur os tweede elftal. Maar van de angere kantj: ut is wat ut is. En gelukkig blif de groep intact dus kommend sezoen motte de mannen van 2 un serieuze poging kenne ongernumme om promotie aaf te dwinge. Sezoen aafsjleite mit un feeske op 22 juni mannen, doanoa lekker kapot goan op vakansie, en dan waer mit frisje köpkes aan de sjlaag. Come on boys! Os driede elftal sjpeelde de aafgeloupe waeke auch un aantal wedsjtried (al woorte d r auch geregeld aafgelasj of verplaatsj). Noa un gans sezoen sjieke versjlage aanlevere door Roy Visschers, Rudi Gooren en Tim Bouwels bleef ut de aafgeloupe waeke sjtil. Taegevallende resultaten en drukke werkzaamheden woare de oorzaak. Gein probleem mannen. Auch veur uch geld: lekker knallen in de zomerperiode en dan waer rustig toewirke noa un nuujt sezoen. En natuurlijk op 22 juni nog effe un feeske boewe in de kantine! En dan is ut hoog tied gewoare om ens get aandacht te besjteje aan os veerde elftal. Want die mannen hubbe sjtiekem un prima sezoen gedreijd. Zowel qua resultaten es qua sjteingoeie versjlage van über-clubman Ralph Gladiator Doek. En dees waek hub geer maar leifs twee versjlage te goud van Doekie. Laes en geneit van de geweldige euverwinninge van deze culthelden: Noa de blamage van veurige waek hejje ver get good te make. Ver mooste om 13.00u teage RKDFC-Doenrade 4 in Merkelbaek. Doeve-genhout sting waal op de 5 e plaats en hej 11 winstpunte mjea es os. De veurige kjear hejje ver mit 2-4 verloare, maar toch hej de interimcoach een good geveul bie aanvang van de wedstrijd. Beide leiders woare aafwezig dus moos ich (Doekie) de opstelling bedenke. De oavend van te veure in de Bekker koam ich d r achter dat Jesse, dea al t ganse seizoen in de spits wurd gezat eigelijkgewoon eene letste man/veurstopper is. Noudje dea, es r neet keept achterin gezat wurd, sting hej ich vandaag gewoon in de spits gezat. De opstelling woar es volgt: Kis: Baron Achter: Jup, Ivo, Jesse, Danny Midde: Michel, Dasse, Johnny, Patje Veur: Noudje en Andy de Belshj Bank: Jenki en Doekie (+vlag) Ver begooste good aan de pot, ver hejje waal wénjt teage maar ver leete de bal good ronjt goan. Af en toe probeerde DFC-Doonder de bal over de verdediging te gwoaje op hun ouwe spitse (die woare gewoon nog ouwer es os!), maar ozze verdediging sting good mit! Eederein won hun kopduels en es dat neet lökde woar Baron attent genog om de bal te ongersjuppe! Genog kanse veur os en bienoa gein veur DFC. Dit resulteerde in de 0-1. Dasse sjoot van 22,4 maeter aafstenjd de bal subtiel euver de keeper! Net geulke wout!! Doanoa kreeg ozze hel wirkende Belshj nog een degelijk dikke kans, maar hea misde net de bal. Auch doanoa kreeg r nog een köp kans oet een veurzat van Danny maar auch dea misde sjus de

12 goal. Andy speelde eene degelijk gooje pot, maar de 0-2 bleef oet. Ondanks de 0-1 mit rös hejje ver neet t idee dat DFC punte ging pakke vandaag. In de 2 e hellef koam Jenki drin veur Andy (dea later nog in zou valle veur Patje). t Veld spel bleef onverangerd. Veer woare de baas, veural op t middeveld! Johnny lag weer ganse marathons aaf en Dasse drejde weer rundjes wie een drejmeulle. Patje rende weer lichtvoetig wie een jonk hertje langs de zielien en woar ziene man de ganse tied de baas! Neet lang noa de rös goof Michel eene klasse assist op Noudje dea neet lang fakkelde en de 0-2 drin prikde! Hoppaaa! (Lekker pötje man!) Af en toe koam DFC droet en ze losde waarempel eene sjeut. De bal koam taege de henjt van de spits van DFC, de bal verangerde van richting en Baron sting op t verkeerde bein. De sjeids vong dat de erm langs t lichaam bleef en dat d r gein veurdeil (?) Oet veurt koam en telde de goal, 1-2 manmanman Toch deeg t de Zoepnaaze/Godenzoon Combinatie niks! Vlak de noa de 1-2 woort Noudje van oet midde ingespeeld, hea drejde zich vrie en maakde koelbloedig de 1-3! BAMMM en door! Noe hejje ver dus wénjt mit en DFC hej een get kleiner keeperke in de kis gezat. Dat betekeinde dus. Sjeete vanouet de 2 e lien! Michel kreeg de bal boete de 16, Johnny reep Sjeet mafklapper Michel dach deze kjear es neet lang noa en drejde de bal van 23,3 maeter vanaaf de linkerflank mit een sjwoan krul rechts in t kruus! BOEWJAAAHHH 1-4! Sjwoan geulke Michel! Ivo vong t vandaag gezellig op t veld en hea sjoof geregeld mit in, ver hejje ech super väöl ruimte op t middeveld. Toen dach de man van 60, ich sjeet maar es van 34,9 meater. De bal belande in een streep vol in t netje, sjus onger de lat! BUTSSS, 1-5! Eene Premier League wedstrijd woar d r ech niks bie vandaag! DFC koam d r sporadisch doorheen, zwoa zeldzaam zelfs dat Jesse zich versjrok toen dat gebeurde hea knalde de spits ff mit 2 henj euvehaup. in de 16 zoag r doanoa! Penalty! Hea probeerde zich nog droet de lulle, maar koos zelf ziene lach neet inhoute. 2-5 Mer t woar nog neet gedoan, Doekie woar sjus op linkshauf drin gekome, bie zien eerste actie goof r al metein een veurzat de Noudje en dea hej r eigelijk motte maake. Toen hea de 2 e keer door koam op links goof r de bal van links mit eene crsspass op de op rechs opstormende Danny. Dea kreeg de bal op de 16 en goof de bal metein noa t midde op de vrielaupende Noud, de jong sting mega-op-sjerrep en maakde de (Engelshje) hattrick kompleet, hea heel de bal nog ff aan en HOPPAAAAA 2-6. Boete de 2 veurzette raakde Doekie doanoa geine bal mjea fatsoendelijk (lol). Noudje kreeg nog de kans op ziene veerde maar de bal kletsde via de lat, teage de poal droet. Jenki maakde nog de actie van t joar door 21 man oet te kappe in de 16! Allein toen r ziene (iets te zachte) sjeut losde, heel de keeper de bal mit een Casillias-achtige redding mit de tup droet. In de teage

13 aanval wis DFC nog de 3-6 te make, al rook dit erg noa boetesjpel. Maarjaaaa boejeee! 3 dik verdeende punte in The Pocket en plaats 7 veilig gesteld! Ich, es interim-coach/vlagger/linkshauf woar dik tevreeje vandaag! Dat ger t maar effe wet!! HEERLIJK pötje jonges! Volgende weak de letste wedstrijd van t seizoen toes teage Neerbaek. Oet goove ver in de letste minuut de euverwinning oet henj en woort t 3-3. Ver goan dus nog eine kjear veur de 3 points! Tot volgende weaaaaaak! Forza t 4 e!!! Op noa versjlaag nummer twee. Take it away, Ralph: 't woar bes werrem toen ver begooste aan ozze letste wedstrijd van 't seizoen (GSV oet wurd neet mjea gesjpeeld, helaas) ipv hotstuff op de spiere woar 't vandaag zonnebrand op 't gezich. Lkkr, 30 grade, toes teage Neerbaek! Letste wedstrijd van keeper Baron dea noodgedwonge mot stoppe wegens studie en van Jesse, dea vertruk noa Geulsche Boys 1, joamer maar tis neet anges! Suc6 jonges. Opstelling: *kis: Baron *achter: Stan, Doekie, Jesse, Juppp *midde: Noudje, Dasse, Marathon John, Patje * veur: Jenki en Andy * bank: Stan (JO17) Lars (JO17) en Mark H. * vlag: Mark J. (gebleseerd geraak op de trukwaeg van Urpop, door Police-Violence) * bidoncontrole: Bjorn a.k.a. "Bieke" 't woar erg werm, 't tempo loag get ljeager en de teagestenjer woar get beperkt... gelokkig maakde ver sjus noa de eerste drénk pauze een geulke. Corner van Jenki aan de 2e poal op 't köpke van Dasse dea vrie de 1-0 koos inköppe. NICE! 't woar erg werm, 't tempo loag get ljeager en de teagestenjer woar get beperkt... Vlak veur rös, kluts veur de 16 bie os, bal verkeerd geraak Sjit manne Niks aan 't handje, ff veur en noa de rös veel 'de jeugd' in op linksback en rechshauf. De jonges deege t good en moage van os dekker mitdoon offcourse!...leidertje Habets verving Doekie 't woar erg werm, 't tempo loag get ljeager en de teagestenjer woar get beperkt...en sjus veur drénkpauze 2 drejde Dasse zich mit een kap-en-drej actie sjwoan vrie in de 16, de 'ietwat beperkte' verdediger mjeajde em om ennn... pingel! Benut door Jenki 1-2! Klatsss

14 't woar erg werm, 't tempo loag get ljeager en de teagestenjer woar get beperkt... en eene kluts veur os geulke zörgde veur de 2-2, doanoa kreeg Neerbaek nog een kenske veur oape goal maar de 'ietwat beperke' spits sjoot em euver de manage heen... de bal zeen ze nog ummer aan t zeuke 't woar erg werm, 't tempo loag get ljeager en de teagestenjer woar get beperkt...en ozze Belshj woar op sjnelheid toen de bal in de 16 terech koam. D r hing links en rechs een verdediger aan em, de keeper wou em omsjtampe, maar Andy denderde gewoon door de goal in... mit bal en al 2-3 (veur de luuj die Andy neet kenne, qua omvang is t sjus de Belsje Silvester Stallone) LKKR!! 't woar erg werm, 't tempo loag get ljeager en de teagestenjer woar get beperkt...en Noudje speelde een stök minder good es veurige waek... de vrouw woar veurig weekend een weekendje weg dus toen woar r sjerrep... Noe hej r de ganse waek op de kis gehouwe en woar de sjerpte weg. Toch maakde hea een braggel geulke, 4-2! BENGGG! Letste 3 punte in the pocket! Netjes jonges! Sjus wie de letste training bie inie-mini s hejje ver breudjes knakwooshj en die zeen net zo populair bie os 4e! (100 knaks en 50 breudjes d r doorheen gedrejd!) Os beste seizoen sinds joare, 7e plaats en in mjea wedstrijde punte gepak dan loate ligge. Allein nog ff bbq-en zoepe es oetsjtepke en dan zit t weer drop, tot volgend seizoen

15 Van ut veerde goan veer door noa os eesjte elftal. Dat haet twee waeke geleje heure letste competitiewedsjtried gesjpeeld taege GSV. Dae wedsjtried sjting niks meer op ut sjpel maar Randy Wanten houw genog dinger te melje om toch nog unne keer de pen op te pakke: Op zondig sting veur de ster 1 de litste reguliere competitiewedstrijd op t programma teage buurman GSV oet Genhout. Bie aankomst woar de sfeer op het complex feestelijk, want het 2e elftal van GSV woar zojuist kampioen gewoore. De feest- en frietentent stinge al kloar, maar de ster mosj zich concentreere, want d r mosj nog gewoon eine wedstrijd gespeeld weare. De ster speelde enigszins in ein aangepaste opstelling, omdat d r al toegewerkt wurd noa de noacompetitiewedstrijden. Jonges die op sjerp stinge qua geale kaarten zoate op de bank, of woorte gewisseld. De opstelling woar doadoor als volgt: in de kis Ruud. Achterin v.l.n.r.; Sjoerd, Stan, Davy en Dani. Op t middeveld stinge Mike, Bob en Giel op de 10. Veurin stinge Randy, Guillermo en Boyd. De Ster begosj neet good aan de wedstrijd. GSV kosj telkens gemekkelijk opboewe, zonder dat de ster ze onder druk kosj zitte. Al vrie sjnel (noa 3 minuute gluif ich!!) kwoam de ster op achterstand. De linksback van GSV pikte de bal op boete de 16 meater en sjoot wie ein blindj peard de bal op goal... vol het kruus in de korte hook in. Oet het wedstrijdversjlaag van GSV bleek dat dea linksback deze goals 1x per seizoen maakt, en noe dus juist teage os. De ster sting dus 1-0 achter. Neet veul later brook GSV weer door de verdediging van de ster heen en kosj de aanvaller van Genhout 1-op-1 mit Ruud komme. Ruud wist godzijdank de bal te stoppe, woodoor de stand 1-0 bleef. Aan de andere kant woare d r get kleine kansen veur de aanvallers van de ster. De biste kans woar nog vlak veur rust. Mike Haberland nom eine vrieje trap dea door Randy in de korte hook getikt woort, maar helaas sting de poal in de waeg. Bie rust woar de stand dan auch nog altied 1-0. Noa rust kwoam de ster in ein ietwat aangepaste opstelling het veld op. Bob woar gewisseld (sting auch op sjerp) en Stan sjoof noa het middeveld. Invaller Steffan versterkte de centrale verdediging. Helaas woar het vrie snel weer pries veur GSV. Eine geniepige staekbal tussje de verdedigers van de ster door zurgde d r veur dat de aanvaller van genhout vrie kosj doorlaupe op Ruud en de bal in de goal kosj wirreke veur GSV. Vanaaf dit moment woar het de ster die meer grip op de wedstrijd kreeg. Mede doordat de ster ein stuk frisjer op conditioneel vlak veur de daag kwoam. In de 60e minuut woort ein aafstandssjot van Randy schitterend oet de kruusing gehoald door

16 de GSV keeper. Maar neet veul later woar de aansjluutingstreffer toch ein feit. Randy ging ein kopduel mit de twee centrale verdedigers van Genhout aan, die zich onderling in de waeg leepe. Randy kosj de bal oppikke en allein op goal aafrenne. Mit eine lob euver de keeper woort de 2-1 gescoord! De ster ging vervolgens nog noadrukkelijker op zeuk noa de geliekmaaker. Het doerde oeteindelijk tot vlak veur tied veurdat die goal veel. Guillermo wis op snelheid de achterlien te hoale en lag de bal truk op Giel. Dea kosj de bal eenvoudig binne sjuuve: 2-2! De ster kreeg nog ein gooje kans noa eine veurzet van Randy, maar Guillermo kosj doa net neet bie komme. De dienstdoende sjeids vongj het noa precies 90 minuute waal good gewaes en floot zonger blessuretied aaf. Eindstand 2-2. Dan euver noa de randzaake (die enigszins homofoob zeen, maar dat is ech neet verkeerd bedoeld want veer zeen super tolerant noa de Lhbt-gemeinsjap) Bastiaan hei ein foto op social media gezat woo hea te zeen woar in ein beutje in de amsterdamse grachten. Die foto woort opgepik door spelers van de ster 1 en Bastiaan woort d r fijntjes op geweeze dat hae eine dikke moand te vreug is veur de gay-pride. Want dea vungt pas op 3 augustus plaats. Toen Bastiaan die opmerkingen pareerde door te zigge dat het ein cadeau betrof van ziene directeur, woort de (te verwachten natuurlijk) vroag gestild of dea auch gay is.

17 Dan euver noa cultheld Steffan Laumen. Dea hei veuraafgoand aan de wedstrijd teage GSV gezag dat die kampioensjoal van Genhout 2 straks mit heum mit noa hoes zou goan. D r woort get lacherig gereageerd door de meiste jongens van 1, maar Steffan bliekt eine man van zien woort te zeen. Nog gein 5 minuute noa de wedstrijd hei Steffan de kampioensjoal weite te bemachtigen! Esse de kampioensjoal van de concurrent oet de buurgemeinte wits te klauwen, bisse ech eine goeie! Want derby s blieve derby s. Klasse! En doamit sjlote ozze mannen van 1 de competitie aaf op un prima derde plaatsj en mochten ze aafgeloupe weekend aantraeje in de naocompetie veur promotie noa de eesjte klasse. Taegesjtenjer woar Bekkerveld, dat voch om liefsbehoud. Ozze mannen leverden un topprestatie en woare de ganse wedsjtried heer en meister zonger un kans weg te gaeve. Euver dae wedsjtried gein versjlaag. Maar op de website van de club sjteit un prima oetgebreid versjlaag van dees topprestatie van de mannen van 1. Kommende zondig sjteit de volgende noacompetitie-runj op ut programma. Un treffen mit ouwe bekende Sportclub 25. Wurt tied dat die mannen ens unne keer bie de sjtroat waere gegrepe en oet de waeg gesjmete waere. Gaef gaas mannen!!!! Zo, en dan rest os nog maar 1 ploug om te besjpraeke en dat zeen ozze veteranen. Twee waeke geleje moosjten de vets hunne letste thoeswedsjtried van ut sezoen sjpele taege Geulsche Boys. Die mannen houwe veur aanvang un probleem omdat ze geine keeper houwe. Ze nome dan auch contact op mit Willem Thewissen om te melje dat ze sjlechs 1 oplossing houwe. Dat appverkeer ging ongeveer zo:

18 Leider Geulle: Willem, veer hubbe un probleem. Voetballe wurt lestig. Willem: Kom op, geer mot geweun komme. Veer hubbe zoervleisj geregeld noa aafloup. Leider Geulle: Maar veer hubbe un groot probleem. De einige keeper dae veer kenne regele is unne jong van 16 joar. Willem: Witse wat pas un éch probleem is? Unne sjpits van 71 joar, zo wie veer hubbe En dus kome de mannen van Geulsche Boys geweun lekker voetballe. In ut kleidlokaal veur de wedsjtried houw Misha un verrassing veur Mat, dae al moanje verteld dat hae un sjtuk grondj in Italie haet gekoch. Misha: Jonges, Ruud van Didden is aafgeloupe waek in Italie gewaes om te controlere wat d r woar is van die verhoale van Matje mit ziene wiengaard. Mat: Ut zeen olieve jonges. Maar gangk door Misha. Misha: Ruud haet dae wiengaard gevonje en haet speciaal veur Matje twee geweldige wiene oet dae eige wiengaard mitgenomme veur dich Mat: Mat woar erg enthousiast euver dit cadeau en houw geliek nuujts. Mat: Jonges kommend sezoen komp geer allemoal langs en dan regel ich unne wedsjtried. Leon: Taege un Italiaans veteranenteam, Mat? Mat: Kump goud. Regel ich. Willem: Zou sjiek zeen Matje. Taege Vialli enzo voetballe. Vervolges koom aan de orde dat Rudy neit aanwezig woar. Willem: Wat unne flauwekul. Ruud is neit d rbie omdat Christel de erm in de plak haet. Ron: Haet r noe zelf motte wikse? Leon: Zou ut dan toch woar zeen dat Christel thoes sjlaeg krig van Rudy? Ron: Dat mot waal. Angesj blifse toch neit bie zonne kael

19 Willem Thewissen kondigde aan dat hae is begoosj aan ut sjrieve van un ode aan Will Leurs. Willem: Maar dat sjut nog neit op. Ben al un paar keer gesjtart maar ich krieg ut neit veur elkaar om drie positieve zinne achterein te sjrieve euver Will. Vervolges probeerden diverse veteranen Stef nog get te prikkele door toesjpelinge te make op zien zuster Mandy. Stef: Jonges sjei oet. Mandy haet mich gezag dat ze mit geine veteraan seks haet gehad. Dus ich denk dat ze op jongere vilt. Ron: Of op sjlechte voetballers. Ut woort unne dramatisch sjlechte wedsjtried van de Sjter veteranen. Veur de rust ging ut nog enigszins (1-1 bie rust; doelpunt Denny Vorstermans). Maar noadat Stef, dae al in enigszins besjonke toesjtandj versjeen, woar gewisseld in de rust woar ut gaar niks meer. Dankzij un goal van Bart Pantus wisten de vets de sjade te beperken tot un 2-3 nederlaag. Dit ondanks de oetmuntende invalbeurt van Robbie van der Linden. Ut zjwake sjpel sjloog auch euver op grensrechter Willy Worms. Zelfs deze fienbesjnoarde en mit zoetgevooisde sjtum gezaegende, eerlijkste grensrechter van West Europa, raakte geïrriteerd. Dat begoosj al veur de rust wie sjeidsrechter Kraus zien vlag negeerde omdat de boetesjpel sjtoande sjpeler de bal neit kreeg. Dat leidde tot un korte discussie. Willy: BOETESJPEL!!!! Robert: De man dae boetesjpel sjting, kreeg de bal gaar neit. Willy: WATTUH? Robert: Dae kreeg de bal neit. Willy: UT WOAR BOETSJPEL SJLUMME! En noa de rust woare de rapen helemoal gaar wie ut fluitsignaal net get te lang doerde noa un vlagsignaal van Willy. De vlag vloog door de loch, d r woort get gegodverd, Geulle goof zelf aan dat ut boetesjpel woar, Robert floot, en Willy pakte de vlag waer op. Heerlijk! Noa aafloup in de kantine sjmaakte ut zoervleisj van Ans goud en woort d r ondanks de nederlaag nog gezellig noagekald. Onger angere euver Stef dae kwoad woar euver ziene wissel. Piele: Zou Stef ech kwoad zeen? Eddy: Bie Resi is r auch ummer kwoad es r d r oet mot. Piele: Joa dae zaet r auch: ich kóm neit meer! En auch euver de opmerkelijke invalbeurt van Robbie van der Linden woort nog effe gekald. Ron: Ich hub waal un oplossing. Ze motte un alcoholsjloat op zien voetbaltesj zette. Denny: Dan kump r in ut vervolg mit de sjoon in de jumbo-tesj voetballe.

20 Doamit houwe de vets weliswoar hunne letste wedsjtried van ut sezoen gesjpeeld maar toch sjting d r nog un activiteit op ut programma. Aafgeloupe weekend moosj immers nog ut veteranen toernooi van IVS waere aafgewirk. Un toernooi dat de letste drie sezoene twee keer woar gewonne en veurig sezoen in de finale woar verloare mit penanties van un team mit allein maar twintigers. De selectie veur dit toernooi woar geboewd rondjom vedette Will Leurs. D r woar echter 1 probleem.. Will woar op Hemelvaartsdaag noa Urpop gegange, houw zich get pinten gepak, woar rechopsjtoand in sjloap gevalle (zie foto hie onger) wodoor hae neit op tied noa hoes houw kenne komme. Leifhubbende echtgenote Mia uitte via facebook unne oetermate zurgzame noodkreet, wobie ze en passant un innovatieve nuuje sjpelling van un woord introduceerde: Omdat Will op zoaterdigmiddig waarsjienlijk nog ummer op ut Urpop-terrein sjting moosjten de vets ut zonger hun vedette doon op ut toernooi. Of zou hae geweun get quality time mit zien Mie aan ut sjpendere zeen gewaes? De vets wolle ut toernooi per se winne en dus woort in Berg besjproake wie dit probleem getackeld moosj waere. Willem: Zal ich nog effe langs ut Urpop-terrein rieje? Piele: Veer kenne Mia auch effe un berichske sjikke via facebook. Ron: Joa dan sjrieve veer: Mia, mag Will komen voetballen vandaag? Zonger Will, maar mit hulp van de brouer van de sjriever van dit sjtuk, wirkten de vets toch hun wedsjtrieje aaf. En zeer succesvol nog waal want alle 5 woorte ze gewonne. En dus moch noa

21 aafloup Stefs zoon Rep de baeker ophoale, terwiel de voetballers zich te goud deige aan de heerlijke Bergse goulash: Euveriges woar daezelfde Rep auch ut kleidlokaal komme binnewanjele wie de vets net onger de douche oetkome. Ron sjprook de jong aan. Ron: Jong, zegk vanoavend maar taege de mam dat ich d r goud oetzeen naaksj. Rep begint in de tesj van de pap te zuike noa de tillefoon. Ron: Wach effe jong. Esse un foto geis make, mot ich m eesj effe op lengte trekke. Noa ut douchen sjtinge de vets boete taege un muurke unne pinte te drinke onger de brennende zon. Piele houw zien shirt oet vanwaege de hitte. Willem: Piele, beteikene die tattoo s auch get? Piele: Nae, niks speciaals. Willem: Doa sjtoan toch waal letters? Wat sjteit doa? Stef: Doa sjteit ich hun un dikke pens in ut Keltisch. Noa ut aete bleve de vets nog unne tied zitte in de kantine in Berg. Op enig moment koom Resi binnewanjele. Die kuste Stef en dat goof natuurlijk commentaar. Ron: Hei, en de res dan? Resi: Sjei oet, ich ben gans bezjweit. Willem: Ron, liek dich dat auch zo lekker om te lèkke, zo n zoute poes? En mit die poëtische zin wol ich dit veteranen-sezoen maar besjleite. En dat bringk os dan bie de aafsjleiter van dit letste versjlaag van dit sezoen. Unne aafsjleiter wo in ich gaer twee personen wul belichten aan de handj van twee foto s.

22 Te beginne mit Marianne. Die zou un paar sezoene geleje sjtoppe maar is gelukkig nog ummer heel, heel, heel deks te vinje achter de bar en in de keuken op os sjportcomplex. En doanaeve deit ze auch nog jeder waek troew de wesj van alle wedsjtriedtenues van de seniorenteams. En dat deit Marian op zondig en moandig. Wie ich dat weit? Ich hub ut dit joar unne keer gepresteerd om de tenues van de vets pas op moandigoavend aaf te gaeve. En doa woar Marianne (terech) neit te sjpraeke euver gewaes. Ze houw Willem Thewissen gevroag wae veur dae misser verantwoordelijk woar. Dae zoog ut vuur in de auge van Marianne en zei allein maar: dat woar dae jong mit dae bril.. En dus haet deze jong mit de bril aafgeloupe zoaterdigoavend maar netjes unne poes bloume bie de wedsjtriedtenues gedoan, mit un breifke van de jong mit de bril. Gelukkig woar Robert zondig aanwezig om Marianne te fotografere wie ze de bloume vonj. Marianne, bedank veur alles watse veur de vereiniging en veur de seniorenteams in ut bezunjer deis. Doe bes onbetaalbaar en veer hoape allemoal datse ut nog heel, heel lang mit veul plezier blifs doon! Op de tweede foto sjteit unne echte clubman. Jeugdleider, elftalleider bie ut eesjte, voetbalvader, supporter en boavenal man mit ut hart op de goei plaatsj. Bie de euverwinning van os eesjte elftal op Bekkerveld woort ongersjtoande fantastische foto van Frans gesjoate. Loate veer hoape dat veer Frans nog 2x zo kenne zeen langs de lien. Dan hubbe veer euver un paar waek nog un sjiek promotie-feeske te viere! Pes volgend sezoen! Rob Sjulpe