VERKLARING VAN VERANTWOORDELIKHEID DEUR DIE DIREKSIE VIR DIE JAAR GEËINDIG 31 MAART 2013

Transcriptie

1 VERKLARING VAN VERANTWOORDELIKHEID DEUR DIE DIREKSIE Die finansiële jaarstate van die groep en die maatskappy is die verantwoordelikheid van die direkteure van Naspers Beperk. In die nakoming van hierdie verantwoordelikheid steun hulle op die bestuur van die groep om die finansiële jaarstate op bladsye 4 tot 109 in ooreenstemming met Internasionale Finansiële Verslagdoeningstandaarde (IFRS) en die Suid-Afrikaanse Maatskappywet Nr 71 van 2008, voor te berei. As sodanig sluit die finansiële jaarstate bedrae in wat op beoordelings berus, asook ramings wat deur bestuur gemaak is. Die inligting word volledig en op n verantwoordelike wyse weergegee. Die direkteure aanvaar verantwoordelikheid vir die voorbereiding, integriteit en die billike aanbieding van die finansiële jaarstate, en oordeel dat die stelsels en interne finansiële beheermaatreëls wat deur bestuur ingestel is, doeltreffend is. Op grond van ramings en beskikbare kontantbronne het die direkteure geen rede om te glo dat die maatskappy en die groep binne die afsienbare toekoms nie n lopende saak sal wees nie. Die lewensvatbaarheid van die groep en die maatskappy word deur die finansiële jaarstate ondersteun. Die finansiële jaarstate is onder toesig van die finansiële direkteur, Steve Pacak, GR(SA) opgestel. Die resultate is op 25 Junie 2013 bekend gemaak. Die finansiële jaarstate is deur die onafhanklike ouditeursfirma, PricewaterhouseCoopers Geïnk., geoudit, aan wie onbeperkte toegang tot alle finansiële rekords en verwante data, insluitende notules van alle vergaderings van aandeelhouers, die direksie en komitees van die direksie, verleen is. Die direkteure is van mening dat alle bestuursverklarings wat tydens dié oudit aan die onafhanklike ouditeur gerig is, geldig en toepaslik was. PricewaterhouseCoopers Geïnk. se ouditverslag verskyn op bladsy 8. Die finansiële jaarstate is op 21 Junie 2013 deur die direksie goedgekeur en namens hulle onderteken deur: T Vosloo Voorsitter J P Bekker Uitvoerende hoof VERKLARING DEUR DIE MAATSKAPPYSEKRETARIS Ingevolge artikel 88(2)(e) van die Maatskappywet Nr 71 van 2008, bevestig ek, Gillian Kisbey-Green, maatskappysekretaris van Naspers Beperk, dat, vir die jaar geëindig 31 Maart 2013, die maatskappy alle opgawes wat van n publieke maatskappy vereis word, by die Registrateur van Maatskappye en die Intellektuele Eiendomskommissie ingedien het en dat sodanige verslae, na die beste van my kennis en wete, waar, korrek en bygewerk is. G Kisbey-Green Maatskappysekretaris 21 Junie

2 VERSLAG VAN DIE OUDITKOMITEE Die ouditkomitee dien hierdie verslag in, soos vereis deur artikel 94 van die Maatskappywet Nr 71 van 2008 ( die Wet ). VERANTWOORDELIKHEDE VAN DIE OUDITKOMITEE Die ouditkomitee het formele opdragte, soos deur die direksie aan hom opgedra, aanvaar as sy ouditkomitee-handves. Die ouditkomitee het soos volg die verantwoordelikhede ooreenkomstig sy handves uitgevoer en ingevolge die Wet nagekom: Die tussentydse en voorlopige finansiële state, die finansiële jaarstate en geïntegreerde jaarverslag is nagegaan, met n aanbeveling aan die direksie om hulle te aanvaar. Tydens sy oorsig het die komitee: - toepaslike stappe gedoen om te verseker dat die finansiële state ooreenkomstig Internasionale Finansiële Verslagdoening Standaarde (IFRS) en soos vereis deur die Wet opgestel is - interne finansiële beheermaatreëls oorweeg en, waar toepaslik, aanbevelings daaroor gemaak - kwelvrae of klagtes aangaande rekeningkundige beleid, interne oudit, die oudit of inhoud van finansiële jaarstate, en interne finansiële beheermaatreëls hanteer, en - regsake oorweeg wat n beduidende impak op die organisasie se finansiële state kan hê. Die eksterne ouditverslae oor die finansiële jaarstate is nagegaan. Die handves vir interne oudit, wat deur die direksie goedgekeur is, is nagegaan. Die interne ouditplan is nagegaan en goedgekeur. Interne oudit- en risikobestuursverslae is nagegaan en, waar toepaslik, is aanbevelings aan die direksie voorgelê. Die doeltreffendheid van risikobestuurs-, beheer- en bestuurstoesigprosesse is geëvalueer. Die onafhanklikheid van die eksterne ouditeur is geverifieer, PricewaterhouseCoopers Geïnk. is as die ouditeur vir 2013 genomineer en die aanstelling van mnr Anton Wentzel as die aangewese ouditeur is aangeteken. Die ouditgelde en diensvoorwaardes van die eksterne ouditeur is goedgekeur. Die aard en omvang van toelaatbare nie-ouditdienste is bepaal en kontrakvoorwaardes vir die voorsiening van nie-ouditdienste deur die eksterne ouditeur is goedgekeur. LEDE VAN DIE OUDITKOMITEE EN BYWONING VAN VERGADERINGS Die ouditkomitee bestaan uit die onafhanklike nie-uitvoerende direkteure hieronder genoem en vergader minstens drie maal per jaar ooreenkomstig die handves van die ouditkomitee. Al die lede tree onafhanklik op soos beskryf in artikel 94 van die Wet. Vier vergaderings is gedurende die oorsigjaar gehou, die besonderhede van bywoning verskyn op bladsy 7. Naam van komiteelid J J M van Zyl R C C Jafta (1) F-A du Plessis B J van der Ross Kwalifikasies PrIng en BScIng(Meganies) (UK) MEcon en PhD BComHons(Belasting), LLB en GR(SA) Regsdiploma (UK) Aantekening (1) R C C Jafta het as lid van die ouditkomitee bedank op 22 Februarie Al die komiteelede, behalwe vir R C C Jafta, het die volle finansiële jaar op die komitee gedien. INTERNE OUDIT Die ouditkomitee hou toesig oor die groep se finansiële state en verslagdoeningsproses, insluitend die interne finansiële beheerstelsel. Die komitee is verantwoordelik om te verseker dat die groep se interne ouditfunksie onafhanklik is en die nodige hulpbronne, status en gesag in die organisasie het om sy pligte na te kom. Die komitee hou toesig oor samewerking tussen die interne en eksterne ouditeure, en dien as n skakel tussen die direksie en hierdie funksies. Die hoof van interne oudit rapporteer funksioneel aan die voorsitter van die komitee en administratief aan die finansiële direkteur. BYWONING In hul rol as ouditeure vir die groep, het die interne en eksterne ouditeure alle vergaderings van die ouditkomitee bygewoon en daarby verslag gedoen. Die groep se risikobestuursfunksie is ook verteenwoordig. Uitvoerende direkteure en betrokke senior bestuurders het vergaderings op uitnodiging bygewoon. VERTROULIKE VERGADERINGS Agendas van die ouditkomitee maak voorsiening vir vertroulike vergaderings tussen komiteelede en die interne en eksterne ouditeure. 2

3 VERSLAG VAN DIE OUDITKOMITEE (VERVOLG) ONAFHANKLIKHEID VAN DIE EKSTERNE OUDITEUR Gedurende die jaar het die ouditkomitee n voorlegging deur die eksterne ouditeur in oënskou geneem en, na sy eie evaluering, die onafhanklikheid van die ouditeur bevestig. KUNDIGHEID EN ERVARING VAN DIE FINANSIËLE DIREKTEUR EN DIE FINANSIËLE FUNKSIE Soos vereis deur JSE se noteringsvereiste 3.84(h), het die ouditkomitee hom vergewis dat die finansiële direkteur oor die toepaslike kundigheid en ervaring beskik. Voorts is die komitee van oordeel dat die samestelling, ervaring en vaardighede van die finansiële funksie aan die groep se vereistes voldoen. NAKOMING VAN VERANTWOORDELIKHEDE Die komitee het bepaal dat hy gedurende die finansiële oorsigjaar sy regs- en ander verantwoordelikhede nagekom het soos toegelig in sy mandaat, waarvan besonderhede op bladsy 118 van die geïntegreerde jaarverslag verskyn. Die direksie het saamgestem met hierdie evaluering. J J M van Zyl Voorsitter: Oudit- en risikobestuurskomitee 21 Junie

4 DIREKTEURSVERSLAG AAN AANDEELHOUERS AARD VAN SAKEBEDRYWIGHEDE Naspers Beperk is in 1915 ingevolge die wette van die Republiek van Suid-Afrika geïnkorporeer. Die hoofbedrywighede van Naspers en sy bedryfsfiliale, gesamentlike ondernemings en geassosieerde maatskappye (gesamentlik die groep ) is die bedryf van media- en internetplatforms. Ons hoofbedrywighede is in e-handel en ander internetdienste, betaaltelevisie dienste en drukmedia. Hierdie aktiwiteite word hoofsaaklik in Suid-Afrika, Afrika suid van die Sahara, China, Rusland, Middel- en Oos-Europa, Brasilië, die res van Latyns-Amerika, Indië, Suidoos-Asië en die Midde-Ooste bedryf. BEDRYFSOORSIG Die groep het die afgelope jaar goed presteer. Beleggers word daaraan herinner dat ons strategie is om die potensiaal van bestaande ondernemings te bou en terselfdertyd te belê om nuwe ondernemings oor die lang termyn uit te brei. Ons besef dat hierdie strategie op die kort termyn verdienste en kontantvloei sal demp. Teen hierdie agtergrond is dit verblydend dat ons gekonsolideerde omsetgroei van 27% beleef het, wat nou ongeveer R50mjd bedra. Die grootste bydrae tot hierdie groei kom van die internetsegment, met fris omsetgroei op feitlik al die groter platforms. Let egter daarop dat sekere internet-eenhede nie binnekort winsgewend sal wees nie. Ondanks groter ontwikkelingsbesteding het ons kernwesensverdienste per N-gewone aandeel met 20% tot R22,16 gestyg. Hierdie groei is egter beϊnvloed deur die valuta-omrekeningseffek, aangesien die randwisselkoers oor die tydperk verswak het. Hierdie resultate word ondersteun deur n gediversifiseerde portefeulje, n redelik globale teenwoordigheid en die verspreiding van risiko. n Mylpaal is vanjaar bereik toe bestuurde omset van ons internet-eenhede, wat ons aandeel in geassosieerde maatskappye insluit, dié van betaaltelevisie oortref het. Vooruitskouend beoog ons om e-handelsondernemings in ontluikende markte uit te brei en ons betaaltelevisie-intekenaarbasis op die Afrikavasteland te vergroot. Gebruikers toon n beduidende verskuiwing van persoonlike rekenaars na mobiele toestelle soos slimfone en tablette. Hierdie tendensie ontwrig bestaande sakemodelle, maar skep terselfdertyd nuwe geleenthede. FINANSIËLE OORSIG Gekonsolideerde omset het met 27% tot R50,2mjd gestyg. Groei kom uit sowel organiese uitbreiding van bestaande ondernemings as verkrygings. Dis verder kunsmatig gelig deur die depresiasie van die rand (met n positiewe uitwerking op die omrekening van ons buitelandse omset in rand). Ontwikkelingsbesteding het tot R4,3mjd (2012: R2,8mjd) versnel en is hoofsaaklik toegespits op die uitbreiding van ons e-handelsondernemings en die ontplooiing van betaaltelevisiedienste in Afrika. Aangesien dié ontwikkelingsbesteding deur die inkomstestaat vloei, was ons gekonsolideerde handelswins vir die jaar onveranderd op R5,7mjd. Netto rentekoste op lenings het R630m bedra (2012: R517m) grotendeels om verkrygings te befonds. Ons ekwiteitsverantwoorde geassosieerde maatskappye, Tencent en Mail.ru, het albei positiewe groei aangeteken en R7,3mjd tot kernwesensverdienste bygedra. Ons het n boekwins van R2,6mjd aangeteken uit Mail.ru se verkoop van aandele in Facebook. Hierdie wins is nie by kernwesensverdienste ingesluit nie, en is eenmalig van aard Die waardedaling van ekwiteitsverantwoorde beleggings bedra R2,1mjd en hou hoofsaaklik verband met ons drukmediabelegging in Abril. Die drukmediabedryf kry die wind van voor met sowel n makro-ekonomiese afswaai in Brasilië, as groter mededinging van aanlynmedia. Hoewel kostebesparingsinisiatiewe ingestel is, reken ons dis wys om hierdie waardedaling te boek te stel. Die netto uitwerking van bogenoemde is dat kernwesensverdienste met 20% tot R22,16 per N-gewone aandeel gestyg het. Vrye kontantvloei vir die tydperk was R3,5mjd, effens laer as verlede jaar, as gevolg van die hoër kapitaalbesteding. Die hefboomverhouding op ons gekonsolideerde balansstaat is slegs 12%. Dit sluit transpondeerderbruikhuur- en nie-rentedraende verpligtings uit. 4

5 DIREKTEURSVERSLAG AAN AANDEELHOUERS (VERVOLG) SEGMENTELE OORSIG Hierdie segmentele oorsig sluit ons gekonsolideerde filiale en n proporsionele konsolidasie van geassosieerde maatskappye in. Verwys na aantekening 36 vir ons segmentele verslagdoening. Internet Die internetsegment se totale bestuurde omset het met 80% tot R34,6mjd gestyg. Handelswins lê 44% hoër op R6,2mjd. Tencent groei in n hoogs mededingende omgewing. Die getal internetgebruikers in China het tot einde 2012 met sowat 12% gegroei tot 564m. Tencent se kernbedryfsplatforms het goed gevaar: die QQ-kitsboodskapplatform het 173m gelyktydige spitstydgebruikers bereik, terwyl die aanlynspeletjiesonderneming presteer het. Weixin/WeChat, n kommunikasiediens vir slimfone, het n markposisie in China gevestig en brei internasionaal uit. Tencent bou voort op sy jong e-handelsondernemings en het groei in beide transaksievolume en omset behaal. Mail.ru het n goeie jaar beleef, met omsetgroei van 40% in die plaaslike geldeenheid. Die Russiese internetmark spog met 64m gebruikers. Mail.ru het sy kernprodukte op rekenaar- en mobiele mediaplatforms geïntegreer en opgradeer, sowel aanlynspeletjies as waardetoegevoegde dienste het gegroei. e-handel ons glo aanlyn-inkopies word nou wêreldwyd n sterk neiging onder verbruikers en verwag dat bekostigbare tablette en slimfone die gebruik van hierdie dienste orals momentum sal gee. Ons e-handelsomset het verdubbel tot R11,4mjd weens n kombinasie van organiese groei en n paar verkrygings. Ons produkreeks is verbreed, met klem op veral e-kleinhandel en aanlyn- geklassifiseerde advertensies. Aangesien ons in die boufase is, maak hierdie segment tans n verlies en verwag ons dat dit nog n hele paar jaar lank nie n netto wins sal toon nie. Betaaltelevisie Hierdie segment se omset staan 20% hoër op R30,3mjd. Groei was hoofsaaklik afkomstig van n toename van 1,1m in die netto intekenaarbasis, wat nou 6,7m huishoudings in 48 Afrika-lande bereik. Handelswins het met 18% tot R7,6mjd gestyg, ondanks die groter ontwikkelingsbesteding aan infrastruktuur. Ons belê ook al hoe meer in plaaslike produksies. Tans lewer ons plaaslike programinhoud van meer as uur per jaar in Suid-Afrika, Nigerië en Kenia. Sewe plaaslike vermaaklikheidskanale is vanjaar geloods. Die Africa Magic-portefeulje van kanale is bekend gestel, twee plaaslike gemeenskapskanale is bygevoeg, en die M-Net fliekgenre-kanale is in Suid-Afrika geloods. Nog ses hoëdefinisie-kanale is bygevoeg. SuperSport is by verre die grootste befondser van sport op die Afrika-vasteland, ons dra veel meer geld tot plaaslike sportliggame by as enige regering. Meer bekostigbare digitale terrestriële televisie-dienste is onder die GOtv-vaandel geloods. Dit bereik nou in agt Afrika-lande altesaam huishoudings. Drukmedia Dit was wêreldwyd n moeilike jaar vir drukmedia. Omset was veral flou omdat adverteerders steeds óf hul besteding op die internet toespits, óf begrotings inkort. In Suid-Afrika was Media24 se handelswins bestendig danksy kostebesnoeiings. In Brasilië het Abril se winsgewendheid egter gedaal. Kostebesnoeiings word nou daar ingestel. AANDELEKAPITAAL Die gemagtigde aandelekapitaal op 31 Maart 2013 bestaan uit: A- gewone aandele van R20 elk; N- gewone aandele van 2 sent elk. Naspers het geen nuwe A- gewone aandele gedurende die finansiële jaar uitgereik nie. Die groep het gedurende die huidige finansiële jaar N- gewone aandele aan die Naspers-aandele-aansporingstrust uitgereik, asook N- gewone aandele aan verskeie MIHaandele-aansporingstrusts en groep maatskappye. Die uitgereikte aandelekapitaal op 31 Maart 2013 was soos volg: A- gewone aandele van R20 elk R N- gewone aandele van 2 sent elk R

6 DIREKTEURSVERSLAG AAN AANDEELHOUERS (VERVOLG) EIENDOM, AANLEG EN TOERUSTING Die groep se belegging in eiendom, aanleg en toerusting het op 31 Maart 2013 R13,8mjd bedra vergeleke met R8,9mjd in die vorige jaar. Besonderhede word in aantekening 4 van die gekonsolideerde finansiële jaarstate weergegee. Kapitaalverpligtinge op 31 Maart 2013 het R1,1mjd beloop (2012: R298,9m). DIVIDENDE Die direksie beveel aan dat n dividend van 385 sent per N- gewone aandeel (2012: 335 sent) en 77 sent per A- gewone aandeel (2012: 67 sent) verklaar word. GROEP Naspers Beperk is nie n filiaal van enige ander maatskappy nie. Die naam, land van inkorporasie en effektiewe finansiële persentasiebelang van die beheermaatskappy in elk van die Naspers-groep se hooffiliale word in aantekening 7 tot die gekonsolideerde finansiële jaarstate weergegee. Besonderhede van die groep se wesenlike verkrygings en vervreemdings gedurende die jaar word in aantekening 3 by die gekonsolideerde finansiële jaarstate weergegee. DIREKTEURE, MAATSKAPPYSEKRETARIS EN OUDITEUR Die name van die direkteure en hul besonderhede verskyn in die onderstaande tabel en die naam, posadres en sake-adres van die maatskappysekretaris verskyn op bladsy 110 van hierdie verslag. Besonderhede met betrekking tot die direkteure se aandeelhoudings in die uitgereikte aandelekapitaal van die maatskappy word in aantekening 13 by die gekonsolideerde finansiële jaarstate geopenbaar. Direkteure en bywoning van vergaderings: Vyf direkteursvergaderings is Eerste datum gedurende die aangestel in huidige posisie Laaste datum aangestel jaar gehou. Bywoning: Kategorie T Vosloo 6 Oktober Augustus Nie-uitvoerend J P Bekker 6 Oktober April Uitvoerend F-A du Plessis 23 Oktober Augustus Onafhanklik, nie-uitvoerend G J Gerwel (1) 12 Julie Augustus Onafhanklik, nie-uitvoerend R C C Jafta 23 Oktober Augustus Onafhanklik, nie-uitvoerend L N Jonker 7 Junie Augustus Onafhanklik, nie-uitvoerend D Meyer 25 November Augustus Onafhanklik, nie-uitvoerend S J Z Pacak 24 April April Uitvoerend T M F Phaswana 23 Oktober Augustus Onafhanklik, nie-uitvoerend L P Retief 1 September Augustus Nie-uitvoerend B J van der Ross 12 Februarie Augustus Onafhanklik, nie-uitvoerend N P van Heerden 7 Junie Augustus Onafhanklik, nie-uitvoerend J J M van Zyl 1 Januarie Augustus Onafhanklik, nie-uitvoerend H S S Willemse 30 Augustus Augustus Onafhanklik, nie-uitvoerend Aantekening (1) Oorlede 28 November

7 DIREKTEURSVERSLAG AAN AANDEELHOUERS (VERVOLG) DIREKTEURE, MAATSKAPPYSEKRETARIS EN OUDITEUR (VERVOLG) Komitees en bywoning van vergaderings: Uitvoerende komitee Ouditkomitee (3) Risikokomitee Mensehulpbronne en vergoedingskomitee (3) Nominasiekomitee (3) Maatskaplike en etiese komitee Twee vergaderings is gedurende die jaar gehou Kategorie Vier Vier Vyf Geen Vyf vergaderings is vergaderings is vergaderings is vergaderings is vergaderings is gedurende die jaar gedurende die gedurende die gedurende die gedurende die gehou jaar gehou jaar gehou jaar gehou jaar gehou nie Bywoning: Bywoning: Bywoning: Bywoning: Bywoning: T Vosloo Nie-uitvoerend F-A du Plessis 4 4 Onafhanklik, nie-uitvoerend G J Gerwel (1) Onafhanklik, nie-uitvoerend R C C Jafta (2) 4 4 n.v.t n.v.t Onafhanklik, nie-uitvoerend J J M van Zyl Onafhanklik, nie-uitvoerend B J van der Ross 4 4 Onafhanklik, nie-uitvoerend D Meyer 2 Onafhanklik, nie-uitvoerend J P Bekker 4 2 Uitvoerend S J Z Pacak 4 2 Uitvoerend F L N Letele 2 Nie-uitvoerend E Weideman 2 Nie-uitvoerend Aantekeninge (1) Oorlede 28 November 2012 (2) R C C Jafta het op 22 Februarie 2013 bedank as lid van die oudit- en risikokomitees en G J Gerwel vervang as hoof van die mensehulpbronne- en vergoedingskomitee. R C C Jafta het verder ook vir G J Gerwel vervang as lid van die nominasiekomitee. (3) Uitvoerende direkteure woon vergaderings op uitnodiging by. Lid van komitee. PricewaterhouseCoopers Geïnk. sal ingevolge artikel 90(6) van die Suid-Afrikaanse Maatskappywet van 2008 as ouditeur aanbly. LENINGS Die maatskappy se akte van oprigting plaas geen beperking op die leningsbevoegdheid van die maatskappy nie. Onderteken namens die direksie: T Vosloo Voorsitter J P Bekker Uitvoerende hoof 21 Junie

8 ONAFHANKLIKE OUDITEURSVERSLAG AAN DIE AANDEELHOUERS VAN NASPERS BEPERK Ons het die gekonsolideerde en afsonderlike finansiële state van Naspers Beperk, soos uiteengesit op bladsye 9 tot 109 geoudit. Hierdie finansiële state bestaan uit die state van finansiële posisie soos op 31 Maart 2013, en die inkomstestate, state van omvattende inkomste, state van veranderings in ekwiteit en state van kontantvloeie vir die jaar wat op daardie datum geëindig het, en die aantekeninge, wat bestaan uit n opsomming van beduidende rekeningkundige beleid en ander verduidelikende inligting. DIREKTEURE SE VERANTWOORDELIKHEID VIR DIE FINANSIËLE STATE Die maatskappy se direkteure is verantwoordelik vir die opstel en redelike voorstelling van hierdie gekonsolideerde en afsonderlike finansiële state ooreenkomstig International Financial Reporting Standards en die vereistes van die Maatskappywet van Suid-Afrika, en vir sodanige interne beheer as wat die direkteure nodig ag om die opstel van gekonsolideerde en afsonderlike finansiële state, wat vry is van wesenlike wanvoorstelling, hetsy weens bedrog of foute, in staat te stel. OUDITEUR SE VERANTWOORDELIKHEID Dit is ons verantwoordelikheid om op grond van ons oudit n mening oor hierdie gekonsolideerde en afsonderlike finansiële state uit te spreek. Ons het ons oudit ooreenkomstig International Standards on Auditing uitgevoer. Daardie standaarde vereis dat ons voldoen aan etiese vereistes en die oudit beplan en uitvoer om redelike gerusstelling te verkry of die gekonsolideerde en afsonderlike finansiële state vry is van wesenlike wanvoorstelling. n Oudit behels die uitvoer van prosedures om ouditbewyse te verkry oor die bedrae en openbaarmaking in die finansiële state. Die prosedures wat gekies word hang af van die ouditeur se oordeel, insluitend die beoordeling van die risiko s van wesenlike wanvoorstelling van die finansiële state, hetsy weens bedrog of foute. Tydens daardie risikobeoordeling oorweeg die ouditeur interne beheer relevant tot die entiteit se opstel en redelike voorstelling van die finansiële state, ten einde ouditprosedures te ontwerp wat in die omstandighede toepaslik is, maar nie met die doel om n mening uit te spreek oor die effektiwiteit van die entiteit se interne beheer nie. n Oudit sluit ook n evaluering van die toepaslikheid van rekeningkundige beleide wat gebruik is en die redelikheid van rekeningkundige ramings wat deur bestuur gemaak is in, asook n evaluering van die algehele voorstelling van die finansiële state. Ons glo dat die ouditbewyse wat ons verkry het, toereikend en toepaslik is om n grondslag vir ons ouditmening te bied. MENING Na ons mening is die gekonsolideerde en afsonderlike finansiële state, in alle wesenlike opsigte, n redelike voorstelling van die gekonsolideerde en afsonderlike finansiële stand van Naspers Beperk soos op 31 Maart 2013, en van die maatskappy se gekonsolideerde en afsonderlike finansiële prestasie en gekonsolideerde en afsonderlike kontantvloeie vir die jaar wat op daardie datum geëindig het, ooreenkomstig International Financial Reporting Standards en die vereistes van die Maatskappywet van Suid-Afrika. ANDER VERSLAE WAT DEUR DIE MAATSKAPPYWET VEREIS WORD As deel van ons oudit van die gekonsolideerde en afsonderlike finansiële state vir die jaar geëindig 31 Maart 2013 het ons die direkteursverslag, die verslag van die ouditkomitee en die sertifikaat van die maatskappysekretaris deurgelees om te bepaal of daar wesenlike teenstrydighede tussen hierdie verslae en die geouditeerde gekonsolideerde en afsonderlike finansiële state is. Hierdie verslae is die verantwoordelikheid van die verskeie opstellers daarvan. Gebaseer op die deurlees van hierdie verslae het ons nie wesenlike teenstrydighede tussen hierdie verslae en die geouditeerde gekonsolideerde en afsonderlike finansiële state geïdentifiseer nie. Ons het hierdie verslae egter nie geoudit nie en spreek dienooreenkomstig nie n mening oor hierdie verslae uit nie. PricewaterhouseCoopers Geïnk. Direkteur: A Wentzel Geregistreerde ouditeur Kaapstad, Suid-Afrika 21 Junie 2013 PricewaterhouseCoopers Geïnk., Waterhouse Place, Nr. 1, Century City 7441, Posbus 2799, Kaapstad 8000 T: +27 (21) , F: +27 (21) , Afrika-seniorvennoot: S P Kana Bestuurskomitee: H Boegman, T P Blandin de Chalain, B M Deegan, J G Louw, P J Mothibe, N V Mtetwa, T D Shango, S Subramoney, A R Tilakdari, F Tonelli Wes-Kaap streek Vennoot-in-beheer: D J Fölscher Die Maatskappy se besigheidsadres is te Eglinweg 2, Sunninghill, waar n lys van die direkteure se name ter insae is. Reg-nr. 1998/012055/21, BTW reg-nr